The New Testament of our Lord and Saviour Jesus Christ
1 Caicunami Jesucristopac ñaupacuna; pai Davidmanta Abraanmantapash mirai carca. 2 Abran Isaacpac yaya carca, Isaacca Jacobpac yaya, Jacobca Judapac paipac huauquicunapacpash yaya carca. 3 Judaca Faresta Zaratapas Tamarmanta charirca. Faresca Esronpac yaya carca, Esronca Aranpac yaya carca. 4 Aranca Aminadadpac yaya, Aminadadca Naansonpac yaya carca, Naasonca Salmonpac yaya carca. 5 Salmonca paipac huarmi Rahabmanta Boozta charirca; Boozca Obedta charirca Rutmanta. Obedca Isaipac yaya carca. 6 Isaica Apu Davidpac yaya carca; Apu David Uriaspac huarmimanta Salomonta charirca. 7 Salomonca Roboanpac yaya carca, Roboanca Abiaspac yaya carca, Josafatca Joranpac yayacarca. 8 Azaca Josafatpac yaya carca, Josafatca Joranpac yaya, Joranca Uciaspac yaya carca. 9 Uciasca Jotanpac yaya carca, Jotanca Acazpac yaya, Acazca Ecequiaspac yaya carca. 10 Ecequiasca Manasespac yaya carca, Manasesca Amonpac yaya, Amonca Josiaspac yaya carca. 11 Josiasca Jeconiaspac paipac huauquicunapacpash yaya carca Israel runacuna, japi tucushpa, Babilonia lactaman pushai tucushcapi. 12 Chai huasha Jeconias Salatielpac yaya carca, Salatielca Zorobabelpac yaya carca. 13 Zorobabelca Abiudpac yaya carca, Abiudca Eliaquinpac yaya, Eliaquinca Azorpac yaya carca. 14 Azorca Sadocpac yaya carca, Sadocca Aquinpac yaya, Aquinca Eludpac yaya carca. 15 Eliudca Eleazarpac yaya carca, Eleazarca Matanpac yaya, Matanca Jacobpac yaya. 16 Jacobca Josepac yaya carca; Joseca Mariapac cari carca: Mariami Jesus "Cristo" nishcapac mama. 17 Chashna cacpi, Abraanmanta Davidcama chunca chuscu miraicuna canurca; chashnallata, Davidmanta pacha israelitacuna Babiloniaman pushai tucushcacama chunca chuscu miraicuna canurca; chaimanta Cristo pacarishcacama chunca chuscu miraicuna. 18 Jesucristo pacarina cashnami carca: Paipac mama Maria, Josehuan maqui japichishca cashpa, paihuan mana llutarishcapi, santo Samaipac ushaihuan huicsayuc tucurca. 19 Paipac cari Jose alli runami carca. Mariapi tucushcata apucunaman mana huillasha nishpa, pacalla paita saquinata yuyarca. 20 Chashna yuyacucpi, shuc angel paiman ricurimurca, cashna nishpa: —Jose, Davidpac churi, Mariata canpac huarmi japincapac ama manchaichu: paipac huicsapi tiyac huahua Santo Samaimantami. 21 Shuc cari huahuata charinca, paita "Jesus" shutichinqui, runacunata juchacunamanta quishpichinca mari. 22 Chai tucui chasna tucurca Dios rimashca pactarincapac, profeta cashna mari quillcashca carca: 23 Shuc malta huarmi huicsayuc tucunca, cari huahuata pacarichinca; chai huahuata Emanuel shutichinunca. (Emanuel nishpa "Dios ñucanchihuanmi" nin). 24 Jose riccharishpa, angel rimashcata uyashpa, Mariata paipac huarmita japirca. 25 llutarishcapica, Maria shuc huahuata aparca; Joseca paita Jesus shutichirca.
1 Jesus Belen llactapi, Juda allpapi pacarirca, Herodes apu cashcapi. Shuc puncha, shuc yachac runacuna inti llucshishcamanta Jerusalen llactaman shamunurca, 2 tapushpa nishpa: —¿Maipi tiyan cunanlla pacarishca Judiocunapac jatun apu? Paipac estrellata ricurcanchic inti lluchishcapi; paita chacchancapac shamunchic. 3 Herodes, chaita uyashpa, yapa mancharirca; Jerusalenpi causaccunapash mancharinurca. 4 Herodes, pacricunata quillcata yachaccunatapash shamuchishpa, paicunata tapurca nishpa: —¿Maipi pacarina can Mesias nishca Apu? 5 Cutipanurca nishpa: —Judamanta Belenpi; cashna mari profeta quillarca: 6 Canca, Belen llacta, Juda allpapi, mana tucui llactacunamanta yialli uchillachu canqui, canmanta mari ñuca runacunata pushac apu llucshinca. 7 Caita uyashpa, Herodes chai yachaccunata pacalla cayashpa, imura chai estrella ricurishcata paicunata huillachirca. 8 Chai huasha, Belen llactaman paicunata cacharca nishpa: —Huahuata mascacrichic; paita tupashpaca, ñucata huillahuanquichic, ñucapash paita chacchacrincapac. 9 Rimacpi uyashpa, yachaccuna rinurca. Paicuna ricushca estrella cutillata ricurirca; paicunata ñaupashpa, huahua tiyashca huasicama rirca: chaipi shayarirca. 10 Paicuna, estrellata ricushpa, yapa cushiyanurca. 11 Huasiman yaicushpa, huahuata mamantin tupanurca; cuncurishpaca, paita chacchanurca; huasha, malacunata pascashpa, curita, sumiriuta, mirrata paiman cuyanurca. 12 Chai huasha, paicuna nuspaipi uyashcapi "Herodespacman ama ticraichichu" nishcata, shuc ñanpita paicunapac llactaman ticranurca. 13 Yachaccuna rishca huasha, Diospac angei Joseman nuspaipi ricurimurca nishpa: —Jatari, huahuata mamantin pushashpa, Egipto allpaman miticui. Chaillapita saquirinqui ñuca canta rimanacama, Herodes huahuata mashcanca mari huañuchincapac. 14 Jose jatarishpa, huahuata mamantin pushashpa, tuta ucupi Egipto allpaman rirca. 15 Chaipi saquirinurca Herodes huañushcacama. Chashnami Dios profetapac shimihuan rimashca pactarirca: Egiptomanta ñuca churita cayarcani. 16 Yachaccuna mana ticramunucpi, Herodes sinchi piñarirca, "umachi tucushcani" nishpa; yachaccuna huahuamanta rimashcata yuyarishpa, tucui cari huahuacunata ishcai huatayuccama huañuchincapac cacharca, Belen llactapi, mayanlla huasicunapipash tiyaccuna. 17 Chashnami Jeremias profeta quillcashca pactarirca; cashna mari quillcashca carca: 18 Rama llactapi sinchi caparina uyarirca; jatun huacai, jatun ñacarina uyarirca: Raquelmi carca paipac huahuacunamanta huacashpa; paicuna ña huañushcata yachashpa, mana munarca cushiyachi tucuncapac. 19 Herodes huañushca huasha, Egiptopi Diospac angel Joseman nuspaipi ricurimurca, paita nishpa: 20 —Jatari, huahuata mamantin pushashpa, Israel allpaman ticrai, huahuata huañuchishun nishcacuna ña huañunurca. 21 Chaita uyashpa, Jose jatarishpa, huahuata mamantin pushashpa, Israel allpaman shamurca. 22 Judea allpaman rinata mancharcami, chaipi Arquelao paipac yaya Herodes rantimanta apu tucushcata uyashpa; chairaicu, Dios nuspaipi paita rimacpi, Galileaman rirca, Nazaret llactaman, chaipi causancapac. Chashnami Profetacuna rimashca pactarirca; cashna rimanushca carca: Paita nazareno runa ninunca.
1 Shuc puncha, bautisac Juan Judeapi tiyac chunlla allpaman shamurca, cashna camachishpa: 2 —Diosman ticraichic, Diospac pacha mayanyaran. 3 Juanmanta rimashca carca profeta Isaias cashna nishcapi: Chunlla allpapi shuc shimi uyarirca cashna nishpa: "Diospac ñanpita allichichic, Diospac ñanpita cuscachichic". 4 Juan camello nishca huilmahuan ahuashca churanata churarishca carca, huacra carahuan chunpillishpa. 5 Judea allpamanta, Jordan yacu patamanta achca runa paipacman shamuccuna carca; 6 paicuna juchacunata huillanucpi, Juan Jordan yacupi paicunata bautisac carca. 7 Achca fariseocuna saduceocunantin paipacman shamunucpi bautisanata mañancapa, paicunata nirca: —Machacui miraicuna; ¿pitac cancunata rimarca "Diospac ñacachinata quishpinquichic" nishpa? 8 Cancuna Diosman yuyaita ticrachishcata rashcacunahuan ricuchichic. 9 Ama pantaichichu, shuncupi yuyarishpa nishpa: "Abraan ñucanchic yayami". Cancunata nini: Dios cai rumicunamanta huahuacunata Abraanman surcunata ushan. 10 Yura siquipi tumi churashcami can; alli muyuta mana aparic yura cuchushcami canca yantancapac. 11 Ñuca yacullahuan cancunata bautisani, cancuna Diosman ticrancapac juchacunata saquishpa; ñuca huashata shamuc runa santo Samaipac ninahuan cancunata bautisanca, pai ñucata yallin mari; paipac ushutata apancapacpash mana allichu cani. 12 Paipac maquipi huairachinata charin, trigo muyuta quihuamanta anchuchincapac; trigo muyuta huacaichincami, quihuata mana tucuric ninapi rupachinca. 13 Shuc puncha, Jesus Galileamanta Jordan yacuman shamurca, Juanpacman, bautisai tucuncapac. 14 Juan mana mutiarcachu paita bautisancapac, nishpa: —Canmi ñucata bautisana canqui; ¿imaraicu "bautisahuai" nihuanqui? 15 Jesus cutipashpa ñirca: —Ñuca rimashcata railla; ñucanchic Dios munashcata pactachina alli canca. Chaita uyashpa, Juan Jesusta bautisarca. 16 Yacumanta llucshicucpi, jahua pacha pascarirca; Diospac Samai ricurimurca, urpi shina uraicucushpa, Jesuspac jahuapi shayarishpa. 17 Chaillapita, shuc shimi uyarirca cashna nishpa: —Caimi ñuca llaquishca churi; paipi cushiyani.
1 Jesus bautisai tucucpi, Santo Samai chunlla allpaman paita purichirca, supai paita camancapac. 2 Chuscu chunca puncha tutantin mana micushpa causashcapi, Jesus yarcachirca. 3 Supai paipacman shamushpa nirca: —Can Diospa churi cashpa, cai rumicunata tantata rurai. 4 Jesus cutipashpa nirca: —Diospac shimi cashna nin: "Runa mana tantallahuanchu causan; Dios rimashcatapash mutsunmi" 5 Chashna rimacpi, supai Jerusalen llactaman paita pusharca. Diospac huasijahuapi shayachirca. 6 Huasha nirca: —Can Diospac churi cashpa, caimanta allpaman shitari, quillcara mari tiyan: "Dios paipac angelcunata cachanca canta ricuncapac; paicuna maquihuan japishpa canta pushanunca, can ama rumicunapi chucrincapac". 7 Rimacpi uyashpa, Jesus cutipashpa nirca: —Diospac shimi caitapash nin: "Canpac apu Diosta ama camaichu". 8 Cutillata supai Jesusta shuc jahua urcuman pusharca; chaimanta tucui cai pacha llactacunata chaicunapi tiyac sumaccunatapash ricuchishpa, 9 nirca: —Cai tucuita cushcanqui, cuncurishpa ñucata chacchahuacpi. 10 Jesus uyashpa paita nirca: —Ñucamanta anchuri, supai; quillcarapash tiyan: "Cancapac Apu Diosta chacchanqui, paillatata sirbinqui". 11 Supai chaita uyashpa, Jesusta saquishpa rirca; angelcuna shamushpa, Jesusta caranuica. 12 Shuc puncha, bautisac Juanta chunta curralpi huichcanurca. Jesus chaita yachashpa, Galileaman rirca. 13 Nazaret llactata jichushpa, Cafarnaun llactaman rirca chaipi causancapac. Cafarnaunca jatun cucha patapi tiyarca, Zabulon-Neftali allpacunapi. 14 Chashnami profeta Isaias rimashca pactarirca pai nishcapi: 15 Zabulon-Neftali panpa, jatun cucha ñanpipi Jordan yacu chinpaman Diosta mana ricsiccunapac allpa. 16 Tutapi puricushca runacuna shuc jatun achicta ricunurca. 17 Chaimanta pacha, Jesus yachachincapac callarirca nishpa: —Diosman ticraichic, Dios apu cana pacha ña pactamuran. 18 Shuc puncha, Galilea cucha patata puricushpa, Jesus ishcai runata tuparca, huauquipura; shuc Simon Pedro carca, shuc paipac huauqui Andres; llicata cuchapi shitaranurca, yacu aichata japiccama canurca mari. 19 Jesus paicunata nirca: —Ñucahuan shamuichic; runacunata japiccamanta cancunata rasha 20 Paicuna, chai shimita uyashpa, llicata saquishpa, Jesusta catinurca. 21 Astanipi, shuc ishcai runata tuparca, huauquipura; shuc Santiago carca, shuc Juan shutiyuc, Cebedeopac churicuna; yaya canuapi llicata allichiranurca. Jesus paicunata nirca: —Ñucahuan shamuichic. 22 Paicunaca, yayata canuatapash saquishpa, Jesusta catinurca. 23 Jesus Galilea llactacunapi puricurca, tantarina huasicunapi yachachishpa, Diospac alli shimita camachishpa, tucui laya uncushcacunata alliyachishpa. 24 Paipac shuti tucui Siria nishca allpapi uyarirca. Tucui laya uncuihuan, nanaihuan llaquirishcacunata paipacman pushanuxca: supai japishcacuna, epilepticocuna, suchu runacuna. Tucuicunata alliyachirca. 25 Achca runacuna paita catinurca Galileamanta, Decapolis nishca llactacunamanta, Jerusalenmanta, Judeamanta, Jordan yacu chinpamanta.
1 Jesus, achca runacuna paita caticpi ricushpa, shuc urcuman sicarca; tiyaricpi, pai yachachishcacuna mayanyanurca. 2 Mayanyanucpi Jesus yachachincapac callarirca nishpa: 3 —Cushiyaichic Diosta mutsunchic niccuna, jahua pacha cancunapacmi. 4 Cushiyaichic cai causaipi huacaccuna, cushiyachishca canquichic. 5 Cushiyaichic casi shuncuyuccuna, cai pachata cui tucunquichic. 6 Cushiyaichic Dios munashcata rurasha niccuna, chaita rurancapac Dios cancunata yanapancami. 7 Cushiyaichic shuccunata llaquirishpa yanapaccuna, Dios cancunata llaquirishpa yanapancami. 8 Cushiyaichic chuya shuncuyuccuna, Diosta ricunquichicmi. 9 Cushiyaichic piñanacunata jarcaccuna, Diospac churicuna canquichicmi, 10 Cushiyaichic allita rashcamanta ñacachi tucuccuna, jahua pacha cancunapacmi canca, 11 Cushicuna canquichc ñucaraicu cancunata chicninucpi, piñanucpi, manallita cancunamanta llullashpa rimanucpi. 12 Chashna tucucpi, cushiyanquichic; jahua pachapi cancuna cui tucuna yapa jatunmi canca. Ñaupa causashca profetacunata chai layallata llaquichinurca. 13 Cancuna cai pachapi cachi shina canquichic. Cachi paipac mishquita chincachicpi, ¿imahuan cutillata cachiyanca? Mana imapac balin; jichununlla, runacunaca jaitanun. 14 Cancuna inti shina canquichic runacunapac. Shuc urcu jahuapi tiyac llacta mana pacaipacchu. 15 Shuc chinpusuta mana japichinchic mala ucupi churancapac; jahuapi churancapac japichinchic, huasipi tiyaccunata ricuchincapac. 16 Cancunapac achic runacuna ñaupacpi punchaclla ricurichun, shuccuna cancuna alli rashcata ricushpa, jahua pachapi tiyac Yayata sumacyachincapac. 17 Ñuca mana shamurcanichu camachic quillca rimashcata, profetacuna rimashcatapash anchuchincapac; chaicunata pactachincapac shamurcani. 18 Shuti cancunata nini: Jahua pachahuan cai pachahuan tucuricpipash, camachic quillcapi tiyac illacta pactarinca. 19 Chashna cacpi, maicanpash camachic quillcapi tiyashcata mana pactachicpi uchillapipash, chashna rancapac shuccunata yachachicpi, jahua pachapi puchucai canca; ranti, maicanpash chaicunata pactachicpi, chaicunata pactachincapac yachachicpi, jahua pachapi cui tucuna yapa jatunmi canca. 20 Cancunata nini: Cancuna camachic quillcata yachaccunamanta, fariseocunamanta yaili allicuna mana cashpa, jahua pachaman mana yaicunquichic. 21 Ñaupacunaman cashna rimanurca —cancuna chaita yachanquichic—: "Ama huañuchinquichu; huanuchic runa cautsayachi tucunca". 22 Ranti, ñuca cancunata nini: Shuccunata yanca piñac runa, cautsayachi tucunca. Maicanpash shucta asishpa paita "Upa" nicpi, tucui taripac bula paita taripanunca. Maicanpash shucta piñashpa paita "millai" nicpi, ucupachapi urmanalla tucunca. 23 Can, canpac camarita Diosman apashpa rishpa, shuc runahuan imatapash charishcata yuyarishpa, 24 camarita chaillapita saquishpa, paihuan allichinqui; chai huasha camarita Diosman ricuchina ushanqui. 25 Can shuc runahuan ima llaquitapash charishpa, utcalla paihuan allichinqui, chaira apupacman mana pactashpallata. Mana chashna ruracpica, apu canta polisia nishcaman cunca, polisiaca chunta curralpi canta huichcanca. 26 Chaimanta mana llucshinqui can dibishcata illacta paganacama. 27 "Ama juchallinquichu" ñaupacunaman rimanurca —chaita alli yachanquichic. 28 Ñuca cancunata nini: Maicanpash shuc huarmita mana alli yuyaihuan ricushpa, paipac shuncupi ña juchallirca chai huarmihuan. 29 Chairaicu, canpac ñahui canta juchallichicpi, chaita surcushpa jichunqui. Canpac aichamanta shuc aichashitu chincaricpi yalli alli canca ama tucui aicha ucupachaman shitai tucuncapac. 30 Canpac maqui canta juchallichicpi, pitishpa jichunqui. Canpac aichamanta shuc aichashitu chincaricpi yalli alli canca ama tucui aicha ucupachapi shitai tucuncapac. 31 Ñaupacunaman caitapash rimanuica: "Shuc runa paipac huarmita jichusha nishpa, maqui llushpichina quillcata paiman cuna can". 32 Ranti, ñuca cancunata nini: Maicanpash paipac huarmita jichushpa, —mana yanca llutarishca cacpi—, paita juchallichin, chai runaca jatun juchata ran; chai huarmihuan casarac runapash jatun juchata aparin, 33 Chashnallata, ñaupacunaman rimanurca nishpa: "Ama llullashpa Diospac shutita rimanquichu; Diospac shutita rimashpai paiman cusha nishcata pactachina can". 34 Ñucaca cancunata nini: Ama imura jurashpa rimanquichichu; mana jahua pacha shutipi, jahua pacha Diospac tiyarina mari can 35 Mana cai pacha shutipi, cai pacha Diospac chaqui samanami can; mana Jerusalen shutipi, Jerusalen jatun Apupac llacta mari can. 36 Ama canpac uma shutipi juraichu; canpac acchata yanayachincapac, yuracyachincapac mana ushanqui. 37 Cancuna rimacushpa, "ari" ninquichic "ari" nmana cacpi; "mana" ninquichic "mana" rimana cacpi. Cancuna yapashca manallimanta shamun. 38 Caitapash quillcara tiyan —ña yachanquichic—: "Maicanpash canpac ñahuita huacllichicpi, canpash paipac ñahuita huacllichinqui; pipash canpac quiruta paquicpi, canpash paipac quiruta paquinqui". 39 Ranti, ñuca cancunata nini: Manallicunata ama jarcaichichu. Shuc ñahuipi canta macanucpi, shuctapash ricuchinqui. 40 Canta apupacman pushanucpi canpac camisata quichuncapac, calsuntapash cunqui. 41 Maicanpash canta nicpi: "Caita apashpa ri chaicama", astalla caruman apashpa rinqui. 42 Maicanpash canta imatapash mañacpi, paiman cunqui, "mañachihuai" nishpa nicpi, ama mitsaichu. 43 Caitapash quillcara tiyan: "Canpac llactamanta caccunata llaquinqui, canta chicniccunata chicninqui". 44 Ranti, ñuca cancunata nini: Cancunata chicniccunata llaquinquichic, cancunata ñacachiccunamanta Diosta mañanquichic. 45 Chashna rashpa, cancunapacjahua pachapi tiyac Yayapac churicuna canquichic. Pai allicuna jahuapi, manallicuna jahuapipash intita llucshichin; allicuna jahuapi manallicuna jahuapipash tamiachin. 46 Cancunata llaquiccunallata llaquishpa, ¿imata cuyai tucunquichic? ¿Manachu chaillata manallicuna ranacun? 47 Cancunapac aillucunallata salurashpa, ¿ima allita ranquichic? Diosta mana ricsiccunapash chaita ranacun. 48 Allicuna caichic, cancunapac jahua pachapi tiyac Yaya alli cashca shina.
1 Dios rimashcata ama ruranquichichu runacuna ricuncapaclla. Chashna racpi, cancunapac jahua pachapi tiyac Yaya mana imata cuyanca. 2 Can imatapash cushpa shucta yanapancapac, ama caparichu nishpa: "Ñuca rashcata ricuichic"; chashna ranacun llullacamacuna tantarina huasicunapi, callecunapipash, runacunapacpi yupachai tucuncapac. Shuti cancunata nini: Cuyanata ña chasquinurca. 3 Can, ranti, imatapash shucta yanapancapac cucpi, manapi can rashcata yachachun; 4 can alli rashca pacalla saquirichun; canpac pacallapi ricuc Yaya canta cuyanca. 5 Cancuna Dios—huan rimarishpa, ama llullacamacuna shina raichichu. Paicuna shayarishpa, tucuicunapac ñaupacpi, tantarina huasicunapi, callecunapi Dios-huan rimac canacun, runacuna paicunata ricuncapac. Shuti cancunata nini: Cuyanata ña chasquinurca. 6 Can Dios-huan rimarishpa, huasi ucuman yaicunqui: puncuta huichcashpa, pacallapi tiyac canpac Yaya Dios—huan rimanqui. Pacallapi ricuc canpac Yaya Dios canta cuyancami. 7 Can Dios—huan rimarishpa, ama achca shimicunata rimanquichu; Diosta mana ricsiccuna achca yanca shimicunata rimanun "Dios uyahuancami" nishpa yuyarishpa. 8 Ama paicuna shina ruraichichu; Dios cancuna mutsushcata yachanmi, cancuna chaira mana mañacpi. 9 - 13 Chairaicu cashna rimanquichic: Ñucanchic jahua pachapi tiyac Yaya, tucuicuna canta ricsinuchun. Can Apu tucuncapac shamui. Canpac munai rurarichun cai allpapi jahua pachapi rurarishca shina. Ñucanchic mutsushca tantata cunan puncha ñucanchicman cui. Ñucanchic manalli rashcata perdonapai, ñucanchicpash shuccuna ñucanchicman manalli rashcata perdonanchic. Juchanayaipi urmancapac ñucanchicta ama saquichu; manallimanta ñucanchicta quishpichi. 14 Cancuna perdonacpi shuccuna cancunaman manalli rashcata, jahua pachapi tiyac Yayapash cancunata perdonanca; 15 ranti, cancuna shuccunata mana perdonacpi, cancunapac Yaya mana perdonancachu cancunapac juchacunata. 16 Cancuna sasina puncha, ama llullacamacuna shina raichichu; paicuna llaquirishcalla purinun, runacunaman paicuna sasirashcata ricuchincapac. Shuti cancunata nini: Cuyanata ña chasquinurca. 17 Can sasicushpa, canpac ñahuita maillanqui, asnac yacuhuan canpac acchata armarinqui, 18 can sasirashcata shuccuna ama yachancapac; pacalli tiyac canpac Yaya Dios yachancami, canta cuyancami. 19 Ama cai pacha imacunata tantachichichu; cai pachapi susu micun, tucui huacllirin; shuhuacuna huasipi yaicunun shuhuancapac. 20 Ashtahuan alli canca jahua pacha imacunata tantachina; chaipi susu mana micunchu: manaima huacllirin; mana shuhuanun. 21 Canpac imacuna tiyashcapi, chaillapita canpac yuyai tiyanca. 22 Canpac ñahuicuna achic shinami canpac aichapac; canpac ñahuicuna alli cacpi, tucui aicha punchayanca; 23 canpac ñahuicuna manalli cacpi, tucui aicha tutapi tiyanca. Can charishca achic tuta capi, ¿ima sami yana chai tuta canca? 24 Shuc runa ishcai patronta sirbina mana ushanchu; shucta llaquishpa, shucta chicninca; shucta uyashpa, shucta mana uyancachu. Diosta cullquitapash sirbinata mana ushanquichichu. 25 Chairaicu cancunata nini: Ama llaquirichichu "causancapac imata micushun, imata churarishun" nishpa. ¿Manachu causana micunamanta yalli balin? ¿Manachu aicha churanamanta yalli balin? 26 Pishcucunata ricuichic. Mana tarpunun, mana pallanun huasipi huacaichincapac; chashnapash, jahua pachapi tiyac Yaya paicunata caran. ¿Manachu cancuna pishcucunamanta yalli balinquichic? 27 ¿Cancunamanta maican, imatapash rashpa, causaita unayachinca? 28 ¿Churanamanta imaraicu llaquirinquichic? Sacha sisacunata ricuichic; mana llancanucpipash, mana ahuanucpipash, sumac huiñanun. 29 Shuti cancunata nini: Salomonpash, tucui laya churanacunata charishpa, mana sisacuna shina churaricchu carca. 30 Dios, mana unaichu causac sacha sisacunata chashna churachicpi, ¿manachu ashtahuan allita cancunahuan ruranca, ansalla inic runacuna? 31 Chairaicu, ama llaquirichicu: Imata micushun, imata upiashun, imata churarishun nishpa. 32 Diosta mana ricsiccuna chaicunamanta llaquirinun; cancunapac jahua pachapi tiyac Yaya Dios cancuna chai tucui mutsushcata yachanmi. 33 Chashna cacpi, ñaupacta Diosta mascaichic, pai rimashcata raichic; causancapac mutsushca mana pishiyancachu. 34 Caya punchatapash ama yuyaranquichichu; caya punchapash quiquin llaquicunata apamunca. Caran punchapac llaquicunahuan pacta can.
1 Shuccunata ama taripanquichichu: Diosca cancunata mana taripancachu. 2 Cancuna shuccunata taripashca shinallata, Dios cancunata taripanca. 3 ¿Imaraicu canpac huauquipac ñahui ucupi tiya mapashituta ricunqui, canpac quiquin ñahui ucupi tiyac caspita mana ricushpa? 4 Shuc caspita charishpa canpac ñahui ucupi, ¿imaraicu canpac huauquita ninqui: "Huauqui, canpac ñahuipi tiyac mapashituta anchuchihuapai"? 5 Llullacama runa: ñaupacta canpac ñahuimanta caspita surcunqui; chai huasha canpac huauquipac ñahuimanta mapashituta surcuncapac allimi ricunqui. 6 Sumac cashcacunata ama allcucunaman cunquichichu; allcucuna piñarishpa shitarishpa, cancunata chucrichinunman. Perla nishca muyucunata ama cuchicunaman shitanquichichu; cuchicuna chaicunata jaitanunman. 7 Cancuna mañacpi, Dios cuncami; cancuna mascashpa tupanquichic; huasi puncuta tacacpi, pascanuncami. 8 Tucui mañac chasquin; mascac tupan; puncuta tacac runaman pascanunca. 9 ¿Cancunamanta maican runa paipac churi "tantata carahuai" nishpa nicpi, rumita cunca? 10 ¿"Yacu aichata carahuai" nishpa mañacpi, machacuita cuncachu? 11 Cancuna, manalli cashpallata, cancunapac churicunaman allicunata cuyanata yachanquichic; ¿manachu cancunapac jahua pachapi tiyac Yaya allicunata cunca paita mañaccunaman? 12 Chashna cacpi, tucui cancuna munashcata shuccuna cancunahuan rancapac, chaillatata ranquichic paicunahuan. Chaitami rurai nin Moisespac camachic quillca, profetacuna nishca quillcapash. 13 Quichqui puncuta yaicuichic. Jatun puncuta yaicushpa, jatun ñanpita rishpa, chincarinaman rinqui; chaita achca runa purinun; 14 ranti, causanaman rincapac, quichqui puncuta yaicunami; uchilla ñanpita rinami; chai puncuta, chai ñanpita ansa runacuna tarinun. 15 "Diospacmanta rimani" nishpa rimac llullacamacunata yuyanquichic. Paicuna jahuata ricurishpa, allicuna shina ricurinun; ranti paicunapac shuncu manalli can. 16 Paicuna rashcamanta paicunata ricsinquichic. Chinimanta ubillasta mana pallanchichu, capironamanta naranjata mana pallanchichu. 17 Alli yura alli muyucunata aparin; mana balic yura mana balic muyucunata aparin. 18 Alli yura mana balic muyucunata mana aparinchu; chashnallata, mana balic yura alli muyucunata mana aparinchu. 19 Mana balic muyucunata aparic yura cuchui tucunca rupachincapac. 20 Chashna cacpi, shuc runa alli cashcata yachancapac, pai rashcacunata ricunquichic. 21 Manapi "Apunchic, Apunchic" nishcamanta jahua pachaman yaicuncachu: ñuca Yaya Dios munashcata pactachic runa, paimi jahua pachaman yaicuna. 22 Chai punchapi achca runa ñucata rimanunca nishpa: "Apunchic, Apunchic, ¿manachu canpac shutipi yachachircanchic, canpac shutipi supaicunata jichurcanchic, canpac shutipi achca mana raipaccunata rarcanchic?". 23 Ñuca paicunata rimasha: "Mana imurapi cancunata ricsircanichu; ñucamanta anchurichic, manallita ruraccuna". 24 Ñuca cunan rimashca shimicunata pactachic shuc yuyayuc runa shinami, rumi jahuapi huasita shayachic. 25 Sinchi tamia shamurca, yacucuna juntarinurca, sinchita huairarca huasita cuyuchishpa; chashnapash, huasi mana tularishcachu, rumi jahuapi shayachishca cacpi. 26 Ranti, ñuca cunan rimashca shimicunata uyashpa mana pactachic, shuc yuyai illac runa shinami, tiyu jahuapi shayachic. 27 Tamia shamurca, yacucuna juntarinurca, sinchi huaira huasita cuyuchishpa urmachirca; chai huasi chincarirca. 28 Jesus rimanata tucuchishcapi, runacuna pai yacha chishcamanta mancharinurca; 29 pai yachachina shuc laya mari carca, ushaihuan yachachicurca, mana judio yachaccuna shina.
1 Jesus urcumanta uraicushcapi, achca runacuna paita catinurca. 2 Shuc sisu runa shamushpa, Jesuspac ñaupacpi cuncurirca, cashna nishpa: —Apulla, can munashpa, ñucata alliyachinata ushanqui 3 Rimacpi, Jesus maquihuan paita llancarca nishpa: —Munanimi, alliyashca saquiri. Chai ucu, sisu runa alliyashca saquirirca. 4 Jesus paita nirca: —Uyai, ama pitapash rimaichu; pacricunapacman rishpa, Moises rimashca camarita cunqui, tucuicuna yachancapac can ña alliyachi tucushcata. 5 Jesus Cafarnaun llactaman yaicucpi, shuc suldaru apu shamushpa, Jesusta mañarca nishpa: 6 —Apulla, ñucata sirbic runa huasipi sirin, mana puric ushan; yapa ñacarin nanaihuan. 7 Rimacpi uyashpa Jesus nirca: —Paita janpicrisha. 8 Suldaru apu chaita uyashpa nirca: —Apulla, ñuca mana balicchu cani can ñuca huasipi yaicuncapac. Rimailla, ñucata sirbic runa alliyancami. 9 Ñucaca, shuccunata sirbic runa cashpa, suldarucunapac apu cani. Shucta "ri" nicpi, pai rinmi. Shucta "shamui" nicpi, pai shamunmi. Ñucata sirbic runata "caita rurai" nicpi, pai ruranmi. 10 Chaita uyashpa, Jesus mancharirca; paita caticcunata nirca: —Shuti cancunata nini: Israel llactacunapi cai runa shina inishcata mana tuparcanichu. 11 Achca runacuna shamununca Abraanhuan, Isaac—huan, Jacobhuan pacta mesaman tiyarishpa jahua pachapi micuncapac. 12 Ranti, jahua pachapi yaicuna caccuna canchaman, tuta ucuman shitashcami canunca; chaipi huacanunca, ñacarinunca. 13 Huasha, Jesus suldaru aputa nirca: —Canpac huasiman ri, can inishca shina tucuchun. Chai ucu chai sirbic runa alliyashcami. 14 Chaimanta, Jesus Pedropac huasiman rirca; Pedropac huarmi mama uncushpa siricurca. 15 Jesus paipac maquita llancacpi, uncui samarirca; huarmi shayarishpa, paicunata sirbincapac callarirca. 16 Tutayacucpi, achca jirus supai japishca runacunata Jesuspacman pushamunurca; shuc shimillahuan supaicunata callpachirca, tucui uncuccunata alliyachirca. 17 Chashna tucurca Isaias profeta ñaupa uras rimashca pactarincapac; cashna mari quillcara tiyarca: Pai ñucanchic uncuicunata japirca, ñucanchic nanaicunata aparca. 18 Jesus achca runa pai muyucta tantaricpi ricushpa nirca: —Chinpaman jacuichic. 19 Rimacpi, shuc camachic quillcata yachac shamushpa, Jesusta nirca: —Yachachic, maimanpash can ricpi, canta catina munani. 20 Jesus cutipashpa nirca: —Chajacuna puñuna jutcuta charinun, pishcucunapash huasita charinun; ranti, cai RUNA maipi puñunata mana charinchu. 21 Shuc Jesus yachachishca runapash paita nirca: —Apulla, ñaupacta ñuca yayata panpachihuapai. 22 Jesu cutipashpa nirca: —Catihuai. Ñucata mana quiriccuna huañushcacunata panpanuchun. 23 Chai huasha, Jesus canuapi yaicurca; yachachishcacunapash paihuan yaicunurca. 24 Cuncaimanta cuchapi sinchi huaira jatarirca; yacu piñaricpi, bacucuna canuata ñalla panpanurca. Jesus puñucurca. 25 Yachachishcacuna Jesusta licchachishpa ninurca: —Apulla, ñucanchicta quishpichipai. Panpariranchicmi. 26 Jesus liccharishpa nirca: —¿Imaraicu mancharinquichic? Ansashitulla ininquichic. Jatarishpaca, yacuta huairatapash piñashpa rimarca; rimacpi tucui casilla saquirirca. 27 Runacuna mancharishpa ninurca: —¡Mana pacha! ¿Ima laya runa can cai? uairapash yacupash paita uyanun. 28 Jesus chinpaman pactashcapi, Gadara nishca llactamanta ishcai runa aya jutcucunamanta llucshishpa, Jesuspacman shamunuica. Chai runacunata millai supai japishca carca; chaita purincapac manapi usharca. 29 Jesusta ricushpa, caparinurca ñishpa: —¿Imapac ñucanchihuan satirinqui, Diospac Churi Jesus? ¿Ñucanchicta ñacachincapacchu shamunqui, pacha manara pactarishcapi? 30 Chainiman achca cuchi micucunurca; 31 supaicuna Jesusta mañanurca nishpa: —Runacunamanta ñucanchicta llucshichishpa, ñucanchicta chai cuchicunapi yaicuchipai. 32 Chashna rimanucpi, Jesus cutipashpa nirca: —Allimi, yaicuichiclla. Chashna nicpi uyashpa, chai millai supaicuna runacunamanta llucshishpa, cuchicunapi yaicunurca; yaicunucpi, cuchicuna shuc huaicuta cuchaman urmanurca; yacupi chucallishpa huañunurca. 33 Cuchi ricuccuna, chaita ricushpa, mancharishpa, callpashpa rinurca; llactaman pactashpa, chai tucuita huillanurca; supai japishca runacunaman tucushcatapash rimanurca. 34 Llacta runacuna, chaita uyashpa, Jesus tiyashcaman rinurca; paita ricushpa, mañanurca nishpa: —Sucanchic allpamanta llucshipai.
1 Rimanucpi uyashpa, Jesus canuapi yaicushpa, cuchata chinpashpa, paipac quiquin llactaman pactarca. 2 Pactacpi, shuc suchu runata cahuitupi sirishcata Jesuspacman pushanurca. Jesus, uncushcata huantuccuna inishcata ricushpa, suchu runata nirca: —Churi, cariyanqui; canpac juchacuna pichashca canun. 3 Rimacpi, huaquin camachic quillcata yachaccuna uyashpa, shuncupi yuyanurcanishpa: —Cai runa Diosta camicun pai rimashcahuan. 4 Jesus, paicuna shuncupi yuyashcata yachashpa nirca: 5 —¿Imaraicu manallita yuyacunquichic shuncu ucupi? ¿Imata ashtahuan rimanalla can: "Canpac juchacuna pichai tucunun" nishpa rimanachu? ¿''Jatari, canpac huasiman ri" nishpa rimanachu? 6 ¿Manachu cutipahuanquichic? Ñuca cai pachapi juchacunata pichana ushashcata ricuchinca rani. Huasha suchu runata nirca: —Jatari, canpac cahuituta apashpa huasiman ri. 7 Rimacpi, suchu runa jatarishpa, huasiman rirca. 8 Runacuna, chaita ricushpa, mancharinurca; mancharishpa, Diosta chacchanurca, chashna ushanata runaman cushcaraicu. 9 Jesus chaimanta rishpa, Mateo shutiyuc runata ricurca; chai runa gubirnu cullquita pallac cashpa, gubimu huasipi tiyarca. Jesus paita ricushpa nirca: —Ñucahuan shamui. Mateo, jatarishpa, Jesusta catirca. 10 Chai huasha, shuc puncha, Jesus Mateo huasipi micucucpi, achca gubirnu cullquita pallaccuna juchayuccunapash Jesus-huan pai yachachishcacunantin micuncapac shamunurca. 11 Fariseocuna, chaita ricushpa, Jesus yachachishcacunata ninurca: —Imaraicu cancunata yachachic gubirnu cullquita pallacu nahuan, juchayuccunahuanpash micuc can? 12 Jesus chaita uyashpa nirca: —Alli causaccuna janpicamata mana mutsunun; uncushcacuna janpicamata mutsunun. 13 Quillcapi quillcarata atipaichic: Huañuchishca huacracunamanta yalli llaquic shuncuta munani. Allicunata mascancapac mana shamurcanichu; manallicu nata mascancapac shamurcani. 14 Shuc puncha, Bautisac Juanta caticcuna, Jesus-huan tuparishpa, tapunurca cashna nishpa: —¿Imaraicu ñucanchihuan fariseocunahuan achca cuti sasinchic, canpaccunaca mana sasicchu canacun? 15 Tapunucpi, Jesus cutipashpa nirca: —¿Buraman cayashcacuna sasicchu canun, cari paicunahuan tiyacucpi? Mana. Shuc puncha cari pushai tucunca; chai huasha sasinunca. 16 Manapi rucu churanata mushu churana pitihuan llachapanchu; chashna ranucpi, mushu churana curuyacpi, rucu churanata aisashpa, ashtahuan lliquichinca. 17 Chashnallata, manapi mushu binota rucu cara purupi churan; chashna ranucpi, cara puru tucyacpi, bino tallirinca, cara puru huacllirinca. Chairaicu, mushu bino mushu cara purupi huacaichina can, ama huacllirincapac. 18 Jesus chashna rimacucpi, shuc judiocunapac apu shamushpa, Jesuspac ñaupacpi tuhuaman urmashpa, nirca: —Ñuca ushushi cunanshitu huañurca; can rishpa maquita paipacjahuapichuracpi, causarincami. 19 Rimacpi, Jesus shayarishpa, chai runahuan rirca; Jesus yachachishcacunapash rinurca. 20 Riranucpi, shuc uncushca huarmi shamurca: chunca ishcai huatata yahuar tallirishpa causarca; chai huarmi Jesusman huashamanta mayanyashpa, paipac churanata llancarca, 21 shuncu ucupi yuyarishpa: —Paipac churanata llancashpallahuan alliyashami. 22 Llancacpi, Jesus ticrarishpa, huarmita ricushpa nirca: —Ama manchaichu; can inishcamanta alliyachi tucushcanqui. Chai ucu huarmi alliyarca. 23 Jesus, apu huasiman pactashpa, pinculluccunata ricushpa, runacuna caparishcahuan huacacunucpi uyashpa, paicunata nirca: 24 —Llucshichic caimanta; huahua mana huañushcachu, puñuranlla. Chaita uyashpa, runacuna Jesusta asinurca. 25 Jesus, runacunata llucshichishpa, huahua tiyashcaman yaicurca; maquimanta paita japicpi, huahua jatarirca, 26 Tucui chai suyuta Jesus rashcata rimanurca. 27 Jesus chaimanta llucshicpi, ishcai ñausa runa paita catinurca, cashna nishpa: —Davidpac churi, ñucanchicmanta llaquiripai. 28 Jesus, huasiman yaicushpa, ñausacunapash catishpa yaicunucpi, paicunata tapushpa nirca: —¿Ñuca cancunata janpina ushashcata ininquichichu? —Ari, Apulla-ninurca. 29 Rimanucpi uyashpa, Jesus paicunapac ñahuicunata llancashpa, nirca: —Cancuna inishca shina tucuchun. 30 Chai ucullapi, paicunapac ñahuicuna alliyachi tucunurca. Jesus paicunata nirca: —Yuyanquchic; manapi ñuca rashcata yachachun. 31 Paicuna rishpaca, Jesus rashcata tucui chai llactacunapi rimanurca. 32 Ñausacuna rishca huashalla, shuc runacuna shuc upa shimi runata Jesuspacman pushanurca; chai upa shimi runata supai japishca carca. 33 Jesus supaita chai runamanta jichucpi, runa rimancapac callarirca. Chaita ricuccuna mancharishpa ninurca: —¡Mana pacha! Chashna rashcata Israel llactacunapi mana imura ricurcanchic. 34 Ranti, fariseocuna ninurca: —Cai runa supaimanta japishca ushaihuan supaicunata jichun. 35 Jesus tucui llactacunata puric carca, tantarina huasicunapi yachachishpa. Diospac cushi shimita camachicurca, tucui laya uncuicunata nanaicunatapash alliyachishpa. 36 Achca runacunata ricushpa, paicunamanta llaquirirca, sanpayashca canurca mari, jichushca shina, michic illac obejacuna shina. 37 Jesus pai yachachishcacunata nirca: —Pallana chacra achcami, pallaccuna ansallami. 38 Chacra amuta mañaichic pallaccunata paipac pallana chacraman cachachun nishpa.
1 Shuc puncha, Jesus yachachishcacunata cayashpa, supaicunata jichuna ushanata paicunaman curca; chashnallata, tucui laya uncuita, tucui laya nanaita janpina ushanata paicunaman curca. 2 Caicunami chunca ishcai apostolcunapac shuticuna: Ñaupac Simon (huasha "Pedro" shutichishca) paipac huauqui Andres; Cebedeopac churi Santiago paipac huauqui Juanpash; 3 Felipe, Bartolome, Tomas, Mateo (gubirnu cullquita pallac), Alfeopac churi Santiago, Tadeo, cananeo nishca Simon, 4 Judas Iscariote, Jesusta japichic runa. 5 Jesus chai chunca ishcaita cacharca cashna nishpa: —Aucacunapacman ama rinquichichu; Samaria llactacunaman ama yaicunquichichu. 6 Israelmanta chincarishca obeja cunapacman rinquichic. 7 Paicunapacman pactashpa, cashna rimanquichic: "Diospac pacha mayanllami". 8 Uncushcacunata janpinquichic, huañushcacunata causarichinquichic, sisu runacunata alliyachinquichic, supaicunata jichunquichic; chashna rana ushanata yanca chasquircanquichic, yancapash cunquichic. 9 Curita, cullquita, malata ama apaichichu. 10 Shuc camisallata apanquichic, ushutata tahunatapash ama apanquichichu. Llancac runaman pai llancashcamanta cunata cuna can. 11 Shuc llactaman pactashpa, shuc alli shuncu runata mascanquichic, paipac huasipi saquirincapac llactamanta llucshinacama. 12 Huasiman yaicushpa, saluranquichic "ganaslla causaichic" nishpa. 13 Huasipi tiyaccuna baliccuna canucpi, cancuna mañashca ganas causai chaillapi saquirichun; mana baliccuna canucpi, cancunamanllata ticrachun. 14 Cancunata mana chasquinucpi, mana uyanucpi, chai huasimanta chai llactamantapash llucshishpa, chaquimanta allpata chausinquichic. 15 Shuti cancunata nini: Chashna runacuna Sodomapi Gomorrapi causashcacunamanta yalli sinchi ñacachi tucununca. 16 Uyahuaichic: Cancunata obejacuna shina pumacuna ucupi cachani. Machacui shina yuyayuc caichic, urpicuna shina alli shuncuyuc caichic. 17 Yuyanquichic: Runacuna cancunata japishpa, apucunapacman pushanunca; tantarina huasicunapi cancunata llipachinunca. 18 Jatun apucuna ñau pacman ñucaraicu pushai tucunquichic; chaipi paicunaman mana judio caccunamanpash ñucamanta rimanquichic. 19 Cancuna apucunaman cui tucushpa, ama llaquirinquichichu imata rimashun nishpa, imashnata rimashun nishpa; chai pacha pactamucpi, Dios cancunata yanapanca rimana ushancapac. 20 Mana cancunachu rimanquichic, Dios Yayapac samai cancunapac shimihuan rimanca. 21 Shuc runa paipac quiquin huauquicunata japichinca huañuchinuchun nishpa; yayacuna paicunapac churicunata japichinunca; churicuna yayacunata chicnishpa jatarinunca, paicunata huañuchinuchun nishpa. 22 Tucui runacuna cancunata chicninunca ñucaraicu; mana sanpayashpa ñucata catic runa quishpichi tucunca. 23 Shuc llactapi cancunata chicnishpa ñacachinucpi shuc llactaman miticunquichic; shuti pacha cancunata nini: Cancuna tucui Israel llactacunata chaira mana purishcapi, cai RUNA shamunca. 24 Shuc yachachishca runa paita yachachicmanta yalli balic mana tiyanchu; shuc sirbic runa paipac amumanta yalli balic mana tiyanchu. 25 Shuc yachachishca runa paita yachachie shina tucucpi, alli can; shuc sirbic runa paipac amu shina tucucpi, alli can. Huasi amuta "Belcebu" nishpa ninucpi, ¿paipac aillucunamanta imata ninunca?. 26 Chashna cacpi, runacunata ama manchanquichichu. Imapash pacashca cashpa, pacllaman llucshichishca canca; pacalla rimashca yachai tucunca. 27 Ñuca cancunaman tutapi rimashcata punchapi huillanquichic; ñuca pacalla cancunaman rimashcata huasi jahuamanta caparinquichic. 28 Aichata huañuchiccunata ama manchanquichichu; almata huañuchincapac mana ushanun. Almata aichantin ucupachapi tucuchina ushacta manchana canquichic. 29 ¿Manachu ishcai pishcucunata ansa cullquipi catunun? Chashna cacpipash, chaicunamanta shucllapash allpaman mana urman, cancunapac Yaya mana munacpi. 30 Cancunapac uma acchacunapash yupashca canun. 31 Chashna cacpi, ama mancharinquichichu; cancuna achca pishcucunamanta yalli balinquichic. 32 Maicanpash allita rimacpi ñucamañta runacuna ñaupacpi, ñucapash paimanta allita rimasha ñuca jahua pachapi tiyac Yaya ñaupacpi. 33 Ranti maicanpash ñucamanta rimashpa "paita mana ricsinichu" nishpa rimacpi runacuna ñaupacpi, ñucapash "paita mana ricsinichu" ñishpa rimasha ñuca jahua pachapi tiyac Yaya ñaupacpi. 34 Ama yuyaichichu ñuca cai pachaman ganas causanata apamuncapac shamushcata; mana shamurcanichu ganas causanata apamuncapac; piñanacunata apamurcani. 35 Ñuca shamurcani piñanacuna tiyanuchun nishpa churi paipac yayahuan, ushushi paipac mamahuan, cachun paipac cari mamahuan. 36 Caran runa quiquin aillucunapi chicni tucunca. 37 Maicanpash yayata mamata ñucamanta yalli llaquishpa, ñucata cati cancapac mana balicchu can. Maicanpash churi ta ushushita ñucamanta yalli llaquishpa, ñucata catic cancapac mana balinchu. 38 Maicanpash quiquinpac crusta mana aparishpa, ñucataca mana catishpa, ñucata catic cancapac mana balin chu. 39 Causaita taric runa chaita chincachincami; ranti, quinquipac causaita chincachic ñucaraicu, causaita tarinca. 40 Cancunata chasquic runa ñucata chasquin; ñucata chasquicca ñucata cachashcata chasquin. 41 Profetata chasquic runa profeta cashcaraicu, profeta shina cuyai tucunca; alli runata chasquic alli cashcaraicu, alli runa shina cuyai tucunca. 42 Maicanpash shuc cai huahuacunaman chiri yacuta upiachicpi, pai ñucata catic cashcaraicu, shuti pacha nini: Chai runa allita cuyai tucunca.
1 Jesus, paipac chunca ishcai runacunata yachachishca huasha, chaimanta rirca shuc liactacunapi yachachincapac, camachincapac. 2 Juan, chunta curraipi huichcara cashpa, Jesucristo rashcacunata uyashpa, ishcai yachachishcacunata Jesuspacman cacharca tapuncapac, cashna nishpa: 3 —¿Can shamuna cacchu canqui, shuctachu chapana canchi? 4 Jesus paicunata cutipashpa nirca: —Juanpacman ticraichic; cancuna ricushcata uyashcatapash huillanquichic: 5 Ñahui illaccuna ricunun, jancacuna purinun, sisu runacuna pichashcami canun, upa rinricuna uyanun, huañushcacuna causarinun, cushi shimi imapash illac runacunaman rimashcami can. 6 Cushiyucmi ñucahuan tuparic runa ñucamanta mana piñarishpa anchuricpi. 7 Juan yachachishcacuna rishca huasha, Jesus paimanta rimancapac callarirca nishpa: —¿Imata ricuncapac chunlla allpaman rircanquichic? ¿Huairahuan cuyurishca pintutachu ricuncapac? 8 ¿Sumac churanata churarishca runatachu ricuncapac? Sumac churanata churarishcacuna cullquiyuccunapac huasicunapi tiyanun. 9 ¿Imata ricuncapac rircanquichic? ¿Shuc profetachu? Ari, Juan tucui profetacunata yallinmi. 10 Paimanta mari quillcapi quillcashca tiyan: Riqui, ñuca shimita apac runata cachacuni, canta ñaupashpa ñanpita ailichincapac. 11 Shuti cancunata nini: Bautisac Juan tucui cunan punchacama causashca runacunamanta yallimi can. Chashna cacpipash, Diospac pachapi mai uchilla cac runa paimanta yalli jatunmi. 12 Bautisac Juan shamushca punchamanta cai pachacama, Diospac pacha cariyashpa ñaupacman rin; chaipi yaicunata munaccuna sinchi maquita rashpa yaicunun." 13 Tucui profetacuna camachic quillcapash chai pachamanta huillanurca Juan shamushca punchacama; 14 Juanmi shamuna cac profeta Elias; munashpa inichic. 15 Yuyayuc runa yuyachun. 16 Huasha Jesus nirca: —¿Imata rimasha curian causaccunamanta? ¿Ima shina canun? Huahuacuna shina canun pulasacunapi pucllancapac tiyarishpa, ñahuipura tiyaecuriamari capannun, cashna nishpa: 17 "Piricullurcanchic, cancunaca mana tushurcariquichic; llaquilla taquircanchic, cancunaca mana huacarcahquichic". Chaita cairaicu rimani: 18 Bautisac Juan mana micushpa, mana upiashpa causarca; cancunaca "jirus supaita charin" nishpa ninquichic: 19 Paipac huasha cai RUNA shamurca; pai micuc can, upiac can; cancunaca paimanta rimashpa ninquichic: "Cai runa micuisiqui, upiasiqui can; manallita ruraccunahuan gubirnu cullquita pallacunahuan llaquicpura can. Ranti, Dios "chashna tucuchun" nishpa, yachac shina rarca. 20 Chashna rimashca huasha, Jesus huaquin llactacunata piñarca, paicuna Diosman mana ticrashcaraicu, achca mana raipaccunata ricushpallata. 21 Cashna nirca: —Corozain llacta, Betsaida llacta, cancunapac manchaipae canca. Ñuca, cancunapacpi rashcacunata Sidon llactapi, Tiro llactapi ranushcapi, unaimanta pacha chai llactacunapi tiyaccuna Diosman ticranunman carca; chaita ricuchincapac, tsuntsu churanata churarinunman carca, ushpatapash umapi churanunman carca. 22 Chairaicu cancunata nini: Taripana puncha cancuna Tiro llactamanta, Sidon llactamanta yalli sinchi ñacachi tucunquichic. 23 ¿Canca, Cafarnaun llacta, puyucunacama jatachi tucusha yuyanquichu? Ucupachacama urayachi tucunqui. Ñuca canpacpi rashcacunata Sodoma llactapi ranushcapi, cunancama chai llacta tiyanman carca. 24 Chairaicu nini: Taripana puncha cancuna Sodoma llactapi causaccuna manta yalli sinchi ñacachi tucunquichic. 25 Shuc puncha, Jesus Dios—huan rimarishpa nirca: —Canta pacrachuni, Yaya, cai pachapac jahua pachapacpash amu; yachaccunaman cai tucuita pacarcanqui, mana yachac ranacunaman ricsichircanqui. 26 Ari, Yayallap chashnami munarcanqui. 27 Ñuca Yaya tucuita ñuca maquipi churarca; manapi Diospac Churita ricsin, Yayalla paita ricsin; chashnallata, manapi Yayata ricsin, Churilla paita ricsin. Churi munashcapash Dios Yayata ricsin. 28 Ñucaman shamuichic, sanpayashcacuna, llaquirishcacuna: ñuca cancunata samachishami. 29 Ñuca yachachishcata aparichic, ñucata catichic, ñuca casi shuncuyuc, llaqui shuncuyuc cani; cancunaca ganas causanata ñucapi tupanquichic. 30 Ñuca yachachishca aparipac cañ, pancalla can.
1 Shuc samana puncha, Jesus shuc tarpushca ucuta puricurca; paihuan puriccuna, yarcashpa, trigo huancucunata aisashpa, muyucunata micucunurca. 2 Fariseocuna, chaita ricushpa, Jesusta ninurca: —Riqui, can yachachishcacuna samana punchapi mana ranatarañacun. 3 Rimanucpi uyashpa Jesus cutipashpa nirca: —¿Manachu David rashcata liircanquichic, pai paihuan tiyaccunantin yarcashcapi? 4 Diospac huasiman yaicushpa, camari tantacunata micunurca; chai laya tantata manapi micunata ushan, pacricunalla mieunun. 5 Moisespac camachic quillcapi ¿manachu liircanquichic pacricuna Diospac huasipi samana punchapipash llancashcata?; chashna rashpa, juchata mana ranacun. 6 Ñuca Diospac huasimanta yalli balicmi cani. 7 Cancuna mana atiparcanquichic quilica ricuchishcata, cashna nicpi: Shuccunamanta llaquirichic; chaitami munani. Huacra camaricunata mana munanichu. Cancuna chaita atipashpa, jucha illaccunata mana cautsayachinquichicman. 8 Cai RUNA samana punchapac amumi can. 9 Chaimanta rishpa, Jesus tantarina huasipi yaicurca. 10 Chaipi shuc huacllishca maquiyuc runa tiyarca; fariseocuna "imata rashpa Jesusta cautsayachishun" nishpa paita tapunuxca: —¿Samana punchapi shuc uncuc runata alliyachina balinchu? 11 Jesus cutipashpa nirca: —Cancuna shuc huihuata charishpa, chai huihua samana puncha shuc jutcupi urmacpi, ¿manachu surcunquichic? 12 Runa huihuamanta yalli balicmi. Chashna cacpi, samana puncha allita rurana usharin. 13 Chai huasha, huacllishca maquiyucta nirca: —Canpac maquita chutachi. Chutachicpi, huacllishca maqui chai shuc maqui shina alliyashca saquirirca. 14 Fariseocuna, chaimanta llucshishpa, paicunapura rimarinurca imashnata Jesusta huañuchishun nishpa. 15 Chaita yachashpa, Jesus chaimanta rirca; achca runa paita catinurca. Jesus tucui laya uncushcacunata alliyachirca; 16 paicunata alliyachishpa nirca: —Ama imatapash ñucamanta huillanquichichu. 17 Chashna tucurca profeta Isaias ñaupa quillcashca pactarincapac; cashna mari quillcashca carca: 18 Caimi ñucata sirbic runa, ñuca acllashca. Paita llaquini, paipi cushiyani. Ñuca samaita paipac jahuapi churasha. Pai tucui runacunata allita rashpa causancapac yachachinca. 19 Shuccunahuan piñashpa mana rimancachu; paipac shimita callecunapi mana uyachincachu. 20 Paquirinalla pintuta mana paquincachu; huañucuc chinpusuta mana huañuchiccachu, tucui pachapi paipac shimita uyachinacama. 21 Tucui llactacuna paita chapashpa causanunca. 22 Shuc puncha, shuc supai japishca runata Jesuspacman pushanurca; chai runa mana ricuc, mana rimac carca. Jesus paita alliyachicpi, chai runa ricuncapac, rimancapac callarirca. 23 Chaita ricushpa, tucui runacuna mancharinurca nishpa: —Davidpac churichu cai runa? 24 Ranti, fariseocuna chaita uyashpa ninurca: —Cai runa Belcebu nishca supaicuna apupac shutihuan supaicunatajichun. 25 Jesus, paicuna yuyacushcata yachashpa, nirca: —Shuc llactapi causaccuna chican chican chaupiricpi, chai llacta tucurincami. Shuc huasipi causac aillucuna, paicunapura piñanacushpa, tucurinuncami. 26 Chashanallata, supai apu, supaicunata jichushpa, pai quiquinllata chicnin; quiquinllata chicnicpi, paipac ushai tucurincami. 27 Cancuna ninquichic: "Can supai apupac ushaihuan supaicunatajiehunqui". Chashna cacpi, ¿cancunata caticcuna pipac ushaihuan supaicunata jichunun? Paicuna rurashcahuan cancuna pantashcata ricuchinun. 28 Ñucaca Dios Samaipac ushaihuan supaicunata jichuni; chashna rashcahuan Diospac pacha cancunaman ña pactamushcata ricuchini. 29 ¿Maican shuc sinchi runapac huasiman yaicunca shuhuancapac, ñaupacta paita mana huatashpa? Paita huatashca huasha, shuhuanata ushanca. 30 Maicanpash ñucahuan mana tiyashpa, ñucata chicnin; ñucahuan mana pallac runa chausichin. 31 Chashna cacpi, cancunata nini: Tucui laya juchacunata, tucui jirus shimicunata runacunaman pichana usharin; ranti maicanpash Santo Samaita piñashpa rimacpi, mana usharin perdonai tucuncapac. 32 Chashnallata, maicanpash cai RUNATA piñashpa rimacpi, perdonai tucunca; ranti, Santo Samaita piñashpa rimac runa mana perdonai tucunca cai pachapi shamuna pachapipash. 33 Caitapash nirca Jesus: —Alli yura alli muyucunata aparin; mana balic yura mana balic muyucunata aparin; shuc yura paipac muyumanta ricsirin. 34 Machacui miraicuna, ¿cancuna manallicuna cashpa, imashna allita rimana ushanquichic? Runa shuncupi charishcata riman mari. 35 Alli runa allita riman paipac shuncu alli cashcaraicu; manalli runa manallita riman, paipac shuncu manalli cashcaraicu. 36 Taripana punchapica, runa yanca rimash camanta taripai tucunca. 37 Can rimashcacunamanta jucha illacmi tucunqui; can rimashcacunamanta cautsayachi tucunqui. 38 Shuc puncha, huaquin fariseocunahuan quillcata yachaccunahuan Jesusta ninurca: —Yachachiccama, shuc mana raipacta rurapai ñucanchic ricuncapac. 39 Jesus cutipashpa nirca: —Cai manalli runacuna, Diosta mana uyac runacuna shuc mana raipacta ricuna munanun; shuc mana raipacta mana ricununcachu; profeta Jonas—huan tucuscata yuyarichisha. 40 Jonas quimsa puncha tutantin chai jatun yacu aicha ucupi tiyashca shina, chashnallata cai RUNA quimsa puncha tutantin allpa ucupi tiyancami. 41 Ninive llactapi tiyashcacuna cunan causaccunata cautsayachinunca taripana puncha; paicuna Diosman ticranurca mari, Jonas huillashcata uyashpa: cancunapacpica shuc Jonasmanta yalli balic tiyanmi. 42 Sur nishcamanta jatun apu huarmi cunan causaccunata cautsayachinca; pai carumanta shamurca mari Salomon yachashcata uyancapac; cancunapacpica shuc Salomonmanta yalli balic tiyanmi. 43 Shuc millai supai shuc runa ucumanta llucshishpa, chunlla allpapi puricachan, samasha nishpa; maipi samanata mana tupashpa, paipac shuncupi nin: "Ñuca llucshishca runa ucuman ticrasha". 44 Chaiman ticrashpa, chai runata tarin chushac huasi shinata, allichishcata, pichashcata. 45 Chaita ricushpa, chaimanta rishpa, shuc canchis supaicunata pushamun, paimanta yalli millaicuna; tucuicunaca chai runapi causancapac yaicunun. Yaicunucpi, chai runa ashtahuan manalli saquirin. Chai layallata tucunca cai manalli runacunahuan. 46 Jesus chaira rimacucpi, paipac mamahuan, paipac huauquicunahuan shamunurca; huasi canchapi saquirinurca, "paihuan rimarinata munanchic" nishpa. 47 Shuc runa Jesusta nirca: —Uyai, canpac mama ailiucunantin canchapi tiyanun, canhuan rimarinata munanun. 48 Chaita rimashca runata nirca Jesus: —¿Pitac can ñuca mama?, ¿picuna canun ñuca huauquicuna? 49 Huasha, pai yachachishcacunata ricuchishpa nirca: —Caicunami ñuca mama, ñuca huauquicuna. Ñuca jahua pachapi tiyac Yaya munashcata pactachic runa paimi ñuca huauqui, ñuca pani, ñuca mama.
1 Jesus huasimanta llucshishpa, cucha pataman rishpa tiyarirca. 2 Achca runa tantaricpi, shuc canua ucuman yaicushpa, tiyarirca; runacunaca yacu patapi saquirinurca. 3 Unaita Jesus paicunata yachachirca cashna rimashpa: —Shuc runa chacraman tarpuncapac rirca. 4 Tarpucpi, hua quin muyucuna ñanpipi urmanurca. Pishcucuna shamushpa micunurca. 5 Huaquin muyucuna rumi panpapi urmanurca; mana achca allpa tiyashcapi; utcalla huiñarirca, allpa mana yapa ucuta cacpi. 6 Inti llucshicpi, huiñashca muyu ruparirca; sapi illac cashcaraicu chaquirirca. 7 Huaquin muyucuna huita ucupi urmanurca; huitaca alli. muyuta mana huiñachirca. 8 uaquin muyucuna alli allpapi urmanurca; sumac huiñarinurca, achcata aparinurca: huaquin muyumanta shuc patsac muyu llucshirca, huaquinmanta sucta chunca muyu, huaquinmanta quimsa chunca muyu. 9 Rinriyuc runa alli uyachun. 10 Rimacpi, yachachishcacuna Jesusm tapunurca nishpa: —¿Imaraicu runacunata chashna shimicunahuan yacha chinqui? 11 Jesus cutipashpa nirca: —Dios paipac pacashca shimita cancunaman ricuchin; ranti, shuccuna mana atipana ushanun. 12 Charic runa ashtahuan cui tucunca, ashtahuan charincapac; ranti, mana charicmanta pai charishcashituta quichununca. 13 Chairaicu, paicuhaman chai iaya shimicunahuan rimani; paicuna ricushpapash, mana ricushca shina saquirinun; uyancapac, uyanun; ranti, mana atipanun, mana uyashca shina saquirinun. 14 Chashna cacpi, profeta Isaias rimashca paicunapi pactarin; cashna rimashca carca: Cancuna shuti pacha uyanquichic; ranti, mana atipanquichic. Shuti pacha ricunquichic, ranti mana ricushca shina. 15 Cai runacunapac uma yapa sinchi tucurca; mana alli uyanun; ñahuicunata quillpashcata charinun, ama ñahuicunahuan ricuncapac, ama rinricunahuan uyancapac, ama yuyaihuan atipancapac, ama ñucaman ticrancapac "ñucanchicta janpipai" nishpa. 16 Ranti, cancuna cushiyucmi canquichic, cancuna uyanquichic mari, ricunquichic mari. 17 Shuti cancunata nini, achca profetacuna, achca alli runacuna cancuna ricurashcata ricunata munashpallata, mana ricunushcachu; cancuna uyarashcata uyanata munashpallata, mana uyanurcachu. 18 Huasha, Jesus nirca: —Uyahuaichic imata yachachin tarpucmanta rimashca: 19 Ñanpipi urmashca muyucuna Diospac shimita yanca uyacta ricuchinun; supai shamushpa, quichun chai runa shuncupi Dios tarpushcata. 20 Rumi allpapi tarpushca, shimita uyac runata, chaita cushihuan chasquic runata ricuchin: 21 mana sapiyuc tucushpa mana sinchicun; llaquicuna shamucpi Diospac shimiraicu, chai runa ininata saquin. 22 Huita ucupi urmashca muyu, shimita chasquic runami; chai runa cai pacha imacunapi, cai pacha cushicunapi shuncuta churan; chaicuna alli shimita huañuchinun; chai muyu alli huiñacpipash, mana aparinchu. 23 Alli allpapi tarpushca, shimita uyac, shimita chasquic runata ricuchin; chai shimi paipac shuncupi alli huiñan, sumac aparin; caran muyu shuc patsata aparin, huaquin muyu sucta chunca muyuta aparin; huaquin muyu quimsa chunca muyuta aparin. 24 Jesus shuctapash rimarca cashna nishpa: —Diospac pachapi shuc cullquiyuc runahuan tucushca shina tucun: Shuc runa alli trigo muyuta paipac chacrapi tarpuchirca. 25 Paipac runacuna puñucunucpi, shuc paita chicnic runa shamushpa, mana balic muyuta chaillapi shitashpa, rirca. 26 Trigo ña tuctucucpi, chai shuc mana balic quihuapash ricurirca. 27 Chaita ricushpa, sirbiccuna amuta huillacrinurca nishpa: —Amu, ¿manachu alli muyuta canpac chacrapi tarpuchircanqui? ¿Maimanta chai mana balic quihua huiñarca? 28 Amu nirca: —Ñucata chicnic runa chaita rarca. Sirbiccuna ninurca: —Can munacpi, chai quihuata surcucrishun. 29 Amu nirca: —Mana; quihuata pilashpa, trigotapash pilanquichicman. 30 Pucunacama saquichic; pallana pacha, yanca quihuata ñaupacta pallanquichic rupachincapac; huasha alli trigota pallanquichic, huasipi huacaichincapac. 31 Jesus shuctapash rimarca nishpa: —Diospac pacha shuc mostaza nishca muyu shinami. 32 Tarpushcapi, tucui muyumanta yalli uchilla can; huasha huiñan, tucui quihuamanta yalli jatun tucun, shuc yura shina tucun; huairapi huanpuric pishcucuna shamushpa, paipac pallcacunapi huasinun. 33 Cai shuctapash rimarca: —Diospac pacha levadura nishca shinami; shuc huarmi ansashituta japishpa, quimsa tupu harinahuan masan, tucui punquirinacama. 34 Chashna shimicunahuan Jesus runacunata yachachicurca; shuc laya shimicunahuan, mana. 35 Chashna tucurca profeta rimashca pactarincapac, cashna mari quillcashca carca: Yachachina shimicunahuan rimasha; Dios cai pachata rurashcamanta pacalla tiyashcata huillasha. 36 Chai shimicunta rimashca huasha, Jesus runacunata cachashpa, huasiman yaicurca; yachachishcacuna shamushpa, paita ninurca: —Mana balic quihuamanta rimashcata ñucanchicta yachachipai. 37 Jesus cutipashpa nirca: —Alli muyuta tarpuc runa cai RUNAMI. 38 Chacra cai pachami; alli muyu jahuapacha churicunata ricuchin; mana balic muyu supaita caticcunata ricuchin; 39 mana balic muyuta tarpuc supaimi; paliana, cai pacha tucurinami; pallaccuna angelcunami canun. 40 "Mana balic quihuata pallanushca shina rupachincapac, chashnallata tucunca cai pacha tucuricpi. 41 Cai RUNA paipac angelcunata cachanca paipac pachamanta tucui manallita ruraccunata anchuchincapac; 42 paicunata jatun nina ucupi shitanunca; chaipi huacai, tucui sami nanaicuna tiyanca, 43 Ranti, allicuna inti shina tucushpa, puchaclla ricurinunca Yaya huasipi. 44 "Diospac pacha allpa ucupi pacashca jatun curimuyu shinami; chai curimuyuta tupac runa, cutillata chai allpallapi pacan; cushiyashpa, pai charishcacunata catun chai allpata rantincapac. 45 "Diospac pacha shuc rantic catuc runa shinami, yapa balic perla nishca rumicunata mashcac. 46 Shuc yapa balicta tarishpa, tucui pai charishcata catun chai rumita rantincapac. 47 "Diospa pacha shuc llica shinami. Yacu aichacunata japiccamacuna llicata cuchapi shitanun, tucui laya aichacunata japinpapac. 48 Llica ña juntaricpi, allpaman aisanun; tiyarishpaca, alli aichacunata ashancapi churanun, mana baliccunata jichunun. 49 Chashnami tucunca, cai pacha tucuricpi. Angelcuna shamununca; manallicunata, allicunamanta chicanyachishpa, 50 nina ucupi shitanunca. Chaipi jatun huacai, tucui sami nanai tiyanca. 51 Jesus rimashca huasha tapurca: —Chai tucuita atiparcanquichichu? Cutipashpa ninurca: —Ari. 52 Jesus yapashpa nirca: —Tucui camahic quillcata yachac, Diospac shimipi yachachishca cashpa, shuc huasi amu shinami; paipac malacunamanta mushuta maucatapash llucshichin. 53 Jesus chaicunata rimashca huasca, chaimanta rishpa, 54 paipac quiquin llactaman pactarca. Chai llactapi tiyac tantarina huasipi yachachincapac callarirca; uyaccuna mancharishpa ninurca: —Pai yachashcata maimanta yachan? Mana raipaccunata ranata maimanta charin? 55 Cai runa carpintero churimi, paipac mama Mariami. Santiago, Jose, Simon, Judas paipac huauquicuna canun; 56 paipac panicunapash ñucanchihuan causanun. Cahshna cacpi, maimanta chai tucuita charin? 57 Chashna nishpa, Jesusta mana uyanurcachu. Jesus paicunata nirca: —Maipipash profetata llaquinun; paipac llactamanta caccuna, quiquin aillucuna paita mana llaquinunchu. 58 Chai llactapica ansa mana raipaccunata rurarea, paicuna Jesusta mana ininucpi.
1 Herodes Galipeapi jatun apu cashpa,; Jesusmanta rimarishcata uyarca; 2 paihuan tiyaccunata nirca: —Chai runa bautisac Juanmi, huañushcacunamanta causarishca. Chairaicu mana raipaccunata rurana ushan. 3 Shuc puncha Herodes Juanta japichishpa huatashpa, chunta curralpi huichcashca carca. Chaita rurarca Herodias shutiyuc huarmiraicu; chai huarmi Herodespac huauqui Felipepac huarmi carca; Herodes paita japishca carca. 4 Juan paita camachic carca nishpa: —Shucpac huarmita japircanqui; mana allichu. 5 Herodes Juanta huañuchinata munarca; ranti, runacunata mancharca, tucuicuna Juan Diospacmanta rimac cashcata yuyarinurca mari. 6 Herodes pacarishca punchata raiminucpi, Herodiaspac ushushi micuraccuna ñaupacpi tushurca; Herodes munaihuan ricurca, 7 chairaicu paita nirca: —Imatapash mañahuacpi cushcanqui. 8 Chai malta huarmi, chaita uyashpa, paipac mamata tapushca huasha, Herodesta nirca: —Bautisac Juanpac umata shuc callanapi cuhuanqui, 9 Rimacpi uyashpa Jerodes yapa llaquirirca; chashnapash, chaipi tiyaccuna ñaupacpi cusha nishcamanta "can mañahuanata cushcanqui" nishpa, umata cunuchun rimarca. 10 Chai ucu, Juanta chunta curralpi huañuchincapac shuc suldaruta cacharca; 11 huañuchishpa, paipac umata shuc callanapi Herodiaspac ushushiman apamurca; paica mamaman curca. 12 Juanta caticcuna chaita uyashpa, paipac ayata apashpa rishpa panpanurca; chai huasha Jesusta huillacrinurca. 13 Bautisac Juanta huañuchinushcata uyashpa, Jesus canuapi chaimanta rirca runa illashcaman. Runacuna chaita yachashpa, ñanpita paita catinurca. 14 Jesus canuamanta llucshishpa, achca runacunata ricushpa, paicunamanta llaquirirca, paicuna pushamushca uncuccunata janpirca. 15 Ña tutayacucpi, yachachishcacuna Jesusta ninurca: —Cai panpapi runa huasi ilian, puncha ña tucuriran; runacunata cachari mayan llactacunapi micunata rantinuchun. 16 Jesus cutipashpa nirca: —Mana mutsun paicuna rincapac, cancunallata paicunata caraichic. 17 Chaita uyashpa ninurca: —Pichca tantallata ishcai challuantin charinchic. 18 Rimanucpi uyashpa Jesus nirca: —Caiman apamuichic. 19 Huasha, runacunata allpapi quihuajahuapi tiyarichirca; pichca tantata, ishcai chaliuata japirca; jahuaman ricushpa, Diosta pacrachurca; huasha, tantata paquishpa, yachachishcacunaman curca, paicuna runacunata carancapac. 20 Tucuicuna sacsacta micunurca; puchushcacunata pallashpa, chunca ishcai ashancata juntachinurca. Micuc caricunalla pichca huarancashi canurca, huarmicunata huahuacunatapash mana yupashca. 22 Runacunata carashca huasha, Jesus yachachiscacunata canuapi yaicuhirca nishpa: —Ñucata ñaupashpa, cuchata chinpaichic ñuca runacunata cacharinacama. 23 Runacunata cacharishpa, Jesus urcuman sapalla sicarca Dios-huan rimarincapac. Tutayashcapi, chaillapi tiyarca. 24 Canuapi riccuna cucha chaupiman tiyanurca; bacu japi tucunurca, huaira ñahuipuramanta shamucpi. 25 Ña punchayacpi, Jesus paicunapacman shamurca, yacu jahuata purishpa. 26 Canuapi tiyac runacuna, Jesus yacu jahuata puricucpi ricushpa, yapa mancharinurea, Caparinurca nishpa: —Ayami can. 27 Jesus paicunata nirca: —Cariyaichic, ama mancharichichu, ñucami cani. 28 Pedro chaita uyashpa nirca: —Apunchic, can cashpa, ñucata canpacman shamuchipai yacujahuata. 29 Jesus "shamui" nicpi, Pedro canuamanta llucshishpa, yacu jahuata puricurca Jesus tiyashcaman. 30 Yapa sinchi huairacuepi mancharca; manchashpa, panparincapac callarirca. Panparicucpi, caparirca nishpa: —¡Apunchic, quishpichihuapai! 31 Jesus maquihuan paita japishpa nirca: —Ansalla inic runa, ¿imaraicu mancharircanqui? 32 Paicuna canuapi yaicushcallahuan huaira aisarirca. 33 Canuapi tiyaccuna, Jesuspac ñaupacpi cuncurishpa, ninurca: —¡Shuti pacha, can Diospac churi canqui! 34 Cuchata chinpashpa, Genesaretman pactashpa, llutarinurca. 35 Chaipi causac runacuna, Jesusta ricsishpa, tucui llactacunaman shimita cachanurca "Jesus shamushcami" nishpa; chaita uyashpa, uncuccunata pai tiyashcaman pushanurca. 36 Uncuccunaca Jesusta mañanurca nishpa: —Canpac churanallata llancachipai. Llancaccunaca alliyanurca.
1 Huaquin fariseocuna Jerusalenmanta shamushca ya chaccunantin Jesuspacman shamushpa tapunurca: 2 —¿Imaraicu canpac runacuna ñucanchic ñaupacuna yachachishcata mana pactachinun? Maquicunata mana maillanun micuncapac. 3 Chaita uyashpa, Jesus tapurca nishpa: —Cacunaca ¿imaraicu Dios camachishcata mana uyan quichic, cancunapac yachaita catincapac? 4 Dios cashna mari rimarca: "Canpac yayata canpac mamatapash uyana canqui. Quiquin yayata, quiquin mamata maldisiac runa huañuchun". 5 Ranti, cancuna ninquichic: "Shuc runa paipac yayata, paipac mamata rimashpa nicpi: Ñuca tucui charishcata Diosman chasquichircani, mana ima tiyahuan cancunata yanapancapac"; 6 chashna nishpa, yayata, mamata mana yanapanachu. Chashna rurashpa, Dios rimashcata mana pactachinquichic, cancunapac yachaita catincapac. 7 ¡Llullacamacuna! Allimi Isaias cancunamanta rimashpa, cashna quillcarca: 8 Cai runacuna shimillahuan ñucata llaquinun; paicunapac yuyai ñucamanta carumi can. 9 Yancamanta ñucata chacchanun; paicuna yachachishca runapac shimillami. 10 Chai huasha, runacunata cayashpa, rimarca nishpa: —¡Uyahuaichic, atipaichic: 11 Imapash runa ucuman yaicushpa mana mapayachin; runapac yuyaimanta llucshic, chaimi runata mapayachin. 12 Rimacpi Jesus, yachachishcacuna paita ninurca: —Can rimashcata uyashpa, fariseocuna yapa piñarinurca. 13 Jesus cutipashpa nirca: —Ñuca jahua pachapi tiyac Yaya mana tarpushca yura sapintin surcushca canca. 14 Ama paicunata uyaichichu; ñausacuna cashpa, ñausacunata pushanun. Shuc ñausa shuc ñausa runata pushacpi, ishcaintin jutcupi urmanunca. 15 Rimacpi, Pedro paita nirca: —¿Imata yachachin can rimashca? 16 Jesus cutipashpa nirca: —Cancunapash manachu atipanquichic? 17 Shimi ucupi yaicuc huicsaman rin, huasha canchaman llucshin; ¿chaita manachu atipanquichic? 18 Ranti, shimimanta llucshic shuncumanta shamun; chaimi runata mapayachin. 19 Runa shuncumanta llucshinun manalli yuyaicuna, runata huañuchinacuna, shucpac huarmita japinacuna, yumashpa juchallinacuna, shuhuanacuna, llullanacuna, caminacuna; 20 chaicunami runata juchayucta ruranun; ranti, maquita mana maillashpa micuna mana runata mapayachin. 21 Jesus runacunata yachachishca huasha, Sidon llacta, Tiro llacta tiyac suyuman rirca. 22 Shuc cananea huarmi, Jesusta caticcunahuan tuparishpa, caparishpa nirca: —Apunchic, Davidpac churi, ñucamanta llaquiripai; shuc millai supai ñuca ushushita yapa llaquichin. 23 Jesus mana imata cutiparca. Yachachishcacuna paita ninurca: —Chai huarmita uyapai, caparishpalla ñucanchicta caticun. 24 Jesus cutipashpa nirca: —Ñuca Israelmanta chincarishca huihuacunamanlla cachashca cani. 25 Huarmi, Jesuspacman shamushpa, tuhuaman urmashpa nirca: —¡Apunchic, yanapahuai! 26 Jesus paita nirca: —Churicunapac micunata allcucunaman shitana mana allichu. 27 Huarmi nirca: —Ari, Apunchic, chashnami can; chashna cacpipash, allcucuna mesamanta urmac puchucunata micuc canun. 28 Chaita uyashpa, Jesus nirca: —uarmi, yapa sinchita ininqui; can munashca shina tucuchun. Chaita rimashca shina, paipac ushushi alliyashca saquirirca. 29 Jesus chaimanta rishpa, Galilea cucha pataman pactarca; huasha, shuc urcuman sicashpa, tiyarirca. 30 Achca runa pai tiyashcaman shamunurca, tucui sami uncuccunata pushamushpa: jancacuna, ñausacuna, shimi illaccuna, pullu maquicuna. Jesuspac ñaupacpi paicunata saquinucpi, pai tucuicunata alliyachirca. 31 Jesus rashcacunata ricushpa runacuna mancharinurca, shimi illaccuna rimai callarinurca mari; pullu maquicuna allichi tucunurca; jancacuna purinurca; ñausacuna ricunurca. Tucuicunaca Diosta chacchancapac callarinurca. 32 Chai huasha, Jesus yachachishcacunata cayashpa nirca: —Cai runacunamanta llaquirini; ña quimsa punchata ñucahuan tiyanun; micunata mana charinun. Mana carashpa paicunata caphana mana alli yachihuan; ñanpipi sanpayashpa purincapac mana ushanunman. 33 Yachachishcacuna ninurca: —Cai runa illac panpapi maimanta paicunata cararinca, chashna achcacuna canucpi? 34 Rimanucpi, Jesus paicunata tapurca: —¿Mashna tantata charinquichic? Cutipanurca: —Canchis tantata charinchic; ansa yacu aichapash tiyan. 35 Chaita uyashpa, Jesus nirca: —Runacunata allpapi tiyarichichic. 36 Tiyarinucpi, Jesus tantacunata yacu aichacunapash maquipi charishpa, Diosta pacrachurca. Huasha, tantacunata paquishpa, yachachishcacunaman curca; yachachishcacuna runacunata caranurca. 37 Tucuicuna sacsacta micunurca; puchushcata pallashpa, canchis ashancata juntachinurca. 38 Micuccuna caricunalla chuscu huaranca canurca, huarmicunata huahuacunatapash mana yupashca.
1 Fariseocuna saduceocunantin Jesuspacman rinurca paita camancapac; paita tupashpa ninurca: —Jahua pachapi shuc mana raipata rurai ñucanchic ricuneapac. 2 Jesus cutipashpa nirca: —Chishiyacucpi ninquichic: "Caya puncha alli puncha canca, puyucuna pucaclla ricurinun mari". 3 Tutamanta ninquichic: "Cunan tamiancami, yapa yana ricurin mari". Llullacamacuna: Tamia punchata, rupai punchata ricsinquichic jahua pachata ricushpa; ranti, cai punchacunapi tucushcata mana atipanquichic. 4 Cai manalli runacuna, Diosta mana uyac runacuna, shuc mana raipacta mañanun; shuc mana raipacta mana ricununcachu, profeta Jonas-huan tucushcata yuyarichisha. Chaita rimashpa, paicunata saquishpa, rirca. 5 Yachachishcacuna cucha chinpaman rinushcapi, tantata apana cuncarinushca carca. 6 Jesus paicunata nirca: —Uyahuaichic: fariseocunapac saduceocunapacpash levadurata yuyanquichic. 7 Yachachishcacuna chaita uyashpa, paicunapura rimarinurca nishpa: —Chaita nin ñucanchic tantata mana apamushcaraicu. 8 Jesus chaita yachashpa nirca: —¿Imaraicu "tantata mana charinchic "nishpa rimaricunquichic? Ansalla ininquichic. 9 Chaira manachu atipanquichic? ¿Manachu yuyarinquichic ñuca pichca huaranca runacunata pichca tantallahuan carashcapi mashna ashanca puchushcata? 10 ¿Manachu yuyarinquichic puchushcahuan mashna ashanca juntarishcata, ñuca chuscu huaranca runacunata canchis tanta huan carashcapi? 11 Chashna cacpi, ¿manachu atipanquichic mana tantamanta rimashcata ñuca cancunata rimashcapi "Fariseocunapac, saduceocunapac levadurata yuyanquichic" nishpa? 12 Chaita uyashpa, allita yachanurca "paicunapac levadura ta yuyanquichic" nishpa rimashcapi, mana tanta rurana levaduramanta rimashcata, ranti fariseocuna saduceocuna yachachishcamanta rimashcata. 13 Jesus Filipo Cesarea nishca suyuman pactashpa, yachaehishcacunata tapurca: —Imata ninun runacuna cai RUNamanta? 14 Cutipashpa ninurca: —Huaquincuna "Bautisac Juanmi" ninun; shuccuna "Eliasmi" ninun; shuccuna "Jeremiasmi" ninun, "jatun profeta chari" ninun. 15 Jesus cutillata tapurca: —¿Cancúnaca pimi nishpata yuyanquichic ñucata? 16 Simon Pedro cutipashpa nirca: —Can Mesiasmi canqui, causac Diospac Churimi canqui. 17 Rimacpi uyashpa Jesus nirca: —Cushiyucmi canqui, Jonaspac churi Simon. Can rimashca shimita manapí runa canta yachachirca; ñuca jahua pachapi tiyac Yayalla chaita rimachirca. 18 Ñúcaca canta nini: "Can Pedromi canqui (Pedro nishpa "rumi" nin). Cai rumi jahuapi ñuca iglesiata shayachisha. Ucupacha supaicuna paita mana atununcachu. 19 Jahua pacha llavicunata cushcanqui; cai pachapi imatapash can huatacpi, jahua pachapi huatashcami canca. Cai pachapi imatapash can pascacpi, jahua pachapi pascara saquirinca. 20 Chaipac huasha Jesus paicunata nirca: —Ñuca Mesias cashcata ama pitapash rimaichichu. 21 Huasha yachachishcacunata nirca: —Ñuca Jerusalenman rina cani; chaipi rucucuna, pacriyaya apucuna, camachic quillcata yachaccuna ñucata llaquichinunca, ñucata huañuchinunca; chashnapash, quimsa punchapi causarisha. 22 Chaita uyashpa, Pedro Jesusta chicanman pushashpa, paita camachincapac callarirca nishpa: —Apunchic, chaita Dios ama munachun; canhuan ama chashna tucuchun. 23 Jesus ticrashpa paita nirca: —Ñuca ñahuimanta anchuri, supai. Ñuca rina ñanpimanta anchuchinata munahuanqui. Can runa shina yuyanqui, Dios munashcata mana atipanquichu. 24 Huasha yachachishcacunata nirca: —Maicanpash ñucata catinayashpa, quiquin munaita saquichun; crusta aparishpa, ñucahuan shamuchun. 25 Maicanpash causaita tarishpa, chaita chincachincami; ranti quiquin causaita chincachic ñucamanta, causaita tarincami. 26 ¿Imata yapachin shuc runa cai pachata yapachishpa, causaita chincachicpi? ¿Imata cunca shuc runa paipac causai rantimanta? 27 Shuc puncha, cai RUNA paipac Yayapi apu tucushpa, shamunca an gelcunahuan pacta; caran runa chashquinca amu rurashca tuputa. 28 Shuti cancunata nini: Caipi tiyaccuna-manta huaquincuna chaira mana huañushpa, cai RUNA apu tucushpa shamushcata ricununca.
1 Sucta puncha huasha, Jesus Pedrota, Jacobota, paipac huauqui Juanta chicanman cayashpa, shuc jahua urcuman paicunata pusharca. 2 Paicuna ricuranucpi, Jesus shuc laya tucurca; paipac ñahui punchaclla inti shina ricurirca; paipac churana chiuclla ricurirca. 3 Chaipi, Moises-huan Elias-huan ricurimunurca Jesus-huan rimarishpa. 4 Pedro chaita ricushpa nirca: —Apunchic, allimi caipi saquirincapac. Can munacpi, quimsa tanputa rurashun: canpac shuc, Moisespac shuc, Eliaspac shuc. 5 Chaira rimacucpi, shuc puyu paicunata quillparca; puyumanta shuc shimi uyarirca cashna nishpa: —Caimi ñuca llaquishca Churi, paita uyana canquichic. 6 Yachachishcacuna, chaita uyashpa, yapa mancharishpa, tuhuaman urmanurca. 7 Jesus mayanyashpa, paicunata llancarcanishpa: —Shayarichic, ama manchaichichu. 8 Ricushpaca, Jesusllata ricunurca; shuccuna illanurca. 9 Urcumanta uraicucunucpi, Jesus paicunata nirca: —Ama pitapash cancuna ricushcata rimaichichu cai RUNA huañushcacunamanta causarinacama. 10 Chaita uyashpa yachachishcacuna Jesusta tapushpa ninurca: —¿Imaraicu quillcata yachaccuna "Elias ñaupacta shamuna can" nishpa ninun? 11 Jesus cutipashpa nirca: —Shuti, Elias ñaupacta shamunca tucuita allichincapac. 12 Cuti, ñuca cancunata nini: Elias ña shamurca, paitaca mana ricsinurcachu, paicuna munashcata paihuan ruranurca. Cai RUNApash paicunapi llaquichi tucunca. 13 Rimacpi uyashpa, Jesus Bautisac Juanmanta rimashcata yachachishcacuna atipanurca. 14 Runacuna tiyashcaman pactanucpi, shuc runa Jesuspacman shamushpa, tuhuaman urmashpa, nirca: — 15 Apunchic, ñuca churimanta llaquiripai; achca cuti millai uncui paita japin; ninapi, yacupi urman; yapa ñacarin. 16 Can yachachishcacunapacman pushamurcani; paita allichincapac mana ushanurca. 17 Jesus nirca: —¡Mana inic runacuna, manallita ruraccuna! ¿Imuracama cancunahuan tiyasha? ¿Imuracama cancunata aparisha? Huanprata pushamuichic. 18 Pushamunucpi, Jesus supaita piñarca, chai huanpramanta llucshichirca; chai ucu alliyarca. 19 Huasha, yachachishcacuna Jesus-huan pacalla rimarishpa, tapunurca: —¿Imaraicu supaita llucshichinata mana usharcanchic? 20 Jesus paicunata nirca: —Cancuna ansalla inishcaraicu. Cancuna inishca shuc ichilla tarpuna muyu tupu cacpi, chai urcuta ninquichic: "Chaimanta anchuri, shucman ri", urcuca anchurincami. Cancuna sinchita inishpa tucuita ushanquichic. 21 Chashnapash, chai sami supaicuna Diosta mañashcallahuan, sasishcallahuan jichurin. 22 Galilea suyuta puricunucpi, Jesus paicunata nirca: —Cai RUNA japishcami canca, runacuna paita huañuchinunca; chashnapash quimsa punchapi causarinca. 24 Cafarnaun llactaman pactanucpi, tenplo inpuesto cullquita mañaccuna Pedropacman rishpa tapunurca: —¿Cancunata yachachic tenplo inpuesto cullquita manachu cun? 25 Pedro cutipashpa nirca: —Ari, cunmi. Huasiman pactanucpi, Jesus Pedrota nirca: —Simon, ¿cai pacha apucuna picunamanta inpuesto nishca cullquita japinun: paipaccunamantachu? ¿chicancunamantachu? ¿Imata yuyanqui? 26 Pedro cutipashpa nirca: —Chicancunamantami. Jesus nirca: —Chashna cacpi, paipaccuna mana cuna canun. 27 Chashnapash, paicuna ama piñarincapac, cuchaman rishpa, ansiluta shitanqui; ñaupac micuc aichata japishpa, paipac shimi ucupi shuc cullquita tarinqui; chai cullqui pactancami canmanta ñucamantapash pagancapac; chai cullquita paicuna man cunqui.
