Ioane 1

1 Ivai na te Logo i te matamua ra, i te Atua ra hoi te Logo, e o te Atua hoi te Logo. 2 I te Atua ra hoi oia i te matamua ra. 3 Na 'na i hamani i te mau mea 'toa nei, aore roa e, e ere oia i te hoe mea i hamani hia. 4 Tei roto ia 'na te ora, e taua ora ra to te taata ïa maramarama. 5 I anaana mai na te maramarama i te pouri, aita râ te pouri i farii atu. 6 I tono hia mai te hoe taata mai o mai i te Atua ra, o Ioane te ioa. 7 I haere mai taua taata ra ei ite, e faa ite i taua maramarama ra, ia faaroo te taata 'toa ia 'na. 8 E ere ra oia iho i taua maramarama ra, i haere mai râ e faa ite i taua maramarama ra. 9 Oia te maramarama mau, o te haa maramarama mai i te taata 'toa i to 'na haerea mai i te ao nei. 10 I te ao nei oia, e na 'na i hamani i teie nei ao; e aitâ to te ao i ite atu ia 'na. 11 I haere mai nei oia i o 'na ihora, e aore to 'na ihora taata i ite atu ia 'na. 12 Te feia 'toa râ i ite atu ia 'na, i te faaroo raa i to 'na ra ioa, ho maira oia i te maitai ra ia ratou ei tamarii na te Atua. 13 Te feia e ere i to te toto i fanau ai ra, e ere hoi i to te hinaaro o te tino, e ere hoi i to te hinaaro o te taata, no te Atua râ. 14 I riro mai nei te Logo ei taata e ua puhapa mai i o tatou nei (e ua ite matou i to 'na hanahana, mai te hanahana e an i te Tamaiti fanau tahi a te Metua ra), ua î i te maitai e te parau mau. 15 No 'na ta Ioane i faa ite mai, ia 'na i pii ra, i te na o raa e, Oia teie ta 'u i parau ra e, 16 O te haere mai I muri iho ia 'u nei, ua riro îa i to 'na ra maitai, no to 'na ra î. 17 Na Mose hoi i tuu mai i te ture, area te maitai e te parau mau, na Iesu Mesia ïa. 18 Aore e taata i ite i te Atua; o te Tamaiti fanau tahi ra i nia i te ouma o te Metua ra, oia te faa ite mai ia 'na. 19 Teie ta Ioane parau, i te tono raa mai te Ati Iuda i te feia tahua e te mau Ati Levi mai Ierusalema mai e ui ia 'na e, O vai oe? 20 Ua fai atura oia, aore roa i huna, faa ite hua atura, E ere au i te Mesia, 21 Ua na o maira ratou ia 'na, O vai hoi? O Elia anei oe? Ua parau atura oia, E ere au. O taua peropheta ra anei oe? Ua parau atura oia, E ere ïa. 22 Ua parau maira ratou ia 'na, O vai hoi oe? ei parau raa 'tu na matou i te feia i tono mai ia matou nei: eaha ta oe parau ia oe iho? 23 Ua parau atura oia, O te reo vau o te hoe e pii haere i te medebara ra e, E faa titiaifaro i te ea o te Fatu, o tei parau hia mai e te peropheta ra e Iaaia. 24 No te mau Pharisea taua feia i tono hia maira. 25 Ua ui maira ratou ia 'na, na o maira, Eaha hoi oe i bapetizo ai, e ere oe i te Mesia, e ere hoi ia Elia, e e ere hoi i taua peropheta ra? 26 Ua parau atura Ioane ia ratou, na o atura, I bapetizo au i te pape, te tia nei râ te hoe i rotopu ia outou, aore outou i ite ia 'na. 27 Oia ïa, i muri iho oia ia 'u i te haere raa mai, e ua riro oia i mua ia 'u, o te ore ïa e au ia 'u ia tatara i te tapea i tana tamaa. 