Quechua: Bolivia /1 Cristori juchasapasllaraj cashajtinchejpis wanupuwarkanchej; Ajinapi Dioska munacuyninta nokanchejman chekata ricuchiwarkanchej; Chayjina munacuyka Diospallata! Jesucristopis cheka willajmin; Payka wanuymanta naupajta causarimojmin, cay pacha tucuy camachejcunaj Camachejnincutaj; Payka nokanchejta munacuwanchejpuni; Yawarninta jich'aspataj wanuyninwan juchasninchejmanta llimphuchawarkanchej. Dioska tucuy runasta maytapuni munacorka; Chayraycumin c'ata Wawanta korka; Cay pachaman payta cachamorka paypi tucuy jap'icojka ama winaypaj wanupunanpaj astawanri winay causayniyoj cananpaj. Pascua naupajta Jesuska yachaskana cay pachamanta ujtawan Tatanman cutipunan hora chayamushaskanta; Payka cay pachapi caj ajllaska runasninta munacorkapuni; Cunantaj chay munacuyninta may jatun caskanta, tucuyta paycunaman ricucherka. /2 Tucuy cayka ruwacorka Senor Diospa niskan junt'acunanpaj; Chaytaka unay willajninnejta nerka: Khaway! Uj sipas, mana khari rejsej, wijsalliconka. Uj khari wawata onkoconka; Payka Emanuel sutichaska canka; Emanuel niyta munan: Dios nokanchejwan cashan yanapanawanchejpaj.