1 Chai punchallapi, yachachishcacuna Jesusta tapunurca: —¿Diospac pachapi maican runa ashtahuan jatun canca? 2 Tapunucpi, Jesus shuc huahuata cayashpa, paicuna ucupi shayachirca, nishpa: — 3 Shuti nini, cancuna mana turcarishpa huahua shina tucuncapac, Diospac pachapi mana yaicunquichic. 4 Chashna cacpi, quiquinllata uchillayashpa cai huahua shina tucuc, paimi Diospac pachapi mai jatun canca. 5 Maicanpash ñuca shutipi cashna huahuata chasquishpa, ñucallatata chasquin. 6 "Maicanpash cai ñucata inic mana imayuc runacunata juchaman aisacpi, alli canman chai runapac cuncapi shuc jatun rumita huatashpa, nucñu yacuman shitanucpi. 7 Mana allichu cai pachapi shuccunata juchaman aisac runacuna tiyanuchun; chai laya runacuna huiñai tiyanuncai ailla paicunamanta. 8 "Chairaicu, canpac maqui, canpac chaqui canta juchapi urmachicpi, chaicunata pitishpa caruman shitanqui; jahua pachapi pullu maqui, pullu chaqui yaicuna ashtahuan alli canca ishcai maquiyuc, ishcai chaquiyuc ucupachaman rinamanta. 9 Canpac ñahui canta juchaman aisacpi, chaita surcushpa caruman shitanqui. Jahua pachaman shuclla ñahuiyuc rina ashtahuan alli canca ishcai ñahuiyuc ucu pachaman rinamanta. 10 "Cai yanca runacunata ama millanquichichu; paicunapac angelcuna ñuca jahua pachapi tiyac Yaya ñaupacpi huiñai tiyanun. 11 Cai RUNA huacllishcata allichincapac shamurca. 12 Uyahuaichic: Shuc patsac objetata charic runa, shuc chincaricpi, manachu shuccunata potreropi saquishpa, chincarishcata mashcacrin? 13 Taricpica, shuti pacha nini: Chai tarishca obeja mana chicarishcacunamanta yalli amuta cushichinca. 14 Chashnallata, cancunapac jahua pachapi tiyac Yaya mana munanchu cai uchillacunamanta shucllapash chincarichun. 15 "Canpac huauqui canta manallita ruracpi, paita chicanman pushashpa camachinqui. Canta uyacpi, paita Diospac yapachishcanqui. 16 Mana uyácpica, canhuan pacta shuc runata, ishcai runata pushanqui; ishcaipura, quimsapura allichinquichic imapash tucushcata. 17 Pai cancunata mana uyacpi, tantarishca iniccunaman huillanquichic; iniccunata mana uyacpi, paiman Diosta mana ricsic shina ricunquichic. 18 Shuti nini; Cancuna cai pachapi imatapash pascacpi, jahua pachapi pascara saquirinca; cancuna cai pachapi imatapash huatacpi, jahua pachapi huatara saquirinca. 19 "Caitapash nini: Cancunamanta ishcai runa shuc yuyaillahuan imatapash Diosman mañacpi, ñuca jahua pachapi tiyac Yaya cancuna mañashcata uyancami. 20 Maipipash ishcai runapura cashpa, quimsa runapura cashpa, ñuca shutipi tantaricpi, paicuna chaupi shuncupi tiyashami. 21 Rimacpi, Pedro paita tapurca: —¿Ñuca huauqui ñucata llaquichihuacpi, mashna cuti quishpichina cani? Canchis cuti camachu? 22 Jesus cutipashpa nirca: —¿Canchis cuticamalla ninquichu? Canchis chunca cuti canchis cuti quishpichina canqui, 23 Uyahuaichic: "Diosta caticcunaman shuc patronman tucushca shina tucun; chai patron paipac peoncuna dibishcata allichisha nirca. 24 Allichincapac callaricpi, shuc peon shamurca achca huaranca cullquita dibiyuc. 25 Imahuan paganata mana charicpi, patron quiquin peonta huarmintin huahuacunantin tucui chariscacunantin catuncapac rimarca, chai cullquita japincapac dibimanta; 26 Chai peon uyashpa, patron ñaupacpi tuhuaman urmashpa, mañacurca nishpa: —Patron, ama chashna rurahuaichu; ansalla chapanqui, ansa ansa illacta pagashcanqui. 27 Chashna rimacpi, patron chai peonmanta llaquirishpa, dibishcata illacta quishpichirca, paita cacharirca. 28 Peonca chaimanta llucshishpa, paiman shuc patsallata dibic runahuan tuparirca; paita cuncamanta japishpa sipicurca caparishpa: —Can dibihuashcata pagahuai. 29 Chai runa tuhuaman urmashpa, mañacurca nishpa: —Ansalla chapanqui, tucuita pagashcanqui. 30 Paica mana uyarcachu; dibiyucta japishpa, chunta curralpi huichcachirca dibishcata paganacama. 31 Shuc peoncuna, tucushcata ricushpa, yapa llaquirishpa patronpacman rimacrinurca. 32 Patron, chai runata cayashpa, nirca: —Shuncu illac runa, can dibihuashcata illacta quishpichircani can mañahuashcaraicu. 33 ¿Canpash manachu canta dibicmanta llaquirina carcanqui, ñuca canmanta llaquirishca shina? 34 Shinchi piñarishpaca, chai peonta ñacachirca dibishcata illacta paganacama. 35 Chasnallata ruranca cancunahuan ñuca jahua pachapi tiyac Yaya, shuccuna cancunaman manalli rashcata cancuna tucui shuncuhuan mana quishpichicpi.
1 Jesus, chaicunata rimashca huasha, Galileamanta rishpa, Judeaman pactarca, Jordan yacu chinpaman. 2 Achca runa paita catinurca; chaipi uncushcacunata alliyachirca. 3 Huaquin fariseocuna Jesuspacman shamunurca; paita camancapac tapunurca: —Shuc runa paipac huarmita yancamanta jichucpi, ¿allichu? 4 Jesus cutipashpa nirca: —Manachu yachanquichic tucuita rurashca Dios, ñaupa runata rashcapi, "Cari huarmi rashcata". 5 Caitapash nirca: "Chairaicu, runa yayata mamatapash saquishpa, paipac huarmihuan llutarinca, ishcaintin shuc aichalla tucuncapac". 6 Chashna cacpi, cari huarmi mana ishcaichu, shuc aichallami; Dios huatashcataca runa ama pascachun. 7 Chashna rimacpi uyashpa, cutillata tapunurca: —Chashna cacpi, ¿imaraicu Moises rimarca "maqui llushpirina quillcata huarmiman cushpa, paita jichuna usharin" nishpa? 8 Jesus cutipashpa nirca: —Cancuna manalli runa cashcamanta Moises chaita rimarca; ranti, cai pacha callarishcapi, mana chashnachu carca. 9 Ñúcaca caita nini: Maicanpash quiquin huarmita jichushpa (mana yanca llutarishca cacpi), shuc-huan sahuaricpi; jatun juchata ran; jichushca huarmihuan sahuaric runa jatun juchata ran. 10 Chaita uyashpa, yachachishcacuna Jesusta ninurca: —Chashna huatashca cacpi cari huarmihuan, sahuarina mana allichu. 11 Jesus cutipashpa nirca: —Chaita ranata mana tucuicuna ushanun; Dios yanapashcahuan usharin. 12 Huaquin runacuna mana ushanun sahuarincapac, runtu illac pacarishcaraicu; huaqumcuna mana ushanun runtu illac tucushcaraicu, chaicunata surcunucpi; huaquincuna mana sahuarinun Diosllatata catincapacraicu. Chashna rurana ushac chashna rurachun. 13 Shuc puncha, shuc huahuacunata Jesuspacman pushanurca, "cahpac maquita paicunapac jahuapi churapai paicunamanta mañashpa" nishpa; ranti, yachachishcacuna paicunata piñanurca. 14 Chaita ricushpa Jesus nirca: —Casilla saquichic huahuacunata, ñucapacman shamuncapac ama jarcaichichu; Diospac pacha paicuna shina caccunapac mari can. 15 Chashna nishpa, huahuacunapac jahuapi maquicunata churarca; chaipac huasha, shucman rirca. 16 Riracpi, shuc malta runa Jesus-huan tuparishpa nirca: —Alli yachachic, ¿imata rurana cani mana tucuric causaiman pactancapac? 17 Jesus cutipashpa nirca: —¿Imaraicu ñucata "alli'' nishpa nihuanqui? Shucllami alli, Dios. Canca mana tucuric causaiman yaicusha nishpa, Dios rurai nishcacunata pactachinqui. 18 Huanpra tapurca: —¿Ima rurai nishcacuna? Jesus nirca: —Ama huañuchinquichu. Shucpac huarmihuan ama llutarinquiehu. Ama shuhuanquichu; ama shucmanta llullashpa rimanquichu, 19 Canpac yayata, canpac mamata llaquina canqui; shuccunata can quiquinliata shina llaquina canqui. 20 Chaita uyashpa, chai huanpra nirca: —Chai tucuita huahua cashcamanta pactaehircani; ¿ima pishihuañ? 21 Jesus paita nirca: —Can ashtahuan alli tucusha nishpa, can charishcacunata catushpa, tsuntsu runacunaman curiqui; chashna rurashpa, jahua pachapi cullquiyuc tueunqui; chaihuasha, ñucahuan shamunqui. 22 Rimacpi uyashpa, chai malta runa llaquirishpa rirca, achca cullquiyuc mari carca. 23 Pai riracpi, Jesus yachachishcacunata nkca: —Cuilquiyuc runa mana yaicunallachu can Diospac paehapi, 24 Shuc camello nishca huibua tupulli jutcuta ashtahuan yaicunalla cahca cullquiyuc runa Diospac pachaman yaicunamanta, 25 Chaita uyashpa, yachachishcacuna yapa mancharishpa, paicunapura rimarinurca nishpa: —Chashna cacpi, ¿pitac quishpina ushanca? 26 Jesus paicunaman ricushpa nirca: —Runacunapac mana ushaipac can; ranti, Dios tutuita ushan. 27 Chaita uyashpa, Pedro nirca: —Ñucanchic tucuita canta catincapac saquircanchic: ¿imata cui tucushun? 28 Jesus cutiparca: —Shuti cancunata nini, tucui mushuyana punchapi, cai RUNA apu tucushpa paipac tiyarinapi tiyaricpi, cancunapash ñucata catishcaraicu, chunca ishcai tiyarinacunapi tiyarinquichic chunca ishcai Israel runa bulata taripancapac. 29 Maicanpash huasita cacpi, huauquicunata cacpi, panicunata cacpi, yayata mamata cacpi, churicunata cacpi, allpacunata cacpi ñucaraicu saquishpa, shuc patsac yalli cui tucunca, mana tucuric causaitapash chasquinca. 30 Achca runa cunan ñaupacuna cashpa, puchucaicuna tucununca; cunan puchucaicuna cashpa, ñaupacuna tucununca.
1 Shuc puncha Jesus cashna rimarca: —Diosta caticcunaman shuc cullquiyuc runaman tucushca shina tucun. Chai runa tutamantashitu llancaccunata japincapac rirca, paipac chacrapi Hancachincapac. 2 Shuc runacunata tupashpa, paicunahuan rimarirca ishai chunca cullquita yapachincapac caran puncha; paicuna "ari" ninucpi, chacraman paicunata cacharca. 3 Jahuanaya intipi, shuccunata tuparca, pulasapi rimaricunurca mana imata rurashpa; paicunata nirca: —Ñuca chacraman richic; paganata pagashcanquichic. 4 Chaita uyashpa, chacraman rinurca. 5 Chaupi punchapi chishi intipipash cutillata llucshirca llancaccunata mashcancapac; tupashcacunata paipac chacraman cancharca. 6 Chishita, chaira inti mana yaicushcaillapita, shuc runacunata quillashcata tuparca; paicunata nirca: —¿Imaraicu llanpu puncha mana imata rashpa caipi tiyacunquichic? 7 Cutipanurca: —Manapí ñucanchicta llancachirca. Pai nirca: —Ñuca chacraman richic llancancapac. 8 Puncha tucurishcapi amu llancaccamata nirca: —Runacunata paganqui, huasha shamushcacunamanta callarishpa. 9 Chishita llancancapac yaicuccunata cayashpa, ishcai chunca chullquita paicunaman curca. 10 Inti pacarishcamanta llancaccuna, chaita ricushpa, "ñucarichicman ashtahuan cunca" yuyarinurca; ranti, paicunapash ishcai chuncata japinurca. 11 Cullquita japishpa, piñarishpa amu huashapi rimancapac callarinurca nishpa: — 12 Chishita shamuccuna shuc pacha tuputa llancanurca; ñucanchic llanpu puncha llancarcanchic rupaihuan, junpihuan ñacarishpa; chashnapash, paicuna japishca tupullata japircanchic. 13 Amu, chaita uyashpa, paicunamanta shucta nirca: —Mashi, ima manallita canta mana ruracunichu. ¿Manachu ishcai chunca cullquita yapachiriqui nircani? 14 Canpacta japishpa ri; cai huasha shamushcacuriaman canman cushca tuputa cuyana munani. 15 ¿Manachu ñucapac-huan ñuca munashcata ruranata ushani? ¿Ñucata mana alli ñahuihuan ricuhuanqui ñuca alli cashcamanta? 16 Chashna, ñaupacuna puchucaicuna tucununca; puchucaicuna ñaupacuna cacunca. 17 Shuc puncha, Jesus Jerusalen llactaman riracpi, paipac chunca ishcai runata chicanman cayashpa, nirca: — 18 Ña yachanquichic, Jerusalenman riranchic. Chaipi cai RUNA japi tucunca, pacriyaya apucunaman, camachic quillcata yachaccunaman chasquichi tucunca; 19 paicuna paita taripa nunca, paita asinunca, llipachinunca, cruspi chacatanunca; chashnapash, quimsa punchapi causarinca. 20 Cebedeo churicunapac mama, Jesuspacman paicunantin rishpa, paipac ñaupapi cuncurirca mañancapac. 21 Jesus paita tapurca: —¿Imatata munanqui? Pai nirca: —Cai ishcai ñuca churicunata canpac pachapi tiyarichipanqui shucta canpac alli maquiman, shucta canpac lluqui maquiman. 22 Rimacpi uyashpa, Jesus cutipashpa nirca: —Cancuna mañahuashcata mana yachanquichic. ¿Ñuca apana llaquicunata apana ushanquichichu? ¿Ñuca huañuna huañuihuan huañunata munanquichichu? Cutipashpa ninurca: —Ushanchicmi, munanchicmi. 23 Chaita uyashpa, Jesus nirca: —Shuti can; ñuca llaquicunata apanquichic, ñuca huañuna huañuihuan huañunquichic; ranti, ñuca alli maquipi, lluqui maquipi tiyarinata mana cuipachu cani; ñuca Yaya acllashcacunaman chaita cunca. 24 Shuc yachachishcacuna chaita uyashpa, chai ishcai runahuan piñarinurca. 25 Jesus paicunata cayashpa nirca: —Cai pacha apucuna runacunata llaquichinun; piñashcahuan paicunata rimanun. 26 Cancunapura mana chashnachu canca; ranti, maicanpash shuccunamanta yalli canata munac paicunata sirbichun; 27 ñaupac canata munac tucui shuccunata sirbichun. 28 Cai RUNApash mana "sirbihuaichic" nishpa shamurcachu; shuccunata sirbincapac shamurca; tucuicunapac dibita pagancapac shamushpa, huañushcahuan pagarca. 29 Jerico llactamanta llucshinucpi, achca runa Jesusta catishpa rinurca. 30 Ishcai ñausa runa ñanpi mayanpi tiyacunurca; Jesus chaita rirashcata uyashpa, caparinurca: —¡Apunchic, Davidpac Churi, ñucanchicmanta llaquiripai! 31 Runacuna paicunata piñanurca nishpa: —Upallaichic. Paicunaca ashtahuan caparinurca nishpa: —¡Apunchic, Davidpac churi, ñucanchicmnta ilaquiripai! 32 Jesus caparishcata uyashpa shayarirca; ñausacunata cayashpa, paicunata tapurca nishpa: —¿Imata munanquichic ñuca cancunaman rancapac? 33 Cutipanurca: —Apunchic, ricuna ushanata munanchic. 34 Jesus, llaquirishpa, paicunapac ñahuicunata llancarca. Llancacpi, ricuncapac cailarinurca; Jesusta catishpa rinurca.
1 Jerusalen mayanman pactanushcapi, Betfage nishca uchilla llactaman Olivos nishca urcu mayanpi, Jesus ishcai yachachishcacunata cacharca nishpa: — 2 Cancuna ñahuipura tiyac uchilla llactaman richic. Chaiman pactashpa, shuc burra nishca huihuata huatashcata tupanquichic; pascashpa caiman apamunquichic. 3 Maicanpash cancunata rimacpi, ninquichic: "Apu chaita mutsunmi, utcalla cutichinca". 4 Chashna tucurca, profeta rimashcata pactarincapac, cashna mari rimashca carca: 5 Sion llactapi causaccunaman rimaichic: Ricuichic, cancunapac jatun apu shamuran, manso shuncuyuc, llashacta aparic burro jahuapi tiyarishpa shamun. 6 Yachachishcacuna rinurca, Jesus nishcata ranurca: 7 burrata huahuantin pushamunurca; chai jahuapi churanata mantashpa, Jesusta tiyarichinurca. 8 Achca runa churanacunata allpapi mantanurca; huaquincuna yura pallcacunata cuchushpa, Jesus rina ñanpipi mantanurca. 9 Ñaupac riraceuna huasha shamuccunapash caparinurca nishpa: —¡Yupaichashca cachun Davidpac churi! ¡Diospac shutipi shamuc bendisiashca cachun! 10 Jesus Jerusalenman yaicucpi, llactapi causaccuna cushihuan tulupunurca tapushpa: —¿Pitac can cai? 11 Runacuna capariranurca nishpa: —Caimi profeta Jesus, Galileapi tiyac Nazaretmanta. 12 Chaipac huasha, Jesus Diospac huasiman yaicurca; chaipi catucuccunata, ranticuccunata canchaman llucshichirca. Cullquita turcaccunapac mesacunata ticraehirca; urpita catuccunapac mesacunatapash ticrachirca nishpa: — 13 Cashna quillcara tiyan: "Ñuca huasi Dios-huan rimarina huasimi"; cancunaca shuhua huasita rarcanquichic. 14 Diospac huasipi tiyacpi, huaquin ñausa runacuna jancacunapash Jesuspacman rinucpi, paicunata alliyachirca. 15 Pacriyaya apucunahuan quillcata yachaccunahuan Jesus mana raipaccunata ruracpi ricushpa, huahuacuna "Caimi Curaca Davidpac churi" nishpa caparishcata uyashpa, piñarinurca. 16 Jesusta ninurca: —¿Caicuna caparicushcata uyacunquichu? Jesus cutiparca: —Ari, uyacunimi. ¿Cancunaca manachu yachanquichic quillcacuna nishcata? Cashna ninun: Llullu huahuacuna chaira chuchuccunapash sumac taquishcahuan ñucata chacchanunca. 17 Chashnapi paicunata saquishpa, Betania llactaman rirca puñuncapac. 18 Cayantin puncha tutamanta, Jerusalenman ticracucpi, Jesus yarcachirca. 19 Ñanpi mayanpi shuc higuera nishca yurata ricushpa, chaiman rirca; mana imata tuparca chai yurapi, pancacunalla tiyarca, Jesus chai yurata nirca: —Mana imura muyuta aparichu. Rimacpi chai yura chaquirirca. 20 Chaita ricushpa, yachachishcacuna mancharishpa, Jesusta ninurca: —¿Imaraicu chashna urastalla chai yura chaquirirca? 21 Jesus cutiparca: —Shuti cancunata nini: Cancuna sinchi inishcahuan inishpa, ñuca higuera yurahuan rashcata ranquichic; mana chaillatachu, ashtahuan ushanquichic: Cancuna cai urcuman "anchuri caimanta, ñucñu yacuman shitari" nicpi, urcu cancunata uyancami. 22 Cancuna imatapash Diosman mañacpi sinchi inishcahuan, cui tucunquichic. 23 Chai huasha, Jesus Diospac huasipi yaicurca; chaipi yachachicucpi, pacriyaya apucuna judio apucunapash paipacman mayanyarishpa tapunurca nishpa: —¿Ima ushaihuan chaicunata ruranqui? ¿Pimi chaita rancapac canta rimarca? 24 Tapunucpi, Jesus cutiparca: —Ñucapash cancunata shuc shimita tapunca rani. Cancuna cutipahuacpi, ñucapash ima, ushaihuan chaicunata rashcata rimasha. 25 Caita tapuni: ¿Pimi Juanta cacharca bautisancapac? ¿Dioschu paita cacharca? ¿runacunachu paita cachanurca? Cutipahuaichic. Rimacpi, paicunapura rimarincapac callarinurca. Ñucanchic "Dios paita cacharca" nicpi, pai ninca: Chashna cacpi, ¿imaraicu paita mana uyarcanquichic? 26 Ñucanchic "runacuna paita cachanurca" nicpi, ¿imata runacuna ñucanchicta ranunca?; tucuicuna mari Juan Diospacmanta shamushcata ininun. 27 Chairaicu Jesusta ninurca: —Mana yachanchichu. Chaita uyashpa, Jesus nirca: —Ñucapash ima ushaihuan chaicunata reshcata mana rimashachu. 28 Chai huasha, chaillapita yachachishpa, cashna rimarca Jesus: —Shuc runa ishcai churita charirca. Ñaupac churita nirca: "Churi, cunan puncha chacraman llancancapac rina canqui". 29 Churi nirca: "Mana munanichu". Ranti, unailla "mana munanichu" nishcamanta llaquirishpa, rircami. 30 Yaya, quipa churipacman rishpa, chashnallata rimarca. Churi nirca: "Ariu, yaya, cunanshitu rinca rani". Ranti mana rishcachu. 31 Chai ishcai chuximanta maican paipac yaya munashcata pactachirca? —Ñaupac churi— cutipanuica. Jesus paicunata nirca: —Shuti pacha cancunata nini: Gubirnu cullquita pallaccuna, mana alli causac huarmicunapash cancunata ñaupashpa Diospac pachaman yaicununca. 32 Cancunapacman shamurca mari Bautisac Juan, Dios munashca shina causanata yachachishpa; paitaca mana inircanquichic; ranti, gubirnu cullquita pallaccuna juchallic huarmicunapash paita ininurca. Cancuna, chaita ricushpapash, Diosman mana ticrarcanquichic paita inishpa. 33 Huasha Jesus nirca: —Cai shuctapash uyaichic: Shuc runami carca, yapa allpayuc; uva nishca chacrata rurarca. Chai chacrata jarcahuan jarcashca. Uva muyucunata chahuancapac allpata allashpa, shuc jutcuta rurarca. Shuc tanputa shayachirca. Chai huasha, shuc runacunaman chacrata saquirca, pallana pachapi pallashcahuan pagancapac. Huasha caruman rirca. 34 "Muyuta pallana pacha pactaricpi, peoncunata cacharca chacrata mañachishca runacunapacman paipacta japincapac. 35 Chai runacuna, peoncunata japishpa, shucta macanurca, shucta huañuchinurca, shucta rumihuan shitanurca. 36 Cutillata shuc peoncunata cacharca, ñaupa cachashcacunamanta yalli achca; paicunahuan chashnailata ranurca. 37 "Puchucaipi, paipac churita cacharca, "ñuca churita manchanunca chari" yuyarishpa. 38 Chai runacunaca, churita rucushpa, rimanacunurca: "Caimi chacra amupac churi, amu charishcata japina cac. Paita huañuchishunchic, pai japinca rashcata amuyashun". 39 Paita japishpaca huañuchinurca. 40 Chacra amu shamushpa, ¿imata ruranca chai runacunahuan? 41 Cutipanurca: —Chai millai runacunata achcata llaquichishpa tucuchinca; paipac chacrata shuc runacunaman saquinca, pagana cashcata pagaccunaman. 42 Huasha Jesus nirca: —¿Manachu cashna quillcara tiyan?: Huasita shayachiccuna jichushca rumi huasi siqui rumi tucurca, Chaitaca apu Dios rarca; ñucanchic ñahuipi munanayacta ricurin. 43 Chairaicu cancunata nini: Diospac pachata quichui tucunquichic; chaita shuc runacunaman cununca, Diospac pacha aparishcata pallashpa pagaccunaman. 44 Chai rumi jahuapi urmac runa paqui paqui tucunca; chai rumi runa jahuapi urmashpa paita ñitinca. 45 Pacriyaya apucucunahuan, fariseocunahuan Jesus rimashcacunata uyashpa, paicunamarita rimashcata atipanurca. 46 Chairaicu, "paita japishun" nishpa yuyarinurca; ranti, runacunata, manchashpa mana ushanurcachu, Jesus Diospacmarita rimashcata ininurca mari.
1 Jesus shuc rimanatapash yachachincapac rimarca, cashna nishpa: — 2 Diospa pachapi shuc jatun apuman tucushca shina tucun. Shuc jatun apu paipac churipac sahuarinata allichirca. 3 Tucuita allichishca huasha, peoncunata cacharca shamuna caccunata cayancapac; paicuna "mana shamushun" ninurca. 4 Cutillata shuc peoncunata cacharca nishpa: "Shamuna caccunata ninquichic: Ña micuna allichirami; huira huacrata huañuchircani, tucuita allichircani; sahuarinaman shamuichic". 5 Cayasticacuna paicunata mana uyanurcachu; huaquincuna chacraman rinurca, huaquincuna imatapash rancapac rinurca. 6 Huaquincuna, peoncunata japishpa, yuyaita huactashpa huañuchinurca. 7 Jatun apri, chaita uyashpa, sinchi piñarirca; paipac suldarucunata cachashpa, chai millai; runacunata huañuchirca, paicunapac llactata rupachirca. 8 Chai huasha, paipac peoncunata nirca: "Sahuarina allichishcami can, cayashcacuna mana munanurca. 9 Ñanpicunata rishpa, tupaccunata pushamuichic". 10 Paicuna rishpa, tucui tupashcacunata japinurca; micuna huasi juntarirca. 11 Jatun apu micucuccunata ricuncapac yaicushpa, shuc sahuarina churana illac runata ricushpa, 12 paita nirca: "Mashi, ¿imashnata sahuarina churana iliac caiman yaicurcanqui?". Pai chunlla saquirirca. 13 Jatun apu peoncunata nirca: "Paipac iriaqui chaqui huatashpa, canchaman shitaichic, tuta ucuman, huacai, tucui sami nanai tiyashcaman". 14 Acha runa cayashcami can, ansa runa acllashcami can. 15 Chai shimicunata uyashpa, fariseocuna rinurca paicunapura rimarincapac Jesusta ima shimipipash japincapac nishpa. 16 Chashna cacpi, paicuna yachachishcacunata herodianos nishcacunantin Jesusta tapuncapac cachanurc, cashna nishpa: —Yachachic, can mana llulla cashcata yachanchic; Diosman ric ñanpita yachachinqui pitapash mana manchashpa, runacuna canmanta rimashcata mana uyashpa, 17 Canta tapunchic: ¿Inpuesto nishca cullquita jatun apuman pagana allichu? ¿manachu alli? ¿Imata ninqui? 18 Tapunucpi, Jesus paicunapac manalli yuyaita ricsishpa nirca: —Llullacamacuna, ¿imaraicu ñuca nishcapi japinayahuanquichic? 19 Inpuesto pagana cullquita ricuchihuaichic. Paicunaca shuc denario nishca cullquita ricuchinurca. 20 Chaita ricushpa, Jesus tapurca: —¿Pipacta can cai ñahui, caipi quillcashca shutipash? 21 Tapucpi, cutipashpa ninurca: —Jaturi apupacta. Jesus nirca: —Jatun apupacta. jatun apuman cuichic, Diospacta Diosmari cuichic. 22 Chaita uyashpa, mancharinurea; Jesusta saquishpa rinurca. 23 Chai punchallapi, rimarincapac rinurca. Saduseocuna "huañushcacuna mana causarinuncachu" ninun; chashna cacpi, Jesusta cashna rimariurca: — 24 Yachachic, Moises nirca: "Shuc huarmiyuc runa huahua illac huañucpi, paipac huauqui chai huarmihuan sahuarichun paicuna tupashca huahua huañushcapac shutita apanca". Chashna nin Moises. 25 Cunan allita uyanqui: Ñucanchicpacpi carichis huauquipura tiyanurca. Rucu huauqui shuc huarmita japirca; shuc punchacuna huasha, huahua illac huañurca. Huahua illac huañucpi, paipac huauqui chai huarmihuan sahuarirca; 26 paipash huahua illac huañurca. Tucui canchis huauquipura chai huarmillahuan huasha huasha sahuarishpa, huahua illac huañunurca. 27 Tucuicuna huañushca huasha huarmipash huañurca. 28 Causarina punchapi ¿chai huarmi pipac huarmi canca, canchis huauquipura paihuan sahuarishca cacpi? 29 Jesus chaita uyashpa cutiparca nishpa: —Cancuna pantacunquichic quillcashcacunata mana yachashpa, Diospac ushaita mana ricsishpa. 30 Huañushcacuna causarishca huasha, caricunapash huarmicunapash sahuarinuncachu, jahua pachapi tiyac angelcuna shina canunca. 31 Huañushcacuna causarinamantaca, ¿manachu yachanquichic quiquin Dios rimashcata?Cashna nirca: 32 Ñuca Abraanpac, Jacobpac, Isaacpac Diosmi cani. Dios mana huañushcacunapac Dioschu, causaccunapac Diosmi. 33 Chaita uyashpa, runacuna: mancharinurca pai yachachisheamanta. 34 Fariseocuna, Jesus saduseocunata pincachiscata uyashpa, tantarinurca. 35 Paicunamanta shuc, Jesusta pantachisha nishpa, paita tapuica: — 36 Yachachic, ¿camachic quillcapi Dios rurai nishcacunamanta maican yalli jatunmi? 37 Jesus cutiparca: —"Canpac apu Diosta tucui shuncuhuan, tucui almahuan, tucui yuyaihuan llaquina canqui''. 38 Chaimi ñaupac Dios rurai nishca. 39 Chaita catic chai shinallata can. Caimi: "Shuccunata can quiquinta shina llaquina eanqui". 40 Tucui camachic quillca nishca profetacuna nishca quillcapash chai ishcai Dios rurai nishcapi yaicun. 41 Fariseocuna chaira taritarishca canucpi, Jesus paicunata tapurca: — 42 ¿Imata yuyanquichic Mesiasmanta? ¿Pipac churi can? Cutipanurca: —Davidpac churi can. 43 Chaita uyashpa Jesus nirca: —Davidpac churi cacpi, imaraicu Davidllata, Diospac samai rimachicpi, paita "Apu" nishpa riman. Cashna mari David quillcashpk saquirca: 44 Apu ñuca aputa rimarca nishpa: Ñuca alli maquiman tiyari ñuca canta chicniccunata atinacama. 45 Davidllata Mesiasta "Apu" nishpa rimacpi, imashna Mesias Davidpac churi canca? 46 Manapi paita cutipana usharca; chai punchamanta pacha, Jesusta imatapash tapunata manchanurca.
1 Jesus runacunata pai yachachishcacunatapash yachachishpa, cashna nirca: — 2 Cannachic quillcata yachaccuna fariseocunantin Moi sespac camachic quillcata yachachinun. Tucui paicuna yachachishcata pactachichic; ranti, paicuna rashcata ama raichichu; paicuna rimaisiqui canun; cuti paicuna rimashcata mana pactachinun. 4 Mana marcaipaccunata runacunata apachinun, ranti, paicuna uchilla rucahuanpash mana yanapanun apancapac. 5 "Tucui paicuna rurashcata runacuna ricuncapaella ruranun; chairaicu, camachic quillcata uma ñaupacpi maqui mucupipash quillcashcata ricuchinun; churana manñacunata anchuyachinun. 6 "Paicunata micuncapac cayanucpi, ñaupac tiyarinacunata munanun. 7 Pulasacunapi salurai tucunata munanun; "Yachachic" nii tucunata munanun. 8 Cancuna ama "yachachic" nii tucuichichu; shuclla mari cancunata yachachic, tucui cancunaca huauquipura canquichic. 9 Ama pitapash "Yaya" nishpa ninquichichu, shuclla mari cancunapac yaya, jahua pachapi tiyac. 10 Chashnallata, ama "apu" nii ticuichichu, shucllami cancunapac apu, paica Cristomi. 11 Shuccunata sirbic runa paimi cancunapura mai jatun can. 12 Maicanpash quiquinllata jatunyachishpa, pincachishcami canca; maicanpash quiquinllata uchillayachicpi, tucuicuna paita jahuayachinunca. 13 ¡"Ayailla, cancuna, camachic quillcata yachaccuna fariseocunapash! ¡LIullacunacuna! Diospac pacha puncuta huichcanquichic shuccuna ama yaicunuchun nishpa. Cancunallata mana yaicunquichic; yaicushun niccunata mana yaicuchinquichic. 14 - 15 ¡"AyailIa, cancuna, camachic quillcata yachaccuna fariseocunapash! ¡Llullacamacuna! Maitapash purinquichic runacunata "ñucanchihuan tucuichic" nishpa; shuc runa cancuna inishcata japicpi, paita huacllichinquichic, cancunamanta yalli manalli paita ranquichic. 16 ¡"Ayailla, cancuna, ñausa pushaccamacuna! Cancuna ninquichic: 'Shuc runa Diospac huasi shutipi shimita cucpi, pai cushca shimita mana pactachicpi, mana imananchu; ranti, Diospac huasipi tiyac curi shutipi rimashpa, pai rimashcata pactachina can! 17 ¡Upacuna, ñausacuna! Ima yalli halin: ¿Curichu? ¿curita balichic Diospac huasichu? 18 "Caitapash ninquichic: 'Shuc runa altar shutipi shimita cucpi, pai cushca shimita mana pactachicpipash, mana imananchu; ranti, altar jahuapi tiyac camari shutipi shimita cucpi, cushca shimita pactachina can. 19 ¡Upacuna, ñausacuna! ¿Ima yalli balin: Camarichu? ¿camarita balichic altarchu? 20 Altar shutipi rimac runa, altarmanta altar jahuapi tiyacmantapash riman. 21 Diospac huasi shutipi rimac runa, huasimanta huasi ucupi tiyacmantapash riman. 22 "Chashnallata, jahua pacha shutipi rimac runa Diospac tiyarinamanta quiquin Diosmantapash riman, Dios chai tiyarinapi tiyarishca mari can. 23 ¡Ayailla, cancuna, camachic quillcata yachaccuna fariseocunapash! Llullacamacuna! Cancuna tucui charishcacunamanta chunca raquita Diosman cunquichic, menta nishca, anis nishca, comino nishca muyucunamanta; ranti, camachic quillcapi mai jatuncunata mana ruranquichic: alli cana, cusca shuncuyuc cana, Diosta inina; chaicunami pactachina carca, chai shuccunata mana saquishpa. 24 ¡Ñausa pushaccamacuna, chuspita shushunquichic, ranti camello nishca huihuata millpunquichic! 25 ¡"Ayailla, cancuna, camachic quillcata yachaccuna fariseocunapash! ¡Llullaeumacuna! Canchamanta mucahua cunata pilchicunatapash maillanquichic, ranti, ucuta shuhuashcacunahuan tucuita japinayashcacunahuan juntashca canquichic. 26 Ñausa fariseo runa, ñaupacta mucahuacuriata pilchicunatapsh ucuta maillanqui, canchatapash pichashca saquirinca. 27 ¡"Ayailla, cancuna, camachic quillcata yachaccuna fariseo cunapash! ¡Llullacamacuna! Cancuna yuracyachishca pantioricuna shina canquichic: canchata sumac ricurinun; ranti, ucuta tullucunata; tucui laya a ismushcata charinun. 28 Pantioncuria shina canquichic: canchata alli runacuna yachinquichic; ranti, ucuta manalli yuyaihuan manalli rurashcacunahuan juntashca canquichic. 29 ¡"Ayailla, camachic quillcata yachaccuna fariseocunapash! ¡Llullacamacuna! Profetacunapac pantioncunata shayachiriquichic, santo runacunapac pantioncunapi; sisacunata churanquichic, cashna nishpa: 30 'Ñucanchic ñaupacunapac punchacunapi causashca cacpi, mana yanapanchicman carca 31 Chashna nishpa, cancuna profetacunata huañuchiscacunamanta miraicuna cashcata ricuchinquichic. 32 Cancunapac ñaupacuna callarishcata tucuchichic cuti. 33 ¡Machacuicuna, millai machacuimanta mirashcacuna!. ¿Imata rashpa ucupachapi urmanata quishpinquichic? 34 Cancunapacman profetacunata, yachaccunata, camachiccamacunata cachanca rani. Cancunaca huaquincunata huañuchinquichic, chacatanquichic; huaquincunata tantarina huasicunapi llipachinquichic, shuc llactamanta shuc llactaman ñacachishpa cachanquichic. 35 Chashna, tucui huañuchi tucushca alli runacunamanta ñacachi tucunquichic, jucha illac Abelmarita pacha Baraquiaspac churi Zacariascama; paita Diospac huasipi tiyac altar jahuapi huañuchircanquichic. 36 Shuti cancunata nini: chai tucuimanta cunan causaccuna ñacachi tucununca. 37 ¡"Jerusalen, Jerusalen!. Diospac profetacunata huañuchinqui, Dios cachascacunata rumihuan shitanqui. Achca cuti canpac churicunata tantachisha nircani, shuc atallpa mama paipac huahuacunata ricra ucupi ucllashca shina, canca mana munarcanquichu. 38 Ricuichic cuti, cancunapac huasi jichushca saquirinca; ña mana ricuhuanquichic cancuna cashna rimanacama: "Diospac shutipi shamuc bendisiashca cachun".
1 Jesus Diospac huasimanta lluscshishpa riracpi, pai yachachishcacuna ninurca: —Diospac huasita ricuilla. 2 Jesus paicunata nirca: —¿Chai tucuita ricunquichichu?. Shuti cancunata nini, cai huasimanta shuc rumi shuc rumi jahuapi mana saquirincachu. Illacta tulachishcami canca. 3 Rimacpi, Olivos nishca urcuman rinurca; Jesus tiyaricpi, yachachishcacuna pacalla paita tapunurca: —Imura chai tucunca ñucanchicta huillapai. ¿Ima laya ricurina ricurinca can shamuna puncha cai pacha tucurina punchapash? 4 Tapunucpi, Jesus cutipashpa nirca: —Yuyanquichic ama umachi tucuncapac. 5 Achca runacuna ñuca shutipi shamununca mari, "ñuca Cristomi cani" nishpa; achcacunata umachinunca. 6 Macanacui tiyan uyaricpi, ama mancharinquichichu; ñaupacta chai tucuna can, ranti, chaira mana tucurina pachachu. 7 Llacta shuc llactahuan macanacununca; shuc runacuna shuc runacunahuan huañuchinacununca; achca suyucunapi uncuicuna, yaricaicuna, allpa cuyurinacuna tiyanca. 8 Chai tucui callarincapacllami can, huasha shamuna llaquicunata ricuchic. 9 "Ñacachi tucuncapac japishcami canquichic; cancunata huañuchinunca; tucuicunapacpi chicni tucunquichic ñucaraicu. 10 Chai punchacunapi, achca runa inishcata saquinunca; runapura chicninacununca, shuccuna shuccunata umachinunca, 11 Achca llulla profetacuna ricurinunca, achcacunata umachinunca. 12 Manallita rana miraricpi, llaquinacushpa causana pishiyancami. 13 Mana sanpayashpa Diosta inishpa causac runa quishpichi tucunca. 14 Diospac cushi shimita tucui suyucunapi uyachina can tucui runacuna chaita ricsincapac; chaipac huasha, cai pacha tucurina pactamunca. 15 "Profeta Daniel mapayachicmanta huacllichicmantapash quillcashpa saquirca; chai mapayachic Diospac huasipi tiyacpi (caita liisshpa yuyanquichic), 16 Judeapi causaccuna urcucunaman miticunuchun. 17 Huasi jahua patapi tiyaccuna ama uraicunuchun ucumanta imatapash apancapac. 18 Chacrapi tiyaccuna ama huasiman ticranuchun churanata apancapacllapash. 19 Huicsayuc huarmicuna chuchuchic huarmicunapash, cancunapac yapa manchaipac canca. 20 Chai miticuna pacha ama tamia punchapi, ama samana punchapi tucuchun Diosta mañaichic. 21 Chai punchacunaca llaqui punchacuna canunca mari; chashna llaqui cai pacha callarishcamanta mana tiyaicachu, mana imuraspi tiyancachu. 22 Dios chai punchacunata mana ucta tucuchicpi, mana pipash quishpirinman; ranti, Dios acllashcacunata llaquishcaraicu, chai punchacunata curuyachinca. 23 "Chashnapi, maicanpash shamushpa nicpi "ricuichic, caipimi Cristo", "chaipimi Cristo", paicunata ama uyanquichichu. 24 Llulla cristocuna ricurinunca mari; llulla profetacuna jatarinunca, mana raipaccunata rurashpa runacunata umachinunca; usharicpi aellashcacunatapash umachinunman. 25 Yuyanquichic, ñaupacta cancunaman huillani. 26 Chairaicu, cancunata ninucpi "ricuichic, chaipimi chunlla allpapi" ama chaiman rinquichichu; "caipimi, huasi ucupi" ninucpi, ama uyanquichichu, 27 Shuc rayo llinpiyashca ricurin inti llucshishcamanta inti yaicushcaman; chai layallata canca cai RUNA shamuna. 28 Ismushca aicha tiyashcapi ullahuancacuna tantarinunca. 29 "Chai llaqui punchacuna huasha, inti yana tucunca; quilla Hahtuyanca, estrellacuna urmahunca, tucui jahua pacha tularinca. 30 Chaipac huasha cai RUNAta ricuchic ricurinca; chaita ricushpa, tucui runacuna huacancapac callarinunca; huasha cai RUNA sinchi ushaihuan puyucuna jahuapi shamurashcata ricununca. 31 Pai angelcunata cachanca "sinchita caparishpa tucui suyucunamanta ñuca acllashcacunata tantarichichic" nishpa. 32 Higuera nishca yurapi tucushcata yuyarichic; paipac pallcacuna llulluyacpi "rupai pacha pactamuran" ninquichic. 33 Chashnallata, ñuca cunan huillashca pactaricpi ricushpa, tucurina pactamurashcata yachanquichic. 34 Shuti cancunata nini: Cunan causaccuna chaira mana huañunucpi, ñuca rimashca pactarincami. 35 Jahua pachahuan cai pachahuan tucurinunca, ñuca rimashca shimi mana chmcarincachu. 36 "Ima puncha, ima pacha chai tucunea manapi yachanchu; angelcunapash Diospac Churipash mana yachanunchu; Dios Yayalla yachan. 37 Cai RUNA shamuha punchapi Noe causashca punchacunapi tucushca shina tucurica. 38 Chai jatun tamia unnashca punchacunapi runacuna micucunurca, upiacunurca, sahuaricunurca, Noe jatun canuapi yaicushca punchacama. 39 Cuncaimanta jatun yacu shamushpa, tucuicuna japi tucunurca; chashnallata canca cai RUNA shamuna punchapi. 40 "Chai punchapi ishcai runa chacrapi tiyanunca; shuc apai tucunca, shuc saquishca canca. 41 Ishcai huarmi cutana rumihuan trigota cutacununca; shuc apai tucunca, shucta saquinunca. 42 Chairaicu, ricuralla causaichic, mana mari yachanquichic apu shamuna punchata. 43 Huasi amu shuhua runa shamunata ricsishpa, chapanman shuhua ama husiman yaicuncapa. 44 Chashna cacpi, cancunapash allichishpa chaparanquichic, cancuna mana ricsishca pacha apu shamunca mari. 45 "Maican alli yuyayuc runa canca, paipac patron luncucunata micuna pachapi carancapac churashca? 46 Patron shamushcapi chashna ruracuc cushiyucmi can. 47 Shuti cancunata nini; patron charishcacunata chai runaman cunca ricuncapac. Ranti, chai runa manalli runa cashpa, "ñuca patron unayancami" yuyashpa, 49 shuc luncucunata quillachincapac callaricpi; micushpalla, machashpalla causacpi, 50 pai mana yachashca punchapi, mana yuyashca pachapi patron shamunca; 51 paitaca sinchi ñacachinca, llullacamacunahuan shina paihuan ruranunca; ñacachi tucushpa, piñarincami quirupash uyaricta.
1 "Diosta caticcunaman shuc sahuarinapi tucushca shina tucunca. Chunca malta huarmicuna chinpusucunata apashpa, cusa-canata tupancapac rinurca. 2 Chai chunca huarmicuna, pichca yuyayue canurca, pichca yuyai illaccuna. 3 Yuyai illaccuna chipusullata apanurca, sindina yacu butita cuncarishpa. 4 Yuyayuccuna, ranti, chinpusuta sindina yacu butintin apashpa rinurca. 5 Cusa-cana unayacpi, puñunayashpa puñunurca. 6 Chaupi tutapi shuc caparirca: —Cusa-cana shamuran, paita tupancapac llucshichic. 7 Chai shimita uyashpa, tucui malta huarmicuna riccharishpa, chinpusucunata japichinurca. 8 Yuyai illaccuna yuyayuccunata ninurca: —Ansa sindina yacuta ñucanchicman cuyaichic, ñucanchic chinpusucuna huañurinun mari. 9 Yuyayuccuna cutipanurca; —Ñucanchic apamushca sindina yacu mana pactancachu; tiendaman ranticrichic. 10 Tiendaman riranucpi, cusa-cana shamurca. Pai shamucpi, paihuan pacta yuyayuc maltacuna sahuarinata rancapac huasiman yaicunurca. Yaicushpa, puncuta huichcanurca. 11 Yuyai illaccuna shamushpa cayanurca nishpa: —Puncuta pascapai. 12 Cusa-cana cutiparca: —Cancunata mana ricsinichu. 13 Chairaicu "ricuralla causaichic" nirca Jesus; "pai shamuna punchata, pai shamuna pachata mana yachanquichic". 14 "Diosta caticcunaman shuc runaman tucushca shina tucunca. Chai runa, caruman rinca rashpa, llancaccunata cayashpa, charishcacunata paicunaman mincashpa saquirca. 15 Shucman pichca huaranca cullquita curca, shucman ishcai huaranca, shucman shuc huaranca, caran amu ushashca tuputa curca. Chaipac huasha, caruman rirca. 16 Pichca huarancata japishcaruna, chai cullquihuan rantishpa catushpa, shuc pichca huarancata yapachirca. 17 Ishcai huarancata japishca runa, shuc ishcai huarancata yapachirca. 18 Shuc huarancata japishca runa, allpapi jutcuta rashpa, patron cushca cullquita pacarca. 19 Unai huasha, chai runacunapac patron ticramurca paicunahuan allichincapac. 20 Pichca huarancata japishca runa shuc pichca huarancata apamurca cashna nishpa: —Patron, pichca huaranca cuhuarcanqui, chaicunahuan shuc pichca huarancata yapachircani. 21 Patron paita nirca: —Allimi, can umayuc canqui. Ansallahuan allita rarcanqui, achcata canta mincasha. Caipi saquiri ñucahuan cushiyancapac. 22 Huasha ishcai huarancata japishca runa shamushpa nirca: —Patron, ishcai huarancata cuhuarcanqui, chaicunahuan ishcai huarancata yapachircani. 23 Patron paita nirca: —Allimi, canpash umayuc canqui. Ansallahuan allita rarcanqui; achcata canta mincasha. Caipi saquiri ñucahuan cushiyancapac. 24 Puchucaipi, shuc huarancata japishca runa shamushpa nirca: —Patron, canta ricsini; can millai shuncuyuc canqui; can mana tarpushcamanta pallanayanqui, can mana tarpushca yuramanta pallasha ninqui; 25 chairaicu manchashpa, can cuhuashca cullquita allpa ucupi pacarcani, Caica canpac cullqui. 26 Rimacpi, patron uyashpa nirca: —Manalli runa, quilla runa. Ñuca mana tarpushcamanta pallashcata yacharcanqui, mana tarpushca yuramanta muyucunata pallashcata yacharcanqui. 27 Chairaiculla ñuca cullquita bancopi churana carcanqui; ñuca ticramucpi, ñucapacta cuhuanunman carca chai cullqui yapashcantin. 28 Cullquita quichuichic paimanta; chunca huarancata charicman cuichic. 29 Charic runa ashtahuan cui tucunca, yallicta charincapac; ranti, mana charic pai charishcatapash quichui tucunca. 30 Chai quilla runata canchaman shitaichic tuta ucuman, tucui lava llaaui tiyashcaman. 31 "Cai RUNA, jatun apu tucushpa, angelcunahuan pacta shamushpa, paipac tiyarinapi tiyarinca. 32 Paipac ñaupacpi tucui runacuna tantarinunca. Shuc michic runa obejacunata chitacunamanta chicanyachishca shina, paipash chaillatata ruranca. 33 Shuccunata shuccunamanta chicanyachinca; allicunata paipac allimaquiman churanca, manallicunata lluqui maquiman. 34 Huasha, jatun apu alli maquipi tiyaccunata ninca: —Shamuichic, ñuca Yaya llaquishcacuna, callarimanta cancunapac allichishca cushi causaita chasquincapac. 35 Ñuea yarcashcapi, carahuarcanquichic; upianayashcapi, upiachihuarcanquichic; ñuca huasi illac cashcapi, cancunapac huasipi puñuchihuarcanquichic. 36 Ñuca llatan cashcapi, churanata cuhuarcanquichic. Ñuca uncushca cashcapi, ñucapacman shamurcanquichic. Chunta curralpi tiyashcapi, ñucata ricuncapac shamurcanquichic; 37 Chaita uyashpa, allicuna ninunca: —Apunchic, ¿imura canta yaricashcata ricushpa cararcanchic, canta upianayashcata ricushpa upiachircanchic? 38 ¿Imura canta huasi illacta ricushpa ñucanchic huasipi puñuchircanchic; canta llatanta ricushpa, churanata cuyarcanchic? 39 ¿Imura canta uncushcata ricushpa, chunta curralpi ricushpa, canpaman ricanchie canta yanapancapac? 40 Jatun apu cutipanca: —Shuti cancunata nini: Cancuna cai ñuca runacunahuan chashna rurashpa, ñucahuan rarcanquichic. 41 Chai huasha, lluqui maquipi tiyaccunata ninca: —Maldisiashcacuna, ñucamanta anchurichic mana tucuric ninaman, supaipac paita caticcunantin allichishca ninaman. 42 Ñuca yaricashcapi, mana carahuarcanquichic; upianayashcapi, mana upiachihuarcanquichic. 43 Huasi illac cashcapi, cancunapac huasipi mana puñuchihuarcanquichic; uncushca cashcapi, chunta curralpi tiyashcapi, mana shamurcanquichic ñucata ricuncapac. Llatan cashcapi, churanata mana cuyahuarcanquichic. 44 Chaita uyashpa, paicunapash tapununca: —¿Imura canta yarcashcata, upianayashcata, llatan cashcata ricushpa; uncushcata, chunta curralpi tiyashcata ricushpa, mana yanaparcanchic? 45 Jatun Apu cutipanca: —Shuti cancunata nini: Cancuna cai ñuca runacunaman mana yanapashpa, ucata mana yanaparcanquichic. 46 Chaicuna mana tucuric ninaman rinunca, allicunaca mana tucuric causanaman.
1 Jesus tucui chaicunata rimashca huasha, yachachishcacunata nirca: — 2 Ishcai punchalla pishin pascua nishca punchapac, ña yachanquichic; cai RUNAta japinuncami paita chacatancapac. 3 Chai pachallapi, pacriyaya apucunahuan, camachic quillcata yachaccunahuan, judio apucunahuan Caifaspac huasipi tantarinurca; Caifas pacriyayacuna jatun apu carca. 4 Tantariccuna Jesusta umachishpa japincapac yuyanurca. 5 Raimi punchapi chaita rana mana allichu —ninurca—, ama runacuna jatarinuchun nishpa. 6 Shuc puncha, Jesus Betania llactapi tiyarca, Simon shutiyuc sisu runapac huasipi; 7 shuc huarmi shamurca yapa balic asnac yacu butita apamushpa. Jesus micucucpi, chai huarmi asnac. yacuta Jesuspac uma jahuapi tallirca. 8 Yachachishcacuna, chaita ricushpa, yapa piñarishpa, ninurca: Imaraicu chashna jichunun chai yapa balic asnac yacuta? 9 Chaita rantichishpa, achca cullqui Hucshinmari, tsuntsu runacunaman cuncapac. 10 Rimanucpi uyashpa, Jesus nirca: —¿Imaraicu cai huarmita piñanquichic? Chashna ñucahuan rurashpa, allita rurarca, 11 Tsuntsu runacuna cancunahuan huiñai tiyanunca; ranti, ñuca mana huiñai cancunahuan tiyashaehu. 12 Cai huarmi ñuca aichata asnac yacuhuan armachishpa, ñucata panpancapac allichishpa rurarca. 13 Shuti cancunata nini: Maitapash cushi shimita huillanucpi, cai huarmi rashcatapash huillanunca, paimanta yuyarinuchun nishpa. 14 Rimacpi, "chunca ishcaicuriamanta shuc, Judas shutiyuc, pacriyaya apucunapacman rishpa, nirca: 15 Mashnata cuhuanquichic ñuca Jesusta j apichishpa carcunaman cucpi? Chaita uyashpa, quimsa chunca cullquita paiman cunurca. 16 Chaimanta pacha Jesusta japincapacima puncha alli carica Judas yuyaricurca. 17 Mana punquichishca tantata micuna ñaupac punchapi, yachachishcacuna Jesuspacman rishpa, tapunurca: —¿Maipi pascua micunata allichincapac munanqui? —Llactaman richic shuc runapac huasiman; chaiman yaicushpa ninquichic: "Yachactic caita nin: Ñuca pacha ña pactamuran; canpac huasipi pascua micunata micunca rani ñuca runacunantin". 19 Yachachiscacuna Jesus rimashcata ranurca; pascua micunata allichinurca. 20 Tutayashcapi, Jesus paipac chunca ishcai runacunahuan shamurca micuncapac. 21 Micucunucpi, Jesus paicunata nirca: —Shuti nini, cancunamanta shuc ñucata japichinca ran huañuchincapac. 22 Chaita uyashpa yapa Haquirinurca; huasha huasha paita tapunurca: —¿Ñucachu cani? 23 Jesus cutiparca: —Ñuca callanamantallata micucuc runa ñucata japichinca ran. 24 Cai RUNA huañunca ran, quillcacuna rimashca shina; paita japichic runa mana pacarishcapi alli canman. 25 Rimacpi uyashpa, Jesusta japichinca rac runa, Judas shutiyuc, tapushpa nirca: —¿Yachachic, ñucachu cani? Jesus paita nirca: —Ari. 26 Micucunucpi, Jesus shuc tantata japirca; Diosta pacrachushpa, tantata paquishpa, yachachishcacunaman curca nishpa: —Micuichic,cai ñuca aichami can. 27 Huasha, stiuc basota japirca; Diosta pacrachushpa, chaita yachachishcacunaman curca nishpa: — 28 Cai basomanta tucuicuna upiaichic, cai ñuca yahuar mari can, Dios runacunahuan mushu cushca shimita ricuchic yahuar; cai yahuar tucui runacunamanta tallishca canca juchacunata pichancapac. 29 Cunanmanta binota mana upiashachu, ñuca Yaya huasipi mushu binota upianacama. 30 Taquishca huasha Olivos nishca urcuman rinuxca. 31 Riranucpi, Jesus paicunata nirca: —Tucui cancuna "yancamanta paita catinchic" nishpa rimanquichic cunan tuta, quillcara mari tiyan: Michicta huañuchishami, obejacunaca chausirinunca. 32 Chashna cacpipash, ñuca causarishami, cancunata ñaupashpa Galileaman risha. 33 Pedro chaita uyashpa nirca: —Tucuicuna canta jichunucpipash, ñuca canta catishami. 34 Jesus paita nirca: —Shuti pacha canta nini: Cunan tuta cari atallpa chaira mana caparicpi, can quimsa cuti ñucamanta "paita mana ricsinichu" ninqui. 35 Pedro cutiparca: —Canhua pacta huañuna cacpipash, chaita mana rimashachu. Shuccunapash chaillatata rimanurca. 36 Chashna rimarishpa, Jesus paipaccunantin Getsemani nishca panpaman pactarca; chaiman pactac, yachachishcacunata nirca: —Caipi tiyarichic ñuca chainiman Dios-huan rimarinca rani. 37 Pedrota, ishcai Cebedeo churicunata pushashpa, yapa llaquirincapac callarirca. 38 Ñacarishpa nirca: —Llaquirishpalla huañunayahuan; caipi saquirichic, ñucahuan Diosman mañaichic. 39 Chainiman purishpa, tuhuaman urmarca nishpa: —Ñuca Yayalla, usharicpi cai jatun llaquita ñucamanta anchuchipai; ranti, maña ñuca munashca shina tucuchun, canpac munai rurarichun. 40 Yachachishcacuna tiyashcaman ticrashpa, puñurashcata tuparca; Pedrota nirca: —¿Shuc pachallapash ñucahuan Diosta mañana manachu usharcanquichic? 41 Mañaraichic juchanayaipi ama urmañcapac; cancunapac yuyai allimi can, ranti aicha sanpa can. 42 Chaita rimashpa, cutillata Dios-huan rimacrirca. —Yayalla, —nirca—, ñuca cai jatun llaquita apana cacpi, can munashca shina rurarichun. 43 Yachachiscacuna tiyashcaman ticrashpa, puñurashcata tuparca, yapa puñunayanucpi. 44 Paicunata saquishpa, cutillata Dios-huan rimacrirca, ñaupa shinata nishpa mañarca. 45 Chai huasha, yachachishcacuna tiyashcaman ticrashpa nirca: —Chairachu puñuranquichic? Ñuca pacha ña pactamurca. Juchayuccuna cai RUNAta japinca ranun. 46 Shayarichic, jacuichic, ñucata chasquichinca rac runa shamuran. 47 Rimacucpi, chunca ishcaicunamanta shuc, Judas shutiyuc, shamurca; paihuan pacta achca runacuna shamunurca mircanucunata, caspicunahuan; pacriyaya apucuna llacta apucunapash paicunata cachashca canurca. 48 Judas paicunata rimashca carca: —Ñuca muchashca runata japinquichic, paimi Jesus. 49 Chashnapi, Jesuspacman mayanyashpa, paita mucharcanishpa: —Allillachu canqui, Yachachic? 50 Jesus paita nirca: —Mashi, can ruranca rashcata rurailla. Chai ucu, Judas-huan shamuccuna Jesusman shitarishpa japinurca. 51 Chaita ricushpa, shuc Jesus yachachishca runa, mircanuta japishpa, apupac luncuta huactarca, paipac rinrita pitirca, 52 Jesus nirca: —Mircanuta cara ucupi cutillata ehurai; mircanuhuan huañuchic runa mircanullahuan huañuchi tucunca. 53 Ñuca munashpa, ¿manachu ñuca Yayata mañaiman, pai chunca huaranca angelta cachahuanman, ñucata quishpichincapac? 54 Ranti, ¿imashna quillcacuna rimashca pactarinca "chashna tucuna can" nishca? 55 Huasha runacunata nirca: —Shuhua runata japincapac shina ñucata japincapac shamurcanquichic mircanucunahuan, caspicunahuan. Caran puncha Diospac huasipi yachachic carcani; mana japihuarcanquichic. 56 Chashna tucun quillcacuna rimashca pactarincapac. Chaita uyashpa, yachachishcacuna Jesusta jichushpa miticunurca. 57 Jesusta japiccuna apu Caifaspacman pushanurca; chaipi camachic quillcata yachaccuna apucunantin tantarinushca carca. 58 Pedro carunayamanta apupac huasiman Jesusta catirca; huasi ucumari yaicushpa, luncucunahuan tiyarirca imata Jesusta ranunca ricuncapac. 59 Pacriyaya apucuna tucui taripaccunantin llulla shimita mashcacunurca Jesusta cautsayachishpa huañuchincapac. 60 Achca llullashpa rimaccuna shamucpipash, imapash mana tuparishcachu Jesusta cautsayachincapac. Taripanata tucuchincapac, ishcai runa shamushpa, rimanurca nishpa: —Cai runa nirca: 61 Ñuca Diospac huasita tulachina ushani, quimsa punchapi chaita jatachina ushani. 62 Chaita uyashpa, pacriyaya jatun apu shayarishpa nirca: —¿Manachu imatapash rimanqui? ¿Imata nishpa caicuna rimashcata rimarcanqui? 63 Jesus upallarca. Pacriyaya jatun apu cutillata rimarca: —Causac Diospac shutipi canta tapuni: ¿Mesiaschu canqui? ¿Diospac churichu canqui? 64 Jesus cutiparca nishpa: —Ari, chashnami can; caitapash nini: Shuc puncha tucuita ushac Diospac alli maquiman tiyarishcata ricuhuanquichic; puyu jahuapi shamucucta ricuhuanquichic. 65 Chaita uyashpa, jatun apu churanata lliquishpa nirca: —Diosta piñashpa rimarca. ¿Imapac ricuyaccunata mutsunchic? Pai rimashcata uyarcanquichic. 66 ¿Imata paita rurashun? Tucuilla caparinurca: —Paita huañuchina can. 67 Chai huasha, Jesusta ñahuipi tiucanurca, maqui palahuan huactanurca nishpa: — 68 Mesias, rimai, ¿pimi canta macan? 69 Chaicama Pedro patiopi tiyarca, allpapi tiyacushpa. Shuc yanapac huarmi paiman mayanyashpa nirca: —Canpash Galileo Jesus-huan puric carcanqui. 70 Pedro, tucuicunapac ñaupacpi, nirca: —Mana, can rimacushcata mana yachanichu. 71 Puncuman ricpi chaimanta llucshincapac, shuc yanapac huarmi paita ricushpa, chaipi tiyaccunata nirca: —Caipash Jesus-huan tiyarca. 72 Pedro rimarca nishpa: —Mana, chai runata mana ricsinichu. 73 Astanipi, chaipi tiyaccuna Pedrota ninurca: —Shuti, paicunamanta canqui, paicuna shinallata mari rimanqui. 74 Pedro mana alli shimicunata rimancapac cailarirca nishpa: —Chai runata mana ricsinichu. Chai ucu cari atallpa caparirca. 75 Pedro Jesus rimashcata yuyarirca pai nishcapi: "Chaira cari atallpa mana caparicpi, paita mana ricsinichu quimsa cuti ninqui". Chaita yuyarishpa, chaimanta llucshispa, yapa huacacurca.
1 Cayantin puncha inti pacaricpi, pacriyaya apucunahuan llacta apucunahuan imata rana canca nishpa yuyanurca Jesusta huañuchincapac; 2 maqui huatashpa, apu Pilatopacman pushanurca. 3 Jesusta japichic Judas, Jesusta huañuchinca ranushcata yachashpa, manallita rarcani nishpa, quimsa chunca cullquita apucunaman cutichirca nishpa: — 4 Jatun juchata rarcani, alli runata japichircani cancunaman cuncapac. Paicuna ninurca: —Ñucanchicta mana imananchu. ¡Amu yachan! Rimanucpi uyashpa, Diospac huasiman cullquita shitashpa, rirca, huatarishpa huañurca. 6 Apucuna, cullquita japishpa, ninurca: —Cai cullqui Diosman camari cullqui shina huacaichincapac mana allichu, yahuar cullqui mari can. 7 Paicunapura rimarishpa, chai cullquihuan mancata ahuac runapac allpata rantinurca, mana judio caccunata chincachincapac. 8 Chairaicu chai panpa "yahuar panpa" ninun cunancama. 9 Chashnami Jeremias nishca pactarirca: Quimsa chunca cullquita japircani; chai tupu cullquipi judiocuna ñucata balichinurca; 10 mancata ahuacpac allpata rantircani Dios rimahuashca shina. 11 Jesus jatun apu pilato ñaupacpi tiyarca; chai apu Jesusta tapurca: —¿Judiocunapac jatun curacachu canqui? Jesus cutiparca: —Ari, can nishca shina can. 12 Pacriyaya apucuna rucucunapash juchachinucpi uyashpa, Jesus mana rimarcachu. 13 Mana rimacpi, Pilato paita nirca: —¿Manachu uyanqui caicuna rimacushcata? 14 Jesus shuc shimillatapash mana rimarcachu; chairaicu Pilato yapa mancharirca. 15 Judiocunapac yachai, jatun raimi puncha gubirnu apu shuc chunta curralpi huichcara runata cacharic carca, runacuna acllashcata. 16 Chai pacha shuc millai runa chunta curralpi huichcara tiyarca; paipac shuti Barrabas. Pilato chaipi tiyac runacunata tapuica: —¿Maicanta ñuca cacharincapac munanquichic? ¿Barrabastachu cacharisha? ¿Jesustachu cacharisha? 18 Pilato allimi yacharca Jesusta chicnishcamanta japichinushcata. 19 Pilato taripana tiyarinapi tiyarishca cacpi, paipac huarmi shimita cacharca nishpa: "Ama imata raichu chai alli runata; pairaicu nuspashpa yapa mancharircani". 20 Pacriyaya apucuna rucunapash "Barrabasta cachari, Jesusta huañuchi" nishpa caparina canquichic runacunaman rimanurca. 21 Pilato tapushcapi: —¿Maicanta cacharisha?—nishpa, runacuna caparinurca: —Barrabasta cachari, 22 Pilato cutillata tapurca: —Imata rasha cai Mesias nishca runata? Paicuna cutipanurca nishpa: —Chacatashca cachun. 23 Pilato tapurca: —¿Ima manallita rurarca? Paicuna ashtahuan caparinurca nishpa: —¡Chacatashca cachun! 24 Pilato manaimata rana ushani yuyarishpa, judiocuna ashtahuan caparishcata uyashpa, tucuicunapac ñaupacpi maquicunata maillarca nishpa: —Mana imata charinichu cai alli runahuan; cancunallata ricunquichic. 25 Paicuna caparinurca nishpa: —¡Paipac yahuar ñucanchic jahuapi, ñucanchic churicunapac jahuapi tallirichun! 26 Chaita uyashpa, Pilato Barrabasta cacharirca; Jesusta llipachishpa, paicunaman curca chacatashca cancapac. 27 Suldarucuna, Jesusta japishpa, patio ucuman pushanurca; pai muyucta tucui suldarucunata tantachinurca. 28 Jesuspac churanata surcushpa, shuc puca churanata churachinurca; 29 chai huasha, paipac umapi shuc cashahuan ahuashca llaututa, Jatun Curacacunapac llautu shina churanurca; paipac maquipi shuc pintuta apu bara shina churanurca. Paipac ñaupacpi cuncurishpa, paita asinurca nishpa: —¡Ricuichic judiocunapac jatun apu! 30 Paipac ñahuipi tiucashpa, pintuhuan umata huactacunurca. 31 Paita asishca huasha, puca churanata surcushpa, paipac churanata churachishpa, chacatashca cancapac pushanurca. 32 Llactamanta llucshishpa, shuc Cirenemanta runata tarinurca, Simon shutiyuc; paita crusta marcachinurca. 33 Gólgota nishca urcuman pactashpa, 34 jayac-huan masashca binota upiachinurca; Jesus, chaita camashpa, mana upiarcachu. 35 Paita chacatashca huasha, paipac churanacunata lichayuccuna japinurca; 36 huasha, tiyarishpa, chaparanurca. 37 Crus umapi shuc quillcata churanurca; "imaraicu paita huañuchinun" nishpa quillca nin. Cashna quillcara carca: "Cai judiocunapac Jatun Curaca Jesusmi". 38 Paihuan pacta ishcai shuhua runata chacatanurca, shuc Jesuspac alli maquipi, shuc lluqui maquipi. 39 Chaita puriccuna Jesusta asinurca; umata cuyuchishpa, 40 ninurca: —Can "Diospac huasita tulachina ushani, quimsa punchapi chaita jatachina ushani" nishpa nircanqui; can quiquinta quishpichi; Diospac churi cashpa, crusmanta uraicui. 41 Pacriyaya apucunapash rucucunantin fariseocunantin paita asinurca nishpa: — 42 Shuccunata quishpichirca, pai quiquinta mana quishpichina ushan. Judiocunapac apu cashpa, crusmanta uraicuchun, ñucanchic paita inincapac. 43 Diospi inirca, Dios-pacchuri cani nishpa nirca; Dios paita llaquishpa, cunan paita quishpichichun. 44 Jesus-huan pacta chacatashca shuhuacunapash paita asinuica. 45 Chaupi punchamanta chaupi chishicama puncha yana tucurca. 46 Chaira jahuanaya intipi, Jesus sinchi shimihuan nirca: —Eli, Eli, lacma sabactani (runa shimipi: Ñuca Dioslla, ñuca Dioslla, imaraicu ñucata jichushcanqui). 47 Huauquin chaipi tiyaccuna, chaita uyashpa, ninurca: —Eliasta cayaran. 48 Shuc suldaru, esponjata japishpa, jayac binopi jucuchishpa, pintupi huatashpa, Jesusta upiachirca. 49 Shuccuna ninurca: —Saqui, Elias shamunca chari paita quishpichincapac. 50 Jesus sinchita caparishpa huañurca. 51 Chai ucu, Diospac huasipi huarcurashca cortina lliquirirca jahuamanta uracama; allpa cuyurirca, rumicuna raquirinurca. 52 Aya jutcucuna pascarinurca, achca alli runacuna causarinurca, 53 Jerusalen llactapi ricurinurca Jesus causarishca huasha. 54 Suldaru apu suldarucunapash, tucui tucushcata ricushpa, yapa mancharishpa, ninurca: -¡Shuti pacha, cai runa Diospac Churimi carca! 55 Achca huarmicuna carumanta tucuita ricuranurca; paicuna Jesusta Galileamanta catimushca carca, paita yanapashpa. 56 Shuc Maria Magdalena carca, shuc Jacobopac Josepac mama Maria, shuc Cebedeo churicunapac mama. 57 Tutayacucpi, shuc cullquiyuc runa shamurca, Jose shutiyuc, Arimateamanta runa; paipash. Jesusta catic runa carca. 58 Pilatopacman rishpa, Jesuspac ayata mañarca. Mañacpi, Pilato ayata paiman cuncapac rimarca. 59 Jose, ayata japishpa, mushu churanahuan pillushpa, 60 pai quiquinpac aya panpana jutcupi churarca; chai aya panpana jutcu mushu carca, rumipi allashca. Shuc jatun rumihuan chai jutcuta huichcashca huasha, rirca. 61 Chaipi tiyacunurca Maria Magdalena, shuc Mariapash, panpana jutcu ñahuipura; 62 Gayantin puncha, parasceve nishca puncha huasha, pacriyaya apucunahuanfariseocunahuan Pilatopacman rinurca. Chaiman pactashpa, cashna ninurca: —Apu, cunan yuyarinchic chai umachic runa, chaira causacushpaj nishcata: "Quimsa puncha huasha causarishami". 64 Chairaicu panpashcata ricunuchun quimsa punchacama, ama: pai yachachiscacuna tutapi shamushpa, ayata shuhuanuchun; shuhuashpa, runacunata rimanunca nishpa: "Causarishcami". Chashna tucucpi, chai umachishca tucui pai umachishcacunamanta yalli canca. 65 Chashna ninucpi, Pilato nirca: —Suldarucunata charinquichic; aya jutcuta allita ricunuchun. 66 Chaitauyashpa, ayata panpanushcaman rinurca; jutcuta huichcac rumita selloyachishpa, suldarucunata chaipi saquinurca ricuncapac.
1 Samana puncha huasha, semana ñaupac puncha ña pacaricucpi, ishcai huarmi: Maria Magdalena shuc, Maria shuc, panparata ricuncapac rinurca. 2 Cuncaimanta, allpa sinchi cuyurirca. Shuc angel uraicushpa, rumita anchuchishpa, rumi jahuapi tiyarirca. 3 Paipac ñahui chiuclla ricurirca, paipac churana rasu shina yurac carca. 4 Ayata ricuc suldarucuna, manchaimanta chucchushpa, huañushca shina saquirinurca. 5 Angel huarmicunata nirca: —Ama manchaichichu. Chacatashca Jesusta mashcaranquichic; 6 mana capichu; causarircami pai nishca shina. Pai sirirashcata ricuichic. 7 Huasha, utcalla rinquichic pai yachachishcacunaman huillancapac. "Causarishcami" ninquichic. Cancunata ñaupashpa Galileaman rinca; chaipi paita ricunquichic. Chaita huillancapac shamurcani. 8 Huarmicuna, chaita uyashpa, yapa cushiyashpa, yachachishcacunaman huillacrinurca. 9 Riranucpi, Jesus paicunahuan tuparishpa nirca: —¡Cushiyaichic! Paicuna mayanyarishpa, tuhuaman urmashpa, Jesuspac chaquita ucllarishpa paita chacchanurca. 10 Jesus paicunata nirca: —Ama manchaichichu; ñuca huauquicunaman huillacrichic: Galileaman rinuchun, chaipi ricuhuanquichic. 11 Huarmicuna riranucpi, ayata ricuc suldarucuna llactaman rishpa, pacriyaya apucunaman tucui tucushcata huillanurca. 12 Pacriyaya apucuna, chaita uyashpa, rucucunahuan rimarincapac rinurca; chai huasha, suldarucunaman achca cullquita cuyanurca nishpa: — 13 Cancuna caita ninquichic: "Tutapi, ñucanchic puñurashcapi, pai yachachishcacuna shamushpa, ayata shuhuanurca". 14 Apu chaita uyacpi, ñucanchic paihuan rimashun cancunata quishpichincapac. 15 Chaita uyashpa, suldarucuna cullquita japishpa, paicunaman rimanushcata rimanurca. Chai llullashcata cunan punchacama judiocuna ininun. 16 Chunca shuc yachachishcacuna Galileaman rinurca, Jesus nishca urcuman. Chaipi Jesus paicunaman ricurirca; 17 paita ricushpa chacchanurca; huaquincuna shuncullapi ninurca: "Paichu mana paichu imata". 18 Jesus paicunaman mayanyashpa nirca: —Ñuca tucuita ushani cai pachapi jahua pachapipash. 19 Richic, tucui runacunata yachachichic; paicunata Yayapac Churipac Santo Samaipac shutipi bautisanquichic; ñuca rimashcata rancapac paicunata yachachinquichic. 20 Uyaichic: Ñuca huiñai cancunahuan tiyasha cai pacha tucurinacama.
1 Diospac Churi Jesucristomanta alli shimi cashnami callarirca. 2 Profeta Isaias quillcashca carca nishpa: "Ñuca shimita apac runata ñanpita allichincapac cachani: 3 Chunlla allpapi shuc shimi uyarin cashna nishpa: Ñanpita Diospac allichichic, cuscachichic". 4 Chashna cacpi, Juan chunlla allpapi runacunata bautisac carca, cashna camachishpa: —Juchamanta llushpirincapac, shuncupi llaquirishpa, manalli causanata saquishpa, Diosman ticrana canquichic, bautisai tucuna canquichic. 5 Judeamanta Jerusalenmantapash tucui runa Juanpacman shamuccuna carca. Juchacunata rimanucpi, Juan Jordan yacupi paicunata bautisac carca. 6 Juan camello nishca huihua huillmahuan ahuashca churanata churarishca carca, huacra carahuan chunpillishca; sacha mishquita jijitapash micushpa causacurca. 7 Cashna rimashpa camachic carca: —Ñuca huashalla ñucamanta yalli ushac shamuncami; ñuca paipac ushutapac huascata pascancapac mana allichu cani. 8 Ñuca cancunata yacuhuan bautisani, ranti pai Santo Samaihuan cancunata bautisanca. 9 Chai punchacuna, Jesus Galileapi tiyac Nazaret llactamanta shamushcapi. Juan paita Jordan yacupi bautisarca. 10 Yacumanta llucshishca shina, Jesus jahua pachata pascarishcata ricurca, santo Samai paipac jahuapi urpi shina uraicucucta ricurca. 11 Jahua pachamanta shuc shimi uyarirca, cashna nishpa: —Can ñuca llaquishca Churimi canqui. Canhuan cushiyani. 12 Chai huasha, Santo Samai Jesusta chunlla allpaman purichirca. 13 Chuscu chunca puncha chaipi sacha aichacunahuan tiyarca; supai paita camarca. Huasha angelcuna paita caranurca. 14 Juanta japishpa chunta curralpi huichcanushcapi, Jesus Galilea suyuman rirca; chaipi Diospac shimita uyachic carca, 15 cashna nishpa: —Pactana pacha pactamurcami; Diospac pacha mayanlla can. Manalli causanata saquishpa, Diosman ticraichic, cushi shimita uyaichic. 16 Galilea cucha patata puricushpa, Jesus Simonta ricurca; paipac huauqui Andres-huan tiyarca. Paicuna yacu aichata japiccuna cashpa, llicata cuchapi shitaranurca. 17 Jesus paicunata nirca: —Ñucahuan shamuichic, runacunata japiccamata cancunata rasha. 18 Chai ucullapi, llicata saquishpa, Jesusta catinurca. 19 Astanipi, Jesus Galileapi puricushpa, Cebedeopac churi Santiagota ricurca paipac huauqui Juantin; canuapi llicata allichiranurca. 20 Jesus paicunata cayarca; paicunaca, yayata llancaccunantin canuapi saquishpa, Jesus-huan rinurca. 21 Chashna rishpa, Cafarnaun nishca llactaman pactanurca. Samana punchapi Jesus tantarina huasiman rirca runacunata yachachincapac. 22 Pai rimashcata uyaccuna mancharinurca, paipac yachachina shuc laya mari carca, ushaihuan yachachic carca, mana camachic quillcata yachaccuna shina. 23 Chai tantarina huasipi, shuc supai japishca runa tiyarca; caparincapac callarirca nishpa: — 24 Nazaretmanta Jesus, ¿imatata ñucanchicmanta munanqui? ¿Ñucanchicta tucuchincapacchu shamunqui? Canta ricsinimi, Dios acllashca runa canqui. 25 Jesus paita rimarca: —¡Upallai, cai runamanta llucshi! 26 Supaica, chai runata cushpachishpa, shinchita caparishpa, paimanta llucshirca. 27 Tucui chaita ricuccuna yapa mancharishpa, rimanacunurca nishpa: —¿Imami cai? ¡Shuc laya yachachin; supaicunata rimacpi, supaicuna paita uyanun! 28 Tucui Galilea llactacunapi Jesusmanta rimarirca. 29 Chai tantarina huasimanta llucshishpa, Jesus Santiagontin Juantin Simonpac Andrespac huasiman rirca. 30 Simonpac huarmi mama uncushpa siricurca; Jesusta paimanta rimanurca. 31 Jesus pai tiyashcaman yaicushpa, paita maquinanta japishpa jatarichirca. Chai ucullapi uncui samarirca. Ña alliyashpa paicunata sirbicurca. 32 Chishita, inti ña yaicucucpi, tucui uncushcacunata supai japishcacunatapash Jesuspacman pushanurca. 33 Tucui runacuna huasi puncupi munturinurca. 34 Jesus tucui laya uncushcacunata alliyachirca, supai japishcacunamanta supaita callpachirca. Supaicuna paita ricsinucpica, Jesus paicunata mana rimachircachu. 35 Cayantiman, tuta ucuta jatarishpa, huasimanta llucshirca, chunlla allpaman rirca Dios-huan rimarincapac. 36 Simon paihuan tiyaccunantin Jesusta mashcancapac rinurca. 37 Paita tupashpaca ninurca: —Tucuilla canta mashcaranun. 38 Jesus paicunata nirca: —Jacuichic shucman, mayan llactacunapi cushi shimita uyachincapac; chaipacmi shamurcani mari. 39 Chaimanta tucui Galilea suyuta purirarca, tantarina huasicunapi camachishpa, supaita supai japishcacunamanta jichushpa. 40 Shuc puncha, shuc sisu runa Jesuspacman shamurca. Cuncurishpa, paita mañarca nishpa: —Can munashpa, ñucata janpinata ushanqui. 41 Jesus paimanta llaquirishpa, maquihuan paita llancarca nishpa: —¡Munanimi, alliyashca saquiri! 42 Chai ucullapi chai runa pichara saquirirca. 43 Huasha paita cacharca nishpa: — 44 Ama pitapash rimaichu; ranti, pacriyayapacman rishpa, picharishcamanta Moises rimashcata cunqui, tucuicuna yachancapac can ña janpi tucushcata. ¿ 45 Pai rishpa, tucuicunaman huillancapac callarirca. Chairaicu, Jesus llactacunaman runacuna ucupi mana yaicunata munarcachu. Runa illashcapi saquiric carca; chashnapash, achca runa tucui llactacunamanta paipacman shamuccuna carca.
1 Ansa punchacuna huasha, Jesus Cafarnaun llactaman ticrarca; huasipi tiyashcata uyarirca. 2 Achca runacuna paipacman shamunurca, huasi puncuta huichcacta. Pai Diospac shimita uyachicurca. 3 Rimacucpi, chuscu runapura shuc suchu runata huantushpa shamunurca. 4 Jesus tiyashcaman mana pactana ushashpa, huasi jahuamanta shuc jutcuta rashpa, Jesuspac ñaupacman uncushcata uraicuchinurca. 5 Jesus paicuna inishcata ricushpa, uncushca runata nirca: —Churi, canpac juchacuna maillai tucunun. 6 Huaquin yachaccuna chaipi tiyanurca. Jesus rimashcata uyashpa, paicunapac shuncupi yuyanurca nishpa: 7 ¿"Imaraicu chashna riman? Diosta camicun. ¿Pitac juchacunata maillana ushan mana Dios cashpa?" 8 Jesus paicuna yuyacushcata yachashpa, nirca: —¿Imaraicu chashna yuyanquichic? 9 ¿Imata ashtahuan rimanalla can: Cai uncushca runaman "canpac juchacuna maillai tucunun" nishpa rimanachu? "Jatari, cahuituta apashpa ri" nishpa rimanachu? ¿Manachu cutipahuanquichic? 10 Ñuca cai pachapi juchacunata maillana ushashcata ricuchinca rani. Huasha suchu runata nirca: —Uyai, jatari, canpac cahuituta japishpa huasiman ri. 12 Chai ucullapi jatarirca, cahuituta japishpa, tucuicuna ricuranucpi llucshirca. Chaita ricuccuna mancharinurca; Diosta chacchanurca nishpa: —¡Manapacha! ¡Mana imura chashna ricushcanchic! 13 Jesus chaimanta llucshishpa, yacu pataman cutillata rirca. Achca runacuna paipacman shamunurca; Jesus paicunata yachachicurca. 14 Purirashpa, Alfeopae churi Levi shutiyuc runata ricurca, gubirnu cullquita pallana huasipi tiyacurca. Jesus paita nirca: —Ñucahuan shamui. Chai runa uyashpa, jatarishpa, Jesusta catishpa rirca. 15 Huasha, Jesus Levi huasipi micucucpi, achca gubirnu cullquita pallaccuna achca juchayuccunapash Jesus-huan pacta, pai yachachishcacunahuan pacta micuncapac shamunurca, achca runacuna mari Jesusta catishpa puriccuna carca. 16 Camachic quillcata yachaccuna fariseocunantin, Jesus gubirnu cullquita pallaccunahuan juchayuccunahuanpash micurashcata ricushpa, pai yachachishcacunata tapunurca: —¿Imaraicu cancunata yachachic gubirnu cullquita pallaccunahuan juchayuccunahuanpash micushpa upiashpa purin? 17 Jesus paicunata uyashpa nirca: —Alli causaccuna janpiccamata mana mutsunun; uncushcacuna janpiccamata mutsunun. Ñucaca mana shamurcanichu allicunata cayancapac; manallicunata mashcancapac shamurcani. 18 Bautisac Juan yachachishcacunahuan fariseocunahuan sasicushca punchapi, huaquin runacuna Jesuspacman shamunurca paita tapushpa: —Juan yachachishcacunahuan fariseocunahuan sasiccuna can; ¿imaraicu canpaccuna mana sasinun? 19 Tapunucpi, Jesus cutiparca: —Sahuarinaman cayashcacuna sasicchu canun, cari paicunahuan tiyacpi? Mana, cari paicunahuan tiyacpi mana sasinunchu. 20 Cari pushai tucuna puncha pactamucpi, sasinunca. 21 Manapí runa rucu churanata mushu churana pitihuan llachapanchu; chashna racpi, mushu churana curuyacpi, rucu churanata aisashpa, ashtahuan lliquichinca. 22 Chashnallata, manapí mushu binota rucu cara purupi churan; chashna racpi, mushu bino rucu cara puruta tucyachicpi, bino tallirinca, ishcaintin huacllirin. Mushu bino mushu cara purupi churana can. 23 Shuc samana puncha Jesus shuc tarpushca ucuta purirarca. Pai yachachishcacuna chaita purishpa, trigo huancuta aisashpa japinurca. 24 Fariseocuna, chaita ricushpa, Jesusta ninurca: —Riqui, samana puncha chashna rana mana allichu. 25 Jesus cutipashpa nirca: —¿Manachu yachanquichic David rurashcata micuna illac yaricashcapi paihuan tiyaccunantin? 26 Abiatar pacriyaya apu cashcapi, David Diospac huasiman yaicushpa, camari tantacunata micurca. (Chai laya tantata pacriyayacunalla micunun). Paihuan tiyaccunatapash cararca. 27 Huasha nirca: —Samana puncha runaraicu rurashca can, mana runa samana puncharaicu. 28 Chairaicu, cai RUNA samana punchapacpash amumi can.
1 Cutillata Jesus tantarina huasiman yaicurca. Chaipi shuc huacllishca maquiyuc runa tiyarca. 2 Fariseocuna Jesusta chapacunurca, chai runata samana punchapi allichincachu ima chari, paita cautsayachincapac. 3 Jesus chai huacllishca maquiyuc runata nirca: —Jatarishpa, chaupi shuncupi shayari. 4 Jesus chaipi tiyaccunata tapurca: —¿Samana puncha imata ruraipac can? ¿Allita rurana usharinchu? ¿Manallita rurana usharinchu? ¿Shuc runata huañunamanta quishpichina allichu? ¿Huañuncapac saquinachu? ¿Imata ninquichic? Paicuna chunlla saquirinurca. 5 Jesus piñarishpa, muyucta ricushpa, paicuna manalli shuncuyuc cashcamanta llaquirishpa, runata nirca: —Canpac maquita chutachi. Chutachicpi alliyarca. 6 Fariseocuna, chaimanta llucshishpa, Herodesta caticcunahuan rimarinurca imashnata Jesusta huañuchishun nishpa. 7 Jesus pai yachachishcacunantin Galilea cucha pataman rirca. Galileamanta, Judeamanta, 8 Jerusalenmanta, Idumeamanta, Jordan chinpamanta, Tiro Sidon llactacunamantapash achca runacuna paipacman shamunurca, paimanta rimarishcata uyashpa. 9 Chashna cacpi, Jesus pai yachachishcacunata nirca: —Shuc canuata allichichic runacunata ama jaitahuancapac. 10 Achca uncushcacunata alliyachicpi, tucui laya uncuccuna paipacman shitarinurca, paita llancancapac. 11 Supaicuna, paita ricushpa, cuncurishpa, capariranurca nishpa: —Can Diospac Churimi canqui. 12 Ranti, Jesus sinchita paicunata rimarca nishpa: —Ñuca pi cashcata ama huillaichichu. 13 Jesus shuc urcuman sicashpa, pai munashcacunata "ñucaman shamuichic" nirca. 14 Shamunucpi, paicunamanta chunca ishcaita acllarca paihuan tiyancapac, paicunata camachincapac cachancapacpash, 15 supaicunata jichuna ushaita paicunaman cushpa. 16 Caimi paicunapac shuticuna: Simon (paita "Pedro" shutichirca), 17 Cebedeopac churicuna Santiago, paipac huauqui Juan (paicunata "Boanarges" shutichirca; runa shimipi "Tulun churicuna"), 18 Andres, Felipe, Bartolome, Mateo, Tomas, Alfeopac churi Santiago, Tadeo, Simon "cananeo" nishca, 19 Judas Iscariote (pai Jesusta japichirca). 20 Chai huasha, Jesus paipac huasiman ticrarca. Achca runa cuti tantaricpi, micuncapapash mana ushanurcachu. 21 Paipac aillucuna Jesus huasipi tiyashcata yachashpa, paita pushancapac shamunurca runacuna rimacpi nishpa "Yuyai illac tucurca". 22 Jerusalenmanta shamushca yachaccuna ninurca: —Cai runa Belcebú supai aputa ucupi charin, paipac ushaihuan supaicunata jichun. 23 Chashna rimanucpi, Jesus paicunata cayashpa, cashna nishpa yachachirca: —¿Imashna supai apu, Satanás nishca, Satanasllata jichunca? 24 Shuc llactapi causaecuna, chican chican chaupiricpi, chai llacta tucurincami. 25 Chashnallata, shuc huasipi causac aillucuna, paicunapura macanacushpa, tucurinuncami. 26 Satanashpash pai quiquinllata piñashpa, tucurincami. 27 Manapí shuc sinchi runapac huasiman yaicuna ushan shuhuancapac, ñaupacta mana paita huatashpa. Paita huatashca huasha, shuhuana ushancami. 28 Huasha, Jesus yapashpa nirca: —Runa tucui laya juchallishcata, tucui rimashca manalli shimita quishpichina usharin. 29 Ranti, Santo Samaita piñashpa manallita rimac runa mana imura quishpichi tucunca, chicapac juchata aparinca. 30 Chashna nirca Jesus, paicuna "millai supaita ucupi charin" nishpa rimashcamanta. 31 Jesus rimacucpi, paipac mama paipac huauquicunantin shamushpa, canchamanta paita cayachinurca. 32 Jesus muyucta tiyarishcacuna paita ninurca: —Uyai, canpac mama canpac huauquicunantin canchapi tiyanun, canta mashcanun. 33 Jesus cutipashpa nirca: —¿Pitac can ñuca mama, maican ñuca huauqui? 34 Huasha, pai muyucta tiyaccunaman ricushpa nirca: —Caicunami ñuca mama, ñuca aillucuna, 35 Dios rimashcata pactachic runa paimi ñuca huauqui, ñuca pani, ñuca mama.
1 Cutillata Jesus cucha patapi yachachincapac callarirca. Achca runa tantarinucpi, Jesus shuc canua ucuman yaicushpa, tiyarirca; runacuna yacu patapi saquirinurca. 2 Jesus unaita paicunata yachachirca; cashna rimacurca: —Uyaichic: Shuc runa chacraman tarpuncapac rirca. 4 Tarpucpica, huaquin muyucuna ñanpipi urmanurca; pishcucuna shamushpa micunurca, 5 Huaquin muyucuna rumi panpapi urmanurca, mana achca allpa tiyashcapi; utcalla huiñarirca, allpa mana yapa ucuta cacpi; 6 inti llucshicpi, huiñashca muyu sapi illac cashpa, chaquirishpa huañurca; 7 shuc muyucuna huita ucupi urmanurca; huitaca chai muyuta mana huiñachirca; chai muyuca mana aparirca. 8 Shuc muyucuna alli allpapi urmanurca. Sumac huiñanurca, achcata aparinurca: huaquin muyumanta quimsa chunca muyu llucshirca, huaquinmanta sucta chunca muyu, huaquinmanta shuc patsac. 9 Huasha Jesus nirca: —Yuyayuc runa yuyachun. 10 Jesus sapalla saquiricpi, paita caticcuna pai yachachishcacunahuan pacta paita tapunurca: —¿Can rimashca imata ricuchin? 11 Jesus nirca: —Dios paipac manapí yachashca shimita cancunaman ricuchirca, paipac pachata ricsichincapac. Ranti, shuccunaman, canchapi tiyaccunaman mana atipaipac tucun, 12 Diospac quillca nin: "Paicuna ricurashpapash, mana ricununcachu; allita uyashpapash, mana atipanuncachu, ama Diosman ticrashpa quispichi tucuncapac". 13 Huasha nirca: —¿Tarpucmanta rimashcata manachu atiparcanquichic? ¿Imashnata shuc rimanacunata atipanquichic? 14 Tarpuc runa Diospac shimita tarpun. 15 Huaquin runacuna ñanpipi urmashca muyucuna shinami: Diospac shimita uyanun; uyashca shinalla supai apu shamushpa, chai shimita paicunapac shuncumanta apan. 16 Huaquin runacuna rumi panpapi urmashca muyucuna shinami: Diospac shimita cushiyashcahuan uyanun; 17 ranti, paicunapac shuncupi mana ucuman yaicun, mana sinchicunun; chai shimita inishcamanta llaqui shamucpi, ñacachi tucunucpi, chaita jichunun. 18 Huaquin runacuna huita ucupi urmashca muyucuna shinami: Diospac shimita uyanun; 19 ranti, cai causaipaccunata yapa yuyanun, cullquiyuc tucunata yapa munanun, cai pacha cushicunapi shuncuta churanun; chai tucui alli shimita huañuchinun, chai shimica mana aparinchu. 20 Huaquin runacuna alli allpapi tarpushca muyucuna shina canun. Diospac shimita uyanun, uyashcata huacaichinun; sumac aparinun; huaquincuna quimsa chunca tupu, huaquincuna sucta chunca tupu, huaquincuna shuc patsac tupu aparinun. 21 Shuctapash rimarca cashna nishpa: —Cancuna chinpusuta japichishpa, ¿chaita mala ucupi churanquichichu? ¿Cahuitu ucupi churanquichichu? Mana, jahuapi churanquichic ricuchincapac. 22 Imapash pacashca cashpa, pacllaman llucshichishca canca, pacalla rimashcátaca tucuicuna yachanunca. 23 Yuyayuc runa yurarichun. 24 Shuctapash rimarca nishpa: —Cancuna tupushca tupullahuan tupui tucunquichic, yapashpa cushcanquichic. 25 Charic runa ashtahuan cui tucunca. Mana charic runa pai charishcashituta quichui tucunca. 26 Shuctapash nirca: —Diospac pacha shuc tarpuc runahuan tucushca shina tucun. Chai runa allpapi tarpun. 27 Pai tutapi puñun, punchapi jatarin. Chai muyu llucshin, huiñan, runa mana yuraricpipash. 28 Allpa pai quiquinmanta aparichin. Ñaupacta panca llucshin, huasha tuctun, huasha muyuyan; 29 muyu pucucpi, pallanun. 30 Shuctapash nirca: —¿Diospac pacha imashnata ricurin? ¿Imahuan chinpapurachishun? 31 Shuc mostaza nishca muyu shinami. Tarpushcapi, tucui muyucunamanta yalli uchilla can. 32 Huasha huiñan, tucui quihuacunamanta yalli jatun tucun. Huairapi huanpuric pishcucuna paipac llantupi samanun. 33 Chai laya shimicunahuan Jesus paicunata yachachicurca, paicuna japina ushancapac. 34 Chai laya rimanacunahuan tucuita nic carca. Pai yachachishcacunata tucuita chicanpi sumacta atipachirca. Chai punchallapita, ña tutayacpi, Jesus pai yachachishcacunata nirca: —Jacuichic cucha chinpaman. 36 Paicuna runacunata saquishpa, Jesusta pushanurca pai tiyashca canuallapi. Paihuan pacta shuc canuacuna rinurca. 37 Sinchi huaira jataricpi, bacucuna canuaman yaicuracpi, ñalla panparirarca. 38 Jesus canua siquipi, shuc saunapi puñurarca. Paita ricchachishpa ninurca: —¡Panparicunchicmi! ¿Canta manachu Uaquinayan? 39 Pai riccharishpa, huairata piñashpa, yacuta nirca: —¡Upallai, samari! Rimacpi, huaira samarirca, tucui chunlla tucurca. 40 Huasha paicunata nirca: —¿Imaraicuta manchanquichic? ¿Chaira manachu ininquichic? 41 Paicuna, yapa mancharishpa, rimanacunurca nishpa: —¡Manapacha! ¿Pitac can cai runa? ¡Huairapash yacupash paita uyanun!