28 I Betabara i tera pae i Ioridana i te parau raa hia tana parau nei, i te bapetizo raa a Ioane ra. 29 E ao aera, ite atura Ioane ia Iesu i te haorea mai ia 'na ra, e ua na o aera, A hio na i te Arenio a te Atua, o tei hopoi ê atu i te hara o te ao. 30 Oia teie ta 'u i parau ra e, Te haere mai nei te hoe taata i muri iho ia 'u nei, e ua riro oia i mua ia 'u; o muâ hoi oia ia 'u. 31 Area vau, aita vau i ite ia 'na; ia itea râ oia i to Iseraela, i haere mai ai au a bapetizo ai i te pape nei. 32 Ua faa ite atura hoi Ioane, na o atura, Hio atura vau i te Varua i te pou raa mai mai te rai mai, mai te uupa ra, e ua faaea ihora i nia iho ia 'na. 33 Eitâ ra vau e ite ia 'na, auaa tei tono mai ia 'u e bapetizo i te pape nei i parau mai ia 'u e, O ta oe e hio i te Varua i te pou raa mai, e te faaea raa i nia iho ia ua ra, oia ia, o tei bapetizo ïa ma te Varua Maitai. 34 Ite atura hoi au, e teie ta 'u parau, o te Tamaiti ïa oia na te Atua. 35 E ao aera, te tia noa ra Ioane e o e toopiti pue pipi a 'na ra; 36 E ite aera ia Iesu i te haere raa na reira iho, ua na o aera, A hio na i te Arenio a te Atua. 37 E ite aerana pipi i tana parau ra, ua pee atura raua ia Iesu. 38 Ua fariu maira Iesu i muri, ite maira la raua i te pee raa 'tu e ua parau maira ia raua, Eaha ta orua e imi nei? Ua parau atura raua ia 'na, E Rabi, (oia hoi te parau hia ra e, E te Orometua, ia iriti hia ra,) e tia oe i hea? 39 Ua parau maira oia ia raua a, A haere mai, a hio. Haere atura raua e ite atura i to 'na parahi raa, e parahi atura i o 'na i taua mahana ra: ua tae hoi i te ahuru o te hora ra. 40 E te hoe i taua pue taata toopiti i faaroo i te parau a Ioane ra, o tei pee atu ia Iesu ra, o Anederea ïa, te taeae o Simona Petero ra. 41 E farerei atura oia i te matamua i tana tuaana iho ia Simona, e ua parau atura ia 'na, Ua itea ia maua te Mesia, oia hoi te Cheriti ia iriti hia ra. 42 E ua aratai maira oia ia 'na ia Iesu ra. E ia hio aera Iesu ia 'na ra, na o atura, O Simona oe, te tamaiti a Iona, e mairi hia oe o Kepha, oia hoi Petero. 43 E ao aera, ua manao roa aera Iesu e haere i Galilea, e ua farerei aera ia Philipa, ua parau atura ia 'a, A pee mai ia 'u. 44 No Betesaida Philipa, uo te oire o Anederea e Petero ra. 45 E farerei hoi Philipa ia Natanaela, e ua parau atura ia 'na, Ua itea ia matou ta Mose i papai i roto i te ture ra, e ta te mau peropheta ra, o Iesu i Nazareta, e tamaiti na Iosepha. 46 Ua parau maira Natanaela ia 'na, E maitai anei to Nazareta mai? Ua parau atura Philipa ia 'na, a haere mai, a hio. 47 Ua hio atura Iesu ia Natanaela i te haere raa mai ia 'na ra, ua parau ihora ia 'na, A hio na i te Ati Iseraela mau, aore roa e haavare o roto ia 'na ra. 48 Ua parau maira Natanaela ia 'na, Eaha oe i ite ai ia 'u? Ua parau atura Iesu ia 'na, na o atura, Hio atura vau ia oe i raro ae i te suke ra, hou Philipa i parau atu ai ia oe ra. 49 Ua parau maira Natanaela ia 'na, na o maira, E Rabi, o te Tamaiti oe a te Atua, o te Arii oe o Iseraela. 50 Ua parau atura Iesu ia 'na, na o atura, No te mea i parau atu vau ia oe 'na e, Te hio atura vau ia oe i raro ae i te suke ra, i faaroo oi oe? e iti tena i ta oe e ite atu â. 51 E ua parau atura oia ia 'na, Amene, amene, e parau atu vau ia outou, Teie outou a ite i te rai i te vetea raa hia, e te mau melahi a te Atua i te haere raa 'tu i uia, e te pou raa mai i nia iho i te Tamaiti a te taata uei.

