/1 Si Hiso-Kristo amo an sinaligan pagsogilon kon ono an tinood na gikan sa Dios; Siza an ona na nabohi gikan sa lobnganan; Siza amo an mohari sa bisan sin-o na hari dinhi sa kalibotan; Dazigon siza kay dako an kalooy niza dato; Siza an nagpaawas nan iza dogo dakan malibri kita sa ato mga saya. An Dios nan ona panagpakita dato, na naglaong: wayay kataposan an ako pagkayozag dimo ogsa tagpadazon ko an ako pagkamatinomanon dimo. Dako gazod an kalooy nan Dios sa tanan mga tawo dinhi sa kalibotan, kay taghatag niza an iza isa ra na bata, dakan an bisan sino na motoo diza dili madaya ngadto sa impirno; Basta kay hatagan siza hinoa nan kinabohi na wayay kataposan. Piro an Dios nagpakita nan iza kalooy dinhi dato gikan nan ini, bisan nan mga makasasaya pa kita si Kristo napatay pagsalinti dato. /2 Homan dili malalis na dako gazod an tagtago nan ato tagtoohan: An Dios nakit-an did-on sa lawas, nahimatod-an na matarong nan Ispirito, nakit-an nan mga anghil, tagwali sa mga kanasoran, tagtoohan dinhi sa kalibotan sanan nopanik ngadto sa langit.