1 Cucha chinpaman pactanurca, Gadara nishca panpa– man. 2 Jesus canuamanta llucshishca shina, shuc supai japishca runa paipacman shamurca. 3 Chai runa aya jutcucunapi causac carca. Manapí paita japinata usharca jillai huascacunahuanpash. 4 Achca cuti paita jillai huascacunahuan huatanushca carca. Pai tucuita paquic carca; manapí paihuan usharca. 5 Tutantin punchantin aya jutcu panpapi urcucuna— pipash caparishpa puricachac carca, rumicunahuan huacta– rishpa. 6 Jesusta ricushpa, paipacman callparca. Cuncurishpa, 7 sinchita caparirca nishpa: —¿Imaraicu ñucahuan satirinqui, Jesus jatun Diospac Churi? Diosmanta mañani ama ñucata ñacachichu. 8 (Jesus paita nishcarca: "Mapa supai, cai runamanta llucshi" nishpa) 9 Jesus paita tapurca: —¿Ima shuti canqui? Pai cutipashpa nirca: —Ñuca shuti "jatun bulami", achcapura mari canchic. 10 Jesusta achcata mañacurca nishpa: —Cai allpamanta ama shitahuaichu. 11 Urcu chaquipi achca cuchicuna micuranurca. 12 Supaicuna Jesusta nicurca: —Ñucanchicta cuchicunapi yaicuchipai. 13 Jesus "allimi" nicpi, supaicuna runamanta llucshishpa, cuchicunapi yaicunurca. Cuchicunaca, ishcai huaranca tupu, yacuman urmashpa, chucallishpa huañunurca. 14 Cuchi ricuccamacuna miticunurca. Tucushcata tucuicunaman huillanurca. Uyaccuna ricuncapac shamunurca. 15 Jesuspacman pactashpa, supai japishca runata tupanurca. Tiyarishcata, churanata churarishcata, yuyayucta ricushpa, mancharinurca. 16 Ricuccuna chai runaman tucushcata cuchicunaman tucushcatapash huillanurca. 17 Uyaccuna Jesusta mañanurca nishpa: —Caimanta llucshipai. 18 Rimanucpi uyashpa, Jesus canuaman ticrarca. Yaicuracpi, chai supai japishca cashca runa "canhuan pushahuai" nishpa mañarca. Ranti, 19 Jesus mana munarcachu; paita nirca: —Canpac huasiman ri, canpac aillucunapacman. Dios llaquirishpa canhuan rashcata tucuicunaman huillanqui. 20 Chashna nicpi Jesus, chai runa rishpa, Decapoli nishca llactacunapi Jesus paihuan rashcata rimarca. Rimacpi uyashpa, tucuicuna mancharinurca. 21 Jesus chinpaman cutillata rirca. Achca runacuna pai muyucta tantarinucpi, cucha patapi saquirirca. 22 Chaipi, shuc tantarina huasi apu Jairo shutiyuc shamurca. Jesusta ricushpa, paipac ñaupacpi tuhuaman urmashpa, mañarca nishpa: — 23 Ñuca ushushi huañuran, shamupai. Canpac maqui paipac jahuapi churacpi alliyashpa causancami. 24 Rimacpi, Jesus paihuan rirca. Achca runacuna paita catishpa, tancashpa, tancashpa puricunurca. 25 Chai runacuna ucupi shuc uncushca huarmi tiyarca; chunca ishcai huatata yahuar tallirishpa causarca. 26 Achca janpiccama janpisha nishpa, paita nanachishca canurca, paipac cullquita tucuchishpa. Ranti, paita alliyachina mana ushanurcachu. 27 Chai huarmi Jesusmanta rimarishcata uyashpa, runacuna ucupi Jesusman mayanyashpa, huashata paipac churanata llancarca, 28 stuncupi yuyarishpa nishpa: "Paipac churanata llancashpallahuan alliyashami". 29 Llancacpi, paipac yahuar saquirirca, paipac aicha alliyashcata yacharca. 30 Chai ucullapi Jesus, paimanta shuc ushai llucshishcata yachashpa, huashaman ricushpa nirca: —Pitac ñuca churanata llancarca? 31 Yachachishcacuna cutipanurca: —Manachu carita quichquiyachishcata ricunqui? Canca: "Pitac llancahuarca" ninqui? 32 Ranti, Jesus muyucta ricurashpa saquirirca, paita llancashcata ricuncapac. 33 Chashna ricuracpi, chai huarmi, manchashpa, Jesuspac ñaupacpi cuncurishpa, tucuita huillarca. 34 Jesus paita nirca: —Ushushi, ama manchaichu. Can inishca canta quishpichirca. Ganaslla ri, alliyashca saquiri. 35 Jesus chaira rimacucpi, apupac huasimanta shamunurca nishpa: —Canpac ushushi ña huañurca. ¿Imapacta Jesusta quillachinqui? 36 Jesus chaita uyashpa, chai apu runata nirca: —Ama manchaichu, inilla. 37 Manapita munarca paihuan rincapac. Pedro, Santiago paipac huauqui Juan paicunalla Jesus—huan rinurca. 38 Apu huasiman pactashcapi, jatun tulupuna uyarirca, huacashpa, caparishpa. 39 Jesus nirca: —¿Imami cai tulupuna? Huahua mana huañushcachu, puñuranlla. 40 Chashna rimacpi, runacuna paita asinurca. Ranti, Jesus tucuicunata llucshichishpa, huahua tiyashcaman yaicurca paihuan shamushcacunantin. Huahuapac yayata mamatapash pusharca. 41 Huahuata maquimanta japishpa nirca: —Talita cumi (runa shimipi: "Ushushi, jatari nini") 42 Chai ucullapi huahua shayarishpa, purincapac callarir— ca (chunca ishcai huatayuc mari carca). Tucuicuna cushiyashpa yapa mancharinurca. 43 Jesus paicunata nirca: —Ama pitapash rimaichichu. Huahuata caraichic.
1 Jesus pai yachachishcacunantin paipac llactaman shamurca. 2 Samana puncha tantarina huasipi yachachicurca. Paita uyaccuna, mancharishpa, rimanacunurca nishpa: —¿Chai tucuita maipi yacharca? ¿Pai yachashcata maimanta yachan? ¿Mana raipacta rana ushanata maimanta chasquirca? 3 Shuti pacha, pai tucuicuna ricsishca carpintero runami, Mariapac churi. Santiago, Jose, Judas, Simon paipac huauquicuna canun. Paipac panicuna ñucanchihuan tiyanun. Chashna nishpa, paita mana uyanurcachu. 4 Jesus paicunata nirca: —Tucui pachapi profetata llaquinun. Paipac llactamanta caccuna, paipac quiquin aillucuna paita mana yupaichanunchu. 5 Chai llactapica ima mana raipacta mana rarcachu. Huaquin uncuccunata janpirca, maquita umapi churashpa. 6 Jesus paicuna mana inishcamanta mancharirca. Chaimanta rishpa, mayan llactacunata yachachishpa purirarca. 7 Chai huasha, chunca ishcai acllashcacunata cayashpa, ishcai ishcaita paicunata cacharca. Supaicunata jichuna ushanata paicunaman curca. 8 Paicunata nirca: —Ama imatapash apanquichichu. Shicrata, tantata, cullquita ama apanquichichu. Purina caspillata, 9 ushutatapash apanquichic. Ishcai churanata ama apanquichichu. 10 Huasha, yapashpa nirca: —Shuc llataman yaicushpa, puñuncapac shuc huasita mashcanquiehic, Chaillapita saquirinquichic llactamantarinacama. 11 Maipipash cancunata mana chasquinucpi, mana uyanucpi, chaimanta llucshishpa, chaquimanta allpata chausinquichic, paicuna manalli rashcata ricuchincapac. 12 Chashna rimacpi Jesus, yachachishcacuna camachincapac rinurca, "Diosman ticraichic" nishpa. 13 Achca uncushcacunata supai japishcacunatapash alliyachinurca, huirahuan uncuccunata cacushpa. 14 Tucui llactacunapi Jesusmanta rimaricpi, Herodespash paimanta uyarca. Herodes nirca: —Cai runa Bautisac Juanmi, huañushcacunamanta causarishca. Chairaicu mana raipaccunata rana ushan. 15 Huaquincuna ninurca: —Cai runa Profeta Eliasmi. Shuccuna ninurca: —Shuc profetami, ñaupa profetacuna shina. 16 Herodes, runacuna rimashcata uyashpa, nirca: —Cai runa Juanmi, ñuca huañuchishca. Pai causarishcami. 17 Herodesllata Juanta japichishca carca. Paita jillai huascahuan huatashpa, chunta curralpi huichcashca carca, Herodias chashna munashcaraicu. Chai huarmi Herodespac huauqui Felipepac huarmi cacpi, Herodes paita japishca carca. 18 Juanca paita camachishcarca nishpa: —Canpac huauquipac huarmita japircanqui, mana allichu. 19 Chairaicu Herodias Juanta yapa chicnirca, paita huañuchisha nishpa. Ranti, mana usharcachu, 20 Herodes Juanta mancharca mari, "pai alli runa, Diosta uyac runa" can nishpa. Paita quishpichic carca. Pai camachishcata uyashpa yapa mancharishpallata, munaihuan paita uyac carca. 21 Herodes, pai pacarishca puncha pactaricpi, shuc jatun raimita rarca. Gubirnu apucunata, suldaru apucunata, Galileamarita jatun runacunata cayarca micuncapac. 22 Micucunucpi, Herodiaspac ushushi tushurca. Pai tushushcata Herodes paihuan tiyaccunantin munaihuan ricunurca. Herodes paita nirca: —Can imatapash mañahuacpi cushcanqui. 23 Jurashpa paita nirca: —Ñuca charishcacunamanta chaupita mañahuacpipash cushcanqui. 24 Rimacpi uyashpa Herodiaspac ushushi llucshishpa, mamapacman rishpa tapurca: —¿Imata mañasha? Paipac mama nirca: —Bautisac Juanpac umata mañanqui. 25 Pai urastalla Herodespacman rishpa nirca: —Cunanllata Bautisac Juanpac umata shuc callanapi cuhuanqui; chaita munani. 26 Herodes, chaita uyashpa, yapa llaquirirca. Ranti, chaipi tiyaccuna ñaupacpi jurashpa rimashcamanta, mitsancapac mana usharcachu. 27 Chashnapi shuc suldaruta cacharca, "Juanpac umata apacri" nishpa. Pai chunta curralman rishpa, Juanpac umata pitishpa, 28 shuc callanapi Herodias ushushipacman apamurca. Paica paipac mamaman curca. 29 Juan yachachishcacuna, chaita yachashpa, paipac ayata apashpa rishpa panpanurca. 30 Jesus camachincapac cachashcacuna ticramushpa paihuan tantarinurca. Paicuna rashcata yachachishcatapash rimanurca. 31 Jesus paicunata nirca: —Runa illashcaman shamuichic samancapac. Achca runa chaita puricucpi, micuncapacpash mana ushanurcachu. 32 Chairaicu shuc canuapi yaicushpa, runa illashcaman rinurca. 33 Runacuna paicuna rishcata ricushpa, picuna cashcata ricsinurca. Tucui llactacunamanta ñanpita callpashpa rishpa, Jesusta ñaupashpa pactanurca. 34 Jesus canuamanta llucshish— pa, achca runacunata ricushpa, paicunamanta llaquirirca, michic illac obejacuna shina canucpi. Paicunata unaita yachachicurca. 35 Ña tutayaracpi, yachachishcacuna paita ninurca: —Cai panpa huasi illac can. 36 Runacunata cacharinqui mayan huasicunapi micunata rantincapac. 37 Jesus paicunata nirca: —Cancunallata paicunata caranquichic. Paicuna cutipanurca: —Can munacpi, tantata ranticrishun ishcai patsac cullqui tupu tucuicunata carancapac, 38 Jesus tapurca: —¿Mashna tantata charinquichic? Rucucrichic. Ricunucpi, ninurca: —Pichca tanta ishcai challuapash tiyan. 39 Chaita uyashpa, Jesus nirca: —Runacunata allpapi tìyarichichic. 40 Rimacpi, runacuna quihua jahuapi tiyarinurca, shuc patsac bula tucushpa, pichca chunca bula tucushpa. 41 Huasha, Jesus tantacunata challuacunatapash japishpa, jahuaman ricushpa, Diosta pacrachurca. Tantacunata paquishpa, yachachiscacunaman curca, paicuna runacunata carancapac. Chashnallata ishcai challuata tucuicunata caranurca. 42 Sacsacta micunurca. 43 Puchushcata pallashpa, chunca ishcai ashancata juntachinurca. 44 Micuccuna caricunalla pichca huaranca canurca. 45 Chaipac huasha, Jesus yachachishcacunata nirca: —Ñucata ñaupashpa, canuapi chinpaman, Betsaida nishcaman richic, ñuca runacunata cacharinacama. 46 Paicunata cacharishpa, Jesus urcuman rirca Dios-huan rimarincapac. 47 Tutayashcapi, canua chaupi cuchapi tiyarca. Jesus allpapi sapalla shayarca. 48 Ñahuipuramanta huairacpi, sinchita cahuinurca. Chaira mana punchayacpi, Jesus yacu jahuapi paicunapacman rirca. Pactashpa, ric tucushpa, ashtahuan caruman ric shina tucurca. 49 Canuapi riccuna, paita yacu jahuata purirashcata ricushpa, "ayami" nishpa caparinurca. 50 Tucuilla paita ricunurca. Ricushpa mancharinurca. Pai utcalla paicunata nirca: —Ñucami cani. ¡Cariyaichic, ama manchaichichu! 51 Jesus canua ucuman yaicucpi, huaira aisarirca. Chaita ricushpa, ashtahuan mancharinurca. Paicunapac yuyai quillpara cacpi, mirachishca tanta ricuchishcata mana atipanurcachu. 53 Cuchata chinpashpa, Genesaretman pactashpa llutarinurca. 54 Allpaman llucshishca shina, runacuna Jesusta ricsinurca. Tucui suyuta rimacrinurca. 55 Uncushcacunata huantushpa pai tiyashcaman pushamunurca. 56 Jesus yaicushca llactacunapi, uncuccunata pai rina ñanpipi saquinurca. Paicunaca "canpac churanallata llancachipai" nishpa mañanurca. Tucui paita llancaccuna alliyanurca.
1 Fariseocuna huaquin Jerusalenmanta shamushca yachaccunantin Jesus-huan tiyanurca. 2 Paicunaca Jesus yachachishcacuna maquita mana maillashpa micucushcata ricunurca. 3 Fariseocuna judiocunapash, chaira maquicunata mana maillashpa, mana micuc canun, rucucuna yachachishcata catishpa. 4 Chashnallata, maimanpash rishpa, huasiman ticrashpa, mana maillarishpa mana micuc canun. Shucpash achca tiyan paicuna rashca paicunapac yachai: mucahuacunata, mancacunata, pilchicunata maillac canun. 5 Chashna cacpi, fariseocuna yachaccunantin Jesusta tapunurca: —¿Imaraicu can yachachishcacuna ñaupacuna yachachishcata mana ruranun, maquicunata mana maillashpa micuccuna can? 6 Jesus cutiparca: —¡Llullacamacuna! Allimi cancunamanta Isaias rimarca, cashna quillcashpa: "Cai runacuna shimillahuan ñucata llaquinun, paicunapac shuncu ñucamanta carumi can. 7 Yancamanta ñucata chacchanun; paicuna yachachishca runapac shimillami". 8 Dios camachishcata jichushpa, runa camachishcata catinquichic. 9 Huasha Jesus nirca: —Cancunapae yachaita catincapac, Dios camachishcata ñahuilla ricunquichic. 10 Moises rimarca mari: "Canpac yayata, eanpac mamata uyana canqui. Yayata mamata piñashpa rimac runa shuc rai huañunca". 11 Ranti, cancuna ninquichic: "Shuc runa paipac yayata paipac mamatapash nicpi: 'Ñuca tucui charishcata Diosman chasquichircani, cancunata yanapancapac mana ima tiyahuan', 12 chashna nishpa, paicunata ña mana yanapanachu". 13 Chashna rurashpa, cancunapac yachaita pactachincapac Diospac shimita ñahuilla ricunquichic. Shuc achcacuna chai layallata charinquichic. 14 Chai huasha, runacunata cayashpa, nirca: —Uyahuaichic tucuicuna, atipaichic: 15 imapash canchamanta runa ucuman yaicushpa, mana mapayachin; runapac yuyaimanta llucshic, chaimi runata mapayachin. 16 Yuyayuc runa yuyarichun. 17 Chashna nishpa Jesus, runacunata saquishpa, huasi– man yaicurca. Yachachishcacuna paita tapunurca: —¿Imata yachachishpa chai shimicunata rimarcanqui? 18 Jesus cutipashpa nirca: —¿Cancunapash yuyai illacchu canquichic? ¿Canchamanta runa ucupi yaicuc paita mana mapayachishcata manachu atipanquichic? 19 Canchamanta shamuc mana shuncupi yaicun; huicsapi yaicun, ismashpa llucshin. Chashna nishpa, tucui laya micuna alli cashcata ricuchirca. 20 Huasha nirca: —Runa shuncumanta llucshic chaimi runata mapayachin. 21 Runa shuncumanta manalliyuyaicuna llucshinun. Chashnallata yumashpa juchallinacuna, shuhuanacuna, runata huañuchinacuna, 22 shucpac huarmita japinacuna, shucpac imacunata japinayana, manallita rashcacuna,shuccunata umachiña, mana pincarishpa causana, caminacuna, 23 chiqui-cuicuna, yapa yalli canayana, nuspa shina causana. Chai tucuicuna shuncu ucumanta llucshinun, runata juchayucta ruranun. 24 Chaimanta llucshishpa, Jesus Tiro nishca suyuman nrcá. Shuc huasiman "manapí ñuca caipi tiyashcata yachachun" nishpa. Ranti, paillatata pacana mana usharcachu. 25 - 26 Shuc huarmi, Jesus shamushcata yachashpa, paipacman rishpa," cuncurishpa, Jesusta mañarca paipac ushushimanta. Chai huarmi mana judiochu carca, sirofenisiamanta huarmi carca. Shuc supai paipac ushushita japishca carca. "Supaita ñuca ushushimanta jichupai" nishpa mañarca. 27 Jesus cutipashpa nirca: —Ñaupacta churicunata carana cani. Paicunapac tantata allcushitucunaman shitana mana allichu. 28 Huarmi cutipashpa nirca: —Shuti, chashnami can, Apunchic. Chashnapash, allcushitucuna mesa ucupi mesamanta urmac puchuchishcata mcuccuna can. 29 Rimacpi uyashpa Jesus ñirca: —Rilla, can chashna rimashcamarita, canpac ushushimanta supai ña llucshircami. 30 Huarmi rishpa, huasiman pactashpa, ushushi cahuitupi sirirashcata tuparca; supai paimanta llucshishca carca. 31 Tiro llactamanta llucshishpa, Jesus Galilea cuchaman rirca, Sidon llactata Decapolis nishca llactacuriata purishpa. 32 Shuc upa rinri, upa shimi runa pushamunurca. "Canpac maquita paipac jahuapi churapai" nishpa mananurca. 33 Jesus paita chicanman pushashpa, maqui rucata rinri ucupi satirca, tiucahuan paipac, calluta cacurca. 34 Chai huasha, jahuaman ricushpa, "ai" nishpa, sinchi shimihuan nirca: —Effata (runa shimipi: "Pascari"). 35 Chai ucullapi, paipac rinri pascarirca, paipac callu alliyarca, alli rimai callarirca. 36 Jesus paita nirca: —Ama pitapash rimaichu. Paica tucuicunaman huillarca, Jesus "ama pitapash rimaichu" nishpa nicpipash. 37 Yapa maneharishpa runacuna ninurca: —Tucuita ailita rurarca. Upa rinricunata uyachin, upa shimicunata rimachin.
1 Shuc puncha, achca runacuna Jesusta catishpa tantarinucpi, micuna illacpi, Jesus yachachishcacunata cayashpa nirca: 2 Cai runacunamanta llaquirinimi. Ña quimsa punchata ñucahuan tiyanun; micunata mana charinun. 3 Mana carashpa paicunata cachacpi, ñanpipi sanpayashpa, mana puri ushanunca. Huaquincuna carumanta shamunurca mari. 4 Yachachishcacuna ninurca: —Cai runa illac panpapi, ¿maimanta paicunata cararinca? 5 Jesus paicunata tapurca: —¿Mashna tantata charinquichic? —Canchislla— ninurca, 6 Chashna ninucpi uyashpa, Jesus runacunata allpapi tiyarichirca. Huasha, tantacunata japishpa, Diosta pacrachurca. Chai huasha, tantacunata paquishpa, yachachishcacunaman curca, paicuna runacunata carancapac. 7 Ansa yacu aichatapash charinurca. Diosta pacrachushpa, yachachishcacunaman curca "runacunata caraichic" nishpa. 8 - 9 Sacsacta micunurca. Puchushcata pallashpa, canchis ashancata juntachinurca. Micuccuna chuscu huarancashi canurca. Jesus paicunata huasiman cacharca. 10 Huasha, yachachishcacunantin canuapi Dalmanuta nishca llactaman rirca. 11 Fariseocuna Jesus-huan piñarishpa rimarincapac shamunurca. Paita camashpa ninurca: —Jahua pachapi mana raipacta rurai ñucanchic ricuncapac. 12 Rimanucpi, Jesus jahuaman ricushpa, "ai" nishpa, paicunata nirca: —Imaraicu cai runacuna shuc mana raipacta mañanun? Shuc mana raipacta mana cui tucununca. 13 Paicunata saquishpa, canuapi cutillata yaicushpa, chinpaman rirca. 14 Yachachishcacuna tantata apanata cuncarinushca carca. Shucllata canuapi charinurca. 15 Jesus paicunata nirca: —Fariseocunapac levadurata yuyanquichic; Herodespac levadurata yuyanquichic. 16 Jesus chashna nicpi, yachachishcacuna paicunapura rimarinurca nishpa: —Chaita nin ñucanchic tantata mana apamushcaraicu. 17 Chaita uyashpa Jesus nirca: —¿Imaraicu "tantata mana charinchic" nishpa rimaranquichic? ¿Chaira manachu atipanquichic, manachu yachanquichic? 18 ¿Rinriyuc cashpallata manachu uyanquichic? ¿Ñahuiyuc cashpallata manachu ricunquichic? ¿Yuyai illacchu canquichic! 19 Ñuca pichca tantallahuan pichca huaranca runacunata carashcapi, mashna ashancata puchuscacunahuan juntachircanquichic? —Chunca ishcai— ninurca. — 20 Canchis tantahuan chuscu huaranca runacunata carashcapi, mashna ashancata puchushcahuan juntachircanquichic? —Canchis— ninurca. 21 Chaita uyashpa, Jesus nirca: —¿Chaira manachu atipanquichic? 22 Betsaida nishca llactaman pactanushcapi, shuc ñausa runata Jesupacman pushamunurca, "paita llancapai" nishpa. 23 Jesus paita maquimanta aisashpa, llacta canchaman pusharca. Paipac ñahuicunata tiucahuari jucuchishpa, paipac jahuapi maquita churashpa, paita tapurca: — 24 ¿Imatapash ricunquichu? Ñausa runa ansata ricuncapac callarishpa, nirca: —Runacunata puricuc yuracuna shina ricucuni. 25 Chashna nicpi, Jesus cutillata maquita paipac ñahuipi churarca. Ñausa runaca alli ricurca, alliyachishca saquirirca, carumanta tucuita allita ricucurca. 26 Jesus paita huasiman cacharca nishpa: —Amallapash llactaman yaicuichu. 27 Chaimanta llucshishpa, Jesus yachachishcacunantin Cesarea Filipo llactacunaman rirca. Ñanpita paicunata tapurca: —¿Imata runacuna ñacàmanta rimanun? 28 Cutipanurca: —Huaquincuna "Bautisac Juanmi" ninun; huaquincuna "Eliasmi" ninun; shuccuna "shuc profetami" ninun. 29 Chashria ninucpi, Jesus cutillata tapurca: —Cancunaca pimi nishpata yuyanquichic ñucata? Pedro cutipashpa nirca: —Can Mesiasmi canqui. 30 Jesus paicunata sinchita rimarca nishpa: —Chaita pitapash ama rimaichichu. 31 Chai huasha nirca: —Ñuca llaquichi tucuna cani. Rucucuna, pacriyaya apucuna yachaccunantin ñucata chicninunca, ñucata huañuchinunca. Chashnapash, quimsa punchapi causarishami. 32 Chai tucunamanta pasacta rimarca. Chashnapi, Pedro chicanman Jesusta pushashpa, paita piñashpa rimai callarirca. 33 Jesus ticrashpa, yachachishcacunaman ricushpa, Pedrota piñarca nishpa: —Ñucamanta anchuri, supai, Canpac yuyaicuna mana Diospacchu, runapacmi. 34 Tucui chaipi tiyaccunata cayashpa, Jesus rimarca nishpa: —Maicanpash ñucata catinata munacpi, quiquinpac munaita saquichun; crusta aparishpa, ñucata catichun. 35 Maicanpash causaita tarinayashpa, chaita chincachincami. Ranti, quiquinpac causaita ñucamanta nuca rimashcamantapash chincachishpa, causaita tarincami. 36 ¿Imata yapachin shuc runa cai pachata yapachishpa, causaita chincachicpi? 37 ¿Imatata cunca shuc runa paipac causai rantimanta? 38 Maicanpash ñucamanta ñuca rimashcamantapash pincaricpi cai mana inic juchasapa runacuna ñaupacpi, cai RUNApash paimanta piricarinca, paipac Yayapacpi sumacyachi tucushpa angelcunahuan shamuna puncha.
1 "Caipi tiyaccunamanta huaquincuna chaira mana huañushpa, Diospac pachata jatun ushaihua shamushcata ricununca. 2 Sucta puncha huasha, Jesus Pedrota, Juanta, Jacobota pushashpa, paicunahuanlla shuc jahua urcuman sicarca. Paicuna ricuranucpi, Jesus shuc laya tucurca. 3 Paipac churana chiuclla ricurirca, yuraclla tucurca. Manapí cai pachapi chashna yuracyachina ushan. 4 Chaipi Moises-huan Elias-huan ricurimunurca Jesus-huan rimarishpa. 5 Pedro chaita ricushpa nirca: —Yachachic, allimi caipi saquirincapac. Quimsa tanputa rurashun: canpac shuc, Moisespac shuc, Eliaspac shuc. 6 Yapa mancharishpa, ima rimacushcata mana yacharcachu. 7 Cuncaimanta shuc puyu paicunata quillparca. Puyumanta shuc shimi uyarirca cashna nishpa: —Caimi ñuca llaquishca churi, paita uyana canquichic. 8 Huasha, muyuilla ricunucpi, Jesus sapalla shayararca; shuccuna illanurca. 9 Urcumanta uraicucunucpi, Jesus paicunata nirca: —Ama pitapash cunan ricushcata rimaichichu cai RUNA huañushcacunamanta causarinacama. Chai shimita allita yuyaipi huacaichinurca. Paicunapura tapurinurca: —¿Ima chari canca "Huañushcacunamanta causarina" nishca? 11 Chashnapi Jesusta tapunurca: —¿Imaraicu quillcata yachaccuna "Elias ñaupacta shamuna can" nishpa ninun? 12 Jesus cutipashpa nirca: —Shuti, Elias ñaupacta shamunca tucuita allichincapac. ¿Quillcashcacuna imata cai RUNAmanta ninun? "Cai RUNA yapa llaquirínca, millashcami canca" nishpa ninun. 13 Ñucaca cancunata nini: Elias ña shamurca, runacunaca paicuna munashcata paihuan ruranurca. Chashnami quillcashcacunapi quillcara tìyarca. 14 Yachachishcacuna tiyashcamah ticranucpi, achca runa paicuna muyucta tiyanurca. Huaquin quillcata yachaccunapash paicunahuan piñarishpa rimariranurca. 15 Jesusta ricushpa runacuna mancharishpa, paita tupancapac callpanurca. 16 Jesus paicunata tapurca: —¿Imatata rimarishcanquichic? 17 Chaicunamanta shuc runa hirca: —Yachachic, ñuca churita pushamurcani; shuc millai supai paita japishca; mana rimana ushan. 18 Chai supai paita allpapi urmachin, shimimanta putscuta llucshichin, quiruta mucuri– chin, huañushca shina saquichin. Can yachachishcacunaman mañarcani supaita llucshichincapac, rantimana ushanurcachu. 19 Rimacpi uyashpa Jesus nirca: –¡Mana inic runacuna! ¿Imuracama cancunahuan tiyasha? ¿Imuracama cancunata apmsha? Huanprata pushamuichic. 20 Nicpi, pushamunurca. Jesusta ricushcallapita supai huanprata japishpa, sinchita cushpachishpa, paita allpapi ñahuihuan rumachirca. Huanpraca putscuta shitashpa, allpapi cushparishpa siricurca. 21 Jesus yayata tapurca: —¿Imuramanta chashna tucurca? Painirca: —Huahua cashcamanta. 22 Huaquin cuti ninapi yacupipash paita shitan huañuchincapac. Can imatapash rurana ushashpa, ñucamanta llaquiripai, ñucanchicta yanapai. 23 Rimaepi uyashpa Jesus nirca: —¿Imaraicu "can imatapash rurana ushacpi" nishpa ninqui? Inic runa tucuita ushan, 24 Chaita uyashpa, chai runa caparishpa nirca: —Ininimi, ñuca inishcata sinchicuchipai. 25 Jesus runacuna tantaricushcata ricushpa, supaita nirca: —Shimi illac, upa rinri supai, canta nini: Cai huanpramanta llucshi, ama cuti paipi yaicunquichu. 26 Supaica, runata sinchita cushpachishpa, caparishpa llucshirca. Huanpra huañushca shina saquirirca. Huañushca shina ricuricpi, "huañushcami" huaquincuna ninurca. 27 Jesus paita maquimanta japishpa jatarichicpi, shayarirca. 28 Huasiman pactanucpi, yachachishcacuna Jesusta pacalla tapunurca: —¿Imaraicu paita shitana mana usharcanchic? 29 Jesus cutipashpa nirca: —Cai sami supaicuria Diosta mañashcallahuan jichurin. 30 Chaimanta llucshishpa, Galilea llactacunapi mana llutarishpa rinurca. Jesus "pipash ama yachachun" nishpa rirca, 31 paihuan tiyaccunata yachachirarca mari cashna nishpa: —Cai RUNA paita chicniccunapi japi tucunca. Paita huañuchinunca. Quimsa punchapi causarinca. 32 Paicuna chai shimicunata mana atipanushcachu. Mana atipashpapash, tapunata manchanurca. 33 Cafarnaun llactaman pactanushcapi, huasipi tiyacushpa Jesus paicunata nirca: —¿Imata ñanpipi rimaricurcanquichic? 34 Paicuna chunlla tucunurca, Ñanpipi maican ñaupac canca rimarinushcarca mari. 35 Chashna cacpi, Jesus tiyarishpa, chunca ishcaicunata rimarca nishpa: —Ñaupac tucunata munac runa tucuicunamanta ura tucuchun, tucuicunata yanapac cachun. 36 Shuc huahuata cayashpa, paicunapac ñaupacpi shayachirca. Huasha, huahuata ucllashpa, paicunata rimarca: —Ñuca shutipi cashna huahuata chasquic runa ñucallatata chasquin. Ñucata chásquicca ñucata cachamushca Yaya Diosta chasquin. 38 Juan Jesusta nirca: —Yachachic, shuc runata tuparcanchic, canpac shutipi supaicunata jichurarca. Paita "ama chashna raichu" nircanchic, pai mana mari ñucanchic bulamanta earca, 39 Jesus paita nirca: —Ama jarcaichichu. Ñuca shutipi mana raipacta rurac runa, ñucata mana chicnincachu. 40 Ñucanchicta mana chicnicca ñucanchihuan can. 41 Maicanpash ñuca shutipi shuc yacu basota cancunata upiachicpi, cancuna Cristota catic cashcamanta, cuyana illac mana saquirincachu. ¡Shuti nini! 42 Huasha nirca: —Maicanpash cai ñucata huahua shina inic runacunata juchaman aisacpi, alli canman paipac cuncapi shuc jatun rumita huatashpa ñucñu yacuman shitai tucuchun. 43 - 47 Canpac maqui canta juchapi urmachicpi, chai maquita piti. Jahua pachaman pullu maqui yaicuna ashtahuan alli canca, ishcai maquiyuc ucupachaman rinamanta. Chaipi nina mana tucurinchu. Canpac chaqui canta juchaman aisacpi, chaita piti. Jahua pachaman pullu chaqui yaicuna ashtahuan alli canca ishcai chaquihuan ucupachaman rinamanta. Canpac ñahui canta juchaman aisacpi, chaita surcui. Jahuá pachaman shuclla ñahuiyuc rina ashtahuan alli canca ishcai ñahuiyuc ucupachaman rinamanta. 48 Chaipi runapac aichata micuc curu mana huañun, ninapash mana tucurinchu. 49 Tucuicuña ninahuan pichai tucununca. 50 Cachi alli can. Cachi upayacpi, ¿imahuan chaita mishquiyachinunca? Cachita cancunapi charichic, cancunapura ganaslla causaichic.
1 Chaimanta rishpa, Jesus Judea suyuman pactarca, Jordan chinpaman. Achca runa cutillata ñanpipi tantarinucpi, paicunata yachachicurcar paipac yachai. 2 Fariseocuna Jesusta camashpa tapunurca: —Shuc runa paipac huarmita jichucpi allichu? 3 Jesus cutipashpa nirca: —¿Moises imata cancunata rimarca? 4 Cutipanurca: —Moises nirca: "Apucuna ñaupacpi maqui llushpirina quillcata quillcashpa, huarmita jichuna usharin". 5 Jesus cutipashpa nirca: —Cancuna manalli runa cashcaraicu Moises chaita rimarca. 6 Ranti, cai pacha callarishcapi, Dios mnata cari-huarmi rurarca. 7 Chairaicu, cari paipac yaya-mamata saquishpa, paipac huarmihuan llutarinami. 8 Ishcaintin shuclla tucununca. Ña mana ishcaichu, shuclla tucunun. 9 Chashna cacpi, Dios huatashcata runa ama pascachun. 10 Ña huasiman rishpa, yachachishcacuna pai rimashcamanta cutittata tapunurca. 11 Jesus paicunata nirca; —Maicanpash quiquin huarmita jichushpa shuc-huan llutaricpi, juchata ran. 12 Chashnallata, huarmipash quiquin carita jichushpa shuc-huan llutaricpi, juchata aparin. 13 Chai huasha, shuc huahuacunata Jesuspacman pushanurca, "canpac maquita paicunapac jahuapi churapai" nishpa. Ranti, yachachishcacuna paicunata piñanurca. 14 Chaita ricushpa, Jesus piñarishpa nirca: —Huahuacunata ñueapacman shamunata ama jatcaichichu. Jahua pacha paicuna shina caccunapac mari can. 15 Shuti cancunata nini: Diospac alli shimita huahua shina mana chasquic runa Diospac pachaman mana imura yaicuncachu. 16 Huasha, Jesus huahuacunata cayashpa, paicuna jahuapi maquita churashpa, paicunata bendisiarca. 17 Huasimanta llucshishcapi, shuc runa callpashpa shamurca. Jesus ñaupacpi cunacurishpa, paita tapurca: —Alli yachachic, ¿imata rana cani mana tucuric causaita charincapac? 18 Jesus cutipashpa nirca: —Imaraicu ñucata "alli" nishpa nihuanqui? Shucllami alli, Dios. 19 Canca Dios rurai nishcacunata yachanqui: "Runata ama huañuchinquichu. Ama juchallinquichu. Ama shuhuanquichu. Ama shucmanta llullashpa rimanquichu. Ama shuccunata umachinquichu. Canpac yayata mamatapash yupaichanqui". 20 Rimacpi uyashpa chai runa nirca: —Yachachic, chai tucuita huanpra cashcamanta pactachircani. 21 Jesus, chaita uyashpa, llaquishcahuan paiman ricurca. Huasha nirca: —Chaira shuc canta pishin: Tucui can charishcacunata catucri tsuntsu runacunaman cuyancapac. Chashna rashpa, jahua pachapi cullquiyuc tucunqui. Chai huasha, ñucahuan shamunqui. 22 Chai shimita uyashpa, chai runa llaquirirca. Llaquirishpa rircami, yapa cullquiyuc mari carca. 23 Pai riracpi, Jesus muyucta ricushpa, yachachishcacunata rimarca nishpa: —Cullquiyuccuna mana yaicunallachu canun Diospac pachapi. 24 Chai shimicunata uyashpa, yachachishcacuna yapa mancharinurca. Jesus cutillata nirca: —Churicuna, cullquita yuyaccuna yapa mana yaicunallachu canun Diospac pachapi. 25 Shuc camello nishca huihua tupulli jutcuta ashtahuan pasanalla canca, cullquiyuc runa Diospac pachaman yaicunamanta. 26 Paicuna, chaita uyashpa, ashtahuan mancharishpa, tapunurca nishpa: —¿Pitac quishpina ushanca? 27 Jesus cutipashpa nirca: —Runacunapac mana ushaipac can: ranti Dios tucuita ushan. 28 Chaita uyashpa Pedro nirca: —Ñucanchic tucui charishcata canta catincapac saquircanchic. 29 Jesus cutiparca: —Shuti cancunata nini: Maicanpash ñucaraicu, Dios rimashca cushi shimiraicupash quiquin huasita, huauquicunata, panicunata, mamata, yayata, churicunata, allpacunata saquishpa, 30 cai pachallapita shuc patsac pai saquishcamanta ashtahuan cui tucunca: huasicuna, panicuna, yayacuna, mamacuna, churicuna, allpacuna. Chai tucuita cunan punchacunapi llaquicunahuan pacta japinca, huasha punchacunapi mana tucuric causaita chasquinca. 31 Chashnapash, achcacuna cunan ñaupaccuna cashpa, puchucaicuna tucununca; cunan puchucaicuna cashpa, ñaupaccuna tucununca. 32 Jerusalenman sicashpa puricunucpi, Jesus yachachishcacunata ñaupashpa rirarca. Paicuna yapa mancharishpa catinurca; paicunahuan shamuccunapash mancharinurca. Jesus chunca ishcaicunata chicanman cayashpa, paiman tucunca rashcata huillarca, 33 nishpa: —Uyahuaichic: Jerusalenman riranchic. Cai RUNA pacriyaya apucunaman, camachic quillcata yachaccunaman cui tueunca. Paita huañuchina can nishpa ninunca; mana judio caccunaman paita chasquichinunca. 34 Paita asinunca, tiucanunca, llipachinunca, huañuchinunca. Chashnapash, quimsa punchapi causarinca. 35 Cebedeopac ishcai churicuria Santiagohuan Juanhuan Jesusta ninurca: —Yachachic, ñucanchic mañanca rashcata rurapai. 36 Jesus tapurca: —¿Imatata munanquichic? 37 Ninurca: —Ñucanchicta canhuan jahua pachapi shucta alli maquiman, shucta lluqui maquiman tiyarichipanqui. 38 Jesus cutipashpa nirca: —Cancuna mañahuashcata mana yachanquichic. ¿Ñuca apana llaquicunata apanata ushanquichichu? ¿Ñuca huañuna huañuihuan huañunata munanquichichu? 39 Cutipashpa ninurca: —Ushanchicmi, munanchicmi. Chaita uyashpa Jesus nirca: —Shuti pacha, ñuca apana llaquicunata apanquichic; ñuca huañuna, huañuillahuan huañunquichic. 40 Ranti, ñuca alli maquiman tiyarinata, ñuca lluqui maquiman tiyarinata mana cuipacchu cani, ñuca Yaya acllashcacunaman chaita cunca. 41 Shuc yachachishcacuna, chaita uyashpa, Santiagota Juanta piñanurca. 42 Jesus paicunata cayashpa nirca; —Cai pacha apucuna runacunata llaquichinun, piñashcahuan paicunata rimaccuna can, 43 Cancunagura mana chashnachu canca. Ranti, maicanpash shuccunamantayalli canata munac paicunata sirichun. 44 Chashnallata, ñaupac canata munac tucuicunata sirbichun. 45 Cai RUNApash mana "sirbihuaichic" nishpa shamurca; shuccunata sirbincapac shamurca; tucuicunapac dibita pagancapac shamurca. 46 Chaimanta rishpa, Jerico llactaman pactanurca. Jesus chai llactamanta llucshicucpi yachachisheacunantìn yanca shamushcacunantin, shuc ñausa runa Bartimeo shutiyuc, Timeopac churi: —Imatapash cuyahuaichic" nishpa tiyacurca. 47 Chai ñausa runa, Jesus shamucucta uyashpa, caparirca: —Davidpac churi, ñucamanta llaquiripai. 49 Jesus, caparishcata uyashpa, shayarishpa, nirca: —Ñausa runata pus hamuichic. Paita cayashpa ninurca: —Cariyanqui, shayari, Jesus canta cayarani 50 Ñausa runa, chaita uyashpa, jahua churanata shitashpa, Jesuspacman shamurca. 51 Jesus paita tapurca: —¿Imatata munanqui? Ñausa runa cutipashpa nirca: —Ñuca ñahuita allichipai, ñuca ricunata munani 52 Jesus paita nin: —Rilla, can inishcamanta alliyashca canqui. Chai ucullapi ricuncapac callarirca; Jesusta catishpa rirca.
1 Jerusalen llacta mayanman rirashcapi, Betfage Betania llactacuna mayanpi, Olivos urcu chaquipi, Jesus ishcai yachachishcacunata cacharca nishpa: — 2 Cancuna ñahuipura tiyac uchilla llactaman richic. Chaiman pactashpa, shuc burro nishca huihuata huatashcata tarinquichic. Pai jahuapi chaira manapí sicarcachu. Pascashpa apamunquichic. 3 Maicanpash cancunata nicpi: "Imaraicu chashna ruranquichic" nishpa, cutipanquichic: "Apu paita mutsunmi, huasha cutichinca". 4 Paicuna rishpa, burrota shuc puncupi huatashcata tarinurca callepi. 5 Pascaranucpi, chaipi tiyaccuna ninurca: —¿Imaraicu burrota pascanquichic? 6 Yachachishcacuna Jesus rimashca shina cutipanurca. Chaita uyashpa: —Apaichiclla-ninurca. 7 Jesuspacman burrota pushanurca. Paicunaca churanacunata burro jahuapi mantashpa, Jesusta sicachinurca. 8 Huaquincuna pai rina ñanpipi churanacunata mantanurca; huaquincuna, yura pallcata cuchushpa, ñanpipi mantanurca. 9 Ñaupac riccuna huashapi shamuccunapash Jesusta catishpa caparinurca nishpa: —Apu Dios shutipi shamuc bendisiashca cachun. 10 Ñucanchic yaya David apu tucuna pacha pactamuran; bendisiashca cachun. Apu Dios yapaichashca cachun. 11 Jesus Jerusalenman yaicushpa, Diospac huasiman rirca. Tucuita ricushca huasha, ña chishiyacpi, yachachishcacunantin Betania llactaman rirca. 12 Cayantiman, Betaniamanta llucshishpa, yarcachirca. 13 Carupi shuc pancayuc higuera nishca yurata ricushpa, chaicama rirca muyuyucchu chari canca yuyashpa. Ricúcpica, pancalla tiyarca, mana muyu aparina pachachu carca. 14 Jesus yurata nirca: —Manapí canmanta muyuta micuchun. Yachachishcacuna chai rimashcata uyanurca. 15 Jerusalenman pactanurca; Jesus Diospac huasiman rirca. Chaipi catucuccunata ranticuccunata chaimanta callpachirca. Culquita turcaccunapac mesacunata urmachirca. Urpita catuccunatapash jichurca. 16 Chai huasi ucuta imatapash apashpa rincapac mana saquircachu. 17 Paicunata camachishpa nirca: —¿Manachu quillacara tiyan: "Ñuca huasi Diospac huasi canca tucui runacunapac? Ranti, cancuna shuhua huasita chaita rarcanquichic. 18 Pacriyaya apucuna camachic quillcata yachaccunapash, chaita uyashpa, imata rashpa paita huañuchishun nishpa rimarinurca. Ranti, paita manchanurca, tucui runacuna pai yachachishcata cushiyashcahuan uyanurca mari. 19 Tutayacpi, Jesus yachachishcacunantin llactamanta rirca. 20 Cayantiman, tutamanta, ñanpita rishpa, higuera yurata chaquirishcata ricunurca. 21 Pedro yuyarishpa nirca: —Yachachic, riqui, can piñashpa rimashca yura chaquirishcami. 22 Jesus cutipashpa nirca: —Diosta inichic. 23 Maicanpash cai urcuta nicpi: "Chaimanta anchuri, ñucñu yacuman shitari" nishpa, paipac shuncupi chashna tucunca rashcata shinchita inicpi, pai inishca shina tucunca. 24 Shuti pacha cancunata nini: Tucui cancuna Dios-man mañashcata "ña chasquircanchie" yuyashpa, chasquinquichic. 25 Cancuna Dios-huan rimarishpa, shuccunahuan imatapash charishpa, ñaupacta quishpichichic. Chashna racpi, cancunapac Yaya Dios cancuna juchallishcata quishpichinca. 26 Ranti, cancuna shuccunata mana quishpichicpi, cancunapac jahua pachapi tiyac Yaya mana quishpichincachu caricunapac juchacunata. 27 Jerusalenman ticranurca. Jesus Diospac huasipi puricucpi, pacriyaya apucuna, camachic quillcata yachaccuna judio apucunapash paipacman shamushpa, tapunurca nishpa: – 28 ¿Ima ushaihuan can rashcata ranqui? ¿Pimi canta chaita rancapac rimarca? 29 Jesus cutipashpa nirca: —Ñucapash cancunata shuc shimita tapunca rani. Cancuna cutipahuacpi, ñucapash ima ushaihuan chaita rashcata cancunata rimasha. 30 Rimahuaichic: ¿Pimi Juanta cacharca bautisancàpac? ¿Dioschu paita cácharca? ¿Runacunachu paita cachanurca? Cutipahuaichic. 31 Chashna tàpucpi Jesus, paicunapura rimanacunurca nishpa: —Ñucanchic "Dios paita cacharca" nicpi, pai ninca: "Imaràicu paita mana inircanquichic". 32 "Runacuna paita cachaniurca" nishpa rimashün ima chari. Chashna cutipancapac manchanurca, Juan Diospacmanta shamushcata tucui runacuna yachanurca mari. 33 Chashna cacpi, Jesusta ninurca: —Mana yachanchichu. Jesus nirca: —Ñucapash ima ushaihuan chaicunata rurashcata mana rimashachu.
1 Chai huasha, Jesus yachachina shimicunata rimai callarirca cashna nishpa: —Shuc runa uva nishca chacrata rurarca. Chaita quinchahuan jarcashca. Uva muyucunata chahuancapac, allpata allashpa, shuc jutcuta rurarca. Chapana huasita shayachirca. Shuc runacunaman chacrata saquirca pallana pacha pallashcahuan pagancapac. Chaipac huasha caruman rirca. 2 Pallana pacha pactaricpi, chacra amu shuc luncuta cacharca mañachishcacunapacman, paipacta niañancapac. 3 Paicuna, chai luncuta japishpa, llipachishpa, maquillahuan cachanurca. 4 Shuc luncutapash cacharca. Paita umapi huactashpa, piñashpa rimanurca. 5 Shuctapash cacharca; paita huañuchinurca. Chaipac huasha, shuc achcacunata cacharca; paicunamanta huaquincunata huactanurca; huaquincunata huañuchinurca. 6 Chaira shuc tiyarca, paipac churi. Paitapash cacharca, "ñuca llaquishca churita uyanuncami: nishpa yuyarishpa. 7 Chai runacuna paicunapura rimanacunurca nishpa: —Chaimi chacra amupac churi, amu charishcacunata japina cac. Paita huañuchishunchic, pai japinca rashcacunata amuyancapac. 8 Paita japishpa, huañuchishpa, paipac ayata canchaman shitanurca. Rimahuaichic: 9 ¿Imata ruranca chacra amu? Pai shamucpi, chai llancaccunata huañuchinca, chacrataca shuccunaman saquinca. 10 ¿Manachu quillcacuna nishcata uyarcanquichic? Cashna ninun: "Huasita shayachiccuna jichushca rumi huasi pata chaqui tucurca. 11 Chaita apu Dios rurarca; sumac ricurin". 12 Apucuna, Jesus rimashcata uyashpa, "ñucanchiraicu chashna rimarca" nishpa, paita huañuchinata munanurca; ranti, runacunata manchashpa mana ushanurca. Jesusta saquishpa rinurca. 13 Chai huasha, huaquin fariseocunata Herodesta caticcunantin Jesuspacman cachanurca, paita ima panta shimipipash rimachishpa cautsayachincapac. Jesuspacman shamushpa ninurca: —Yachachic, can shutita rimac cashcata yachanchic. Manapita manchanqui. Jahuata ricuricllahuan runata mana taripanquichu. Diospac ñanpita yachachinqui. Rimai: ¿Gubirnu cullquita Roma llactapi causac incaman pagana allichu? ¿Manachu alli? ¿Paganachu? ¿Manachu pagana? ¿Imata ninqui? 15 Jesus paicunapac manalli yuyaita ricsishpa nirca: —¿Imaraicu ñuca nishcapi japinayahuanquichic? Shuc cullquita ricuchihuaichic ñuca ricuncapac. 16 Cullquita ricuchinurca. Jesus chaita ricushpa tapurca: —¿Pipacta can cai ñahui? ¿Caipi tiyac shuti pipacta can? Tapucpi uyashpa cutipanurca: —Roma llactapi causac incapac. 17 Jesus nirca: —Incapacta incaman cuichic; Diospacta Diosman cuichic. Mancharishpa pai cutipashcata uyanurca. 18 Chai huasha, huaquin saduceos nishcacuna (paicuna "huañushcacuna mana causarinuncachu" ninun) Jesusta tapunurca: 19 Yachachic, Moises quillcashcacunapi cashna quillcara tiyan: "Shuc huarmiyuc runa huahua illac, huañucpi, paipac huauqui chai huarmihuan sahuarichun. Paicunapac huahua huañushcapac shutita apanca", 20 Cunan allita uyanqui: Canchis huauquipura tiyanurca. Rucu huauqui shuc huarmita japirca: huahua illac huañurca. 21 Huasha paipac quipa chai huarmillahuan sahuarirca, huahua illac huañushpa. 22 Tucui canchis huauquipura chai huarmillahuan huasha huasha sahuarinurca, huahua illac huañushpa. Puchucaipi huarmipash huañurca. 23 Causarina punchapi chai huarmi pipac huarmi canca tucui canchis paihuan sahuarishca cacpi? 24 Chashna ninucpi, Jesus cutipashpa nirca: —Pantäcunquichic quillcashcacunata mana yachashpa, Diospac ushaita maña ricsishpa. 25 Huañushcacuna causarishca huasha, caricuna huarmicunapash mana sahuarinuncachu." Jahua pachapi tiyac angelcuna shina canuñca. 26 ¿Huañushcacuna causarinamantaca: manachu ricurcanquichic Moises quillcashcacunapi? Ruparashcai yuramanta Dios Moisesta rimashpa nkca: "Ñuca Abranpac Dios; Isaacpac Dios, Jacobpac Diosmi cani". 27 Mana huañushcacunapac Dioschu; causaccunapac Diosmi. Cancunaca pantacunquichic. 28 Shuc camachic quillcata yachac, Jesus rimashcata uyashpa, alli cutipashcata, uyashpa, paita tapurca nishpa: —Tucui rurai nishcacunamanta maican ñaupac can? 29 Jesus cutipashpa nirca: —Ñaupac rurai nishca caimi: "Uyaichic, Israel runacuna: Apunchic Dios shuclla Diosmi. 30 Canpac Apu Diosta tucui shuncuhuan, tucui almahuan, tucui yuyaihuan, tucui ushaihuan llaquina canqui". Chaimi ñaupac rurai nishca. 31 Chaita catic chai shinallata can, caimi: "Shuccunata can quiquinta shina llaquina canqui". Chaicunamanta yalli jatun rurai nishca mana tiyanchu. 32 Chai runa Jesus rimashcata uyashpa nirca: —Allimi, yachachic, shutita rimarcanqui: Shuclla Dios tiyan. 33 Diosta tucui shuncuhuan, tucui yuyaihuan, tucui almahuan, tucui ushaihuan llaquinami; shuccunataca quiquinta shina llaquinami. Chaimi huañuchishca huacramanta yalli alli, tucui camaricunamanta yalli alli. 34 Jesus, chai quillcata yachac alli yuyaihuan rimashcata uyashpa, paita nirca: —Diospac pachamanta mana caruchu canqui. Chai huasha mancharishpa manapí imatapash Jesusta tapunata yuyarca. 35 Jesus Diospac huasipi yachachishpa nirca: —¿Imaraicu camachic quillcata yachaccuna Mesias Davidpac churi cashcata ninun? 36 Davidllata, santo Samai paita rimachicpi, nirca: "Apu ñuca aputa rimarca nishpa: Ñuca alli maquiman tiyari, ñuca canta chicniccunata atinacama". 37 Davidllata Mesiasta apu nicpi, imashna Davidpac churi canca? Runacunaca munaihuan paita uyaranurca. 38 Huasha, Jesus yachachishpa nirca: —Camachic quillcata yachaccunata yuyanquichic. Paicuna suñi churanata churarina munanun. Callecunapi salurai tucunatamunanun. 39 Tantarina huasicunapi ñaupac tiyarinata mashcanun. Chashnallata raimi micunapi ñaupac tiyarinata mesapi mashcanun. 40 Huaccha huarmicunapac imacunata shuhuanun, paicunata umachishpa "cancunamanta Diosta mañashun" nishpa. Paicuna sinchi ñacachi tucununca. 41 Shuc puncha, Jesus Diospac huasipi tiyarca, Diosman cushca cullquita huacaichina mala mayanpi. Chaipi tiyarishpa, runacuna chai malapi cullquita churacushcata ricurarca. 42 Cullquiyuccuna achcata churaccuna carca. Shuc huaccha huarmi shamushpa, mana imayuc cashpa, ishcai cullquishituta churarca. 43 Chaita ricushpa, Jesus yachachishcacunata nirca: —Shuti cancunata nini: Cai huaccha huarmi tucuicunamanta yalli churarca. 44 Paicuna puchushcamanta mari cunurca; ranti, cai huaccha huarmi pai charishcata illacta curca.
1 Jesus Diospac huasimanta llueshicucpi, shuc pai yachachishca runa nirca: —¡Yachachic, riqui, ima jatun rumicuna, ima sumac ricuric huasicuna! 2 Jesus cutipashpa nirca: —¿Cai jatun sumac ricuric huasita ricunquichic? Shuc rumi shuc rumi jahuapi mana saquirincachu, illacta tulachishcami canca. 3 Puricushpa, Diospac huasi ñahuipura tiyac Olivos urcuman pactanurca. Jesus chaipi shayarirca. Pedro, Jacobo, Juan, Andres paipacman mayanyarishpa, pacalla tapunurca nishpa: — 4 ¿Imura chai tucunca? ¿Ima laya ricurina ricurinca chai tucunca racucpi? 5 Jesus cutipashpa nirca: —Yuyanquichic ama umachi tucuncapac. 6 Achca runacuna ñuca shutipi shamununca mari, "ñuca Cristomi cani" nishpa. Achcacunata umachinunca. 7 Macanacui tiyan uyaric– pi, ama mancharinquichichu. Ñaupacta chai tucunami can, ranti chaira mana tucurina pachachu. 8 Llacta shuc llactahuan macanacununca. Shuc laya runacuna shuc laya runacunahuan huañuchinacununca. Huaquin suyucunapi allpa cuyurinacuna tiyanca; jatun yaricaipash tiyanca. Chaicunahuan llaquicuna callarinuncami. 9 "Allichirishca caichic. Taripai tucuncapac japishca canquichic. Ñucaraicu jatun apucunapacman pushai tucunqui— chic paicuna ñaupacpi ñucamanta rimancapac. 10 Chaira tucurina mana pactaricpi, Diospac cushi shimita tucui llactacunapi uyachina can. 11 Cancunata apucunapacman pushanucpi, cancuna rimanca rashcata ama yuyanquichichu. Chai ucullapi Dios cancunaman rimachishcata rimanquichic. Mana cancunallata rimanquichic, santo Samai rimanca. 12 "Shuc runa paipac huauquita huañuchincapac japichinca. Shuc yaya paipac churita japichinca huañuchinuchun nishpa. Chashnallata churicuna yayacunata chicnishpa jatarinunca, paicunata huañuchincapac. 13 Cancunaca tucuicunapi chicni tucunquichic ñucaraicu. Maicanpash ñucata catishpa mana sanpayacpi quishpincami. 14 "Mapayachic ricurinca mana tiyana cashcapi. (Cai quillcata catishpa yuyanquichic). Chai tucucpi, Judeapi tiyaccuna urcucunaman miticunuchun. 15 Huasi jahua patapi tiyaccuna ama uraicunuchun imatapash apancapac. 16 Chacrapi tiyaccuna ama huasiman ticranuchun churanacunata apancapac. 17 ¡Ailla huicsayuc huarmicuna, chuchuchic huarmicunapash! 18 Chai miticuna ama tamia pachapi tucuchun Diosta mañaichic. 19 Chai punchacuna llaqui punchacuna canunca mari. Chashna llaqui cai pacha callarishcamanta mana tiyarcachu, manapash tiyancachu. 20 Dios chai punchacunata mana curullachicpi, mana pipash quishpirinman. Chashnapash, Dios, pai acllashcacunata llaquishcaraicu, chai punchacunata curullachinca. 21 "Chashnapi, maicanpash shamushpa nicpi: "Riqui, caipimi Cristo, chaipimi Cristo", ama paita uyanquichichu. 22 Llulla cristocuna ricurimununca, Diospacmanta shamuni nishpa llullashpa rimaccuna jatarinunca; mana raipaccunata rurashpa, runacunata umachinunca. Usharicpi, acliashcacunatapash umaphinunman. 23 ¡Yuyanqüietíic!. Ñaupacta chai tucuita huillashcani. 24 "Chai llaqui punchacuna huasha, inti yana tucunca, Quilla llantuyanca. 25 Estrellacuna jahua pachamañta urmanunca. Jahua pachapash chucchurinca. 26 Chaipi, Jesucristo sinchi ushaihuan puyucunapi shamurac ricurinca. 27 Pai angelcunata cachanca tucui acllashcacunata tantachincapac. 28 Higuera yurapi tucushcamanta yachaichic. Paipac pallca llulluyacpi, mushu panca tucyacpi, "rupai pacha pactamuran" ninquichic. 29 Chashnallata, cancuna cunan ñuca rimashca tucushcata ricushpa, pai pactamurashcata yachanquichic. 30 Shuti cancunata nini: Cunan causaccuna chaira mana huañunucpi, ñuca rimashca pactarincami. 31 Jahuapacha cai pachapash tucurinuncami; ranti, ñupa rimashca shimi mana chincarincachu. 32 "Chashnapash ima puncha, ima pacha chai tucunca, manapí yachan. Angelcunapash, Dios Churipash mana yachanchu, Dios Yayallami yachan. 34 "Shuc caruman ric runahuan shina tucunca. Chai runa huasita ricuncapac luncucunata mincan. Caranman quiquin ruranata cun. Puncuta ricuccamata nin: "Chaparanqui". 35 Chashnallata cancunapash chaparaichic, huasi amu pactana pachata mana yachashpa. Chishita pactamunca chari; chaupi tuta chari; cari atallpa caparicpi chari; tutamanta chari. 36 Pai cuncaimanta shamushpa puñurashcata cancunata tupanman. 37 Cancunaman rimacushcata tucuicunaman huillani: Ricuralla causaichic.
1 Pascua raimipac, mana punquichishca tanta micuna punchapac ishcai puncha pishirca. Pacriyaya apucuna camachic quillcata yachaccunahuan rimaricunurca imashnata Jesusta umachishpa japincapac; japishpa huañuchincapac. 2 Huaquin-cuna ninurca: —Raimi Puncha japincapac mana allichu, ama runacuna piñarishpa jatarincapac. 3 Shuc puncha, Jesus Simon shutiyuc sisu runapac huasipi micurarca. Micuracpi, shuc huarmi shamurca yapa balic asnac yacu butita apamushpa. Jesus tiyashcaman yaicushpa, butita paquishpa, asnac yacuta Jesuspac jahuapi tallirca. 4 Huaquincuna, chaita ricushpa, yapa piñarishpa, paicunapura ninurca: —¿Imaraicu chashna jichunun yapa balic asnac yacuta? 5 Rantichinucpi, quimsa patsacmanta yalli surcununman, tsunsu runacunaman cuncapac. Huarmitaca piñanurca. 6 Jesus nirca: —Ama quillachichichu cai huarmita. Casilla saquichic, allita rurarca mari. 7 Tsuntsucuna huiñai cancunahuan tiyanunca; cancuna munashcapi, paicunata yanapana ushanquichic; ranti, ñuca mana huiñai cancunahuan tiyashachu. 8 Cai huarmi pai ushashca tuputa rurarca. Ñuca aichata asnac yacuhuan armachirca panpancapac shina ñauparishpa. 9 Shuti cancunata nini: Maipipash cushi shimita huillanucpi, pai rashcatapash huillanunca paimanta yuyarishpa. 10 Chunca ishcaicunamantä shuc, Judas shutiyuc, pacriyaya apucunapacman rishpa, paicunahuan rimarishpa Jesusta japichincapac, "paita japichisha" nirca." 11 Paipac shimita uyashpa, pacriyaya apucuna cushiyanurca. "Cullquita cushcanqui" ninurca. Chai pachamanta, ima puncha alli canca Jesusta japichincapac Judas yuyaricurca. 12 Mana punquichishca tantata micuna raimi ñaupac punchapi, cordero huañuchina pacha, Jesus yachachishcacuna paita tapunurca: —¿Maiprpascua micunata allichincapac munanqui? 13 Tapunucpi uyashpa, Jesus ishcai yachachishcacunata cacharca cashna nishpa: —Llactaman richic. Shuc yacu mancata apac runata tarinquichic; paita catishpa richic. 14 Pai yaicushca huasi amuta ninquichic: "Yachachic nin: ¿Maipitac can micuna huasi ñuca yachachishcacunahuan pascuata micuncapae?". 15 Pai jahua patapi shuc jatun ucuta ricuchinca tucui ñucanchic mutsushcahuan. Chaipi micunata allichinquichic. 16 Rimacpi, yachachishcacuna rinurca. Llactaman pactashpa, Jesus rimashca shina tarinurca. Pascua micunata allichinurca. 17 Tutayacpi, Jesus paipac chunca ishcai runacunahuan shamurca. 18 Micucushpa nirca: —Shuti cancunata nini: Shuc ñucahuan micuc, ñucata japichinca ran huañuchincapac. 19 Chaita uyashpa, yapa llaquirinurca. Huasha huasha tapunurca: —¿Ñucachu cani? 20 Jesus cutipashpa nirca: —Cancunamanta shucmi can, ñuca callanamantallata micurac. 21 Cai RUNA rinca ran, quillcashcacuna paimanta rimashca pactarincapac. ¡Chai ñucata japichic runa mana pacarishca cashcapi alli canman! 22 Micucunucpi, Jesus tantata japirca; Diosta pacrachushpa, chaita paquirca, paicunaman curca nishpa: —Japichic, cai ñuca aichami can. 23 Huasha, shuc basota japishpa Diosta pacrachushpa, paicunaman curca, tucuicuna upianurca. 24 Paicunata nirca: —Cai ñuca yahuarmi, Dios-huan runacunahuan mushu cunacushca shimita ricuchic yahuar. Cai yahuar runacunamanta tallishcami canca. 25 Shuti cancunata nini: Binota ña mana upiashachu, ñuca Yaya huasipi mushu binota upianacama. 26 Taquishca huasha, Olivos urcuman rinurca. 27 Riranucpi, Jesus paicunata nirca: —Tucui cancuna "yancamanta paita catinchic" nishpa rimanquichic cunan tuta. Quillcara mari tiyan: "Michicta huañuchishami, obejacuna chausiriñunca" 28 Chashnapash, ñuca causarishami; causarishpa, cancunata ñaupashpa, Galileaman risha. 29 Pedro chaita uyashpa nirca: —Tucuicuna canta jichunucpipash, ñuca canta catishami. 30 Rimacpi uyashpa Jesus nirca: —Shuti pacha canta nini: Cunan tuta cari atallpa chaira mana ishcai cuti caparicpi, can quimsa cuti ñucamanta "paita mana ricsinichu" nishpa ninqui. 31 Pedro cutipashpa nirca: —Canhuan pacta huañuna cacpipash canta mana jichushachu. Tucui shuccunaca chaillatata rimanurca. 32 Chashna rimarishpa, Getsemani nishca panpaman pactanurca. Jesus yachachishcacunata nirca: —Caipi tiyacuichic, ñuca Dios-huan rimarincapac racuni. 33 Chashna nishpa, Pedrota, Santiagota, Juanta pushashpa, yapa llaquirishcalla, mancharishcalla tucurca. 34 Chashna tucushpa, nirca: —Llaquirishpa huañunayahuan. Caipi saquirichic, ama puñuichichu. 35 Jesus chainiman purishpa, tuhuaman urmashpa, Diosta mañarca chai tuta tucunca rashcata paimanta anchuchincapac usharicpi. 36 Cashnami rimarca: —Yaya, can tucuita ushanqui, cai sinchi ñacarinata ñucamanta anchuchipai; ranti, ama ñuca munashca shina rurarichun, can munashca shina tucuchun. 37 Yachachishcacunapacman ticrashpa, puñurashcata paicunata tuparca, Pedrota nirca: —Simon, ¿puñuranquichu? ¿Shuc pachallapash manachu chapana usharcanqui? 38 Ama puñuichichu; chaparaichic, Diosta mañaichic juchanayai shamucpi ama juchallincapac. Shuti pacha, cancunapac yuyai sinchimi, ranti cancunapac aicha sanpami. 39 Chashna nishpa, cutillata Dios-huan rimarincapac rirca; ñaupa rimashca shimicunata rimarca. 40 Quimsa yachachishcacuna tiyashcaman ticrashpa, paicunata puñurashcata tuparca. Yapa puñunasyashpa, imata rimana mana yachanurcachu. 41 Quimsaniqui cuti rishpa, yachachishcacunata nirca: —¿Chaira puñuranquichic? 42 Shayarichic, jacuichic; ñucata japinca rac runa caipimi can. 43 Jesusí rimacucpi, Judas shamurca (pai chunca ishcaicu— namanta carca). Paihuan pacta shuc—runacuna shamunurca caspicunahuan, mircanucunahuan. Pacriyaya apucuha, camachic quilcata yachaccuna judio apucunapash chai runacunata cachamushca carca. 44 Judas paicuhata rimashcarca nishpa: —Ñuca muchashca runa paimi. Japishpa, sinchita huatashpa pushanquichic. 45 Chashna cacpi, Judas Jésüsman mayahyáshpa, paita mücharca nishpa: —¡Yachachiccama! 46 Paicuna Jesusta japishpa huatanurca. 47 Jesus-huan tiyaccunamanta shuc, mircanuta japishpa, jatun pacriyaya apupac luncuta huactashpa, paipac rinrita pitirca. 48 Jesus runcunata nirca: —¿Shuhua runachu cani, cancuna caspicunahuan mircanucunahuan ñucata japincapac shamunquichic? 49 Caran puncha Diospa (huasipi cancunahuan tiyarcani yachachishpa; mana japihuarcanquichic. Chashna tucun quillcara pactarincapac. 50 Chashna rimacpi, yachachishcacuna Jesusta saquishpa miticuhurca. 51 Shuc huanpra catanahuan pillurishpa, Jesusta catishpa rirarca. Paitapash japinurca. 52 Paica, catanata saquishpa, llushti llushpirirca. 53 Jesusta jatun pacriyaya apupacman pushanurca. Chaipi pacriyaya apucuna, judio apucuna camachic quillcata yachaccunapash tantarishpa chapanurca. 54 Pedro carumanta catishpa rirca huasi patio ucuman. Chaipi suldarucunahuan nina mayanpi tiyarirca rupayancapac. 55 Pacriyaya apucuna tucui taripaccunantin, Jesusta huañuchinata munashpa, shuc paita juchachishpa rimacta mashcanurca; ranti mana tupanurcachu, 56 achca runa llullashpa Jesusmanta rimanucpipash. Paicuna rimashca caran laya carca. 57 Puchucaipi, huaquin runacuna llullashpa paimanta cashna rimanurca: —Ñucanchic paita uyarcanchic cashna nishcapi: 58 "Ñucacai runa rashca Diospac huasita tulashami, quimsa punchapi shuc mana runa rashcata shayachishami". 59 Paicuna rimashcapipash mana shuc yuyaillahuan canurca. 60 Chashna cacpi, pacriyaya jatun apu, tucuicuna ñaupacpi shayarishpa, Jesusta nirca: —¿Mana imata rimanquichu? ¿Imata nishpa chai shimicunata rimarcanqui? 61 Jesus upallarca. Pacriyaya apu cutillata paita tapurca: —¿Can Mesiaschu canqui? ¿Diospac Churichu canqui? 62 Jesus cutipashpa nirca: —Ari, Mesiasmi cani. Shuc puncha cai RUNAta ushac Diospac alli maquiman tiyacucta ricunquichic, puyucuna jahuapi shamucucta ricunquichic. 63 Chaita uyashpa, pacriyaya. apu piñarishpa, paipac churanata lliquishpa, nirca: —¿Imapac shuc ricuyaccunata mutsunchic? 64 Cancunallatacpai rimashcata uyarcanquichic. ¿Imata ninquichic? Tucuicuna shuclla shina ninurca: —Paita huañuchina can. 65 Huaquin runacuna paita tiucancapac callarinurca. Paipac ñahuita quillpashpa paita macancapac ninurca: —¿Rimai, maican canta macan? Suldarucunapash paita macaranurca. 66 Pedro patiopi tiyarca. Shuc pacriyaya aputa yanapac huarmi shamushpa, 67 Pedroman nina mayanpi ricushpa saquirirca. Huasha paita nirca: —Canpash Nazaretmanta Jesus-huan puric carcanqui. 68 Pedro nirca: —Chai runata mana ricsinichu; can rimashcata mana atipanichu. Chashna nishpa, canchaman llucshirca. Llucshicucpi, cari atallpa caparirca. 69 Chai huarmi, Pedroman ricushpa, chaipi tiyaccunata nirca: —Cai runa paipaccunamantami. 70 Pedro nirca: —Mana paipaccunamantachu cani. Manapash unaipi, chaipi tiyaccuna Pedrota ninurca: —Shuti pacha, can Jesuspac bulamanta canqui, Galilea— manta runa mari canqui. 71 Pedro manalli shimicunata piñashpa rimai callarirca, nishpa: —Mana ricsinichu cancuna rimacushca runata. 72 Chai ucullapi, cari atallpa cutillata caparirca. Pedro uyashpa, Jesus rimashcata yuyarirca: "Cari atallpa chaira mana ishcai cuti caparicpi, can quimsa cuti 'paita mana ricsinichu' nishpa rimanqui. Chaita yuyarishpa, yapa huacancapac callarirca.
1 Punchayaracpi, pacriyaya apucuna rucucunantin yachaccunantin tucui gubirnu apucunantin paicuna ranata rimarinurca. Chai huasha, Jesusta huatashpa, Pilatoman pushanurca. 2 Pilato Jesusta tapurca nishpa: —¿Can judiocunapac Jatum Curacachu canqui? Jesus nirca: —Ari, Jatun Curacami cani. 3 Pacriyaya apucuna achcacunata juchachinuccpi, 4 Pilato cutillata Jesusta nirca: —¿Imatapash manachu cutipanqui? Uyai, achcacunata canta juchachinun, 5 Jesus shuc shimillatapash mana rimarcachu. Chairaicu Pilato yapa mancharirca. 6 Raimi punchacunapi, Pilato shuc chunta curralpi huichcara runata cacharic carca, paicuna mañashca runata. 7 Chai pacha shuc Barrabas shutiyuc runa tiyarca, shuccuna— huan pacia huichcai tucushcarca, runata huañuchishcamanta piñanacushpa. 8 Runacuna Pilatopacman rinurea, paicunapac yachai mañancapac, "shuc runata cachari" rishpa. 9 Pilato paicunata tapurca: —¿Ñuca judiocunapac Jatun Curacata cacharincapac munanquichichu? 10 Pacriyaya apucuna Jesusta chicnishcamanta paipacman pushanushcata Pilato yacharca. 11 Pacriyaya apucuna "Barrabasta cachari" nishpa runacunata rimachinurca. 12 Pilato tapucpi nishpa: —¿Imata rasha judiocunapac Jatun Curaca nishcata? 13 caparishpa ninurca: —¡Paita chacatai! 14 ¡Pilato tapurca: —¿Ima manallita rurarca? Paicuna ashtahuan sinchita caparishpa ninurca: —¡Paita chacatai! 15 Pilato runacunata cushiyachisha nishpa, Barrabasta cacharirca. Jesusta llipachishca huasha, suldarucunaman curca "paita chacataichic" nishpa. 16 Suldarucuna, Jesusta japishpa, huasi patioman pusha– nurca. Tucui suldarucuna tantarishpa, 17 shuc puca churanata Jesusta churachinurca. Cashahuan ahuashca llaututa paipac umapi churanurca. 18 Huasha, caparishpa ninurca: —¡Caimi judiocunapac Jatun Curaca! 19 Chashna nishpa, paipac umapi caspihuan huactaranurca, paita tiucaranurca. Paipac ñaupacpi cuncurishpa, paita apu shina saluranurca. 20 Paita asishca huasha, puca churanata surcushpa, quiquin churanata churachinurca. Chai huasha, paita chacatancapac pushanurca. 21 Pushanucpi, shuc Cirene llactamanta Simon shutiyuc runata tupanurca. Chai runa (Alejandropac, Rufopac yaya carca) chacramanta shamurarca Paita Jesuspac crusta apachinurca. 22 Jesusta Gólgota nishcaman pushanurca (Gólgota runa shimipi "aya uma tullu urcu" nin). 23 Mirra nishcahuan masashca binota Jesusta upiachinurca; Jesus mana upiarcachu. 24 Chashnapi Jesusta chacatanurca. Huasha paipac churanacunata japihurca caran lichayucpac shuc churana. 25 Jesusta chacatanushcapi, tutamanta carca,— iscun pacha tujpu. 26 Shuc quillcata churanurca imaraicu huañuchinun nishpa. Cashna quillcara tiyarca: "Judiocunapac Jatun Curaca". 27 Paihuan pacta ishcai shuhuacunata chacatanurca, shucta paipac alli maquiman, shucta lluqui maquiman. 28 Chashna ranucpi, quillca ñaupa nishca pactarirca; cashna quillcara tiyarca: "Paita juchayuc shinak ranurca". 29 Chaita puriccuna Jesusta asinurca. Umata cuyuchishpa ninurca: —¡Can Diospac huasita urmachic, chaita quimsa punchapi shayachic, 30 can quiquinta quishpichi, crusmanta uraicui! 31 Pacriyaya apucuna yachaccunantin Jesusta asishpa, paicunapura rimanurca: —Shuccunata quishpichirca; paillatata maria quistipichina ushah, 32 Pai quiquinta quishpichichun ñucanchic ricuncapac, ricushpa inincapac. Jesus-huan pacta chacatashcacuhapash paita piñanurca. 33 Chaupi pun chamanta chaupi chishicama tucui allpapi yanayarca. 34 Chaupi chishipi Jesus sinchita caparirca nishpa: —Eli, Eli, lama sabactaní (runa shimi: "Ñuca Dioslla, ñuca Dioslla, imaracu ñucata jichushcanqui"). 35 Huaquin chaipi tiyaccuna ninurca: —Eliasta cayaran. 36 Shuc callpashpa rishpa, shuc esponjata jayac binopi jucuchishpa, pintupi churashpa, Jesusta upiachirca nishpa: —Elias shamunca ima chari paita quishpichincapac. 37 Jesus sinchita caparishpa huañurca. 38 Chai ucullapi, Diospac huasipi huarcushca cortina jahuamanta uracama lliquirirca. 39 Chaipi shayarac suldaru apu; imashna huañushcata ricushpa, nircà: –Shuti pacha, cai runa Diospac Churimi carca. 40 Huaquin huarmicuna caramahta tucuita ricurañurca. Shuc Maria Magdalena carca; shuc quipa Jacobopac Josepac— pash mama Maria; shuc Salomé. 41 Paicuna Jesusta Galileamanta catinurca paita siñbincapac, Chai huarmicunahuan shuccunapash tiyanurca, Jesus-huan pacta Jerusalenman shamushcacuna. 42 Chishiyacpi, cayantin puncha samana puncha cacpi, 43 shuc runa Pilatopacman rishpa, mana manchashpa Jesuspac ayata mañarca. Chai runa Jose shutiyuc carca, Arimatea nishca llactamanta, judio apu bulamanta. Paipash Diospac pachata chapacurca. 44 Pilato Jesus ña huañushcata mana inishpa uyarca. 45 Suldaru aputa cayashpa, paita tapurca nishpa: —¿Jesus huañushcachu? Pai "ari" nicpi, Pilato Joseta nirca: —Jesuspac ayata apaila, 46 Jose rishpa, shuc alli churanata rantirca; huasha, ayata crusmanta uraicuchishpa, chai churanahuan pillushpa, panipana jutcupi churarca. Chai jutcu rumi quinraipi allashca carca. Puncuta jatun rumihuan quillparca. 47 Maria Magdalenahuan Josepac mama Mariahuan maipi churanushcata ricunurca.
1 Samana puncha huasha, Maria Magdalenahuan, Santiagopac mama Mariahuan Salomehuan asnaccunata rantinurca Jesuspac ayata armachincapac, 2 Semana ñaupac punchapi, tutamantashitu, inti llucshicucpi, aya jutcuman rinurca. 3 Puricushpa rimanacunurca nishpa: —¿Aya jutcumanta pimi rumita anchuchinca? 4 Chaiman pactashpa ricunucpi, rumi jatun cashpallata, anchuchishcami carca. 5 Aya jutcuman yaicushpa, alli maquiman shuc huanprata ricunurca, yurac churanata churarishca. Paita ricushpa mancharinurca. 6 Chai huanpra nirca: —Ama manchaichichu. Nazaretmanta Jesusta mashcanquichic, cruspi huañuscata. Mana caipichu; causarircami. Paita churanushcata ricuichic. 7 Pedrota shuc yachachishcacunatapash huillacrichic: "Jesus Galileaman rinca ran cancunata ñaupashpa, pai nishca shina. Chaipi paita ricunquichic". 8 Chaita uyashpa, huarmicuna callpashpa aya jutcumanta llucshinurca; Manchaimanta chucchushpa, pitapash mana imata huillanurcachu. 9 Jesus semana ñaupac puncha pacaricushcapi causarirca. Causarishpa, ñaupacta Maria Magdalenaman ricurirca; paimanta canchis supaicunata jichushca carca. 10 Pai Jesus-huan purishcacunaman huillacrirca; paicuna llaquirishpa Jesusta huacaranurca. 11 Paicuna, chai huarmi rimashcata uyashpa, "Jesus causan, ñuca paita ricurcani" nishpa, mana ininurcachu. 12 Chai huasha; Jesus shuc laya tucushpa, ishcai yachachishcacunaman ricurirca, paicuna Jerusalenmanta huasiman riranucpi. 13 Shuccunaman huillancäpac ticranurca; shuccunaca mana ininurcachu. 14 Puchucaipi, Jesus chunca shuc runacunaman ricurirca, paicuna micuranucpi. Jesus paicunata piñashpa rimarca paita mana inishcamanta, pai causarishcata ricuccunatapash mana uyashcamanta. 15 Huasha paicunata nirca: —Tucui pachata richic; alli shimita tucui runacunaman huillanquichic, 16 Inic ruria, bautisai tucuc runa quishpichishcami canca. Mana inishachu nic runa cautsayachishcami canca. 17 Iniccuna mana raipaccunata rurana ushanunca. Ñuca shutipi supaicunata jichununca. Mana yachashca shimipi rimanunca. 18 Machacuicunata maquihuan japinunca; huañunalla janpita upiashpallata, mana ima tucununca. Uncuccuna jahuapi maquita churanucpi, uncuccuna alliyanunca. 19 Chaita rimashca huasha, Apunchic Jesus jahua pachaman pushai tucurca, Diospac alli maquiman tiyarirca. 20 Paicuna rishpa, maipipash Diospac alli shimita camachinurca. Dios paicunata yanaparca. Paicuna rimashca shuti cashcata mana raipaccunata rurashpa ricuchinurca.
1 Acha runa ñucanchipacpi callarimanta tucushcata quillcanurca, 2 quiquin ñahuihuan ricushcacuna alli shimita uyachincapac yanapashcacunapash rimashcata catishpa. 3 Tapushpa, tapushpa tucuita yachashca huasha, ñuca uyashcata canman quillcanata munani, alli Teófilo. 4 Caita catishpa, canta yachachishcacuna rimashcata shuti cashcata yachanqui. 5 Herodes shutiyuc runa Judea allpapi apu cashcapi, shuc pacriyaya tiyarca, Zacarias shutiyuc, Abias bulamanta. Paipac huarmi Elisabet carca, Aaron miraicunamanta. 6 Ishcaintin Diospac ñaupacpi alli causaccuna carca, Dios rurai nishcacunata pactachishpa; runacunapac ñahuipi jucha illac puriccuna carca. 7 Elisabet huahuata mana tupac cashcaraicu, huahua illac canurca; ishcaintin rucu canurca. 8 Shuc puncha, Diospac huasipi Zacariaspac bula tiyana punchacunacacpi, 9 pacriyayacuna yachaita catishpa, maican lichayuc canca altar jahuapi sumiriuta rupachincapac acllanucpi, Zacarias lichayuc tucurca. 10 Sumiriuta rupachincapac acllatucui runacuna canchapi tantarishpa Diosman mañaranurca. 11 Cuncaimanta shuc Diospac angel Zacariaspacpi ricurimurca, altarpac alli maquipi shayarishpa. 12 Paita ricushpa, Zacarias yapa mancharirca. 13 Angel paita nirca: —Ama manchaichu. Dios can mañashcata uyarca; canpac huarmi Elisabet shuc cari huahuata charinca; paita Juan shutichinqui. 14 Can yapa cushiyanqui; achca runacuna cushiyarinunca, chai huahua pacarishcaraicu. 15 Canpac churi Diospac ñaupacpi jatunmi canca. Binota machachic yacutapash mana upiancachu; chaira mana pacarishpa, Diospac Samaihuan juntashca canca. 16 Pai camachishcahuan Israelmanta achca runa Diospacman ticranunca. 17 Pai Jesucristota ñaupashpa rinca, profeta Eliaspac samaita ushaitapash charinca, churicunata yayacunahuan allichincapac, mana iniccunapac yuyaita turcachincapac. Pai rimashcahuan runacunata allichinca paicuna Diosta chasquincapac. 18 Rimacpi uyashpa, Zacarias angelta tapurca: —¿Can rimashca tucunca rashcata maimanta yachasha? Ñuca ña yapa rucu cani, ñuca huarmipash yapa rucu can. 19 Angel cutipashpa nirca: —Ñuca Gabriel cani, Diosta yanapashpa causac; pai canpacman cachamuhuarca canhuan rimarincapac, chai cushi shimita huillancapac. 20 Can mana inishcaraicu; upa shimi tucunqui; canpac churi pacarinacama mana rimana ushanquichu. Ñuca rimashcaca pactarina puncha pactarinca. 21 Diospac huasi ucupi chai tucui tucunacama, runacuna canchapi Zacariasta chaparanurca, shincapac unayan" nishpa mancharishpa. 22 Zacarias llucshishpaca mana rimana usharcachu; chaimanta atipanurca Diospac huasipi ricurinata ricushcata. Shimi illac tucushpa, maquihuan ricuchishpaila rimarca. 23 Zacarias, Diospac huasipi yanapana punchacuna tucurishcapi, huasiman ticrarca. 24 Shuc punchacuna huasha, paipac huarmi Elisabet huicsayuc tucurca; huicsayuc cashpa, pichca quilia tupu: huasipi saquirirca, mana maimanpash rishpa, shuncupi yuyarishpa: 25 "Dios ñucapi yapa allita rahuarca; ñuca llaquirishcata ricushpa, huahuata tupachihuarca, runacuna ama pincachihuanuchun" nishpa. 26 Sucta quilla huasha, Dios Gabriel nishca angelta Galileapi tiyac Nazaret llactaman cacharca, 27 Maria shutiyuc maltapacman.Maria shuc runahuan maqui japichishca carca; paipac shuti Jose, Davidpac aillumanta runa. 28 Angel chai maltapacman pactashpa, nirca: —Allillachu canqui, Maria? Cushiyai, Dios canta yapa llaquishpa, canhuan tiyan. 29 Chai shimicunata uyashpa Maria mancharirca; "imaraicu chashna rimahuan" yuyarishpa saquirirca. 30 Angel paita nirca: —Ama mancharichu, Maria; Dios llaquishcahuan canta ricun. 31 Huicsayuc tucunqui; shuc cari huahuata charinqui, paita Jesus shutichinqui. 32 Paica yuyaita jatunmi canca, Diospac churi canca, Diosca yaya Davidpac pachata paiman cunca, 33 Israel runa bulata pushancapac; paipac apu-cana pacha mana tucurincachu. 34 Rimacpi uyashpa Maria tapurca: —¿Imashna chai tucunca ñuca carihuan mana llutarishcapi? 35 Angel cutiparca: —Diospac Samai canpacman uraicunca, Diospac ushai canta llantunca puyu shina; chairaicu canmanta pacarina huahua Diosman chicanyachishca canca, Diospac Churi paita ninunca. 36 Caitapash yachana canqui: Canpac aillu Elisabet, rucu cashpa huicsayuc can; paica cunancama huahua illac cashpa, sucta quillamanta, huicsapi shuc huahuata charin, 37 Dios tucuita ushan mari. 38 Chai shimicunata uyashpa Maria nirca: —Ñuca Apunchicta uyac huarmi cani; can rimashca shina ñucapi Dios rurachun. Rimacpi, angel chaimanta anchurirca. 39 Shuc puncha, Maria paipac aillucunapacman rirca shuc Judea llactaman. 40 Zacariaspac huasiman pactashpa, paipac huarmi Elisabeta salurarca. 41 Elisabetca, Mariapac shimita uyacpi, paipac huahua huicsapi cuyurirca. 42 Elisabet, Diospac samaihuan juntashca, sinchi shimihuan nirca: —Tucui huarmicunamanta yalli bendisiashca canqui; can huicsapi charishca huahua achca benidisiashca can. 43 Ñuca mana imapash cani can ñucapacman shamuncapac. 44 Canpac shimita uyashca ucullapi, huahua ñuca huicsapi cushihuan cuyurirca, 45 Cushiyucmi canqui inishcamanta, Apunchic canta rimashca pactarinca mari. 46 Chai shimicunata yashpa, Maria cashna nirca: —Ñuca Apunchicta yupaichani, 47 ñucata quishpichic Diospi cushiyani; 48 pai ñucata alli ñahuihuan ricuhuarca, ñuca yanca huarmi cacpipash; cunanmanta tucui runacuna "cushiyucmi canqui" nishpa rimahuanunca; 49 tucuita ushac Dios sumaccunata ñucahuan rurarca. Pai yapa alli can. 50 "Paita uyaccunamanta huiñai llaquirincami. 51 Pai tucuita ushashcata ricuchirca. "Yapa cani" nishpa niccunata pincachirca. 52 Ushayuccunata urayachirca; yanca runacunata jahuayachirca. 53 "Yaricac runacunaman tucui laya imacunata cuyarca; cullquiyuccunata imapash illac cacharca. 54 Llaqui shuncu cashpa, paita uyac Israel runacunata yanaparca; paicunamanta llaquirirca, 55 ñucanchic ñaupacuna Abraanman paimanta mirashcacunamanpash rimashcata huiñai pactachisha nishpa". 56 Maria Elisabetpacpi quimsa quilla saquirirca; chai huasha, huasiman ticrarca. 57 Elisabet huahuata pacarichina puncha pactashcapi, shuc cari huahuata charirca. 58 Paita ricsiccuna, paipac aillucunapash yapa cushiyanurca, Dios paita chashna rurashcaraicu. 59 Pusac puncha huasha, huahuapac pincaishitu carata pitincapac rinurca, paita shutichincapac; paita "Zacarias shutichishun" ninurca, paipac yaya shina. 60 Ranti paipac mama nirca: —Mana. Paipac shuti Juan cana can. 61 Cutipanurca: —¿Imaraicu? Canpac aillucunapi mana tiyan chai laya shutiyuc. 62 Yayatami tapushun. Maquihuan ricuchishpa tapunucpi, 63 pai shuc quillcata mañashpa, "Juanmi paipac shuti" quillcarca. Chaita ricuccuna mancharinurca. 64 Chai ucullapi, Zacarias rimai callarirca Diosta yupaichashpa. 65 Tucui uyaccuna yapa mancharinurca; chai tucushcata tucui Judea suyupi huillanurca. 66 Chaita uyaccuna paicunapura rimarishpa ninurca: —¿Imatac canca cai huahua? Dios paipac ushaita chai huahuapi ricuchirca mari. 67 Paipac yaya Zacarias, Diospac Samaihuan juntashca cashpa, Dios paita rimachicpi, nirca: 68 —Israel runacunapac Apunchic Dios yupaichashca cachun, pai ñucanchicpacman shamurca, nucanchicta paipac runa bulata quishpichincapac. 69 Paita uyac runa Davidpac churicunamanta shuc ushayuc quishpichicta ñucanchicman curca, 70 pai cusha nishcata pactachishpa. Cashna mari naupa punchacuna causashca profetacuna rimanushcarca nishpa: 71 Shuc puncha, chicniccunamanta cancunata quishpichisha. 72 "Chashna rashpa, ñucanchic ñaupacunamanta llaquirirca, paicunaman cushca shimita mana cuncarishcachu. 73 "Dios ñucanchic yaya Abraanman shimita curca, cashna nishpa: 74 - 75 Cancunata chicniccunamanta quishpichisha, cancuna mana manchashpa, Diosta uyashpa causancapac; paipac ñaupacpi alli yuyaihun, cusca shuncuhuan tiyancapac causaicama. 76 Canca, ñuca churi, Jatun Diospac profeta rimai tucunqui; Apunchicta ñaupashpa, pai rina ñanpita allichinqui. 77 ''Diospac runa bulata camachniqui juchacunata pichai tucunquichic nishpa, quishpichinata chasquinquichic nishpa. 78 "Ñucanchic Dios, alli cashpa, ñucanchicmanta llaquirishpa, shuc mushu, intita pacarichin. 79 Chai inti huañui tutapi causaccunata achicyachin, ñucanchicta ganas causana ñanpita pushan". 80 Chai huahua aichapi yuyaipipash huiñararca; chunlla allpacunapi causarca Israel runacunata camachincapac callari nacama.