Ioane 2

1 Erui toru aera, e faaipoipo raa tei Kana i Galilea ra, i reira 'toa te metua vahine o Iesu. 2 E parau hia maira Iesu e ta 'na mau pipi atoa e haere i taua faaipoipo raa ra. 3 E pau aera te vine, ua parau maira te metua vahine o Iesu ia 'na iho, Aita a ratou vine. 4 Ua parau atura Iesu ia 'na, Eaha ta oe ia 'u nei, e teie uei vahine? aore â i tae i to 'u ra hora. 5 Ua parau atura tana metua vahine i te mau tavini, Ta 'na e faaue mai ia outou na, e na reira outou. 6 Te vai ra na hue pape ofai e ouo, e piti bato e o i te hue hoe, e e toru hoi, i vai iho hia i reira uo te peu o te ta ma raa a te Ati Iuda. 7 Ua parau atura Iesu ia ratou, A faa ï na i te mau hue i te pape. Ua faa ï ihora ratou, e tae roa aera i te auvaha. 8 Ua parau atura oia ia ratou, A faa tahe na, e hopoi atu i te tavana o te oroa nei ra. Ua hopoi atura hoi ratou. 9 E ia tamata ihora te tavana o te oroa i taua pape i faa riro hia ei vine ra, no te mea aore oia i ite i te uoaa raa mai, (area te mau tavini i faa tahe mai i taua pape ra, ua ite ïa;) ua parau atura te tavana i taua taue api ra, na o atura. 10 O te vine maitai ta te taata 'toe e tuu mai i te matamua ra, e ia inu te taata e ia rahi, ei reira te mea ino ae; vai iho iho uei râ oe i te vine maitai, e i teie nei i hopoi hia mai ai. 11 I Kana i Galilea i te rave raa Iesu i teie nei semeio matamua, i te faa ite raa i to 'na hanahana: e ua faaroo aera ta 'na mau pipi ia 'na. 12 E muri ae i te reira, haere atura oia i Kaperena, oia e tana vai taeae, tana metua vahine, e ta 'na mau pipi; aita rea râ o ratou pue mahana i reira. 13 Te fatata ra te pasa a te Ati Iuda ra, haere atura Iesu i Ierusalema. 14 Ei ite atura oia i te feia hoo bovi, e te mamoe, e te uupa, e te feia hoo moni i te parahi raa i roto i te hiero ra. 15 Ua hamani ihora oia i te taura rii ei papai, ua tiahi atura ia ratou atoa i rapae au mai i te hiero ra, e te mau mamoe e te bovi, e huea tura hoi te moni a te feia hoo moni ra; faa tiopa atura hoi i te mau iri. 16 Ua parau atura i te feia hoo uupa ra, E hopoi ê atu i tena 'na mau mea: eiaha e faa riro i te fare o tau Metua ei fare hoo raa taoa. 17 Ua manao aera ta 'na mau pipi i te parau i papai hia ra e, Ua riro roa vau i te itoito i to fare. 18 Ua parau maira te Ati Iuda ia 'na, na o maira, Eaha ta oe tapao e faa ite mai i na reira mai ai oe? 19 Ua parau atura Iesu ia ratou, ua o atura, A vavahi na i teie nei nao, e ua rui toru auae, ua tia faahou ïa ia 'u. 20 Ua parau maira te Ati Iuda, E maha ahuru raa e ouo tiahapa te matahiti i te faa tia raa i teie uei nao; e tia faahou anei ia oe i te rui toru? 21 Tana tino ihora te nao ta 'na e parau ra. 22 E ia tia faahou mai oia mai te pohe maira, ua manao aera ta 'na mau pipi e, i parau na hoi oia i taua parau uei, ite aera ratou i te parau i papai hia ra, e te parau i parau hia e Iesu ra. 23 E ia 'na i parahi i Ierusalema i te oroa ra i te pasa, e rave rahi tei faaroo ia 'na i reira, i te semeio i itea ia ratou ta 'na i rave ra. 24 Aita râ Iesu i tiaturi atu ia ratou, uo te mea, ua ite oia ia ratou atoa. 25 E ore hoi oia e faa ite hia mai e vetahi ê i te huru o te taata, ua ite hoi oia i to roto i te taata.

