/1 Okom yem Dwata, tey kehegfanen yem nawahen ebele tekuy be tum tehe le katay Kdays be sala tekuy; Fen matay bele tekuy igo tekuy tolo ali gemsala. Ne ni deng mon haya ne kehtohen yem mo ken be yem Kdaw Khius; Todo tngon Dyisas yem moyon ktebelen yem benwu bud mulek ebe Maen; Tey tendo gel kbong nawahen kul yo kem tau gel lemolo du, ne ni hegfanen bele le ne yem ali kbong nawahen kul. Deng tehe hnatay le nim Dyisas, okom deng bud bentik Dwata; Du se tanay bentiken la buden matay ne; Bud du se kmamal yem kentihen tau mogot benwu talak tonok; Tey kbong nawahen tekuy Dyisas; Gloken hama yem kun lito bele tekuy mo lanen lemwa tekuy gu lem yo kem sala tekuy. Tey ali kbong nawa Dwata kul yo kem tau be klamangen benwu, gloken todo hama klowil yem Ngaen tek sotu, ani yo kihu tau hemtahu beleen la gogowen elem lanaw ofi, okom gutahen yem klowil laen du sonen. Deng tehe hegfan Dwata yem nawahen bele tekuy, yo monen, Laen ko mtukul sonen yem kbong nawahu kuy; Lemwot be yem oyou kuy gunu ye moyo mung do.

/2 Tahu se, tey hentaw yem kmo klan yem kehewa Dawata tekuy gu lem hatay; Ngem ni se kmoen: Tehe todo hbaling tau Kdays Dyisas; Yem Tulus Dwata fen hdilo du be kem tau du se tahu Dwata; Botong hentaw yo kem hogow Dwata gu be longit be yem kton le du; Ne sentbong kem tau be klamangen benwu, ne wen se be yo kem hmungol du hemtahu beleen; Ne omin Dwata bud hulek du ebe yem tehe kun kegeta ditu be longit.