1 Chai punchacunapi, Cesar Augusto shutiyuc Inca tucui llactacunapi tiyashca runacunata; yupanata munarca. 2 Cirino shutiyuc, runa Siriapi apu cashcapi, chai ñaupac yupanata —censo nishca— ruranurca. 3 Tucui runacuna shutita quillcarincapac rinurca quiquin llactaman. 4 - 5 Jose huarmintin, Davidpac aillu cashpa, Galileapi tiyac Nazaret llactamanta Judeaman sicanurca, Belen llactaman; chai llactapi mari David pacarishca carca. Josepac huarmi Maria huicsayuc carca. 6 Llactaman pactanucpi, Maria pacarichina puncha pactarirca; chaipi, shuc cari huahuata pacarichirca, paipac ñaupac pacaric huahua. 7 Paita churanahuan pillushpa, huacra carana batiapi sirichirca huacra huasipi, chushac huasi mana tiyashcaraicu. 8 Chai mayanpi, shuc michic runacuna obejacunata ricuranurca. 9 Cuncaimanta shuc angel paicunapacpi ricurimurca; tuta punchaclla tucurca; chaita ricushpa michiccuna yapa mancharinurca. 10 Angel paicunata nirca: —Ama manchaichichu; cushi shimita huillancapac shamuni; tucui runacuna cushiyarinunca. 11 Cunanshitu Belen llactapi cancunata quishpichina huahua pacarirca; paimi Mesias, Apunchic. 12 Paita ricucrichic; shuc huahuata, churanahuan pillushcata, huacra carana batiapi sirishcata tarinquichic. 13 Rimacpi, shuc achca angelcuna jahua pachapi ricurimunurca, Diosta chacchashpa, cashna: taquishpa: — 14 ¡Jahua pachapi Dios chacchashca cachun! ¡cai allpapi Dios llaquishca runacuna ganas causanata charinuchun! 15 Angelcuna jahua pachaman ticrashca huasha, michiccuna rimanacunurca nishpa: —Jacuichic Belen llactaman; angel huillashcata ricucrishun. 16 Callpashpa rishpa, Mariata Josentin tarinurca, huahuata batiapi sirishcata tupanurca, 17 Huahuata ricushpa, angelcuna chai huahuamanta huillashcata tucuicunaman uyachinurca; 18 michiccuna huillashcata uyaccuna mancharinurca. 19 Mariaca shuncu ucupi chai tucuita huacaichirca, huiñai chaita yuyarashpa. 20 Michiccuna ticranurca Diosta yupaichashpa, chacchashpa tucui paicuna uyashcamanta ricushcamantapash; angel rimashca shina tucushca carca. 21 Pusac puncha huasha, huahuapac pincaishitu carata pitina puncha pactashcapi, paita "Jesus" nishpa shutichinurca; chai shutita angel rimashca carca Maria chaira huicsayashcapi, 22 Jesuspac mama Maria maillarina puncha pactashcapi, Moisespac quillcata pactachincapac, Jesusta Jerusalenman pushanurca Apunchicman cuncapac. 23 Chashna ruranurca camachic quillcapi cashna quillcara tiyashcaraicu: "Ñaupac cari huahua Diosman chicanyachishcami canca" 24 Chashna cacpi, camachic quillcai nicpi, "camarita cunquichic ishcai urpita, mana tiyacpi, ishcai paloma huahuata cunquichic" nishpa, chaita pactachinurca. 25 Chai pacha Jerusalenpi shuc Simeon shutiyuc runa causarca; chai runa alli carca, Diosta llaquic runa; Diospac Samai paihuan tiyarca. 26 Israel runa bula quishpichi tucuna punchata chaparashpa causarca. Diospac Samai paita nishcarca: "Can chaira mana huañushpa, Dios acllashcata ricunqui". 27 Diospac Samai paita pushaccpi, Diospac huasiman rirca. Chaipi tiyacpi, Jesuspac yayacuna yaicunurca, huahuata pushashpa camachic quillcata pactachincapac. 28 Simeon, huahuata marcashpa, Diosta yupaicharca cashna nishpa: — 29 Apunchic Dios, cunan ganaslla huañushami: can rimahuashca pactarishca mari. 30 Can cachashca quishpichicta ñuca quiquin ñahuihuan ricushcani. 31 Paita tucui runacuna ñaupacpi churarcanqui, 32 tucui allpapi causac runacunata achicyachincapac, Israel runacunata sumacyachincapac. 33 José Jesuspac mamantin, Simeon, huahuamanta rimashcata uyashpa, mancharinurca. 34 Simeon huahuata bendisiarca; huasha, paipac mama Mariata nirca: —Uyai, cai huahuaraicu huaquin judiocuna chincarinunca, huaquincuna quishpinunca. Unancha shina churashca cacpi, achca runa paita chicninunca. 35 Chashna rashpa, caran amu shuncupi yuyashca ricurinca. Chai tucuiraicu, shuc huachihuan canpac shuncupi tucsishca shina tucunqui. 36 Chai Diospac huasillapi shuc yapa rucu huarmi causac carca, Ana shutiyuc Fanuelpac ushushi, Aser aillucunamanta; pai Diospacmanta rimac huarmi carca. Chai huarmi, malta cashpa, paipac carihuan canchis huata causashca huasha, 37 huaccha saquirirca; pusac chunca chuscu huatayuc cashpallata, tutantin punchantin Diospac huasipi tiyac carca, sasishpa, Dios-huan rimarishpa. 38 Chai huarmi chai ucullapi shamushpa, Diosta yupaicharca; Jerusalenta, quishpichicta; chaparac runacunamanta huahua Jesusmanta rimai callarirca. 39 Camachic quillca rimashcata pactachishca, huasha, Galileaman ticranurca, paicunapac quiquin llacta Nazaretman. 40 Huahuaca huiñararca, jatunyararca, yachararca; Dios paihuan tiyarca. 41 Jesuspac yayacuna tucui huata Jerusalenman puriccuna carca Pascua raimita rancapac. 42 Jesus chunca ishcai huatayuc tucucpi, yayacunantin Jerusalenman sicarca, judiocunapac yachaita catishpa. 43 Raimi tucuricpi, ticrana puncha, Jesus chaillapi saquirirca, paipac yayacuna mana yachacpi. 44 Paicuna, "shuc aillucunahuan shamuranca" yuyashpa, shuc puncha tupu purinurca; aillucunapura huahuata mashcashpa, 45 mana tupashpa, Jerusalenman ticranurca chaipi paita mashcancapac. 46 Quinsa puncha huashta, Diospac huasipi paita tupanurca, yachaccuna ucupi tiyacushcata, paicunahuan rimarishpa. 47 Tucui paita uyaccuna pai rimashcamanta tapushcamanta mancharinurca, yapa umayuc can nishpa. 48 Yayacuna, Jesusta ricushpa, yapa cushiyanurca; mámaca paita nirca: —Churi, ¿imaraicu ñucanchihuan chashna rurarcanqui? Yapa llaquirishpa canta mashcacurcanchic. 49 Jesus cutipashpa nirca: —Imaraicuta mashcahuarcanquichic? ¿Nuca Yayapaccunata rana cashcata manachu yachanquichic? 50 Chashna nicpi, rimashcata mana atipanurcachu. 51 Chaipac huasha, Jesus Nazareti llactaman paicunahuan ticrarca; chaipi paicunata uyashpa causarca. Paipac mama chai tucushcata shuncupi huacaichirca. 52 Jesusca yuyaipi aichapipash huiñararca; Diospac ñaupacpi runacuna ñaupacpipash sumacta causac carca.
1 Ña chunca pichca huata Tiberio Inca carca. Poncio Pilato Judeapi apu carca; Herodes Galileapi apu carca; paipac huauqui Felipe Itureapi Traconitidepipash apu carca; Lisanias Abilenepi apu carca. 2 Anas-huan Caifas-huan pacriyayacunapac jatun apu canurca. Chai huatapi Dios Zacariaspac churi Juanta rimarca, pai chunlla allpapi tiyashcapi. 3 Juan Jordan nishca yacu patapi tiyac llactacunata puric carca, runacunata cashna camachishpa: —Diosman ticrashpa, bautisai tucuichic cancunapac juchacuna pichai tucuncapac. 4 Chashna tucurca Isaias quillcashca pactarincapac; cashna mari quillcashcarca: Chunlla allpapi shuc shimi uyarin cashna nishpa: "Apunchic rina ñanpita allichchic, cuscachichic" 5 Urcucunata panpayachina can; pucrucunata parijana can; Huishtu ñanpicunata cushcactona can; pucru ñanpita allichina can 6 Chashna tucui runacuna Dios cachashca quishpichinata ricununca. 7 Achca runacuna Juanpacman bautisai tucuncapac shamunucpi, paicunata nirca: —Machacui miraicuna, pitac cancunata rimarca "jatun shamuna ñacachinata quishpinquichic" nishpa? 8 Cancuna Diosman yuyaita ticrachishcata cancuna rurashcacunahuan ricuchichic. Ama pantaichichu "Abraan ñucanchic yayami" nishpa. Cancunata nini: Dios cai rumicunamanta huahuacunata Abraanman surcuna ushan. 9 Tumi ña allichishca can yuracunata cuchuncapac; alli muyucunata mana aparic yura cuchushcami canca ninapi shitai tucuncapac. 10 Rimacpi, runacuna uyashpa paita tapunurca: —¿Imata rana canchic cuti? 11 Juan cutiparca: —Maicanpash ishcai churanata charishpa, mana charicman shucta cuyachun; micunata charic runa mana charicta carachun. 12 Gubirnu cullquita pallaccunapash Juanpacman shamunurca bautisai tucuncapac; paita tapunurca: —Yachachic, ¿ñucánchica imata rana canchic? 13 Juan cutiparca: —Caran amu paganallata mañanquichic. 14 Suldarucunapash paita tapunurca: —¿Nucánchica imata rana canchic? Juan nirca: —Ama imatapash runacunamanta quichunquichichu; ama llulla shimita rimanquichic; cancuna yapachishcahuan cushiyanquichic. 15 Tucui runacuna Mesias shamunata chaparanucpi, Juanta ricushpa tapurinurca: —¿Cai runa Mesiaschu canca? ¿manachu Mesias canca? 16 Chashna cacpi, Juan nirca: —Ñuca cancunata yacuhuan bautisani; ranti, shuc ñucamanta yalli cac shamunca; paipac ushutapac huascata pascancapac mara allichu cani; pai Diospac Samaihuan ninahuanpash cancunata bautisanca? 17 Palata maquipi charin pallashca trigota huairachincapac: trigo muyuta huasipi huacaichinca, trigo quihuata ninapi rupachinca. 18 Chai sami shimicunahuan Juan runacunata camachic carca, cushi shimita paicunaman uyachic carca 19 Apu Herodestapash Juan piñashpa rimarca, paipac huauqui Felipiepac huarmita japishcaraicu, shuc manalli rashcacunatapash rurashcaraicu. 20 Herodes Juanta uyana rantimanta, shuc jatun juchata rarca paita chunta curralpi huichcachishpa. 21 Juanta chunta curralpi chaira mana huichcanucpi, pai runacunata bautisacucpi, Jesustapash bautisarca; pai Dios-huan rimaricucpi, jahua pacha pascarirca; 22 Diospac Samai, urpi shina ricurishpa, Jesuspac jahuapi uraicurca; shuc shimi uyarirca cashna nishpa: —Can ñuca llaquishca Churimi canqui; canhuan achca cushiyani. 23 - 38 Jesus runacunata yachachincapac callarishcapi, quimsa chuncashi huatayuc carca. Runacuna yuyanucpi, Josepac churi carca. Joseca Elipac churi, cai Matatpac churi, cai Levipac churi, cai Melquipac churi, cai Janapac churi, cai Josepac churi, cai Matatiaspac churi, cai;Ampspac churi, cai Naumpac churi, cai Eslipac churi, cai Nagaipac, churi, cai Maatpac churi, cai Matatiaspac churi, cai Semeipac churi, cai Josepac churi, cai Judapac churi, cai Jonapac churi, cai Resapac churi, cai Zorobabelpac churi, cai Salatielpac churi, cai Neripac churi, cai Melquipac churi, cai Adipac churi, cai Cosampac churi, cai Elmodampac churi, cai Erpac churi, cai Josuepac churi, cai Eliecerpac churi, cai Jorimpac churi, cai Matatpac churi, cai Levipac churi, cai Simeonpac churi, cai Judapac churi, cai Josepac. churi, cai Jonampac churi, cai Eliaquinpac churi, cai Meleapac churi, cai Mainampac churi, cai Matatapac churi, cai Natanpac churi, cai Davidpac churi, cai Isaipac churi, cai Obedpac churi, cai Boozpac churi, cai Salmonpac churi, cai Naasompac churi, cai Aminadatpac churi, cai Aranpac churi, cai Esrompac churi, cai Farespac churi, cai Judapac churi, cai Jacobpac churi, cai Isaacpac churi, cai Abraanpac churi, cai Tarepac churi, cai Nacorpac churi, cai Serugpac churi, cai Ragaupac churi, cai Felegpac churi; cai Heberpac churi, cai Salapac churi, cai Cainampac churi, cai Arfaxadpac churi, cai Sempac churi, cai Noepac churi; cai Lamecpac churi, cai Matusalenpac churi, cai Enocpac churi, cai Jaredpac churi, cai Malaleelpac churi, cai Cainampac churi, cai Enospac churi, cai Serpac churi, cai Adanpac churi, cai Diospac churi.
1 Jesus, Diospac Samaihuan juntashca, Jordan yacumanta ticrarca; Samai paita pushacpi, chunlla allpapi causarca chuscu chunca puncha. 2 Chaipi supai paita camarca, Micuna illacpi, mana imata micushpa causarca," chairaicu yarcachirca; 3 Yarcacpi, supai paita nirca: Can Diospac churi cashpa, cai rumita "tanta tucui" nishpa rimai. 4 Jesus cutiparca: —Quillcara tiyan: "Runa mana tantallahuanchu causan". 5 Huasha, supai shuc jatun urcuman paita pusharca; paiman tucui llactacunata ñahuipilla ricuchishpa, 6 nirca: —Cai llactacunapi apu canata cushcanqui; ñucapac mari canun; ñuca munashcaman chaicunata cusha. 7 Can ñucata yapaichacpi, cai tucui canpacmi canca. 8 Rimacpi uyashpa, Jesus nirca: —Quillcara tiyan: "Canpac Apu Diosta yupaichanqui, paillatata uyanqui. 9 Chai huasha, supai Jerusalen llactaman paita pusharca; Diospac huasi jahuapi paita shayachishpa nirca: —Can Diospac churi cashpa, caimanta uraman shitari; 10 quillcara mari tiyan: "Paipac angelcunata cachanca canta ricuncapac. 11 Angelcuna canta maquipi japinunca, ama rumipi susurincapac" 12 Jesus cutipashpa nirca: —Quillcarapash tiyan: "Canpac Apu Diosta ama camaichu". 13 Supai Jesusta camashca huasha, "shuc punchacama" nishpa chincarirca. 14 Jesus, Diospac Samaipac ushaihuan juntashca cashpa, Galileaman ticrarca; tucui llactacunapi paimanta rimarirca. 15 Tantarina huasicunapi yachachic carca; tucui uyaccuna paita chacchanurca. 16 Shuc puncha, Jesus Nazaret llactaman rirca; chai llactapi huiñashca carca. Samana puncha cacpi, tantarina huasiman rirca; yaicushpa, quillcata ricuncapac shayarirca. 17 Profeta Isaias quillcashcata paimah cunurca. Quillcata pascashpa, cashna quillcashcata tuparca: 18 Apu Diospac Samai ñucapimi; pai ñucata jahuirca. Tsuntsu runacunaman cushi shimita uyachincapac cachahuarca; shuncu llaquirishcacunaman quishpina puncha shamunca rashcata huillancapac; ñausa runacunapac ñahuicunata pascancapac cachahurca; aitai tucushpa causaccunman "quishpichishcami canquichic" nishpa rimancapac. 19 Diospac huatami cai huata nishpa tucuicunaman rimancapac. 20 Chaita uyachishpa, quillcata pillushpa yanapacman cushpa, tiyarirca; tantarina huasipi tiyaccuna paiman ricurashpa saquirinurca. 21 Paica rimai callarirca cashna nishpa. —Cunan puncha cancuna uyashca shimi pactarirca, 22 Tucuicuha "yapa alli riman" nishpa rimaranurca; pai rimashca shimicunamanta mancharinurca; mancharishpa ninurca: —Manachu Josepac churi can cai? 23 Jesus paicuna rimarashcata uyashpa nirca: —Cai shimicunata rimanquichic ima chari: "Yachac, can quiquinta janpiri". "Can Cafamaunpi rashcata quiquin llactapi rurai". 24 Huasha nirca: —Shuti cancunata nini: Manapí profeta quiquin llactapi llaquishcami can. 25 Uyahuaichic: Achca huaccha huarmi Israel llactacunapi tiyanurca Elias causashcapi, quimsa huata sucta quilla tupu mana tamiashcapi, tucui allpapi jatun yaricai tiyashcapi. 26 Chai llactacunamanta mana pipacman Dios Eliasta cacharca; shuc chican llactapi causac huaccha huarmipacman paita cacharca, Sidonmanta Sarepta nishca llactapi. 27 Chashnallata, Israel llactacunapi achca sisu runa tiyarca Eliseo profeta causashcapi; paicunamanta mana shucllapash pichai tucurca; ranti, Naaman shutiyuc runa, Siriamanta cashpallata, pichara saquirirca. 28 Chai shimicunata uyashpa, tantarina huasipi tiyaccuna yapa piñarinurca. 29 Jesusta japishpa, llacta canchaman pushanurca urcu uma jahuaman, chaimanta huaicuman shitancapac; chai urcu jahuapi Nazaret llacta tiyarca. 30 Chashnapash, Jesus Ilushpirishpa paicunapacmanta rirca. 31 Chaimanta rishpa, Galileapi tiyac Cafamaun llactaman pactarca; chaiman pactac, samana puncha runacunata yachachicurca. 32 Uyaccuna pai yachachishcamanta mancharinurca, ushaihuan yachachirca mari. 33 Pai rimarashca tantarina huasipi, shuc supai japishca runa tiyarca; chai runa, Jesusta ricushpa, caparishpa nirca: — 34 ¡Caimanta llucshi! ¿Imaraicu ñucanchihuan satirinqui, Nazaretmanta Jesus? ¿Ñucanchicta tucuchincapacchu shamunqui? Canta ricsini, can Diosmanta shamuc santo runami canqui. 35 Rimacpi uyashpa, Jesus supaita piñashpa nirca: —¡Upallai! ¡Cai runamanta llucshi! Supai uyashpa, runata allpaman urmachishpa tucuicunapac ñaupacpi, paimanta llucshirca, paita mana huacllichicshpa. 36 Chaita ricuccuna mancharishpa, paicunapura rimanacunurcanishpa: —¡Manapacha! ¡Cai runa supaicunata rimacpi, supaicuna paita uyanun! 37 Tucui chai suyupac llactacunapi Jesusmanta rimarirca. 38 Tantarina huasimanta llucshishpa, Jesus Simonpac huasiman rirca. Simonpac huarmi mama sinchi uncushpa siricurca; Jesusta "paita alliyachipai" nishpa mananurca. 39 Jesus paiman cumurishpa, uncuita pinashpa rimarca; rimacpi, uncui saquirirca. Chai ucullapi jatarishpa, huarmi paicunahuan rimaricurca, paicunata sirbicurca. 40 Inti yaicushcapi, tucui sami uncushcacunata Jesuspacman pushamunurca; Jesusca caranpi maquicunata churashpa, tucuicunata alliyachirca. Huaquin uncushcacunamanta supaicuna llucshinurca caparishpa: —¡Can Diospac Churimi canqui! Ranti Jesus supaicunata piñarca, mana paicunata rimachirca, yachanurca mari Jesus Mesias cashcata. 41 Cayantiman tutamantashitu, Jesus chai llactamanta llucshishpa, shucman rirca, runa illashcaman. Runacuna, paita mashcashpa rishpa, pai tiyashcaman pactanurca. Paita jarcanayashpa, "ama richu" ninurca. 42 Jesus paicunata nirca: —Shuc llactacunapipash cushi shimita uyachina cani; chaipac mari shamurcani. 44 Chashna cacpi, Galilea llactacunapi tiyac tantarina huasicunapi camachishpa puricurca.
1 Shuc puncha, Genesaret nishca cucha patapi tiyashcapi, achca runa Jesuspacman tantarinurca Diospac shimita uyancapac. 2 Yacu patapi ishcai canua tiyarca; amucuna canuamanta llucshishpa, llicata maillaranurca. 3 Shuc canua Simonpac carca. Jesus chai canuaman yaicushpa, amuta nirca: —Chaupiman ansa tancaichic. Huasha, canuapi tiyarishpa, runacunata yachachirca. 4 Rimanata tucuchishcapi, Simonta nirca: —Cucha chaupiman rishunchic llicata shitancapac, yacu aichacunata japincapac. 5 Pedro nirca: —Yachachic, tuta pacaricta llicata shitashpallata, mana imata japircanchic; chashnapash, can rimacpi, cutillata camasha. 6 Llicata shitashpaca, achca yacu aichacunata japinurca; ñalla llica lliquirirca. 7 Shuc canuapi tiyaccunata cayanurca "yanapac shamuichic" nishpa, Shamunucpi, ishcaintin canuata juntachinurca, ñalla panparicta. 8 Simon Pedro, chaita ricushpa, Jesuspac ñaupacpi cuncurishpa, nirca: —Apunchic, ñucamanta anchuri, ñuca juchayuc runa cani. 9 Chashna achca yacu aichacunata japishcaraicu, pai paihuan tiyaccunantin mancharinurca. 10 Chashnallata, Cebedeopac churicuna Jacobo Juantin, Simonhuan llancaccuna mancharinurca. Jesus Simonta nirca: —Ama manchaichu; cunanmanta runacunata japiccama canqui. 11 Paicuna, canuacunata huatashpa, tucuita saquishpa, Jesus-huan rinurca. 12 Shuc puncha, Jesus shuc llactapi tiyacpi, shuc sisu runa shamurca; Jesusta ricushpa, paipac ñaupacpi tuhuaman urmashpa, paita mañarca nishpa: —Apunchic, can munashpa, ñucata janpina ushanqui. 13 Rimacpi, Jesus maquihuan paita llancarca nishpa: —¡Munanimi, pichashca saquiri! Chai ucullapi, chai runa alliyarca; 14 Jesus paita nirca: —Ama pitapash huillaichu. Pacriyayapacman rilla; Moises rimashcata paiman cunqui camari shina can alliyachi tucushcamanta, can ña alliyashcata tucuicuna yachancapac. 15 Jesus "ama huillaichu" nishpa nicpipash, caran puncha ashtahuan paimanta rimarirca; achca runacuna paipacman tantariccuna carca paita uyancapac, uncuicunamanta allichi tucuncapac. 16 Ranti, Jesus runa illashcaman ric carca Dios-huan rimarincapac. 17 Shuc puncha Jesus yachachicucpi, huaquin fariseocuna camachic quillcata yachaccunapash paita uyaranurca; paicuna Galilea llactacunamanta, Judeamanta, Jerusalenmanta shamunushca carca; paicunapac nahuipi Jesus, Diospac ushaihuan uncuccunata alliyachicurca. 18 Huaquin runacuna, shuc suchu runata cahuitupi huantushpa, shamunurca "Jesus tiyashca huasiman yaicunata munanchic —nishpa—, paipac ñaupacpi uncushcata saquincapac". 19 Ranti, achca runa tiyashcaraicu, mana yaicuna ushanurcachu; chashna cacpi, huasi jahuaman sicanurca: shuc jutcuta rurashpa, uncucta cahuitupi uraicuchinurca. 20 Jesus chai runacuna inishcata yachashpa, suchu runata nirca: —Canpac juchacuna pichara saquirinun. 21 Chashna nicpi, chai fariseocunahuan yachaccunahuan uyashpa, shuncu ucupi ninurca: —¿Pitac can cai runa? Chashna rimashcahuan Diosta camicun. Diosllami juchacunata pichana ushan. 22 Jesus paicuna yuyarashcata yachashpa nirca: —¿Imaraicu chashna yuyaranquichic? 23 ¿Imata ashtahuan rimanalla can: "Canpac juchacuna pichai tucunun" nishpa rimanachu? ¿"jatarishpa puri" nishpa rimanachu? ¿Imata ninquichic? ¿Manachu cutipahuanquichic? Allimi. 24 Cai RUNA cai pachapi juchacunata pichana ushashcata cunan ricuchinca rani. Chashna rimashpa, chai suchu runata nirca: —Jatari, canpac cahuituta apashpa ri. 25 Chai ucullapi, suchu runa, tucuicuna ricuranucpi, jatarishpa, cahuituta apashpa rirca, Diosta yupaichashpa. 26 Chaita ricushpa, tucuilla Diosta yupaichanurca mancharishpa nishpa: —¡Manapacha! Cunan puncha munanayactami ricurcanchic. 27 Jesus chaimanta llucshishpa, shuc gubirnu cullquita pallac runata ricurca; paipac shuti Levi carca; gubirnu cullquita pagana huasipi tiyacurca. Jesus paita nirca: —¡Ñucahuan shamui! 28 Chai runa uyashpa, jatarishpa, tucuita saquishpa, Jesusta catishpa rirca. 29 Huasha, shuc puncha Levi jatun raimita paipac huasipi rurarca Jesusta pacrachuncapac; achca gubirnu cullquita pallaccuna shuc runacunapash micuncapac shamunurca. 30 Fariseocunahuan camachic quillcata yachaccunahuan chaita ricushpa, Jesus yachachishcacunata piñanurca nishpa: —¿Imaraicu gubirnu cullquita pallaccunahuan juchayuccunahuanpash micushpa upiashpa purinquichic? 31 Rimanucpi uyashp Jesus paicunata nirca: —Alli causaccuna janpiccamata mana mutsunun; uncuccuna janpiccamata mutsunun. 32 Ñúcaca mana shamurcanichu allicuhata cayancapac; juchayuccunata mashcancapac shamurcani, Diosman ticranuchun nishpa. 33 Chashna nicpi uyashpa paicuna Jesusta tapunurca: —Juanta caticcunahuan fariseocunata caticcunahuanpash sasishpa, Dios-huan rimarishpa causanun; imaraicu canpaccuna micushpalla, upiashpalia causanun? 34 Jesus cutiparca: —¿Shuc sahuarinaman cayashcacunata sasichina allichu, cari paicunahuan tiyacucpi? Mana. 35 Shuc puncha cari pushai tucunca, sahuarina raimi tucurinca; chai huasha sasinunca. 36 Yachachishpa caitapash nirca: —Manapí rucu churanata llachapancapac mushu churanamanta shuc pitita pitinchu. Chashna ruracpi, mushu churanata huacllichin; mushu churana piti mana alli ricurin rucu churanapi. 37 Chashnallata, manapí mushu binota rucu cara purupi churan; chashna ruracpi, mushu bino cara puruta tucyachin, binontin cara puruntin huacllirin. 38 Chairaicu mushu binota mushu cara purupi huacaichina can. 39 Rucu binota upiac runa mushuta mana munanchu; rucu bino ashtahuan alli mari can.
1 Shuc samana puncha, Jesus shuc tarpushca ucuta puricucpi, yachachishcacuna trigo huancuta aisashpa, maquihuan ishcushpa, muyucunata micuranurca. 2 Chaita ricushpa, huaquin farisepcuna paicunata ninurca: —¿Imaraicu samana puncha mana ranata ruracunquichic? 3 Jesus cutiparca: —¿Manachu yachanquichic shuc cuti David rashcata, pai paipaccunantin yaricachicpi? 4 Diospac huasiman yaicushpa, camari tantacunata japishpa micurca; paihuan tiyaccunatapash cararca; chai laya tantacunata pacriyayacunalla micuna ushanun. 5 Huasha nirca: —Cai RUNA samana punchapi pai munashcata rurana ushan. 6 Shuc samana punchapash, Jesus tantarina huasiman yaicushpa, yachachincapac callarirca. Chaipi shuc alli maqui huacllishca runa tiyarca. 7 Camachic quillcata yachaccuna fariseocunantin Jesusta chaparanurca, "samana puncha chai runata allichincachu" yuyashpa, paita juchachincapac. 8 Jesus paicuna yuyarishcata ricsishpa, chai maqui huacllishca runata nirca: —Uyai, jatarishpa chaupi shuncupi shayari. 9 Shayaricpi, Jesus chaipi tiyaccunata nirca: —Cancunata tapuni: ¿Samana puncha imata rana usharin? ¿manallita rana usharinchu? ¿shuc runata huañunamanta quishpichina usharinchu? ¿huañuncapac saquinachu? ¿Imata ninquichic? 10 Huasha, chaipi tiyaccunaman ricushpa, maqui chaquishca runata nirca: —Maquita chutachi. Chutachicpi, paipac maqui alliyashca saquirirca. 11 Chaita ricushpa, Jesusta chicniccuna yapa pinarinurca; paicunapura rimarishpa, "imata Jesusta rurashun" tapuriranurca. 12 Shuc puncha, Jesus shuc urcuman sicashpa, tuta pacaricta Dios-huan rimaricurca. 13 Puncha pacaricpi, yachachishcacunata cayashpa, paicunamanta chunca ishcaita acllarca apostolcuna tucuncapac. 14 Caicunami paicunapac shuticuna: Simon (huasha "Pedro" nishpa shutichirca), paipac huauqui Andres, Jacobo, Juan, Felipe, Bartolome, 15 Mateo, Tomas, Alfeopac churi Jacobo, Simon "celotes" nishca, 16 Jacobopac huauqui Judas, Judas Iscariote (cai runa puchucaipi Jesusmanta anchurishpa paita japichirca). 17 Jesus paipaccunantin urcumanta uraicushpa, shuc panpapi shayarirca; chaiman yachachishcacuna tantarinurca; shuc achca runacunapash tiyanurca Judeamanta, Jerusalenmanta, ñuchu yacu mayanpi tiyac Sidon Tiro llactacunamanta; paicuna Jesusta uyahcapac, uncuicunamanta allichi tucuncapac shamunushca carca. 18 Supai japishcacunapash alliyachi tucunurca. 19 Tucui runacuna Jesusta llancanata munanurca, tucuicunata mari paipac ushaihuan alliyachic carca. 20 Jesus paicunata ricushpa nirca: —Cushiyaichic, mana imayuccuna, Diospac pacha cancunapacmi. 21 Cushiyaichic cai allpapi yaricaccuna, sacsai tucunquichic mari. Cushiyaichic cunan huacaccuna, shuc puncha asinquichicmi. 22 Cushiyaichic runacuna cancunata chicninucpi, cancunata piñanucpi cancuna cai RUNATA llaquishcamanta. 23 Chashna tucucpi cushiyanquichic: jahua pachapi cancuna cui tucuna yapa alli canca. Paicunapac ñaupacuna chaillatata ranurca Dios cachashcacuhahuan. 24 - 25 Ranti, ¡cancuna achcata chariccuna!: Ña caipi cushita charircanquichic. ¡Cancuna sacsashca causaccuna!: Huasha yaricanquichic. ¡Cunan asiccuna!: Huasha huacanquichic. 26 Ayailla, tucui runacuna cancttnamanta allita rimanucpi. Cancunapac ñaupacuna chaillatata ranurca llulla profetacunahuan. 27 "Ñucata uyacuccunata nini: Cancunata chicniccunata llaquinquichic, cancunata pinaccunaman allita ruranquichic. 28 Cancunata manallita rimaccunata bendisianquichic; cancunata piñaccunamanta Diosta mañanquichic. 29 "Shuc ñahui aichapi canta macanucpi, shuctapash ricuchinqui; camisata quichunucpi, calsuntapash ama mitsaichu, 30 Canta imatapash mañanucpi cunqui; canpacta shuhuanucpi, "cai ñucapacmi" nishpa ama nichu. 31 "Shuccuna cancunahuan ruranuchun muhashca shina, paicunahuan rurahquichic. 32 "Cancunata llaquiccunallata llaquishpa, ¿ima allita ruranquichic? Juchayuccunapash paicunata llaquiccunata llaquinun. 33 Cancunata yanapaccunamanlla yanapashpa, ¿ima jatunta ranquichic? Juchayuccunapash chaita rurac canun. 34 "Cancuna imatapash cushpa manachiccunaman, "ñuca mutsuna pacha cuhuancami" yuyashpa, ima jatunta ranquichic? Juchayuccunapash juchayuccunaman cunun, cushca tuputa japincapac. 35 Cancuna ama chashna raichichu. Cancunata chiniccunata llaquinquichic, allita paicunata ruranquichic; mañachiccunaman cunquichic, imatapash mana chapashpa rantimanta. Cancuna chashna ruracpi, canbuna cui tucuna yapa alli canca, jatun Diospac churicuna canquichic; pai juchayuccunahuan mana pacrachuccunahuanpash alli shuncu can. 36 Alli shuncuyuc caichic cancunapac Yaya Dios shina. 37 "Ama taripaichichu, ama taripai tucuncapac. Ama cautsayachichu, ama cautsayachi tucuncapac. Quishpichichic, Diosca cancunata quishpichinca. 38 Cancuna cushpa cushcanquichic. Dios cancuna cushcamanta yalli cancunaman cunca. Cancuna tupushca tupullahuan tupui tucunquichic. 39 "¿Shuc ñausa runa shuc ñausa runata pushana ushancachu? ¿Manachu ishcaintin shuc jutcupi urmanunca? 40 Yachachishca runa paita yachachicmanta mana yallichu; maicanpash alli yachachishca cashpa, paita yachachic shina tucunca. 41 "¿Imaraicu canpac huauquipac ñahuipi tiyac mapashituta ricunqui, canpac quiquin ñahuipi tiyac caspita mana ricushpa? 42 ¿Imaraicu canpac huauquita ninqui: "Huauqui, canpa ñahuimanta mapashituta anchuchihuapai" nishpa, canpac ñahuipi tiyac caspita mana ricushpa? ¡Llullacama! Ñaupacta canpac ñahuimanta caspita surcunqui, chai huasha canpac huauquipac ñahuimanta mapashituta surcuncapac alli ricunqui. 43 Alli yura alli muyucunata aparin, manalli yura manalli muyucunata aparin, 44 Caran yura pai aparishca muyumanta ricsirin. Chinimanta higo nishca muyucunata mana pallanchichu; pilchimanta ubillasta mana japinchichu. 45 Alli runa paipac shuncupi charishca allimanta allita llucshichin; manalli runa, manalli yuyaita charishpa, paipac shuncumanta manallita llucshichin. Runa shuncupi charishcamanta shimihuan riman. 46 ¿Imaraicu ñucata, "Apulla, Apulla" nishpa cayahuanquichic, ñuca camachishcataca mana pactachinquichic?. 47 Shuc yachachina rimanata rimanca rani, uyahuaichic; Ñucapacman shamuc runa, ñuca camachishcata uyashpa pactachicpi, 48 shuc huasita rurashca shinami; ñaupacta ucuta allarca sinchi allpa tupanacama; chai jutcupi istanticunata shayachirca. Shuc puncha, yacu juntarirca, huasita urmachinayarca; huasica mana cuyurishcachu, sinchi allpa jahuapi shayachishca cashpa. 49 Ranti, ñuca camachishcata uyashpa mana pactachic runa, allpa jahuapi huasita shayachishca shinami; mana ucuta allacpi, yacu juntarishpa, huasita cuyuchishpa urmachirca; chai runa huasi illac saquirirca.
1 Jesus runacunaman rimanata tucuchishpa, Cafarnaun llactaman yaicurca. 2 Chaipi shuc suldaru apu tiyarca, paipac luncu yapa uncushca carca; ña huañunca ran; chai suldaru apu paita yapa llaquirca. 3 Chai suldaru apu, Jesusmanta uyashpa, judio runacunata paipacman cacharca rimancapac nishpa: —Shamupai ñuca luncuta alliyachincapac. 4 Paicuna Jesuspacman pactashpa, achcata mañanurca nishpa: —Cai suldaru apu alli can, pai mañashcata rurapanqui. 5 Pai ñucanchicta llaquin, ñucanchicpac shuc tantarina huasita rurarca. 6 Jesus chaita uyashpa paicunahuan rirca. Ña huasiman pactanca racucpi, suldaru apu mashicunata cacharca Jesusta rimancapac nishpa: —Apulla, ñuca mana imapash cani can ñuca huasiman yaicuncapac. 7 Chairaicu. ñuca quiquinllata mana shamurcanichu canhuan rimancapac. Can shimillahuan rimacpi, ñuca luncu alliyancami. 8 Ñúcaca, shuccunata uyac runa cashpa, suldarucuna apu cani. Shuc suldarata "ri" nicpi, pai rinmi. Shucta "shamui" nicpi, pai shamun. Ñuca luncuta "caita rurai" nicpi, pai ruranmi. 9 Jesus chaita uyashpa yapa mancharirca; paita caticcunata nirca: —Israelpipash chashna inishcata mana tuparcanichu. 10 Chai suldau apu cachashcacuna huasiman ticrashpa, uncuc luncuta alliyashcata tupanurca. 11 Shuc puncha, Jesus Naim nishca llactaman riracpi, pai yachachishcacuna achca runacunapash paihuan riranurca. 12 Llactaman pactacushcallapita, shuc huanushca runata panpancapac huantuccunahuan tuparirca; huañúshcaca huaccha huarmipac shuclla churi carca. Achca runa huarmita catiranurca. 13 Jesus paita ricushpa, llaquirishpa, nirca: —Huarmi, ama huacaichu. 14 Huañushcata huantuccunaman mayanyashpa, aya cajonta llancarca; llancacpi, shayarinurca. Jesus huañushcata nirca: —Huanpra, jatari nini. 15 Chai ucullapi huañushca runa causarirca, rimancapac callarirca. Jesus paita mamaman curca. 16 Tucui runacuna, chaita ricushpa, mancharishpa, Diosta yupaichanurca nishpa: —¡Jatun profeta nucanchipacpi jatarirca! ¡Dios paipac runacunamanta yuyarircami! 18 Bautisac Juanpash chai tucuita uyarca, paito caticcuna huillanucpi. Chashna cacpi paicunamanta ishcaita cayashpa, 19 Jesuspacman cacharca tapuncapac paichu shmuna cac, shuctachu chapana. 20 Chai runacuna Jesuspacman pactashpa, ninurca: —Bautisac Juan ñucanchicta cachamurca canta tapuncapac: ¿Canchu shamuna cac? ¿shuctachu chapana canchic? 21 Chai ucullapi, achca uncushcacunata alliyachirca; supai japishcacunamanta supaita jichurca; mana ricuc ñausacuna ricuncapac callarinurca. 22 Chashna rurashpa, Jesus paicunata nirca: —Juanpacman ticraichic; cancuna ricushcata uyashcatapash huillanquichic. Paita rimanquichic nishpa: Ñausa runacuna ricunun; jancacuna alli purinun; sisu runacuna pichara saquirinun; upa rinricuna uyanun; huañushcacuna causachi tucunun; cushi shimita tsuntsu runacunaman huillanun. 23 ¡Ñucahuan tuparic runa cushiyucmi can, ñucamanta mana piñarishpa anchuricpi! 24 Juanpaccuna rishca huasha, Jesus Juanmanta rimancapac callaritca cashna nishpa: —¿Imata ricuncapac chunlla allpaman rircanquichic? ¿Huaira cuyuchishca pintutachu ricuncapac? 25 Chai mana cacpi, ¿imata ricucrircanquichic? ¿Sumac churanata churarishca runatachu?. Chashna churarishcacuna, raimishpalla causaccuna apucunanapac huasicunapi tiyanun. 26 Shinacpi, ¿imata ricucrircanquichic? ¿Shuc profetachu?. Ari; ashtahuanpash, profetamanta yalli cacta ricurcanquichic. 27 Juanmanta mari quillcara tiyan: Riqui, ñuca shimita apac runata cacharani, canta ñaupashpa ñanpita allichincapac. 28 "Shuti nini: Bautisac Juan cunan punchacama causashca runacunamanta yallimi can; chashna cacpipash, Diospac pachapi ura cac runa Juanmanta yalli jatunmi can. 29 "Achca runacuna gubirnu cullquita pallaccunapash Juanta inishpa bautisai tucushpa, Diosta chacchanurca; 30 ranti fariseocuna camachic quillcata yachaccunapash, Juanpacpi mana baudsai tucushpa, Diosta mana chacchanurcachu. 31 Huasha Jesus nirca; —¿Cunan causaccunamanta imata rimasha? ¿Imashina ricurinun?. 32 Huahuacuna shinacanun; pulasacunapi pucllashpa, shuccuna shuccunata ninun: "Pincullurcanchic, cancunaca mana tushurcanquichic; llaquilla taquircanchic, cancunaca mana huarcanquichic" 33 Cairaicu nini: Bautisac Juan tantata mana micushpa, binota mana upiashpa causarca; cancunaca "supaita charin" nircanquichic. 34 Huasha, cai RUNA shamurca; pai micuc can, upiac can; cancunaca ninquichic: Cai runa micuisiqui, upiaisiqui can: manallicunahuan gubirnu cullquita pallaccunahuan llaquicpura can. 35 Ranti, Diospac yachai pai rurashcacunapi ricurin. 36 Shuc puncha, shuc fariseo runa Jesusta cayarca paihuan micuncapac; Jesus fariseo huasiman yaicushpa, mesapi micuncapac tiyarirca. 37 Shuc chai llactamanta manalli huarmi, Jesus fariseo huasipi micuracpi uyashpa, shuc asnac yacu butita apashpa paipacman rirca; huasiman yaicushpa, 38 Jesuspac chaquipi cuncurirca huacashpa; paipac ñahui huiquihuan Jesuspac chaquita jucuchirca, paipac acchahuan chaquichishpa; huasha, Jesuspac chaquicunata muchashpa, asnac yacuhuan chaicunata armachirca. 39 Fariseo runa, chai tucuita ricushpa, paipac shuncupi nirirca: "Cai runa profeta cashpa, yachanman ima laya cashcata paita llancac huarmi; juchayuc huarmi cashcata ricsinman". 40 Chashna yuyaracpi, Jesus paita nirca: —Simon, shuc shimita canta rimachihuapai. Simon nirca: —Rimailla, Yachachiccama. 41 Jesus nirca: —Shuc dibiyachic runa ishcai dibiyucta charirca. Shuc pichca patsac dibirca, shuc pichca chunca. 42 Chai ishcai dibiyuccuna mana imahuan paganata charinucpi, dibiyachic paicunata quishpichirca. Chai ishcaimanta maicantac ashtahuan llaquinca?. 43 Simon cutipashpa rirca: —Yalli dibiyuc yalli llaquinca yachin. Chashna nicpi uyashpa Jesus paita nirca: —Chashnami can, alli yuyarcanqui. 44 Huasha huarmiman ricushpa, Simonta nirca: —¿Cai huarmita ricuranquichu? Ñuca canpac huasiman yaicushcapi, ñuca chaquita mana maillahuarcanqui; ranti, cai huarmi ñuca chaquita paipac ñahui huiquihuan maillarca, paipac acchahuan chaquichirca. 45 Can ñucata mana mucharcanquichu, ranti, cai huarmi caiman yaicushcamanta pacha, ñuca chaquita mana saquishpa muchan. 46 Can ñuca umapi asnac huirata mana tallircanquichu; cai huarmi ñuca chaquicunata asnac yacuhuan armachirca. 47 Chairaicu canta nini: Paipac juchacuna, achca cashpallata, pichashca saquirinun, cai huarmi achca llaquishcaraicumanta. Maicanpash ansalla perdonashca cashpa, ansalla llaquin. 48 Huasha huarmita rimarca nishpa: —Canpac juchacuna pichara saquirinun. 49 Chai shimicunata uyashpa, Jesus-huan micuraccuna paicunapura rimai callarinurca nishpa: ¿Pitac can cai runa juchacunatapash pichancapac? Jesus huarmita nirca: —Can inishca canta quishpichirca; casilla ri.
1 Chaimanta rishpa, Jesus achca llactacunata purirca, camachishpa, Diospac pachamanta yachachishpa. Chunca ishcai apostolcuna paihuan rinurca. 2 Shuc huarmicunapash paita catinurca; Jesus paicunata supaimanta uncuimantapash quishpichishca carca. Shuc Maria Magdalena carca; paimanta canchis supaicunata jichushca carca. 3 Shuc Juana shutiyuc carca, Chuzapac huarmi; pai Herodespac imacunata ricuccama carca; shuc Susana shutiyuc carca; achca shuccunapash Jesus-huan puriccuna carca, cullquihuan paita yanapashpa. 4 Camachishpa Jesus puriracpi, achca runa paita ricuncapac llactacunamanta shamunurca; chai runacunata ricushpa, Jesus yachachishpa nirca: — 5 Shuc runa chacraman rirca tarpuncapac. Tarpucpi, huaquin muyucuna ñahpipi urmanurca; ñanpita puriccuna chaita jaitanurca, pishcucuna micunurca. 6 Huaquin muyucuna rumiyuc allpapi urmanurca; huiñashpalla chaquirinurca, yacu illacpi. 7 Huaquin muyucuna huita ucupi urmanurca; huítaca alli muyucunata mana huiñachirca. 8 Huaquin muyucuna alli allpapi urmanurca; sumac huiñanurca, achcata aparinurca, caran muyu shuc patsac muyuta aparirca. Chashna rimarca Jesus; huasha, sinchi shimihuan nirca: ¡"Rinriyuc runa uyachun"! 9 Yachachishcacuna, Jesus rimashcata uyashpa, tapunurca: —¿Can rimashca imata yachachin? 10 Jesus nirca: —Dios paipac pachamanta pacashca shimicunata candunaman ricsichin; ranti, shuccunaman yachaehina shimicunahuan yachachini; paicuna ricushpallata, mana ricushca shina saquirinun; uyashpallata, mana atipanun. 11 Tarpucmanta rimashca caita yachachin.: "Tarpushca muyu Dios rimashca shimi can. 12 Ñanpipi urmashca muyucuna runata ricuchinun, Diospac shimita uyac runata; supai chai runapac yuyaimanta chai Diospac shimita quichun, ama inishpa quishpichi tucuchun nishpa. 13 "Rumiyuc allpapi urmashca muyucuna, shimita uyac runata, chaita cushihuan chasquic runata ricuchin; chaicuna mana unaichu ininun; mana sinchi inishcahuan inishpa, juchanayai shamucpi, juchapi urmanun. 14 "Huita ucupi urmashca muyucuna, Diospac shimita uyac runata ricuchin; chai laya runacuna cullquita, cushicunallata yuyanun; chairaicu mana aparinun. 15 "Alli ailpapi urmashca muyucuna, munaihuan, alli yuyaihuan Diospac shimita chasquic runata ricuchin; huiñai inishpa catinun, achcata aparinun. 16 "Manapí chinpusuta japichin imahuanpash chaita quillpancapac, cahuitu ucupi churancapac. Chaita jahuapi churanun, huasiman yaicuccuna ricunuchun nishpa. 17 Imatapash pacashca cashpa, pacllaman llucshichishcami canca; pacalla rimashcataca tucuicuna yachanunca. 18 Chashna cacpi, allita uyanquichic: Charic runa ashtahuan cui tucunca; mana charic runata pai charishcashitutapash quichununca". 19 Jesus rimacucpi, paipac mama, paipac huauquicuna shamunurca; achca runa tantarinucpi, Jesus tiyashcaman mana pactana ushanurcachu. 20 Shuc runa Jesusta nirca: —Uyai, canpac mama canpac huauquicunapash canchapi tiyanun, canta salurana munanun. 21 Rimacpi uyashpa Jesus nirca: —Dios rimashca shimita uyashpa pactachic runacuna, paicunami ñuca mama, ñuca huauquicuna. 22 Shuc puncha, Jesus paipaccunantin shuc canuapi yaicushpa nirca: —Jacuichic chinpaman 23 Riranucpi Jesus puñuncapac siririrca. Cuncaimanta sinchi huaira jatarirca; bacucuna canuata jaitanucpi, ñalla panparirarca. 24 Jesusta ricchachishpa ninurca: —¡Yachachic, Yachachic, panparicunchicmi! Jesus riccharishpa, jatarirca; huairata bacucunatapash piñashpa rimarca; rimacpi, bacucuna samarinurca, tucui casilla saquirirca. 25 Chashna tucucpi, Jesus yachachishcacunata nirca: —¿Cancuna inishca ima tucurca? Paicunaca, mancharishpa rimanacunurca nishpa: —¡Mana pacha! ¿Pitac can cai runa? Yacuta huairatapash rimacpi, paita uyanun. 26 Cahuishpa cahuishpa Gadara nishca allpaman pactanurca, cucha chinpaman. 27 Jesus canuamanta llucshicpi, chai llactamanta shuc runa Jesuspacman shamurca. Chai runa unaimanta supai japishca carca. Llushti puric carca; mana huasipi causac carca; aya jutcu panpapi causac carca. 28 Jesusta ricushpa, paipac ñaupacpi tuhuaman urmashpa, caparirca nishpa: —¿Imaraicu ñucanchihuan satiringui, Jesus, jatun Diospac churi? Ama ñucata ñacachipaichu. 29 Chashna rimarca, Jesus supaita "chai runamanta llucshi" nishpa rimashcaraicu. Achca cuti supai paita japishca carca; runacuna jillai huascacunahuan huatanucpi, pai huascacunata pitishpa, chunlla allpacunaman miticuc carca, supai purichishcaman. 30 Jesus paita tapurca: —Ima shuti canqui? Pai cutiparca: —Nuca shuti "jatunbula". Achca supaicuna paipac ucupi yaicunushca carca mari. 31 Chai supaicuna Jesusta mañanurca ama paicuna causashca jutcuman cachachun. 32 Shuc urcupi achca cuchicuna micuranurca; supaicuna Jesusta mañanurca nishpa: —Chai cuchicunapi ñucanchicta yaicuchipai. 33 Jesus "yaicuichiclla" rimacpi, chai supaicuna runamanta llucshishpa, cuchicunapi yaicunurca; yaicushpaca shuc huaicuta cuchaman shitarinurca; yacupi chucallishpa huañunurca. 34 Cuchicunata ricuccuna, chaita ricushpa, mancharishpa callpanurca tucuicunaman huillacrincapac. 35 Paicuna rimashcata uyaccuna, ima tucushcata ricushun nishpa, Jesus tiyashcaman rinurca; chaiman pactashpa ricunucpi, chai supai japishca runa ña alliyashpa, churanata churarishpa Jesus-huan rimaricurca; paita ricushpa, mancharinurca. 36 Chai runahuan tucushcata ricushcacuna imashnata supaimanta quishpichishca cashcata paicunaman rimanurca. 37 Chashna cacpi, Gadara suyupi causac runacuna Jesusta mahanurca "caimanta ripai" nishpa, yapa mancharishca canurca mari. Chairaicu, Jesus canuapi yaicushpa rirca. 38 Supaicunamanta quishpichi tucushca runa Jesusta mañarca nishpa: —Canhuan pushahuapai. Jesus paita nirca: — 39 Saquinlla; canpac huasiman ticrashpa, Dios canhuan rashcata tucuicunaman huillanqui. Chashna nicpi, chai runa nshpa, tucui llactapi tiyaccunaman Jesus paihuan rurashcata huillarca. 40 Jesus cuchata chinpashpa ticracpi, runacuna paita chaparanucpi, cushihuan paita chasquinurca. 41 Paicunahuan nmanshcapi, shuc runa shamurca, Jairo shutiyuc, tantanna huasipi camachiccama. Jesuspac ñaupacpi tuhuaman urmashpa, paita mañarca nishpa: —Ñuca huasiman shamupai. 42 Shuc ushushillata chanrca, chunca ishcai huatayuc; paica uncushpa huañurarca. Jesus nshcapi, achca runacuna paita catishpa, tancashpa tancashpa punranurca. 43 Chai runacuna ucupi shuc uncushca huarmi tiyarca. Chunca ishcai huatata yahuar tallinshpa causarca; janjpiccunahuan paipac cullquita tucuchishca cacpi, paita mana janpina ushanurcachu. 44 Chai huarmi Jesusman huashamata mayanyashpa, paipac churanata llacarca; llancashpallahuan paipac yahuar saquinrca. 45 Chashna tucucpi, Jesus nirca: —¿Pitac llancahuarca? Tucuicuna "ñuca mana" nishpa nmanucpi, Pedro nirca: —Yachachiccama, achca runacuna canta ñitinun, tancashpa tancashpa quichquiyachinun; ¿canca "pitac llancahuarca" ninqui? 46 Jesus cutillata nirca: —Huaquin runa llancahuarca; ñuca ushaihuan shuc runata alliyachishcata yacharcani man. 47 Huarmi, chaita uyashpa, "Jesus yachanmi" yuyashpa, chucchushpa Jesuspac ñaupacpi cuncunrca. Tucui runacuna uyanucpi, imaraicu Jesusta llancashcata nmarca; "llancashpallahuan alliyachi tucurcani" nirca. 48 Jesus paita nirca: —Ushushi, can inishcaraicu alliyachi tucurcanqui. ¡Casilla n! 49 Jesus chaira nmacucpi, shuc runa Jairopac huasimanta shamushpa, paita nirca: —Canpac ushushi ña huañurca; ama Jesusta quillachichu. 50 Jesus chaita uyashpa Jairota nirca: —Ama llaquinchu; inilla, canpac ushushi alliyancami. 51 Huasiman pactanucpi, manapita saquirca paihuan yaicuncapac: Pedrohuan, Jacobohuan, Juanhuan huahuapac yayacunahuan yaicunurca. 52 Chaipi tiyaccuna huahuamanta huacaranurca capanshpa. Jesus paicunata nirca: —Ama huacaichichu, huahua mana huañushcachu, puñuranlla. 53 Chashna nicpi, uyaccuna paita asiranurca, huahua huañushcata yachashpa. 54 Jesus huahuata maquimanta japishpa, sinchi shimihuan nirca: —Huahua, jatan! 55 Chai ucullapi huahua causanshpa jatanrca. Jesus nirca: —Paita caraichic. 56 Huahuapac yayacuna manchannurca; Jesus paicunata nirca: —Cai tucushcata ama pitapash huillaichichu.
1 Shuc puncha, Jesus paipac shunca ishcai runacunata tantachishpa, tucui laya supaicunata jichuna ushanata, uncuccunata janpina ushanatapash paicunaman curca. 2 Chai huasha, Diospac shimita uyachincapac, uncuccunata janpincapac paicunata cacharca cashna nishpa: — 3 Ama imatapash apanquichichu; punna caspita, shicrata, tantata cullquitapash ama apanquichichu; shuc churanallata apanquichic. 4 Shuc huasipi yaicushpa, chaillapi saquinnquichic llactamanta llucshinacama. 5 Shuc llactapi cancunata mana chasquinucpi, chaimanta llucshishpa, chaquimanta allpata chausinquichic, paicuna mana alli rashcata ncuchincapac. 6 Chashna nicpi, paicuna tucui uchilla llactacunata nnurca, Diospac alli shimita camachishpa, uncuccunata janpishpa. 7 Jatun apu Herodes Jesus rashcacunata uyarca; uyashpami ninrca: "Pi chan canca cai runa, huaquincuna "Juanmi" ninun man, huañushca cashpa causanshcami. 8 Shuccuna "profeta Eliasmi" ninun; shuccuna "ñaupa tiyashca profetami causanshca"; chashna nmanun. 9 Ranti, Jerodes nirca: —Ñucallata Juanta huañuchichircani; pi chan canca cai runa; paimanta achcata nmahuanun. Chashna nishpa Jerodes Jesusta ncunata munarca. 10 Jesus camachincapac cachashcacuna ticramushpa, tucui rashcata Jesusta huillanurca. Jesus uyashpa, paicunahuan runa illashcaman nrca, Betsaida nishca llacta mayanpi. 11 Runacuna, chaita yachashpa, Jesusta catishpa nnurca; pai tiyashcaman pactanucpi, Jesus paicunata Diospac pachamanta yachachirca, uncuccunata alliyachirca. 12 Ña tutayaracpi, apostolcuna Jesusta ninurca: —Runacunata cachannqui; mayan huasicunapi micuncapac, puñuncapac nnuchun, cai panpapi manaima tiyan. 13 Jesus cutiparca: —Cancuna paicunata caranquichic. —¿Imahuan? —ninurca—; pichca tantata, ishcai yacu aichata channchic. Ñucanchillata micuna rantishpa, paicunata carashun imachai. 14 Pichca huarancashi canurca cancunalla. Jesus nirca: —Runacunata pichca chunca pichca chunca tiyanchichic. 15 Tucuicuna tiyannurca. 16 Tiyannucpi, Jesus tantacunata yacu aichacunatapash japirca. Huasha, jahuaman ncushpa, Diosta pacrachushpa, chaicunata paquishpa apostolcunaman curca, paicuna runacunata carancapac. 17 Tucuicuna sacsacta micunurca; puchushcata pallashpa, chunca ishcai ashancata juntachinurca. 18 Shuc puncha Jesus chunlla allpaman nrca Dios-huan nmanncapac; yachachishcacuna paihuan tiyanurca. Jesus paicunata tapurca: —Runacuna pimi ninun ñucata? 19 Cutipanurca: —Huaquincuna "Bautisac Juanmi" ninun; huaquincuna "Eliasmi" ninun; huaquincuna "Shuc ñaupa profetacunamanta causanshca" ninun. 20 Jesus cutillata tapurca: —Cancunaca pimi nishpata nihuanquichic nucata? Pedro nirca: —Can Dios jahuishca runami canqui. 21 Chashna nicpi, Jesus paicunata nirca: —Ama pitapash huillaichichu. 22 Huasha nirca: —Cai RUNA achcata llaquichi; tucunca; rucucuna, pacnyaya apucuna, yachaccuna paita chicninunca, paita huanuchinunca; chashnapash, quimsa punchapi causanncami. 23 Huasha, Jesus tucui runacunata nmarca nishpa:' —Maicanpash ñucata catinayashpa, quiquinpac munaita saquichun, crusta apanshpa ñucata catichun. 24 Maicanpash causaita quishpichinayashpa, chaita chincachincami; causaita chincachic ñucaraicu, causaita tupanca. 25 ¿Imata yapachin shuc runa tucui cai pachapi tiyashcata yapachishpa, pai quiquinllata chincachicpi?. 26 "Maicanpash ñucamanta ñuca yachachishcamantapash pincancpi, cai RUNApash paimanta pincanncami, pai apu tucushpa, paipac Yayahuan angelcunahuanpash shamuna punchapi. 27 Shuti pacha cancunata nini: Caipi tiyaccunamanta huaquincuna chaira mana huañushpa, Diospac pacha shamushcata ncununca. 28 Pusac puncha huasha, Jesus shuc urcuman sicarca Dios-huan nmanncapac; Pedro, Jacobo, Juan paihuan nnurca. 29 Dios-huan nmacucpi, paipac" ñahui shuc laya tucurca; paipac churana yuraclla, punchaclla inti shina ncunrca. 30 Cuncaimanta, ishcai runa ncunmunurca Jesus-huan nmanshpa: shuc Moises carca, shuc Elias carca; 31 paicunapash yuraclla ncunranurca; Jesus Jerusalen llactapi huañunca rashcata nmanranurca. 32 Pedro paihuan tiyaccunantin, yapa puñunayashpallata mana puñunurca, 33 Chai ishcai runa ña Jesusmanta anchunranucpi, Pedro Jesusta nirca: —Yachachic, alli tiyaranchic caipi. Can munacpi, quimsa tanputa rurashun: canpac shuc, Moisespac shuc, Eliaspac shuc. Mana yachashpa chashna nmarca. 34 Chaira nmacucpi, shuc puyu paicunata quillparca; puyu ucupi yapa manchannurca. 35 Chai puyumanta shuc shimi uyanrca cashna nishpa: —Caimi ñuca llaquishca Chun. Paita uyana canquichic. 36 Huasha, shimi upallarca, mana uyanrca; Jesus sapalla tiyarca. Yachachishcacuna manapita paicuna ncushcata huillanurca. 37 Cayantin puncha, urcumanta uraicunucpi, achca runa paicunahuan tupanncapac nnurca. 38 Paicunamanta shuc sinchi shimihuan Jesusta nirca: —Yachachic, ñuca chunmanta imatapash rurapai, ñuca shuclla chunmi. 39 Shuc supai paita japic can; paita capanchin; shimimanta putscuta llucshichin, paita yapa ñacachin, paimanta mana llucshinata munan. 40 Can yachachishcacunata mañarcani supaita llucshichincapac; mana ushanurcachu. 41 Rimacpi uyashpa Jesus nirca: —¡Mana iniccuna, manallita ruraccuna! ¿Imuracama cancunahuan tiyasha?¿Imuracama cancunata apansha? Canpac chunta pushamui. 42 Huanpra mayayamucpi, supai paita allpaman urmachirca, sinchita capanshpa, quihuinshpa. Chashna tucucpi, Jesus supaita piñashcahuan nmashpa, huanprata alliyachirca. 43 Chaita ncuccuna Diosta chacchanurca. Jesus rashcacunamanta tucuicuna manchannucpi, pai yachachishcacunata nirca: — 44 Uyahuaichic, ñuca nmanca rashcata ama cuncanchichu: Juchayuccuna cai RUNAta japinunca. 45 Yachachishcacuna, Jesus nmashcata mana atipanurcachu; paicunapac mana japipac carca; "can nmashcata ñucanchicta atipachipai" nishpa nmancapac manchanurca. 46 Shuc puncha, Jesus yachachishcacuna paicunapura nmanshpa, tapunacunurca "ñucanchicmanta maican yalli can" nishpa. 47 Jesus, paicuna shuncu ucupi yuyarashcata yachashpa, shuc huahuata cayashpa, paipac ñaupacpi shayachishpa, paicunata nirca: — 48 Nuca shutipi cai huahuata chasquic ñucata chasquin; hucata chasquicca ñucata cachamushcata chasquin. Cancunamanta ura cac runa, mai jatun canca. 49 Chai huasha Juan nirca: —Yachachiccama, shuc runata canpac shutipi supaicunata jichushcata tuparcanchic; mana ñucanchic bulamanta cacpi, paita "ama chashna ruraichu" nircanchic. 50 Jesus nirca: —¿Imapac jarcachishcanquichic?. Ñucanchicta mana chicnic runa ñucanchihuan tucun. 51 Jesus cai pachamanta nna pacha pactamucpi, pitapash mana manchashpa, Jerusalenman nna yuyaita japirca. 52 Ñaupacta huaquincunata cacharca shuc Samana llactapi micunata puñunatapash allichincapac. 53 Chai llactapi causaccuna Jesusta mana chasquinurcachu, pai Jerusalenman nrashcaraicu. 54 Santiagohuan Juanhuan chaita yachashpa, Jesusta ninurca: —Apunchic, jahua pachamanta ninata urmachishun paicunata rupachincapac: ¿munanquichu? 55 Jesus paicunata piñarca; 56 chaimanta shuc llactaman rirca. 57 Riranucpi, shuc runa ñanpipi Jesusta nirca: —Maimanpash can ricpi, canta catishami. 58 Jesus paita nirca: —Chaccacuna puñuna jutcuta charinun, pishcucunapash huasita charinun; ranti, cai RUNA maipi puñunata mana charinchu. 59 Astanipi, Jesus shuc-huan tuparishpa, paita nirca: —Ñucahuan shamui. Pai cutiparca: —Ñaupacta huca yayata panpacrisha. 60 Jesus paita nirca: —Ñucapi mana iniccuna huañushcacunata panpanuchun; can Diospac pachamanta rimacrinqui. 61 Shucca Jesusta nirca; —Apunchic, canta catinata munani; ñaupacta ñuca aillucunata "rinimi, samashun" rimachihuapai. 62 Jesus paita nirca: —Maicanpash tacllata japishpa huashaman ricucpi, Diospac pachaman yaicuncapac mana allichu can.
1 Chai huasha, shuc puncha Jesus canchis chunca ishcai runacunata acllashpa, paicunata ishcaipura pai rinca rashca llactacunaman cacharca; paicuna Jesusta ñaupashpa rinurca. 2 Jesus paicunata nirca: —Pallana chacra achcami, pallaccuna ansallami. Chacra amuta mañaichic pallaccunata paipac chacraman cachachun. 3 Richic. Cancunata manso huihuacuna shina cachani pumacuna ucupi. 4 Cullquita huacaichina carata, shicrata ushutatapash ama apaichichu. Ñanpipi manapihuan rimarinquichic. 5 Shuc huasiman yaicushpa, cashna ninquichic: "Caipi tiyaccunaman ganas causai shamuchun". 6 Alli shuncu runa chaipi tiyacpi, cancuna apashca ganas causaita chasquincami; mana tiyacpi, cancunapacman ticranca. 7 Chai huasillapi saquirinquichic; imatapash cancunata caranucpi, micunquichic, upianquichic. Llancac runaman pai yapachishcata cuna can, "Runk huasita ama puricachaichichu. 8 Shuc llactaman pactashpa, runacuna cancunata chasquinucpi, imatapash cancunaman carashcata micunquichic. 9 Chaipi tiyac uncuccunata janpinquichic. Runacunata rimanquichic: Diospac pacha mayanllami. 10 "Cancunata shuc llactapi mana chasquinucpi, callecunapi rimanquichic: 11 "Cai llactamanta ñucanchic chaquipi llutarishca allpatapash chausinchic, cancunahuan saquirinun. Chashnapash, caita uyaichic: Diospac pacha mayanyaran". 12 Cancunata nini: Sodoma llactamanta runacuna chai llactapi tiyaccunamanta ura ñacachi tucununca. 13 ¡"Corosain llacta, Betsaida llacta, cancunapac yapa manchaipac canca! Nuca cancunapacpi rashcacunata Tiro llactapi Sidon llactapi ruranushca cacpi, unaimanta chai llactacunapi tiyaccuna Diosman ticranunman carca; chaita ricuchincapac tsuntsu churanata churarinunman carca, ushpatapash uma jahuapi churanunman carca. 14 Chairaicu nini: Taripana puncha cancuna chai llactacunamanta yalli sinchi nacachi tucunquichic. 15 "Canca, Cafarnaun llacta, caran puncha yalli casha ninquichu? Tucuimanta yalli pincachishcami canqui. 16 "Cancunata uyac runa nucata uyahuan. Cancunata mana chasquic runa ñucatapash mana chasquin; ñucata mana chásquicca ñucata cachamushcata mana chasquin. 17 Chai canchis chunca ishcai runacuna achca cushiyashcahuan ticranurca; Jesusta ninurca: —Apunchic, supaicunapash ñucanchicta uyanurca canpac shutimanta. 18 Jesus nirca: —Supaita shuc rayo shina jahuamanta urmarashcata ricurcani. 19 Cancunaman ushaita curcani machacuicunata, upitinticunata jaitancapac, cancunata chicniccunata atincapac; cancunaman mana ima tucunca. 20 Chashna cacpipash, ama cushiyaichichu supaicuna cancunata uyashcamanta; cancunapac shuticuna jahua pachapi quillcara cashcamanta cushiyanquichic. 21 Chashnapi, Jesus achca cushiyashpa Diospac Samai paita cushichicpi, nirca: —Canta chacchani, Yayalla; can jahua pacha amu canqui, cai pacha amu canqui; can yachaccunaman pacashcata mana yachac runacunaman ricsichinqui. Ari, Yaya, can chashna munarcanqui. 22 Ñuca Yaya tucuita ñuca maquipi churarca. Manapí Diospac Churita ricsin, Yayalla paita ricsin. Chashnallata, manapí Yayata ricsin, churilla paita ricsin; churi munashcacunapash Dios Yayata ricsinun. 23 Chai huasha, yachachishcacunaman ricushpa, pacalla paicunata nirca: —Cushiyuccunami cancuna ricurashcata ricuccuna. 24 Achca profetacuna jatun apucunapash cancuna ricurashcata ricunayashpa, mana ricunurcachu; cancuna uyarashcata uyanayashpa, mana uyanurcachu. 25 Shuc puncha, shuc camachic quillcata yachac, Jesusta camasha nishpa, paita tapurca: —¿Chicapac causanata japincapac imata rurana cani? 26 Jesus cutiparca nishpa: —¿Imata quillcara tiyan camachic quillcapi? 27 Pai nirca: —Canpac Apu Diosta tucui shuncuhuan, tucui almahuan, tucui ushaihuan, tucui yuyaihuan llaquina canqui. Shuccunataca can quiquinta shina llaquina canqui. 28 Jesus paita nirca: —Alli rimarcanqui; chaita rurashpa, huiñai causanata charinqui. 29 Chai runa, mana yanca tapushcata ricuchincapac, cutillata tapurca: —¿Pitac can chai "shuccuna" nishca ("projimo" nishca)? 30 Jesus cutipashpa, cashna rimarca: —Shuc runa Jerusalenmanta Jericoman riracpi, shuhuacuna paita japinurca; paita llipachishca huasha, tucui pai charishcata quichushpa, miticunurca, chai runata nalla huañushcata saquishpa. 31 "Chai ñanpillata shuc pacriyaya rirarca; chucrishca runata ricushpallata, paita mana yanaparca. 32 Shuc huasha shamushca levita nishca runapash, chucrishcata ricushpallata, mana yanapashpa rirca, 33 Ranti, shuc samaritano runa, chaillatatac rishpa, chucrishca runata ricushpa, llaquirirca; 34 paipacman mayanyashpa, chucricunata huirahuan, binohuan janpirca, churanahuan pillurca; huasha paipac caballopi sicachishpa, samana huasiman paita pusharca; chaipi paita cuirarca. 35 Cayantin puncha, pai rinca rashpa, ishcai cullquita huasi amuta curca nishpa: "Allita ricunqui cai runata; ashtahuan mutsuricpi paita janpincapac, ñuca ticramucpi cushcanqui". 36 Chashna rimarca Jesus; huasha tapurca: —Chai quimsa runamanta maican chucrichishca runata pai quiquinta shina llaquirca?. 37 Yachac runa cutiparca: —Chucrishcata yanapashca runami yachin. Jesus paita nirca: —Canpash chasnallata ruranqui. 38 Jesus purishpa, shuc uchilla llactaman pactarca. Shuc Marta shutiyuc huarmi huasipi paita chasquirca. 39 Chai huarmi shuc ñañata charirca, Maria shutiyuc; pai Jesuspac chaqui mayanpi tiyarishpa, paipac shimita uyararca. 40 Marta micunata, puñunata imatapash allichirarca. Jesuspacman rishpa nirca: —Yachachic, ¿manachu ricunqui ñuca ñaña sapalla saquihuashcata tucuita allichincapac?. Paita rimai ñucata yanapachun. 41 Jesus cutiparca nishpa: —Marta, Marta, caiman chaiman purishpa, achcacunata rurashpa llaquirinqui. 42 Shuclla mutsurin. Maria mai allita acllarca, chaita paimanta mana quichununcachu.
1 Shuc puncha Jesus Dios-huan rimaricurca; tucuchitpi, shuc pai yachachishca runa nirca: —Apunchic, Juan paita caticcunaman Dios-huan rimanata yachachishca shina, ñucanchicta yachachipai 2 Jesus cutipashpa nirca: —Cancuna Dioshuan rimarishpa, cashna rimanquichic: Yaya, tucuicuna canta ricsinuchun. Can Apu tucuncapac shamui. 3 Caran puncha ñucanchic mutsushca tantata cunqui. Ñucanchic manallita rashcata quishpichipai, ñucanchicpash quishpichinchic shuccuna ñucanchicman manalli rashcata. Juchanayaipi urmancapac ñucanchicta ama saquichu. 5 Huasha Jesus nirca: —Cancunamanta shuc runa paipac mashipacman rishpa chaupi tuta, paita nin: "Mashi, quimsa tantata mañachihuai; 6 shuc mashi shamuhuarca mari, ñucaca mana imata charinichu paita carancapac". 7 Chai runa huasi ucumanta cutipan nishpa: "Ama quillachihuaichu; puncu ña huichcara can, huahuacuna ñucahuan sirinun; mana ushanichu jatarishpa tantata cuncapac". 8 Chai runa tacashpa cayaracpi, ¿manachu paipac mashi jatarinca tantata cuncapac?. Mashi cashcaraicu mana jatarishpaca, ama ashtahuan quillachi tucuncapac jatarinca, tucui mutsushcata paiman cunca. 9 "Chashna cacpi cancunata nini: Mañaichic, cushcanquichic. Mashcaichic, tarinquichic. Puncuta tacaichic, pascanuncami. 10 Tucui manac chasquin; mashcac tarin; puncuta tacac runaman pascanun. 11 "¿Cancunamanta maican yaya, paipac churi, "tantata cuhuapai" nicpi, shuc rumita paiman cunca? ¿Aichata mañacpi, yaya machacuita cuncachu? 12 ¿Lulunta mañacpi, upitintita cuncachu? 13 Chashna cacpi, cancuna, manallicuna cashpallata, alli imacunata churicunaman cunquichic, ¿manachu cancunapac jahua pachapi tiyac Yaya Diospac Samaita paita mañaccunaman cunca? 14 Shuc puncha, Jesus shuc runamanta supaita llucshichicurca; chai runa supairaicu mana rimac carca, upa shimi carca; supai llucshicpi, runa rimai callarirca. Runacuna, chaita ricushpa, mancharinurca; 15 ranti, huaquincuna ninurca: —Cai runa Belcebú nishca supaicuna apupac ushaihuan supaita jichun. 16 Shuccuna "mana raipacta rurai jahua pachapi" nishpa Jesusta camashpa ninurca. 17 Jesus, paicuna yuyarashcata ricsishpa, nirca: —Shuc llactapi causaccuna chican chican chaupirishpa, paicunapura piñarinucpi, chai llacta tucurincami; chashnallata, shuc huasipi causac aillucuna, paicunapura piñanacushpa, tucurinuncami. 18 Supaicunapash chican chican tucushpa, ¿manachu tucurinunca? Caita nini "supai apupac ushaihuan supaicunata jichunqui" ninquichic mari. 19 Ñuca supai apupac ushaihuan supaicunata jichucpi, ¿cancunata caticcuna pipac ushaihuan supaicunata jichunun?. Paicuna rurashcahuan cancuna pantashcata ricuchinun. 20 Shuti pacha, ñuca Diospac ushaihuan supaicunata jichuni; chashna rashpa, Diospac pacha cancunapacman pactamushcata ricuchini. 21 "Shuc sinchi runa huasita ricucpi, huasipi causaccuna casilla tiyanun. 22 Ranti, shuc ashtahuan sinchi runa shamushpa paita aticpi, huasipi tiyashcacunata japishpa, apashpa rinca. 23 Maicanpash ñucahuan mana tiyashpa, ñucata chicnin; ñucahuan mana pallac manaimata japin. 24 "Shuc millai supai runamanta llucshishpa, chunlla allpacunapi puricachan, samasha nishpa; maipi samanata mana tarishpa, paipac shuncupi nirin: "Ñuca llucshishca runa ucuman ticrasha". 25 Ticrashpaca, chai runata tupan chushac huasi shina pichashcata, allichishcata. 26 Chaita ricushpa, chaimanta rishpa, shuc canchis supaicunata pushamun ashtahuan millaicunata; tucuicuna chai runapi causancapac yaicunun; yaicunucpi, chai runa ashtahuan manalli tucun. 27 Jesus chashna rimacucpi, shuc chaipi shayac huarmi, runa ucumanta caparishpa, nirca: —¡Cushiyucmi canta pacarichishca huarmi, canta chuchuchishca huarmi!. 28 Jesus cutiparca: —Ashtahuan cushiyuccuna canun Dios rimashcata uyaccuna, chaita pactachiccuna. 29 Achca runa Jesuspacman tantarimunucpi, Jesus paicunata nirca: —Cunan causaccuna manalli canun, shuc mana raipacta mañanun; shuc mana raipacta mana ricununcachu; profeta Jonas-huan tucushcata yuyarichisha. 30 Ninive llactapi causaccunaman Jonas ricurina shina carca; chashnallata cunan causaccunaman cai RUNA unancha shina canca. 31 "Taripana puncha, sur nishcamanta jatun apu huarmi, cunan causaccunata taripashpa, cautsayachinca, pai carumanta shamurca mari Salomonpac shimicunata uyancapac; cancunapacpica shuc Salomonmanta ashtahuan jatun tiyanmi. 32 Ninive llactapi causashcacuna cunan causaccunata cautsayachinunca taripana punchapi, paicuna Diosman ticranurca mari Jonas paicunaman Diospacmanta rimashcapi; cáipica shuc Jonasmanta astahuan jatun tiyanmi. 33 "Manapí shuc chinpusuta japichin pacashcapi churancapac, mana mala ucupi churancapacpash; jahuapi churan, huasipi tiyaccunata ricuchincapac. 34 Ñahuicuna achic shinami canun aichapac; canpac ñahuicuna alli cacpi, tucui aicha punchayanca; canpac ñahuicuna manalli cacpi, tucui aicha tutapi tiyanca. 35 Yuyanqui canpac achic ama tuta tucuchun. 36 Canpac aicha punchayashca cacpi ima yanapash illac, tucuita punchaclla ricunqui, shuc chinpusu paipac achic-huan ricuchishca shina. 37 Jesus rimanata tucuchishcapi, shuc fariseo runa micuncapac huasiman cayarca. Jesus shamushpa mesaman tiyarirca. 38 Micuncapac maquita mana maillacpi ricushpa fariseo runa mancharirca. 39 Jesus paita nirca: —Cancuna, fariseocuna, canchamanta callanacunata mucahuacunatapash maillanquichic; ranti, cancunapac shuncu shuhuashcacuhahuan manallita rashcacunahuan juntashca can. 40 ¡Upacuna! ¿Canchapacta rurac ucupactapash rurashcata manachu yachanquichic? 41 Tsuntsu runacunaman cancuna charishcata cuyaichic; cancuna chashna ruracpi, tucui chuya saquirinca. 42 "¡Ayailla cancuna, fariseocuna! Cancuna menta nishcamanta, ruda nishcamanta, tucui sami micuna pancamantapash chunca raquita Diosman cunquichic; ranti, cusca causanata, Diosta llaquinata ñahuilla ricunquichic. Caicunata pactachina can, chai shuccunata mana saquishpa. 43 "¡Ayailla, cancuna, fariseocuna! Tantarina huasicunapi ñaupac tiyarinacunata munanquichic; callecunapi salurai tucunata munanquichic. 44 "¡Ayailla, cancuna! Mana ricuric aya jutcucuna shina canquichic, runacuna chaicuna jahuapi mana yachashpa purinun: 45 Chashna rimacpi, shuc camachic quillcata yachac Jesusta nirca: —Yachachiccama, can rimashcahuan ñucanchictapash caminqui. 46 Jesus cutipashpa nirca: —¡Ayailla cancunapash, camachic quillcata yachaccuna! Mana marcaipaccunata shuccunata apachinquichic, cancunaca shuc rucallahuanpash mana llancanquichic. 47 "¡Ayailla cancuna! Cancunapac ñaupacuna huañuchishca profetacunapac pantioncunata shayachinquichic. 48 Chashna rurashpa, cancunapac ñaupacuna alli rashcata ricuchinquichic, paicuna profetacunata huañuchinurca mari, cancunaca paicunapac pantioncunata shayachinquichic. 49 "Chairaicu, Dios tucuita yachac cashpa, nirca: Profetacunata apostolcunatapash paicunapacman cachanca rani; paicunaca huaquincunata huañuchinunca, huaquincunata ñacachinunca. 50 Cunan causac runacuna ñacachishca mi canunca cai pacha callarishcamanta huañuchi tucushca profetacunapac yahuarmanta, 51 Abelmanta Zacariascama; paita Diospac huasipi tiyac altar mayanpi huañuchinurca. Cutillata nini: Cunan causaccuna chai tucuicunamanta ñacachi tucununca. 52 "¡Ayailla cancuna, camachic quillcata yachaccuna! Yachana llaveta japircanquichic; cancunallatac mana yaicunquichic, yaicushun niccunataca jarcanquichic". 53 Jesus chai shimicunata rimashcapi, camachic quillcata yachaccuna fariseocunapash paihuan yapa piñarinurca; paita quillachincapac achcata tapunurca, 54 pai nishcapi urmachishun nishpa, paita cautsayachincapac.
1 Shuc puncha, achca huaranca runacuna tantarinurca, paicunapura ñitirishpa. Jesus rimancapac callarishpa, ñaupac pai yachachishcacunata yachachishpa nirca: —Llullacama fariseocunata yuyanquichic. 2 Imapash pacashca cashpa, pacllaman llucshichishca canca; pacalla rimashca yachai tucunca. 3 Shinacpi, cancuna tutapi rimashcata punchapi uyachinunca; cancuna huasi ucupi pacalla nishcata, huasi jahuamanta caparishpa huillanunca. 4 "Nuca mashicuna, cancunata nini: Aichata huañuchiccunata mana manchanachu; chaipac huasha ña mana ushanun imatapash rancapac. 5 Maicanta manchanata ricuchisha: Huañushca huasha cancunata ucupachaman shitana ushacta manchana canquichic. Ari, paitami manchana canquichic. 6 ¿Manachu pichca pishcushituta ishcai cullquipi catunun? Chashna cacpipash, Dios chaicunamanta shucllatapash mana cuncarinchu. 7 Cancunapac uma acchacunapash yupashca canun. Ama manchaichichu cuti; cancuna achca pishcunamanta yalli canquichic. 8 "Shuti cancunata nini: Maicanpash runacuna ñaupacpi ñucamanta alli rimacpi, cai RUNApash paimanta alli rimanca Diospac angelcuna ñaupacpi; 9 ranti, maicanpash ñucamanta rimashpa "paita mana ricsinichu" nicpi runacunapac ñaupacpi, "paita mana ricsinichu" ninunca Diospac angelcuna ñaupacpi. 10 "Maicanpash cai RUNAta camishpa rimacpi, quishpichi tucunca; ranti, Diospac Samaita camishpa rimacpi, mana quishpichi tucuncachu. 11 "Tantarina huasicunaman, taripaccunapacman, apucunapacman cancunata pushanucpi, ama llaquirinquichichu imata rimashun nishpa, imashnata rimashun nishpa. Rimana pacha pactaricpi, Diospac Samai cancunata rimanata yachachinca. 13 Shuc puncha, shuc runa Jesusta nirca: —Yachachiccama, ñuca huauquita rimai ñucanchic yayamanta japishcata ñucahuan chaupichichun. 14 Jesus cutipashpa, paita nirca: —Runahuan, ¿pimi ñucata churarca cancunata taripancapac, cancunapacta allichincapac? 15 Huasha nirca: —Cullquita yapacta munanata yuyanquichic. Shuc runa tucuita charicpipash, pai charishcacunahuan mana causaita rantina ushanca. 16 Chashnapi cai yachachina rimanata rimarca nishpa: —Shuc cullquiyuc runami carca; paipac chacracunamanta yapa achcata pallarca. 17 ¿Imatata rasha? yuyarirca. ¿Maipi huca pallashcata huacaichisha? Ñuca huacaichina huasicuna yapa uchilla canun. 18 Ajá, caita rasha: chai uchilla huasicunata urmachisha ashtahuan jatuncunata shayachincapac. 19 Achcata charishpa, achca huatata mana ima pishihuanca. Chaicunahuan micusha, upiasha, cushi causasha, samasha. 20 Chashna yuyaracpi, Dios paita nirca: Upa runa, cunan tuta canpac almata apancapac shamununca. ¿Can tantachishcata pitac japinca? 21 Chashna tucun quiquinpacllata tantachic runa, Diospacpi mana cullquiyuc tucucpi. 22 Chai huasha, Jesus yactiachishcacunata nirca: —Ama llaquirichichu "causancapac imata micushun, imata upiashun" nishpa. 23 Causana micunamanta yalli can; aicha churanamanta yalli can. 24 Pishcucunata yuyarichic: mana tarpunun, mana pallanun huasipi huacaichincapac; chashnapash, Dios paicunata caran. Cancuna pishcunamanta yalli cahquichic. 25 "Cancunamanta maican imatapash rashpa, causaita unayachinca?. 26 Uchillacunatapash mana rurana ushashpa, ¿imapac jatuncunamanta llaquirinquichic?. 27 "Sisacunata ricuichic: maha llancanun, mana puchcanun; chashnapash, cancunata nini: Salomon tucui laya churanacunata charicpipash, sisacuna pai churarishcamanta yalli sumac ricurinun: 28 "Dios mana unaichu causac sisacunata chashna churachicpi, ¿manachu ashtahuan allita cancunata churachinca, ansalla iniccuna? 29 Chairaicu, ama llaquirichichu imata micushun, imata upiashun nishpa. 30 Diosta mana iniccuna chaicunamanta llaquirinun; cancuna Yayata charinquichic, pai yachan cancuna chai tucuita mutsushcata. 31 Diospaccunata mashcaichic, chai shuccunataca cui tucunquichic. 32 "Uchilla runabula, ama manchaichichu; cancunapac Yaya paipac pachata cancunaman cuncami. 33 Charisticacunata catushpa, imapash illaccunaman cuyaichic. Mana ismuric shicracunata cancunapacta ruraichic, mana tucuriccunata tantachichic jahua pachapac; chaipi shuhuacuna mana yaicunun, susu mana micun. 34 Can yapa munashca tiyashcapi, chaipi canpac shuncu tiyanca. 35 "Allichirishca caichic, chinpusuta japichishpa chaparaichic. 36 Patron shuc raimimanta ticramunata chaparac luncu shina caichic, pai shamushpa cayacpi urastalla pascancapac. 37 Cushiyucmi chai luncucuna, patron shamunata chaparaccuna. Shuti nini, patron paicunata. tiyarichinca, paicunata caranca. 38 Patron unai tuta shamushpa, tutamantashitu shamushpa, luncucunata chaparashcata taricpi, cushiyucmi chai luncucuna. 39 Caita yachaichic: Huasi amu shuhua shamunca rashca pachata ricsishpa, chapanman shuhua ama huasiman yaicuncapac. 40 Chashnailata cancuna allichirishca caichic, cancuna mana yuyashcapi cai RUNA shamunca mari. 41 Pedro chaita uyashpa, Jesusta tapurca: —Apunchic, ¿chai can rimashea ñucanchipacllachu rimarcanqui? ¿tucui runacunapacchu rimarcanqui? 42 Jesus nirca: —¿Maican alli yuyayuc, runa canca, patron, huasipi tiyacunata carancapac mincashpa saquishca? 43 Chashna ruracuc luncu patron shamuna pachapi, ¿manachu? Cushiyucmi chai luncu. 44 Shuti cancunata nini: patron charishcacunata ricuncapac chai luncuta churanca. 45 "Ranti, chai luncu "patron unayancami" yuyashpa, shuc luncucunata quiliachincapac callaricpi, ashtahuanpash micuncapac, upiancapac, machancapac cailaricpi, 46 pai mana yuyashcapi, mana yachashcapi, paipac patron shamunca, paita ñacachinca, manalli runacunata shina cautsayachinca. 47 "Shuc luncu paitac patron munashcata yachashpallata chaita mana allichishpa charicpi, patron munashcata mana pactachicpi, yuyaita llipachishcami canca; 48 ranti, shuc luncu, paipac patron munashcata mana yachashpa, mana ruranata ruracpi, ansallami llipachishca canca. Shue runaman achcata cunucpi, achcata paimanta mañanunca; shuc runaman achcata mincanucpi, ashtahuan paimanta mañanunca. 49 "Ñuca cai pachaman ninata japichincapac shamurcani; na japiricpi, alli canman. 50 Shuc bautisanahuan bautisai tucuna cani; chai pactarinacama yapa llaquirini. 51 "¿Ñuca cai pachaman ganas causanata apamuncapac shmushcata yuyanquichichu? Mana, piñanacunata apamuni. 52 Cunanmanta pacha shuc huasipi pichca runa tiyacpi, quimsa iscaihuan piñanacushpa causanunca. 53 Yaya churihuan piñashpa causanca, churica yayahuan; chashnallata mama ushushihuan pinanacunca, ushushi mamahuan. Cari mama cachun-huan macarinunca, cachunca paipac cari mamahuan. 54 Jesus caitapash nirca runacunata yachachispa: —Cancuna, inti yaicushcamanta puyucuna jataricpi ricushpa, ninquichic: "Tamianca ran" Chashna tucun. 55 Uramanta huairacpi ninquichic: "Rupai puncha tucunca ran"; cancuna nishca shina tucun. 56 ¡Llullacamacuna! Tamia punchata, rupai punchata ricsinquichic jahuaman ricushpa; ¿imaraicu cai punchacunapi tucucushcata mana japinquichic?. 57 "¿Imaraicu alli cashcata yachancapac cancunallata mana yuyanquichic? 58 Can shuc runahuan ima llaquitapash charishpa, urastalla paihuan allichinqui, chaira apupacman mana pactashpa. Mana chashna racpi, apu canta chapaman cunca, chapaca chunta curralqui canta huichcanca. 59 Chaimanta mana llucshinqui tucuita allichinacama.
1 Shuc puncha, huaquin runacuna Jesusta huillancapac shamunurca shuc galileo runacunaman tucushcata; Pilato paicunata huañuchishca carca, paicuna Diosman huacra yahuarta chasquichishcapi. 2 Jesus paicunata nirca: —¿Chai galileo runacuna chashna huañushcaraicu, shuccunamanta ashtahuan juchayuc cashcata yuyanquichichu? 3 Mana, shuti nini; cancunaca paicuna shinalla huañunquichic, Diosman mana ticrashpa. 4 "Jerusalen llactapi shuc huasi tularishcapi (torre de Siloe nishca huasi), chunca pusac runa chai ucupi huañunurca; ¿chashna huañushcacuna shuccunamanta ashtahuan juchayuc cashcata yuyanquichichu?. 5 Mana, nini; tucuicunaca paicuna shinalla huañunquichic, Diosman mana ticrashpa. 6 Huasha shuc yachachinata rimarca cashna nishpa: —Shuc runa shuc higuera nishca yurata charirca chacrapi. Muyucunata pallasha nishpa ricpi, shucllapash mana tiyarca. 7 Chacra ricuccamata cayashpa nirca: Ña quimsa huata shamuni muyucunata cai yuramanta pallancapac, mana aparinchu. Cuchui, ¿imapac yanca shayan caipi? 8 Ricuccama paita nirca: —Apulla, ama cuchushun, saquilla shuc huatata; ñuca yura muyucta allashpa, alli allpata churasha; aparinca ima chari. Mana aparicpi, chai shuti cuchunquimi. 10 Shuc cuti, samana puncha cacpi, Jesus tantarina huasipi yachichicurca. 11 Chaipi shuc huarmi tiyarca, chunca pusac huatata uncushca; shuc supai paita cumuyachishca carca; allita shayarishpa purincapac mana usharcachu. 12 Jesus paita ricushpa nirca: —Huarmi, canpac uncuimanta llushpichishca canqui. 13 Chashna nishpa maquita paipac jahuapi churacpi, chai huarmi allita shayarirca; shayarishpa, Diosta chacchancapac callarirca. 14 Tantarina huasi apu, Jesus samana punchapi huarmita allichishcaraicu piñarishpa, chaipi tiyaccunata nirca: —Sucta puncha tiyan llancancapac; chai punchacunapi shamunquichic allichi tucuncapac; samana punchapi mana allichu. 15 Rimacpi uyashpa Jesus nirca: —¡Llullacamacuna! ¿Manachu samana punchapi cancunapac huacrata pascashpa yacuman apanquichic upiachincapac? 16 Cai huarmica, Abraanpac ushushi cacpi, supai paita huatashcata charicpi chunca pusac huatamanta, ¿manachu paita uncuimanta llushpichina carca samana punchapi? 17 Jesus chaita rimacpi, tucui paita chicniccuna pincarishpa saquirinurca; ranti, runacuna Jesus sumac rashcacunata ricushpa cushiyanurca. 18 Shuc cuti, Jesus cashna nishpa yachachirca: —¿Imahuan Diospac pachata chinpapurachisha? ¿Imashnata ricurin? 19 Shuc mostaza nishca muyu shinami; tarpunucpi, huiñan, yura tupu tucun; huairapi huanpuric pishcucuna paipac pallcacunapi huasinun. 20 Cai shuctapash rimarca: —¿Imata nishpa Diospac pachata atipachisha? 21 Leyadura nishca shinami; shuc huarmi ansashituta japishpa, quimsa tupu harinahuan masan, chai ansashituca tucuita punquichin. 22 Jesus Jerusalenman rirashpa, pai purishca llactacunapi runacunata yactiachirca. 23 Shuc runa paita tapushpa nirca: —Apunchic, ¿manachu ansalla runacuna quishpinunca? 24 Jesus cutiparca: —Cariyaichic quichqui puncuta yaicuncapac; achca runa yaicunata munashpa, mana ushanuncachu. 25 Huasi amu puncuta huichcacpi, canchamanta caparishpa cayanquichic nishpa: "Apulla, apulla, puncuta pascai". Paica cutipanca: "Cancunata mana ricsinichu". 26 Cancuna ninquichic: "Canhuan micuc carcanchic, upiac carcanchic; can ñucanchic llactacunapi yachachic carcanqui". 27 Pai cutipanca: "Cancunata mana ricsinichu. Ñucamanta anchurichic, manallita ruraccuna". 28 Cancunaca huacanquichic, ñacarishpa caparinquichic Abraanta, Jacobta, Isaacta tucui profetacunantin Diospac huasiman yaicushcata ricushpa, cancuna canchaman jichushca cashpa. 29 Tucui suyucunamanta shamununca, raimincapac Diospac huasiman yaicununca. 30 Cunan puchucai caccuna ñaupaccuna canunca; cunan haupac caccuna puchucaicuna tucununca. 31 Chai punchallapi, huaquin fariseocuna Jesuspacman shamushpa ninurca: —Caimanta shucman ri; Herodes canta huañuchinata munan. 32 Jesus cutiparca: —Chai huacllic runapacman richic; paita cashna ninquichic. "Cunan puncha caya punchapash supaicunata jichusha, uncuccunata alliyachisha; caya puncha huasha, ñuca ruranata tucuchisha. 33 Chai puncha pactamunacama, ñuca ñanpita rirani, shuc profeta Jerusalen llactapi mari huañuna 34 "Jerusalen, Jerusalen: Profetacunata huañuchic canqui, Dios cachashcacunata rumihuan shitac canqui. Achca cuti canpac churicunata tantachinata munarcani, shuc atallpa mama paipac huahuacunata ricra ucupi ucllashca shina, canca mana munarcanquichu. 35 Uyaichic cuti: cancunapac huasi jichushca saquirinca; ña mana ricuhuanquichic, cancuna cashna rimanacama: "Diospac shutipi shamuc yupaichashca cachun".
