Quechua: Ayacucho /1 Diosmi ichaqa, nuqanchik huchasapa kachkaptinchikraq Cristopa wanupuwasqanchikwan, kikimpa kuyakuyninta kachipuwanchik. Pascua fiestapa nawpaqnintam, Jesus, kay pachamanta Taytaman pasakunampaq hora chayaramusqanta yachaspan, kay pachapi kaqmasinkunata, kuyakurusqanraykutaq, kuyarqa tukupaykama. Confiana testigo, wanusqakunamanta piwi kaq, kay pacha reykunapa kamachikuqnin Jesucristomantawan. Kay kuyawaqninchikman, yawarninwan huchanchikkunamantapas mayllawaqninchikman. Diosqa runakunatam kuyarqa, sapallan Churinta qumunankama, pipas paypi iniq mana puchukanampaq, aswan winay kawsayniyuq kanampaq. Jehovam unay watakuna nawpaqmantana nuqaman rikuchikuwarqa, kaynata nispan: Winaypaq kuyakuywanmi kuyaruyki, chayraykum qampaq kuyapayakuyniy hinalla kachkan. /2 Qallariynimpim Simi karqa, Simitaqmi Dioswan karqa, Simitaqmi Dios karqa. Simin runayarurqa, hinaspam graciantin chiqapnintin huntayuq nuqayku ukupi yacharqa; chaymi rikurqaniku qapaq kayninta, Taytapa sapallan churyasqampa qapaq kayninta hina. Jesusmi contestarqa: Unaynataq qamkunawan kasqayqa, manaraqchum riqsiwanki Felipe? Rikuwaqniyqa Taytatam rikurun; imaynampitaq qamqa ninki: Taytata rikuykachiwayku, nispa? Manachum creenki nuqa Taytapi kasqayta, Taytataq nuqapi kasqanta?. Tukuy kaymi pasarqa Senorpa profetawan: Mana qari riqsiq sipasmi wiksayakunqa, hinaspam wachakunqa huk qari wawata, hinaptinmi sutichanqaku Emanuelwan, nispa rimasqan simi huntakunampaq; Emanuel tikrasqam: Diosmi nuqanchikwan ninan. /3 Tayta consagraspan kay pachaman kachamusqanta ninkichik: Mana allintam ninki! nispa, Diospa Churinmi kani, nisqayrayku? Huk qari wawam nacerapuwanchik, churim qusqa karapuwanchik, kamachikunantaqmi hombrompi, sutinmi kanqa Admirakuypaq kaq, Consejakuq, Aityniyuq Dios, Winay Tayta, Hawkayaymanta Kamachikuq. Pay rimachkaptinraqmi, paykunata huk kanchariq puyu pakaykururqa; hinaspam puyumanta huk voz nimurqa: Kaymi Churiy, Kuyasqay, paypim contentakuni; payta uyariychik. Paypiqa cuerpopim yachan Dios kaypa llapa hunta kaynin. Huk voznataqmi hanaq pachamanta nimurqa: Kaymi Churiy, Kuyasqay, paypim contentakuni, nispa. Angelnataqmi contestaraqa: Chuya Espiritum hamunqa qampa hawaykiman; Alto-altopi Kaqpa atiyninnataqmi Ilantuykusunki; chaymi chuya naceqpas Diospa Churinwan sutichasqa kanqa. /4 Qamkunam: Yachachiqniy, Senorniy, niwankichik allintam ninkichik, chaymi kani. Jesusmi contestarqa: Nuqam kani kawsay tanta; pipas nuqaman hamuqqa manapunim yarqachikunqachu, pipas nuqapi iniqqa manapunitaqmi haykappas yakunayachikunqachu. Hinaptinmi pay nirqa: Qamkunaqa kankichik uraymantam, nuqanataqmi kani hanaymanta; qamkunaqa kankichik kay pachamantam, nuqanataqmi mana kay pachamantachu kani. Chaymi Jesus nirqa: Nuqam kani kawsarimuyqa, kawsaypas; nuqapi iniqqa wanuruchkaspapas kawsanqam. Hinaptinmi Jesus contestarqa: Chiqapta, chiqaptam niykichik, manaraq Abrahan kachakaptinmi, nuqaqa kani. Kay pachapi kachkaspayqa, runakuna kanchaqmi kani. Chaymi huktawan Jesus nirqa: Chiqapta, chiqaptam niykichik, nuqam kani ovejakunapa punkun. /5 Hinaptinmi Jesus, kuyapayarikuspa, paykunapa nawinta llachpaykurqa, chaymi hina ratollapi qawarikururqaku, hinaspam payta qatikurqaku. Hinaspam runakunata pastopa hawanman tiyaykunankupaq kamarachispa, pichqan tantata iskay challwantinta hapiykurqa; hinaspam hanaq pachata qawariykuspa, allinchaspa ima, pakistin tantakunata qurqa discipulonkunaman, kaykunanataq runakunaman. Chaymi llapallanku mikuruspan saksarurqaku, hinaspam puchuq pakikunamanta huqarirqaku chunka iskayniyuq canastilla huntata. Mikuqkunam, mana warminkunantin wawakunayuq, pichqa waranqa hina qarikuna karqa. Rimayta tukuruspam, Simonta nirqa: Ukun kaqman apaykuspa wischuykuychik llikaykichikkunata challwanapaq. Hinaptinmi Simon contestarqa: Taytay, tukuy tuta pisipamuchkaspam mana ima niraqtapas hapimunikuchu; aswanqa nisqaykiman hina wischuykusaq llikata. Kayta ruraruspam achkasullana challwakunata wichqarurqaku, hinaptinmi llikampas llikirikurqa. /6