Ioane 3

1 Te parahi ra te hoe Pharisea o Nikodemo te ioa, e tavana no te Ati Iuda. 2 O tei haere mai i te rui ia Iesu ra, e ua parau maira ia 'na, E Rabi, ua ite matou e, e orometua oe mai o mai i te Atua ra; e ore hoi teie nei mau semeio ta oe e rave nei e tia i te taata, anaa te Atua 'toa ra. 3 Ua parau atura Iesu, na o atura ia 'na, Amene, amene, e parau atu vau ia oe, Ia ore te taata ia fanau faahou ra, e ore oia e ite i te basileia o te Atua ra. 4 Ua parau maira Nikodemo ia 'na, Eaha te taata, paari e fanau ai? e o faahou anei oia i roto i te opu o tana metna vahina a fanau mai ai? 5 Ua parau atura Iesu, Amene, amene, e parau atu vau ia oe, Ia ore te taata ia fanau i te pape e te Varua, e ore oia e o i te basileia o te Atua ra. 6 Ta te tino e fanau nei, e tino ïa, ta te Varua e fanau ra, e varua ïa. 7 Eiaha oe e maere o vau i parau atu na e, Ia fanau faahou outou e tia 'i. 8 Te farara nei te matai i ta 'na vahi i hinaaro ra, e to it era oe i to 'na haruru, aita râ oe i ite i te vahi no reira mai oia ra, e te vahi a haere hia 'tu e ana ra; oia hoi te taata 'toa ta te Varua i fanau ra. 9 Ua parau maira Nikodemo ia 'na, na o maira, Eaha ïa mau mea e tia 'i? 10 Ua parau atura Iesu ia 'na, na o atura, O te orometua hoi oe a Iseraela, aore â oe i ite i teie nei mau parau? 11 Amene, amene, e parau atu vau ia oe, O ta matou i ite ra ta matou ïa e parau nei, e ta matou i hio ra ta matou ïa e faa ite nei, e e ore â outou e farii mai i ta matou parau. 12 I parau atu na vau ia outou i te parau o teie nei ao, e aore outou i faaroo, eaha outou e faaroo ai ia parau atu vau ia outou i te parau o te rai? 13 Aore roa e taata i tae i nia i te rai, maori râ o tei haere mai i raro mai nia mai i te rai ra, o te Tamaiti a te taata i nia i te rai ra. 14 Mai ia Mose i faa teitei i te ophi i te medeba rara, oia 'toa te Tamaiti a te taata, e faa teitei atoa hia ïa: 15 Ia ore ia pohe te faaroo ia 'na ra, ia roaa râ te ora mure ore. 16 I aroha mai te Atua i to te ao, e ua toe roa i te horoa mai i ta 'na Tamaiti fanau tahi, ia ore ia pohe te faaroo ia 'na ra, ia roaa ra te ora mure ore. 17 Aore hoi te Atua i tono mai i ta 'na Tamaiti i te ao nei e faa hapa mai i to te ao, ia ora râ to te ao ia 'na. 18 Tei faaroo ia 'na ra, e ore oia e faa hapa hia; tei ore i faaroo ra, ua faa hapa e hia na ïa, oia aore i faaroo i te ioa o te Tamaiti fanau tahi a te Atua ra. 19 Teie taua faahapa ra, o te maramarama ua tae mai i te ao nei, e hinaaro aenei te t, aata i te pouri, aore te maramarama, no te mea te ino ra ta ratou parau. 20 O tei mau i te parau ino ra, aore oia i hinaaro i te maramarama, e ore hoi oia e haere mai i te maramarama o te itea ta 'na parau. 21 O tei haapao ra i te parau mau ra, e tae mai ïa i te maramarama ia itea maitai hia e, te au ra ta 'na parau i te Atua. 22 E muri aera, haere atura Iesu e ta 'na mau pipi i te hoo fenua i Iudea, parahi atura oia i reira e ratou atoa, e bapetizo ihora i te taata. 23 Te bapetizo atoa ra hoi Ioane i Aino i pihai iho i Salima, no te mea e rave rahi to reira pape, e ua haere maira te taata, e bapetizo hia ihora. 24 Aore â hoi Ioane i huri hia i roto i te tapea raa ra. 25 Ua maro ihora te mau pipi a Ioane e te hoe pae Ati Iuda ra i te ta ma raa. 26 Haere atura ratou ia Ioane ra, e ua parau atura ia 'na, E Rabi, te taata i parahi orua i te pae Ioridana ra, ta oe i arue ra, inaha te bapetizo ra oia, e te haere maira te taata 'toa ia 'na ra. 27 Ua parau maira Ioane, na o maira, Aita o te taata mana e noaa, maori râ o te horoa hia mai no te rai ra. 28 O ontou iho te ite ia 'u, e ua parau atu vau e, E ere au i te Mesia, i tono hia mai râ vau e na mua ia 'na. 29 O te tone ra te taata vahine, o te hoa râ o taua tone ra, o te tia i pihai iho i te faaroo roa ia 'na ra, e oaoa rahi to 'na i te reo o taua tane ra; e teie nei, ua tia roe to 'n oaoa raa. 30 E tupu oia i te rahi raa, e hoi râ vau i te iti raa. 31 O tei haere mai mai nia ra, o te hau ïa; o to te repo ra, no te repo ïa, e no te repo hoi ta 'na parau. O to nia mai i te rai ra, o te hau â ïa. 32 O ta 'na i hio ra, e o ta 'na i faaroo ra, o ta 'na la e parau nei, e aore â e taata i farii mai i ta 'na parau. 33 O tei farii i ta 'na parau, ua parau ïa e, e parau mau ta te Atua. 34 O ta te Atua i tono maira, o ta te Atua â la parau ta 'na e parau ra, aore hoi te Atua i horoa riirii mai i te Varua no 'na. 35 Te here nei te Metua i te Tamaiti, e ua horoa mai i te mau mea 'toa i tana rima. 36 O tei faaroo i te Tamaiti ra e ora mure ore to 'na; e o tei ore i faaroo i te Tamaiti ra, e ore oia e ite i te ora; te vai ra ïa te riri o te Atua i nia iho ia 'na.

Ioane 2

Ioane 3