1 Shuc samana puncha, Jesus shuc fariseo runapac huasiman yaicucpi micuncapac, shuc fariseocuna chaparanurca paita juchachincapac. 2 Chaipi shuc uncushca runa tiyarca, huicsa punquirishca. 3 Jesus paita ricushpa, camachic quillcata yachaccunata fariseocunatapash tapurca nishpa: —¿Samana puncha uncushca runata alliyachipacchu? ¿manachu alliyachina? 4 Tapucpi uyashpa chunlla saquirinurca. Upallanucpi Jesus uncushcata maquimanta japishpa alliyachirca; huasha, huasiman paita cacharca. 5 Fariseocunata nirca: —Cancunapac huacra shuc jutcuman urmacpi, manachu urastalla surcunquichic samana puncha cacpipash? 6 Chaita uyashpa mana imata cutipana ushanurcachu. 7 Huaquincuna mesapi ñaupac tiyarinata japinucpi ricushpa Jesus cashna camachirca: — 8 Can shuc sahuarina raimiman cayashca cashpa, ama ñaupac tiyarinapi tiyarichu; canmanta ashtahuan jatun cayashca tiyanman ima chari; 9 pai shamucpi huasi amu canta rimanca: "Anchuripai cai runa can tiyarishcapi tiyarincapac". Canca pincarishpa, puchucai tiyarinapi tiyarinami canqui. 10 Ranti, can shuc sahuarina raimiman cayashca cashpa, puchucai tiyarinapi tiyaricpi, alli canca; chashna racpi, huasi amu canta ninca: J "Mashi, ñaupacman tiyaric shamui". Canca canhuan pacta cayashcacuna ñaupacpi jahuayachishcami canqui. 11 Maicanpash jaiunyashpa pincachishca mari canca; maicanpash uchillayashpa jahuayachishcami canca. 12 Huasha, Jesus paita micuncapac cayashcata nirca: —Can shuc raimita rurashpa, ama cayanquichu canpac mashicumata, canpac huauquicunata, canpac aillucunata, canpac mayanpi causac cullquiyuccunata; paicunapash canta shuc puncha micunapac cayanunca, chaihuan pagai tucurcanqui. 13 Ranti, can shuc raimita rurashpa, tsuntsu runacunata, suchucunata, janca chaquicunata, ñausacunata cayanqui, 14 Chashna rurashpa, cushiyanqui Paicuna mana imata mari charinun canta pagancapac; allicuna causarina puncha pagai tucunqui. 15 Chai shimicunata uyashpa, chaipi micuraccunamanta shuc nirca: —¡Cushiyucmi Diospac pachapi micuncapac tiyaric runa! 16 Nicpi uyashpa Jesus nirca: —Shuc runa jatun raimi micunata allichirca; achea runacunata cayarca. 17 Micuna puncha pactacpi, shuc luncuta cacharca cayashcacunata rimancapac: "Shamuichic, ña tucui allichira can". 18 Cayashcacuna "mana shamushun ima chari" nii callarinurca. Shuc nirca: "Shuc allpata rantircani, cunanshitu ricucrini; quishpichihuai, mana ri ushanichu". 19 Shuc nirca: "Chunca huacrata rantircani chaicunahuan allpata yapuncapac, chaicunata camancapac racuni; quishpichihuai, mana ri ushanichu". 20 Shuc nirca: "Cunan puncha sahuarircani, chairaicu mana ri ushanichu". 21 Chai luncu huasiman ticrashpa, amuta: tucuita: huillarca. Amu uyashpa, piñarishpa, luncuta nirca: —Ucta llactaman ri; callecunapi, pulasacunapi can tupashca tsuntsucunata, suchucunata, jancacunata, ñausacunata caiman pushamunqui". 22 Chai luncu rishpa, cutillata ticrashpa nirca: —Apu, can rimahuashcata pactachircani; cuti, chaira chushac tiyan micuna ucupi 23 Amu nirca: —Cutillata ri, ñanpicunapi maipipash tupashcacunata shamuchinqui micuna ucu juntarinacama. 24 Ranti, chai ñaupac cayashcacuna mana pipash ñuca micunata camanunca. 25 Achca runacuna Jesus-huan purinucpi, paicunata nirca: 26 —Shuc runa ñucahuan samushpa, paipac yaya-mamata, paipac huarmita, paipac huauquicunata, paipac aillucunata, pai quiquinllatata ñucamanta yalli llaquishpa, ñuca yachachishca tucuncapac mana allichu. 27 Ñucata catic runa crusta mana aparishpa, ñuca yachachishca tucuncapac mana allichu. 28 "Shuc runa, huasita" rurasha nishpa, manachu ñaupacta pai charishca cullquita yupan, pactancachu manachu pactanca ima chari, huasita tucuchincapac nishpa?. 29 Mana chashna rurashpa, istanticunata shayachishca huasha, mana tucuchi ushanman, cullqui illacpi; chaita ricuccuna paita asinunca nishpa: 30 "Cai runa huasincapac callarishpa mana tucuchina usharcachu. 31 "Chashnallata,:shuc suldaru apu macanacuncapac risha nishpa, manachu ñaupacta paipac shuncupi yuyan: "Ushashachu chunca huaranca suldarucunahuan ishcai chunca huarancahuan shamucta atincapac?. 32 Mana ushashpaca, paiman shimita cachan nishpa: "Mana macanacunata munanichu, mashipura allichishunchic". 33 "Cunan cancunata nini: Maicanpash tucui charishcata mana saquishpa, ñuca yachachishca cancapac mana allichu. 34 Cachi alli can; cachi paipac mishquita chincachicpi, imahuan cutillata cachiyanca. 35 Mana imapac alli can, jichununlla. Yuyayuc runa atipachun".
1 Achca gubirnu cullquita pallacunahuan juchayuccunahuan Jesuspacman shamuccuna carca paita uyancapac. 2 Chaita ricushpa, fariseocuna camachic quillcata yachaccunantin paimanta rimaranurca nishpa: —Cai runa juchayuccunahuan puric can, paicunahuan micuc can. 3 Jesus chaita uyashpa, paicunata cashna rimarca: — 4 Shuc patsac obejata charic runa, shuc chincaricpi, ¿manachu shuccunata saquishpa, chincarishcata mashcacrin tarinacama?. 5 Tarishpaca, chaita ricrapi aparishpa rin cushiyashpa. 6 Huasiman pactashpa, paipac mashicunata mayanpi causaccunatapash tantarichishpa nin: "Ñucahuan cushiyaichic, chincarishca obejata tarircani mari". 7 Chashnallata tucun, shuc runa juchata saquishpa Diosman ticracpi; chai runa iscun chunca iscun alli runacunamanta yalli Diosta cushiyachin. 8 Shuctapash rimarca cashna nishpa: —Chunca cullquita charic huarmi, shuclla chincaricpi, manachu chinpusuta japichishpa cullquita mashcan, huasita pichan tucui cuchucunapi ricun cullquita tarinacama?. 9 Tarishpaca, paipac aillucunata mayanpi causaccunatapash tantarichishpa nin: "Cushiyaichic ñucahuan, chincarishca cullquita tarircani mari". 10 Chashnallata tucun, shuc juchayuc runa llaquirishpa Diosman ticracpi; jahua pachapi angelcuna yapa cushiyanun. 11 Jesus shuctapash rimarca cashna nishpa: —Shuc runami carca, ishcai churiyuc yaya. 12 Quipa churi yayata nirca: "Yaya, ñucapacta cuhuai". Yayaca, charishcacunata chaupichishpa, churicunaman curca 13 Manapash unaipi, quipa churi paipaccunata japishpa, caru llactaman rirca; chaipi nuspa shina causashpa, pai apashcacunatai tucuchirca. 14 Tucuita jichushca huasha, jatun yariciai tucurca chai llactapi. 15 Yaricashpa, shuc huiracuchapacman llancacapac yaicurca. Huiracucha cuchicunata michincapac paita cacharca. 16 Cuchicuna micushca sacha muyucunata ihicunayan, manapi mari paita caran. 17 "Yuyaita japishpa, chai runa nirca: Ñuca yayapacpi achca llancac runa tiyan, achca micunata charinun; ñuca, ranti, caipi yaricashpa huañurani. 18 Cunanllata rincapac racuni. Yayapacman pactashpa rimasha: Ñuca yayalla, Diosta piñarcani, cantapash piñarcani; 19 canpac churi cancapac mana allichu cani: llancaccama shinallapash chasquihuapai; 20 "Chashna nirishpa jatarishpa, yayapacman rirca. Chaira carupi tiyashcapi, yaya paita ricurca; ricushpa shuncupi llaquirirca; paipacman callpashpa rishpa, paita ucllarca, mucharca. 21 Churi yayata nirca: "Yaya, Diosta piñarcani, cantapash piñarcani; canpac churi cancapac mana allichu cani". 22 Ranti, yaya luncucunata nirca: "Ucta, alli churanata apacrichic paita churachincapac. Shihuita paipac maquipi churaichic; ushutatapash churachichic. 23 Huira huacra huahuata apacrichic, huañuchichic. ¡Micushunchic, raimishunchic! 24 Cai ñuca churi huañushca cashpa, causarircami; chincarishca cacpi, paita tarircani". Chashna nicpi, raimincapac callarinurca. 25 "Paipac ñaupac churi chacrapi tiyarca. Huasiman ticrashpa, cajashcata, tushushcata uyarca. 26 Chaita uyashpa, shuc luncuta cayashpa tapurca: ¿"Imatái chai uyarishca"?. 27 Luncu cutiparca: "Canpac huauqui ticramushcami, canpac yayaca huira huacrata huañuchirca pai alli ticramushcaraicu". 28 Chaita uyashpa sinchi piñarirca; piñarishpa huasiman mana yaicuna munarca. Paipac yaya canchaman llucshishpa, "yaicuilla, churi" nirca. 29 Churica yayata nirca: "Yaya, uyahuai; achca huatata canhuan llancarani, can rimashcata tucuita pactachircani; chashnapash, mana shuc atallpatapash cuyahuarcanqui ñuca mashicunahuan micushpa cushiyancapac. 30 Ranti, chai canpac churi shamucpi, can charishcacunata manalli huarmicunahuan tucuchishca huasha, mai huira huacrata huañuchircanqui". 31 Yaya paita cutiparca; "Churi, can huiñai ñucahuan tiyanqui, tucui ñuca charishcacuna canpacmi. 32 Ranti, raimina carca, cushiyarina carca, cai canpac huauqui huañushca cashpa causarirca mari; chincarishca cacpi, paita tarircanchic".
1 Jesus runacunata yachachishpa caitapash nirca: —Shuc yapa cullquiyuc runami carca. Tucui charishcacunata ricuncapac shuc ricuccamata charirca; chai runa patron charishcacunata mana allita ricuc carca, nalla tucuchirca; chaita patronta huillanurca. 2 Patron ricuccamata cayashpa nirca: —¿Imata ruracunqui ñuca charishcacunahuan? Quillcacunata allichi, ñucahuan ña mana llancancachu ranqui. 3 Ricuccama, chaita uyashpa, shuncupi nirirca: —¿Cunanmanta imata rurashpa causasha, ñuca patron jichuhuan mari? ¿Chacrata rashpachu? Mana ushanichu. ¿Mañacushpa puricachashachu? —Pincachihuan 4 Ajá, ñami yachani imata ranata caimanta llucshicpi, runacuna huasipi chasquihuancapac: 5 Chashha nirishpa, patronta dibic runacunata huasha huasha cayarca. Shuc shamucpi, paita tapurca: —¿Mashna dibinqui patronta? 6 Pai nirca: —Huirata dibini shuc huaranca litro tupu. Ricuccama paita nirca: —Caica canpac quillca; tiyarishpa, shucta quillcai "pichca &patsac dibini" 7 Huasha shucta cayashpa tapurca: —¿Canca mashnata dibinqui? Pai nirca: —Arrosta dibini shuc patsac ashanca tupu. Paita nirca: —Caica canpac quillca; "pusac chunca ashanca" quillcai. Chashnallata shuccunahuan rurarca. 8 Patron, cuiraccama rashcata uyashpa, paita chaccharca shuhua shina rashcapipash, pai yuyayuc cashcamanta. Cai causaipacta mashcaccuna paicunapura rurashcacunapi Diospaccunata mashcaccunamanta yalli yuyayuc canun. Chashna nirca Jesus; huasha paicunatarcamachkca nishpa: — 9 Cai mana alli yapachishca cullquihuan mashicunata ruraichic, cullqui tucurishcapi, mashicuna jahua pachapi cancunatachasquincapac. 10 Ansallata allita ricuc runa. achcatapash allita ricunca; ansallata mana ricuc runa achcatapash mana allita ricunca. 11 Cai pacha cullquihuan cancuna mana alli ruracpi, ¿pitac mai jatuncunata cancunaman cunca?. 12 Cancuna shucpaccunata mana alli ricucpi, ¿pitac cancuna quiquinpacta cunca? 13 "Manapí ishcai, patronhuan tucuna ushan; shucta llaquishpa, shucta chicninca. Shucta uyashpa, shucta mana uyancachu. Dios-huan, cullquihuan mana tucuna usharinchu. 14 Fariseocuna, cullquita yapa munaccuna cashpa, Jesus rimshcata uyashpa paita asinurca. 15 Jesus paicunata nirca: —Cancuna, runacuna ñaupacpi allicuna shina ricurishpa causanquichic; ranti, Dios cancunata ucuta ricsin; runacunapacpi "jatun cani" nishpa niccunata Dios chicnin 16 "Juan shamushcacama Moisespac camachia quillca tiyarca, profetacuna yachachishcatapash pactachina carca. Chaimanti Diospac pacha uyachishcami can; tucuicunaca chaiman yaicusha niccunata ñacachinun; 17 ranti, cai pachahuan jahua pachahuan tucuricpipash, camachic quillcapi tiyac mana chincarincachu, illacta pactarinca. 18 "Shuc runa quiquin huarmita jichushpa shuc-huan sahuaricpi, jatun juchata aparin; chashnallata, cari jichushca huarmihuan sahuaric runa jatun juchata aparini: 19 "Shuc yapa cullquiyuc runami carca; sumac churanata churaric carca; caran puncha raimi punchapi shina micuc carca. 20 Cullquiyuc runapac huasi puncupi, shuc tsuntsu runa, :Lazaro shutiyuc, allpapi tiyacushpa causac carca; carachalla aparishca carca. 21 Cullquiyuc runapac mesamanta urmac puchucunata micunayarca; manapí paita cararca; allcucunapash paipac carachacunata llahuac carca. 22 "Shuc puncha, chai tsuntsu runa huañurca; huañucpi, angelcuna jahua pachaman pushanurca, Abraan tiyashcaman. Cullquiyuc runapash huauñuca; huañucpi, panpanurca. 23 Ucupachapi tiyashpa, ñacarishpa, caruman Abraanta ricurca; Lázaro paihuan tiyarca. 24 Paicunata ricushpa caparirca nishpa: —Yaya Abraan, ñucamanta llaquiripai, Lazarota ñucapacman cachamupai, paipac maqui rucata yacupi jucuchishpa, ñuca calluta chirichincapac, cai ninapi yapa ñacarini mari. 25 Abraan cutiparca nishpa: —Churi, yuyari, can causacushcapi cushilla causarcanqui, mana ima canta pishirca; ranti Lazaro mana imata charirca, nanaipi causarca. Cunan caipi cushilla causan, ranti, can nanachishcami canqui. 26 Ashtahuan rimasha: Shuc jatun huaicu cancunata ñucanchicmanta anchuchin. Caimanta cancunapacman chinpasha niccuna mana ushanun chinpancapac; chashnallata, cancuna tiyashcamanta ñucanchicpacman mana chinpaipac can. 27 Cullquiyuc runa chaira nirca: —Chashna cacpi, yaya, canta mañani: Lazarota ñuca yaya huasiman cachapanqui, 28 pichca huauquicunata charini mari; paicunata rimachun ama cai nanai pachaman shamuncapac. 29 Abraan nirca: —Moises quillcashcata, profetacuna quillcashecta yachanun, paicunata uyanuchun. 30 Cullquiyuc runa nirca: —Mana, yaya Abraan; shuc huañushcacunamanta paicunapacman ricpi, Diosman ticranuncami. 31 Abraan cutiparca: —Moisesta profetacunatapash mana uyanucpi, shuc huañushca runa causaricpipash mana ininuncachu.
1 Shuc puncha Jesus yachachishcacunata nirca: —Runacunata juchaman aisaccuna huiñai tiyanunca; ayailla chashna ruraccuna. 2 Alli canman chai runapac cuncapi jatun rumita huatashpa, ñucñu yacuman shitanuchun. Yuyanquichic cuti. 3 Canpac huauqui canta piñacpi, paita quishpichinqui. 4 Shuc punchallapi canchis cuti canta mana allita rarashpa, canchis cuti "ñuca rurashcamanta llaquirini" nistipa canpacman shamucpi, paita quishpichina canqui. 5 Shuc puncha yachachishcacuna Jesusta ninurca: —Ñucanchic inishcata huiñachipai. 6 Jesus paicunata nirca: —Cancuna inishca shuc uchilla muyu shina cacpi, chaipi shayac yurata ninquichicman "Chaimanta anchuri, ñucñu yacuman shitari" nishpa, paica cancunata uyanman. 7 "Cancuna shuc luncuta charishpa, pai chacra pichashcamanta, huacracunata michishcamanta ticracpi, ¿paita "tiyari micuncapac" ninquichichu? Mana. 8 Paita ninquichic: "Ñuca micunata allichishpa carahuanqui; huasha can micunqui" 9 ¿Chai luncuta pacrachunachu ranata rashcamanta? Mana. 10 Chashnallata, cancuna Dios rurai nishcata rurashca huasha ninquichic: "Llancaccunallami canchic, ruranallatami rurarcanchic". 11 Jesus Jerusalenman rifashpa,rSamaria mayanta, Galilea mayanta rirca. 12 Shuc llactaman yaicushcallapita; chunca sisu runacuna paita tupancapac llucshinurca. 13 Carupi shayarishpa caparinurca nishpa: —Jesus, yachachiccama, ñucanchicmanta llaquiripai. 14 Jesus paicunata nirca: —Pacriyayacunapacman ricuchiricrichic. Riranucpi, alliyachi tucunurca. 15 Paicunamanta shuc ña picharishcata ricurishpa, urastalla ticrarca, sinchi shimihuan Diosta chacchashpa. 16 Jesuspac ñaupacpi tuhuaman urmashpa, paita pacrachurca; chai runa Samariamanta runa carca. 17 Jesus, paita ricushpa, nirca: —¿Manachu chuncapura canurca picharacuna? ¿Shuccuna maipi tiyanun? 18 Cai sapalla, mana judio cac runa, Diosta chacchancapac ticramurca. 19 Huasha paita nirca: —Shayari, canpac huasiman ri; can inishca canta quishpichirca. 20 Shuc puncha fariseocuna Jesusta tapushpa ninurca: —¿Imura Dios apu tucuncapac shamunca? Jesus cutipashpa nirca: —Dios apu tucuncapac shamushpa, mana ricuipacchu canca. 21 Mana ninuncachu "caipi can", "chaipi can" nishpa; Diospac pacha ña cancunapacpi tiyan. 22 Huasha yachachishcacunata nirca: —Shuc puncha, cancuna cai RUNA causashca punchacunata ricunayashpa, shucllatapash mana ricunquichic. 23 Cancunata ninunca: "Caipi can, chaipi can". Chashna niccunata ama uyanquichichu, ama catinquichichu. 24 Shuc rayu jahua pachapi ricurin shucmanta shuccama llinpiashpa; chai layallata canca cai RUNA shamuna puncha. 25 Chai puncha pactanacama achcata paita llaquichinunca; cunan causaccuna "paita mana munanchic" nishpa jichununca. 26 "Cai RUNA shamuna punchapi, Noe causashca punchacunapi shina tucunca, 27 Runacuna micuranurca, upiaranurca, sahuariranurca Noe jatun canuapi yaicushca punchacama; chai huasha, jatun tamia shamushcapi, tucuilla huañunurca. 28 "Chashnallata tucurca Lot causashca punchacunapi: runacuna micuranurca, upiaranurca, ranticunurca, catucunurca, tarpucunurca, huasicunata shayachicunurca. 29 Lot Sodoma llactamanta llucshishcapi, jahua pachamanta nina asufrehuan urmarca, tucuicunataca huañuchirca. 30 Chashnallata tucunca cai RUNA shamuna punchapi, 31 Chai puncha, huasi jahuapi tiyaccuna ama uraicunuchun huasi ucumanta charishcacunata apancapac; chacrapi tiyaccuna ama huasiman ticranuchun. 32 Lotpac huarmiman tucushcata yuyarinquichic. 33 Maicanpash causaita quishpichisha nishpa, chaita chincachincami; causaita chincachic runa chaita cutillata charinca. 34 Cancunata nini: chai tutapi, ishcai shuc cahuitupi puñununca: shucta pushanunca, shucta saquinunca. 35 Ishcai pacta cutacununca: shuc apai tucunca, shuc saquishcami canca. 36 Ishcai runa chacrapi tiyanunca: shucta pushanunca, shucta saquinunca 37 Chai shimicunata uyashpa Jesusta tapunurca: —Apunchic, maipi chashna tucunca? Pai cutiparca: —Huañushca aicha tiyashcapi ancacuna tantarinunca.
1 Shuc puncha, Jesus runacunata yachachincapac imashnata Dios-huan rimana can mana sanpayashpa, 2 cashna rimarca: —Shuc llactapi shuc taripac runa tiyarca; Diosta mana manchac, runacunata mana llaquic carca. 3 Chai llactallapita shuc huarmi tiyarca; chai taripac runapacman rirca mañancapac nishpa: "Shuc runa ñucata chicnihuan; ñucanchicpura tucushcata allichipai". 4 Taripac runa unaita chai huarmita mana uyarcachu. Shuc puncha yuyarirca: "Ñuca Diosta mana manchashpallata, shuccunata mana llaquishpallata, 5 cai huarmi yallicta quillachihuacpi, paita uyashpa allichisha, casi ricuhuancapac". 6 Jesus nirca: Chaitami rimarca manalli taripac runa. 7 Diosca, pai acllashcacuna, punchantin tutantin paiman caparinucpi, ¿manachu paicunata uyanca?. Cúnaca cancunata tapuni: ¿Cai RUNA shamuna puncha chaira inic runa tiyancachu cai pachapi?. 9 Jesus cai rimahata uyachirca huaquin runacunaraicu, paicuna "ñuca alli runami cani, shuccuna huacllic runa canun" nishpa yuyaccuna carca. Cashna nirca. — 10 Ishcai runa Diospac huasiman rinurca paihuan rimarincapac. Shuc fariseo runa carca; shuc gubirnu cullquita pallac runa carca. 11 Fariseo runa shayashpa, cashna nirca: "Dios, ñuca mana shuc runacuna shina cashcaraicu canta pacrachuni: paicuna shuhua canun, manallita ruraccuna, shucpac huarmita japiccuna canun; mana cai gubirnu cullquita pallac runa shinachu cani. 12 Caran semana ishcai cuti sasic cani; tucui ñuca charishcacunamanta chunca raquita cuc cani". 13 Ranti, gubirnu cullquita pallac runa, cuchupi tiyashpa, ñahuicuna jahuaman shayachinata manchashpa, maquihuan pai quiquinta huactararca nishpa: "Dioslla, ñucamanta llaquiripai, juchasapa runa mari cani!". 14 Shuti cancunata nini: Cai runa paipac huasiman ticrashpa, Dioshuan allichishpa rirca; ranti, fariseo runa mana. Maicanpash pai quiquinta jahuayachishpa uchillayachishcami canca; maicanpash pai quiquinta uchillayachishpa, jatunyachishcami canca. 15 Shuc puhcha llullu huahuacunata Jesuspacman pushamunurca "paicunata llancapai" nishpa; yachachishcacuna, chaita ricushpa, piñarishpa "anchurichic caimanta" ninurca. 16 Jesus paicunata cayashpa nirca: —Imaraicu huahuacunata quillachinquichic? Paicuna ñucapacman shamunata ama jarcaichichu; Diospac pacha paicuna shina caccunapac mari can. 17 Shuti cancunata nini; Diospac pachata chasquic runa, huahua shina mana chasquishpa, mana imura jahua pachaman yaicuncachu. 18 Chaipi tiyaccunamanta shuc apu runa Jesusta tapurca: —Alli yachachiccama, imata rana cani mana tucuric causaiman pactancapac? 19 Jesus paita nirca: —¿Imaraicu ñucata "Alli" nishpa hihuanqui?. Shucllami alli, Dios. 20 Canca Dios rurai nishcacunata yactianqui: Shucpac huarmihuan ama llutarinquichu; runata ama huahuchinquichu; ama shuhuanquichu; ama shucmanta llullashpa rimanquichu; canpac yayata, canpac mamata yupaichanqui". 21 Rimacpi uyashpa, chai runa nirca: —Chai tucuita huahua eashcamanta pactachircani. 22 Jesus chaita uyashpa nirca: —Chaira shuc canta pishin: Tucui charishcacunata catushpa, tsuntsu runacunaman cunqui; chashha rashpa, jahua pachapi cullquiyuc tucunqui; chai huasha ñucahuan shamunqui. 23 Chai runa uyashpa yapa llaquirirca, yapa cullquiyuc mari carca. 24 Jesus paita llaquirishcata ricushpa, nirca: —Cullquiyuccuna mana yaicunallachu canun Diospac pachapi. 25 Shuc camello nishca huihua tupulli jutcuta ashtahuan pasanalla canca, cullquiyuc runa Diospac pachaman yaicunamanta. 26 Chaita uyaccuna ninurca: —¿Chashna cacpi, pitac quishpina ushanca? 27 Jesus cutipashpa nirca: —Runa mana ushashcata Dios ushan. 28 Pedro nirca: —Apunchic, ñucanchic tucuita saquircanchic canta catincapac. 29 Jesus cutiparca: —Shuti cancunata nini: Shuc runa huasita cacpi, yaya mamata cacpi, huauquicunata capi, huarmita cacpi, churicunata cacpi, Diosraicu saquishpa, 30 cai pachapi pai saquishcamanta yalli cui tucunca; cai pacha tucurishca huasha, mana tucuric causaita japinca. 31 Jesus chunca ishcaicunata chicanman cayashpa, paicunata nirca: —Jerusalenman riranchic, chaipi, profetacuna cai RUNAmanta quillcashcata pactarinca. 32 Paita mana judio caccunaman cununca; paita asinunca, caminunca, tiucanunca. 33 Paita llipachinunca, huañuchinunca; chashnapash quimsa puncha huasha causarincami. 34 Chashna nicpi uyashpa, yachachishcacuna mana imata atipanurcachu; "imata nin cai runa mana yachanchic" ninurca; Jesus rimashca mana atipaipacchu carca. 35 Jesus Jerico nishca llacta mayanman pactashcapi, shuc ñausa runa "imatapash cuyahuaichic" nishpa ñanpipi tiyacurca. 36 Achca runacuna ñanpita purinucpi uyashpa, "imata tucun" nishpa tapurca. 37 Cutipanurca: —Nazaretmanta Jesus caita riran. 38 Ñausa runa chaita uyashpa caparirca: —Jesus, Davidpac churi, ñucamanta llaquiripai 39 Ñaupacpi riraccuna paita piñanurca "Upallai" nishpa; ranti, pai ashtahuan sinchi caparirca: —Davidpac churi, ñucamanta llaquiripai. 40 Jesus, caparishcata uyashpa, shayarirca; shayarishpa, "paita pushamuichic" nirca. Pushamunucpi, paita tapurca: — 41 ¿Imata munanqui ñuca canta rancapac? Ñausa runa nirca: —Apunchic, ñuca ricunata munani. 42 Jesus paita nirca: —Ricuilla, can inishcamanta alli tucurcanqui. 43 Chai ucullapi, ñausa runa ricuncapac callarirca; Diosta chacchashpa, Jesusta catishpa rirca. Chaita ricushcacunapash Diosta chacchanurca.
1 Jesus Jerico llactaman pactashpa, callecunata purirarca. 2 Chai llactapi shuc cullquiyuc runa tiyarca, Zaqueo shutiyuc, gubirnu cullquita pallacunapac apu. 3 Pai Jesusta ricsinata munarca; allpalla runa cashpa, achca runacuna juntarinucpi, paita mana ricuna usharcachu. 4 Chashna cacpi, ñaupacman callpashpa, shuc yuraman sicarca; chai mayanta Jesus rina carca. 5 Jesus chaiman pactashpa, Zaqueota yurapi ricushpa nirca: —Zaqueo, utcalla uraicui, canpac huasipi saquirinca rani. 6 Chaita uyashpa, Zaqueo urastalla yuramanta uraicurca; cushiyashpa, Jesusta huasipi chasquirca. 7 Chaita ricushpa, tucui runacunai Jesusta huashapi rimai callarinurca "shuc juchayuc runapac huasipi saquirin" nishpa. 8 Zaqueo manapita manchashpa, Jesusta nirca: —Apulla, ñuca charishcacunamanta chaupita tsuntsu runacunaman cunca rani; pimantapash umachishpa ñuca yallicta japishca cashpa, chuscurcuti yapashpa cutichisha. 9 Jesus paita nirca: —Cunan puncha cai huasiman quishpichina yaicurca; cai runapash Abraanpac churimi can. 10 Cai RUNAca chincarishcata mashcancapac, paita quishpichincapac shamurca. 11 Runacuna chai shimicunata uyaranurca. Jerusalenman pactana mayanpi, Jesus shuc yachachina rimanata rimarca, paicuna "Diospac pacha pactanca ran ima chari" nishpa yuyanucpi. 12 Cashna rimarca: —Shuc jatun runa caruman rirca, pai quiquinpac llactapi apu tucuna shimita japincapac, apu tucushpa ticrancapac. 13 Chaira mana rishpa, chunca paihuan llancaccunata cayashpa, caranman cullquita curca nishpa: —Cai cullquihuan rantishpa catushpa llancaichic nuca ticranacama. 14 Chai llacta runacima paita chicninurea; chairaicu, paipac huashalla shimita cachanurca "mana munanchic cai runa ñucanchic apu tucuchun" nishpa. 15 Chashnapash, paita chai llactamanta aputa ruranurca; chai huasha ticramurca. Huasiman pactashpa, chai paihuan llancaccunata cayaita, cullquita cushcacunata, "ñuca cushca cullquihuan mashnata yapachinurca" yachancapac. 16 Ñaupac shamushpa nirca: —Apu, can cuhuashca cullquihuan chunca cullquita yapachircami. 17 Pai nirca: —Allimi, alli runa, pactachic runa canqui; ansallahuan allita rashcaraicu, chunca llacta apu tucunqui. 18 Shuc shamushpa nirca: —Apu, can cuhuashca cullquihuan pichca cullquita yapachircani. 19 Paitapash nirca: —Allimi, can pichca llacta apu tucunqui. 20 Shuc shamushpa ninca: —Apu, caica canpac cullqui; shuc churanahuan pillushpa huacaichircani, 21 canta mancharcani mari; can millai shuncuyuc canqui; can mana cushcata mañanqui, mana tarpushcata pallanqui. 22 Chashna nicpi uyashpa, apu nirca: —Mana alli llancacruna, can rimashcallahuan canta taripani. Ñuca sinchi runa cashcata, mana cushcata mañac cashcata, mana tarpushcata pallac cashcata yacharcanqui; 23 Chashna cacpi, ¿imaraicu nuca cushca cullquita mana bancopi churarcanqui mirarincapac, ñuca ticramushpa chai cullquita yapashcantin japincapac? 24 Chaipi tiyaccunata nirca: —Cullquita quichuichic paimanta, chunca cullquita charicman cuichic. 25 Paicuna ninurca: —Apu, ña chunca cullquita charin. 26 Apu cutiparca: —Mana imananchu; charic runa ashtahuan cui tucunca; ranti, mana charic runa pai charishcashitutapash quichui tucunca. 27 Ñucata chicniccunataca caiman pushamuichic, ñuca ñaupacpi paicunata huañuchichic. 28 Chai shimicunata rimashca huasha, Jesus yachachishcacunata ñaupashpa Jerusalenman rirca. 29 Betfage llactaman, Betania llactaman pactashpa, Olivos nishca urcu mayanpi, Jesus ishcai yachachishcacunata nirca: 30 —Ñahuipura tiyac tacsha llactaman richic. Chaiman pactashpa, shuc burro nishca huihuata huatashcata tupanquichic; chai burro jahuapi manapí chaira sicarcachu; pascashpa apamunquichic. 31 "Imapac pascanquichic" tapunucpi, cutipanquichic: "Apu paita mutsunmi". 32 Yachachishcacuna rinurca, Jesus nishca shina tupanurca. 33 Burrota pascanucpi, amucuna shamushpa ninurca: — 34 ¿Imapac cai burrota pascaranquichic? Yachachishcacuna ninurca: —Apu paita mutsunmi. 35 Pascashpa Jesuspacman burrota apanurca, Churanacunata burro jahuapi mantashpa, Jesusta sicachinurca. 36 Jesus riracpi, runacuna churanacunata ñanpipi mantanurca. 37 Olivos nishca urcu uraicuna mayanman pactacpi, Jesusta caticcuna cushiyashcahuan caparishpa, Diosta chacchanurca cashna nishpa: — 38 ¡Apunchicpac shutipi shamuc jatun Curaca bendisiashca cachun!. ¡Jahua pachapi ganas causai yupaichanapash cachun! 39 Runa ucumanta huaquin fariseocuna Jesusta ninurca: —Yachachiccama, canta caticcunata upallachi. 40 Jesus paicunata cutiparca: —Paicuna upallanucpi, rumicuna caparinunca. 41 Jerusalen mayanman pactanucpi, Jesus llactata ricushpa nirca: 42 —Cai canpac punchapi ima alli cashcata can yachashcapi, alli canman. Ranti, chai canpac pacashca can, canpac ima alli cashcata mana atipanqui. 43 Llaqui punchacuna pactamununca; canta chicniccuna llacta muyucta quinchata ruranunca; tucui particunamanta canta llaquichinunca, canta urmachinunca. 44 Ucupi tiyaccunata huañuchinunca; canmanta shuc rumi shuc rumi jahuapi mana saquirincachu, Dios canta quishpichincapac shamushcata can mana atipashcaraicu. 45 Chai huasha, Jesus Dipspac huasiman yaicurca; chaipi catuccunata, ranticcunata chaimanta llucshichirca nishpa: — 46 Quillcashcacunapi cashna quillcara tiyan: "Ñuca huasi Dios-huan rimarina huasi canca", cancuhaca shuhua huasita chaita rarcanquichic. 47 Caran puncha Jesus Diospac huasipi yachachic carca; pacriyaya apucuna camachic quillcata yachaccunantin llacta rucucunantin Jesusta huañuchishun nishpa, imashnata rurashun nishpa yuyaranurca. 48 Ranti, imashna ranata mana yachanurca, tucui ruhacuna Jesusta munaihuan uyanucpi.
1 Shuc puncha, Jesus Diospac huasipi runacunata yachachirarca, Diospac alli shimita camachirarca; pacriyaya apucuna, camachic quillcata yachaccuna rucucunantin shamushpa, Jesusta ninurca: — 2 ¿Ima ushaihuan can rurashcata ruranqui? ¿Pimi canta chaita rurancapac rimarca? 3 Jesus cutiparca nishpa: —Ñucapash cancunata shuc shimita tapunca rani: 4 ¿Pimi Juanta cacharca bautisancapac? ¿Dioschu paita cacharca? ¿Runacunachu paita cachanurca? Cutipahuaichic. 5 Rimacpi, paicunapura rimarincapac callarinurca: ¿"Imata rimashun? Ñucanchic "Dios paita cacharca" nishpa rimacpi, pai ninca: ¿Imaraicu paita mana inircanquichic? 6 Ñucanchic "runacuna paita cachanurca" nishpa rimacpi, tucui runacuna rumihuan ñucanchicta huañuchinunca; Juan Diospacmanta rimac cashcata shuti yuyanun mari. 7 Chairaicu Jesusta ninurca: —Mana yachanchichu. 8 Chaita uyashpa Jesus nirca: —Ñucapash ima ushaihuan chaicunata rurashcata mana rimashachu. 9 Chai huasha, Jesus runacunaman cai rimanata rimarca: —Shuc runa uya nishca chacrata rurarca; shuc runacunaman mañachishpa, chaimanta rirca unayasha nishpa. 10 Pallana pacha pactaricpi, shuc luncuta cacharca chacra amupacta chai runacunaman manancapac; paicuna, chai luncuta huactashpa, imapash illac cachanurca. 11 Chashna, tucucpi, chacra amu shucta cacharca; paitapashi piñanurca, huactanurca, imapash illac cachanurca. 12 Chaira shuctapash cacharca; llancaccuna paitapash chucrichishpa callpachinurca. 13 "Puchucaipi chacra amu nirirca: ¿'Imata rasha? Ñuca llaquishca churita cachasha; paita yupaichanunca ima chari'. 14 Llancaccuna paita ricushpa rimanacunurca nishpa: Caimi amu charishcacunata japina cac, paita huañuchishunchic pai japinca rashcacunata amuyancapac. 15 Paita japishpaca, chacramanta llucshichishpa huañuchinurca. ¿Chacra amu imata ruranca chai runacunata?. 16 Paicunata huañuchinca, chacrata shuc runacunaman mañachinca. Chaita uyashpa ninurca: —¡Mana chashna tucuchun 17 Ranti, Jesus paicunaman ricushpa nirca: —Shinacpi, imata nishpa nin cai quillcara: "Huasita shayachiccuna jichushca rumi huasi siqui rumi tucurca. 18 Chai rumi jahuapi urmac runa paqui paqui tucunca; chai rumi runa jahuapi urmashipa, paita ñitinca". 19 Pacriyaya apucuna, camachic quillcata yachaccunapash Jesus paicunamanta rimashcata atipanurca; chairaicu, chai ucullapi paita japinata munanurca; ranti, runacunata manchanurca. 20 Jesusta mana japi ushashpa, shuc runacunata paipacman cachanurca, alli runacuna shina ricurishpa Jesusta pantachincapac, paita imatapash rimachishpa cautsayachincapac, gubirnu apuman paita chasquichincapac. 21 Chai runacuna Jesusta tapunurca: —Yachachiccama, can shutita rimac cashcata yachanchic; runapi ricurishcallahuan mana taripanquichu; Diosman ric ñanpita mana umachishpa ricuchinqui. 22 Rimai cuti: ¿Roma llactapi causac Incaman cullquitai pagana allichu? ¿manachu alli? 23 Jesus, paicuna manalli yuyaihuan tapushcata yachashpa, nirca: —¿Imaraicu urmachinayahuanquichic? 24 Shuc cullquita ricuchihuaichic. ¿Pipacta can cai ñahui, caipi tiyashca shutipash? Cutipanurca: —Incapac. 25 Jesus paicunata nirca: —Incapacta Incaman cuichic, Diospacta Diosman cuichic. 26 Chashna cutipacpi, mana ushanurca ima pantashca shimitapash rimachincapac runacuna ñaupacpi; Jesus cutipashcamanta mancharishpa churilla tucunurca. 27 Shuc puncha, huaquin ranacuna "saduceos" nishcacuna Jesuspacman rinurca; paicuna "huañushcacunai mana causarinuncachu" nishpa yachachinun; chairaicu, Jesusta tapushpa ninurca: — 28 Yachachiccama, Moises quillcashcacunapi cashna quillcara tiyan: "Shuc huarmiyuc runa huahua illac huañucpi, paipac huauqui chai huarmihuan sahuarichun; paicunapac huahua huñuscapac shutita apanca; chashna nin Moises quillcashca; cunan allita uyanqui: 29 Canchis huauquipura tiyanurca. Rucu huauqui shuc huarmita japirca, huahua illac huañurca. 30 - 31 Paipac quipa chai huarmillahuan sahuarirca, paipash huahua illac huañurca. Tucui canchis huauquipura huasha huasha chai huarmillahuan sahuarinurca, huahua illac huanunurca. 32 Puchucaipi huarmipash huanurca. 33 Causarina puncha, chai huarmi maicanpac canca, tucui canchis paihuan sahuarishca cacpi? 34 Jesus paicunata cutiparca: —Cai causaipi caricuna huarmicunapash sahuarinun. 35 Ranti, chai shuc causaiman pactancapac baliccuna, causarincapac baliccuna, mana sahuarinuncachu. 36 Ña mana huañununca, angelcuna shina tucununca; Diospac churicuna canun, Dios paicunata causachicpi. 37 Huañushcacuna causarina canata quiquin Moises yachachirca. Ruparashca yurapi Dios paiman ricurishcapi, Moises paimanta rimashpa nin: "Abraanpac Dios, Isaacpac Dios, Jacobpac Dios". 38 Dios mana huañushcacunapac Dioschu, causaccunapac Diosmi. Diospacpi tucuicuna causayuc canun. 39 Chaita uyashpa, huaquin camachic quillcata yachaccuna ninurca: —Alli rimashcanqui, Yachachiccama. 40 Chai pachamanta imatapash tapunata manchanurca. 41 Chai huasha Jesus nirca: —¿Imaraicu Mesias Davidpac churi cashcata ninun? 42 Davidllata, Salmos nishca quillcapi, cashna nin: Apu ñuca Aputa rimarca nishpa: Ñuca alli maquiman tiyari 43 ñuca canta chicniccunata atinacama. 44 Davidllata Mesiasta "Apu" nishpa rimacpi, ¿imashna paipac churi canca? 45 Tucui runacuna uyanucpi, Jesus yachachishcacunata. nirca: 46 Yuyanquichic camachic quillcata yachaccunata; paicuna suñi churanata churarinata munanun; callecunapi salurai tucunayanun; tantarina huasicunapi ñaupac tiyarinacunata munanun; micunacunapipash ñaupac tiyarinata mashcanun. 47 Huaccha hurmicuna charishcacunata shuhuanun, paiounata umachishpa "cancunamanta Diosta mañacunchic" nishpa. Upata ñacachi tucununca.
1 Jesus Diospac huasipi tiyacushpa, cullquiyuccuna camari malacunapi cullquita churacushcata ricurarca. 2 Shuc huaccha huarmi shamushpa, manaimayuc cashpa, ishcai cullquishituta chai malapi churarca. 3 Chaita ricushpa, Jesus nirca: —Shuti cancunata nini: Cai huaccha huarmi tucuicunamanta ashtahuan curca; 4 paicuna puchushcamanta mari cunurca; ranti, cai huarmi causancpac charishcata illacta curca. 5 Huaquin runacuna Diospac huasimanta rimaranurca nishpa: —Ricuichic chai sumac ricuric huasita, alli sami rumicunahuan rurashca, runacuna cuyashca curihuan sumacyachishca. Jesus paicunata nirca: — 6 Shuc puncha, cancuna ricurashca huasimanta, shuc rumi shuc rumi jahuapi mana saquirincachu, illacta tulachishcami canca. 7 Chashna nicpi Jesus, paita tapunurca: —Yachachiccama, imura chashna tucunca? ¿Ima imata ricurinca chai tucui tucunca racucpi?. 8 Jesus cutipashpa nirca: —Yuyanquichic ama umachi tucuncapac. Achca runa ñuca shutipi shamununca mari, "ñuca Cristopi cani" nishpa, "caimi Diospac pacha" nishpa. Ama paicunata uyanqujchichu. 9 "Macanacui tiyan nishpa uyaricpi, ama mancharichichu; chai ñaupacta tucuna can, ranti tucurina mana urastalla shamunca. 10 Huasha paicunata nirca: —Llacta shuc llactahuan macanacununca. Shuc ninacuna shuc runacunahuan macarinunca. 11 Allpa sinchi cuyurinca; jahua pachapi manchaipaccuna ricurinunca; huaquin suyucunapi jatun yaricai tiyanca; millai uncuicunapash tiyanunca. 12 Chaira mana chashna tucushcallapita, japi tucunquichic; cancunata llipachinunca, chunta curralpi huichcanunca, jatun apucunapacman pushai tucunquichic ñucaraicu. 13 Chashna tucucpi, cancuna ñucata catishcata ricuchincapac alli canca. 14 Chairaicu, ama llaquirinquichichu imata rimashpa paicunamanta quishpirishun nishpa. 15 Ñucalla cancunata yachac shimicunata rimachisha; cancunata chicniccuna imatapash cutipana mana ushanuncachu. 16 "Cancunapac quiquin yayacuna; huarmicuna, aillucuna, mashicuna cancunata japinunca, taripaccunamah cui tucunquichic; huaquincuna huañuchi tucunquichic. 17 Ñucaraicu tucui runacunapi chicni tucunquichic. 18 Mana imananchu; cancunapac umamanta shuc acchallapash mana chincarincachu. 19 Cancuna allita ranapi mana sanpayashpa quishpichi tucunquichic. 20 "Suldarucuna Jerusalen llactata muyuchishcata cancuna ricucpi, chai llacta tulai tucuna puncha pactamurcami. 21 Chashnapi, Judeapi tiyaccuna urcucunaman miticunuchun; llactapi tiyaccuna chaimanta llucshinuchun; chacrapi tiyaccuna ama llactaman ticranuchun. 22 Chai punchacunapi mari Jerusalen ñacachi tucunca, quillcashcacuna paimanta rimashca pactarincapac. 23 ¡Ailla huicsayuc huarmicuna, chuchuchic huarmicunapash! Cai llacta jahuapi jatun llaqui shamunca, runacuna sinchi ñacachi tucununca. 24 Huaquincuna huañuchishcami canunca, huaquincuna shuc llactacunamah pushai tucununca, huatara tucushpa causancapac; mana judio caccuna Jerusalenpi causanunca paita mapayachishpa Dios munashca punchacama. 25 "Intipi, quillapi, estrellacunapi manchaipaccuna ricurinunca; allpapi runacuna mancharishcalla causanunca, ñucñu yacu caparishcata uyashpa. 26 "Ima tucunca ran" yuyashpa, manchaihuan chucchushpa, yuyai illac shina purinunca, tucui jahua, pacha tularinca mari. 27 Chashnapi, cai RUNAta ricununca; jatun ushaihuan apu tucushpa, puyucuna jahuapi shamurashcata ricununca. 28 Chai tucui callaricpi, cariyanquichic, umata jatachinquichic, urastalla mari quishpichishcami canquichic. 29 Caitapash rimarca; —Higuera nishca yurata yuyarichic. 30 Paipac pancacuna ña tucyacpi, rupai pacha pactashcata yachanquichic. 31 Chashnallata, ñuca rimashca pactarincapac callaricpi, Diospac pacha pactamurashcata yachanquichic. 32 Shuti cancunata nini: cunan causaccuna chaira mana huañucpi, ñuca rimashca shimi pactarincami. 33 Jahua pacha cai pachapash tucurinuncami; ranti, ñuca shimicuna mana chincarinuncachu. 34 "Yuyanquichic; ama upayachi tucuichichu; yallicta micushcamanta, machashcamanta, cai causaipacta yuyashcamanta cancunapac yuyai ama upayachun, chai punchapi ama japi tucuncapac shuc tuclla urmashca shina; 35 chashna mari shamunca chai puncha tucui suyucunapi causaccunaman. 36 Allichirishpa chaparaichic; huiñailla Diosta mañaraichic chai tucuita quishpincapac, cai RUNApacman mana manchashpa rina ushancapac". 37 Punchapi Jesus Diospac huasipi yachachic carca, tutapi Olivos urcuman ric carca puñuncapac. 38 Tucui runacuna tutamantashitu Diospac huasiman shamuccuna carca paita uyancapac.
1 Pascua nishca raimi, mana punquichishca tanta micuna puncha ña pactamurarca. 2 Pacriyaya apucunahuan yachaccunahuan imashnata Jesusta huañuchincapac mashcaranurca, runacunata manchashpa. 3 Chashna cacpi, supai Judas Iscariote ucupi yaicurca; Judas chunca ishcai Jesus acllashcacunamanta carca. 4 Pai pacriyaya apucunaman rishpa, paicunahuan Diospac huasipi tiyac suldaru apucunahuanpash rimarirca imashna Jesusta japishpa paicunaman cuncapac. 5 Paicuna uyashpa cushiyanurca; "cullquita cushcanqui" paita ninurca; 6 pai "allimi" nishpa, Jesusta runa illashca pachapi japinata munarca, paita apucunaman chasquichincapac. 7 Mana punquichishca tanta micuna puncha ña pactarca; chai punchallapita, cordero nishca huihuata huañuchina carca. 8 Chastina cacpi, Jesus Pedrota, Juanta cashna nistipa cacharca: —Ñucanchic pascua micunata micuncapac tucuita allichicrichic. 9 Paicuna tapunurca: —Maipitac munanqui ñucanchic allichincapac? 10 Jesus nirca: —Uyahuaichic: Cancuna llactaman yaicushpa, shuc yacu mancata apac runata tupanquichic. Paita catishpa, pai yaicushca huasiman yaicunquichic. 11 Yaicushpa huasi amuta ninquichic: "Yachachiccama canta nin: Maipi tiyan micuna ucu, ñuca runacunahuan pascua micunata micuncapac?". 12 Pai huasi jahua patapi shuc jatun ucuta" ricuchinca tucui ñucanchic mutsushcacunantin; chaipi micunata allichinquichic. 13 Chashna rimacpi, Pedrohuan Juanhuan llactaman rishpa, Jesus rimashca shina tarinurca; chaipi pascua micunata allichinurca. 14 Micuna pacha pactashcapi, Jesus paipac apostolcunahuan micuncapac tiyarirca. 15 Jesus paicunata nirca: —Yapa munarcani cai: pascua micunata cancunahuan micuncapac, ñuca chaira mana huañushpa. 16 Cancunata nini: Cai raimita mana cuti rashachu, Diospac pacha pactarinacama. 17 Chashnapi, shuc basuta japishpa, Diosta pacrachushpa, nirca. —Caita japichic, tucuicuna huasha huasha upiaichic; 18 cancunata nini, Diospac pacha shamunacama binota mana upiashachu. 19 Huasha, tantata japishpa, Diosta pacrachurca; chaita paquishpa, paicunaman curca nishpa: —Cai ñuca aichami can, cancunata quispichincapac huañuchishca cana aicha. Ñucata yuyarishpa chaillatata ruranquichic. 20 Micushca huasha, binota japishpa nirca: —Cai bino Dios runacunaman mushu cushca shimita ricuchic yahuarmi; cai yahuar cancunata quishpichincapac tallishcami can. 21 Ñucata chasquichinca rac runa caipi can ñuca mayanpi. 22 Cai RUNA paiman ricushishca ñanpita rin; ¡ailla paita japichic runa!. 23 Rimacpi, paicunapura tapurinurca pi chari canca chashna ruranca rac. 24 Apostolcuna paicunapura piñarishpa rimariranurca paicunamanta maican mai jatun can. 25 Jesus paicunata nirca: —Cai pachapi gubirnu apucuna runacunapac amu cashca shina paicunata pushanun; pushaccunataca "allita ruraccuna" nishpa ninun. 26 Cancuna mana chashnachu cana canquichic; ranti, cancunamanta maicanpash yalli cashpa, puchucai shina causachun; pushac runaca yanapac runa shina causachun. 27 Maican yalli can: ¿micuncapa tiyaric runachu? ¿paita carac runachu?. ¿Manachu micuncapac tiyaric runa yalli can?. Chasnapash, ñuca cancunapacpi yanapac runa shina tiyani. 28 Ñucata ñacachinushcapi, cancuna mana jichuhuarcanquichic. 29 Chairaicu, cancunaman shuc pachata cunca rani, ñuca Yaya cuhuashca shina. 30 Chai ñuca pachapi ñucahuan micunquichic, upianquichic ñuca mesallapi. Chashnapi cancuna, apucuna tucushpa, Israel chunca ishcai miraita taripanquichic. 31 Chai huasha Jesus Pedrota nirca: —Simon, Simon, uyahuai: supai apu, cancunata urmachinayashpa, upata quillachinca; 32 chashnapash, ñuca canmanta mañarcani can inishcata ama saquincapac. Canca ñucaman cuti ticrashpa, canpac huauquicunata cariyachinqui. 33 Simon Jesusta nirca: —Apunchic, canta chunta curralpi huichcanucpi, canhuan risha; huañuha cacpica, canhuan pacta huañushami. 34 Jesus cutiparca: —Pedro, canta nini: cunan tuta cari atallpa chaira mana caparicpi, can "paita mana ricsinichu" nishpa quimsa cuti ninqui. 35 Chai huasha, Jesus paicunata tapurca: —Ñuca cancunata cullqui illac, shicra illac, ushuta illac cachashcapi, ¿imapash cancunata pishircachu? Cutipanurca: —Mana ima ñucanchicta pishircachu. 36 Chashnapi paicunata nirca: —Ranti, cunan cullquita charic apachun, shicrata charic apachun. Mircanuta mana charic paipac churanata catuchun mircanuta rantincapac. 37 Cancunata nini: Quillcashcacuna rimashca ñucapi pactarina can. Cashna quillcara tiyan: "Mana. allita rurac runahuan shina paihuan ruranurca". Ñucamanta quillcashcacuna rimashca illacta pactarina can. 38 Paita ninurca: —Apunchic; caipi ishcai mircanu tiyan. Jesus cutiparca: —Pacta can. 39 Chai huasimanta llucshishpa, Jesus paipac yachai, Olivos urcuman rirca; yachachishcacuna paita catinurca. 40 Chaiman pactashpai, paicunata nirca: —Dios-huan rimaricuichic, ama juchanayai shamucpi urmancapac. 41 Paicunamanta anchurishpa, runa maquihuan rumita shitashca tupu caruman rishpa, Dios-huan rimarca cashna nishpa: — 42 Yaya, can munashpa, cai llaquita ñucamanta anchuchi; ranti, ama ñuca munashcata ruraichu, can munashcata rurai. 43 Rimacpi, jahua pachamanta shuc angel shamushpa, paita sinchicuchirca. 44 Jesus yapa ñacarishpa, ashtahuan sinchita mañarca. Junpirishpa, paipac junpi yahuar tucurca; shutushpa allpacama tallirirca. 45 Dios-huan rimashca huasha jatarishpa, yachachishcacuna tiyashcaman ticrarca; llaquirishcamanta puñurashcata paicunata tuparca. 46 Paicumata nirca: —¿Imaraicu puñuranquichic? Shayarichic, Dios-huan rimarichic ama juchanayaipi urmancapac. 47 Jesus chaira rimacucpi, achca runacuna pactamunurca; paicunata pushac Judasmi carca, chunca ishcaicunamanta runa. Jesusman mayanyashpa, paita mucharca; 48 Jesus paita nirca: —Judas, ¿shuc muchahuan cai RUNAta japichinquichu? 49 Jesus-huan tiyaccuna, tucunca rashcata yachashpa, tapunurca: —Apunchic, ¿mircanuhuan huactashunchu? 50 Paicunamanta shuc, pacriyaya jatun apupac luncuta huactashpa, paipac rinrita pitirca. 51 Jesus, chaita ricushpa, nirca: —Saqukhic; pacta can. Luncupac rinrita llancashpa alliyachirca. 52 Huasha, paita japincapac shamushca pacriyaya apucunata, Diospac huasita ricuccamacunata judio apucunatapash rimarca nishpa: —Shuhua runata japincapac shina caspicunahuan, mircanucunahuan shamushcanquichic. 53 Caran puncha Diospac huasipi cancunahuan tiyarcani; mana japihuarcanquichic. Ranti cunan cancunapac pachami, supai pachami, pai apu-cana pachami. 54 Chashna rimacpi, paita japishpa, Jatun pacriyaya apupac huasiman pushanurca. Pedro carumanta Jesusta catirarca. 55 Huasi patiopi ninata japichishpa tiyarinucpi, Pedropash paicunahuan tiyarirca. 56 Shuc yanapac huarmi, paita nina mayapi tiyacucpi ricushpa, nirca: —Cai runapash Jesus-huan tiyac carca. 57 Pedro nirca: —Huarmi, paita mana ricsinichu. 58 Astanipi, shucca paita ricushpa nirca: —Canpash paipaccunamanta canqui. Pedro cutiparca: —Mana paipaccunamantachu cani. 59 Unai huasha shuc runa nirca: —Shut pacha, cai runa paihuan tiyac carca, galileo runa mari can. 60 Pedro nirca: —Runahua, can rimashcata mana yachanichu. Chai ucullapi, Pedro chaira rimaracpi, shuc cari atallpa caparirca. 61 Jesus ticrashpa Pedroman ricurca. Pedroca Jesus rimashcata yuyarirca, pai nishcapi: "Cunan tuta cari atallpa chaira mana caparicpi, can quimsa cuti ñucamanta ninqui "paita mana ricsinichu". 62 Chaimanta llucshishpa yapa huacancapac callarirca. 63 Jesusta ricuc runacuna paita asincapac macancapac cailarinurca. 64 Paipac ñahuicunata quillpashpa, paita huactashpa tapunurca: —¿Rimai, pimi canta huactan? 65 Tucui sami shimicunata piñashcahuan paita rimaranurca. 66 Ña punchayacpi, judio apucuna, pacriyaya apucuna camachic quillcata yachaccunapash tantarinurca; Jesusta paicunapacman pushanurca; chaipi paita tapunurca: 67 —Rimai, ¿Mesiaschu canqui?. Jesus cutiparca: —Ñuca "ari" nicpi, mana inihuanquichic; 68 imatapash cancunata tapucpi, mana cutipahuanquiehic. 69 Chashnapash, caita yachaichic: Cunanmanta cai RUNA ushayuc Dios-huan pacta jahua pachapi tiyanca. 70 Chaita uyashpa, paita tapunurca: —¿Shinacpi Diospac Churichu canqui? Jesus nirca: —Ari, cancunallata rimarcanquichic: Diospac Churi cani. 71 Chaita uyashpa, ninurca: —Shuc ricuyac runacunata ña mana mutsunchic. Ñucanchicllata paipac shimimanta uyashcanchic.
1 Judio apucuna Jesusta taripashca huasha, Pilatopacman paita pushanurca. 2 Chaiman pactashpa, Jesusta juchachiranurcanishpa: —Cai runa ñucanchic llactapi causaccunata huacllichirashcata tuparcanchic. Gubirnuman pagana cullquita ama paganquichic nishpa camachin; "ñuca Mesias Apu cani" nishpa riman. 3 Pilato Jesusta tapurca: ¿Judiocunapac Jatun Curacachu canqui? Jesus cutiparca: —Ari, chashnami can. 4 Pilato pacriyaya apucunata, chaipi tiyac runacunatapash nirca: —Cai runa ima manallita rashcata mana tarinichu. 5 Paicuna cutillata rimanurca nishpa: —Runacunata huacllichin Judea llactacunapi yachachishcahuan; Galileamanta callarishpa, caicama pactamurca. 6 Chaita uyashpa, Pilato tapurca: —¿Galileamantachu cai runa? 7 "Ari" ninucpi, Pilato Jesusta Herodespacman cacharca, pai mari Galileapi apu carca; chai punchacunapi Jerusalenpi tiyarca. 8 Herodes, Jesusta ricushpa, yapa cushiyarca; paita unaimanta ricunayarca; paimanta achcata uyashcarca mari; "shuc mana raipacta ñuca ñaupacpi ruranca" nishpa yuyararca. 9 Chairaicu paita unaita tapurca; ranti, Jesus mana shuc shimitapash rimarcachuu. 10 Pacriyaya apucuna camachic quillcata yachaccunapash Jesusta juchachishpa rimaranurca. 11 Herodes paihuan tiyaccunantin Jesusta millanurca; paita asishpa, chiuclla ricuric churanata churachinurca; chai huasha Pilatopacman cutillata paita cacharca. 12 Chai punehallapitac Herodes-huan Pilatohuan llaquicpura tucunurea, chai pachacama chicnicpura canurca mari. 13 Pilato, pacriyaya apucunata judio apucunatapash tantachishpa, nirca: — 14 Cai runata ñucapacman pushamurcanquichic, "tucui runacunata huacllichin" nishpa. Cancunapac ñaupacpi paita tapurcani; cancuna juchachishcata mana tupanichu paipi; 15 Herodespash paipi ima mana allita mana tupashpa, ñucapacman cutillata cachamurca. Cai runa mana huañuchipacchu can. 16 Chairaicu, paita llipachishpa cacharishami. 17 Raimi punchapi Pilato runacunata cushichincapac shuc chimta curralpi huichcashca runata cacharina carca. 18 Chaita uyashpa tucui runacuna shuclla shina caparinurca: —¡Cai runata huañuchi, Barrabasta cachari! 19 Barrabas, shuc runata huañuchishcamanta, runacunata macanacuncapac jatarichishcamanta, chunta curralpi huichcara carca) 20 Pilato, Jesusta quishpichinata munashpa, paita juchachiccunahuan rimarirca; 21 paicuna caparinurca: —¡Paita chacatai, paita chacatai! 22 Quimsaniqui cuti Pilato paicunata nirca: —¿Ima manallita rurarca? Cai runa mana huañchipacchu can; chairaicu, paita llipachishpa cacharishami. 23 Paicuna ashtahuan sinchi caparinurea, "paita huañuchina can" nishpa. 24 Pilato uyashpa paicunata nirca: —Cancuna mañashcata rurasha. 25 Barrabasta cacharishpa, Jesusta paicunaman curca, paihuan paicuna munashcata rancapac. 26 Jesusta huañuchincapac pushashpa riranucpi, chacramanta shamucuc runata japinurca, Simon shutiyuc Cirene llactamanta runa; crusta marcachinurca Jesuspac huashalla apancapac. 27 Achca runacuna huarmicunapash huacashpa, llaquirishpa Jesusta catiranurca. 28 Jesus ticrashpa nirca: —Jerusalen huarmicuna, ñucamanta ama huacaichichu, cancuna quiquinmanta cancunapac huahuacunamanta huacaichic. 29 Shuc puncha cashna rimarinca: "Huahua illac huarmicuna, cushiyaichic; mana huicsayuc huarmicuna, mana chuchuchic huarmicunapash cushiyanuchun". 30 Chashnapi, urcucunaman caparinunca nishpa: "Ñucanchic jahuapi urmaichic, ñucachicta quillpaichic". 31 Chahua caspihuan chashna rurashpa, imata chaquishca yurahuan ruranunca?. 32 Jesus-huan pacta huañuchincapac ishcai shuhua runata pushanurca. 33 Calvario urcuman pactanushcapi, Jesusta chacatanurca; paihuan pacta, ishcai shuhua runacunatapash: shucta alli maquipi, shucta lluqui maquipi. 34 Jesus nirca: —Yaya, paicunata quishpichipailla, paicuna rashcata mana mari yachanun. Suldarucuna paipac churanacunata japinurca lichayuc tucushcacuna. 35 Runacuna tucui chaipi tucushcata ricuranurca. Judio apucuna Jesusta asinurca cashna nishpa: —Shuccunata quishpichirca; pai quiquinta quishpichichun Diospac Mesias cashpa, Dios acllashca cashpa. 36 Suldarucunapash asinurca; jayac binota upiachishpa ninurca: — 37 Can judiocunapac jatun Curaca cashpa, canllatata quishpichi. 38 Crus umapi quillcashca tiyarca cashna nishpa: "Cai judiocunapac jatun Curacami". 39 Chacatashca shuhuacunamanta shuc Jesusta pihashpa nirca: —¿Manachu Mesias canqui? Can quiquinta quishpichi, ñucanchitapash quishpichi. 40 Ranti, shuc shuhua runa paipac mashita piñashpa nirca: —Can paihuan pacta huañurashpa, ¿manachu Diosta manchanqui? 41 Ñucanchic mana allita rashcaraicu ñacachi tucunchic; ranti, pai imapash mana allita mana rarcachu. 42 Huasha Jesusta nirca: —Jesus, can apu tucushpa canpac huasiman pactashpa, ñucata yuyaripanqui. 43 Jesus paita cutiparca: —Shuti pacha nini, cunan punchallapi ñucahuan pacta jahua pachaman yaicunqui. 44 Chaupi punchapi inti quillparirca, tucui allpapi yanayarca chaupi chishicama. 45 Diospac huasipi huarcurashca cortina chaupita lliquirirca. 46 Jesus sinchi shimihuan nirca: —¡Yaya, ñuca samaita canpac maquipi saquini! Chashna nishpa huañurca. 47 Suldaru apu, tucusheata ricushpa, Diosta chaccharca nishpa: —Shuti pacha, cai runa alli runa carca. 48 Tucui chaita ricuncapac tantarishca runacuna, tucushcata ricushpa, llaquirishpa huasiman ticranurca. 49 Jesusta ricsiccuna, Galileamanta paita catishpa huarmicunapash carumanta tucuita ricunurca. 50 Tiyarca shuc alli runa, Jose shutiyuc, Judeapi tiyac Arimatea llactamanta; pacriyaya apucunamanta carca. 51 Chai runa Diospac pachata chapararca, chairaicu chai apucuna Jesusta huañuchincapac rurashcata Jose mana munarcachu. 52 Chashna cacpi, chai runa apu Pilatopacman rishpa, Jesuspac aichata mañarca. 53 Paita crusmanta uraicuchishpa, churanahuan pillushpa, shuc rumipi allashca jutcupi panparca; chai jutcupi manapí chaira panpai tucushcachu carca. 54 Pascua allichina punca carca; samana puncha ña callarinca racurca. 55 Jesus-huan Galileamanta shamushca huarmicuna, Joseta catishpa, aya panpana jutcuta ricunurca; imashna Jesuspac aichata panpanushcata ricunurca. 56 Huasiman 'ticrashpa, asnac yacuta; asnac huirata allichinurca, Chai huasha, samana puncha cacpi, samanurca Dios rurai nishcata pactachishpa.
1 Samana naupac puncha, tutamantashitu, huarmicuna asnaccunata apashpa, aya jutcunamn ticranurca. 2 Chaiman pactashpa, jutcuta quillpac rumita anchuchishcata ricunurca; 3 jutcuman yaicushpa, Jesuspac aichata mana tupanurcachu. 4 Mancharishpa, "imata tucurca" nishpa yuyanucpi, ishcai runa yuraclla churarishca ricurimunurca, paicunapac mayanpi shayarinurca. 5 Huarmicuna, paicunata ricushpa, yapa mancharishpa, urai uma saquirinucpi, chai runacuna ninurca: —¿Imaraicu causacta huañushcacuna ucupi mashcanquichic? 6 Mana caipichu, ña causarirca. Chaira Galileapi tiyashcapi cancunaman rimashcata yuyarichic; cashna nishcarca: 7 "Cai RUNA juchayuccunaman cui tucunca, paita cruspi huañuchinunca; chashnapash quimsa puncha huasha causarincami". 8 Chai shimicunata uyashpa, huarmicuna Jesus rimashcata yuyarinurca; 9 aya jutcumanta llucshishpa, chunca shuc apostolcunapacman ticranurca; shuccunapash paicunahuan tiyanurca. Tucuita paicunaman huillanurca. 10 Chai huarmicuna Maria Magdalena, Juana, Santiagopac huarmi Maria canurca shuc huarmicunapash. 11 Ricushcata apostolcunaman huillanucpi, mana uyanushcachu, "cai huamicuna yanca rimanun, nuspashcallata huillanun" nishpa. 12 Ranti, Pedro jatarishpa, callpashpa aya jutcuman rirca; pactashpa, ucuman ricushpa, aichata pillunushca churanacunallata ricurca, Ima tucushcata yuyarashpa, mancharishpa huasiman ticrarca. 13 Chai punchallapi, ishcai Jesus yachachishcacuna Emaus nishca tacsha llactaman riranurca. Chai llacta Jerusalenmanta shuc puncha purina carca. 14 Paicuna rirashpa, Jerusalenpi tucushcata rimariranurca. 15 Rimarishpa riranucpi, quiquin Jesus llutarimushpa paicunahuan rirarca. 16 Paita ricucushpallata, Jesus cashcata mana yachanurca. 17 Jesus paicunata tapurca: —¿Imata rimariranquichic purirashpa? 18 Paicuna yapa llaquirishpa shayarinurca. Paicunamanta shuc, Cleofas shutiyuc, cutiparca: —¿Canllachu Jerusalenpi tucushcata mana yachanqui? 19 Jesus tapurca: —¿Ima tucushca cuti? Ninurca: —Nazaretmanta Jesusman tucushca. Profeta runami carca. Diospac ñaupacpi, runacunapac ñaupacpi yapa ushayuc carca pai rurashcahuan pai rimashcahuanpash. 20 Chashna cacpipash, pacriyaya apucuna ñucanchic gubirnu apucunapash paita cautsayachishpa huañuchinurca, cruspi chacatanurca. 21 Pai tucui Israel runacunata quishpichinca rashcata yuyarcanchic; ranti, pai huañushcamanta ha quimsa puncha can. 22 Huaquin huarmicuna ñucanchicta manchachinurca. Tutamantashitu aya jutcuman rinurca; 23 ayata mana tupashpa, ticranurca "angelcunata tuparcanchic" nishpa. 24 Ñucanchicmanta huaquincuna aya jutcuman rinurca, huarmicuna rimashca shina tucuita tupanurca; ranti, Jesusta mana tupanurcachu. 25 Paicuna rimashcata uyashpa Jesus nirca: —¡Upacunalla, yuyai illac shina canquichic profetacuna rimashcata mana atipashpa!. 26 ¿Manachu Mesias chai llaquicunata aparina carca jahua pachaman yaicuncapac? 27 Moisesmanta callarishpa, profetacuna quillcashcata catishpa, quillcacuna Mesiasmanta rimashcata yachachirca. 28 Chashna yachachicucpi, paicunapac llacta mayanman pactanurca; Jesusca nic tucushpa, caruman ric shina tucurca. 29 Paicuna paita jarcanurca nishpa: —Ñucanchihuan saquiripailla, ña tutayaran, puncha tucuriran. 30 Chashna rimanucpi, Jesus huasiman yaicurca paicunahuan saquirincapac. Huasha, micuncapae tiyarishpa, tantata japirca; Diosta pacrachushpa, chaita paquishpa paicunaman cureca. 31 Chai ucullapi, paicunapac ñahuicuna pascarinurca; Jesusea ña chincarishca carca. 32 Chashna tucucpi, rimanacunurca: —Pai nanpipi rimarishcapi quillcacunata atipachishpa, ¿manachu ñucanchic shuncu cushiyashpa rupararca? 33 Jatarishpaca; Jerusalenman ticranurca. Chunca shuc apostolcunata tantarishcata tupanurca shuc Jesusta caticcunahuan pacta. 34 Chaipi tantariccuna paicunaman huillanurca nishpa: —Apunchic causarimushcami, Simon Pedroman ricurimushcami. 35 Paicunapash ñanpipi tucushcata huillanurca, "Paita tantata paquishcapi ricsircanchic" nishpa. 36 Chashna rimariranucpi, quiquin Jesus paicunapacpi ricurimurca; paicunata salurashpa nirca: —¿Ganas causaita charichic! 37 Rimacpi uyashpa, mancharinurca "ayachu imata" nishpa. 38 Jesus paicunata nirca: —¿Imaraicu mancharinquichic? ¿Imaraicu ñuca aya cashcata yuyacunquichic? 39 Ñuca maquicunata chaquicunata ricuichic; ñucallami cani. Llancahuaichic, ayaca aichata tullutapash mana charinchu; ñuca aichayuc cani. 40 Chashna rimashpa, chaquicunata maquicunata paicunaman ricuchirca. 41 Paicuna cushimanta chaira mana ininucpi, upa shina tiyanucpi, Jesus paicunata nirca: —¿Micunata charinquichichu ñucata carancapac? 42 Cusashca challuata caranurca. 43 Jesus chaita japishpa, paicunapac naupacpi micurca, 44 Huasha nirca: —Ñucapi tucushca ñuca cancunahuan tiyashpa rimashca pactarincapac tucurca, chashna mari Moisespac quillcapi, profetacunapac quillcapi, salmos nishca quillcapi quillcara tiyarca. 45 Chashnapi, paicunapac yuyaita pascachirca quillcashcacunata atipana ushancapac, cashna nishpa: — 46 Caimi quillca nishca: Mesias huañuna can, quimsa punchapi causarina can; 47 paipac shutipi tucui llactacunapi, Jerusalenmanta callarishpa, Diosman ticranuchun juchacuna pichai tucuncapac uyachina can. 48 Cancuna chai tucuita yachanquichic cancunallata ricushcaraicu. 49 Uyahuaichic: Ñuca Yaya cusha nishcata cancunaman cachashami; Jerusalen llactapi saquirichic jahuamanta shamuna ushaita chasquinacama. 50 Chaita rimashca huasha, Jesus paicunata Betaniaman pusharca; chaiman pactac, maquicunata jahuaman rashpa, paicunata bendisiarca. 51 Bendisiacucpi, paicunamanta anchurishpa, jahua pachaman pushai tucurca 52 Paicuna, Jesusta yupaichashca huasha, yapa cushiyashpa, Jerusalenman ticranurca; 53 punchantin Diospac huasipi tiyaccuna carca, Diosta chacchashpa.
1 Callaripi Dios Rimashca shimi tiyarca; Causac Rimashca Shimica Dios-huan pacta tiyarca, Dios mari carca, 2 Callari pacha, cai Causac Rimashca Shimi Dios-huan pacta tiyarca. 3 Pairaicu tucuilla tiyancapac callarirca; cai Causac Rimashca Shimi illac mana ima rurarishcachu. 4 Paipacpi causai tiyararca, cai causaica runa yuyaita punchayachic carca. 5 Cai puncha tutapi achicyarca, tutaca punchata mana chasquircachu. 6 Shuc Dios cachashca Juan shutiyuc runa ricurimurca. 7 Cai runa punchata ricsichincapac shamurca, pai rimashcamanta tucui runa ininuchun nishpa. 8 Chai runa mana punchachu carca; punchata ricuchincapac shamurca. 9 Causac Rimashca Shimi shuti puncha carca; cai pachaman shamurca runapac yuyaita achicyachincapac. 10 Causac Rimashca Shimi cai pachapi tiyarca; paimanta Dios cai pachata rurashcapipash, cai pacha runacuna paita mana ricsinurcachu. 11 Paipaccunapacman shamurca, paipaccunaca paita mana chasquinurcachu. 12 Ranti, paita chasquishcacunaman, paipi inishcacunaman Diospac churi tucuna ushanata curca. 13 Chai Causac Rimashca Shimi mana runa munaimantachu shamun, mana runa yahuarmantachu shamun, Diosmantallami shamun. 14 Chai Causac Rimashca Shimi runa tucurca, ñucanchihuan causarca, llaquishcahuan shutihuanpash juntashca. Ñucanchic paita sumacyachishcata ricurcanchic, Dios Yayapac shuclla Churi cashcamanta. 15 Juan paimanta rimarca nishpa: "Caimi ñuca rimashca runa; ñuca paimanta rimarcani nishpa: Nuca huashalla shamuc ashtahuan jatunmi; ñuca chaira mana pacarishcapi, pai causararca mari". 16 Pai tucuita charic cashpa, pai charishcamanta tucui laya allita cuti cuti chasquircanchic. 17 Camachic quillcata Moisesmanta charinchic; imata can llaquina, imata can shuti Jesuscristota ricushpa yachanchic. 18 Manapí Diosta ricurcachu; paipac shuclla Churi —paipash Dios cashpa, Yayahuan pacta tiyan— Diosta ñucanchicman ricsichirca. 19 Shuc puncha, Jerusalenmanta judio apucuna pacriyayacunata levitacunatapash Juanpacman cachanurca paita tapuncapac: —¿Can pitac canqui? 20 Pai pasacta rimarca: —Ñuca mana Mesiaschu cani. 21 Cutillata tapunurca: —¿Eliaschu canqui? —Mana -nirca. —¿Shamuna cac profetachu canqui? —Mana-nirca. 22 Chashna nicpi, paicuna cutillata tapunurca: —¿Pitac canqui? ¿Can quiquinmanta imata ninqui? Rimai, ñucachicta cachashcacunaman can imatapash cutipashcata apana canchic. 23 Juan paicunata cutiparca: —Ñuca chunlla allpamanta shamuc runami cani; cai shimita huillancapac shamuni: "Apunchicraicu shuc cusca ñanipita pascaichic", profeta Isaias rimshca shina. 24 Huaquincuna fariseo bulamanta canurca. 25 Paicuna cutillata tapunurca: —Can mana Mesias cashpa, mana Elias cashpa, mana profeta cashpa, ¿imaraicu bautisanqui? 26 Juan cutiparca: —Nuca yacullahuan bautisani; cancuna ucupi shuc cancuna mana ricsishca runa tiyanmi, ñuca huashalla shamuc runa. 27 Paipac ushutapac huascata pascancapacpash mana allichu cani. 28 Chai tucui Betaniapi, Jordan yacu chinpapi tucurca; chaipi Juan bautisac carca. 29 Cayantin puncha, Juan, Jesusta paipacman shamuracpi ricushpa, nirca: —Caimi Diospac Cordero, cai pacha juchata maillac runa. 30 Paimantami rimarcani nishpa: Ñuca huashalla shuc runa shamunmi; pai ñucamanta ashtahuan jatunmi; ñuca chaira mana pacarishcapi, pai causararca. 31 Pai pi cashcata mana yacharcanichu; chashnapash, yacuhuan bautisancapac shamurcani paita judiocunaman ricsichisha nishpa. 32 Huasha nirca: —Diospac Samaita jahua pachamanta urpi shina uraicushcata ricurcani, Jesuspac jahuapi shayarirca. 33 Pai pi cashcata chai pacha chaira mana yacharcanichu; chashnapash, yacuhuan bautisancapac ñucata cachamuc Dios nihuarca: "Can, Samai uraicushpa shuc runa jahuapi shayarirashcata ricucpi, paimi Diospac Samaihuan bautisanca". 34 Ñuca paita ricushca huasha nini: Pai Diospac Churimi can. 35 Cayantiman, Juan ishcai yachachishcacunahuan chaipi tiyarca. 36 Jesusta chaita purishcata ricushpa, nirca: —¡Ricuichic, caimi Diospac Cordero! 37 Yachachishcacuna, chaita uyashpa, Jesusta catishpa rinurca. 38 Jesus ticrashpa, paita catinucpi ricushpa, paicunata tapurca: —¿Imata mashcanquichic? Cutipanurca: —¿Yachachiccama, maipi causanqui? 39 Jesus cutiparca: —Ricuc shamuichic. Paicuna Jesus-huan rishpa, maipi causashcata ricunurca; chaipi saquirinurca, chishinaya mari carca. 40 Chai Juan rimashcata uyashpa Jesusta catishcacuna, shuc Andres carca, Simon Pedropac huauqui. 41 Andres huauqui Simonta mashcancapac rirca; paita tupashpa nirca: —Uyai, Mesiasta tuparcanchic (Mesias nishpa "Cristo'' nin). Paitaca Jesuspacman pusharca. 42 Jesus Simonman ricushpa saquirirca; huasha nirca: —Can Juanpac churi Simon canqui; Cefas shutichishcanqui (Cefas nishpa "rami" nin). 43 Cayantiman, Jesus Galileaman risha nishpa, Felipe-huan tuparirca; paita nirca: —Nucahuan shamui. 44 Chai runa Betsaida nishca llactamanta carca; chai llactamantallata canurca Andres-huan Pedrohuan. 45 Felipe, Natanaelhuan tuparishpa, paita nirca: —Uyai, Moises camachic quillcapi rimashca runata tuparcanchic; profetacunapash paimanta rimanurca: paimi Nazaretmanta Jesus, Josepac churi. 46 Rimacpi uyashpa Natanael nirca: —¿Nazaretmanta ima allipash llucshincachu? Felipe nirca: —Ricuc shamui. 47 Jesus, Natanael shamuracpi ricushpa, paimanta nirca: —Caimi shuc alli israelita runa, mana umachic runa. 48 Natanael paita tapurca: —¿Imamanta ricsihuanqui ñucata? Jesus cutiparca: —Chaira Felipe carita maria cayashcapi, can higuera yura llantupi samacucpi, canta ricurcani. 49 Chaita uyashpa, Natanael nirca: —Yachachiccama, can Dipspac Churi canqui, Israelmanta Jatun Curaca canqui. 50 Jesus cutiparca: —¿"Can higuera yura llantupi samarashcata ricurcani" nishpa nishcamanta ininquichu? Astahuan jatuncunata ricunqui. 51 Ari, shuti nini: Shuc puncha, jahua pacha pascarata ricunquichic; Diospac angelcuna cai RUNA jahuapi sicashcata uraicushcatapash ricunquichic.
1 Ishcai puncha huasha, Galileamanta Cana nishca llactapi shuc sahuarina tiyarca; Jesuspac mama chaipi tiyarca. 2 Jesuspash yachachishcacunantin sahuarinaman cayashcami carca. 3 Micuranucpi, bino tucurishca; Jesuspac mama chaita ricushpa, Jesusta nirca: —Churi, bino tucurishcami. 4 Jesus cutiparca: —Huarmi, ¿imata rimac shamuhuanqui? Ñuca pacha chaira mana pactamurcachu. 5 Chaita uyashpa, Jesuspac mama yanapaccunaman nirca: —Jesus rimanca rashcata ruranquichic. 6 Chaipi sucta jatun rumi manca tiyarca, judiocuna maillarincapac; caran manca shuc patsac litro tupushi carca. 7 Jesus yanapaccunata nirca: —Mancacunata yacuhuan juntachichic. Manñacama juntachinurca; 8 huasha Jesus nirca: —Cunan mancamanta huishishpa, raimicamata upiachichic. Upiachinurca. 9 Paica bino tucushca yacuta upiarca, maimanta apamunushcata mana yachaspa (yacuta huishiccuna yachanurca) 10 Upiacpi, cusa-canata cayashpa nirca: —Tucui raimicunapi ñaupacta alli binota upiachinun; cayashcacuna ña shincayanucpi, upa binota upiachinun. Ranti, can alli binota puchucaicama huacaichircanqui. 11 Chashnami Jesus Cana llactapi ñaupac mana raipacta rurarca; chaita ricushpa, yachachishcacuna paipi ininurca. 12 Chai huasha, Jesus paipac mamantin aillucunantin yachachishcacunantin Cafarnaun llactaman rirca; chaipi shuc punchacuna saquirirca. 13 Judiocunapac pascua nishca raimi pactamuracpi, Jesus Jerusalenman sicarca. 14 Diospac huasipi achca runa tiyarca; huacracunata, obejacunata, urpicunata caturanurca; cullquita turcaccuna mesa muyucta tiyacunurca. 15 Jesus, chaita ricushpa, huasca huancuhuan tucuicunata Diospac huasimanta callpachirca huacracunantin obejacunantin; cullquita allpaman jichurca, mesacunata ticrachishpa. 16 Urpicunata catuccunata nirca: —¡Chaita anchuchichic caimanta! ¡Ñuca Yaya huasita ama catuna huasita raichichu! 17 Chaita ricushpa, yachachishcacuna ñaupa profetacuna quillcashcata yuyarinurca; cashna quillcara tiyarca: Canpac huasita ricushpa, llaquirishpa huañunayahuan. 18 Judiocuna paita tapunurca: —¿Can chaita rancapac ushaita charishcata ricuchincapac, ima munanayacta ricurishcata ruranqui? 19 Jesus cutiparca: —Cai Diospac huasita urmachichic; ñucaca quimsa punchapi shayachisha. 20 Judiocuna paita ninurca: —Chuscu chunca sucta huatata cai huasita ruranapi llancanurca, canca quimsa punchallapi shayachisha ninquichu? 21 Jesus "cai huasita" nishpa paipac quiquin aichamanta nishcarca. 22 Pai huañushcamanta causarishcapi, yachachishcacuna chai Jesus rimashcata yuyarinurca; Dios quillcashcata Jesus rimashca shimicunatapash ininurca. 23 Jesus Jerusalenpi tiyashcapi pascua punchacuna, achca runacuna pai mana, raipaccunata ruracpi ricushpa, paipi ininurca. 24 Ranti, Jesus "paicunapi mana inishcachu, tucuicunata ricsirca mari. 25 Manapita tapushpallata, runapac shuncu ucupi tiyashcata yacharca.
1 Tiyarca shuc runa fariseo bulamanta, Nicodemo shutiyuc, judiocunapacpi jatun runa. 2 Chai runa Jesus-huan rimarincapac tuta rishpa, paita nirca: —Yachachiccama, canta Dios cachashcata ñucanchicta yachachincapac yachanchic; manapipash can rashcacunata rana ushanman, Dios mana paihuan tiyashcapi. 3 Jesus paita nirca: —Shuti pacha canta nini: Maicanpash mana cuti pacarishpa, Diospac pachata mana ricuna ushancachu. 4 Nicodemo paita tapurca: —¿Imashna shuc runa pacarina ushanca rucu cashpa? ¿Mamapac huicsapi yaicuna ushancachu cutillata pacarincapac? 5 Jesus cutiparca: —Shuti canta nini: Shuc runa yacumanta Samaimantapash mana pacarishpa, Diospac pachapi mana yaicuna ushancachu. 6 Aichamanta aichalla pacarin; Samaimanta samai pacarin. 7 Ama mancharichu "cutillata pacarina canquichic" nishpa nuca nishcamanta. 8 Huaira maipipash huairan; huairashcata uyanqui; ranti, huaira maimanta shamushcata, maiman rirashcata mana yachaipac can. Chashnallata tucun Samaimanta pacarishcacunata. 9 Chashha nicpi uyashpa; Nicodemo tapurca: —¿Imashnata can rimashca tucunca? 10 Jesus paita cutiparca: —Can Israelpi yachachiccama cashpa, ¿manachu chaicunata yachanqui? 11 Shuti nini, ñucanchic yachashcata rimanchic, ricushcata huillanchic chashnapash, ñucanchic huillashcata mana ininquichic. 12 Ñuca cai pachamanta rimashcata cancuna mana inishpa, jahuapachamanta rimacpi pishi inihuanquichic. 13 Manapí jahua pachaman sicarcachu; shuc runalla sicarca, jahua pachamanta uraicushca runa, paimi cai RUNA. 14 Moises chunlla allpapi shuc machacuita caspipi shayachishca shina, cai RUNApash shayachishcami canca, 15 paita iniccuna huiñai causaita charincapac. 16 "Dios runacunata yapa llaquishpa, paipac shuclla churita paicunaman cuyarca, paita iniccuna ama chincarinuchun nishpa, ranti huiñai causaita charinuchun. 17 Dios paipac Churita mana cachamurcachu cai pachata cautsayachincapac, cai pachata quishpichincapac paita cachamurca. 18 Diospac churita inic runa mana taripashcachu, canca; ranti, mana iniccuna ña taripashca canun, Diospac shuclla churita mana inishcamanta. 19 Mana iniccuna cautsayachishca canun cairaicu: Puncha cai pachaman shamurca; runacunaca tutata punchamanta ashtahuan munanurca, paicuna rashcacuna mana alli cashcaraicu. 20 Mana allita ruraccuna punchata chicninun, punchaman mana shamunun, ama paicuna rurashca ricurincapac. 21 Ranti, allita ruraccuna punchaman shamunun paicuna rashcacuna Dios munashca shina cashcata ricuchincapac. 22 Chaipac huasha, Jesus yachachishcacunantin Judea suyuman rirca; chaipi paicunahuan causashpa bautisac carca. 23 Juanpash Enon nishca panpapi, Salin mayanpi bautisacurca, chaipi yacu achca tiyarca mari, runacunaca chaiman shamuccuna carca bautisai tucuncapac 24 Chai pacha Juanta chaira mana chunta curralpi huichcanushcarca. 25 Shuc puncha, Juanta caticcunahuan shuc judiocunahuan paicunapufa piñarishpa, bautisarinamanta rimarincapac callarinurca. 26 Juanpacman rishpa, paita ninurca: —Yachachiccama, Jordan yacu chinpapi canhuan tiyashca runa, can rimashca runa, cunan paipash bautisaran, tucuicunaca paita catinun. 27 Juan paicunata nirca: —Runa mana imata amuyana ushan, Dios mana munacpi. Cancunallata uyahuarcanquichic "ñuca mana Mesiaschu cani" nishpa nishcapi, ñuca "paita ñaupashpa cachashca runami cani" nishcapi. 29 Shuc sahuarinapi, cusa-cana huarmicanata japin; cusa-canapac mashi, paita uyashpa cushiyan paita llaquishcaraicu. Ñucapash cunan yapa cushiyani; 30 paita mari tucuicuna catina canun; ñucata saquihuanucpi alli canman. 31 Jahuamanta shamuc tucuicunamanta yalli can; cai pachamanta shamuc cai pachamantami can, cai pachapaccunamanta riman. Ranti, jahua pachamanta shamuc tucuimanta yalli can; 32 pai uyashcata ricushcatapash riman; chashnapash pai rimashcata manapí uyan. 33 Pai rimashcata uyac runa Dios shutita rimashcata ricuchin; 34 Dios cachashca runa Diospac shimicunata riman, Dios paipac samaita mana mitsashpa cuyan. 35 Yaya Churita llaquin, tucuita Churipacpi mincashpa saquirca; 36 Churita inic runa huiñai causaita charin; ranti, Churita mana inishachu nic runa causaita mana ricuncachu, Diospac piñaita aparinca.
