Talaud 1st John

/1 Lalorro n suratta indi mannala'a ola'u Rengetanna apan mangngonggolu wiakka, eteudde Rengetanna apan piate ro'e n wuassu alamonane; Iami suete naaringikka, wurru suete naasilo mata ng kami sassane; Iami suete naellega, wurru suete nangagasu lima ng kami. Su tempo wiakka udde niapaaliatta'a, iami naasilo; Ama waugu udde iami nattiala su olange udde; Iami mammasingkata siamiu su ola'u wiakka tutune wurru saran malannu-lannu, apan su sanbau ringannu Mawu Ruata Iamangnga, wurru apan suete niapaaliatta'a siami. Apa apan suete niasiloanna wurru niaringirrani ami, eteudde lai apan iappasingkati ami siamiu, tadea'u iamiu suadio'a ringanni ami wotongnge maapendamma wiakka uaaukka ringannu Iamangnga wurru ringannu Anang-Nge Yesus Kristus. Iami namorretu indi tadea'u naungngi ite atonna-tonna maluassa. Ete indi watti'a apan suete niaringirrani ami wuassu Anang-Nge wurru apan iwabbatti'i ami siamiu: Mawu Ruata eteudde asasemakka, wurru Sitou tawe araranduma sara ng kadio'a. Amungkangu iite mabbisara manungku iite mabbiakka uaaukka ringanni Tou, arawe iite mabbiakka su araranduma, ne iite nangawusu mapia ringannu wisara ara'e lai ringannu pallalagu. Arawe amungkangu iite mabbiakka sulalummu asasemakka ere lai Mawu Ruata sulalummu asasemakka, ne iite mabbiakka uaaukka atonna, uasangkapia sangkatou ringannu waine, wurru rarra Mawu Yesus, Anang-Nge, namaresi siite wuassu alawo'u rosa. Amungkangu iite mabbisara manungku iite tawe paddarosa, iite nangawusu watanganni ite sassane; wurru Mawu Ruata tawe sulalummu naungngi ite. Arawe amungkangu iite manga'u alawo'u rosa ng kite su Mawu Ruata, Itou sarun manipussa paarire-Ne wurru ma'ola'a atatulidda; Itou sarun mangampunga manga rosa ng kite wurru mangukkasa siite wuassu alawo'u alaleo ng kite. Arawe amungkangu iite mabbisara manungku iite tawe paddarosa, iite marrangngo manungku Mawu Ruata udde tarra awusu wurru iite tawe uaraddo m wisara Mawu Ruata sulalummu naungngi ite.

/2 Alarrana'u! Ia'u namorretu indi siamiu tadea'u iamiu tawe ma'ola'a rosa; Arawe amungkangu piaddu lai ma'ola'a rosa, ne iite pia sangkatou sumasimbake, eteudde Yesus Kristus apan matulida udde; Itou sarun sumalande ng kite su saruannu Iamangnga.

free web site hit counter