/1 Ua faarahi ra te Atua i to 'na aroha ia tatou nei, i te mea te vai taata hara noa nei a tatou, i pohe ai te Mesia no tatou nei. Hou te oroa i te pasa ra i ite ai lesu e ua tae i to 'na hora e faarue mai ai oia i teie nei ao, a reva 'tu ai i te Metua ra, oia ra i aroha i tana taata i te ao nei, aroha noa 'tura oia ia ratou e tae noa 'tura i te hopea ra. E no o mai hoi ia lesu Mesia te ite parau mau ra, e te matahiapo mai te pohe maira, e te arii o te mau arii o te ao nei; Ei ia 'na, ei tei aroha mai ia tatou nei, e ua tama ia tatou i ta tatou hara i to 'na ihora toto. I aroha mai te Atua i to te ao, e ua tae roa i te horoa mai i ta 'na Tamaiti fanau tahi, ia ore ia pohe te faaroo ia 'na ra, ia roaa ra te ora mure ore. O tei ore i aroha ra, aore ia i ite i te Atua; e aroha hoi te Atua. Ua itea to te Atua aroha ia tatou nei, o te Atua i tono mai i ta 'na Tamaiti fanau tahi i te ao nei, ia ora tatou ia 'na.

/2 Tia mau atura tei parauhia mai e te Fatu i te vaha o te peropheta i taua mau mea atoa nei, a na o mai ai ra e, Inaha, e hapu te hoe paretenia, e e tamaiti ta 'na e fanau, e e topahia oia ia Emanuela; oia hoi Te Atua i o tatou nei, ia iritihia ra.