1 - 3 Jesusta caticcuna pai bautisashcacunapash Juan-paccunamanta yalli achca canurca (quiquin Jesuscristo mana bautisacchu carca; yachachishcacuna bautisaccuna carca). Fariseocuna chaita uyanurca; chairaicu, Jesus Judea suyuta saquishpa, Galileaman ticrarca. 4 Samaria nishca suyuta rina carca; chaita purishpa, 5 Jesus Sicar nishca llactaman pactarca; chai llacta mayanpi Jacob paipac churi Joseman cushca allpa tiyarca. 6 Chaipi tiyan Jacobpac yacu pucru. Jesus purishpa sanpayacpi, yacu pucru mayanpi tiyarirca. Chaupi punchashi carca. 7 Samariamanta shuc huarmi yacuta huishincapac shamurca. Jesus paita nirca: —Yacuta upiachihuai. 8 Yachachishcacuna llactaman rinushcarca micunata rantincapac. 9 Chai huarmi "yacuta upiachihuai" nishcata uyashpa, Jesusta nirca. —¿Can judio runa cashpa, "upiachihuai" nishpa mañahuanquichu, ñuca Samariamanta huarmi cacpipash? (judiocunahuan Samaria runacunahuan mana munarishpa causanun). 10 Chashna rimacpi Jesus paita nirca: —Can Dios cushcata ricsishpa, yacuta mañaracta ricsishpa, paita mañanquiman, paica causana yacuta canta cuyanman. 11 Huarmi nirca: —Apulla, imahuan yacuta huishincapac mana charinquichu, yacu pucruca yapa cucha can; ¿maimanta causana yacuta surcunqui? 12 ¿Can ñucanchic yaya Jacobmanta yallichu canqui? Pai cai yacu pucruta ñucanchicman saquirca; cai yacumanta paillata upiarca, paipac churicunapash paipac huacracunapash upianurca. 13 Chashna nicpi uyashpa Jesus nirca: —Cai yacuta upiac runa cuti upianayancami; ranti, ñuca cunca rashca yacuta. upiac, huiñaipac mana upianayancachu. 14 Ñuca cushca yacuca runa ucumanta llucshishca pululuc yacu shina canca, mana tucuric causaita cuncapac. 15 Chaita uyashpa huarmi nirca: —Apulla, chai yacuta upiachihuai ama cuti upianayancapac, ama caiman shamuncapac yacuta huishincapac. 16 Jesus paita nirca: —Canpac carita mashcacri; tupashpa, caiman shamunquichic. 17 Huarmi nirca: Cari illac cani. Jesus cutiparca: —Shutita rimanqui cari illac cani nishpa. 18 Pichca carita charircanqui; cunan charishcaca mana canpac carichu. 19 Huarmi nirca: —Apulla, ñuca yuyacpi, tucuita yachac canqui. 20 Ñucanchic ñaupacuna cai urcuman shumuccuna carca Diosta yupaichancapac; cancunaca Jerusalenpi Diosta yupaichana can ninquichic. 21 Chashna rimacpi, Jesus cutiparca: —Uyahuai, huarmi; shuc puncha mana cai urcupi, mana Jerusalenpi Dios Yayata yupaichanquichic; chai puncha ña pactamuran. 22 Samariamanta runacuna, mana ricsishcata yupaichanquichic; ñucanchic, judiocuna, pitata yupaichashcata yachanchic, quishpichina judiocunamanta shamun mari. 23 Chashna cacpipash, cunanmanta pacha shuti yupaichaccuna shuncuhuan, mana shimillahuan Dios Yayata yupaichanunca, Diospac Samai munashca shina. Chai laya yupaichaccunata Dios mashcan. 24 Dios Samaimi can; Diosta yupaichaccuna yuyaihuan yupaichana canun, Diospac Samai munashca shima. 25 Chaita uyashpa, huarmi nirca: —Mesias (Cristo shutichishca) shamunca rashcata yachani. Pai shamushpa, tucuita ñucanchicta yachachinca. 26 Jesus paita nirca: —Canhuan rimacuc Mesiasmi, ñuca Mesiasmi cani. 27 Chashna rimariranucpi, Jesus yachachishcacuna pactamunurca; pai shuc huarmihuan rimarirashcamanta mancharinurca. Chashnapash, manapí paita tapurca "imatata munanqui", "imatata cai huarmihuan rimaranqui" nishpa. 28 Huarmi, mancata chaipi saquishpa, llactaman callpashpa rirca, runacunaman huillancapac. 29 Paicunata nirca: —Ricuc shamuichic shuc runata. Pai nuca rurashcata tucuita rimahuarca. ¿Manachu Mesias canca? Rimacpi uyashpa, achca runacuna llactamanta shamunurca Jesuspacman. 31 Paicuna shamunacama, yachachishcacuna cuti cuti Jesusta rimanurca nishpa: —Yachachiccama, micuilla. 32 Jesus paicunata nirca: —Ñuca micunata charini, cancuna mana ricsishca micuna, 33 Chaita uyashpa, yachachishcacuna paicunapura rimarinurca nishpa: —¿Maicanpash paita carashcachu canca? 34 Jesus paicunata nirca: —Ñuca micuna caimi: Ñucata cachamuhuashca rimashcata pactachina cani, pai callarishcata tucuchina cani. 35 ¿Manachu ninquichic "pallana pachacama chaira chuscu quilla pishin"? Ranti ñuca cancunata nini: Tarpushcacunata ricuichic, pallancapac tucui ha pucura can. 36 Pallac runa yapachishcata japin; pai pallashca huiñai causancapac can; chashna, tarpuc runahuan pallac runahuan pacta cushiyanun. 37 Cai rimashca shuti can: "Shuc tarpun, shuc pallan" 38 Cancuna mana tarpushcata pallancapac cacharcani; shuc runacuna llancanurca, cancunaca paicuna llancashcata japinquichic. 39 Achca chai Samaria llactamanta runacuna Jesusta ininurca huarmi huillashcamanta, "ñuca rurashcata tucuita huillahuarca" nishpa nishcapi. 40 Chairaicu, Samariamanta runacuna Jesuspacman shamushpa, ninurca: —Ñucanchihuan saquiripailla. Chashna mañanucpi, Jesus ishcai puncha chaipi saquirirca. 41 Jesus nishcata uyashpa, ashtahuan achca runacuna paita ininurca. 42 Huarmitaca ninurca: —Cunan mana can rimashcamanta ininchic. Ñucanchicllata paita uyashpa, pai cai pachata quishpichic cashcata ininchic. 43 Ishcai puncha huasha, Jesus Samariamanta llucshishpa, Galileaman rirca. 44 Jesusllatami nishcarca: Shuc profetata paipac quiquin llactapi mana yupaichanun. 45 Chashna cacpipash, Galileaman pactashcapi, chaipi causac runacuna cushiyashcahuan paita chasquinurca, pai Jerusalenpi rurashcacunata yuyarishpa, paicunapash chai llactaman rinushcarca pascua raimita rancapac. 46 Shinacpi, Jesus Cana llactaman shamurca; chai llactapi yacumanta binota rurashcarca. Chaipi shuc aputa yanapac runa tiyarca; paipac churi Cafarnaun llactapi uncushca carca. 47 Chai runa Jesus Judeamanta Galileaman shamushcata uyashpa, paita ricucrirca; Jesuspacman pactac nirca: —Ñuca churita janpincapac shamupai, huañunalla uncushcacan. 48 Jesus nirca: —Cancuna, mana raipaccunata munanayacta ricuriccunatapash mana ricushpa, mana ininquichic. 49 Chai runa cutillata mañarca nishpa: —Apulla, shamupai ñuca churi manara huañucpi. 50 Rimacpi, Jesus cutiparca: —Rilla, canpac churi alliyashcami can. Chai runa Jesus rimashcata inishpa rirca. 51 Huasiman riracpi, luncucuna paita tupancapac llucshinurca nishpa: —¡Canpac churi causaran! 52 Pai tapurca: —¿Imura alliyancapac callarirca? Ninurca: —Caina, chaupi puncha mayanlla, uncui saquirirca. 53 Ninucpi uyashpa, chai pachallapi Jesus "canpac churi alliyashcami" nishpa rimashcata yuyarirca; chairaicu pai aillucunantin Jesusta ininurca. 54 Chai mana raipacta Judeamanta Galileaman ticrashpa rurarca; naupa shuc mana raipacta rurashcarca.
1 Shuc punchacuna huasha, judiocuna shuc raimita ranucpi, Jesus Jerusalenman ticrarca. 2 Chai llactapi, Obeja nishca puncu mayanpi, shuc uchilla cucha tiyan; hebreo shimipi Betesda ninun; pichca patio tiyan. 3 Chai patiocunapi achca uncuc runacuna allpapi sirinurca: ñausacuna, janca chaquicuna, suchucuna; tucuicuna yacu cuyurinata chaparanurca. 4 Maicanpi, shuc angel shamushpa yacuta cuchapi cuyuchic carca. Yacu cuyuricpi yacuman naupac yaicuc runa ima uncuimantapash alliyashca saquiric carca. 5 Chai uncushcacunapurapi shuc tiyarca, quimsa chunca pusac huatata uncushca. 6 Jesus paita sirishcata ricushpa, unaimanta uncucushcata yachashpa, paita tpurca: —¿Alliyanata munanquichu? 7 Chai runa cutiparca: —Apunchic, manapi yacuman pushahuan yacu cuyurishcapi; ñuca yacuman yaicusha nishpa yuyacpi, shuc ñaupashpa rihuan. 8 Jesus paita nirca: —Shayari, canpac cahuituta apashpa ri. 9 Chai ucullapi, chai runa allichi tucurca; paipac cahuituta apashpa rirca. Chai puncha samana puncha carca. 10 Chairaicu, judiocuna paita ninurca: —Cunan puncha samana punchami; cahuituta apana mana allichu. 11 Pai cutipashpa nirca: —Ñucata alliyachishca runa nihuarca: "Canpac cahuituta apashpa ri". 12 Paita tapunurca: —¿Pitac can chai runa, canta chashna rimac? 13 Alliyachi tucushca runa maican paita alliyachishcata mana yacharcachu, Jesus chaipi tiyac ninacuna ucupi chincaricpi. 14 Astanipi, Jesus Diospac huasipi paita tupashpa nirca: —Uyai, cunan ña alli canqui; ama cuti juchallinquichu, impash yalli sinchi canta tucunman. 15 Chashna nicpi uyashpa, chai runa judiocunaman huiliacrirca nishpa: —Jesusmi ñucata alliyachihuarca. 16 Chairaicu judiocuna Jesusta quillachincapac callarinurca, chai laya rashcacunata samana puncha rashcamanta. 17 Jesus paicunata nirca: —Ñuca Yaya huiñai llancashpa causan, ñucapash llancac cani. 18 Chaita uyashpa, judiocuna ashtahuan paita huañuchinayanurca, samana puchata mana huacaichishcaraicu; ashtahuanpash, "Dios ñuca yayami" nishpa, paillatata Dios tucun. 19 Jesus paicunata rimarca nishpa: —Shuti cancunata nini: Churi mana imata pai quiquinmanta rurana ushan; ñaupacta paipac Yaya rurashcata ricun. Yaya rashcata Churipash ruran. 20 ¿Imaraicu? —Yaya Churita llaquishcaraicu, pai rashcata Churiman ricuchin; chaira shuc rashcacuna tiyan yalli jatuncuna; cancuna chaicunata ricushpa mancharinquichic. 21 Caita uyaichic: Huañushcacunata Yaya causarichin, causaita cutichishpa; chashnallata Churipash causaita cun pai munashcacunaman. 22 "Yaya manapita taripanchu; taripana ushaita paipac churiman curca, 23 tucuicuna churita yapaichanuchun nishpa Yayata shina. Churita mana yupaichac runa paita cachashca Yayatapash mana yupaichan. 24 Shuti cancunata nini: Ñuca rimashcata uyac runa, ñucata cachamushcata inishpa, mana tucuric causaita charin; mana cautsayachi tucunca, huañuimanta causaiman ña chinparca mari. 25 "Uyahuaichic: Huañushcacuna Dios Churipac shimita uyana pacha ña pactarirca; chai shimita uyaccuna causanuncami. 26 Yaya tucui causaita charishpa, causaita cuyana ushaita Churiman curca. 27 Chashnallata, taripana ushaita paiman curca cai RUNA cashcaraicu. 28 "Ñuca rimarashcamanta ama mancharichichu; tucui huañuscacuna paipac shimita uyana pacha pactamuran mari; chaita uyashpa, pantiocunamanta llucshinunca. 29 Allita rurashcacuna huiñai causanaman causarinunca; ranti, manallita rurashcacuna cautsayachi tucuncapac causarinunca. 30 "Ñuca quiquin munaimanta mana imata rana ushani. Ñuca Yaya rimahuacpi taripani, ñuca taripashcaca alli can, cachamunhuashca Yaya munashcata rurac mari cani, mana ñuca munashcata. 31 Ñuca quiquinpacpi ricuyac cashpa, ñuca rimashca mana imapac canman; 32 ranti, ñucamanta rimac tiyanmi, pai ñucamanta rimashca shuti can. 33 "Cancuna runacunata Juanpacman cacharcanquichic ñucamanta tapuncapac, pai rimashcaca shuti can. 34 Chaita mana rimanichu "ricuyacta mutsuni" nishpa; cancuna quishpichi tucuncapac nishpa rimani. 35 "Juan achic shina ricuchicurca, cancunaca pai ricuchishcahuan mana unaichu cushiyashun nircanquichic. 36 Ñuca shuc ñucamanta rimacta charini, Juanmanta yalli cac. Ñuca rurashcacuna Yaya nucata cachamushcata ricuchinun; Yaya mincahuacpi, chai rashcacunata ruracuni. 37 Cachamuhuashca Yayallata ñucamanta huiñai riman; cancuna mana imura paita uyarcanquichic, mana imura paita ricurcanquichic. 38 Dios rimashca shimita mana uyanquichic, pai cachamushcata mana inishcamanta. 39 Dios quillcashcacunata allita ricuc canquichic, chaicunapi huiñai causaita tarishun yuyarishpa; chai quillcashcacunaca ñucamanta rimanun; 40 ranti, cancuna mashcashca causaita charincapac ñucaman shamunata mana munanquichichu. 41 "Mana runacunapacpi jahuayachi tucunata munanichu. 42 Ashtahuanpash, cancunata ricsini, cancuna Diosta mana llaquishcata yachani. 43 Ñuca Yayapac shutipi shamurcani, cancunaca mana chasquihuanquichic; ranti, shuc paipac quiquin shutipi shamucpi, paita chasquinquichic, 44 ¿Imashna inina ushanquichic cancunapuralla chacchanacushpa causashpa, Diosllapi chacchai tucunata mana munashpa? 45 Cancunata juchachic Moisesmi, cancuna inishca Moises, "paita ininchic" nishpa ninquichic mari. 46 Yancamanta chashna rimanquichic. Cancuna Moisesta inishpa, ñucatapash ininquichicman, ñucamanta mari Moises quillcashpa saquirca. 47 Ranti, cancuna Moises rimashcata mana inishpa, ñuca rimashcata pishi ininquichic.
1 Shuc punchacuna huasha, Jesus Galipeapi tiyac cucha chinpaman rirca. 2 Achca runacuna, Jesus uncuccunata janpincapac mana raipaccunata ruracpi ricushpa, paita catinurca. 3 Jesus shuc urcuman yachachishcacunantin sicashpa, chaipi tiyarirca. 4 Judiocunapac pascua raimi ña pactamurarca. 5 Jesus, achca runacuna paita catishpa shamucpi ricushpa, Felipeta nirca: —¿Maipi tantata rantishun caicunata carancapac? 6 Felipeta camashpalla chashna rimarca, pai ima ranata yacharca mari. 7 Felipe cutiparca: —Tanta ishcai patsac sucre tupu mana pactancachu, caran shuc ansa micuncapac. 8 Shuc yachachishca runa, Andres shutiyuc Simon Pedropac huauqui, nirca: — 9 Caipi tiyan shuc huanpra; pichca cebada tantata ishcai yacu aichantin charin. ¿Pactancachu ima chari tucuicunata carancapac? 10 Chaita uyashpa Jesus nirca: —Runacunata tiyarichichic. Chai panpa yapa quihuayuc carca; tiyarinucpi, caricunalla pichca huarancashi canurca. 11 Jesus, tantacunata japishpa, Diosta pacrachushpa, runacunata cararca. Yacu aichatapash cararca, caran shuc munashca tuputa. 12 Pacta micunucpi, Jesus yachachishcacunata nirca: —Puchushcacunata pallaichic ama imapash huacllirincapac. 13 Pallanucpi, pichca tantamanta puchuscahuan chunca ishcai ashanca juntarirca. 14 Runacuna, Jesus chai mana raipacta ruracpi ricushpa, ninurca: -¡Mana pacha! Caimi cai allpaman shamunca rashca profeta. 15 Chaita. uyashpa, Jesus aputa rancapac paita pushanca rashcata atipashpa, urcu jahuaman sapalla rirca. 16 Ña tutayaracpi, yachachishcacuna cuchaman uraicunurca; 17 shuc canuapi yaicushpa, cuchata chinpancapac callarinurca Cafarnaun llactaman pactancapac. Ña unai tuta cacpi, Jesus chaira mana shamushcarca. 18 Yuyaita huairacpi, yacu piñarirca, jatun bacu jatarinurca. 19 Cahuishpa cahuishpa paichca kilometro tupu purinucpi, Jesus yacu jahuata purishpa paicunapacman mayanyamushcata ricunurca; mayanyamucpi ricushpa, upata mancharinurca. 20 Jesus paicunata nirca: —¡Nucami cani, ama manchaichichu! 21 Paicuna Jesusta canuapi yaicuchishun nishpa, manapash unaipi paicuna rirashca allpaman pactanurca. 22 Cayantiman, chinpapi saquirishca runacuna shuc canualla tiyashcata ricunurca, chai canuapi yachachishcacunalla rinushcarca. Jesus mana rishcarca paicunahuan. 23 Tiberiades llactamanta shuc canuacuna shamunurca, Jesus Diosta pacrachushpa runacunata carashca mayanpi llutarishpa. 24 Chaipi tiyashca runacuna, Jesus yachachishcacunantin illanucpi ricushpa, chai canuacunapi yaicushpa, Jesusta mashcashpa Cafarnaunman rinurca. 25 Cucha chinpaman pactashpa, yacu patapi Jesusta ricushpa, paita tapunurca: —Yachachiccama, imura caiman pactarcanqui? 26 Jesus cutiparca: —Shuti pacha nini, cancuna mana mashcahuanquichic mana raipaccunata atipashcamanta, tantata sacsacta micushcamanta mashcahuanquichic. 27 Tucuric micunamanta ama llancaichichu, shuc sami micunamanta llancaichic, nicpi mana tucuric, huiñai causaita cuc micunamanta; cai RUNA chai micunata cancunata caranca, paita mari Dios Yaya chashna rancapac mincarca. 28 Chaita uyashpa, tapunurca: —¿Imata rurashpa Dios munashcata rurashun? 29 Jesus cutiparca: —Caimi Dios munashca: pai cachamushcata inichic. 30 Chashna nicpi, cuti tapunurca: —¿Ima munanayacta ricuricta ruranqui, ñucanchic chaita ricushpa inincapac? 31 Ñucanchic ñaupacuna chunlla allpapi "maná" nishca micunata micunurca; cashna mari quillcara tiyan: "Jahua pachamanta tantata paicunata cararca". 32 Jesus paicunata cutiparca: —Chai jahua pachamanta tantata mana Moiseschu cararca, nuca Yayami quiquin jahua pachamanta tantata caran. 33 Dios carashca tantaca jahua pachamanta uraicushca runami: paimi runacunata causachic tanta. 34 Chashna rimacpi, paicuna ninurca: —Apunchic, chai laya tantata huinai ñucanchicta carai. 35 Jesus cutiparca: —Ñucami cani causaita cuc tanta. Ñucaman shamuc mana imura yarcancachu, nucapi inic mana imura upianayancachu. 36 Ranti, ña rimarcani, cancuna ñucata ricushpallata mana ininquichic. 37 Yaya cachashcacuna tucuilla ñucapacman shamunun; ñucapacman shamuc runacunata mana callpachishachu. 38 Jahua pachamanta mana shamurcanichu ñuca muñashcata rancapac, ñucata cachamuc munashcata rancapac shamurcani. 39 Ñucata cachamuc Yaya munashca caimi: "Ñuca canman cushcacunata mana shucllatapash chincachinquichu, puchucai puncha tucuicunata causarichinqui", chashna nishpa nihuarca Dios Yaya. 40 Ñuca Yaya munashca cashna mari can: Diospac Churita ricshispa iniccuna huiñai causaita charinuchun, ñucaca paicunata puchucai puncha causachina cani. 41 Chairaicu, judiocuna Jesusta huashata rimai callarinurea, pai "ñuca jahuapachamanta uraicushca tantami cani" nishpa nishcamanta. 42 Paicunapura rimariranurca: —¿Cai Jesus shutiyuc runa manachu Josepac churi can? paipac yayata, paipac mamata ricsinchic. ¿Imaraicu cunan "ñuca jahua pachamanta uraicushcami cani" nin? 43 Chaslina rimaranucpi, Jesus paicunata nirca: —Ama yanca rimanacuichichu. 44 Manapí nucaman shamun, ñucala cachamushca Yaya paita mana pushamucpi; ñucaca puchucai puncha paita causarichisha. 45 "Profetacuna quillcashcacunapi cashna quillcara tiyan: "Dios tucui runacunata yachachinca". Tucui Yayata uyaccuna, paimanta yachacuccunapash ñucaman shamununca. 46 Manapí Yayata ricurcachu; shucllami paita ricurca: Paimanta shamuc runa, pailla Yayata ricurca. "Shuti pacha cancunata nini: Ñucapi imc mana rucuric causaita charin. Ñuca causaita cuc tantami cani. 49 Cancunapac ñaupacuna chunlla allpapi "maná" nishca mucunata micunurca, micushpallata huañunurca; 50 ranti, ñuca jahua pachamanta uraicuc tantamanta rimani; chaita micuc runa mana huañunchu. 51 Ñuca jahua pachamanta uraicushca causac tantami cani; chai tantata micuc huiñai causanca. Ñuca cunca rashca tantaca ñuca aichami can; chaita cushami runacuna causancapac. 52 Chashna rimacpi, judiocuna paicunapura piñashpa rimai callarinurca, nishpa: —¿Imashnami cai runa paipac quiquin aichata ñucanchicta caranca? 53 Jesus paicunata nirca: —Shuti cancunata nini: Cancuna cai RUNApac aichata mana micushpa, paipac yahuarta mana upiashpa, mana causaita charinquichichu. 54 Ñuca aichata micuc runa, ñuca yahuarta upiac runa huiñai causaita charin; ñucaca puchucai puncha paita causarichisha. 55 Ñuca aicha shuti pacha micunami; ñuca yahuar shuti pacha upianami. 56 Ñuca aichata micuc, ñuca yahuarta upiac ñucahuan llutarishcami can, ñuca paihuan llutarishcami cani. 57 "Ñucata cachamushca Yaya causayuc can, ñucaca paimanta causani; chashnallata, ñucata micuc ñucamanta causanca. 58 Jahua pachamanta uraicushca tantamanta rimani; chai tanta mana cancunapac ñaupacuna micushca tanta shinachu; paicuna micushpallata huañunurca; ranti, cai tantata micuc huiñaipac causanca. 59 Jesus chai shimicuna tantarina huasipi rimarca, Cafarnaun llactapi. 60 Jesus rimashcacunata uyashpa, huaquin yachachishcacuna ninurca: —Pai rimashca shimi mana chasquipacchu; yancamanta paita catinchic. 61 Jesus, paicuna yuyashcata yachashpa, nirca: —¿Nuca rimashcachu cancunata pihachin? 62 ¿Cai RUNA ñaupa tiashcaman sicaracta ricushpa, imata ninquichicman? 63 Samai causaita cucmi; aicha mana imapac can, Ñuca cancunaman rimashca shimicunaca samaimi, causaimi canun. 64 Ranti, cancunamanta huaquincuna chaira mana ininunchu. Chashna rimarca Jesus mana iniccuta callarimanta ricsishcaraicu; chashnallata, paita japichinca rashca runata ricsirca. Huasha nirca: —Chairaicu cancunata rimarcani nishpa: Manapí nucaman shamuna ushan, Yaya mana pushamucpi. 66 Chai pachamanta, achca yachachishcacuna paita jichunurca, paihuan ña mana puriccunachu carca. Chashnapi Jesus chunca ishcai apostolcunata tapurca: —¿Cancunapash ñucata jichunata munanquichichu? 68 Simon Pedro cutiparca: —Apunchic, ¿pipacman rishun? Canlla huiñai causaita cuc shimicunata charinqui. 69 Can Diospac Churi cashcata ña inircanchic yachanchicpash. 70 Jesus paita cutiparca: —¿Manachu ñuca cancunata chunca ishcaita acllarcani? Chashnapash, cancunamanta shuc supai can. 71 Chashna nishpa, Simonpac churi Judas Iscariotemanta rimarca, Judas mari Jesusta japichinca racmi, chunca ishcaicunamanta cashpallata.
1 Shuc, punchacuna huasha, Jesus Galilea suyuta purirarca. Judeapi saquirinata mana munarcachu, judio apucuna paita huañuchincapac masheahurca mari. 2 "Tanpucuna" nishca raimi pactamuracpi, judiocunapac jatun raimi cacpi, 3 aillucuna Jesusta ninurca: —Ama caipi saquirichu; Judeaman ri, chaipi tiyac canta caticcuna can rurashcacunata ricunuchun. 4 Ricsi tucusha nic runaca rashcacunata mana pacalla ruran. Can mana raipaccunata rurashpa, tucuicunapac ñaupacpi chaicunata ruranqui. 5 Chashna rimanurca paipac aillucunapash mana paipi inishcaraicu. 6 Jesus paicunata nirca: —Ñuca pacha chaira mana pactamun; cancunapac ima pachapash alli can. 7 Cai pachamantacuna cancunata mana chicninunchu; ranti, ñucata; chicninun, paicuna rurashca mana alli cashcata ricuchini mari. 8 Raimiman richic cancuna; ñuca mana rishachu, ñuca puncha chaira mana pactarin. 9 Chai shimicunata rimashca huasha Jesus Galileapi saquirirca. 10 Ranti, Jesuspae aillucuna raimiman rishca huasha, paipash Jerusalenman sicarca; mana runacuna ucupi, sapalla rirca. 11 Judio apucuna raimi punchacunapi paita mashcaranurca nishpa: —¿Maipi tiyan chai runa? 12 Runacunapura achcata Jesusmanta rimarirarca. Huauquincuna ninurca: "Alli runami"; ranti, shuccuna ninurca: "Manalli can, runacunata umachin mari". 13 Ranti, manapí paimanta runacuna ucupi rimarca, judio apucunata manchashcamanta. 14 Chaupi raimi huasha, Jesus Diospac huasiman yaicurca runacunata yachachincapac. 15 Judiocuna mancharishpa ninurca: —¿Cai runa imashna chashna achcata yachan, mana yachachishca cashpa? 16 Jesus nirca: —Ñuca yachachishca mana ñucamantachu, ñucata cachamushcamantami. 17 Dios munashcata pactachisha nic runa, ñuca yachachishca Diosmantachu shamushcata ñuca quiquinmantachu rimarashcata ricsincami. 18 Quiquinmanta rimac runacunapacpi chacchai tucuncapac riman; ranti, shuc runa paita cachamushcapacpi chacchai tucunata munashpa, chai runa allita rimacmi, paita inina can, 19 ¿Manachu Moises camachic quillcata cancunaman curca? Chashnapash, cancunamanta shucllapash chaita mana pactachinchu. ¿Imaraicu ñucata huañuchinata munanquichic? 20 Runacuna paita ninurca: —¡Can supaita charinqui! ¿Pimi canta huañuchinata munan? 21 Jesus cutiparca: —Tucuicuna mancharinquichic, ñuca, samana puncha, shuc mana raipacta rurashcamanta. 22 Uyahuaichic: Moises "huahuacunapac pincai carata pitina can" nishpa rimacpi (chaita rana mana Moisesmantachu shamun, cancunapac naupacunamanta shamun), cancuna chaita ruranquichic, samana puncha cacpipash. 23 Chaita samana puncha rana usharicpi Moises rimashcata pactachincapac, ¿imaraicu piñahuanquichic shuc uncuc runata janpishcamanta samana punchapi? 24 Ama ricurishcamantalla taripaichichu. Cancuna taripana cacpi, cuscata taripanquichic. 25 Chashna rimacpi Jesus, huaquin Jerusalenpi causaccuna tapunurca: —¿Manachu cai runata mashcaranun huañuchincapac? 26 Ricuichic: tucuicunapac ñaupacpi rimaran, paita mana imata ninun. ¿Cai runa Mesias cashcata ñucanchic apucuna ininunchu ima chari? 27 Chashnapash, cai runa maimanta shamushcata yachanchic; ranti, Mesias shamucpi, maimanta shamushcata manapí yachancachu. 28 Chashna ninucpi uyashpa, Jesus Diospac huasipi yachachishpa, sinchi shimihuan nirca: —"Canta ricsinchic, can maimanta shamushcata yachanchic" nishpa ninquichic: ranti, ñuca mana ñuca munaimanta caipi tiyanichu; shucmi tiyan, pai cusha nishcata pactachicmi; pai ñucata cachamuhuarca, paitaca mana ricsinquichic. 29 Ñuca paita ricsini, paimanta mari shamuni, paimi ñucata cachamuhuarca. 30 Chashhapi, "paita japishunchic" ninurca: ranti manapi paita japirca, pai huañuna pacha mana pactashcaraicu. 31 Achca runacuna paita ininurca; ninurca: —Mesias shamushpa, ¿cai runamanta ashtahuan mana raipaccunata rurancachu? 32 Fariseocuna, Jesusmanta runacuna rimarashcata uyashpa, pacriyaya apucunapacman rinurca; paicunahuan rimarishpa, Diospac huasita ricuc chapacunata cachanurca "Jesusta japichic" nishpa. 33 Jesus nirca: —Mana unaita cancunahuan tiyashachu, ñucata cachamushcapacman ticrana cani. 34 Ñuca ricpi, mashcahuanquichic, ranti mana tupahuanquichic; ñuca tiyanca rashcaman mana rina ushanquichic. 35 Chaita uyashpa, judiocuna paicunapura rimarinurca: —¿Maiman rinata munanca cai runa, ñucanchic mana paita tupana ushancapac? ¿Griegocunahuan causac judiocunapacman rincachu, paicunata yachachincapac? 36 ¿Imata nishpa chai shimicunata rimarca: "mashcahuanquichic, ranti mana tupahuanquichic; ñuca tiyanca rashcaman man rina ushanquichic"? ¿Imata nishpa chashna nirca? 37 Raimi puchucai puncha tucui punchacunamanta ashtahuan jatun carea. Jesus, Diospac huasipi shayarishpa, sinchi shimihuan nirca: —Upianayac ñucaman shamuchun, ñucata inic upiachun. 38 Quilleara tiyan: "Nucata inic runapac shuncumanta causac yacucuna llucshinunca". 39 Jesus chashna rimashpa, paita iniccuna chasquinca rashca Samaimanta rimarca; chai Samai chaira mana shamushcarca, Jesus chaira mana sumacyachishca cacpi. 40 Huaquin runacuna, Jesusta uyashpa, ninurca: —Cai runa shamuna cac Profetami. 41 Shuccuna ninurca: —Cai runa Mesiasmi. Ranti, shuccuna ninurca: —Mana. Mesias mana Galileamantachu canca. 42 Diospac quillcacuna ninun: "Mesias Davidpac aillucunamanta canca, Belen llactapi pacarinca, chai llactamanta mari carca Curaca David". 43 Shinacpi, Jesus-raicu runacuna chican chican tucunurca. 44 Huaquincuna paita japinata munanurca, ranti manapí paita japirca. 45 Chapacuna ticramushpa, fariseocunapacman pacriyayacunapacman rinurca; paicuna tapunurca: —¿Imaraicu mana pushamurcanquichic chai runata? 46 Cutipanurca: —¡Mana pacha! ¡Manapi runa pai rimashca shina riman! 47 Fariseocuna ninurca: —¿Cancunapash umachi tucurcanquichichu? 48 ¿Apucunamanta, fariseocunamantapash shucllapash Jesuspi inishcachu? Mana. 49 Chai yanca runacunalla, camachic quillcata mana yachaccunalla paita ininun; chai runacuna maldisiashca canun. 50 Chashna ninucpi, Nicodemo, Jesus-huan rimarincapac shuc tuta rishca runa, fariseo bulamanta cashpa, paicunata nirca: 51 —¿Shuc runata cautsayachina usharinchu manarac paita uyacpi, pai rurashcata yachancapac? 52 Fariseocuna paita cutipanurca: —¿Canpash Galileamantachu canqui? Quillcacunata ricunqui yachancapac; chaicunata yachashpa, Galileamanta mana shuc profetallapash shamushcata ricunqui. 53 Chashna ninucpi, caran runa paipac huasiman rirca.
1 Jesus Olivos urcuman rirca. 2 Cayantin puncha, tutamanta, Diospac huasiman ticrarca. Tucui runacuna paipacman shamunurca; pai tiyarishpa, paicunata yachachi callarirca. 3 Camachic quillcata yachaccuna fariseocunantin shuc manalli huarmita pushamunurca; chai huarmi shuc carihuan juchallishca ucupi japi tucushcarca. Paita chaipi tiyaccuna chaupi shuncupi shayachishpa, 4 Jesusta ninurca: —Yachachiccama, cai huarmi shuc carihuan juchallishca ucupi japi tucurca. 5 Chai laya huarmicunata "rumihuan shitashpa huañuchina can" Moisespac camachic quillca nin. ¿Canca imata ninqui? 6 Jesusta camashpa chaita tapunurca paita cautsayachincapac. Tapunucpi, Jesus jahualla tiyarishpa, allpapi maqui rucahuan quillcai callarirca. 7 Cutillata tapunucpi, Jesus shayarishpa nirca: —Cancunamanta maicanpash jucha illac cashpa, ñaupac rumita shitachun. 8 Cutillata jahualla tiyarishpa, allpapi quillcashpa catirca. 9 Paicuna, Jesus rimashcata uyashpa, shuc shuc llucshinurca; rucucuna ñaupacta llucshinurca; manapi saquirirca; Jesus sapalla tiyarca paipac ñaupacpi shayac huarmintin. 10 Jesus jatarishpa, huarmita tapurca: —Huarmi, ¿maipi tiyanun canta juchachiccuna? ¿Manapí canta cautsayachircachu? 11 Huarmi nirca: —Manapí, apulla. Jesus paita nirca: —Ñucapash mana canta cautsayachinichu. Rilla, ama cuti juchallichu. 12 Chai huasha, Jesus runcunata yachachishpa nirca: —Ñuca cai pacha achicmi cami; ñucahuan puric mana tutapi causanchu, causaita cuc achicta charinca. 13 Chashna rimacpi, fariseocuna paita ninurca: —Can quiguinpacpi ricuyac canqui; can ricuyae shina rimashca mana imagac can. 14 Jesus cutiparca: —Ñuca rimashca balinmi, ñuca quiquinpacpi ricuyac shina rimashpallata. Ñuca maimanta shamushcata, maiman rishcata yachani mari, ranti cancuna mana yachanquichic. 15 Cancuna runa yachai taripanquichic. Ñuca manapi taripanichu; 16 ñuca shuc runata taripacpi, ñuca taripashca alli canman; mana mari ñucalla taripani; cachamuhuashca Yaya ñacahuan pacta taripan. 17 Cancunapac camachic quillcapi cashna quillcara tiyan: "Ishcai runa chaipuraila rimanucpi, paicuna rimashca shuti can, paicunata injna can". 18 Chashna cacpi; ñuca shuc ricuyac cani; ñucata cachamushca Yayapash ricuyac can, ishcaipura canchic. 19 Chashna rimacpi uyashpa, paita tapunurca: —¿Maipi tiyan canpac Yaya? Jesus cutiparca: —Cancuna mana ñucata ñuca Yayatapash ricsinquichic; ñucata ricsishpa, ñuca Yayatapash ricsinquichicman. 20 Jesus chai tucuita Diospac huasipi yachachishpa rimarca, camari malacuna mayanpi. Manapí paita japirca, japi tucuna pacha mana mari pactarishca carca. 21 Jesus judiocunata nirca: —Ñuca rishami; cancuna mashcahuanquichic; ranti, cancunapac juchahuan huahunquichic. Ñuca rinaman mana ushanquichic shamuncapac. 22 Judiocuna paicunapura rimarinurca: —Pai quiquinllata huañurincachu imata, pai rinaman ñucanchic mana rina ushashcata nin mari. 23 Jesus paicunata nirca: —Cancuna cai pachamanta canquichic; ñuca jahua pachamanta cani. 24 Chairaicu nircani: Cancunapac juchahuan huanunquichic. Ari, ñuca cac cashcata cancuna mana inishpa, cancunapac juchahuan huañunquichic. 25 Chaita uyashpa, paita tapunurca: —¿Pitac canqui? Jesus paicunata cutiparca: —Callarimanta rimarani cunan rimashcallata. 26 Achcacunata yachani cancunamanta; cancunata cautsayachina ushaiman, ranti mana munanichu; ñuca Yayamanta huillasha, pai mari ñucata cachahuarca, paica shutita riman; ñuca paimanta yachashcata runacunata huillani. 27 Jesus Yayamanta rimarashcata paicuna mana atipanurcachu. 28 Chairaicu paicunata nirca: —Cancuna cai RUNAta cruspi jatachishpa ninquichic: Shuti pacha, pai cacmi carca; pai quiquinmanta mana imata rashcachu; Yaya paita yachachishcallata rimarca. 29 Ñucata cachamuhuashca ñucahuan tiyan; mana imura sapalla saquihuarca, pai munashcata mari huiñai pactachini. Jesus chashna rimashcapi, achca runacuna paipi ininurca. 31 Jesus paipi inic judiocunata nirca: —Cancuna shuti jinu ñuca yachachishca cancapac, ñuca rimashcata pactachishpa causana canquichic; 32 chashna causashpa, shuti cashcata yachanquichic; shuti cáshcaca cancunata quishpinca. 33 Cutipanurca: —Ñucanchic Abranmanta mirashcacuna canchic, manapi ñucanchicta huatara charirca, ¿Imaraicu ninqui "quishpira canquichic" nishpa? 34 Jesus cutipashpa nirca: —Shuti cancunata nini: juchayuc runata jucha huatashcata charin. 35 Huatara rúnaca mana huiñaipac aillu can; ranti, churi huiñaipac aillu can. 36 Shinacpi, churi cancunata quishpichicpi, shuti pacha quishpira canquichic. 37 Cancuna Abraanmanta mirashcacuna cashcata yachani; chashnapash, ñucata huañuchinata munanquichic, ñuca rimashcata mana pactachinayashpa. 38 Ñuca Yaya ricuchihuashcata huillani, cancunaca cancunapac yaya nishcata rurac canquichic. 39 Chaita uyashpa ninurca: —¡Ñucanchic yaya Abraanmi! Jesus paicunata cutiparca: —Cancuna shuti pacha Abraanpac churicuna cashpa, pai rurashcata ruranquichicman. 40 Ranti, cancuna ñucata huahuchinata munanquichic, Dios yachachihuashca shutita rimacpipash. ¡Abraan mana imura chashna rurarcachu! 41 Cancunapac yaya rurashca shinallata ruranquichic. Chaita uyashpa ninurca: —¡Ñucanchic mana huaira huahuacuna canquic, shuc yayallata charinchi: Dios! 42 Jesus paicunata cutiparca: —Dios cancunapac yaya cacpi, ñucata llaquinquichicman, Diosmanta mari shamurcani, Diospac shutipi tiyani caipi. Mana ñuca quiquin munaimanta shamurcanichu, Dios ñucata cachamuhuarca. 43 ¿Imaraicu ñuca rimarashcata mana atipana ushanquichic? Cancuna mana munashcaraicu ñuca shimita uyana. 44 Cancunapac yaya supai apumi; cancuna paipaccuna canquichic, pai munashcata rurana munanquichic. Callari pachamanta pai huañuchisiqui can. Mana imura shutita rimarcachu, paipi shuti illan mari. Pai llullashcapi, pai cashca shina riman; pai llullaisiqui mari can, llullanapac yaya can. 45 "Ranti, ñuca shutita rimacpi, cancuna mana inihuanquichic. 46 Ricushun: ¿Cancunamanta maican ñuca shuc juchallatapash charishcata ricuchinca? Shutita rimacpica, ¿imaraicu mana inihuanquichic? 47 Diosmanta cac runa Dios rimashcata uyan; ranti, cancuna mana Diosmanta cashpa, ñucata mana uyahuanquichic. 48 Chashnapi, Judiocuna paita ninurca: —Can Samariamanta runa canqui, supai japishca runa canqui nishpa shutita rimanchic. 49 Jesus paicunata cutiparca: —Ñuca mana supai japishca runachu cani, ñuca Yayata yupaichani; ranti, cancuna ñucata millahuanquichic. 50 Ñucata yupachihuaichic nishpa mana purinichu, ñucata yupaichac tiyanmi, paimi taripanca. 51 Shuti cancunata nini: Ñuca rimashcata uyac runa mana huañuncachu. 52 Chaita uyashpa ninurca: —Cunan shuti pacha yachanchic can supai japishca runa cashcata. Abraan huañurca, tucui profetacunapash huañunurca; canca ninqui: Ñuca rimashcata uyac runa mana huañuncachu. 53 ¿Ñucanchic yaya Abraanmanta yallichu canqui? Pai huañurca profetacunapash huañunurea. ¿Pimi canqui nishpata yuyanqui? 54 Jesus cutiparca: —Ñucallatata yupaichacpi, mana imapac can. Ranti, ñucata yupaichac ñuca Yayami; cancuna "pai ñucanchic Diosmi" ninquichic, 55 paita mana ricsishpallata. Ñuca, ranti, paita ricsini "paita mana ricsinichu" nishpa, cancuna shina llullaisiqui caiman. Ranti, shuti pacha paita ricsini, pai rimashcata uyani 56 Cancunapac yaya Abraan, cai punchata ricunayashpa, cushiyarca; ricushca huasha cushihuan juntarirca. — 57 Chashna rimacpi uyashpa, judiocuna ninurca: —¿Pichca chunca huatata manarac charishpa, Abraanta ricurcani nishpa ninquichu? 58 Jesus cutiparca: —Ari, manarac Abraan pacarishcapi, ñuca ña tiyarcani. 59 Cashna nicpi Jesus, judiocuna paita shitancapac. Jesus miticushpa, Diospac huasinmanta llucshirca.
1 Shuc puncha, Jesus shuc ñausa pacarishca runahuan tuparirca. 2 Yachachishcacuna Jesusta tapunurca: —Yachachiccama, ¿pipac juchamanta cai runa ñausa ñahui pacarirca? ¿pai quiquinpac juchamantachu? ¿yayacunapac juchamantachu? 3 Jesus cutiparca: —Mana paipac juchamantachu, mana yayacunapae juchamantachu. Chashna tucurca cai runapi Diospac ushai ricurincapac. 4 Chaira puncha cacpi, ñuca Yaya mincahuashcata rurana cani. Tuta mayanyaran, tutapi mana llancaipac can. Ñuca cai pachapi tiyashpa, cai pacha achicmi cani. 6 Chashna rimashpa, Jesus allpapi tiucarca tiucahuan turuta rarca, turuta ñausa runa ñahuicunapi llutarca. 7 Huasha paita nirca: —Siloé nishca yacupi maillaricri (Siloé nishpa "Cachashca" nin). Chai runa chaita uyashpa maillaricrirca, ricushpa ticramurca. 8 Paita ricsiccuna, diosmantata mañarashcata ricushcacunapash ninurca: —¿Cai runa manachu diosmantata mañac tiyacuc carca? 9 Huaquincuna ninurca: —Shuti, paimi can. Shuccuna ninurca: —Mana, shuc can, pailla yachic shina ricurin. Pai nirca: —Ñucallata cani. Chashnapi, paita tapunurca: —¿Imanata cunan ricuna ushanqui? 11 Paicunata cutiparca: —Chai Jesus shutiyuc runa turuta rarca, ñuca ñahuicunapi llutarca, Siloé yacuman maillaricri nihuarca. Ñucata rircani, maillarircani, cunan ricuni. 12 Chashnapi, paita tapunurca: —¿Maipi tiyan chai runa? Pai nirca: —Mana yachanichu. 13 Ñausa cashca runa fariseocunapacman pushanurca. 14 Jesus turuta rashcapi hausa runapac ñahuicunata alliyachincapac, samana puncha carca. 15 Fariseocuna paita tapunurca: —¿Imashnata ricui callarircanqui? Pai cutiparca: —Turuta ñahuicunapi llutahuarca; ñahuicunata maillashpa, ricui callarircani. 16 Huaquin fariseocuna ninurca: —Chai runa mana Diosmantachu can, samana puncha llancarca mari. Shuccuna ninurca: —¿Juchayuc runa ushancachu chashna rancapac? Chican chican yuyarinurca; 17 chairaicu ñausa runata tapunurca: —¿Canca imata ninqui canpac ñahuicunata alliyachishca runamanta? Pai cutiparca: —Profeta cashcata nini. 18 Judiocuna mana ininurcachu chai runa ñaupa ñausa cashcata; chairaicu, paipac yayacunata cayanurca paicunata tapuncapac: — 19 ¿Cancunapac churichu cai runa? ¿ñausachu pacarirca? ¿imashnata cunan ricun? 20 Cutipanurca: —Cai ñucanchic churi cashcata yachanchic; ñausa pacarishcatapash yachanchic; ranti, imashnata cunan ricushcata mana yachanchichu; pimi paita alliyachishcata mana yachanchichu. Paillatata tapuichic; yuyayuc can, paillata rimanca. 22 Chashna rimanurca judiocunata manchashcaraicu, judiocuna rimanushcarca mari "tantarina huasimanta jichui tucununca Jesus Mesias cashcata niccuna". 23 Chairaicu, ñausa runapac yayacuna ninurca "paillatata tapuichic, yuyayuc can" nishpa. 24 Judiocuna chai ñausa pacarishca runata cutillata cayashpa ninurca: —Diospac ñaupacpi shutita rimai. Chai runa juchayuc cashcata yachanchic. 25 Pai cutiparca —Juchayucchu canca, mana juchayuc canca ima chari. Ñuca caitami yachani: Ñuca ñausa carcani, cunan ricuna ushani. 26 Fariseocuna cutillata paita tapunurca: —¿Imata rurashpa canpac ñahuicunata alliyachirca? 27 Cutiparca: —Ña rimarcani, cancunaca mana inihuanquichic. ¿Imapac cutillata uyana munanquichic? ¿Cancunapash paita catinata munanquichichu? 28 Chashnapi, paita camishpa ninurca: —Can paita catic canqui; ñucanchic Moisesta catinchic. 29 Dios Moisesta rimashcata yachanchic; ranti, cai runa maimanta cashcatapash mana yachanchic. 30 Chai runa nirca: —Cancunata uyashpa mancharinimi; pai maimanta shamushcata mana yachanquichic, paica ñuca ñahuicunata alliyachirca. 31 Dios juchayucta mana uyashcata tucui runa yachan; Dios alli runata uyan, pai rimashcata pactachicta uyan. 32 Callarimanta pacha, mana uyarishcachu shuc runa ñausa pacarishcapac ñahuicunata alliyachishcata. 33 Cai runa mana Diosmanta cashpa, mana pai rashcata rana ushanman. 34 Chashna nicpi, fariseocuna paita ninurca: —¿Can pacarishcamanta juchalla aparishca canqui, ñucanchítaca yachachinayanquichu? Chashna nishpa, paita tantarina huasimanta jichunurca. 35 Jesus chai runata shitanushcata uyashpa, paihuan tuparishpa, nirca: —¿Diospac Churita ininquichu? 36 Runa nirca: —¿Pitac can ñuca paita inincapac? 37 Jesus paita cutiparca: —Paita ricushcanqui, canhuan rimariran; ñucami cani. 38 Chaita uyashpa, chai runa Jesuspac ñaupacpi cuncurishpa nirca: —¡Ininimi, Apunchiclla! 39 Huasha Jesus nirca: —Ñuca cai pachaman shamurcani runacunata shucta shucmanta chicanyachincapac; chaimanta, mana ricuccuna ricununca; ricuccunaca ñausa tucununca. 40 Chaita uyashpa chaipi tiyac fariseocuna Jesusta ninurca: —¿Ñucanchipash ñausachu canchic? 41 Jesus paicunata cutiparca: —Cancuna ñausa cashpa, jucha illac canquichicman; ranti, "ricunchicmi" nishpa nicpi, cancunapac jucha ashtahuan saquirin.
1 "Shuti cancunata nini: Maicanpash obeja curralman puncuta mana yaicushpa, shuhuami. 2 Obejacunata ricuccama puncuta pascashpa yaicun. 3 Puncuta ricuccama paiman pascan, obejacuna paipac shimita uyanun; pai obejacunata quiquin shutihuan cayan, canchaman paicunata llucshichin: 4 Tucui paipac obejacunata llucshichishpaca, paicunata ñaupashpa rin; obejacunaca paita catinun, paipac shimita ricsinun. 5 Chican runaman mana catinuncachu; ashtahuan, paimanta miticununca, paipac shimita; mana ricsishcaraicu. 6 Chai laya shimicunahuan Jesus judiocunata rimarca; paicuhaca Jesus rimashcata mana japinurcachu. 7 Huasha Jesus nirca: —Shuti cancunata nini: Ñuca obejacuna yaicuna puncumi cani. 8 Tucui ñucamanta ñaupac shamushcacuna shuhua canurca, obejacunaca paicunata mana uyanurcachu. 9 Ñuca puncumi cani; cai puncuta yaicuc runa quishpichi tucunca; yaicuna, llucshina ushancami pai munashcapi; micunata tarinca. 10 Shuhua runa shuhuancapaclla shamun; ñucaca obejacuna causaita charinuchun nishpa shamurcani, alli causaita charinuchun nishpa. 11 "Ñuca alli michic cani. Alli michic obejacunaraicu huañun. 12 Ranti, cullquiraiculla llancac runa, puma shamucpi ricushpa, obejacunata jichushpa callpan; pumaca obejacunata chausichin, huaquincunata huañuchin. 13 Chai runa cullquita yapachincapaclla llancac cashpa, mana ansallapash yuyarin obejacunamanta. 14 - 15 Ñuca alli michic cani. Ñuca Yaya ñucata ricshishca shina, ñucapash paita ricsini, obejacunaca ñucata ricsinun. Ñuca causaita obejacunaraicu cuyani. 16 Shuc obejacunapash tiyanmi ñuca obeja bulamanta chican; chaicunatapash tantachina cani; ñuca shimita uyanuncami; chaimanta, shuc bulalla, shuc michiclla tucunca. 17 "Yaya ñucata llaquin ñuca causaita cuyashcamanta, causaita cutillata japincapac. 18 Manapí chai causaita quichuhuancachu, munashpa chaita cuni. Chaita cuncapac ushani huañushpa, chaita cutillata japina ushani causarishpa. Chashna ushanata Yayamanta chasquircani. 19 Chashna rimacpi Jesus, judiocuna uyashpa, cutillata chican chican tucunurca. 20 Paicunamanta achcacuna ninurca: —¿Imaraicu paita uyanquichic?; supai japishca runa can, nuspa runa can. 21 Ranti, shuccuna ninurca: —Supai japishca runa mana pai rimashca shina riman. ¿Shuc supai ushancachu ñausa runata alliyachina? 22 Invierno pacha carca; Jerusalenpi jatun raimita ruracunurca Diospac huasita paiman ricuchishca punchata. yuyarishpa. 23 Jesus Diospac huasipi tiyarca, "Salomon portico" nishcata purirashpa. 24 Judiocuna pai muyucta tantarishpa tapunurca: —¿Imuracama ñucanchita llaquichinqui can pi cashcata mana rimashpa? Can Mesias cashpa, pasacta rimai. 25 Jesus cutipashpa nirca: —Nuca cancunata ña rimarcani, cancunaca mana inihuanquichic. Ñuca Yayapac shutipi rurashcacuna pasacta ricuchinun; 26 ranti, cancuna mana inihuanquichic mana ñuca obejacuna cashcaraicu. 27 Ñuca obejacuna ñuca shimita ricsinun; paicunata ricsini, paicuna ñucata catishpa shamunun. 28 Mana tucuric causaita paicunaman cuyani; mana huiñaipac huañuncachu; ñuca maquimanta manapipash paicunata quichunca. 29 Ñuca Yayami chai obejacunata cuhuarca; Yayaca tucuita yallinmi. Ñuca Yayapac maquimanta manapí paicunata quichuna ushanca. 30 Ñucahuan Yayahuan shuclla canchic. 31 Chashna rimacpi uyashpa, judiocuna rumicunata japinurca Jesusta shitancapac. 32 Jesus paicunata nirca: —Achca alli rashcacunata cancunapac ñaupacpi rurarcani ñuca Yaya cuhuashca ushaihuan; ¿maican alli rurashcacunaraicu rumihuan shitanata munahuanquichic? 33 Judiocuna cutipanurca: —Mana can allita rashcaraicu rumihuan shitanca ranchic; can rimashcahuan Diosta piñashcaraicu canta rumihuan shitanata munanchic; can runalla cashpa, canllatata Dios tucunqui. 34 Jesus paicunata nirca: —¿Cancunapac camachic quillcapi manachu quillcara tiyan: "Cancuna dioscuna cashcata ñuca nircani? 35 Quillcacuna rimashcata inina can, chaita tucui runa yachan; Diosca paipac shimita rimai tucushcacunata "dioscuna" nishpa nirca. 36 Chashna cacpi, ¿imaraicu ñuca "Diospac Churi cani" nishcamanta, "can Diosta piñanqui" nihuanquichic? Diosllata ñucata chicayachishpa cai pachaman cachamuhuarca. 37 Mana ñuca Yaya rurashcallata ruracpica, ama inihuaichichu. 38 Ranti, ñuca chaicunata ruracpica, cancuna ñucata mana inishpallata, ñuca rurashcacunata inichic; chashna rashpa, Yaya ñucapi tiyashcata, ñucaca Yayapi tiyashcata shuc rai yachanquichic. 39 Chai shimicunata uyashpa, judiocuna Jesusta japinata yuyanurca; ranti, Jesus paicunapac maquimanta quishpirirca. 40 Jesus Jordan yacu chinpaman ticrarca, ñaupa pacha Juan bautisarashca allpapi saquirirca. 41 Achca runacuna paipacman rinurca; paita ricushca huasha ninurca: —Juan mana raipacta mana rurashcapipash, tucui cai runamanta huillashca shuti carca. 42 Achca chaipi causaccuna Jesusta ininurca.
1 Shuc puncha, shuc Lazaro shutiyuc runa uncushca carca. Betania llactamanta carca; paipac panicuna, Maria shuc, Marta shuc, chai llactallapi causanurca. 2 Mariami carca Jesuspac chaquita asnac yacuhuan armachishca, acchahuan chaquichishpa. 3 Payapura Jesusman shimita cachanurca nishpa: —Can llaquishca runa uncushcami. 4 Jesus, chaita uyashpa nirca: —Cai uncui mana huañuchincapac can, Diosta sumacyachincapac can, Dios Churipash sumacyachi tucunca chaimanta. 5 Jesus yapa llaquirca Martata, paipac ñañatapash, paicunapac turi Lazarotapash; chashnapash, Lazaro uncushcata uyashpa, ishcai puncha pai tiyashcallapi saquirirca. 7 Chaipac huasha, yachachishcacunata nirca: —Jacuichic Judeaman. 8 Yachachishcacuna cutipanurca: —Yachachiccama, ¿ñacalla judiocuna canta rumihuan shitancapac mashcanurca, canca chaiman ticranata munanquichu? 9 Jesus paicunata nirca: —¿Manachu puncha ¿chunca, ishcai pachata charin? Punchapi puric mana, tacarinchu punchata ricushpa. 10 Ranti, tutata puric tacarincami mana ricushpa. 11 Huasha nirca: —Ñucanchic llaquishca Lazaro puñuran, paita ricchachincapac racuni. 12 Yachachishcacuna ninurca: —Apunchic, pai puñuracpi alliyancami. 13 Jesus chashna rimashpa, Lazaro huañushcata rimashcarca; ranti, yachachishcacuna samahcapac puñurashcata yuyanurca. 14 Chashnapi, Jesus pasacta rimarca nishpa: —Lazaro huañushcami. 15 Ñuca chaipi mana tiyashcamanta cushiyani cancuna inincapac. Jacuichic, ricucrishun. 16 Tomas, Dídimo nishca, shuc yachachishcacunata nirca: —Jacuichic paihuan pacta huañuncapac. 17 Jesus pactashcapi; Lazaro chuscu puncha ña panpara carca. 18 Betaniamanta Jerusalenman mana caru carca, quimsa kilometro tupushi caru carca. 19 Jerusalenmanta achca runacuna shamunushca carca Martata, Mariata cushichincapac Lazaro huañushcamanta. 20 Marta, Jesus shamuracpi uyashpa, paita tupancapac llucshirca. Maria huasipi saquirirca. 21 Marta Jesus-huan tuparishpa, paita nirca: —Apunchic, can caipi tiyashca cacpi, ñuca turi mana huañunmanchu carca. 22 Chashnapash, can imatapash Diosta mañacpi, canta cuncami; chaita shuti yachani. 23 Jesus paita cutiparca: —Canpac turi causarincami. 24 Marta nirca: —Huañushcacuna causarinucpi paipash causarinca rashcata yachani. 25 Chashnapi Jesus paita nirca: —Ñuca causarina cani, ñuca causai cani. Ñucata inic huañushca cashpallata causarincami. 26 Cai causaipi ñucata inic runa mana huiñaipac huañuncachu. ¿Chaita ininquichu? 27 Marta nirca: —Ari, Apunchic, can Mesias cashcata inini, can cai pachaman shamuna cac Diospac Churi cashcata ininimi. 28 Marta chaita rimashpa, paipac ñañata cayacrirca; paita pacalla nirca: —Yachachiccama caipimi, canta cayaran. 29 Maria chaita uyashca shina, shayarishpa Jesusta ricuncapac rirca. 30 Jesus chaira mana pactashca carca llactaman; Marta paita tupashcallapita tiyarca. 31 Huasipi Mariahuan tiyaccuna, paita yanapancapac shamushcacuna, pai shayarishpa uctalla llucshicpi ricushpa, paita catishpa rinurca, "aya jutcuman huacancapac riran" yuyashpa. 32 Maria, Jesus tiyashcaman pactashpa, paipac chaqui mayanpi cuncurishpa nirca: —Apunchic, can caipi tiyashca cacpi, ñuca turi mana huañunmanchu carca. 33 Chashna nishpa Maria huacai callarirca; paihuan shamuc judiocunapash huacaranurca; Jesus, chaita ricushpa, shuncupi yapa llaquirirca; 34 paicunata tapurca: —¿Maipi paita panparcanquichic? Cutipanurca: —Apunchic, ricuc shamui. 35 Jesus huacai callarirca. 36 Judiocuna ricushpa ninurca: —¡Mana pacha! ¡Paita yapa llaquirca! 37 Huaquincuna ninurca: —Pai ñausa runapac ñahuicunata alliyachirca; ¿manachu imatapash rana ushanman carca Lazaro ama huañuncapac? 38 Jesus upata llaquirishpa, aya jutcuman shamurca; chai jutcu quinraipi tiyarca, rumihuan quillpashca. 39 Jesus nirca: —Rumita anchuchichic. Marta, huañushcapac pani, nirca: —Apunchic, asnan ña chuscu puncha panparami can. 40 Jesus cutiparcai: —¿Manachu canta nircani, can inishpa Diospac ushaita ricunca rashcata? 41 Rimacpi, rumita anchuchinurca. Jesus jahuaman ricushpa nirca: —Pacrachu, Yaya; ñuca shimita uyarcanqui. 42 Can huiñai uyahuashcata yachani; caita nini caipi tiyaccunamanta, paicuna can cachamuhuashcata inincapac, 43 Huasha, caparirca: —¡Lazaro, chaimanta llucshi! 44 Chashna nicpi, huañushca runa llucshircami; chaqui maqui huatara carca, uma churanahuan pillushca. Jesus nirca: —Paita pashcaichic, paipac chaquihuan purichun. 45 Achca runacuna, Mariata ricuncapae shamushcacuna, Jesus rurashcata ricushpa, ininurca. 46 Ranti, huaquincuna Fariseocunapacman rishpa, Jesus rurashcata huillanurca. 47 Chaita uyashpa, fariseocunahuan, pacriyaya apucunahuan rimarincapac tantarishpa, ninurca: ¿Imata rurashun? Cai runa achca mana raipaccunata ruran. 48 Ñucanchic paita chashnalla saquicpica, tucui runacuna paipi ininunca; romano apucuna shamununca ñucanchic Diospac huasita tulancapac, nucanchic llactacunata tucuchincapac. 49 Chashna ninucpi, paicunamanta shuc Caifas shutiyuc —chai huatapi pacriyayacunapac jatun apu carca—, nirca: —Cancuna mana imata yachanquichic, 50 mana atipanquichiq shuc runalla tucui runacunamanta huañuna cashcata, ama tucui llactacuna urmachi tucuncapac. 51 Caifas chashna rimashpa, mana pai quiquinmantachu rimarca; pacriyayacunapac jatun apu cashpa, Dios paita rimachicpi, Jesus judiocuna rantimanta huañunca rashcatal nirca; 52 mana judio runacuna rantimantalla, tucui Diospac. chausirishca churicunatapash shucllapi tantachincapac Jesus huañuna cashcata ricuchirca. 53 Chashna cacpi, chai punchamanta judio apucuna "imata rashpa Jesusta huañuchishun" nishpa yuyaranurca. 54 Chairaicu; Jesus runacunai ucupi mana puricchu carca; Judeamanta llucshishpa, Efrain nishca llactaman rirca, chunlla allpa mayanpi; chaipi jichurirca yachachishcacunantin. 55 Pascua raimi puncha ña pactariracpi, achca runa tucui llactacunamanta Jerusalenman rinurca, manarac raimi puncha callaricpi maillarincapac. 56 Jesusta mashcaranurca Diospac huasipi paicunapura rimarishpa: —¿Raimiman shamuncachu? ¿manachu shamunca ima chari? 57 Fariseocunahuan pacriyaya apucunahuan rimarinushca carca nishpa: —Maicanpash Jesus maipi tiyashcata yachashpa huillachun, paita japincapac.
1 Pascua raimipac sucta puncha pishicpi, Jesus Betania llactaman rirca, Lazaropacman; chai runata causachishca carca huañushca cacpi. 2 Chai huasipi; shuc tuta alli micunata allichinurca Jesusraicu; Marta caracurca; Lazaro Jesus-huan pacta mesapi tiyarishpa micurcra. 3 Maria asnac yacuta apamurca shuc libra tupu, achca balic; chai yacuhuan Jesuspac chaquicunata armachirca; huasha acchahuan chaquichirca. Llanpu huasipi chai; sumac asnac yacu asnarca. 4 Chashna tucucpi, Simonpac churi Judas Iscariote nishca —pai Jesuspac runa cashpa paita japichinca racurca—, nirca; ¿Imaraicu chai achca balic asnac yacuta mana catunushca tsuntsucunata yanapancapac? 6 Chashna rimarca mana tsuntsucunata llaquishcaraicu; ranti, pai shuhua cashcaraicu; cullquita huacaichiccama cashpa, chai cullquimanta quiquinpacta shuhuac carca. 7 Jesus paita nirca: —Cai huarmita casilla saqui; chai asnac yacuta ñuca panpai tucuna punchapac huacaichishca carca. 8 Tsuntsucuna huiñai cancunapacpi tiyanunca, ñuca mana huiñaichu cancunahuan tiyashami. 9 Achca runacuna Jesus Betaniapi tiyashcata yachashpa, chaiman rinurca Jesus-huan rimarincapac, Lazarotapash ricuncapac; pai huañushca cacpi, Jesus paita causachishca carca. 10 Pacriyaya apucuna Lazarotapash huañuchina yuyaita japinurca, 11 pairaicu mari achca runacuna Jesusta ininurca, pacriyaya apucunata jichushpa. 12 Cayantin punchapi, raimiman shamushca runacuna Jesus llactaman pactamunca rascata yachashpa, 13 ramos pancacunata japishpa, paita tupancapac rinurca, caparishpa: —¡Diospac shutipi shamuc chaccashca cachun! Israelmanta Jatun Curaca yupaichashca cachun! 14 Jesus shuc burro huihuata tupashpa, paipac jahuapi tiyarirca, cashna mari quillcara tiyarca: 15 Sion llacta, ama manchaichu; canpac Jatun Curaca shuc burro jahuapi tiyarishca shamuran. 16 Chai ucu, yachachishcacuna chai tucuita mana japinushcachu; ranti huasha, Jesus sumacyachishca cacpi, chai tucui paimanta quillcara tiyashcata yuyarinurca, chairaicu chashna tucushca carca. 17 Jesus Lazarota aya jutcumanta cayashpa causachishcapi, paihuan tiyaccuna ricushcata huillanurca. 18 Chairaicu, runacuna Jesusta tupancapac rinurca, chai mana raipacta rurashcata yachashpa. 19 Fariseocuna, chaita ricushpa, paicunapura rimarinurca nishpa: —Mana imata rana ushanchichu; tucui runacuna paita catishpa rinun. 20 Raimiman shamushcacuna huaquincuna mana judio canurca. 21 Paicuna Felipapaeman rishpa ninurca: —Ayalla, Jesusta ricunata munanchic. 22 Felipe uyashpa Andresta rimarca; ishcaintin Jesusta huillacrinurca. 23 Jesus paicunata nirca: —Cai RUNA sumacyachishca cana pacha ña pactamurca. 24 Shuti cancunata nini: Trigo muyu allpa ucupi mana huañushpa, mana mirarinchu; huañushpaca, achcata aparin. 25 Quiquin causaita llaquic runa chaita chincachincami; ranti, cai pachapi quiquin causaita chincachic runa huiñai causaipac chaita huacaichin. 26 Ñucata yanapanata munac catihuachun; ñucata yanapacca ñuca tiyanallapi tiyanca, ñuca Yaya paita llaquinca. 27 "Cunan ñuca yapa llaquirini. ¿Imata rimasha? —¿Yaya, cai llaquimanta quishpichihuai" nishpa rimashachu? —¡Mana, chaipacmi shamurcani! 28 Yaya, canpac shutita sumacyachipai. Chashnapi, jahua pachamanta shuc shimi uyarirca nishpa: —Paita sumacyachircani, cutillata sumacyachisha. 29 Chaipi tiyaccuna, chaita uyashpa, ninurca: —Tulunshi carca. Huaquincuna ninurca: —Shuc angel paita rimarca. 30 Jesus nirca: —Chai uyarishca shimi mana ñucaraicu, cancunaraicumi rimashca can. 31 Cunan cai pacha taripai tucunca, cunan cai pachapac amu jichushcami canca. 32 Ñucaca cruspi shayachishca cashpa, tucui runacunata ñucaman aisasha. 33 Chashna rimashpa, ima laya huañuihuan huañuna cashcata atipachirca. 34 Chaita uyashpa, runacuna ninurca: —Mesias huiñaipac causana cashcata yachanchic, quillcashcacuna chashna ninucpi. ¿Imaraicu "cai RUNA shayachishca cana can" nishpa rimanqui? ¿Pitac can chai RUNA? 35 Jesus paicunata nirca: —Chaira ansa puncha tiyan. Chai puncha tiyanacama purichic, manarac tuta shamucpi; tutapi puric maiman rirashcata mana yachanchu. 36 Puncha tiyanacama, punchata inichic, puncha churicuna tucuncapac. Chai shimicunata rimashca huasha Jesus miticurca. 37 Jesus achca mana raipaccunata judiocunapac ñaupacpi rurashcapipash, paicuna mana ininurcachu; 38 chashna, profeta Isaias quillcashca pactarirca, cashna mari quillcashcarca: Apulla, ¿pitac ñucanchic rimashcata inirca? ¿Piman Dios paipac ushaita ricuchirca? 39 Chashnallata, mana inina ushanurcachu, Isaiasllata shucpi cashna quillcashpa saquishcamanta: 40 Paicunapac ñahuhicunata ñausachirca, paicunapac yuyaita upayachirca. ama ñahuicunahuan ricunuchun, ama yuyaihuan japinuchun, hucaman ama ticranuchun ñucapi alliyachi tucuncapac. 41 Isaias chashna rimarca Jesusta sumacyachishcata ricushcaraicu, Jesusmanta mari rimarca. 42 Chashnapash, achca judiocuna judio apucunapash Jesusta ininurca; inishpallata, runacuna ucupi mana chaita rimanurca fariseocunata manchashcamanta, tantarina huasicunamanta ama shitai tucuncapac. 43 Runacunapacpi chacchai tucunata Diospacpi chacchai tucunamanta ashtahuan munanurca mari. 44 Chai huasha, sinchi shimihuan Jesus nirca: —Ñucata inic runa mana ñucallata inin, ñucata cachamushcatapash inin. 45 Ñucata ricuc runa ñucata cachamushcatapash ricun. 46 Ñuca, achic cashpa, cai pachaman shamurcani ñucata iniccuna ama tutapi saquirinuchun nishpa. 47 Ñuca shimita uyashpa mana pactachic runata mana taripanichu; ñuca mana shamurcani runata taripancapac, paita quispichincapac shamurcani. 48 Ñucata millashpa, ñuca shimicunata mana chasquic runa taripacta charin; ñuca rimashca shimi paita taripanca puchucai punchapi. 49 Ñuca mana mari rimarcani ñuca shutipi; ñuca cachamushca Yaya imata huillanata, imata yachachinata rimahuarca. 50 Ñuca Yaya rimashcaca mana imura huañunaman pushan. Shinacpi, ñuca rimashcata Yaya nihuashca shina rimani.
1 Cayantin puncha, jatun raimi puncha "pascua" nishca carca. Jesus, cai pachamanta Yayapacman rina puncha pactamushcata yacharca; cai patchapi paihuan tiyaccunata yapa llaquishpa, chai llaquishcata paicunaman ricuchirca. 2 Tuta micunata micuranurca; supai apu Judas Iscariotepac shuncupi Jesusta japichina yuyaita churashca carca. 3 Jesus yaeharcami Yaya paipac maquipi tucuita churashcata, chashnallata pai Diosmanta shamushcata, Diosman ticranca rashcata. 4 Micuranucpi shayarishpa, manto nishca churanata surcushpa, chaquichina churanata chunpillirca. 5 Huasha, shuc batiapi yacuta tallishpa, apostolcunapac chaquicunata maillai callarirca, chunpillishca churanahuan chaquichishpa. 6 Simon Pedropacman shamucpi, Pedro paita nirca: —Apunchic, ¿ñuca chaquicunatachu maillanca racunqui? 7 Jesus paita cutiparca: —Ñuca racushcata cunan mana japinquichu, huasha atipanqui. 8 Pedro paita nirca; —¡Ñuca chaquicunata mana mahlahuanquichu! Jesus cutiparca: —Canpac chaquicunata mana maillachihuacpi, mana imata ñucahuan charinquichu. 9 Chaita uyashpa, Pedro Jesusta nirca: —¡Chashna cacpi, mana chaquicunallata, maquicunata umatapash maillahuai! 10 Jesus paita cutiparca: —Armashca runa chaquicunallata armana mutsun, tucui pichashca cacpi. Cancuna pichashca canquichic, ranti mana tucuilla pichashca canquichic. 11 Yacharca mari maican paita japichinca rashcata. Chairaicu nirca "mana tucuicuna pichashcachu canquichic". 12 Chaquicunata maillashca huasha, manto churanata cutillata churarishpa, mesaman tiyarishpa nirca: —¿Ñuca rashcata japircanquichichu? 13 Cancuna "Yachachiccama", "Apu" nihuanquichic; allita rimanquichic, chashna mari cani. 14 Ñuca yachachiccama cashpa, apu cashpa, cancunapac chaquicunata maillacpi, cancunapash chaquicunata maillanacuna canquichic. 15 Ñuca rurashcahuan cancunata yachachircani cancuna chashnallata rancapac. 16 Shuti cancunata nini: Shuc luncu mana amunanta yallichu; cachashca runa mana paita cachashcamanta yallichu. 17 ¿Chaita atipanquichichu? Ñuca camachishcata pactachichic; chaita pactachishpa cushi causanquichic. 18 "Ñuca mana tucui cancunamanta rimarani. Ñuca acllashcacunata ricsini; chashnapash, quillcacuna nishca pactarina can; cashna quillcara tiyan: Ñucahuan pacta micuc runa. ñucata chicnic tucurca. 19 "Chaita huillani manarac pactashcallapita; chai pactarina pacha, ñuca cac cashcata cancuna inincapac. 20 Shuti cancunata nini: Ñuca cachashcata chasquic runa ñucallata chasquin; ñucata chasquicca ñucata cachamushcata chashquin. 21 Chaita rimacpi, Jesus upata llaquirishpa nirca: —Uyahuaichic, cancunamanta shuc ñucata japichinca ran. 22 Chashna nicpi uyashpa, yachachishcacuna paicunapura ricunacushpa saquirinurca, maicanmanta rimarashcata mana yachashpa. 23 Paicunamanta shuc, Jesus yapa llaquishca, Jesus mayanpi tiyarishpa micurarca; 24 Simon Pedro maquihuan paita ricuchirca pimanta rimarashcata tapuncapac. 25 Paica Jesusman ashtahuan mayanyashpa, paita tapurca: —Apunchic, ¿pitac can? 26 Jesus paita cutiparca: —Ñuca cai tanta paquita paiman cunca rani, allita ricunqui. Chashna nishpa, shuc tanta paquita jucuchishpa, Judas Iscarioteman curca. 27 Judas chai tantata japishca shinalla, supai paipac ucuman yaicurca. Jesus paita nirca: —Can ruranca rashcata utcalla rurai. 28 Micuraccuna chai Jesus rimashcata mana atipanurcachu. 29 Judas cullquita huacaichiccama cacpi, huaquincuna yuyanurca: "Raimipac mutsushcata rantinqui" nishpa chari chaita rimarca; "tsuntsu runacunaman imatapash cuyanqui" nishpa rimarca ima chari. 30 Judas chai tanta paquita japishca shina, llucshirca. Pai llucshishcapi tuta carca. 31 Judas rishca huasha Jesus nirca: —Cunan cai RUNA sumacyachishcami canca; chashnallata Dios paipac Churipi sumacyachishcami canca. 32 Dios paipac Churipi sumacyachishca cashpaca, Diosllata paipac Churita sumacyachinca, cunanllatami paita sumacyachinca. 33 Ñuca huahuacuna, cancunahuan ña mana unayashachu. Mashcahuanquichic, chashnapash, judiocunaman rimashca shina, cancunata nini: Ñuca rinaman mana ri ushanquichic. 34 Mushu rurai nishcata cancunaman cuni, caimi: Llaquinacushpa causaichic. Ñuca cancunata llaquishca shina, cancunapash llaquinacuna canquichic; 35 Cancuna llaquinacushpa causacpi, cancuna ñuca yachachishca runa cashcata tucuicuna yachanunca. 36 Chashna nicpi Jesus, Pedro paita tapurca: —Apunchic, ¿maimata rinca ranqui? Jesus paita cutiparca: —Ñuca rinaman mana ushanqui cunan ñucata catishpa rincapac; shuc puncha ñucata catishpa rihuanqui. 37 Pedro paita nirca: —Apunchic, ¿imaraicu cunanllata mana ushani canta catina? Canraicu huañunalla chapacuni. 38 Jesus paita nirca: —¿Ñucaraicu huañunalla chapacunquichu? Uyahuai: Cari atallpa manarac caparicpi, can quimsa cuti "paita mana ricsinichu" ninqui.
1 Huasha Jesus rimai callarirca cashna nishpa: —Ama llaquirichichu. Cancuna Diosta ininquichic, ñucatapash inichic. 2 Ñuca Yayapac huasipi achca ucu tiyan. Mana chashna cacpi; "cancuna tiyanata allichincapac rinca rani" nishcata mana rimaiman carcani. 3 Ñuca rishpaca, tiyanacunata allichishca huasha, ticramushami, cancunata ñucahuan pushashk; ñuca tiyashcapi cancunapash tiyancapac. 4 Ñuca rirashcaman yachanquichic, ñanpitaca ricsinquichic. 5 Tomas Jesusta nirca: —Apunchic, can rirashcaman mana yachahchichu; ¿imashna ñanpita ricsishun? 6 Jesus paita cutiparca: —Ñuca ñanpi cani shutipash cani, causaipash cani. Manapipash Yayapacman rina ushanun, mana ñucahuan rishpa. 7 Cancuna ñucata ricsishpaca, ñuca Yayatapash ricsinquichicman; cunan pachamanta ña paita ricsinquichic, paita ricurarcanquichic mari. 8 Chashnapi Felipe paita nirca: —Apunchic, Yayata ñucanchicman ricuchipai, chailla pactan. 9 Jesus paita cutiparca: —Felipe, unaimanta cancunahuan tiyani, ¿chairachu mana ricsihuanquichic? Ñucata ricuc Yayatapash ricun; ¿imaraicu ninqui "Yayata ñucanchicman ricuchi? 10 ¿Yaya ñucapi tiyashcata, ñucaca Yayapi tiyashcata manachu ininqui? Ñuca cancunaman rimashca shimicuna mana ñucamantallachu riniani; ñucapi tiyac Yaya Dios tucui ñuca rashcacunata ruran. 11 Inihuaichic: Yaya ñucapi tiyan, ñucaca Yayapi tiyani, Chaita mana inishpaca, ñuca rashcacunaraicu inihuaichic. 12 Shuti cancunata nini: ñucata inic runa ñuca rurashcacunallata ruranca; ashtahuanpash, chaicunamanta yalli jatuncunata ruranca, Yayapacman rinca rani mari. 13 Cancuna imatapash ñuca shutipi mañacpica, ñuca chaita rurashami, Yaya Churipi sumacyachi tucuncapac. 14 Ari, cancuna imatapash ñuca shutipi mañacpica, chaita rurashami. 15 "Cancuna ñucata llaquishpa, ñuca rimashca shimicunata pactachinquichic, 16 ñucaca Yayata mañasha, pai shuc Yanapacta cachanca, huiñaipac cancunahuan tiyancapac. 17 Chai yanapac shutita rimac Samaimi; cai pacha runacuna paita mana chasquina ushanun, paita mana ricsishcaraicu, mana ricushcaraicu; ranti, cancuna paita ricsinquichic, cancunahuan causan mari, cancunapi tiyancami. 18 Cancunata mana huacchayashcata saquishachu; cancunapacman ticrashami. "Astanipi, cai pacha runacuna ñucata mana ricununcachu; ranti cancuna ricuhuanquichic, ñuca causashcallahuan mari cancunapash causanquichic. 20 Chai puncha atipanquichic ñuca Yayapi causashcata, cancuna ñucapi causashcata, ñuca cancunapi causashcata. 21 Maicanpash ñuca rimashca shimicunata chasquishpa pactachicpi, paimi ñucata llaquin. Ñuca Yayaca ñucata llaquicta llaquinca; ñucapash paita llaquisha, paiman ricuchirisha. 22 Chashna rimacpi Jesus, Judas (mana Judas Iscariote nishca) paita tapurca: —Apunchic, ¿imaraicu ñucanchicmanlla ricuchirinca ranqui, mana tucui runacunaman? 23 Jesus paita cutiparca: —Ñucata llaquic runa ñuca yachachishcata pactachinca; ñuca Yayaca paita llaquinca, paipacman shamushun paipac shuncupi tiyancapac. 24 Ñucata mana llaquic runa ñuca yachachishcata mana uyanchu. Cai cancuna uyarashca shimicuna mana ñucapacchu, ñucata cachamuhuashca Yayapacmi. 25 "Cancunahuan tiyarashpa cai shimicunata rimani, 26 Santo Samai, yanapac cashpa, cai shimicunata allita atipachinca, ñuca yachachishcata yuyarichinca; ñuca Yaya ñuca shutipi chai santo Samaita cachanca. 27 "Ñuca rishpa, ganas causaita cancunaman saquini. Ñuca ganas causanata cancunaman cuni; cai ganas causana mana cai pacha runacuna cushca shinachu. Ama llaquirichichu, ama manchaichichu. 28 Ñuca cancunaman huillashcata uyarcanquichic; cashna nircani: "Riranimi, mana huiñaipac, ticrancapaclla rirani. Cancuna ñucata llaquishpaca, cushiyanquichicman Yayaman rini nishpa rimashcaraicu, Yaya ñucata yallin mari. 29 Manarac pactaricpi cai tucuita rimani, chai tucucpi cancuna inincapac. 30 "Na mana unaita cancunahuan rimarishachu, cai pachapi apu cac shamun mari. Pai ñucahuan mana imata charicpipash, 31 chashna tucuna can; chashna tucucpi, ñuca Yayata llaquishcata, pai mincahuashcata pactachishcata runacuna yachanunca. Jatarichic, jacuichic".
1 "Ñuca ubillas yura shinami cani, ñuca Yaya yurata ricuccamami. 2 Ñuca Yaya muyuta mana aparic pallcata cuchuncami; ranti, muyuta aparic pallcacunata ricunca, yanca pallcashitucunata cuchushpa ashtahuan aparincapac. 3 Cancuna na pichara canquichic ñuca cancunaman rimashca shimiraicu. 4 Ñucahuan llutarishpa catichic, ñuca cancunahuan llutarishpa catishca shina. Shuc pallca quiquinmanta mana aparinchu; yuraman mana llutashca cashpa, mana aparinchu; chashnallata, cancuna mana aparinquichic ñucahuan mana llutarishca cashpa. 5 Ñuca ubillas yurami cani, cancuna yura pallca canquichic. Maicanpash ñucahuan llutarishca catic ñucapash paihuan llutarishca, achca muyuta aparinca. Ñuca illac mana imatapash ushanquichic. 6 "Ñucahuan mana llutarishca runa jichui tucunca, huacllic pallca shina; chaquirincami; huasha, chai chaquishca pallcacunata tantachinunca rupachincapac. 7 Cancuna ñucahuan llutarishca cashpa ñuca yachachishcata pactachicpica, cancuna munashcata mañanquichic, mañashcata cushcanquichic. 8 Cancuna achcata aparishpa ñuca yachachishcacuna tucucpi, ñuca Yaya sumacyachishca can. 9 Yaya ñucata llaquishca shina, ñuca cancunata llaquircani; ñucata llaquishpa causaichic. 10 Cancuna, ñuca shimicunata uyashpa, ñucata llaquishpa catinquichic; ñucapash ñuca Yaya rimashca shimicunata uyarcani, paita llaquishpa causani. 11 "Chashna rimarcani cancuna ñucahuan cushiyancapac, cushiyashcahuan juntarincapac. 12 Ñuca rurai nishca caimi: Llaquinacuichic, ñuca cancunata llaquishca shina. 13 Shuc runa quiquin causaita cucpi shuc mashita llaquishpa, chai runata tucuicunamanta yalli llaquishcata ricuchin, 14 Cancuna ñuca mashicuna canquichic ñuca rimashcata pactachicpi. 15 Cancunata "luncucuna" nishpa mana rimashachu, luncu mana mari yachanchu amu rurashcata; ranti, cancunata "mashicuna" nini, ñuca Yayamanta uyashcata cancunaman huillarcani mari. 16 "Cancuna mana ñucata acllahuarcanquichic; ñuca cancuñata acllarcani; caipacta cancunata acllarcani: "Ñuca shimita tarpucrichic nishpa, tarpushca aparichun, aparishca ama chincarichun" nishpa. 17 Cancuna imatapash ñuca Yayaman mañacpi cushcanquichic. Shinacpi, caita cancunata nini: Llaquinacushpa causaichic. 18 "Cai pacha runacuna cancunata chicninucpica, paicuna ñaupac ñucata chicnishcata yuyarinquichic. 19 Cancuna cai pachamanta cacpica, cai pacha runacuna cancunata llaquinunman, paipaccunata llaquishca shina. Ranti, ñuca cancunata cai pachamanta acillarcani; chairaicu, cai pachapaccuna cancunata chicninun, cancuna mana cai pachamanta cacpi. 20 Cancunaman rimashcata yuyarinquichic; caita nircani: Shuc luncu mana paipac patronmanta yalli can. Ñucata llaquichinurca, cancunatapash llaquichinunca; ñuca yachachishcata caticcuna cancuna yachachishcatapash catinunca. 21 Ñucaraicu cancunata chicninunca, ñucata cachamushcata mana mari ricsinun. 22 "Ñuca paicunata camachincapac mana shamushca cacpica, juchata mana aparinunman; ranti, cunan juchata aparinun ñucata chicnishcaraicu; 23 chaita yachashpa ruranun, ñucata chicnic ñuca Yayatapash chicnin mari. 24 Ñuca paicunapac ñaupacpi manapí rana ushashcata mana rurashca cacpica, juchata mana aparinunman; ranti, chai mana raipaccunata ricunurca; ricushpallata ñucata ñuca Yayatapash chicninun. 25 Chashna tucun camachic quillcapi quillcara pactarincapac; cashna nin: Yancamanta, ñucata chicnihuanurca". 26 "Shuc puncha, Yanapac, shutita rimac Samai shamuncami; ñuca paita Yayapac shutipi cachasha; pai, Yayamanta shamuc cashpa, ñucamanta huillanca. 27 Cancunapash ñucamanta huillanquichic, callari pachamanta mari ñucahuan tiyarcanquichic.
1 "Chai tucuita cancunaman rimani cancuna inishca ama pishiyancapac. 2 Tantarina huasicunamanta cancunata shitanunca; ashtahuanpash, cancunata huañuchinunca; paicuna chashna rurashcahuan Diosta yupaichashcata yuyanunca. 3 Chaita ruranunca Yayata hucatapash mana ricsishcaraicu. 4 Chaita cancunata rimani cancuna ñucamanta yuyarincapac chashna tucucpi. Callarimanta mana rimarcanichu cancunahuan tiyashcaraicu. 5 "Cunaca, ñucata cachamushcahuan tiyancapac rinca rani, ¿imaraicu mana tapuhuanquichic "maimata rinqui" nishpa? 6 Tapuna rantimanta upata llaquirinquichic ñuca rimashcamanta. 7 Chashnapash, ñuca ricpica, cancunapac alli canca, shutita rimani, Ñuca mana ricpica, cancunata Yanapac mana shamuncachu; ranti, ñuca rishpa, paita cancunapacman cachasha. 8 Pai shamushpaca, cai pacha runacuna juchata rashcata ricuchinca, ñuca jucha iliac cashcata ricuchinca, Dios paicunata taripanca rashcata ricuchinca. 9 Juchallinurca ñucata mana inishcaraicu. 10 Ñuca jucha illac cashcata ricuchinca, ñupa Diospacman rinca rani mari; shinacpi, ña mana ricuhuanunca. 11 Dios cai pacha runacunata taripanca rashcata ricuchinca, cai pacha amu ña cautsayachi tucurca mari. 12 "Chaira achca tiyahuan cancunaman rimancapac; ranti cancuna cunan mana japina ushanquichic. 13 Shutita rimac Samai shamucpimi, atipana ushanquichic; pai tucuita atipachinca; mana paipac quiquin shutipi rimanca, paiman rimanushcata huillanca, ima tucunatapash ricsichinca. 14 Pai ñucata yupaichanca, ñucapacmanta japinca mari cancunaman ricsichincapac. 15 Tucui ñuca Yaya charishcata ñucapash charini; chairaicu nini: "Samai hucapacmanta japinca cancunaman ricuchincapac. 16 "Unailla mana ricuhuanquichic, astanipi cuti ricuhuanquichic, Yayapacman rinca rani mari. 17 Chashha nicpi, huaquin yachachishcacuna rimariranurca nishpa: —¿Imata nishpa nin chai shimicunata? "Unailla mana ricuhuanquichic, astanipi cuti ricuhuanquichic" nin; "chashna tucunca Yayapacman rinca rashcamanta" nin. 18 Imata nishpa nin chai "Unailla, astanipi". Pai rimarashcata mana atipanchichu. 19 Jesus, paicuna tapunayashcata yachashpa, nirca: —Ricushun: Ñuca caita nircani: "Unailla mana ricuhuanquichic, astanipi ricuhuanquichic cutillata". Manachu chaimanta tapunacunquichic? 20 Uyahuaichic cuti: Shuc puncha cancuna huacanquichic, ñacarinquichic, cai pachapaccuna cushiyanucpi; ranti, shuc puncha cancuna llaquirishca saquirincami, chaipac huasha cushiyanquichic. 21 Shuc huarmi pacarichina puncha ñacarin, huahua nanai paita japicpi; huahua pacaricpi, nanashcata cuncarin, shuc huahua pacarishcamanta cushiyashpa. 22 "Chashnallata, cancunapash cunan llaquirinquichic; ranti, ñuca ticracpi cushiyanquichic; chai cushiyashca pipash cancunata mana quichuncachu. 23 Chai punchapi mana imata tapuhuanquichic. Uyahuaichic: Cancuna imatapash Yayata mañacpi ñuca shutipi, pai cuncami. 24 Cunancama mana imata ñuca shutipi mañarcanquichic. Mañashpa cushcanquichic, cancuna cushiyashca pactarincapac. 25 "Cunancama rimashcata chinpapurachina shimicunahuan rimarcani; chashna shimicunahuan ña mana rimashcachu, pasacta Yayamanta huillasha. 26 Chai punchapi ñuta shutipi mañanquichic. Ñucaca mana ninichu "cancunamanta Yayata mañasha". Mana mutsurincachu. 27 Yayallata cancunata llaquin mari, cancuna ñucata llaquishcaraicu, ñuca Yayamanta shamushcata cancuna inishcaraicu. 28 Ari, Yayapacmanta llucshircani cai pachaman shamuncapac, cunan cai pachata saquishpa, Yayapacman ticranca rani. 29 Rimacpi uyashpa, yachachishcacuna ninurca: —Cunan pasacta rimaranqui, tucuita atipanchic. 30 Can tucuita yachashcata cunan ricsinchic, canta imatapash tapuncapac mana mutsurin. Chairaicu can Diosmanta shamushcata ininchic. 31 Chaita uyashpa, Jesus nirca: —¿Cunanchu ininquichic? 32 ¡Cancuna chausirina pacha pactacpi, caran amu shuc caiman, shuc chaiman miticuncapac, ñucata sapalla saquishpa! Mana imananchu, ñuca mana sapalla tiyani, ñuca Yaya ñucahuan tiyan. 33 Chai tucuita rimarcani, cancuna ñucahuan llutarishpa ganaslla causancapac." Cai pacha runacunapi llaquichi tucunquichic; mana imananchu, cariyanquichic, ñuca paicunata atircani.
1 Chashna rimarca Jesus; chai huasha, jahuaman ricushpa nirca: —Yaya, pacha pactamurca. Canpac Churita sumacyachipai, canpac Churi canta sumacyachincapac. 2 Tucui runacunapac apu canata paiman curcanqui, chai runacunaman huihai causaita cuyachun nishpa. 3 Caimi huihai causai: Canta shuclla shuti jinu Diosta ricsinuchun, canta llaquinuchun can cachashca Jesucristontin. 5 Cunaca ñucata sumacyachipai, Yaya, ñuca canhuan tiyashcapi sumacyachi tucushpa causashca shina, manarac cai pacha tiyashcapi; 6 "Can cuhuashea cai pacha runacunaman canpac shutita ricsichircani. Canpaccuna canurca, can paicunata cuhuarcanqui, paicunaca canpac shimita chasquinurca. 7 Tucui can cuhuashca canmanta shamushcata cunan ininun. 8 Can rimahuashca shimicunata paicunaman rimarcani, paicunapa chai shimicunata chasquinurca; ñuca canmanta llucshishcata alli atipanun, can cachamuhuashcatapash ininun. Paicunamanta mañani, can cuhuashca runacunamanta; paicuna canpac canun; shuccunamanta mana mañanichu. 10 Tucui ñuca charishca canpacmi, chashnallata tucui can charishca ñucapacmi; ñuca paicunapi sumacyachishca cani. 11 "Ñuca ña mana cai pachapi tiyashachu, paicunaca cai pachapi saquirinun; ñuca canpacman ticranca rani. Sumac Yaya, can ñucaman cushca runacunata canllata canpac ushaihuan ricupanqui paicuna shuclla cancapac, ñucanchic shuclla cashca shina. 12 Ñuca paicunahuan causashcapi, paicunata pusharcani; paicunata quishpichircani can cuhuashca ushaihuan; Manapí chincarirca; chincarina cashcalla chincarirca, quillca nishca pactarihcapac. 13 "Cunan canpacman rirani; cai shimicunata cai pachapi tiyashpa rimani, paicuna ñuca cushita shuncupi charincapac. 14 Canpac shimita paicunaman huillarcani; cai pacha runacuna paicunata chicninun paicuna mana cai pachamanta cashcaraicu, ñucapash mana cai pachamantachu cani. 15 Can paicunata cai pachamanta llucshichipai nishpa mana mañanichu; ranti, paicunata supai apumanta quishpichipai. 16 Paicuna mana cai pachamanta canun, ñucapash mana cai pachamantachu cani. 17 "Paicunata shuti cashcahuan canraicu chicanyachipai; can rimashca shimi shutimi can. 18 Can ñucata cai pachapaccunaman cachamuhuashca shina, ñuca paicunata cai pachapaccunaman cachani. 19 Paicunamanta canman camari shina curinimi, paicunapash canman curishpa, can mincashcata rurashpa causancapac. 20 "Sumac Yaya, mana ¿paicunamantallachu mañani; tucui ñucapi ininacunamantapash mañani, paicuna rimashcamanta ininacuna. 21 Paicunapura shuclla canuchun. Can, Yaya, ñucapi tiyashca shina, ñuca canpi tiyashca shina paicuna shuclla ñucanchicpi canuchun nishpa mañani. Shucllapi causanuchun, cai pacha runacuna can cachamuhuashcata inincapac. 22 Can cuhuashcata paicunaman curcani, paicunapura shuclla cancapac, hucanchicpura shuclla cashca shina. 23 "Ñuca paicunapi tiyasha, can ñucapi tiyanqui; paicuna allipacha shuclla tucunuchun. Chashnami, cai pacha ruhacuna can ñucata cachamushcata atipanunca; chashnallata, can cai pacha runacunata llaquishcata ñucata llaquishca shina yachanunca. 24 "Yaya, caita munanni: Can mincahuashcacuna ñuca tiyanallapi tiyanuchun, ñucata ña sumacyachishcata ricushpa manarac cai pacha tiyashcapi shina. 25 Alli Yaya, cai pachamanta caccuna canta mana ricsinun; ranti ñuca canta ricsini, caicunapash yachanun can ñucata cachashcata. 26 Can pi cashcata paicunaman ricsichircani, canta ashtahuan ricsichisha, can ñucapi churashca llaquinaca paicunapac shuncupi tiyachun, ñuca quiquinllata paicunapi tiyancapac.
1 Rimanata tucuchishcapi, Jesus yachachishcacunantin Cedrón nishca yacu huahua chinpaman rirca. Chaipi shuc chacra tiyarca; chaiman Jesus yachachishcacunantin yaicurca. 2 Jesusta japichie Judas chai allpata ricsirca, chaipi mari achca cuti Jesus yachachishcacunantin tantaric carca. 3 Judas shuc suldaru bulata pushashpa chaiman pactarca nina purucunata, caspicunata, mircanucunata apashpa. Pacriyaya apucuna fariseocunantin chai suldaru bulata paiman cunurca Diospac huasita ricuc chapaeunatapash. 4 Jesus tucui ima tucunata yachashpa, paicunapacman rishpa tapurca: —¿Pitata mashcanquichic? 5 Ninurca: —Nazaretmanta Jesusta. Judaspash paicunahuan tiyarca. 6 Jesus nirca: ¿Ñucami cani. Chaita uyashpa paicuha huashahuan rishpa, allpaman urmanurca. 7 Jesus cutillata paicunata tapurca: ¿Pitata mashcanquichic? —Nazaretmanta Jesusta — ninurca. 8 Jesus paicunata nirca: —Ña uyarcanquichic, ñucami cani. Ñucata mashcacpica, caicunata ama quillachichichu. 9 Chashna tucurca Jesus rimashca pactarincapac, cashna mari rimashcarca: "Can cuhuashcacunamanta shucllapash mana chincarishcachu". 10 Simon Pedro, mireanuyuc cashpa, chaita surcushpa, shuc apupac luncuta huactarca, paipac rinrita pitirca; chai luncu Malco shutiyuc carca. 11 Jesus Pedrota nirca: —Mircanuta cara ucupi sati. ¿Manachu cai jatun llaquita apana cani, Yaya chashna munacpi? 12 Suldarucuna chapacunantin Jesusta japishpa huatanurca. 13 Ñaupac, Anaspacman paita pushanurca; Anas Caifaspac huarmi yaya carca, pacriyayacunapac jatun apu chai huata. 14 Caifasllata judiocunata rimashcarca nishpa: "Shuc runallata huañuchina astahuan alli canca ama tucuicuna huañunuchun". 15 Simon Pedro shuc yachachishca runahuan Jesusta catiranurca. Chai yachachishca runa jatun apuhuan ricsishca carca, chairaicu Jesus-huan pacta huasiman yaicurca. 16 Pedro canchapi saquirirca, puncullapi. Chai aputa ricsic yachachishca runa puncuta ricuccamahuan rimancapac llucshirca, Pedrota yaicuchincapac. 17 Puncuta ricuccama —shuc huarmi carca— Pedrota tapurca: —¿Manachu canpash chai runata catic canqui? —Mana- nirca. 18 Luncucuna chapacunapash, ninata japichishpa, rupayaranurca, yapa chiri mari carca. Pedropash paicunahuan tiyarca. 19 Pacriyaya jatun apu Jesusta tapurca pai yachachishcacunamanta camachishcamantapash. 20 Jesus cutiparca: —Ñuca tucuicunapac ñaupacpi rimarcani; ñuca huiñai judiocuna tantarina huasicunapi yachachic carcani; pacalla mana imata yachachircanichu. 21 ¿Imata tapuhuanqui? ¿Ñucata uyashcacunata tapunqui; paicuna ñuca yachachishcata yachanun. 22 Chashna nicpi, shuc Diospac huasita ricuc runa maqui palahuan Jesusta huactarca nishpa: —¿Chashnachu jatun aputa rimarin? 23 Jesus paita cutiparca: —Ñuca manallita rimashca cacpica, nihuai imapi manallita rimarcani; alli rimashca cacpica, ¿imaraicu macahuanqui? 24 Chashnapi, Anas Jesusta jatun apu Caifaspacman cacharca. 25 Pedro nina mayanpi rupayararea. Chaipi tiyaccuna paita ninurca: —¿Manachu canpash pai yachachishcacunamanta canqui? —Mana- nirca. 26 Shuc jatun apupac luncu, Pedro rinrita pitishcapac aillu, paita nirca: —Ñuca quiquin ñahuicunahuan canta Jesus-huan chacrapi ricurcani. 27 Pedro nirca: —Mana Chai ucullapi cari atallpa caparirca. 28 Caifaspac huasimanta Jesusta gubirnu apupacman pushanurca. Inti ña pacaricpi, judiocuna apupac huasiman mana yaicunurca ama mapayancapac, chai puncha pascua micuna puncha mari carca. 29 Chairaicu, Pilato paicunapacman llucshirca tapuncapac: —Imamanta cai runata juchachinquichic? 30 Cutipanurca: —Cai runa mana juchayuc cashcapica mana canpacman pushamunchicman carca. 31 Pilato picunata nirca: —Cancunallata japichic, cancunapac yachai paita taripaichic. Judiocuna ninurca: —Ñucanchic manapita huañuchina ushanchic, 32 Chashna rimanucpi, Jesus rimashca pactarirca pai imashna huañuna cashcata huillashcapi. 33 Pilato ucuman yaicushpa, Jesusta shamuchishpa, paita tapurca: —Juidiocunapac Jatun Curacachu canqui? 34 Jesus nirca: —¿Can quiquinmantachu chaita ninqui? ¿shuccuna huillashcatachu rimanqui? 35 Pilato paita cutiparca: —¿Judiochu cani ñuca? Canpac llacta runacuna, pacriyaya apucuna canta ñucaman chasquichinurca. ¿Imatata rurarcanqui? 36 Jesus paita cutiparca: —Ñuca mana cai pacha apucuna shinachu cani. Paicuna shina cacpica, ñuca runacuna macarinunman judiocuna ñucata ama japincapac; fanti, ñuca shuc laya apumi cani. 37 Nicpi uyashpa Pilato tapurca: —Jatun Curacachu canqui? Jesus cutipashpa nirca: —Ari, ñuca Jatun Curacami cani. Cai pachaman shamurcani tucuicunaman shuti cashcata ricsichincapac. Shutita catic runacuna ñuca shimita uyanun. 38 Pilato tapurca: —¿Imaita can shuti? Chashna tapushpa, judiocunahuan rimarincapac llucshirca; paicunata nirca; —Cai runapi ima manallita mana tarinichu. 39 Caran huata, pascua punchapi, shuc huichcashca runata cacharic cani cancunapac yachai. Judiocunapac jatun Curacata cacharincapac munanquichichu? 40 Paicuna caparishpa ninurca: —¡Mana paita! ¡Barrabasta cachari! Barrabas shuc millai shuhua runa carca.
1 Chashnapi, Pilato Jesusta japishpa llipachichirca. 2 Suldarucuna, Jesusta japishpa, shuc casha llaututa ahuashpa, paipac umapi churanurca; shuc puca churanatapash churachinurca; 3 huasha, paipacman mayanyarishpa ninurca: —¡Canta saluranchic, judiocunapac Jatun Curaca! Chashna nishpa, maqui palahuan paita huactaranurca. 4 Pilato cutillata judiocuna tiyashcaman llucshirca. Paicunata nirca: —Uyahuaichic, cai runapi ima juchata mana tupashpa cancunaman cutillata pushamuni. 5 Chashna nicpi, Jesus llucshirca; casha llaututa paipac umapi charirca, puca churanata churarishca. Pilato, paita ricuchishpa, nirca: —¡Ricuichic cai runata! 6 Pacriyaya apucuna chapacunapash paita ricushpa, caparinurca nishpa: —¡Paita huañuchi, paita huañuchi! ¡Cruspi chacatashca huañuchun! Pilato paicunata nirca: —Cancunallata japichic, paita huañuchichic, ñuca ima juchata mana tupanichu paipi. 7 Judiocuna cutipanurca: —Ñucanchic yachai, paita huañuchina can, "Diospac Churi cani" nirca mari. 8 Chaita uyashpa, Pilato ashtahuan mancharca. 9 Jesusta huasi ucuman cutillata pushashpa, Pilato paita tapurca: —¿Maimanta canqui? Jesus chunlla saquirirca. 10 Pilato paita nirca: —¿Imaraicu mana rimahuanqui? ¿Canta huañuchina, canta cacharina ushashcata manachu yachanqui? 11 Chashnapi, Jesus paita cutiparca: —Ñucata mana imata rana ushanquiman Dios mana munashcapi; chairaicu, ñucata canman chasquichishca runa canmanta yalli juchayuc can. 12 Chai pachamanta, Pilato Jesusta cacharinata munarca; ranti, judiocuna paita caparinurca: —Paita cacharishpa, Incahuan mana mashichu canqui; pipash jatun Curacami cani nishpa, Incata chicnin. 13 Chaita uyashpa, Pilato Jesusta canchaman llucshichirca; huasha, taripana tiyarinapi tiyarirca, hebreo shimipi "Gábata" nishcapi (Gabata nishpa, "rumihuan rurashca panpa" nin runa shimipi). 14 Pascua micunata allichina puncha carca, chaupi puncha mayanlla. Pilato Jesusta ricuchishpa nirca: —Caimi cancunapac Jatun Curaca! 15 Paicuna caparishpa ninurca: —¡Huañuchun, huañuchun! ¡Cruspi paita huañuchi! Pilato nirca: —¿Cancunapac Jatun Curacata huañuchishachu? Judiocuna ninurca: —¡Ñucanchipac Jatun Curaca Incallami can! 16 Chaita uyashpa, Pilato Jesusta paicunaman curca chacatashca cancapac. Paicunaea Jesusta japishpa chacatancapac pushanurca. 17 Jesus, crusta marcashpa, Calvario urcuman rirca (hebreo shimipi Gólgota ninun; nicpi, "aya tullu panpa"). 18 Chaipi paita chacatanurca; ishcai runatapash chacatanurca shuc alli maquiman, shuc lluqui maquiman. 19 Pilato shuc quillcata quillcachirca crus umapi churancapac; chai quillcapi cashna quillcara tiyarca: "Nazaretmanta Jesus judiocunapac Jatun Curaca". 20 Achca runacuna chai quillcashcata ricunurca; chai urcu llactamanta mana caru carca; quillcashcaca quimsa shimipi quillcara carca: arameo shimipi, griego shimipi, latin shimipi. 21 Judio apucuna Pilatota ninurca: —Can quillcashcata "judiocunapac Jatun Curaca" nishpa pichana can; "judiocunapac Jatun Curaca cani nirca" nishpa quillcanqui. 22 Pilato nirca: —Ñuca quillcashca quillcara saquirin. 23 Jesusta chacatashca huasha, suldarucuna paipac churanacunata japinurca caranpac shuc; cushmaca mana sirara carca, illacta ahuara carca; 24 chairaicu ninurca: —Caita ama pitishun; lichayucpac saquirichun. Chashna quillca nishca pactarirca, cashna mari quillcara tiyarca: "Ñuca churanacunata paicunapura cunacurca; ñuca cushmaca lichayucpac saquirirca". 25 Crus chaquipi Jesuspac mama tiyarca, paipac ñaña Cleofaspac huarmi Mariapash, Maria Magdalenapash. 26 Jesus paipac mamata ricushpa, yachachishca Juanpash chaillapi tiyacpi ricushpa, mamata nirca: —Huarmi, chaimi canpac churi. 27 Huasha, yachachishca runata nirca: —Chaimi canpac mama. Chai pachamanta chai yachachishca runa Jesuspac mamata paipac huasiman pusharca. 28 Chaipac huasha, Jesus pai raranata ña pactachishcata yachashpa, quillca nishca pactarincapac nirca: —Upianayahuan. 29 Chaipi shuc jayac bino manca tiyarca; suldarucuna shuc esponjata japinurca; jayac binopi jucuchishpa, pintupi huatashpa, Jesusta upiachinurca. 30 Jesus jayac binota camashca huasha, caparishpa nirca: —Tucui illacta pactarirca. Umata lapushpa huañurca. 31 Cayantin puncha jatun raimi pascua nishca carca. Ayacuna ama cruspi saquirincapac, judiocuna Pilatopacman nnurca "ayacunata chaimanta anchuchipai" nishpa mañancapac. 32 Suldarucuna rishpa, Jesushuan pacta chacatashcacunapac chancacunata paquinurca. 33 Jesuspacman mayanarishpa ña huañushcata ricushpa, paipac chancacunata mana paquinurcachu; 34 shuc suldaru tucsinahuan paipac tintilluta tucsirca; chai ucullapi yahuar yacupash llucshirca. 35 Chaita ricushca runa "Chasna tucurca" nin, pai rimashca shuti can; pai yachanmi shutita rimashcata cancuna inincapac. 36 Chashnarmi quillca nishca pactarirca: "Paipac tullucunata mana shucllatapash paquinquichichu". 37 Shucpi nin: "Tucsishcaman ricununca". 38 Chaipac huasha, shuc Arimateamanta runa Jose shutiyuc (paipash Jesusta catic carca, pacalla catic carca judiocunata manchashcamanta) Pilatopacman rirca Jesuspac ayata manancapac. Pilato pai mañashcata cucpi, chai runa Jesuspac ayata apashpa rircai. 39 Shucpash Nicodemo shutiyuc shamurca; chai runa shuc cuti Jesus-huan rimarincapac tuta rishcarca. Chai runa asnac yacuta apamurca shuc patsac libra tuputa. 40 Jesuspac ayata japishpa asnac yacuhuan armachishpa, churanahuan pillunurca judiocunapac yachai panpancapac. 41 Chai manyata shuc chacra tiyarca, chacrapi shuc aya jutcu; manapí chaira chai jutcupi panpai tucushca carca. 42 Chaipi Jesuspac ayata churanurca; caruman chincachincapac mana ushanurcachu, samana puncha nalla pactanca racurca mari.
1 Semana ñaupac puncha tutamantashitu, chaira tuta ucupi, Maria Magdalena Jesus ta panpanushca jutcuman rirca. Chaiman pactac, nimita anchuchishcata ricurca. 2 Callpashpa, Simon Pedropacman, chai shuc yachachishca Jesus yapa llaquishca runapacman rirca. Paicunata tupashpa nirca: —¡Aya jutcumanta Apunchicta surcunurca, maipi churanushcata mana yachanchichu! 3 Rimacpi uyashpa, Pedrohuan chai shuc yachachishca runahuan aya jutcuman rinurca. 4 Ishcaintin pacta callpanurca; chai shuc yachachishea runa Pedromanta yalli callpashpa, ñaupae aya jutcuman pactarca. 5 Ricuncapac cumurishpa, churanacunata allpapi ricurca; mana yaicurcachu. 6 Unailla Pedro pactarca. Aya jutcuman yaicushpa, churanacunata allpapi ricurca. 7 Jesuspac umata pillunushca churana mana allpapi tiyarca shuc churanacunahuan, shuccpi patachira tiyarca. 8 Chai yachachishca runa, ñaupac pactamuc runa, paipash yaicurca; ricushpa inirca. 9 Quillcapi quillcara tiyashcata "Jesus huañushcacunamanta causarina can" nishpa, chai pachacama mana atipanushcarca. 10 Chaita ricushpa, chai yachachishcacuna huasiman ticranurca. 11 Maria aya jutcu mayanpi huacashpa saquirirca. Huacashpa, aya jutcuman ricuncapac cumurishpa, 12 ishcai angelcunata yuraclla churarishcata ricurca; Jesuspac aicha tiyashcapi tiyanurca, shuc umaman, shuc chaquiman. 13 Angelcuna huarmita tapunurca: —Huarmi, ¿imaraicu huacaranqui? Pai nirca: —Apunchicta apanurca, maipi churanushcata mana yachanichu. 14 Chashna nishpa, ticracpi ricushpa, Jesus chaipi shayashcata ricurca; Jesus cashcata mana yacharca. 15 Jesus paita nirca: —Huarmi, ¿imaraicu huacaranqui? ¿Pitata mashcacunqui? Pai, chacracamami yuyashpa, nirca: —Ayalla, can paita apashca capi, maipi churashcata rimahuai, ñuca paita apancapac. 16 Chashna rimacpi, Jesus paita nirca: —¡Maria! Paica ticrashpa nirca: —¡Raboni! ("raboni" nishpa "yachachiccama" nin) 17 Jesus paita nirca: —Cacharihuai, chaira caipi tiyani mari; ñuca huauquicunapacman rishpa, paicunata rimanqui: "Ñuca Yayapacman, huca Diospacman rinca rani; pai cancunapac Yayami, cancunapac Diosmi". 18 Chashna rimacpi, Maria yachachishcacunapacman rishpa nirca: —Apunchicta ricurcani, caita nihuarca. Jesus rimashcataca huillarca. 19 Chai punchallapi, ña tutayaracpi, Jesus yachachishcacuna shuc huasipi tiyanurca; judiocunata manchashcamanta huasi puncu huichcara carca. Cuncaimanta Jesus yaicurca; paicuna chaupi shuncupi shayarishpa nirca: —¡Ganas causanata charichic! 20 Huasha, paipac maquicunata, paipac tintilluta tucsishcata ricuchirca. Apostolcuna, Jesusta ricushpa, yapa cushiyanurca. 21 Jesus cutillata nirca: —¡Ganas causanata charichic! Ñuca Yaya cachamuhuashca shina, ñucapash cancunata cachani. 22 Huasha, paicuna jahuapi pucurca nishpa: —Santo Samaita chasquichic. 23 Cancuna pichashca juchacuna pichara saquirinunca; cancuna mana pichashca juchacuna mana pichara saquirinunca. 24 Shuc yachachishca runa, Tomas shutiyuc Didimo nishca, Jesus shamushcapi illarca. 25 Shuccuna paita rimanurca: —Apunchicta ricurcanchic. Pai cutipashpa nirca: —Paipac maquipi clavo jutcuta mana ricushpa, ñuca maqui rucata chai jutcupi tintillu jutcupipash mana satishpa, mana inishachu. 26 Pusac puncha huasha, yachachiscacuna chai huasillapi tiyanurca; Tomas paicunahuan tiyarca. Puncu huichcara cacpi, Jesus yaicurca; paicuna chaupi shuncupi shayarishpa nirca: —¡Ganas causanata charichic! 27 Huasha Tomasta nirca: —Tomas, maqui rucata sati caipi, ñuca maquita llancai; canpac maquita ñuca tintillu jutcupi sati; ama inina illac caichu; inishcayuc cana canqui. 28 Tomas nirca: —¡Ñuca Apulla, ñuca Dioslla! 29 Jesus shuc achca munanayacta ricuriccunata rurarca yachachishcacuna ñaupacpi, chaicuna cai quillcapi mana quillcashca tiyanun. 31 Chaicunata quillcarcani Jesus Mesias cashcata cancuna inincapac; cancuna chashna inishpa, paipac causaita charinquichic.
1 Jesus yachachishcacunaman cutillata ricurirca Tiberiades cucha patapi; cashna tucurca: 2 Simon Pedro-huan, Tomas-huan, Natanael-huan ishcai Cebedeopac churicunahuan shuc ishcai yachachishcacunahuan pacta tiyanurca. 3 Simon Pedro nirca: —Llicancapac rirani. Shuccuna ninurca: —Canhuan shamushun. Rishpa canuaman yaicunurca. Tuta pacaricta mana imata japinurca. 4 Punchayacucpi, Jesus tiyu panpapi ricurimurca; chai runacuna Jesus cashcata mana yachanurca. 5 Jesus paicunata nirca: —Runacuna, ¿imatapash japircanquichichu? —Mana imata japircanchic -ninurca. 6 Jesus paicunata nirca: —Llicata alli maquiman shitaichic, tarinquichicmi. Llicata shitashpa, achca yacu aichacunata japinurca, llicata mana aisana ushanurca, 7 Chai Jesus llaquishca runa Pedrota nirca: —¡Apunchicmi! Simon Pedro "Apunchicmi"nishcata uyashpa, churanata churarishpa —llatan mari carca— yacuman shitarirca. 8 Shuccuna canuahuan shamunurca llicata aisashpa; yacu patamanta mana caru carca, shuc patsac metro tupulla. 9 Allpaman pactaccuna ninata japichishcata ricunurca; nina jahuapi shuc challua tiyarca; tantapash tiyarca. 10 Jesus paicunata nirca: —Cunan japishca aichacunamanta apamuichic. 11 Simon Pedro, canuaman sicashpa; llicata allpaman aisarca; jatun challua juntarashca shuc patsac picha chunca quimsa; chashna achca cacpipash, llica mana lliquirishcachu. 12 Jesus paicunata nirca: —Micuc shamuichic. Paicuna "can pitac canqui" nishpa tapunata manchanurca, Jesus cashcata yachashpallata. 13 Jesus mayanyashpa, tantata japishpa paicunaman curca; yacu aichatapash cararca. l 14 Chaihuan quimsa cuti Jesus yachachishcacunaman ricurimurca causarishca huasha. 15 Micushca huasha, Jesus Pedrota nirca: —Juanpac churi Simon, ¿caicunamanta yalli llaquihuanquichu? Pedro cutipashpa nirca: —Ari, Apunchic, ñuca canta llaquishcata yachanqui. Jesus paita nirca: —Ñuca obeja huahuacunata michinqui. 16 Unailla cutillata tapurca: —Juanpac churi Simon, ¿ñucata llaquihuanquichu? Pedro paita cutiparca: —Ari, Apunchic, ñuca canta llaquishcata yachanqui. Jesus paita nirca: —Ñuca obejacunata michinqui. 17 Quimsaniqui cuti tapurca: —Juanpac churi Simon, ¿ñucata llaquihuanquichu? Pedro, Jesus quimsa cuti "llanquihuanquichu" nishpa tapushcamanta llaquirishpa, nirca: —Apunchic, can tucuita yachanqui; ñuca canta llaquishcata yachanqui. Jesus paita nirca: —Ñuca obejacunata michinqui. 18 Shuti pacha canta nini: Can malta cashcapi, canllata churaric carcanqui, can munashcaman ric carcanqui. Can rucuyacpimi, ricracunata chutachinqui, shucca canta churachinca, can mana munashcaman pushai tucunqui. 19 Chashna rimashpa Jesus imashina Pedro huañunca rashcata Diosta sumacyachincapac ricsichirca. Huasha paita nirca: —¡Catihuai! 20 Pedro ticrashpa, Jesus yapa llaquishca nina paicunata catimurashcata ricurca; chai runa puchucai tuta micunapi Jesuspac mayanpi tiyashpa, paita tapushcarca "Apulla, pimi canta japichinca ran" nishpa. 21 Pedro paita ricushpa, Jesusta nirca: —Apunchic, ¿cai runaca imata tucunca? 22 Jesus paita cutiparca: —Ñuca ticranacama pai caipi saquirichun ñuca munacpica, canta mana imananchu. Can catihuai. 23 Cashna Jesus nicpi, chai runa mana huañunca rashcata huaquincunapura rimarirca; ranti, Jesus mana nircachu" "mana huañunca ran" nishpa; "cai runa ñuca ticranacama caipi saquirichun ñuca munacpica, canta mana imananchu" nishpa nirca. 24 Caimi chai tucuita huillac runa, paillata chaicunata quillcashpa saquirca; pai shutita rimashcata yachanchic. 25 Shuc achcacunatapash Jesus rurarca; chaicunata shuc shuc quillcanucpi, quillcashca pancacuna tucui cai pachapi mana yaicununman yachin.
1 Teófilo, ñuca ñaupa quillcashca pancacunapi tucui Jesus yachachishcacunamanta, pai callarishcapi rurashcacunata churarcani, 2 pai jahuapachaman pushai tucushca punchacama. Pai acllashca Apostolcunata Diospa Samaihuan pai rimashcacunata atipachishca huasha. 3 Paicunahuanmi taririrca pai ñacarishca huasha, achcacunahuan pai causac casncata ricsichishpa, paicunaman chuscu chunca puncha tupu ricurirca, chaipi paicunata Dios Apu cana Pachamanta (Reino de Dios) rimarca. 4 Shuc cuti paicunahuan micucushpa paicunata cashna rimarca: —Jerusalenmanta ama caruyanquichicchu; chapaichic Yaya rimashca pactarichun; ¿manachu ña chaimanta cancunata rimarcani? 5 Juan Yacuhuan bautisarca, cancuna ranti manapash unaipi Diospa Samaihuan bautisai tucunca ranquichic. 6 Chairaicu chaipi tantarishcacuna tapunacurca: —Apunchic, ¿cunachu Israelmanta Apu jinu tucunca ranqui? 7 Pai cutiparca: —Yaya paipa munaihuan chai pachacunapi ruranca rashcata cancuna imata yachana charinquichic. 8 Chashnapash shuc ushaita chasquinquichicmi, Diospac Samai cancunapacman uraicumucpi, ñucamanta Jerusalenpi, tucui Judeapi, Samariapi, tucui pachapi ricuyaccuna tucunca ranquichic. 9 Chaita rimashca huasha, pai sicashcata ricunurca, shuc puyu paicuna ricushcata qillparca. 10 Paicuna allipacha jahuaman ricushpa shayacushcapi, ishcai runa yuraclla churarishca paicunaman mayanyanurca 11 cashna rimashpa: —Galileamanta runacuna, ¿imata rashpami jahuamanlla ricushpa shayanquichi? Caimanta cunan jahua pachaman pushai tucuc Jesusllata pai rishca shinallatacmi ticramunca. 12 Chashnapi, paicuna Olivos nishca urcumanta ticramunusca, chaimanta Jerusalenman mana caru can: samana puncha paicuna puri ushashca tupu. 13 Llactapi pactashpa paicuna causana huasipi yaicunurca; paicuna canurcami: Pedro, Juan, Santiago, Andres, Felipe, Tomas, Bartolome, Mateo, Alfeopa churi Santiago, Shuncuhuan Curishca (el Fanático) shutiyuc Simon, Santiagopac huauqui Judas. 14 Tucuipura paicuna Dioshuan rimarinapi huiñai catiranurca, Jesuspac mama Maria paipac aillucunandin. 15 Chai punchacunapi chaipi shuc patsac ishcai chunca runacuna tantarishca tiyanurca. Pedro cai runa ucupi shayarishpa rimancapac callarirca chai huauquicunata: 16 —Huauquicuna, Diospac Samai ñaupa quillcapi rimashca pactarina carca; David Judasmanta rimashca: pai millai runacunata Jesusta japichincapac pusharca. 17 Ñucanchic-huan puric carca, ñucanchic shinallata llancac. 18 Jesusta catushpa japishca cullquihuan shuc allpata rantirca, huasha huaicuman urmarca, paipa huicsa tucyacpi chunchullicuna chausirinurca. 19 Pai chashna tucushcata tucui Jerusalenmanta runacuna yachanurca, paicunapac shimipi chai allpata rimanurca Aceldama, aya panpa. 20 Yachanchic Diosman Taquinacuna (Salmos) pancacunapi quillcashca tiyan: "Pai causashca allpa chushac saquirichun, ama pi runata chaipi causana yuyai tiyachun". Chaillapita rimanpash: "Pai rantimanta shuc llancachun". 21 Chairaicu, allimi canca shuc runa chai Jesus causarishcata ricuyac ñucanchiman llutarichun, shuc, chai Jesus ñucanchihuan causacushcapi puric, 22 Juan bautisashpa purishcamanta pai jahua pachaman pushai tucushcacama. 23 Ishcaita shayachinurca: Jose Barsabata, Cusca shuncuyuc nishca, Matiasta. 24 Chai huasha cashna rimarinurca: —Apunchic, can tucuicunapac shuncuta ricsinqui; ricsichi cai ishcaicunamanta maicantata acllarcanqui, 25 pai Apostol tucuchun Judas rantimanta, cai rinaman rishpa saquishcaraicumanta. 26 Lichayucta yachancapac racpi, Matias lichayuc tucurca, paita chunca shuc Apostolcunaman yapachinurca.
1 Pentecostes puncha pactashcapi tucuilla shucllapi tantarishca tiyanurca. 2 Cuncaimanta sinchi huaira shina jahua pachamanta uyarimushpa tucui paicuna tiyacushca huasipi juntarirca. 3 Chaipi ricunurca shuc nina callu shinacuna caran umapi shayarishcata, 4 tucuilla. Diospac Samaihuan juntarishca saquirinurca, caran shimipi rimancapac callrinurca, chai Samai paicunata rimachishca shina. 5 Jerusalenpi canacurca tucui mama-llactamantacuna shamushca Diosta llaquic judiocuna. 6 Chai tulupushcata uyashpa achcacuna chaima rinacurca, mancharishca saquirinurr ca, caranlla quiquin shimipi rimashcata uyashpa. 7 Tucuilla mancharicushiyashpa tapurinurca: —¿Manachu Galileamanta canun tuciu chai rimacuccunaca? 8 ¿Shinacpi imaraicuta caranlla ñucanchicpac quiquin shimipi rimashcata uyacunchic? 9 Caipi tiyanchic Partomanta runa, Mediamanta, Elanmanta; cuti shuccunaca causanchic Mesopotamiapi, Judeapi, Capadociapi, Pontopi, 10 Asiapi, Frigiapi, Panfiliapi, Egiptopi, Cirene mayapi tiyac Libia suyumanta; maicancunaca Romamanta runa canchic, maicancunaca judio, cuti shuccunaca mana judio cashpapash paicunapac ininata catiranun; 11 Cretamanta, Arabiamanta shamushcacunapash tiyan, chashnapash Diosmanta sumac rimashcacunata tucuilla quiquinpac shimipi uyacunchic. 12 Ima tucucushcata mana yachashpa, mancharishpa tapurinurca: —¿Caica imatata ñucanchicman ricsichinayan? 13 Ranti shuccunaca, asishpa rimanurca: —Machac mari canun. 14 Chashnapi Pedro chunca shuc Apostolcunahuan shayarishpa, sinchi shimihuan rimarca: —Judio runacuna, Jeresalenpi causaccunapash ñuca shimita uyapaichic; allita atipashpa ricunquichic. 15 Cancuna rimashca shina mana machacchu canchic; chaira tutamantalla can. 16 Cunan caipi pactaricunmi profeta Joel shutiyuc rimashca: 17 "Puchucai punchacunapi tucuncami, riman Dios, ñuca Samaita tucui runapacpi tallichincapac rani; cancunapac churicuna ushushicunapash ñucaraicu huillanunca, maltacuna rucucunapash nuspaicunatami nuspanunca. 18 Chai punchacunapi ñuca Samaita ñuca chulucunapash jahuapi tallichishami, 19 Jahuapachapi sumaimanacunatami rasha; cai allpapica: yahuar, nina, cushni jatarishca tiyanca. 20 Intica yanayancami, quillaca yahuaryancami, Apunchicpac puncha chaira mana pactashcapi, jatun puncha, manaricuipac puncha. 21 Chashnapash, Apunchicpac shimipi mañashpa quishpichi tucununcami". 22 Israelmanta runacuna uyahuaichic: Nazaretmanta Jesusta ñucanchic ucupi ushaita Dios cushcarca: Paita rurachirca mana raipaccunata, sumac ricuriccunatapash, cancuna chaita yachanquichic. 23 Chashnapash, cancunaca millai runacunaman japishpa curcanquichic, paita huañuchircanquichic, cruspi chacatarcanquichic, Dios munashca shina, pai unaimanta rimashca shina. 24 Ranti Dios paita causachirca huañuimanta quishpichishpa; mana allichu carca huañui paita yallincapac, 25 paimanta David cashna riman: 'Apunchicta huiñaipac ñucapac uaupacpi charini, paita ñucapac yachac maquipi charishpa mana urmashachu. 26 Chairaicu ñuca shuncu cushiyahuan, canta cushiyashcahuan chacchani, ñuca aichapash chapashpa samacun. 27 Mana mari panparallapi jichuhuanquichu, mana saquinquichu canta allipacha catic ismusha tucurichun. 28 Causai ñanpita ricsichihuashcanqui, can ñucahuan tiyacushpa cushichihuanquimi.' 29 Huauquicuna, allita atipachishpa rimashcata uyahuaichic: rucu yaya David huañurca, panpai tucurcapash, paipac aya jutcuca ñucanchic ucupi cunancama sirin. 30 Ranti pai tucunca rashcata huillac cashpa, yacharca Dios quiquinpac shutipi rimashcaraicu shuc paipac aillu jatun apu tucunca rashcata. 31 Chairaicu ñaupacta ricurca Mesias huañushcacunamanta causarishcata, paimanta mari cashna rimashpa nirca, mana panparashcapi jichui tucurcachu, paipac aichapash mana ismurcachu. 32 Caimi Jesus, tucui ñucanchic ricushcanchic paita Dios causachishcata. 33 Tucuita ushac Diospac maquihuan jatunyachishca, Yayamanta cachamuna nishca Diospac Samaita cunan tallichishca, chaitami cancuna uyanquichic, ricucunquichic. 34 Shutimi can, David mana jahua pachaman sicarcachu, chashnapash, riman: Apunchic, ñucapac Apunchicta rimarcami: Ñucapac yachac maquiman tiyari, 35 ñucami canta pinaccunata canpa chaqui ucupi churancapac racuni. 36 Chashna cacpi Israelmanta tucui runacuna allita yachanuchun, Dios chai cancuna cruspi chacatashca Jesusta APUNCHIC, MESIAS rurashcata". 37 Chai shimicunata uyashpa, yapa llaquirishcahuan Pedrota chai shuc Apostolcunatapash tapunurca: —¿Imata ruracpimi alli tucunca, huauquicuna? 38 Pedro paicunata cutiparca: —Cancunapac causaita allichichic cancunamanta caranlla Jesucristopac shutipi bautisarishpa, cancunapac juchacunamanta pichashca saquirincapac. Diosca paipa Samaita cancunaman cuncami; 39 pai cushami rimashcaca cancunapacmi, cancunapac churicunapacpash, tucui chicanmanta Apunchic cayashca runacunapacpash. 40 Cuti shuc achca shimicunahuan, Pedro paicunata camachirca: —Chicanyaichic cai millai runacunamanta. 41 Pai rimashca shimita uyaccuna bautisai tucunurca; chai puncha iniccunaman quimsa huaranca tupu yaparinurca. 42 Apostolcuna rimashcata mana sanpayashpa pactachiccuna carca, tucui charishcacunata cunacushpa, misata ranapi, Dioshuan rimarinapipash. 43 Tucui runacuna mancharishpa ricunurca mancharicushiyashcacunata Apostolcuna ruracpi ricushpa. 44 Tucui chai iniccuna shuc yuyaillapi catiranurca, paicuna charishcata tucui chaipuralla charishpa. 45 Allpa, tucui imacuna charishcata catushpa, caran runa mutsushcata ricushpa raquiccuna carca. 46 Caran puncha Diospac huasiman cushiyashcahuan riccuna carca; huasicunapi misata rashpa, tucuipura cushiyashcahuan micuccuna carca. 47 Diosta chacchacuna carca, tucui runacuna paicunata llaquiccuna carca; caran puncha Apunchic mirachicurca chai tantarishcacunaman quishpichicushcacunata.
1 Pedro Juantin chishi mayanman Dioshuan paipac huasipi rimarinaman "riranurca, chashnapi shuc suchu runa, mamapac huicsa ucumanta chashna pacarishca, apamuranushcata ricunurca. 2 Chai runata tucui puncha churaccuna carca Diospac huasipi tiyac Sumac Puncu nishcapi, chaipi paita churaccuna carca llaquirishcahuan diosmantata (limosna) chaiman yaicuccunata mañashpa tiyancapac. 3 Pedro Juantin Diospac huasiman yaicucushcata rictishpa diosmantata paicunata mañarca. 4 Pedro, Juanta paipac mayanpi charishpa, chai runata ricushpa saquirishpa rimarca: —Ñucanchiman ricui. 5 Chai suchu runa paicunapac ñahuiman allipacha ricurca, imallapash cuhuanunman yuyashpa. 6 Chashnapi Pedro paita nirca: —Curi, cullqui mana charinichu, ñuca charishcata canman cuni: Nazaretmanta Jesus Mesiaspac shutipi purincapac callari. 7 Yachac maquimanta japishpa, jatachirca. 8 Chaillapita paipa chancacuna chaqui mucucunapash sinchiyanurca, pahuaillahuan shayarirca, purincapac callarishpa paicunahuan Diospac huasiman yaicurca quiquin chaquihuan, pahuashpa, Diosta chacchashpa. 9 Tucui runacuna pai puricushpa Diosta chacchacushcata ricunacurca; diosmantata 10 Sumac Puncupi mañashpa tiyacllata cacpi ricushpa yapa mancharinurca, chashna. tucushca ricushpa. 11 Chai alliyashca runa mana llushpirinayarca Pedropac, Juanpac mayanmanta, chairaicu chashna mancharishca runacuna, callpashpa rinacurca Salomonpac puncu canchaman, chaipi paicuna canacurca, 12 Pedro, runacuna tantarishcata ricushpa, paicunata cashna nirca: —Israelmanta runacuna, ¿imaraicuta alliyachishcamanta mancharinquichic? Mana ñucanchic ushaihuanchu, mana ñucanchic yapa alli cashcamantachu paita purichircanchic. 13 Yachaichic Abrahanpac Dios, Isaacpac Dios, Jacobpac Dios, ñucanchic rucucunapac Dios, paipac runa Jesusta jahuayachirca. Paita japishpa apucunaman cancuna curcanquichic; Pilato cacharina munashcapi, chashnallata cancuna mana munarcanquichic. 14 Mana juchayuc runata cacharichina rantimanta, ashtahuan huañuchisiqui runata cacharichircanquichic; 15 ranti causaiman pushac Aputa huañuchichircanquichic. Chashnapash Dios paita causachirca; chaita ricushcaraicu ñucanchic rimanchie. 16 Jesupac shutipi inishcaraicu, cai Shuti alliyachishca cai cancuna ricsishca suchu runata. Shinacpi, Cristopi inishcaraicumi cai runa allipacha alliyashca saquirishca, tucui cancuna ricushca shina. 17 Yachanimi, huauquicuna, cancuna apucunantin mana yachashpa huañuchishcata. 18 Ranti Dios chashna rurashcahuan pactachirca tucunca rashcata huillaccuna rimashcata: Paipac Mesias ñacarina cashcata. 19 Chairaicu, juchacunamanta nanarishpa alli causaiman ticraichic. Chaipi shuti Apunchicca alli causaita apamuncami yachin 20 shamuna Mesiasta cachamushpa. 21 Chai Mesias Jesusmi can, jahua pachapi tiana can, cai pacha mushuyachi tucunacama, chaimanta Dios ña rimarca tucunca rashcata huillaccunapac shimihuan. 22 Moises rimarca: "Apunchic Dios ñuca shina runata cai huauquicuna ucumanta shayachinca. Uyapanquichic tucui pai rimanca rashcata. 23 Chai runata mana uyac llacta ucumanta callpachishcami canca. 24 Tucui tucunca rashcata huillaccuna, Samuelmanta callarishpa, pai huasha shamuccunapash, cai punchacuna pactamunamanta rimanushcami. 25 Cancunami chai runacunapac huahuacuna canquichic, Dioshuan cancunapac rucucunahuan curishca shimita chasquincapac racuccuna, Dios Abrahanta cashna rimashcapi: "Canpac churicunapimi bendisiashca canunca tucui cai allpamanta aillucuna". 26 Naupacta cancunapacta nishpa huañushcamanta causachishca paipac runata, paita cachamushcami bendisionta cancunaman apamuncapa, cancuna mana allicunamanta anchurina cacpi.
1 Chaira paicuna chai runacunata rimacushcapi pacri yayacuna pactamunurca, Diospac huasipi ricuccunapac apupash, saduceocunantin. 2 Yapa piñarishca canurca runacunata yachachishcamanta, rimaranacurcapash ima shina Jesus causarishca tucui runacuna causarina cashcata ricuchicushcata. 3 Paicunata japishpa chunta curralpi cayanticama churanurca ña tutayacushcaraicu. 4 Paicuna rimashcata uyashpa achcacuna ininurca, iniccuna mirarishpa caticushca ña pichca huarancaman pactarca. 5 Cayanti puncha Jerusalenpi tantarinurca apucuna, rucucuna, yachachic quillcata yachaccuna, 6 Yaya pacricunapac apu Anas, Caifas, Jonatan, Alejandro, tucui chai Yayapacripac aillumanta caccuna chaillapita canurca. 7 Pedrota Juantapash paicunapac ñaupacman cayashpa tapunurca: —¿Pipac ushaihuata, pipac shutipita chaita rurarcanquichic? 8 Chashnapi Pedro, Diospac Samaihuan juntarishca cashpa, paicunata cutiparca: —Llacta apucuna, Israelmanta rucucuna, 9 cunan cutipana canchic shuc uncuc janpi tucushcamanta, pimi janpirca rushpachu tapunquichi. Tucuilla allita uyapaichic 10 chasnallata cai Israelmanta runacuna tucuilla allita uyanuchun: Janpi tucushcami Nazaretmanta Jesucristopac shutiraicu, paita cancuna cruspi chacatarcanquichic, chashnallata Dios paita huañushcacuna ucumanta causachirca; pairaicumi cai runa cunan cancunapac ñaupacpi alli, paipac quiquin chaquihuan shayacun. 11 Jesusmi, cancuna, huasi ruraccuna mana alli nishpa jichushca rumi, ranti cunan sapiyachic rumi tucushca. 12 Chairaicu, cai tucui pachamanta runacunapacpi shuc mana mari tiyan Diospacman pactancapac nicpi. 13 Chai Pedro Juantin yapa cuscata rimashcata ricushpa mancharishca saquirinurca, yachanurca paicuna mana quillca imatapash yachashcata, mana ricsiracunapash canurca. Yachanurca mari Jesus-huan puriccuna cashcata, 14 ranti paicunapac mayanpi ricunurca chai alliyashca runa shayacushcata; chashnamanta mana shuc shimi rimanurcachu. 15 Taripana ucumanta llucshichi tucunurca, chai huasha paicunapura rimarincapac callarinurca: 16 Imatami rurashun cai runacunata. Cai Jerusalenpi tucuilla yachanun paicuna mana raipacta rurashcata, ñucanchic chaimanta rimanata mana ushanchic. 17 Ranti ricuna canchic chai ama ashtahuan uyarichun runa ucupi. Shinacpi manchachina canchic ama cuti rimanuchun chai shutita pi runa ñaupacpipash. 18 Paicunata cayachishpa rimanacurca ama cuti Jesus-manta rimancapac, ama paimantapash yachachincapac. 19 Chashnapi Pedro Juantin cutipanurca: —Cunan cancunallata allita ricuichic, ¿allichu can Diospac ñaupacpi paita mana uyashpa ashtahuan cancuna rimashcata pactachincapac? 20 ¡Imashnata mana rimashun ñucanchic ñahuihuan ricushcata, ñucanchic rinrihuan uyashcata! 21 Cuti manchachina shimicunata paicunata rimashpa cacharinacurca, mana ñacachinata ushanurca runacunaraicu. 22 Tucuillami Diosta chaccharanurca tucushcamanta, chai janpi tucuc runa ña paica chuscu chunca yalli huatata charirca. 23 Cachari tucushca shina, Pedro Juantin mashicunapacman rishpa rimanurca apucuna, pacriyayacuna, rucucuna paicunaman rimashcata. 24 Paicuna rimashcata uyashpa, tucuilla shuclla shimihuan Diosta rimanurca: —Apunchic, can rurarcanqui jahua pachata, cai pachata, mama cuchata, tucui paicunapi tiyactapash. 25 Can yuyaita churarcanqui canpa runa ñucanchipac yaya Davidpi, cai shimicunata: "Mama llactacunapi macanacui tiyan, ruranacunapi yapa yuyarishca tiyan, ¿imapami chaicunata yuyarinquichic? 26 Cai pachamanta jatun apucuna tantarinun, paipac churicunapash Apunchicta, paipac Mesiasta piñashpa huancurinushca. 27 Chashnami cai llactapi tucurca: Herodes Poncio Pilatopash Diosta mana ricsiccunahuan Israel runacunahuanpash shuclla yuyaita japinurca Jesus canpa Mesiasta millashpa, 28 chashna can munashpa yuyarishcata paicuna pactachinurca, can chashnapac canpac ushaihuan, canpac yuyaihuan rurashpa saquishcata. 29 Cunan Apunchic, riqui ñucanchicta paicuna piñashcata, canpa runacunata sinchicuchi canpac Shimita ama manchashcahuan yachachinuchun. 30 Chashnallata canpac ushaita ricsichi uncuccunata janpishcahuan, mancharicushiyanacunahuan canpac alu runa Jesuspac shutiraicu". 31 Paicuna Dioshuan rimarinata tucuchiscapi paicuna tiyacushca ucu chucchurirca, chashnapi tucuilla" Diospac Samaihuan juntarishca saquirinurca, chairaicu Diospac Shinuta mana manchashcahuan rimancapac callarmurca. 32 Inishpa caticuccuna tucuula shuclla shuncuta, shuclla yuyaita charinurca: paicuna charishca tucuicunapac carca, mana pipash amu tiyarcachu. 33 Apostolcuna Apunchic Jesus huañushcacunamanta causarishcata ushaihuan ricsichinacurca, tucui paicuna yapa llaquishca canurca. 34 Paicuna ucupi mana tsuntsu tiyarcachu, tucui paicunamanta allpa, huasi chariccuna catuccuna carca, 35 cullquitaca Apostolcunapac maquipi churaccuna carca, cuti paicunaca caran runa mutsushca tuputa ricushpa cuccuna carca. 36 Chashnami rurarca Jose, Apostolcuna Bernabe shutichishca (nicpi: cushiyachishca); pai Levi miraimanta carca, Chipremanta runa, 37 pai charishca allpata catushca huasha cullquita Apostolcunapac maquipi churac shamurca.
1 Shuc runa Ananias shutiyuc paipac huarmi Safirantin, paicuna ishcaipura rimarishca huasha, shuc allpata catunurca, 2 chaupi cullquita paicunapacta saquichinurca huarmipash yachashpallata, chaishuc chaupita Apostolcunapac maquipi churarca. 3 Pedro rimarca: —Ananias, ¿canpac shuncutachu supaiman curcanqui? ¿Diospac Samaitachu umachisha yuyanqui? ¿mana yachanmichu yuyanqui canpac allpamanta chaupi cullquita huacaichishcata? 4 ¿Piñashcahuanchu catuchinacurca? Chashna catushpa, ¿manachu canlla illacta chai cullquita japina usharcanqui? ¿allitami ruranichu yuyanqui? Mana runacunatachu llullashcanqui, Diostami llullashcanqui. 5 Rimashcata uyashpa Ananias allpapi urmarca, chailla-pita huañurca; yapa manchari shamurca tucui chaita uyaccunaman. 6 Maltacuna jatarishpa, chai ayata pillushpa panpaneapac apanacurca. 7 Quimsa pacha huashapi huarmipash pactamurca, pai mana yacharca cari tucushcata. 8 Pedro paita tapurca: —¿Chai tupupichu cancunapac allpata caturcanquichic? Pai cutiparca: —Ari, chai tupupimi caturcancmc. Pedro paita rimarca: 9 —¿Cancuna ishcantipurachu Diospac Samaita camana munarcanquichic? Ricui, caipi ticramuranun canpac carita panpancapac riccuna. Paicunallatami cantapash apanunca. 10 Chaillapita Safira paipac chaqui mayanpi huañushca urmarca. Chai maltacuna ticramushpa huañushcata tupanurca, paipac cari mayanpi panpancapac apashpa rinurca. 11 Tucui iniccuna yapa mancharinacurca, chashnallata chaita uyaccunapash mancharinacurca. 12 Apostolcuna achca mancharicushiyaipacunata runa ucupi ruranurca. Tucui iniccuna Salomonpac puncu canchapi huancurishpa tantariccuna carca; 13 ranti chaishuccunaca mana paicunaman mayanyaccunachu carca, paicunata yapa llaquicushpapash. 14 Chashna, huarmi caricunapash achcacuna Apunchicman inishcahuan llutarinacurca. 15 Cuti chashnallata uncuccunatapash paicuna purina ñanpiman cahuitupi surcuccuna carca, Pedro chaita riracpi paipac llantuuapash japichun nishpa. 16 Jerusalen llacta mayanmantacunapash pactaccuna carca paicunapacman uncuccunata apashpa, supai japishcacunata pushashpa, tucuilla janpirishca saquiriccuna carca. 17 Pacriyayacunapac apu tucui paihuan llutarishcacunapash, tucui paicuna saduceos nishcacuna canurca; yapa piñashpa, 18 Apostolcunata japishpa chunta curralpi churanurca. 19 Ranti tuta ucupi Apunchipac angel puncucunata pascashpa paicunata canchaman surcurca, rimashpa: 20 —Richic, Diospac huasipi shayarishpa yachachichic runacunata cashna causashca samita. 21 Rimashcata uyashpa, pacarina mayanta Diospac huasipi yaicushpa runacunata yachachincapac callarinacurca. Chaicamaca pacri yayacunapac apu paipaccunahuan pactamushpa, tantarinata ruranurca, israelitacunapac jatun tantarina, japi tucushcacunata pushancapac cachanurca. 22 Huacaichicamacuna rishpa paicunata mana tarinurca. Ticramushpa rimanacurca: 23 —Paicunata huacaichishpa saquishcataca sumacta quillparatami tarircanchic, huacaichicamacunaca puncu mayanpi shayaranurca; cuti pascashpa ricucpica, mana pitapash ucupi tarircanchic. 24 Huacaichiccunapac apu pacriyayacunapac apucunapash, chaita uyashpa yapa mancharishca saquirinacurca, paicunapura tapurinacurca imami tucushcanca nishpa. 25 Chashnapi shuc runa pactamushpa cashna paicunata rimarca: —Cancuna japishpa quillpashca runacuna Diospac huasipimi runacunata yachachiranun. 26 Chaipi huacaichiccuna apu paipac runacunahuan Apostolcunata japicrinurca, chashnapash mana piñashcahuan, runacunapi rumihuan shitai tucunata manchashcaraicumanta. 27 Ña japishpa apamushcapi, apucuna ñaupacpi shayachinacurca, chashnapi pacriyayacunapac apu paicunata tapushpa rimarca: 28 —¿Manachu cancunata rimarcanchic ama yachachinquichichu chai runamanta? Chashna cacllapita, pai yachachishcata cancuna tucui Jerusalenpi rimashpa purishcanquichic, chairapash ñucanchiman jahuachinquichic chai runa huañushcamanta. 29 Pedro tucui Apostolcunantin cutipanurca: —Diostami ashtahuan runacunamanta ñaupacta uyana canchic. 30 Ñucanchipac rucu yayacunapac Dios Jesusta huañushcacunamanta causachirca, cancuna paita shuc caspimanta huarcuchishpa huañuchircanquichic. 31 Dios paipac yachac maquiman jahua pachapi paita churashca, Jatun Apu, Quishpichicta rurashpa, Israelta mushu causaita cuncapac, juchamanta pichai tucuncapac. 32 Chaimanta ñucanchicmi ricuyac canchic, paita uyaccunaman cushca Diospac Samaipash. 33 Chashna rimashcata uyashpa yapa piñarishpa paicunata huañuchinata munanurca. 34 Ranti shuc fariseo Gamaliel shutiyuc, camachic quillcata yachac, tucui runacuna llaquishca, apucuna tantarishca ucupi shayarishpa, canchaman chai japishca runacunata llucshichishpa, rimarca: 35 —Israelmanta runacuna, allita atipashpa ricuichic cai runacunahuan ranca racushcata. 36 Mana unai can, Teudas caipi jatun runa shina ricurimushca, paimau llutarinurca chuscu patsac runacuna. Chashnapash paita huañuchinacurca, tucui paita caticcuna chausirishpa chincarinurca. 37 Runacunata yupacushca pachapi, Galileamanta Judas shayarirca, paita tucui runacuna catinurca; paipash chincarircami paita caticcunapash illacta chausirinurca. 38 Chairaicumi cai shimicunahuan cancunata cunan camachini: Cuncarichic cai runacunamanta, rinacuchunlla. Paicuha ruracushca runa yuyaimanta shamuc cashpaca, paipac munaimi chincarinca; 39 ranti Diosmanta shamuc cacpica, mana paita tucuchinata ushanquichichu. Yahcamantami Diosta macancapac shayarinquichic. Pai rimashcata pactachinurca. 40 Chashnapi Apostolcunata cayashpa, llipachishca huasha, Jesuspac shutipi ama cuti yachachincapac rimashpa, cacharinacurca 41 Apostolcuna tantarina ucumanta yapa cushi llucshinacurca Jesuspac shutiraicu ñacarishcamanta. 42 Tucui puncha yachachinurca Diospac huasipi, runa huasicunapipash Mesias Jesuspac Cushi Shimita.
1 Chai pachapi, Jesusta caticcuna achca mirarishcaraicu, griego shimita rimaccuna hebreo shimita rimaccunahuan piñarinacurca, paicunapac huaccha mamacuna mana allita ricui tucushcaraicu, caran puncha ricunapi. 2 Apostolcuna tucui yachachishcacunata tantachishpa rimanacurca: —Mana allichu yachin Diospac Cushi Shimita yachachinata chicanman saquishpa, micuna caranamanlla yuyarincapac. 3 Chairaicu, huauquicuna, acllaichic cancunamanta canchis alli pactachic runacunata, Diospac Samaihuan juntashcacuna, achca yachaita chariccunata, chaita paicunaman mincancapac. 4 Ranti ñucanchica Dios-huan rimarinapi, paipac shimi yachachinapi catishun. 5 Tucui chaipi tantarishca runacuna chai yuyailla canacurca; acllanurca Estebanta, yapa inishcapi puric, Diospac Samaihuan juntashca runa cashcaraicu, Felipeta, Procorota, Nicanor, Timon, Parmenas, Nicolastapash, Cristota inishcapi llutarishca Antioquiamanta runa carca; 6 Apostolcunapac naupacpi shayachinacurca, paicunaca maquicunata uma jahuapi churashpa, Diosta mañanurca. 7 Diospac shimi tucuicunaman pactacurca, Jerusalenpica achca yachachishcacuna mirariranurca. Rimacpica achca yaya pacricunapash inishcapi yaicunurca. 8 Esteban, Diospac cuyaihuan ushaihuanpash juntashca cashpa, mancharicushiyanacunata runacuna ñaupacpi rurac carca. 9 Quishpiracunapac tantarina huasimanta achca runacuna, Cirenemantacuna, Alejandriamantacuna, maicancuna Ciliciamanta, Asiamantacuna pactanurca Estebanhua rimaricunurca. 10 Ranti mana yallinata ushanurca pai yapa yalli yachashcahuan rimacpi. 11 Chairaicu maican runacunata umachinacurca cashna rimanuchun nishpa: "Ñucanchic uyarcanchicmi cai runa Moisesta Diostapash piñacushcata". 12 Chashna shimicunahuan runacunata, apucunata, Camachic quillcata yachaccunatapash piñachinacurca; cuncaimanta pactamushpa, japishpa, judio apucuna tantarishcaman pushanurca. 13 Chaipi llullac ricuyaccuna cashna rimanacurca: —Cai runa huiñaipac piñacunllami ñucanchipac Diospac huasimanta, Camachic quillcamantapash. 14 Paimanta uyarcanchicpash cai Diospac huasita ñucanchicman Moises saquishca yachaicunatapash Nazaretmanta Jesus tulachinca rashcata. 15 Tucui chai judio apucuna tantarinapi tiyacuccuna, Estebanman ricushpa, paipac ñahuita shuc angelpac shina ricurishcata ricunacurca.
1 Chashnapi pacriyayacunapac apu tapurca: —¿Chaica shutichu? 2 Esteban cutiparca: —Yayacuna, huauquicuna, uyahuaichic: Jatun Dios Abrahanta Mesopotamiapi ricurirca, chaira pai mana Jarranman shamushcapi. 3 Chaipi paita rimarea: "Canpac aillucunata, canpac allpata saquishpa ñuca ricuchinca rashca allpapi causacrinqui". 4 Caldeamanta llucshishpa, Jarranpi causac shamurca. Paipac yaya huañushca huasha, cai cunan causacushca allpaman Dios paita pushamurca. 5 Mana ima allpata curcachu; ranti chai allpata cushami nishpa shimita curca; paipacta, paipac churicunapactapash, pai mana churiyuc cashpapash, chashna rimai tucurca. 6 Dios cashna rimarca: "Canpac churicuna chican allpapimi causanunca, huatashca, ñacachishcami chuscu patsac huata causanunca". 7 Ashtahuan rimarca: "Cancunata huatashpa ñacachic runacunata ñucami taripasha. Chaimanta llucshishpa cai panpapimi ñucata yupaichahuanquichic". Chai shimi curishcata ricuchishpa ullu carata pitirina tucunurca; 8 chashna, paipac churi Isaac pacaricpi, Abrahan ullu carata, pitirca pusac puncha pactarishcapi; Isaac chashnallata rurarca Jacobta, Jacobpash chashnallata ñucanchic chunca ishcai rucu yayacunata. 9 Rucu yayacunaca, Joseta piñashpalla, Egiptoman riraccunata catunurca. Chashnapash Dios paihuan tiyacurca, 10 Tucui llaquicunamanta paita quishpichirca; achca yachaita paiman curca; Egiptomanta jatun apu Faraon paita yapa llaquirca, paita Egiptomanta huainaru shayachirca tucui paipac imacunamantapash. 11 Egiptopi Canaanpipash yaricai tiyarca, mana ushaipac yaricai pacha tucurca, chashnapi ñucanchipac yayacunaca mana imata micuipa tucunurca. 12 Jacob micuna Egiptopi tiyashcata yachashpa chaiman ñucanchic yayacunata cacharca. 13 Ña ishcai cuti rishcapi, huauquicunata Jose pai cashcata rimarca, chashna Faraon ricsirca maican llactamanta Jose cashcata. 14 Jose paipac yaya Jacobta cayachirca, tucui paipac aillucunatapash, paicuna canurcami canchis chunca pichca runa. 15 Jacob Egiptoman rirca, chaipi huañurca, ñucanchic yayacunapash. 16 Siquenman apashcacuna, Abrahan paipac cullquihuan Hamorpac churicunata rantishca aya jutcupi panpai tucunurca. 17 Dios Abrahanta rimashca shimi pactarincapac mayanyacushcapi, achca mirashpa Egiptopi juntarinurca. 18 Chashnapi shuc jatun apu Egiptopi shayarirca, pai mana yacharca Josemanta. 19 Chai apu, mana allicunata ñucanchic aillucunata rurashpa, ñucanchic rucucunata paicunapac mushu pacarishca huahuacunata ama causanuchun nishpa jichuchirca. 20 Cai pachapi Moises pacarirca, Diospac ñaupacpi alli carca. Quimsa quilla yayapac huasipi causarca, 21 pai jichui tucushcapi, Faraonpac ushushi japishpa quiquin churita shina huiñachichirca. 22 Chairaicu Moises egipciocunapac tucui yachaicuanta japirca. 23 Alli camachic carca, llancanapipash yapa alli. Pai chuscu chunca huata pactachishcapi paipac aillu Israel runacunata ricunayarca. 24 Shuc runa macai tucucushcata ricushpa, paita quishpichicrirca, chai jahuapi chai egipciota huañuchishpalla yuyaita japirca. 25 Paica yuyarcami paipac aillucuna atipanuncami Dios paicunapac quishpina paipac maquipi churashcata, ranti paicuna mana atipanacurcachu. 26 Cayantiman paicunapacman pactashcapi macariranurca, pai macarinata saquichinayashpa rimarca: "Cancunaca huauquipurami canquichic, ¿allichu ishcantipuramanta nanarincapac?". 27 Chashna rimashcata uyashpa, chai mashita macacuc runa paita piñashpa rimarca: 28 "¿Canchu ñucanchicta amu shina taripancapac shayaunqui? ¿Egipciota cainan huañuchishca shinallatachu ñucatapash huañuchinayahuanqui?". 29 Chashna rimashcata uyashpa Moises miticushpa Madian allpaman, chican runa shina causacrirca, chaipi ishcai huahuata charirca. 30 Chuscu chunca huata huasha, pai Sinai urcu, chunlla allpapi cashcapi, shuc angel casha yura rupacushcapi ricuric shamurca. 31 Moises mancharicushiyarca ricuricushcata ricushpa. Pai allita ricusha nishpa mayanyashcapi Apunchicpac shimita uyarca: 32 "Ñucami canpac yayacunapac Dios cani, Abrahanpac Dios, Isaacpac, Jacobpac". Moises yapalla manchaita charishpa ricuncapacllapash mana munarca. 33 Ranti Apunchica paita rimarca: "Ushutata surcuri, cai panpaca Dios acllashca allpa mari can". 34 Nucapac runacuna cai Egiptopi ñacarishcata ricushcanimi, paicuna huacashcata uyashcanimi, uraicurcanimi paicunata quishpichincapac. Cunaca caiman shamui, Egiptomanmi canta cachanca rani". 35 Cai Moisesta, paicuna cashna piñashpa callpachishcata: "¿Canchu ñucanchicta amu shina taripancapac shayarinqui?", Dios cachamurca amuta rurashpa, qiushpichicta shayachishpa, casha yurapi ricurishca angel yanapashcahuan. 36 Paimi paicunata llucshichirca, Egiptopi mancharicushiyanacunata nirashpa, Puca ñucñu yacupi, chuscu chunca huata chunlla allpapipash. 37 Cai Moisesllatacmi israelitacunata rimarca: "Diosmi cancuna huauqui ucumanta ñuca shina shuc runata cancunaman cunca". 38 Paillatacmi, chunlla allpapi tantanacuipi, angel Sunaipi rimashcata ranti, paica ñucanchic yayacunaman rimacurca; paimi causai shimicunata japishpa cancunaman ricsichirca. 39 Paitami ñucanchicpac yayacuna mana uyanata munanurca; Egiptoman ticranata munanurca, 40 Aaronta cashna rimashpa: Huacacunata rurashpa shayachi, paicuna ñanpita ricuchinuchun, chai Egiptomanta ñucanchicta llucshichic Moisesmanta mana yachanchicchu ima tucushcata". 41 Chashnapi shuc malta huacrata ruranurca paipac ñaupacpi camaricunata churashpa raiminurca paicuna rurashca huacra ñaupacllapita. 42 Dios paicunamanta chicanyarca, sacracunata catinuchunlla nishpa saquirca, Profeta pancacunapi nishca shina: "Israel runacuna, ¿chuscu chunca huata chunlla allpapi causashpa camarita ricuchihuarcanquichichu? 43 Mana, ashtahuan aparcanquichicmi Molocpac tanputa, cancunapac huaca Refanpac cuillurtapash, cancunalla chacchancapac rurashca huacacuna; chairaicu cancunata Babilonia huashaman callpachishami". 44 Chunlla allpapi ñucanchicpac rucu yayacuna curishca shimita ricuchic tanputa charinacurca; Dios Moisesta pai ricushca shinata rurachun nishca, 45 huasha japic ñucanchicpac rucu yayacuna, Josue apu cashcapi Diosta mana ricsiccunapac allpata quichushcapi, chaiman yaicuchinurca, Dios paicunapac ñaupacpi callpachiscapi. Chaita huacaichishpa David tiyashca punchacama charinacurca, 46 pai Diospac ñaupacpi yapa alli carca, paita mañarca Jacobpac Diospacta shuc huasita rurachihuai nishpa. 47 Chashnapash, Salomon chai Diospac huasita shayachishpa tucuchirca. 48 Ranti alli rimacpi, Jatun Diosca mana runa rurashca huasipichu causan, profeta rimashca shina: 49 "Jahua pacha ñucapac tiyarinami, allpaca ñuca chaquicuna samana. ¿Ima huasitashi ñucapacta ruranquichic? riman Apunchic. ¿Maipishi ñuca samanata ruranquichic? 50 ¿Manachu ñucallatac tucui caicunata rurarcani?". 51 Ranti cancunaca, sinchi umata charishpa, cancunapac shuncuta rumiyachircanquichic, rinrita quillparcanquichic; huiñaipac cancuna Diospac Samaita chasquinata mana munanquichic, cancunapac yayacuna shinallata. 52 ¿Tiyarcachu ima chari profetacunamanta shucllapash, cancunapac yayacunapacpi mana chicni tucuc? Paicuna huañuchinurca Alli Runa shamunca rashcamanta rimaccunata; paitami cunan cancuna catushpa huañuchishcanquichic; 53 cancuna Camachic Quillcata angelcunamanta chasquishpapash mana pactachircanquichic. 54 Chasna rimashcata uyashpa yapa paicunapac ucupi paihuan piñarinacurca, quirupash uyaricta. 55 Esteban, Diospac Samaihuan juntarishpa ñahuita jahuaman jatachishpa, Dios jatunyashcata ricurca, paipac yachac maquiman Jesus shayacushcatapash ricurca; chaipi rimarca: 56 —Jahua pacha pascarishcatami ricuni, chaipi chai Runa Diospac yachac maquiman shayan. 57 Ranti paicunaca sinchita caparishpa, rinricunata quillparinacurca, chai huasha tucui paimanlla urmanacurca; llacta canchaman tancashpa chaipi rumihuan shitancapac nishpa, 58 juchachiccuna, shuc malta runa Saulo shutiyucpac chaquipi jahua churanacunata saquishpa, Estebanta rumihuan shitancapac callarinurca. 59 Paicuna rumihuan shitacushcapi, Esteban cashna Diosman caparirca: —Apunchic Jesus, ñuca causaita chasquipai. 60 Chai huasha cuncurishpa, sinchi shimihuan rimarca: —Apunchic, cai juchamanta paicunata quishpichi. Chaita rimashca huasha huauurca.
1 Saulo chashna huañuchishcata ricushpa cushiyashcahuan ricurca. Jerusalenpi tiyac iniccunata mana ushaipac piñashpa chai punchamanta japincapac callarinacurca. Tucuilla Samariaman, Judeaman chausirishpa rinacurca, ranti Apostolcunamana. 2 Shuc alli shuncuyuc runacuna Estebanta panpanacurca, paimanta huacanacurcapash. 3 Cuti Saulo iniccunata piñashpa caticurca, huasicunapi yaicushpa caricuna huarmicuna imapash japishpa chunta curralman apacurca. 4 Miticushpa chausirishcacuna, paicuna pactashcapi Diospac Cushi Shimita ricsichishpa purinurca. 5 Samaria llactaman Felipe pactashpa Mesiasmanta rimancapac callarirca. 6 Felipe rimashcata tucui runacuna yapa allihuan chasquinacurca. Paita uyancapac, pai mancharicushiyanacunata rashcata ricuncapac pactaccuna carca; 7 achca supai, japishca, runacunamantami supaicuna caparishpa llucshiccuna carpa, chashnallata. achca suchu, janca runacuna janpirishca saquirinacurca, 8 chashnamanta achca cushiyai tiyarca chai llactapi. 9 Ña unaimanta causacurca chai llactapi shuc runa Simon shutiyuc, pai yachac runa carca. Samariamanta runacuna mancharishca canurca pai rurashcacunata ricushpa, chairaicu jatunmi cani pai yuyac carca. 10 Tucuilla, huahuacuna rucucunapash, paillapi yuyaita churashca canurca, paimanta rimaccuna carca: "Caitami Diospac jatun ushai rimanun". 11 Paita uyaccuna carca, unaimanta paipac sacra yachaicunahuan umachishpa causashcaraicu; 12 ranti Felipe Diospac Pachamanta Cushi Shimita, Jesucristo Mesiasmanta rimacpi inishpa, caricuna huarmicunantin bautisai tucuncapac callarinacurca. 13 Simonpash inircami, bautisai tucushca huasha mana chicanyarcachu Felipemanta: mancharicushiyashca carca Felipe rurashcacunata ricushpa. 14 Jerusalenpi tiyac Apostolcuna, Samariamantacunapash Diospac Cushi Shimita chasquishcata yachashpa, Pedrota Juantin chaiman cachanurca. 15 Paicuna Samariaman pactashpa Dios-huan rimarinacurca chaimanta runacunapash Diospac Samaita chasquinuchun nishpa; 16 paicunamanta mana pimanpash uraicushca mari carca, chaira Apunchic Jesuspac shutillapimi bautisashca canurca. 17 Apostolcuna maquita umapi churacpi iniccuna Diospac Samaita chasquinacurca. 18 Apostolcuna maquita churashpa Diospac Samaita chinpachishcata ricushpa, Simon cullquita ricuchishpa, 19 paicunata rimarca: —Cai ushaita ñucatapash cuhuaichic, ñucapash maicanpipash maquita churacpi pai Diospac Samaita japichun. 20 Pedro paita cutiparca: —Anchuri caimanta canpac cullquintin, Dios cuyashcata cullquihuanmi rantina can yuyashcaraicu. 21 Cai ushaica mana canpacchu can, mana atipanquichu Dios rurashcacunata. 22 Chairaicu, cai canpac mana allimanta nanari, Apunchicta mañai can pantashcacunamanta quishpichichun, 23 canpac ucupi jayaclla juntarishcami canqui, mana allicunapipash huatashcami causacunqui. 24 Simon cutiparca: —Ñucaraicu Apunchicta mañapaichic, cai pinashpa rimashca shimicuna ama japihuanuchun. 25 Pedro Juantin Apunchicpac Shimita camachishca huasha Jerusalenman ticranurca, Diospac Cushi Shimita Samaria llactacunapi yachachishpa. 26 Apunchicpac angel Felipeta cashna nishpa rimarca: —Chaupi puncha tucushcapi ri Jerusalenmanta Gazaman, chunlla allpata rina ñanpiman. 27 Paica rirca, chashnapi tarirca shuc Etiopiamanta runata, Etiopiamanta Ñusta Candacespacpi llancac runa, cullquita huacaichic runa. Jerusalenman shamushcarca Diosta chacchancapac, 28 cuti ticracushpa paipac carroza nishcapi tiyarishpa ricucurca Profeta Isaias quillcashcata. 29 Diospac Samai Felipeta rimarca: —Mayanyashpa chaiman llutari. 30 Felipe callpashpa mayanyarca, chaipi uyarca Profeta Isaias quillcashcata ricushpa caticushcata, paita tapurca: —¿Quillcashcata atipanquichu? 31 Pai cutiparca: —Mana pipash yachachihuacpi mana atipaipacchu tucuni. Chasna, Felipeta sicachishpa paipac mayanpi tiyachirca. 32 Cai quillcatami ricushpa caticurca: "Shuc cordero shina huañuchinaman pushai tucurca; shuc oveja shina chunlla paipac acchata piticucpac naupacpi, chashna pai mana shimita pascarcachu. 33 Paita millanurca, tucuita paita quichunurca; paita caticcunata pillapash yupanata ushancachu. Causaccunapac allpamanta paita ishcunacurca". 34 Etiopiamanta runa Felipeta tapurca: —Ayalla, ¿Profeta pimanta caipi rimashcata riman? ¿Paimantallatachu, shucmantachu rimacun, imata? 35 Chashnapi Felipe, chai quillcapi churashcallahuanta, Jesuspac Cushi Shimita ricsichirca. 36 Ñanpita rirashcapi, yacu tiyashcaman pactanurca, chaipi chai runa rimarca: —Ricui, chaipi yacu tiyan. ¿Allichu canman can bautisahuacpi? 37 Felipe paita rimarca: —Can tucui shuncuhuan inicpi usharincami. Pai cutiparca: —Jesucristo Diospac Churi cashcata ininimi. 38 Chaipi paipac carrozata shayachishpa, ishcantin yacuman rinacurca. Felipe chaipipaita bautisarca. 39 Paicuna yacumanta llucshisheapi, Diospac Samai Felipeta shuc cachai anchuchirca; chaishucca mana cuti ricurcachu, pai rirashcaman yapa cushihuan rirca. 40 Felipe Azotopi cashcarca, chaimanta Cesareaman pactanacama Diospac Cushi Shimita llactacunapi yachachishpa rirca.
1 Saulo chaira Apunchicpac yachachishcacunata huañuchina yuyaihuan, pacri yayacunapac apupacman rishpa 2 Damascomanta tantarina huasipac apucunapacta quillcata mañarca, chai ininata catic cari huarmi imapash japishpa Jerusalenman apamunata ushancapac. 3 Pai rirashcapi, ña Damascoman pactana mayanpi, cuncaimanta shuc jahua pachamanta achic pai cashcapi llinpiarca. 4 Allpaman urmarca, chaipi cashna rimashca shimita uyarca: —Saulo, Saulo, ¿imaraicumi piñashpa catihuanqui? 5 Paica tapurca: —¿Canca pimi canqui, Apunchic? Chai shimi paita cutiparca: —Ñucami can piñashpa japinayashca Jesus cani; 6 jatari, ri llactaman, chaipimi can rurana cashcata rimarinca. 7 Paipac mashicuna mancharishca shayarinurca, rimashcata uyashpapash mana ricushcaraicu. 8 Saulo allpamanta jatarirca, ñahuicunata pascara charishpapash mana imatapash ricuna usharcachu. Maquimanta japishpa Damascoman pushanurca. 9 Ñausa carca, quimsa puncha mana imatapash micushpa, mana upiashpa causarca. 10 Damascopi shuc yachachishca Ananias shutiyuc runa causac carca. Apunchic, nuspaipi, paita cayarca: —Ananias. Pai cutiparca: —Caipimi cani, Apunchic. 11 Apunchicca paita caita rimarca: —Cuscaman ri, Judas huasiman. Chaipi Tarsomanta Saulo shutiyuc runamanta tapui, pai Dios-huan rimaricun. 12 Cunanshitu cai nuspaita charishca: Shuc runashi Ananias shutiyuc yaicushpa, paipac maquita umapi churan, pai ñausayashcata janpincapac nishpa. 13 Ananias ranti paita cutiparca: —Apunchic, achca shimimanta uyashcani chai runamanta, pai imashna Dios iniccunata Jerusalenpi yapa ñacachiscata; 14 caipica yaya pacricunapac apucunamanta ushaita apamushca, tucui canpa shutita rimaccunata japishpa quillpancapac. 15 Apunchic paita cutiparca: —Rilla, cai runa yapa yanapanca rahuan, ñuca shutita ricsichincami Diosta mana ricsiccunata, Israel runacunatapash. 16 Ñuca ricsichinca rani tucui pai uacarincapac rashcata, ñuca shutiraicu. 17 Ananias rirca, huasipi yaicurca, maquicunata paipac jahuapi churashpa paita nirca: —Huauqui Saulo, canman cachamuhuashcami Apunchic Jesus, can shamucushca ñanpipi ricuricllata, can cuti ricuc ushancapac, Diospac Samaihuanpash juntashca saquirincapac. 18 Chaillapita paipac ñahuimanta challua cara shina tallirinurca; ñahuita chushacchishpa, ricuna usharca. Jatarishpa bautisai tucurca; 19 huasha, micushpa, sinchicuipash paiman shamurca. Damascomanta yachachishcacunahuan Saulo ansata tiyarca, 20 manapash unaipi chaimanta tantarina huasicunapi Jesus Diospac Churi cashcata yachachincapac callarirca. 21 Paita uyaccuna tucuilla mancharicushiyashca saquirinacurca, cashna rimanacushpa: —Cai mari Jerusalenpi chai shutita rimaccunata piñashca japic can, ¿manachu? Caimanpash paicunata japishpa pacri yayacunapac apucunapac ñaupacman pushancapac shamuc mari can, ¿manachu? 22 Ranti Pablo, sinchi tucushpa, Damascomanta judiocunata pantachichirca, Jesus Dios cachamushca cashcata ricsichishcahuan. 23 Unaiman, judiocuna huañuchincapac rimanurca. 24 Pablo yacharca paicuna ruranca rashcata. Paicuna tuta punchantin llacta puncupi huañuchincapac ricucushcaraicu, 25 shuc tuta pai yachachishcata caticcuna, shuc ashancapi churashpa, huascahuan quincha huashaman uraicuchinurca. 26 Jerusalenmai pactashcapi, yachachishcacunahuan llutarinata munarca; chashnapash tucuilla manchanurca pai yachachishca jinu cashcata mana yachashpa. 27 Chashnapi Bernabe japishpa Apostolcunapacman pusharca ricsichincapac. Saulo paicunaman rimarca ima shina pai Apunchicta ñanpipi ricushcata, paita rimashcata, pai Damascopi tucui runacunapac ñaupacpi Jesusmanta yachachishcatapash rimarca. 28 Saulo paicunahuan pai munashcaman puric carca, Apunchicmata tucuipac ñaupacpi yachachishpa. 29 Pai rimarirca piñanacurcapash griego shimita rimac judiocunahuan, paicunaca paita huañuchinata yuyarinurca; 30 paipac huauquicuna chaita yachashpa, Cesareaman pushanurca, chaimanta Tarsoman cachanurca. 31 Chai pachapi, iniccuna mana pipash quillachishca causaranurca tucui Judeapi, Galileapi, Samariapipash, Apunchicta catinapi sinchiyashpa, jatunyashpa, yaparishpa riranurca Diospac Samai cariyachishcahuan. 32 Pedro tucui chai suyucunata ricushpa puricurca, chashnapi uraicurcami Lidapi tiyac iniccunata ricuncapac. 33 Chaipi tarirca shuc Eneas shutiyuc runata; pai suchu cashpa, ña pusac huata sirishcamanta mana jatarinata usharcachu. 34 Pedro paita rimarca: —Eneas, Mesias Jesus canta alliyachin; jatari, canpac puñunata allichi. 35 Chaillapita jatarirca. Lidamanta, Saron panpamanta tucui runacuna ricunurca, paicuna Apunchicta ininurca. 36 Jafapi shuc yachachishca Tabita shutiyuc tiyarca, chai Ushpita rimanayan, pai yapa alli shuncuyuc huarmi carca. 37 Chai punchacuna uncurirca, huanurca. Maillashca huasha jahuapi tiyac patapi paipac ayata churanurca. 38 Lidamanta Jafaman mayanlla can; yachachishcacuna Pedro chaipi cashcatayachashpa, ishcai runata cachanurca Jafaman utcalla shamuchun rimashcahuan. 39 Pedro paicunahuan rirca. Pai pactashcallapi jahua pataman sicachinurca; chaipi huaccha huarmicuna huacashpa ricuchiranurca Tabita causashcapi rurashca churanacunata. 40 Pedro tucuicunata canchaman llucshichirca; cuncurishpa Dios-huan rimarirca; huasha ayaman ricushpa rimarca: —Jatari Tabita 41 Pai ñahuita pascarca, Pedrota ricushpa tiyarirca. Pedro maquimanta japishpa jataichirca. Iniccunata huacchacunantin cayashpa, causacta paicunaman ricuchirca. 42 Jafapi tiyac runacuna tucui yachanurca, achcacuna Apunchicta ininurca. 43 Pedro unaita Jafapi saquirirca, shuc huihua carata allichic Simon shutiyuc runapac huasipi.
1 Cesarea llactapi Cornelio shutiyuc runa causac carca, pai chaipi tiyac soldadocunapac capitan carca. 2 Alli shuncuyuc runa carca, pai tucui paipac ailluhuan Diosta manchashpa causac runa carca. Runacunaman achca diosmantata cuc carca, Dioshuan rimarinata mana saquicchu carca. 3 Chishi mayanma shuc nuspaita charirca: Allipacha Diospac angelta ricurca paipac quinchara ucupi yaicushpa paita cayacushcata: —Cornelio. 4 Pai allipacha ricushpa saquirirca, manchashcahuan paita tapurca: —¿Ñucatachu mashcahuanqui, Apunchic? Angel cutiparca: —Can Dios-huan rimarishca, canpac diosmantacuna Diospac naupacpi alli ricurinushca. 5 Cunan pitapash Jafaman cachai Simon Pedro shutiyuc runata mashcachun, 6 ñucñu yacu patapi tiyac huacra carata allichic Simonpac huasipimi tiyacun. 7 Angel chincarishca huasha, ishcai runata shuc alli shuncuyuc soldadota cayarca; 8 tucuita rimashca huasha Jafaman paicunata cacharca. 9 Cayantiman, chaupi puncha tucushcapi, paicuna llacta mayanpi rirashcapi, Pedro huasi jahuaman Dios-huan rimarincapac sicarca. 10 Yarcachicpi micunayarca, paipac micunata yanunacama paica shuc nuspaita charirca: 11 Jahua pacha pascarishcata ricurca, chaipi shuc imachari, shuc jatun llachapa shina jahua pachamanta uraicucucta ricurca; paipac chuscu chaquishitucunaca allpapi tacariranurca. 12 Chai ucupi tucui sacha huihuacuna, machacuicuna, pishcucunapash tiyanurca. 13 Shuc shimi paita rimarca: —Pedro, jatari; huañuchishpa micui. 14 Pedro rimarca: —Chaitaca yuyarincapacllapash mana allichu, Apunchic, maican punchapash can mana munashca, huacllichicta mana micushcanichu. 15 Cutipash chai shimi paita rimarca: —Dios "allimi" rimashcata, canca ama huacllichicmi can rimaichu. 16 Quimsa cutimi chashna rimai tiyarca, chai huasha chai ricuricuc jahua pachaman apai tucurca. 17 Pedro mana yacharcachu chai nuspai yachachinayashcata. Ranti chai pachallapita, Cornelio cachamushca runacuna, Simonpac huasita mashcashpa puricuccuna, huasi puncupi pactamunacurca. 18 Cayashpa tapunacurca Simon paicuna Pedro shutichishca, chai huasipichu causan nishpa. 19 Pedro chaira yuyaricurca pai nuspashcamanta, chashnapi Diospac Samai paita rimarca: —Shuc runacunami canta mashcaranun; 20 uraicui, paicunahuan rilla, ñucami paicunata cachamurcani. 21 Pedro paicunapacman uraicushpa rimarca: —Ñucami cancuna mashcacushca runa cani. ¿Imatapash mutsushpami shamunquichic? 22 Paicuna cutipanurca: —Alli shuncuyuc, Diosta manchashpa causac, tucui judiocuna llaquishca capitan Corneliomi, shuc angelmanta canta paipac huasiman cayachina shimita chasquishca, can rimashcatami pai uyanayan. 23 Pedro huasiman cayashpa paicunata puñuchirca. Cayanti puncha paicunahuan rirca, paihuan rinurcapash Jafamanta maican huauquicuna. 24 Cayantiman Cesareaman pactarca. Cornelio paicunata chapacurcami, cayashcarcapash paipac aillucunata, paipac quiquin mashicunatapash. 25 Pedro yaicushcapi, Cornelio paita tarincapac llucshirca, chaillapita paipac chaqui mayanpi cuncurirca; 26 ranti Pedro cashna rimashpa jatachirca: —Jatari, ñucapash runallatami cani. 27 Huasiman paihuan rimarishpa yaicurca, achca runa tantarishcata tarishpa rimarca: 28 —Cancuna yachanquichic ima shina shuc judiota pai inishcamanta mana ushan chican runacunahuan llutarincapac, paipac huasipi yaicuncapac; chashnapash, ñucata Dios yachachihuashcami ama huacllishca maican runatapash rimancapac. 29 Chairaicu, can cayancapac cachashcapi, shamurcanillami. Cunan yachanata munanimi imashnamanta cayachihuashcata. 30 Cornelio cutiparca: —Na chuscu puncha tucun, cashna pachallapita ñucapac huasipi chishi mayanta Dios-huan rimaricurcaru, chaipi shuc sumac churarishca runa ricurihuarca, pai rimahuarcami: 31 —"Cornelio, can Dios-huan rimarishca, canpac diosmantacuna Diospac ñaupacpi alli ricurinushca. 32 Pitapash Jafaman cachai Simon Pedro shutiyuc runata cayachun, ñucñu yacu patapi causac huacra carata allichic Simonpac huasipimi tiyacun". Utcalla canman shimita cacharcani, canca shamupashcanqui. 33 Cunaca, tucuilla caipi Diospac ñaupacpi canchic, can Apunchicraicu nucanchicmanrimashcata uyancapac. 34 Chashnapi Pedro rimarca: —Cunanmi alli shutipacha ricsini Dios mana pitapash mana chicanyachishpa ricushcata, 35 paica chasquin paihuan puricta, alli cusca pactachicta, maimanta runa cacpipash. 36 Pai Israelpac churicunata paipac shimita rimarca, Dios cachamushca ganas causaita Jesusraicu pactamuna cashcata uyachishpa, pai tucuipac Apunchic can. 37 Cancuna allita yachanquichic judiocunapac llactapi tucushcata, Galileamanta callarishpa, Juan bautismomanta camachishca huasha: 38 Ima shina Dios Nazaretmanta Jesusta paipac Samaita curca, paipac ushaita ricsichishpa, pai allita rurashpa purirca, supai japishca runacunamanta supaita anchuchishpa, Dios paihuan cashcaraicu chaita rurarca. 39 Ñucanchic ricuyac canchic tucui pai judiocunapac llactacunapi Jerusalenpipash rurashcamanta. Huasha paita huañuchinacurca shuc caspimanta huarcuchishpa. 40 Chashnapash quimsa puncha huasha huañushcacunamanta Dios paita causachirca, pai munashcamanta ricui tucurca, 41 mana tucuicunapacpi, Dios unaimanta acllashca ricuyaccunapacllapi, ñucanchicmi canchic, paihuan micushcanchic, upiashcanchic pai huañushcacunamanta causarimushca huasha. 42 Paimi ñucanchicta cacharca runacunata camachincapac, pai causaccunapac, huañushcacunapac taripac Diospacpi shayachi tucushcata ricsichincapac. 43 Tucui Profetacuna paimanta rimanun: tucui paita iniccuna paipac shutiraicu juchacunamanta quishpina cashcata. 44 Chaira Pedro rimacushcapi, Diospac Samai tucui chaipi uyacuccunapacpi shamurca. 45 Pedrohuan shamuc Judeamanta inic runacuna mancharinacurca: —¡Ima shina Dios paipac Samaita mana judiocunatapash cuyashcaraicumanta! 46 Caica allipacha shutimi carca: chican shimipi rimaranurca, Diosta chaccharanurca. 47 Chashnapi Pedro rimarca: —¿Cristopac bautismota mitsarincachu cai ñucanchic shinallata Diospac Samaita chasquic runacunata? 48 Jesus Mesiaspac bautismota paicunata chasquichirca. Chai huasha, paicunahuan shuc punchacunallapash saquirincapac rimanurca.
1 Apostolcuna Judeamanta huauquicunantin yachanacushcarca, ima shina mana judiocunapash Diospac Shimita japishcata. 2 Pedro Jerusalenman rishcapi, judio yachaita catic iniccuna paita cashna rimancapac callarinacurca: 3 —Mana iniccunapac huasipi yaicushcanqui, paicunahuanpash micushcanqui. 4 Chashnapi Pedro tucui pai rurashcacunata paicunaman rimarca: 5 —Dios-huan rimaricurcani Jafa llactapi; chaipi shuc nuspaita charircani: Shuc imachari uraicucurca, shuc jatun llachapa shina ricuric jahua pachamanta uraicucurca ñuca tiyashcacama; chaipi shayarirca paipac chuscu chaquishi tucunahuan. 6 Allipacha chaiman ricurcani, chaipi tiyarcami chuscu chaquiyuc sacha huihuacuna, millai huihuacuna, allpata llucarishpa puriccuna, huairata puric pishcucunatapash. 7 Shuc shimitapash uyarcani: "Pedro, huañuchi, micui". 8 Ñuca cutiparcani: "Manapacha, yuyarincapallash mana allichu chaica, ñuca shimiman mana maican puncha can mana munashca, huacllichic mana yaicushcachu". 9 Chai shimi cutillata rimahuarca: "Dios 'allimi' rimashcata, canca ama mana allichu nishpa rimaichu". 10 Chaica quimsa cuti chashna tucurca, chai huasha jahua pachaman aisashpa sicachinurca. 11 Chai pachapi ñucanchic tiyashca huasipi Cesareamanta cachamushca quimsa runacuna pactacrinurca ñucata mashcashpa. 12 Diospac Samai rimahuarca paicunahuan richunlla nishpa. Cai sucta huauquicuna ñucahuan canurca, huasha chai runapac huasiman yaicurcanchic. 13 Pai ñucanchicman rimarca ima shina pai shuc angelta ricurca paipac huasipi pactacpi, chai angel rimashcarca: "Jafaman shimita cachai Simon Pedrota cayashpa; 14 pai rimashcamanta canman canpac aillucunantin quishpina pactamunca". 15 Ñuca paicunaman rimancapac callarishcapi, chaillapi Diospac Samai paicunapac jahuapi uraicurca, ñucanchipac jahuapi ñaupac uraicushca shina. 16 Chaipi yuyarircani Apunchic rimashca shimicunata pai rimashcapi: "Juan yacuhuan bautisarca, ranti cancunaca Diospac Samaihuanmi bautisai tucun-quichic". 17 Paicuna Apunchic Jesucristopi inishcaraicu Dios cuyashcata cushca hucanchicman shinallata, ¿ñucaca ushaimanchu carcani pai munashcata 'mana' rimancapac? 18 Chashna rimashpata uyashpa ña mana imatapash rimanacurca, Diosta chacchanurca cashna rimashpa: —Mana iniccunatapash Dios cuti paipacman shuncuta shayachina yuyaita cushcami causaiman yaicuna ushancapac. 19 Piñashpa catic tucushcamanta, Esteban huañuchi tucushcapi chausiriccuna pactanurca Feniciacama, Chipre, Antioquiacama, judiocunallata Diospac Shimita camachishpa. 20 Chashnapash, tiyarcami paicunamanta maicancuna Chipremanta, Cirenemantapash, paicunaca Antioquiaman pactashpa griegocunatapash camachinacurca Apunchic Jesuspac Cushi Shimita rimashpa. 21 Apunchic paicunahuan cashcaraicu, achcacuna ininacurca Diosman shuncuta shayachishpa. 22 Chashna tucushcamanta Jerusalenpi tiyac iniccunaman pactarca, chairaicu Bernabeta Antioquiaman cachanurca. 23 Pactashcapi Dios cuyashcata ricushpa, yapa cushiyarca, paicunata rimarcapash tucuilla huancurishpa Apunchihuan catincapac; 24 pai alli runa, Diospac Samaihuan juntarishca, inishcapipash sinchi catic cashcaraicu, achca runacuna Apunchicta ricsinacurca. 25 Chashnapi Bernabe Tarsoman rirca Saulo mashcancapac. 26 Tarishpa Antioquiaman paita pusharca. Shuc huata chai iniccuna llactapi ishcantin causanurca, achca runacunata yachachishpa; Antioquiapimi yahachishcacuna 'cristianocuna' rimai tucuncapac callarinurca. 27 Chai punchacuna Jerusalenmanta Profetacuna uraicunacurca. 28 Paicunamanta shuc, Agabo shutiyuc, Diospac Samai paita ricsichishcaraicu, jatun yaricai tucui pachaman shamunca rashcata huillarca. (Claudio Jatun Apu cashcapi chai yaricai tiyarca). 29 Yachachishcacuna caran amu ushashca tuputa yanapancapac rimanacurca Judea llactacunapi causac huauquicunata. 30 Chashna ruranacurca; Pablohuan Bernabehuan tantachishca cullquita cachanacurca.
1 Jatun Apu Herodes iniccunamanta maican runacunata ñacachincapac yuyarirca. 2 Mircanuhuan Santiagota huañuchichirca, pai Juanpac huauqui carca; 3 judiocuna chashna rashcata allihuan ricunucpi Pedrotapash japichirca. Pascua punchacuna carca. 4 Japichishca huasha, chunta curralpi quillpachirca, paita ricuncapac churarca chunca sucta soldadota, caranpi chuscu chuscu shayachishpa. Pai yuyarcami Pascua huasha Pedrota tucui runacunapac ñaupacpi surcushpa ricuchincapac. 5 Chashna Pedro chunta curralpi ricui tucunacama, iniccuna sinchita Dios-huan pairaicu rimarinacurca. 6 Herodes chashna tucui runacunapac ñaupacpi shayachishpa ricuchincapac racurca; chai tuta, Pedro ishcai soldado ucupi puñucurca, ishcai jillai huascahuan huatashca, paita ricuncapac mincashcacuna chunta curral puncupipash tiyanurca. 7 Cuncaimanta, Apunchicpac angel ricurirca, tucui chunta curral punchaclla tucurca. Maquihuan tintillu panpapi huactashpa Pedrota causachishpa, nirca: —Utcalla jatari. Chashnapi jillai huascacuna maquimanta urmanurca, 8 cutipash paita angel rimarca: —Chunpita huatari, ushutatapash churari. Chashna rurarca pai; angel cuti paita rimarca: —Jahua churarinata churarishpa catihuai. 9 Paipac huashalla Pedro llucshirca. Pai mana yacharcachu chai angel ruracushca shuti cashca imapash, shuc nuspai shina paita yachirca. 10 Paita ricuccamacunata ishcaipi saquishpa rinurca; chashna jillaimanta rurashca puncuman pactanurca; chai puncu cancha llucshina cashpa, paipac munai pascarirca. Llucshinurca; puricushcapi cuncaimanta chai angel paipac mayanmanta chincarirca. 11 Pedro allipacha yuyaita japishpa rimarca: —Ayalla, shutimi cashca: Apunchicmi paipac angelta cachamushca Herodespac maquimanta llushpichihuancapac, judiocuna ñucata ruranca rashcamanta quishpichihuancapac. 12 Pai ña allita yuyaita japishcapi, Juan Marcospac mama Mariapac huasiman rirca, chaipi achcacuna tantarinacushcarca Dios-huan rimarincapac. 13 Puncupi tacacrirca, shuc cuitsa: Rosa shutiyuc, pimi canca nishpa ricucrirca; 14 Pedropac shimita ricsishpa, yapalla cushiyashpa, pascana rantimanta, ucuman callpashpa, Pedromi puncupi can nishpa rimarca. 15 Paicuna cutipanurca: —¿Ima, nuspachu canqui? Paica, shuti chaipimi, nishpa rimarca. Chaishuccunaca rimanurca: —¿Paipac angelmi canca? 16 Pedro chaicama cayacurcami. Paicuna pascashcapi, paita jinu ricunurca, rimai paicunata mana tiyarcachu. 17 Maquihuan ricuchishpa chunlla tucuncapac rimarca; chaipi paicunata rimarca ima shina Apunchic chunta curralmanta paita surcushcata. Paicunata rimarcapash: —Caita Santiagoman, chaishuc huauquicunamanpash rimaichic. Chai huasha llucshishpa chaimanta shucman rirca, 18 Punchayashcapi yapa tulupui tiyarca soldado ucupi, Pedro imata tucushcanca nishpa tapuriranurca. 19 Herodes mashcachirca, chashnapash mana tuparcachu, chairaicu huacaichicamacunata tapuchishca huasha, paicunata huañuchichirca. Chai huasha Pedro Judeamanta Cesareaman rirca; chaipi saquirirca. 20 Chai pachapi Herodes piñarishca carca Tiro, Sidon, iscantin llactamanta runacunahuan. Paicuna, allita rimarishca huasha, paipac ñaupacman pactanurca; ñaupac Biastohuan alli mashi tucunurca, pai chai Jatun Apupac cullquita huacaichic runa carca; paicuna mañanurca ganas causaita paicunapura charincapac, tucui chai runacuna chai Jatun Apupac allpamanta mari micunata tariranurca. 21 Paicuna rimashca puncha pactaricpi, Herodes, Jatun Apupac churanata churarishpa, paipac tiyarinapi tiyarishpa, paicunata rimarca. 22 Pai rimashcata uyashpa runacuna caparinurca: —¡Chashna rimacucca mana runachu, Diosmi can! 23 Cuti chashnapi cuncaimanta Apunchicpac angel paita huacllichirca, Diospac shutita shuhuashcaraicu; chaipi curu micushca huañurca. 24 Diospac shimi jatunyashpa, mirarishpa ricurca. 25 Bernabe Saulontin, paicunaman mincashcata tucuchishpa, Jerusalenmanta ticranurca, paicunahuan Juan Marcosta pushashpa.
1 Antioquiapi ininacuna ucupi profetacuna, yachachiccuna canurca: Bernabe, paicuna Yana Runa rimacushca Simeon, Cirenemanta Lucio, Jatun Apu Herodeshuan huiñac Manaen Saulopash. 2 Shuc puncha paicuna sasishpa Dios-huan rimaricushcapi, Diospac Samai paicunata rimarca: —Bernabeta Saulontin chicanyachipaichic, ñuca mincanata ruranuchun. 3 Cutillata sasishpa Dios-huan rimarinurca; maquicunata umapi churashca huasha paicunata cachanurca. 4 Diospac Samai mincashcata uyashpa Seleuciaman rinacurca, chaimanta Chipreman yacuta rinurca. 5 Salaminapi pactashpa judiocunapac tautarina huasicunapi Diospac Shimita uyachinurca; Juanpash chaillapita paicunata yanapacurca. 6 Chai islata Pafoscama rinurca,. Chaipi shuc yachac judiota tarinurca; pai mana profetachu carca, paipac shuti carcami Jesuspac churi; 7 pai causacurcami Apu Sergio, Pablohuan, yapa alli yuyayuc rana. Pai Bernabeta Saulontin cayancapac cacharca, pai Diospac Shimita uyanata munarca; 8 ranti Elimasca, nicpi Yachac, mana munarcachu, Aputa inishcamanta chicanyachinayashpa. 9 Chashnapi Saulo, Pablopash paita rimanchic, Diospac Samaihuan juntashca cashpa, paiman allipacha ricushpa rimarca: 10 —Can, supaipac churi, umachinahuan, mana allicunahuan juntarishca, alli cashcata piñac, ¿maican punchallaca Apunchipac cusca ñanpicunata huishtuyachinata saquinquichu? 11 Cunashitumi Diospac maqui canpac jahuapi urmanca ran, ñausami saquirinqui, unaita punchata mana ricuna ushanquichu Dios munanacama.; Chaillapita paipac ñahui yanayarca. Amuca maquicunahuan mashcacurca pillapash maquimanta japihuachun nishpa. 12 Chai Apu pai jinu ricurca, chairaicu inirca. 13 Pablo paipac mashicunantin Pafosmanta Panfiliamanta Pergecama canuapi rinacurca. Juan chaipi paicunamanta chicanyashpa Jerusalenman ticrarca; 14 ranti paicunaca, Pergemanta llucshishpa, Pisidiamanta Antioquiaman pactanurca. Sabado puncha tantarina huasipi yaicushpa tiyarinurca. 15 Profetacunata camachic quillcatapash catishca huasha, tantarina huasi apucuna caita rimancapac cachanurca: —Huauquicuna, sinchicuchincapac shimicunata charishpa, rimaichiclla. 16 Pablo shayarishpa, maquihuan paicunata cayashpa, rimarca: —Israelpac churicuna, tucui cancuna Diosta manchashpa causaccunapash uyaichic: 17 Cai Israel llactamanta Dios, ñucanchicpac rucucunata acllarca, paicunata mirachirca Egiptopi chican runa shina causacushcapi. Sinchi maquihuan chaimanta paicunata llucshichirca; 18 chuscu chunca huata chunlla allpapi paicunata carashpa charirca. 19 Canchis Canaanmanta mama llactacunata chincachishpa, 20 paicunaman chai allpata curca, chuscu patsac pichca chunca huata huashamanta. Chai huasha Taripaccunata paicunaman curca profeta Samuel shayarinacama. 21 Chashnapi shuc Jatun Aputa mañanurca, Diosca Quispac, churi Saulta paicunaman curca; pai carcami Benjaminpac aillu; chuscu chunca huatata Jatun Apu causarca. 22 Chashnapash chai huasha Dios paita anchuchirca, pai rantimanta shayachircami Davidta, paimanta cai chacchashca shimita rimarca: Jesepac churi Davidta; ñuca munashca shina runata tarircani, pai tucui nuca munashcacunata pactachincami. 23 Cunan ricushun, Davidpac allumanta Israelpac shuc quishpichicta churashca, pai rimashca shina: chai Jesusmi. 24 Pai chaira mana pactamushcapi, Juan juchacunamanta nanarina bautismota yachachirca; 25 Juanca paipac causaita cai pachapi tucuchincapac racushcapi, paimantallata rimarca: "Mana cancuna yuyashca runachu cani; ranti yuyarichic ima shina ñucamanta huasha shamucuc ñuca mana paipac chaquimanta ushutallapash llushpichipac runa cani" 26 Huauquicuna, Abrahanmanta shamuc huahuacuna; cancunapash Diosta manchashpa causaccuna: ñucanchicman cai quishpina shimita cachamushcai 27 Alli shutipachami Jerusalenmanta runacuna, paipac apucunantiu Jesus cashcata mana ricsinata ushanurca; huañuchichishpaca, tucui sabadopi profetacunamanta uyachishcata pactachinurca. 28 Huañuchina tupu juchallishcata mana tarishpapash, Pilatota mañanurca huañuchichun nishpa. 29 Tucui paimanta quillcara tiyashca pactarishcapi caspimanta uraicuchishpa panpanurca 30 Ranti Dios paita huañushcacunamanta causachirca. 31 Paihuan Galileamanta Jerusalenman riccunata achca puncha ricurirca, paicunami cunan paipac ricuyaccuna canacun runacuna ñaupacpi. 32 Nucanchic shamunchicmi cancunata cai Cushi Shimita uyachincapac: Chai Dios ñucanchic rucucunata cushami rimashcata 33 churicunaman cushpa pactachishca, Jesusta huauñushcamanta causachishpa. Cashna quillcara tiyarca ishcainiqui Salmopi: "Can ñuca huahua canqui, cunan canta huiñachishcani". 34 Huañushcamanta causachishpa, mana cuti huañuna ushancapac, Dios cashna rimashcata charin: "Davidta cusha rimashcata pactachishami". 35 Chashnallata pactachirca shucpi quillcashcata: "Canta allipacha catic ismuncapac ama saquinquichu". 36 Pacta yachanquichic ima shina David, Dips mincashcata pactachishca huasha, huañurca; paipac rucucuna rishcaman rirca, paipac aichaca ismurca. 37 Ranti, Dios causachishcaca mana ismun, chaica Jesusmi can. 38 - 39 Chashnamanta allita yachapaichic, huauquicuna, pairaicumi juchacunamanta pichai tucunquichic; chairapash, tucui chai Moisespac camachic quillcahuan mana pichai tucuc ushashcacuna, Jesuspi inishpa, tucui chaicunamanta pichashca, quishpichira saquirinun. 40 Yapa yuyarishpa causaichic, ama profetacuna rimashca shina tucuncapac: 41 Uyaichic, tucuita millaccuna, mancharichic, callpaichic, cancuna causashca punchacunami jatun ruraicunata ranca racuni; cancuna chaita uyashpa mana ininquichicmanchu". 42 Paicuna llucshicushcapi mañanurca chaishuc sabadotapash chaimantallata rimai tucuncapac. 43 Tantarina tucurishcapi achca judiocuna, inincapac callarishcacunapash Pablohuan, Bernabehuan rinaicurca; paicuna chaicunahuan rimarishpa catinurca, Diospac cuyaita mana chincachishpa catincapac. 44 Sabado pactashcapi ñalla tucui llactamanta runacuna Diospac Shimita uyancapac pactanurca. 45 Chashna achca runata ricushpa, judiocuna yapa piñarinurca; chairaicu Pablo rimashcamanta chican shimita rimashpa piñashpa caparinacurca. 46 Chashnapi Pablo Bernabentin sinchi shimihuan rimanurca: —Cancunatami ñaupac Diospac Shimita rimana carcanchic; ranti chasquinata mana munanquichic huiñaipac causaita, cunan ñucanchic rincapac racunchic Diosta mana ricsiccunaman yachachincapac. 47 Cashna Apunchic rimashca: "Cai pachamanta achictami canta rurasha, quishpinata tucui pachaman pactachi ushancapac" 48 Diosta mana ricsiccuna chaita uyashpa yapa cushiyanacurca, Apunchicpac chashna rimashca shimicunata chaccharanurca; Diospac huiñaipac causaita chasquinacuna ininurca. 49 Chaicamaca Diospac Shimi chai suyupi ricsi tucushpa catirca. 50 Chashnamanta judiocuna cullquiyuc huarmicunata, inishcapi callarishcacunata llactamanta apucunatapash, Pablota Bernabentin piñashpa japincapac callarinurca; chashna chai allpamanta callpachinurca. 51 Paicuna chaquimanta ushpata chausirinurca, paicuna mana alli rashcaraicu; chaimanta Iconio llactaman rinurca, 52 yachachishcacunata cushihuan Diospac Samaihuan juntarishcacunata saquishpa.
1 Iconiopi chashnallata tucurca. Pablo Bernabentin judiocunapac tantarina huasipi yaicunacurca; paicuna yapa allita rimashcaraicu achca judiocuna griegocunapash ininurca. 2 Ranti mana ininata munac judiocuna, Diosta mana iniccunata mana alli shimicunata rimashcahuan piñachishpa, chai ishcai huauquicunata callpachincapc yuyarinurca. 3 Chashna paicuna ruracpipash Pablo Bernabentin unaita chaipi causanurca, mana manchashpa shimihuan yachachishpa; Apunchicpac yanapaihuan mancharicushiyanacunata rurashpa, paipac Shimi yachachishcata ricsichinurca. 4 Chai llactamanta runacuna ishcai yuyaita japinurca: maicancuna judiocunahuan canurca, shuccunaca Apostolcunahuan canurca. 5 Judiocuna mana iniccunapash paicunapac apucunantin shayarishpa, Apostolcunata rumihuan huactachincapac racushcata yachashpa, 6 Licaoniapi tiyac llactacunaman miticushpa rinurca: Listra, Derbe, chai mayanpi tiyac llactacunaman rinurca; 7 chaipipash Diospac Cushi Shimita yachachinurca. 8 Listriapi causacurca shuc suchu runa, pacarishcamanta janca runa, mana maican puncha purinata ushashcarcachu. 9 Shuc puncha, pai Pablo rimashcata uyacushcapi, Pablo allipacha paita ricurca, pai inishcata yachashpa; 10 chaipi caparishpa rimarca: —Shayari. Chai runa pahuashpa, shayarishpa, purincapac callarirca. 11 Chai runacuna Pablo rurashcata ricushpa, Licaonia runacunapac shimipi caparincapac callarinurca: —Dioscuna runapac aichata japishpa ñucanchicta ricuncapac shamunushca. 12 Bemabeta Zeusmi rimanurca, Pablotaca, Hermes, pai yachachiccama cashcaraicu. 13 Zeuspac huasimanta yaya pacri llacta mayanpi shayacuc cari huacracunata, llautucunata chaiman apachirca; tucui runacunahuan rimarishpa camarita paicunaman ricuchinayarca. 14 Chashnata Bernabe Pablontin yachashpa, churanata lliquicta aisarishpa, runa ucuman rishpa, caparinurca: 15 —¿Allichu caita rurana? Ñucanchicpash cancuna shinallata runami canchic; Cushi Shimita cancunaman rimanchicmi cai huacacunata jichushpa Causac Diosman cancuna ticrancapac; pai rurarcami jahua pachata, allpata, ñucñu yacuta, tucui paicunapi tiyashcacunatapash. 16 Callari pachapi pai saquircami caranlla amu munashca ñanpita catichun nishpa; 17 chashnapash pai rurashcacunahuan ricsichi tucurcami. Jahua pachamanta tamiata cachamun, tarpuna pachacunatapash; chashnamanta micunata charinchic, ñucanchicpac shuncutapash cushihuan juntachin. 18 Chashna rimashca shimicunahuan runacunata uyachinurca, ama camarita paicunaraicu ricuchincapac, 19 Yachachincapac chaipi saquirishcapi, Antioquiamanta, Iconiomanta judiocuna shamushpa, runacunata umachinurca; Pablota rumihuan shitashpa, llactamanta canchaman aisashpa shitanurca, huañushcami yuyashpa. 20 Ranti yachachishcacuna paipac mayanpi tantarishcapi, jatarishpa cuti llactaman ticrarca. Cayantiman Derbeman Bernabehuan ticrarca. 21 Diospac Cushi Shimita chai llactapi ricsichishca huasha, chaipi achca runacuna paicuna yachachishcata catinurca; chaimanta Listraman ticranurca chai huasha Iconioman, chaimanta Antioquiaman. 22 Jesusta caticcunata sinchicuchiranurca, inishcapi sinchicuichic rimashca shimicunahuan; paicunata rimaccuna carca: "Achca llaquicunata yalushpami Diospac pachapi yaicushun". 23 Caran iniccuna. tiyashca ucupi, shuc pushaccamata churanurca, Dios-huan rimanshca, sasishca huasha, paicuna imshca Apunchicman paicunata mincaccuna carca. 24 Pisidia suyuta chinpacta purishpa Panfiliaman pactanurca; 25 Perge llactapi Diospac Shimita uyachinurca, chaimanta Ataliaman rinurca. 26 Chaimanta Antioquiaman yacuta rinurca; chaimanta rinushcarca Diospac maquipi mincashcacuna paicunaman mincashcacunata pactachincapac. 27 Chaipi pactashpa, iniccunata tantachinurca; rimanurca tucui Dios paicunahuan rurashcata, ima shina Dios paita mana ricsiccunata inishcaman yaicuchishcata. 28 Chaipi unaita saquirinurca yachachishcacunahuan.
1 Maican Judeamanta shamuccuna huauquicunata cashna yachachiranurca: "Mana ullu carata pitirishpa Moisespac quillcapi yachachishca shina, mana quishpina ushanquichic". 2 Chashna rimashcamanta jatun piñanacuna tiyarca Pablo Bernabentin chai judiocunahuan. Antioquiamantacuna rimanurca Pablo Bernabe, paicunamanta maicancunantin Jerusalenman rincapac, chai rimaricushcamanta Apostolcunahuan pushaccamacunahuanpash allichincapac. 3 Iniccuna yanapanurca paicuna rincapac; Fenicia, Samaria allpacunata rinurca; chashna rirashpa huauquicunata rimashpa rinurca Diosta mana ricsiccuna Diosta inishcata; chashna rimashcata uyashpa chai huauquicuna yapa cushiyanurca. 4 Jerusalenman pactashcapi, iniccuna Apostolcunantin pushaccamacunantin yapa allita chasquinurca; chaipi paicunata rimanurca tucui Dios paicuna maquihuan rurashcata. 5 Ranti maican fariseo ucumanta runacuna, ha inishcaman tucushcacuna, rimanurca: —Paicunata ullu carata pitirinuchun, Moisespac camachic quillcata pactachinuchun rimana canchic. 6 Apostolcuna pushaccamacunantin tantarinurca paicuna rimashcata allita atipashpa ricuncapac. 7 Paicuna rimaricushpa yapa sinchi tucucucpi, Pedro jatarishpa paicunata rimarca: —Huauquicuna, callarishcamanta cancuna pacta yachanquichic, cancuna ucumanta Dios acllahuarca Diosta mana ricsiccuna ñuca shimimanta Diospac Cushi Shimita uyashpa, paicunapash inincapac. 8 Diosca, shuncucunata ricsic cashpa, paicunatapash chasquircami, paipac Samaita ñucanchicman cushca shinallata cushpa. 9 Ñucanchicta paicunatapash chaipuralla ricushca; paicunapac shuncucunata chuyayachishca paicuna inishcaraicu. 10 ¿Allichu canca Diosta camancapac cunan cashna cai yachachishcacunata paicuna jahuapi ñucanchic rucucuna, ñucanchicllata mana aparina ushashca llashaita apachincapac? 11 Mana; ininchicmi Apunchic Jesuspac cuyaihuan quishpina cashcata; paicunapash chashnallata. 12 Tucui tantarishcacuna chunlla tucunurca Pablota, Bernabeta uyancapac; paicuna rimanurca Dios paicunapac maquihuan rurashca mancharicushiyanacunata paita mana ricsic runa ucupi. 13 Paicuna rimanata tucuchishcapi, Santiago callarishpa, rimarca: —Huauquicuna, uyahuaichic: 14 Simon yuyachishcami ima shina Dios, callarishcamanta pacha yuyarishcata paita mana ricsishca ucumanta shuc runacunata paipacta jinu acllashcata. Profetacuna ña rimanushcarca, cashna rimashcapi: 16 "Caimanta huasha ticramushami cuti Davidpac urmashca huasita jatachincapac; tularishcata jatachishpa cutillata shayachisha, 17 tucui runacunapash Apunchicta mashcanuchun, tucui ñucapac shutita ña chariccunantin: 18 chashna Apunchic riman unaimanta rimashpa charishcata". 19 Chairaicu, ñuca yuyani mana alli can mushu inincapac callarishcacunata llaquicunahuan quillachincapac. 20 Allimi canca yachin paicunata quillcacpi ama micunuchun huacacuna ticllayachishcata, mana sahuarishpa causanamanta chicanyanuchun, ama yahuaryuc aichacunata micunuchun yahuartapash ama micunuchun. 21 Yuyaricpica, unaimanta caran llactapi Moisespac camachic quillcata caran sabado yuyachinun yachachiccamacuna. 22 Yachachishcacuna pushaccamacunantin tucui tantarishca runacunapash, yuyarinurca paicunamanta maicancunata acllashpa Antioquiaman cachancapac Pablohuan Bernabentin. Judas Barsaba Silapash acllai tucunurca; paicuna pushaccama huauquicuna canurca. 23 Paicunahuan cai quillcata cachanurca: "Apostol huauquicuna pushaccama huauquicunantin allilla causacuichic rimanun Antioquiamanta, Siriamanta, Ciliciamanta huauquicunata, Diosta mana inishca runa ucumanta shamushcacuna. 24 Caipi yachashcanchic maican caimantacuna, mana ñucanchic mincashcacuna, cancunata ansata pantachinushca, llaquichinushca paicuna rimashca shimicunahuan. 25 Ranti cunan, tantarinaman cayashca huasha, tucuilla yuyarishcanchic cancunapacman caimanta maicancunata cachancapac, ñucanchipac llaquishca huauquicuna Pablo, Bernabehuan; 26 cai runacuna paicunapac causaita Apunchic Jesucristota yanapancapalla charinushca. 27 Chashnamanta cachanchicmi Judashuan Silasta, paicunapash ñucanchic rimashca shina cancunata shimihuan jinu rimanunca. 28 Yuyarishcanchicmi Diospac Samai ñucanchicpash, mana ashtahuan cancunapac jahuapi llaquicunata churancapac; ashtahuan caicunata shuti ruraichic nishpa mañanchic: 29 camarita shina huacacunaman cushca aichacunata ama micuichichu; yahuartapash sipishpa huauuchishca aichacunatapash ama micuichichu, mana sahuarishpa causanamanta chicanyaichic. Tucui chaicunata huacaichishpa allimi canquichic. Samashun", 30 Cachashcacuna, Antioquiaman rinurca; chaipi tucuicunata tantachispa quillcata cunurca. 31 Quillcata uyashpa, tucuilla cushiyanurca yapa sumac shimicuna cashcaraicu. 32 Judas Silapash, paicunapash profetacuna cashpa, achca rimashca shimicunahuan huauquicunata sinchicuchinurca, ñaupacman catina yuyaita cunurca. 33 Unaimanta, allihuan samashun rimai tucunurca huauquicunapacpi paicuna cachai tucushcamallata ticrancapac. 35 Pablo Bernabentin Antioquiapi saquirinurca, Apunchicpac Cushi Shimita yachachishpa, uyachishpa; chaillapita shuccunapash paicunahuan canurca. 36 Achcanaya punchacuna huasha Pablo Bernabeta rimarca: —¿Imaraicu tucui chai ñucanchic Apunchicpac Shimita yachachishca llactacunapi tiyac huauquicunata cutillata mana ricucrinchic allichu tiyaranun imachari? 37 Bernabe paihuan pushanayarca Juan Marcosta. 38 Pablo, ranti, yuyarca mana allichu pushancapac paicunamanta Panfiliapi chicanyashpa, mana paicunahuan purinaman ric runata. 39 Piñanushpa, chicanyanurca. Bernabe Marcosta pushashpa Chipreman rirca; 40 ranti Pablo, Silashuan mashiyarca; paipac huauquicuna Diosman paicunata mincanurca; 41 paica rishpa purirca Siria, Cilicia iniccunata sinchicuchishpa.
1 Derbeman Listramanpash pactarca. Chaipi shuc Tímoteo shutiyuc yachachishcahuan taririrca, pai carcami Diosta inic judio mamamanta, paipac yayaca ranti Greciamanta. 2 Listramanta Iconiomanta huauquicunapash paimanta alli shimicunata rimashcaraicu, 3 Pablo paihuan richun munarca. Paita japishpa ullu carata pitirca, chaimanta judiocuna pai Greciamanta yaya charishcata yachashcaraicu. 4 Liactacunata rirashpa, runacunaman apostolcuna pushaccamacunantin Jerusalenpi rimashcata ricshichishpa rinacurca, paicunapash pactachinuchun nishpa. 5 Iniccuna inishcapi sinchiyashpa catinurca, ashtahuan caran puncha mirarishpa rinurca. 6 Diospac Samai Asia allpapi Cushi Shimita yachachincapac mana munashcamanta, rinurcalla Frigiapi, Galacia suyupi mana shayarishpa. 7 Misiaman pactana mayanpi, Bitiniaman rinata yuyarinurca, ranti Jesuspac Samai mana munarcachu. 8 Chairaicumanta Misiata rishpalla Troademan uraicunurca. 9 Chaipi chai tuta Pablo shuc nuspaita charirca: Shuc Macedoniamanta runa, shayarashpa, paita rimacurca: Macedoniaman shamushpa ñucanchicta yanapai. 10 Chai nuspaita charishca huasha, Macedoniaman utcalla rincapac yuyarircanchic, Dios paipac Shimita chaimanmi yachachincapac cayacun yuyarishpa 11 Chairaicu Troademanta Samotraciaman cusca rircanchic. Cayantin punchapi Neapolispi shayarircanchic, 12 chaimanta Filiposman rircanchic, chai llacta Macedoniapi jatun llacta can, chaipi Romamanta Apu ricuccama tiyan. Cai llactapi unainayata saquirucanchic. 13 Sabado puncha llactamanta canchaman llucshircanchic, yacu pataman, chaimanmi judiocuna Dios-huan rimarincapac tantarinurca, Pablo yuyashcamanta. Chaipi tiyarishpa, tantarishca huarmicunahuan rimarircanchic. 14 Paicunamanta shuc, Lidia shutiyuc, Tiatiramanta, purpura nishcata catuccama, Diosta inic carca, uyashpa tiyarca; Apunchicca paipac shuncuta pascachirca Pablo rimacushcata allita atipancapac. 15 Pai aillucunantin bautismota chasquishca huasha, ñucanchicta cayarca: —Ñuca allipacha Diosta caticmi yuyashpa, shamuichic ñucahuan, ñuca huasipi saquirichic. Mana munacpipash chaiman pai pushashpa rirca. 16 Ñucanchic Dios-huan rimarinaman rirashcapi, shuc malta huarmi ñucanchihuan tuparirca; pai yachac carca, ima tucunca rashcata huillac carca, pai chashna cashcamanta amucuna achca cullquita japiccuna carca. 17 Pablota, ñucanchictapash cashna caparishpa caticacharca: —Cai runacuna Jatun Diosta catic runacunami canun, paicunaca cancunata ricsichiranunmi quishpina hanpita. 18 Chai cuitsa caran puncha chashna caparishpa purirca; ña Pablo amishpa, paiman ticrashpa chai supaita rimarca: —Jesucristopac shutipi canta rimani, paimanta llucshi. Chaillapita llucshirca. 19 Paipac amucuna, chashna tucushcahuan cullqui japina tucuricpi ricushpa, Silasta Pablontin japishpa, llacta pacllaman apucuna ñaupacman aisashpa pushanurca; 20 chaipi jatun apucunapac ñaupacpi churashpa, cashna rimashpa ricsichinurca: —Cai runacuna ñucanchic llactapi quillachiranun; 21 paicunaca judio runacunami canun, camachiranunpash ñucanchic mana yachashca, mana pactachipac yachaicunata, ñucanchic romano cashcaraicu. 22 Runacuna paicunahuan piñaricpi, churanata llatanashpa caspihuan huactachichinurca jatun apucuna. 23 Caspihuan yuyaita huactashca huasha, quinchara ucupi quillpanacurca; mincanurca chaipi ricuccamata allita paicunata ricuchun. 24 Pai chashna mincai tucushpa, ashtahuan ucu quinchara ucuman paicunata churashpa, chaquicunata jillai sapipi canichispa churarca. 25 Chaupi tuta Pablo Silaspash taquishcahuan Dios-huan rimarinacurca. Shuc quillpashcacuna uyaranurcalla. 26 Cuncaimanta, shinchi allpa cuyurina tiyacpi chunta curral sapicunantin chucchurirca. Chashna tucushcallapita tucui puncucuna pascarinurca, jillai huascacunapash tucui quillpashcacunamanta llushpirinurca. 27 Ricuccama causarirca, tucui puncucuna pascarata ricushpa mircanuta surcurca huañurincapac, tucuimi llucshinushca yuyashpa. 28 Chashnapi Pablo caparirca: —Ama susurichu, tucuillami caipi canchic. 29 Ricuccama achicta mañashpa, shuc pahuaillahuan ucuman yaicushpa, chucchurishpa Pablo Silaspac chaqui mayanpi urmarca. 30 Paicunata canchaman surcushpa tapurca: —Quishpincapac ¿imatami rurana cani? 31 Paicuna cutipanurca: —Apunchic Jesuspi inina canqui, chaimi can canpac aillucunantin quishpinqui. 32 Chaipi paita, tucui paipac huasipi tiyaccunantin Diospac Shimita uyachinurca. 33 Ricuccamaca chashna tuta ucupipash paicunata japishpa, paicunapac chucrishcacunata maillarca; chaillapita bautismota tucui paipac aillucunantin chasquinurca. 34 Huasha paipac huasiman paicunata cayarca, micunata cararca, tucui paipac aillucunahuan cushiyarca Diosta inishcamanta. 35 Cayanti tutamanta jatun apucuna chapacunahuan ricuccamata rimancapac cacharca: —Cachari chai runacunata. 36 Chai ricuccama Pabloman pai uyashca shimita rimarca: —Jatun apucuna cancunata cacharichun rimancapac cachamunushca. Chairaicu cunanca ama imatapash manchashpa, richiclla. 37 Ranti Pablo chapacunata cutiparca: —Imanashi. Ñucanchicta tucui runacunapac ñaupacpi llipachinurca; manapash allita yachashpa, ñucanchic romano runacuna cacpipash chunta curralpi quillpanacurca, ¿cunanca pacallachu ñucanchicta surcushun yuyanun? Manapacha chaita uyanayanichu. Paicuna jinu shamushpa surcuc shamunuchun. Chapacuna jatun apucunapacman rimacrinurca paicuna uyashcata; paicuna romano runacuna cashcata yachashpa mancharinurca. 39 Chai huasha "ñucanchicta quishpichipaichic" nishpa mañancapac paicuna cashcaman rinurca; canchaman surcushca huasha, cai llactamanta richic nishpa rimanacurca. 40 Pablo Silaspash chunta curralmanta llucshishpa, Lidiapac huasiman rinurca, chaipi huauquicunahuan tuparinurca. Paicunata sinchicuna yuyaicunata rimashca huasha, chaimanta rinurca.
1 Anfipolista Apoloniatapash rishpa, Tesalonicaman pactanurca, chaipi shuc tantarina huasi tiyarca. 2 Pablo, paipac yachaita catishpa, chaipi pactashpa quimsa sabado paicunahuan rimarinurca. Quillcashcacunamanta yuyaita surcushpa, 3 camachicurca, ricsichicurcapash ima shina Mesias ñacarina carca, ima shina huañushcacunamanta causarina carca, cashna shimihuan tucuchic carca: "Chai Mesias Jesusmi can, ñuca cancunaman ricsichicushca". 4 Maican judiocuna uyashpa Pabloman Suasmanpash llutarinurca; chashnallata achca Greciamanta runacuna, paicunapash judiocuna inishcata japinacushcarca; chai ucupi achcanaya chariyuc huarmicunapash tiyanurca. 5 Chashnata mana allihuan ricushpa, judiocunaca millai, quilla runacunata tantachinacurca, paicunahuan llactapi quillachishpa puriranurca. Jasonpac huasipi pactacrinurca Pablomanta, Silasmantapash tapushpa, paicunata runacunapacman pushancapac. 6 Paicunata mana tupashcaraicu, Jasonta maican huauquicunantin apucunapac ñaupacman cashna caparishpa aisashpa rinurca: —Chai runacunata jatachishpa puriccuna caipipash pactamunacushcami, 7 Jasonca paicunata chasquishca paipac huasipi. Tucui paicuna Cesar rimashcata mana uyanun, shuc Jatun Apu Jesusmi tiyan nishpa. 8 Chashna rimashca shimicunata uyashpa, apucuna tucui runacunapash mancharinurca. 9 Chairaicumanta paicunaca cullquita mañanurca paicunata cacharincapac. 10 Utcalla chai tuta, Bereaman Pablota Silastapash huauquicuna cachanurca. Chaipi pactashpa tantarina huasiman rinacurca. 11 Bereamanta judiocunaca Tesalonicapi tiyaccunamanta ashtahuan allicuna canurca, chairaicu allihuan chasquinurca Diospac Shimita. Caran puncha Quillcacunata allipacha ricuranurca, Pablo rimashca shinachu can nishpa. 12 Achcacuna ininurca, Diosta mana ricsiccunapash, chariyuc huarmicuna caricunapash. 13 Bereapi Diospac Shimita Pablo yachachicushcata Tesalonicamanta judiocuna yachashpa, chaiman runacunata huacllichincapac, macanacuchincapac rinurca. 14 Chashnapi utcalla huauquicuna Pablota ñucñu yacu pataman cachanurca, ranti Silas Timoteontin chaipi saquirinurca. 15 Pablota pushaccuna paita Atentas llactacama pushashpa rinurca, chaimanta ticramushpa Silas Timoteontin utcalla Pablohuan tuparicrinuchun shimita apashpa rinurca. 16 Pablo Atenaspi chaishuccunata chapacushpa, yapa nanarirca tucui llacta huacalla juntaracpi ricushpa. 17 Pablo tantarina huasipi judiocunahuan, Diosta muchaccunahuanpash rimaric carca, chashnallata llacta pacllapi tuparishcacunahuan. 18 Maican yapa quillcayuccunapash paihuan rimariccuna carca. Shuccuna tapuccuna carca: —¿Imallapash rimancapac charincachu imachari chai rimaisiqui runa? Shuccunaca Jesus huañushcamanta causarinata rimashcata uyashpa, rimaccuna carca: —Chican Dioscunamanta uyachishpa puric shina yachin. 19 Japishpa Areopago nishcaman pushaspa, paita tapunurca: —¿Can rimacushca mushu yuyaicunata yachana ushanchicchu? 20 Alli shutipacha can mana maipi uyashcacunata rimanqui, can imata rimanayashcata yachanayanchicmi. 21 Yachai tiyan ima shina chaimanta runacuna chicanmanta shamuccunapash rimanun, uyanun imapash paicunaman mushu pactashcallata. 22 Pablo chaupi Areopagopi shayarishpa, rimarca: —Atenasmanta runacuna, tucui cancuna charishcacunamanta ricushpa atipashpa ricuni cancunapac dioscunaman llutarishpa causashcata. 23 Llactata puricushpa achca huacacunata shuc altar nishcatapash ricushcani; chai altar cashna quilicayuc: "Mana ricsira Diosraicu". Cunan ricushun, cancuna mana ricsishpa chacchacushcata, ñuca ricsichincapac shamuni: 24 Cai pachata, tucui caipi tiyaccunata rurac Dios, jahua pachamanta cai pachamanta amu cashpapash, mana runacuna rurashca huasicunapichu causan. 25 Mana runa maquimanta yanapaita mutsunchu, yanapaita chapacuc shina, pai tucuicunaman causaita, samaita cuyan, tucui imatapash. 26 Shuc runamantalla tucui llactacunata surcurca cai pachapi causanuchun nishpa, paillata caran llactapac saihuata ima tupu causana cashcata churarca. 27 Paita mashcanuchun munarca, ñausa shina mashcashpa unaiman tupanunman imachari; 28 manapi paimanta carupi canchic, paipi causanchic, cuyurinchic, cai pachapi tiyanchic, shuc cuyailla rimac nishca shina: "Diosmanta miraicuna canchic". 29 Chairaicu, Diospac miraicuna cashpa, mana allichu Diosta curihuan, cullquihuan, sumac ricuric rumicunahuan chinpapurachina, chaicunaca runa rurashcallami canun. 30 Cunan ricuichic: Diosca, mana yachashpa rurashcacunata cuncarishpa, cunan pai riman tucui runacunata, tucui cai pachapi causaccunata, Diosman shuncuta shayachincapac. 31 Ña pai shuc puncha rimashcata charin tucui cai pachata sumacta taripancapac pai acllashca runahuan; chashna tucunca racushcamanta tucuicunata ricsichishpa paita huañushcacunamanta causachirca. 32 Huañushcamanta causarinata uyashpa, maicancuna asinacurca, shuccunaca rimanurca: —Chaimantaca shuc punchapimi uyanata munanchic. 33 Chaipimi Pablo paicuna ucumanta llucshirca. 34 Chashna cacpipash, maican runacuna paiman llutarishpa ininacurca. Paicuna canurcami Dionisio Areopagita nishca, chaimanta shuc huarmi Damaris shutiyuc shuccunapash.
1 Chashna tucushca huasha, Pablo Atenasta saquishpa Corintoman rirca. 2 Chaipi tuparca Aquila shutiyuc judiota, pai Pontomanta carca, mushulla Italiamanta shamushcacuna paipac huarmi Priciliantin, jatun apu Claudio tucui judiocuna Romamanta llucshinuchun rimashcaraicu. Pablo paicunahuan ailluyarca; 3 chai llancanallata charishcaraicu paicunahuan llancashpa causancapac saquirirca; paicunaca tsala churana ahuac canurca. 4 Caran sabado rimaric carca tantarina huasipi, judiocunata griegocunatapash uyachisha nishpa. 5 Ranti, Silas Timoteontin Macedoniamanta pactashcapi, Pablo Diospac Shimita yachachinamanlla tucurca, judiocunata Jesus Mesias cashcata uyachisha nishpa. 6 Paicuna mana uyanayashpa piñashcahuan cutipanucpi, Pablo paipac churanamanta ushpata chausirishpa, paicunata rimarca: —Cancunallami imapash tucucpi yachanquichic; ñuca mana juchallinichu. Cunanmanta Diosta mana ricsiccunapacman rini. 7 Chaimanta llucshishpa shuc Diosta muchac Ticio Justo shutiyuc runapac huasiman rirca, paipac huasi tantarina huasi mayanpi carca. 8 Tantarina huasi apu, Crispo, tucui paipac aillucunantin Apunchicta inirca; achca Corintomanta uyac runacunapash, inishpa bautismota chasquinurca. 9 Shuc tuta nuspaipi Apunchic Pablota nirca: —Ama manchaichu, ama chunllayaichu, rimacuilla, 10 ñucami canhua tiyacuni, mana pipash canta macashpa susurichincachu, cai llactamanta achcacuna ñuca runacuna cashcaraicu. 11 Pablo chaipi shuc huata chaupi saquirirca paicunata Diospac Shimita yachachishpa, 12 Ranti Galion Acayamanta apu cashcapi, tucui judiocuna shuclla runa shina Pablota japishpa, taripana huasiman pushanurca, rimashpa: 13 —Cai runa ñucanchicta camachicun Diosta chacchana, ñucanchic quillcapi mana munashca shina. 14 Pablo ña cutipanca rashcapi, Galion judiocunata rimarca: —Judio runacuna, huañuchishcamanta, jatun juchallishcamanta ima cacpica, cancunata uyaiman chari; 15 ranti, Diosmanta yachachishca, cancunapac Camachic Quillcamanta cashcaraicu, ñuca mana munani chaicunamanta taripancapac. 16 Taripana huasimanta tucuicunata llucshichirca. 17 Chaillapita tucuilla, tantarina huasi apu Sostenesta japishpa, taripana huasi ñaupacllapita yuyaita macashpa churanurca. Ranti Galion mana imallapash rimarcachu. 18 Pablo chaira unainayata Corintopi saquirirca, chai huasha chaipi tiyac huauquicunata saquishpa, Siriaman rincapac barcopi yaicurca, Priscilata Aquilantin paihuan pushashpa. Cencreaspi umata llushtichirca, shuc pactachina shimita charishcaraicu. 19 Efesoman pactashcapi, chaipi paicunamanta chicanyashpa, tantarina huasiman rirca; chaipi judiocunahuan rimarincapac callarirca. 20 Paicunaca Efesopi unaita saquirichun munanurca, ranti Pablo mana munarcachu, 21 ashtahuan paica cai shimicunahuan puchucarca: —Dios munacpi, cuti ticramusha chari. Efesomanta ñucñu yacuta rirca. 22 Cesareapi llucshishpa, iniccunata ricucrirca, chai huasha Antioquiaman rirca. 23 Chaipi unaita causarca, chai huasha cuti rirca Galacia suyu, Frigia suyuta ricuncapac, yachachishcacunata sinchicuchincapac. 24 Efesoman Apolo shutiyuc judio pactarca, pai Alejandriamanta carca; alli rimac, Camachic Quillcata yapa yachac. 25 Apunchicpac ñanpi catinapi paita yachachinushcarca, allipacha shuncuhuan rimashpa Jesuspac causaimanta yachachic carca, shinapash Juanpac bautismollatami paica ricsirca. 26 Apolo mana manchashpa tantarina huasipi rimancapac callarirca; chashnapi Aquila Priscilantin uyanurca. Paicunahuan pushashpa ashtahuan yallita Diospac ñanpimanta paita yachachinurca. 27 Apolo Acayata rina yuyaita charishpa, huauquicuna sinchicuchinurca, quillcanurcapash yachachishcacunata, allita chasquinuchun nishpa. Pai pactashcahuan, Dios yanapashcaraicu, achcata sinchicuchirca iniccunata. 28 Mana pipash cutipana usharcachu, pai tucuipac ñaupacpi judiocuna rimashcamanta chican shimita rimacpi; cashna, allipacha, Camachic Quillcahuan Jesus Mesias cashcata ricsichic carca.
1 Apolo Corintopi tiyacunacama, Pablo Efesoman pactarca jahua urcucunata chinpashpa; chaipi shuc yachachishcacunata tuparca, 2 paicunata tapurca: —¿Cancuna inina callarishcapi Diospac Samaita chasquircanquichichu? Paicuna cutipanurca: —Diospac Samaimanta mana shuc shimillapash mana uyashcanchichu. 3 Pablo paicunata cuti tapurca: —Shina cacpi, ¿ima bautismota chasquircanquichic? Cutipanurca: —Juanmanta bautismota chasquircanchic. 4 Pablo paicunata rimarca: —Juanmanta chasquishca bautismoca juchamanta nanarinatami ricsichicurca; chashnapash runacunata rimarca paimanta huashalla shamucucta inincapac, chaica Jesusmi can. 5 Uyashpa bautismota chasquinacurca Apunchic Jesuspac shutipi. 6 Chai huasha Pablo paicunapac uma jahuapi maquicunata churacpi, Diospac Samai paicunapacman uraicurca; chaillapita chican shimicunata, tucunca rashcacunata rimancapac callarinurca. 7 Paicuna chunca ishcai runacuna canurca. 8 Pablo tantarina huasiman rishpa quimsa quilla tucuipac ñaupacpi Diospac pachamanta yachachirca, paicuna allita atipashpa uyahuanuchun nishpa. 9 Maicancuna mana atipashpa uyanata munanucpi, ashtahuan piñanucpi ñanpimanta chicanyachinucpi ricushpa, Pablo paicunata chicanman saquishpa, yachachishcacunahuan tantaric carca, Tiranopac yachana huasipi caran puncha rimariccuna carca. 10 Ishcai huata chashna causanurca; chairaicu Asia suyumanta tucui runacuna, judiocuna, griegocunapash Diospac Shimita uyanata ushanurca. 11 Dios Pablopac maquihuan achca mancharicushiyanacunata rurarca, 12 paimanta rimacpica Pablo churarashca llachapac pitita uncuccuna jahuapi churashcallahuan janpiriccuna carca, supaicunapash callpaccuna carca. 13 Judiocunamanta maican, supaita callpachishpa puriccuna, camana munanurca Apunchic Jesuspac shutita japishpa uncuccunamanta callpachincapac, casfana rimashpa: —Pablo yachachishca Jesuspac shutipi, canta llucshi nishpa rimani. 14 Chaita ruraccuna canurcami judio pacri yayacunapac apu Escevaspac canchis churicuna; 15 ranti chai supai paicunata cutiparca: —Jesustaca ricsinimi, Pablo pi cashcatapash yachanimi, ranti cancuna pi cashcata mana yachanichu, ¿pimi canquichic? 16 Chaillapita chai supai japishca runa chai runacunata japishpa yuyaita macarca, chairaicu chai huasha paicunaca llushti, susurishca chai huasimanta callpana tucunurca. 17 Chashna tucushcamanta shimi Efesopi tiyac tucui runacunaman pactarca, judiocunaman griegocunamanpash. Tucuilla yapa mancharishca saquirinurca, Apunchic Jesuspac shutica ashtahuan jatunyashca saquirirca. 18 Ininapi callarishcamanta maicancuna paicuna mana alli rashcamanta tucuicunapac ñaupacpi juchata rimacrinacurca; 19 chashnallata, sacracunapash quillca pancacunata tantachishpa illacta rupachinurca, tucuicunapac ñaupacpi. Chai pancacunata yupashpa camacpi, pichca chunca huaranca cullqui llucshina cashcarca. 20 Chashna, Apunchicpac ushaihuan, paipac Shimi yapa runacunapi miraricurca. 21 Tucui chaicunata rurashca huasha, Pablo allipacha Jerusalenman rinata yuyarirca Macedoniata Greciatapash rishpa. Yuyarirca: Jerusalenta ricucrishca huasha, Romatapash ricucrinami cani. 22 Macedoniaman ishcai paita yanapaccunata cacharca, Timoteo Erastontin, ranti paica ansata chaira Asia marcapi saquirirca. 23 Chai punchacunapi Apunchicpac mushu ñanpiraicu piñarishpa jatarinurca runacuna. 24 Shuc runa Demetrio shutiyuc, cullquimanta imatapash rurac, chai cullquimantallata huacacunata ruracurca Artemisapac huasimanta ricushpa, achca cullquita chaihuan japic canurca chaipi llancaccuna; 25 tucui paicunata tantachishpa rimarca: —Mashicuna, cancuna yachanquichic cai cullqui japishcamanta ñucanchic alli causaita charina cashcata. 26 Ranti cancunallata ricushcanquichic, yachashcanquichic imapash, mana Efesollapi, tucui cai Asia suyupi, chai Pablo runacunata shuc yuyaita churashcata, pai runa rurashcaca mana dioschu can rimashpa. 27 Mana ñucanchicpac llancanallachu chincarincapac racun, ashtahuan Jatun Artemisapac huasimi jichui tucushca saquirinca racun; chashna tucushpaca paita muchana tucurincami cai Asiapi tucui pachapipash. 28 Chai shimicunata uyashpa piñarishpa cashna caparincapac callarinurca: —Efesiocunapac Artemisaca jatunmi can. 29 Tucui llactapi yapa tulupushca tiyarca, tucuilla teatro nishcaman callpanurca, Gayota Aristarcontin aisashpa, paicunaca Macedoniamanta canurca, Pablohuan puriccuna. 30 Pablo tucui chai runacunata ñahuichinayarca, ranti yachachishcacuna mana saquinurca. 31 Chashnallata chai Asia suyumanta maican apucunapash, paipac mashicuna cashpa shimita cachanurca, ama teatroman mayanyachun nishpa. 32 Caranlla pai munashcata caparicurca. Jatun tantarinapi tucuilla chausirishca canurca, maicancunaca mana yachanurca imaraicu chaipi tantarinushcata. 33 Chashnapi, runa ucumanta shuc runata Alejandro shutiyucta sumacta camachinurca, paita judiocuna ñaupacpi churanurca. Alejandro munarcami runacunata ricsichincapac imaraicu chashna tucushcata, maquihuan ricuchishpa chunllayachinayarca. 34 Runacuna judio cashcata yachashpa ñalla ishcai patsac tuputa tucuilla sinchita capariranurca: —Efesiocunapac Artemisaca jatunmi can, 35 Ña sanpayashcapi, llactamanta shuc apu paicunata chunllayachishpa, rimarca: —Efesomanta runacuna, ¿manachu tucuilla yachanchic cai Efeso llacta paipac ucupi Artemisapac huasita, paipac jahua pachamanta urmashca huacatapash huacaichishpa charishcata?. 36 Chashna cashcamanta mana pipash rimancachu; chairaicu, allimi yuyani cancuna chunllayancapac, allita yuyarishpa imatapash rurancapac. 37 Cai cancuna apamushca runacuna mana juchallinushcachu, ñucanchic diostapash mana piñanushcachu. 38 Demetrio paipac mashicunantin pihuanpash piñanacuita charishpa, chaipacta tantarinacuna apucunapash tiyanun. Chaipi ima juchallishcacunamantapash taripana tiyachun. 39 Cuti shuc juchachinacuna tiyacpi, Jatun Tantarinapi allichina tucunca. 40 Aluta yuyaricpi, juchachi tucuna ushanchic cunan piñarishpa rashcamanta, mana impash tiyarca nucanchic chashna piñarishcahuan cushparincapac. 41 Chashna rimashca huasha, chausichirca tantarinata.
1 Puñarishpa jatarishcacuna chunllayashca huasha, Pablo yachachishcacunata cayachirca sinchicuchincapac; chai huasha paicunamanta anchurishpa Macedoniaman rirca. 2 Chai suyuta yachachishcacunata sinchicuchishpa purishca huasha, Greciaman rirca. 3 Chaipi, quimsa quilla huasha, Siriaman barcopi ticrasha yuyarca; ranti chaipi yacharca judiocuna paita mana alli ranata yuyacushcata, chairaicu Macedoniata ticranata yuyarirca. 4 Asiamanta pai rinca racushcapi, paihuan rinurca Pirropac churi Sopratos, Berca llactamanta; Aristarco, Segundopash, Tesalonicamantacuna; Derbemanta Gayo Timoteontin; Asiamanta Tiquico, Trofimontin. 5 Paicuna ñaupashpa ñucanchicta Troadepi chapanurca. 6 Ranti ñucanchicca, Pascua raimi huasha, Filiposmanta ñucñu yacuta rircanchic; pichca puncha huasha Troadepi paicunata japicrircanchic, chaipi shuc semana unayarcanchic. 7 Semana callarishca punchapi tantarircanchic misata rancapac; Pablo cayantiman rina cashpa, paicunahuan rimaricurca. Chashna paicuna rimaricushca chaupi tutacama unayarca, 8 ñucanchic tantarishca ucupi achca chinpusucuna tiyarea. 9 Shuc malta runa, Euriquio shutiyuc, jahua patapi tiyac quincha jutcupi tiyacurca. Pablo rimashpa caticushcapi ashtahuan puñunai paita japirca; ña puñuihuan mana ushashpa, quimsa (quimsaniqui) niqui pata jahuamanta allpaman urmarca, huañushcata jatachinurca. 10 Pablo uraicushpa, paipac jahuapi siririrca, paita ucllarishpa, rimarca: —Ama mancharichichu, chaira samaita charinmi. 11 Cuti jahuaman sicashpa, misata rashpa micurca. Punchayana mayancama rimaricushca huasha, rirca. 12 Chai malta runamanta rimacpica, tucuipac cushiraian causacta apamunurca. 13 Ñucanchicca barcoman rircanchic, chaimanta Asoman rircanchic; chaipi Pablohuan tuparina carcanchic, paica allpata rirarca, pai rimashca shina. 14 Chashna tucurca, Asopi tuparircanchic, ñucanchichuan barcopi sicarca, chaimanta Mitileneman pactarcanchic. 15 Chaimanta llushpiriccuna, cayantiman Quios mayanman pactarcanchic; chaishuc punchaman Samosta ricurcanchic; chaimanta shuc puncha huasha Miletoman pactarcanchic, Trogillonpi shayarisuca huasha. 16 Pablo allipacha yuyarishcarca Efesopi mana shayarishpa rincapac, ama yanca Asiapi unayasha nishpa; utcalla rirarca Jerusalenpi Pentecostes puncha pactana yuyaihuan. 17 Miletomanta Efesoman shimita cacharca, chaimanta pushaccamacunata cayarca. 18 Pactashcapi paicunata rimarca: —Cancuna yachanquichic Asiapi callarishca punchamanta ñuca ima shina cancunahuan causashcata; 19 ñuca uchilla cashcata yuyarishpa Apunchicta yanapashcani, chai tucui judiocuna huacaita, llaquita cuhuacpipash. 20 Cancuna yachanquichic mana mancharishpa cancunaraicu tucuita rurashcata. Cancunata camachircani, yachachircani tucuipac ñaupacpi, caran huasipipash; 21 judiocunata nicpi, griegocunata nicpi Diosman shuncuhuan ticrarinuchun Apunchic Jesuspi inincapacpash cayashcanimi. 22 Cunan Jeruslenman Diospac Samai pushashca rirani, mana yachani chaipi ima tucuna cashcatapash. 23 Diospac Samaica caran llactapi piñashpa japi tucuna, piñashpa quillpai tucunallatami ricsichihuan. 24 Shinapash, manapacha ñuca causaimanta yapalla yuyarinichu, ñuca ashtahuan munanimi tucuchinata, pactachinatapash Apunchi Jesus mincashcata: Cushi Shimimanta ricuyac cana. 25 Cunan ricuichic, ñuca yachani cancuna mana cuti ricuhuanata, cancuna ucupi Diospac Pachamanta yachachircani. Chairaicu, cunan cancunata rimanata ushani ñuca mana juchayuc cashcata, cancuna imapash tucunca rashcamanta, 27 Dios munashcata mana pacashpa tucui cancunata yachachishcaraicu. 28 Allita caranlla ricurishpa causanquichic, cancunaman Diospac Samai mincashca runacunatapash cancunata ricuc shina churashpa; chashna cancuna inishpa huancurishcacunapac michiccuna canquichic, pai paipac quinquin yahuarhuan chaita tuparca. 29 Yachani ñuca rishca huasha, cancuna ucupi millai atuc yaicumuna cashcata, paicunamanta mana quishpinquichichu, 30 cancunamantapash maicancuna tiyancami Diosmanta yachashcata pantashcahuan yachachiccuna, paicunahuanmi yachachishcacunata aisashpa rinunca. 31 Chairaicu, yuyarishpa chapacuichic: yuyarichic quimsa huatata, tuta punchantin, huacashcahuan caran cancunata camachinata mana saquishcanichu. 32 Cunan Diospac maquipi, pai cuyashca Diospac Shimipipash cancunata saquini; paillami ushan cancunata jatunyachincapac, acllashcacuna japinata cancunapash japina ushancapac. 33 Mana pipac cullqui, mana pipac curi, mana pipac churana munashpa ricushcanichu. 34 Yachanquichic cancuna ñuca quiquin maquihuan llancashcata, ñucapacta, ñuca mashicuna mutsushcata tupancapac. 35 Tucuipi cancunata ricuchishcani ima shina llancana canchic mana imayuccunata yanapancapac, cai Apunchic Jesuspac shimicunata yuyarishpa: Cuyana chasquinamanta ashtahuan yalli cushita apamun. 36 Rimanata tucuchishca huasha, tucuicunahuan cuncurishpa Dios-huan rimarirca. 37 Tucuilla huacaranurca, Pablota ucllarishpa muchanurca; 38 yapa llaquirishca canurca pai mana cuti ricuhuanquichichu rimashcaraicu. Chai huasha barcocama paihuan rinurca.
1 Paicunamanta llushpirishca huasha, cutillata yacuta rishpa Cosman cusca rircanchic; cayantiman Rodasman rircanchic, chaimanta Pataraman, Miramanpash pactarcanchic. 2 Chaipi shuc barcota Feniciaman riracta tarishpa chaipi yaicushpa rircanchic. 3 Chipre islata ricurcanchic, chaita lluqui maquiman saquishpa, Siriaman ñahuichashpa catircanchic. Tiropi llutarircanchic, chai barco quipicunata chaipi saquina cashcaraicu. 4 Chaipi yachachishcacunahuan tuparircanchic chairaicu canchis puncha paicunahuan saquirircanchic. Diospac Samai paicunata rimashcaraicu, Pablota Jerusalenman ama richun nishpa camachinurca; 5 chashna cacpipash, semana tucurishcapi paicunata saquishpa, hucanchic rirashcaman catircanchic. Tucuilla, huarmicuna huahuacunantin llacta canchacama ñucanchihuan rinurca. Tiyupi Dios-huan rimarincapac cuncurishca huasha, 6 paicunamanta anchurircanchic, barcoman yaicurcanchic, ranti paicunaca huasiman ticranurca. 7 Tiromanta Tolemaidaman rircanchic, chashha ñucanchic purinata tucuchircanchic. Huauquicunahuan chaipi tuparishpa, shuc puncha paicunahuan saquirircanchic. 8 Cayantiman llucshishpa Cesareaman pactarcanchic; Diospac Shimita yachachishpa puric Felipepac huasiman rircanchic, paica canchispuramanta acllashca mari carca; chai huasipi saquirircanchic. 9 Paipac chuscu ushushicuna mana sahuarishca saquirinushcarca, paicunaca profetacuna canurca. 10 Chaipi ñucanchic ña unainayata tiyacushcapi Agabo shutiyuc profeta Judeamanta shamushca; 11 ñucanchicta ricuncapac pactamurca. Pablopac chunpita japishpa, maqui chaqui huatarishpa, rimarca: —Caitami Diospac Samai riman: Cai chunpipac amuta cashnami Jerusalenpi judiocuna huatanunca, Diosta mana ricsiccunaman paita cununca. 12 Chaita uyashpa, ñucanchic chaipi tiyaccunapash Pablota Diosmanta mañarcanchic ama Jerusalenman richun nishpa; ranti Pablo cutipaica: —Yancamanta huacacpi cancunata allichu yachin, shuncuta pantachinayahuanquichichu. Apunchic Jesusraicu mana jillai huascallatachu aparina yuyaita charini, ashtahuan Jerusalenpi huañuchi tucushami. 14 Mana saquichipac tucushpa, casula ricurcanchic, rimashpa; —Dios munashca shina tucuchun. 15 Allichina punchacuna tucurishca huasha Jerusalenman rircanchic. 16 Cesareamanta maican yachachishcacuna ñucanchihuan rinurca Nasonpac huasipi saquicrinacama; paica Chipremanta carca, callarishcamanta yachachishca runa; paipac huasipi saquirircanchic. 17 Nucanchic Jerusalenman pactashcapi cushihuan huauquicuna chasquinurca. 18 Cayantiman Pablota Santiagopac huasicama ñucanchihuan pusharcanchic, chaipi tucui pushaccamacuna tantarishca canurca. 19 Pablo paicunahuan tuparirca, chaipi rimarca tucui paipac maquihuan Dios rurashcata, Diosta mana ricsic ucupi. 20 Pai rimashcata uyashpa, Diosta chacchanurca, paitaca rimanurca: —Huauqui, canllata ricunqui chai tucui huaranca judiocuna ininaman llutarishcata, shinapash tucuilla Camachic Quillcata cuscata pactachishpa catic canun 21 Cuti canmantapash ansa rimashcata uyanushca: canshi Diosta mana ricsic ucupi causac judiocunata, Moises yachachishcata jichuncapac camachinqui; churicunapac ullu carata pitincapac mana munashpa, rucucunamanta yachaicunata mana pactachina rimashpa. ¿Imata ruracpimi alu tucunca?. 22 Shuc tantarinata rurancapac cayacpi alli tucunca yachin, mana unaipichu can shamushcata yachanunca; 23 chairaicu ñucanchic rimashcata uyana tucunqui: Nucanchicmanta chuscu runa cushca shimita pactachina canun; 24 paicunata canhuan pushai, paicunahuan sasicrinqui, paicuna accha pitirishcamanta cullquita cui; chashnami yachanunca canmata rimashca mana shuti cashcata, ashtahuan chaipimi ricununca canpash camachic quillca rimashcata pactachicushcata. 25 Ininapi mushu callarishcacunamanta rimacpi, quillcancami racunchic ñucanchic rimarishcapi yuyarishcata: ama micunuchun huacacunapacta huañuchishca aichacunata, sipishpa huañuchishca aichacunatapash, llutarishpalla causanatapash saquinuchun. 26 Chashna Pablo cayantiman, chai runacunata paihuan pushashpa, sasicrirca, Diospac huasiman yaicurca sasina puncha tucurishcamanta camarita ricuchina cashcamantapash rimancapac. 27 Canchis puncha pactanca rashcapi, Asiamanta judiocuna, Diospac huasipi paita ricushpa, runacunata cariyachishca huasha, Pablota japishpa, 28 caparinurca: —Israelitacuna, ñucanchicta yanapaichic: Cai runami maipipash ñucanchicmanta mana allita rimac, ñucanchic camachic quillcamanta cai allpamantapash mana allita yachachishpa puric can. Chairapash maican Greciamanta runacunatapash cai Diospac huasipi yaicuchishca, pai sumac cashcata huacllichishpa. 29 Chaita rimanurca llactapi Efesomanta Trofimo Pablohuan puricushcaraicu; chairaicu Diospac huasiman yaicuchishcami yuyanurca. 30 Llactapi tucuilla piñarinurca, achca runa ricuncapac rinurca, Pablota japishpa Diospac huasi canchaman aisashpa shitanurca, puncucunata utcalla quillpashpa. 31 Paita huañuchincapac yuyaricushcapi, soldadocunapac apuman tucui Jerusalen llacta runacuna jatarishca shimi pactarca. 32 Utcalla soldadocunata paipac apucunantin japishpa callpashpa rirca. Soldadocunata paipac apuntin ricushpa, Pablota huactacushcamanta saquinurca. 33 Soldado apu Pabloman mayanyashpa, paita japirca, ishcai jillai huascahuan huatachirca, chai huasha pi cashcata yachancapac, ima rurashcata tapurca; 34 ranti runa ucumanta caranlla chican shimita capariranurca. Mana imatapash yachanata ushashpa yapa tulupushcaraicu, soldadocunapac huasiman pushachirca. 35 Chacana siquipi pactashcapi, soldadocuna marcashpa pushanurca runacuna yapa piñarishcaraicu; 36 chashna cashpa runacuna huashamanta: Huañuchi nishpa caparishpa shamuranurca. 37 Ña soldado huasiman yaicuchinca racushcapi soldado aputa Pablo rimarca: —¿Ishcai shimillapash canta rimanata ushanichu? Soldado apu cutiparca: —¿Griego shimita rimanata yachanquichu? 38 ¿Shinacpi manachari chai cunanlla chuscu huaranca runacunata cariyachishpa chunlla allpaman paicunahuan ric Egiptomanta runachu canqui? 39 Pablo cutiparca: —¿Pi, ñuca? Ñucaca Tarsomanta judio runami cani, Ciliciamanta maipipash uyarishca llacta; Diosmanta rimani, cai runacunata ansata rimana munani. 40 Chai soldado apu: ari, nirca. Pabloca chacanapi shayaranlla; runacunata maquihuan ricuchirca. Tucuilla chun saquirinurca, chaipi paipac quiquin shimipi paicunata rimarca:
1 —Ñucapac yayacuna, huauquicuna, uyapaichic ñuca quishpinamanta rimanca rashcata. 2 Paicunapac quiquin shimipi rimacpi uyashpa, ashtahuan yalli munaihuan uyashpa saquirinurca. Pablo rimashpa catirca: 3 —Ciliciamanta Tarsopi pacarishca judio runami cani, shinapash cai llactapi huiñashcami cani; Gamaliel yachachishcami cani, ñucanchicpac yayacunapac Camachic Quillca allita pactachinapi yachashpa huiñacmi cani. Diosta ininapi yapa sinchita, cancuna cunan caticushca shinami catic carcani. 4 Ñucallata cai mushu ininata chincachina yuyaihuan millarcani, cari huarmicunantin japishpa chunta curralpi satichircani. 5 Ñuca chashna cashcamanta ricuyac canunmi pacri yayacunapac apu, rucucuna tantarishcapash. Paicunami Damascomanta huauquicunapacta quillcata cuhuanurca; chaiman rircani chai runacunata tupashpa, Jerusalenman japishpa apamuncapac, chaipi ñacachi tucuncapac. 6 Ña Damasco mayanlla cashcapi cuncaimanta, chaupi puncha cashcapi, shuc jatun achic jahua pachamanta shamushpa, ñuca mayanpi llinpiyarca. 7 Allpapi urmashpa, shuc shimi cashna rimacushcata uyarcani: "Saulo, Saulo, ¿canchu chashna piñashpa catihuanqui?". 8 Ñuca tapurcani: ¿Canca pita canqui, Apunchic? Pai cutipahuarca: "Nucami can pinashpa japinayashca Nazaretmanta Jesus cani". 9 Nucahuan riraccuna chai llinpiyashcata ricunurca, ranti mana atipanurca ñucata rimacushcata. 10 Ñuca rimarcani: Apunchic, ¿imatami rurana cani? Apunchic cutipahuarca: "Jatarishpa Damascoman rilla, chaipimi tucui can rurana cashcata rimanunca". 11 Achic llinpiyashcamanta ñausa cashcaraicu, ñuca mashicuna Damascoman maquimanta aisashpa pushahuanurca. 12 Shuc runa Ananias shutiyuc, Camachic Quillca rimashca shina alli shuncuyuc runa, Ilactamanta tucui judiocuna rimashcaraicu, ricuc shamuhuarca; 13 ñucaman mayanyashpa, rimahuarca: "Huauqui Saulo, canpac ñaihui cutillata alliyachun". Ñuca chaillapita paita ricuna usharcani. 14 Chashnapi pai rimarca: "Ñucanchic rucucunapac Dios pai munashcata canta ricsichinayashca, Cusca Runata ricuchun munashca, paipac shimitapash uyachishca. 15 Cunanmanta paipac ricuyacmi canqui tucui runapac ñaupacpi, can uyashcamanta ricushcamantapash. 16 Ña cunan ama yanca tiyacuichu; jatari, bautismota chasqui, canpac juchacunata maillai, paipac shutipi mañashpa". 17 Jerusalenman ticrashcapi, Dios-huan paipac huasipi rimaricushcapi, shuc nuspaita charircani. 18 Chaipi Apunchicta ricurcani, pai ñucata rimahuacurca: "Utcalla Jerusalenmanta ri, mana uyanuncachu can ñucamanta rimashcata". 19 Ñuca paita cutiparcani: Apunchic, paicuna yachanun mari tantarina huasicunapi, ñuca canta iniccunata japishpa purishcata, paicunata macachincapac; 20 chairapash, canpac ricuyac Estehanpac yahuarta tallichicushcapi, chaipi ñuca carcani, paicuna rurashcahuan cushiyashpa, paicunapac churanata charicurcani. 21 Ranti Apunchic rimahuarca: "Ri, ñucami canta caruman cachanca rani, Diosta mana ricsic llactacunaman". 22 Chai tucuita rimanacama uyanacurca, ña chai huasha caparinurca: —Ñucanchic ñahuimanta chai runata anchuchi, causancapallapash mana allichu. 23 Jahua churanata lliquirishpa, ushpata jahuaman shitashpa capariranucpi, 24 soldadocunapac apu huasi ucuman yaicuchirca, paita llipachishpa rimachincapac imaraicuta paimanta chashna caparinacun. 25 Ña paicuna macancapac sumacta huatashcapi, chaipi shayacuc soldado aputa tapurca: —Shuc romano runata mana taripashpapash, ¿ushanquichicllachu macancapac? 26 Chaita uyashpa, chai soldado apu aputa rimacrirca: —Allita yachashpami imatapash rurana canqui, chai runa romano mari can. 27 Jatun apu paipacman rishpa, tapurca: —¿Alli shuti pachachu romano canqui? Pablo cutiparca: —Shutimi. 28 Cuti jatun apu rimarca: —Yapalla achca cullquitami romano tucuncapac curcani. Pablo paita cutiparca: —Ranti ñucaca pacarishcamanta charini. 29 Macanca racuccuna utcalla anchurinacurca, chai jatun apullata upata mancharirca shuc romano runata jillai huascahuan huatachishcaraicu. 30 Cayantiman, imamanta judiocuna chashna juchachiranun nishpa yachanayashpa, cacharirca, pacri yayacunapac apucunatapash tantachichirca, Pablota uraicuchishpa paicunapac ñaupacpi shayachirca,
1 Pablo Rucucuna tantarishcaman ricushpa, rimarca: —Huauquicuna, cunancama Diospac ñaupacpi cuscata purishcani. 2 Chashnapi, pacri apu Ananias paita yanapaccunahuan shimipi huactancapac cacharca. 3 Pablo chaipi rimarca: —¡Yanca yuracyachishcalla aya jutcu, Diosmi canta huactanca! ¿Camachic quillca rimashca shina taripancapac caipi tiyacushca, huactachina allichu, ñucata macashcahuan Camachic Quillcata huacllichicunqui mari? 4 Chaipi tiyaccuna rimanurca: —¿Canchu Diospac pacri aputa pinanqui? 5 Pablo cutiparca: —Huauquicuna, mana yacharcanichu pai pacri apu cashcata. Ari, shutimi, Quillca chashna riman: "Ama piñashca shimihuan canpac aputa rimanquichu". 6 Pablo yacharca chaupi runa saduceocuna, chaishuc chaupi runa fariseocuna cashcata, chairaicu tucui Tantarishca ucupi caparirca: —Fariseocunapac churi cashpa, fariseomi cani, cancuna taripahuacunquichicmi huañushcamanta causarinata chapashcaraicu. 7 Pai chashna rimashca shinalla piñanacui tiyarca fariseocuna saduceocunahuan; chairaicu tantarishcacuna ishcaipi raquirinurca. 8 (Saduceocuna rimanun huañushcamanta causarina illanmi nishpa, angelcunapash illanmi, ima samaipash mana tiyanchu nishpa rimanun, ranti fariseocunaca tucui chaicuna tiyanmi nishpa rimanun). 9 Tucuilla capariranurca, fariseocunamanta maican Quillca yachachiccuna shayarishpa, piñarishcahuan rimanurca: —Mana ima juchatapash cai runapi tupanchic. Shinacpi, ¿alli shuti pachachu shuc angel, shuc aya imapash paita rimashcata yachanquichic? 10 Paicuna piñarishca ashtahuan yalli sinchi tucurca. Pablo piti piti rai tucunata manchashpa, soldado apu soldadocunata cayachirca, chaimanta surcushpa pucaraman pushancapac. 11 Cayantin tutapi Apunchic Pablota ricurishpa, rimarca: —Sinchicui. Can Jerusalenpi ñucaraicu rimashca shina, chashnallatami Romapipash rimana canqui. 12 Ña pacarishcapi, maican judiocuna shuc tantarinata charinurca, chaipi sumacta yuyarishcahuan shimita curinurca ama micuncapac, ama upiancapac Pablota huañuchinacama. 13 Shimita curiccuna chuscu chunca yalli canurca. 14 Pacri apucunapacman rishpa rimacrinurca: —Sumacta yuyarishcahuan shimita curishcanchic ama imallapash micuncapac Pablota huañuchinacama. 15 Cunanca cancuna soldado Aputa mañaichic cancunapacman pushamuchun pai rurashcamanta ashtahuan allimanta ricuncapac nishpa, ñucanchicta caipi chapacushunmi chaira mana pactashcallapita huañuchincapac. 16 Ranti Pablopac panimanta huahua, paicuna huañuchina munacushcata yacharca; soldado huasiman rirca, paicuna yaicuchicpi, paica Pablota rimacrirca. 17 Pablo shuc soldado aputa cayashpa nirca: —Cai huanprata canpac jatun apupacman pushashpa ri, paita shuc shimita rimanayan. 18 Chai soldado apu jatun apupacman pusharca, chaipi rimarca: —Japishca Pablo cayahuarca, canpacman cai huanprata pushamuchun nishpa mañahuarca, cantashi shuc shimita rimanayan. 19 Chai jatun apu maquimanta japishpa, chicanman pushashpa, tapurca: —¿Shutichu rimanata charinqui? ¿Imata can? 20 Chai huanpra rimarca: —Judiocuna rimarinushca canta caya puncha mañashpa apu tantanacuiman Pablota pushachincapac, pai rurashcamanta ashtahuan allimanta ricuncapac nishpa. 21 Chaitaca ama uyanquichu, paicunaca miticushpami chapanca ranun paicunamanta chuscu chunca yalli runa tupu, Pablota huañuchinacama mana micuna, mana upiana sumacta yuyarishpa shimita curishcaraicu. Ñami chaparanun, canpa shimillami pishin. 22 Jatun apu chai huanprata caita mincashpa cacharca: —Ama pitapash rimanquichu chaimanta ñucaman rimashcata. 23 Chai huasha ishcai soldado apucunata cayashpa nirca: —Tuta iscun pachapi, ishcai patsac soldadocunata allichishcata charina canquichic Cesareaman rincapac, chaipipash rina canun sucta chunca soldado caballohuan, ishcai patsac tucsinahuan. 24 Pablo rincapacpash caballota allichina canquichic, chashna huainaru Felixpacman pactachina canquichic. 25 Shuc quillcatapash cashna shimicunahuan cacharca: "Claudio Lisias huainaru Felixpac ñaupacpi cai quillcahuan pactan, 26 caita rimancapac: 27 Judiocuna cai runata japinushcarca, ña huañuchinca ranurca; romano cashcata yachashpa, soldadocunahuan rishpa paicunamanta quishpichircani. 28 Imamanta juchachicushcata yachanayashpa, paipac apu tantanacuiman pusharcani; 29 chaipi yacharcani paicunapac Camachic Quillcamanta juchachiranushcarca, ranti paipac juchaca mana huañuchincapac, japishpa quillpancapac tupu mana jatunchu carca. 30 Chai huasha yacharcani judiocuna cai runata huañuchincapac chapacushcata, chairaicu canman cachacuni, paita juchachicuccunatapash rimarcani paicuna rimana cashcata canpac ñaupacpi rimanuchun". 31 Soldadocuna, rimashcata pactachishpa, Pablota japishpa, Antipatrisman tuta pushanurca; 32 cayantiman pucaraman ticranurca, ranti caballopi puriccuna paihuan rinurca. 33 Cesareaman pactanurca, quillcata huainaruman cunurca Pablotapash ricsichinurca. 34 Quillcata ricushca huasha maican suyumanta cashcata tapurca; Ciliciamanta cashcata yachashpa, 35 paita rimarca: —Canta juchachiccamacuna shamucpi canta uyashami. Herodespac huasipi ricui tucushca tiyancapac cachai tucurca.
1 Pichca puncha huasha pacri apu Ananias, maican rucucuna, shuc quillca runa, Tertulo shutiyuc, Cesareaman rinurca; chaipi Pablota juchachinurca. 2 Pablota cayachishca huasha, Tertulo cai shimicunahuan Pablota juchachirca: —Canraicu alli causaita charinchic, 3 tucui can cai llactamanta alli rashcacunaraicu pacrachunchicmi huiñaipac, jatun huainaru Felix. 4 Ranti mana yapalla quillachinata munashpa, canta mañanimi ñucanchicta uyancapac, canpac yachai, llaquishca shuncuhuan. 5 Tupashcanchicmi cai mana alli runa tucui cai pachapi tiyac judiopura macanacuchicushcata, chairapash paica nazareno nishca runacunata pushaccama can; 6 allita rimacpi, pai Diospac huasita huacllichincapac racushcapi japircanchic. 7 - 8 Canllata tapushpa camai, chaimi nucanchic shuti rimacushcata yachanqui. 9 Judiocuna chai shimi shutimi nishpa yanapanurca. 10 Huainaru ricuchishcahuan rimai nishcapi Pablo rimarca: —Unaimanta can allita taripashpa caticushcata yachashpa cai ñucanchic llactapi, ñuca quishpinamanta canta rimanayani. 11 Canllata shuti cashcata yachana ushanqui ima shina chunca ishcai puncha can ña cai Jerusalenman ñuca shamushca; 12 mana Diospac huasipi, mai llactapi, mai tantarina huasipi imapash mana ricuhuanacushcachu pihuanpash piñanacushpa shayashcata, runacunata cariyachicushcata imapash; 13 chairaicu, ñucata juchachicushcamanta canpac ñaupacpi mana ricuyaccuna tucuna ushanun. 14 Caita shuti canpac ñaupacpi, ari nishpa rimani: ñuca rucucunapac Diosta caticunimi cai ñanpita rishpa, paicuna chican yuyaita catic rimahuanun, camachic quillcapi, profetacuna rimashcata allipacha inishpa. 15 Paicuna chapacushca shinallata, ñucapash Diosmanta chapacuni, shuc puncha allicuna, manallicuna huañushcamanta causarinata. 16 Chairaicullata, Diospac ñaupacpi, runacunapc ñaupacpi chuya shuncuyuc causaipi causacuni. 17 Achca huata huasha diosmantata camaritapash cai ñuca llactaman apamurcani. 18 Chaita racushcapi Diospac huasipi tupahuanurca, camachic quillcapi rimashca shina chuya shuncuyuc tucushca carcani, chaipi mana ima runa piñarishpa jatarishca tiyarcachu. 19 Ranti Asiamanta maican judiocunami, cunan caipi canpac ñaupacpi juchachincapac shamuna canurca, imallapash juchachinata charishca cashpa. 20 Mana cacpi, caicunallata rimanuchun ima juchatami tupanurca ñuca apu tantanacui ñaupacpi taripai tucushcapi; 21 cai shimicunata shuti rimarcanimi: "Caipi taripahuanquichicmi huañushcamanta causarinaraicu". 22 Felix, chai mushu ñanpimanta alli yachashca cashpa, cai shimicunata rimashpa cacharca: —Soldado apu Lisias shamucpimi allipacha caimanta ricushun, 23 Pablota ricuncapac capitanta rimarca, chashnapash ama yapalla huashapi catirayashpa, paipac aillucuna ricuna munacpi ricunuchunlla. 24 Huasha punchacunaman Felix paipac huarmi Drusilantin shamurca, pai judio huarmi carca; Pablota cayachishpa Jesus Mesiaspi ininamanta rimachirca. 25 Ranti Pablo cusca causanamanta, aicha manashcacunamanta yallinata, huasha taripai tucunamanta rimashcata uyashpa, Felix mancharishpa rimarca: —Cunanshituca rilla. Shuc cuti cayashcanqui chari. 26 Felix chasnapash Pablomanta cullquita chaparca, chairaicu caran cuti paihuan rimarincapac cayachinurca. 27 Ishcai huata huashapi Porcio Festo Felix rantimanta shamurca; paica judiocunahuan alli saquirinata mimashpa, Pablota quillpashpa saquirca.
1 Cesareaman pactashcamanta quimsa puncha huasha, Festo Jerusalenman rirca. 2 Chaipi pacriyaya apucuna judio apucunapash Pablota juchachishpa rimancapac callarinurca. 3 Mana alli yuyaihuan shuc yanapaita shina Festota mañanurca, Pablota Jerusalenman pushancapac; chaicama paicunaca ñanpillapi huañuchishun yuyaranurca. 4 Ranti Festo Pabloca Cesareapimi quillparan nishpa paicunata cutiparca, paillatami utcalla Jerusalenmanta risha nuca. Chairapash rimarca: 5 —Cancunamanta apucuna ñucahuan rishun, chai runa imatapash juchallishca cacpi, paita juchachina ushanquichic. 6 Festo Jerusalenpi pusac punchachu, chunca punchachu saquirirca imachari, chai huasha Cesareaman rirca, Cayantiman taripana tiyarinapi tiyarishpa, Pablota cayachirca. 7 Pai shamushcata ricushpa, Jerusalenmanta shamushca Judiocuna paipacpi juntarishpa jatun juchallishcacunahuan juchachinurca, shinapash ricuyaccunata mana ricuchina ushanurca. 8 Pablo tucui paicuna rimashcamanta cashna rimashpa quishpicurca: —Judiocunapac Camachic quillcapi rimashcamanta mana pishiyashcanichu, Diospac huasita mana huacllichishcanichu, Romamanta Incatapash mana piñashcanichu. 9 Chashnapi Festo, judiocunahuan mashi tucunayashpa, Pablota tapurca: —Jerusalenman rishpa, ¿chaipi ñuca ñaupacpi taripai tucunata munanquichu? 10 Pablo cutiparca: —Incapac taripana ñaupacpimi cani, caipimi taripai tucuna cani. Mana imapipash judiocunata huacllichishcanichu, canllata pacta yachanqui. 11 Chairaicu, huañuchi tucuna tuputa juchallishca cashpa, ari, huañushami. Ranti paicuna rimashcamanta mana ricuyaccunata charishpa, mana pipash paicuna maquipi saquinata charihuanchu. Incapacman rina munani. 12 Festo paihuan taripaccunata tapushca huasha, cutiparca: —¿Incapacman rina mañanqui? Incapacmanmi rinqui. 13 Ansa puncha huashacunapi Cesareaman apu Agripa nishca paipac pani Berenicentin Festohuan tuparincapac pactanurca, 14 unainayata chaipi tiyashcaraicu, apu Festoman Pablomanta rimarca cai shimicunahuan: —Caipi shuc runata charinchic, Felix japishpa quillpashcata. 15 Ñuca Jerusalenman pactashcapi pacri apucuna rucucunantin pai juchallishcacunata ricsichihuanurca, mañahuanurca paita huañuchincapac. 16 Ñuca paicunata rimarcani ima shina romanocuna mana yancamanta shuc runata juchachiccunapac maquipi saquina yachashcata; ñaupac juchayuc runa juchachiccunahuan ñahuipurarina tiyana can, chashnami juchachishca runa quishpina shimicunata rimana: ushan. 17 Paicuna ñucahuan shamunurca, chaillapita taripancapac tiyarishpa, chai runata, cayachircani. 18 Ranti juchachiccuna paita mana ñuca yuyashca shina jatun juchacunahuan juchachinurca; 19 allita, ricucpi, paicuna ininamanta, shuc ña huañushca Jesusmanta Pablo causanmi riman; chaimantami. chicanyan paicuna yuyai. 20 Mana imatapash ruraipac tucushpa, paita tapurcani Jerusalenman rinayanman imachari, chaipi tucuncapac. 21 Ranti Pablo Incapacpi taripai tucunata mañarca. Chairaicu quillpashpa charinuchun mañarcani Incapacman cachanacama. 22 Agripa Festota rimarca: —Ñucapash uyanayaiman chai runata, Festo rimarca: —Caya paita uyanqui. 23 Cayantin puncha tucuilla yapa ricuchishcahuan Agripa Berenicentin taripana huasiman pactanurca, paicunahuan soldado apucuna llactamanta apucunapash rinurca. Festo Pablota cayachishpa 24 rimarca: —Apu Agripa tucui caipi tiyaccunantin, caipi cai runata ricunquichic; pairaicu tucui judio runacuna ñucata ricuncapac shamuhuanushca, caipi nicpi Jerusalenpipash, caparishcahuan maftahuanushca ama ashtahuan shuc puncha causachun. 25 Ñuca atipashcani, paita huañuchicta mana juchallishcachu; ranti, paillata Incapacman rinata mañashcaraicu, chaiman taripai tucuncapac cachanata yuyarishcani. 26 Chashna cacpipash, ¿imata nishpa chari Incaman paimanta quillcasha? Chairaicu tucui cancunata ricsichini, canta ashtahuan, apu Agripa, paita tapupaichi; chashnami imallapash quillcanata ushasha. 27 Ñuca yuyani yapa yuyai illac shinami tucusha, cashna japishca runata mana quillcapi pai juchallishcacunata churashpa cachashpa.
1 Agripa Pablota rimarca: —Canpac shimihuan canraicu rimai. Chashnapi Pablo, paipac maquita chutachishpa, cashna callarirca: 2 —Vapa cushiyani cunan canpac ñaupacpi, apu Agripa, ñucaraicullata quishpina shimita rimana ushashpa, chai tucui judiocuna ñucata rimashcamanta; ashtahuan cushiyani cunan canpac naupacpi ñucamahta rimana ushashcaraicu, 3 can yapa ricsic canqui manachu paipac yachaicunata. Chairaicu canta mañani allita atipashcahuan uyahuai nishpa. 4 Tucui judiocuna ricsinun ñuca causai ima shina maltamanta cashcata, ima shina ñucapac aillu ucupi cai Jerusalenllapita causarcani. 5 Paicunallatami rimanunca, munashpaca, huiñaipac ricsihuanacun; quiquin fariseo shina causashcani; chai ñanpita catina sinchi mari can. 6 Cunan caipi taripai tucucuni Dios ñucanchic rucucunata cushca shimita chapacushcaraicu. 7 Chai cushca shimita ñucanchic chunca ishcai aillucuna shuncuhuan Diosta tuta punchantin muchashpa pactana munanchic. Caita chapashcaraicumi, apulla, judiocuna juchachihuanun. 8 Ranti, ¿ima shina chari canquichic huañushcacunata Dios causachina ushashcata mana inina munaccuna? 9 Cunan ricuichic ñucallata callarishcapi yuyarcanimi tucui ushaicunahuan Nazaretmanta Jesusta yallinami nishpa; 10 chashna Jerusalenpi rurarcani: Pacu apucuna cachashcahuan, achca iniccunata japishpa quillpachircani, paicunata huañuchicushcapi yapa cushiyashcahuan ricurcani 11 Achca cuti, tucui tantarina huasicunapi pactashpa, achca ñacarinacunata churashpa, paicuna ininamanta chicanyachinata munarcani; yapalla pinari tiyahuacpi, caru llactacunapipash paicunata piñashpa japincapac rircani 12 Chashnapi, Damascoman rirashca ñanpipi, pacri apucuna cachashcahuan, 13 chaupi punchapi, jatun apulla, shuc achic jahua pachamanta shamushcata ricurcani, intimanta yalli llinpic, tucui ñucahuan riraccunantin japi tucurcanchic. 14 Tucuilla allpaman urmarcanchic; ñucaca hebreo shimipi rimashcata uyarcani: "Saulo, Saulo, ¿piñarishcachu cahuanqui? Yancamanta nanarinqui tucsinapi jaitashpa". 15 Ñuca cutiparcani: ¿Ricsinichu canta, Apunchic? Apunchicca rimarca: "Can piñashpa japinayashca Jesusmi cani. 16 Cunan jatarishpa allita atipanqui: Canta ricurimushcani canta acllancapac, ñucapac ricuyac tucuncapac caipi ricushcamanta, huasha canta ricuchinca rashcamantapash. 17 Canta tucuimanta quishpichishcanquimi, canpac aillucunamanta nicpi, Diosta mana ricsiccunamanta nicpi, paicunapacman canta cachani, 18 Canmi paicunapac ñahuita pascachinqui, chashnami tutapi causashcamanta achicta ricununca, supai japishcamanta Diosman ticranunca; chaimi, ñucapi inishpa juchacunamanta pichai tucuna Dios paipac churicunapacta huacaichicushcatapash tupanquichic". 19 Chai punchamanta, apu Agripa, cai jahua pachamanta nuspaita cuscatami catishcani. 20 Chairaicu, ñaupa Damascomanta runacunata, chai huashalla Jerusalenmantacunata tucui Judea llactamantacunatapash Diosta mana ricsiccunantin, rimashcani nanarishpa Diosman ticranuchun, huasha llaquicuna tiyana cacpipash ñaupacman catina yuyaihuan. 21 Chairaicumi judiocuna Diospac huasipi japishpa huañuchinata munahuanurca. 22 Ranti, Diospac yanapaihuanmi chaira causacuni rucucunata huahuacunatapash yachachina ushancapac. Mana imatapash yapachinichu profetacuna Moisespash tucunca rashcamanta rimashcata: 23 Mesias huañuna cashcata, pai huañushcacunamanta ñaupac causarishpa, achicta ricsichina cashcata paipa llactamanta runacunata Diosta mana ricsiccunatapash. 24 Pablo chaicama pai quishpina shimita rimashcapi, Festo caparishcahuan rimarca: —¿Nuspachu canqui, Pabio? ¡Can yapa yachashcahuan yuyai illac saquiricunqui! 25 Pablo cutiparca: —Mana nuspachu cani, apu Festo; ñuca: shimica cusca, shutimi can. Tucui caicunamanta apu allitami yachan, chairaicumi mana manchashcahuan rimacuni. Ñuca pacta yachani pai caicunamanta imacamapash yachashcata, mana chican cuchupi tucushcaraicu. 27 Apu Agripa, ¿profetacuna rimashcata ininquichu? Ñuca can inic cashcata ricsini. 28 Agripa paita cutiparca: —Ashtallata rimanquiman carca, cristiano imachari tucuiman. 29 Pablo paita rimarca: —Ansaraicu, achcaraicu imapash, Dios munanman, mana canlla tucui caipi uyacuccunantin, ñuca shina tucunquichiman...; jillai huascata chicanman saquishun. 30 Ña chashnapi apu jatarirca, huainaru, Berenice, tucui chaipi tantarishcacunantin; 31 ña anchuricushpa paicunapura cashna rimarishpa rinurca: —Cai runa huañuchi tucuncapac, quillpara charincapac imapash mana juchallishcachu. 32 Agripa Festota rimarca: —Mana Incapacman rinata mañashcapi, cacharinalla carca.
1 Italiaman ña rina rimashcapi, shuc soldado apu maquipi saquinurca Pablota chaishuc japishcacunantin; chai soldado apu Augusta shutiyuc legion nishcamanta carca, paipac shuti carcami Julio. 2 Adramitiomanta barcopi yaicurcanchic, Asia ñucñu yacu patata purincapac. Ñucanchihuan Aristarco rirarca, Tesalonica llactamanta macedonio runa. 3 Cayantin puncha Sidonman pactarcanchic; Julio yapa alli shuncuyuc cashpa, Pablota paipac aillucunata ricuncapac, paicunapacpi yanapai tucuncapac nishpa saquircalla. 4 Chaimanta llucshiccuna Chipre huasha shinalla rircanchic, huaira yapa huashaman tancanaraicu, 5 chaimanta Ciliciapac, Panfiliapac ñucñu yacucunata chinpashpa, Liciamanta Miraman pactarcanchic. 6 Chaipi chai soldado apu shuc Alejandriamanta barcota tuparca Italiaman riracta, chaiman sicachi tucurcanchic. 7 Achca punchacuna allimanta purircanchic, racushcapi Gnido mayanman pactarcanchic. Huaira mana alliman tancacpi Creta huasha shinalla rishpa catucanchic, Salmon allpa mucu uranillata. 8 Racushcapi, islata muyuchishpa Buenos Puertos nishcaman pactarcanchic, Lasea llacta mayanpi. 9 Yapalla unayarcanchic, sasina raimipash ña tucurishcarca; chairaicu yacuta purina manchaipac tuncucapac callarirca. 10 Chashnapi Pablo paicunata rimarca: —Mashicuna, yacuta rishpa catina yapa manchaipac tucunca rashcata ricuni; huacllishpapash mana quipicunalla, barcolla imapash huacllinuncachu, ñucanchic quiquin jinumi huanushun. 11 Ranti chai soldado apu Pablo rimashcata mana uyashpa, barcota pushaccamata ashtahuan yapa uyarca. 12 Chairapash, chai puncu tamia pachapi mana alli cacpi, tucuilla chaimanta anchurincapac rimanurca, Fenixman pacta usharincami nishpa, Africahuan, Corohuan ñahuipura saquirin; chaipi tamia pachapi quishpinata munanurca. 13 Uraimanta huaira jatarishcata ricushpa, paicuna munashcaman pactashunmi yuyanurca; barcota huatashcamanta llushpichishpa, Creta mayan shinalla rinacurca. 14 Ranti, manapash unaipi urcumanta sinchi huaira jatarirca, paicuna euroaquilon nishca. 15 Chai barco, huaira tancashca, mana sinchicuna ushacpi, huaira apashcaman shitai tucurcanchic. 16 Cauda shutiyuc isla huashaman tucushcapi, racushcapi shuc uchilla canuata japina usharcanchic. 17 Ña jahuaman sicachishca huasha, huascacunahuan canuata huatashpa sinchicuchinurca; Sirte tsatsapi ama chaquirincapac, shuc huanpuric caspita cacharircanchic. Chashna, huaira apashcaman shitai tucurcanchic, 18 Cayantiman, chaira huaira yapa sinchi cashcaraicu, chaupi quipicunata yacuman jichuna tucunurca. 19 Ña quimsa niqui punchapi paicuna quiquin maquihuan barcomanta jatun llachapacuna huascacunantin yacuman jichunurca. 20 Mashna puncha chari ña inti cuillurcunapash mana ricurinurca, chai huairapash mana shayarishcaraicu ña quishpina yuyai mana tiyarcachu. 21 Unai ña mana micuc causarcanchic. Chashnapi Pablo tucuipac ñaupacpi shayarishpa rimarca: —Mashicuna, ñucata uyashpa Cretamanta mana llucshishcapi, mana cashna llaqui mana imapash chincarina tiyana carca. 22 Shinapash, cunan cancunata rimani sinchicuichic nishpa; runaca mana huañunquichichu, barcollami chincarinca. 23 Rimanimi, cai tuta Dios ricurihuashcaraicu, paipacmi cani ñuca, paitapash yanapani, 24 caita rimahuarca: "Pablo, ama manchaichu, Incapac ñaupacman pactanquimi, ñuca canraicu tucui canhuan riraccunata huanunamanta quishpichinimi". 25 Chairaicu, sinchicuichic mashicuna; Dios rimashcata yapa uyani, pai rimashca shinami tucunca. 26 Shinapash shuc islapimi chaquirishun. 27 Chunca chuscu niqui tuta pactashcapi, Adriatico ñucñu cuchaman aisai tucushpa rirashcapi, chaupi tuta pactashcapi, barcota pushaccamacuna allpa mayanma rirashcata yachanurca. 28 Paicuna yacupi tupushpa camacpi quimsa chunca canchis metro cucha carca; ashtanipi cuti tupucpi ishcai chunca canchis carca. 29 Rumihuan imapash tacarinata manchashpa chuscu jillai sillucunata siquimanta yacuman shitanurca, chai huasha utcallapash pacarichun nishpa chapanurca. 30 Marinerocuna barcomanta miticunayashpa, shuc uchilla canuata huascacunata suniyachincapac nishpa uraicuchincapac callaricushcapi, Pablo barco capitanta soldadocunantin rimarca: 31 —Chaicuna mana barcopi saquiricpi, cancuna mana quishpinata ushanquichichu. 32 Chashnapi soidadocuna, chai uchilla canuata japirac huascacunata pitishpa urmachinurca. 33 Pacarincapac chapacushcapi, Pablo tucuicunata rimarca: —Ña chunca chuscu puncha mana imatapash micushpa, chapashpalla causacunquichic. 34 Causana munashpa, micuichiclla; mana pimantapash shuc acchallapash yanca urmashpa chincarincachu. 35 Chaita rimashca huasha, shuc tantata japishpa, tucuipac ñaupacpi Diosta pacrachushpa paquishpa micuncapac callarirca. 36 Tucuilla cariyashpa, paicunapash micunacurca. 37 Tucuipura ishcai patsac canchis chunca sucta runa carcanchic chai barcopi tiyaccuna. 38 Sacsacta micushca huasha, barcota ansata pancallachinurca, trigota ñucñu yacuman jichushpa. 39 Punchayashcapi, mana ricsinata ushanurca chai allpata; ranti shuc tsatsayuc tuyacata ricunurca, chaillapi imashnapash barcota chaquichincapac tucuilla yuyarinurca. 40 Jillai sillucunata yacupi cacharinurca; timonmanta huascacunatapash llushpichinurca; siquimanta jatun llachapata jahuapi huarcuchishpa, huaira tancashca allimanta tsatsaman mayanyanurca. 41 Ranti shuc jahuallapi tacarishpa, chaillapi chaquirinurca; barcopac punta saticta tucushpa, tanlla chaipi chaquirirca, ranti paipac siquica bacu huactashcahuan chausicurca. 42 Chashna tucucpi, japishcacunata huañuchincapac soldadocuna yuyarinurca ama pipash huaitashpa quishpichun nishpa. 43 Ranti soldado apu mana munarca, Pablota quishpichinaraicu; ashtahuan huaitana yachaccunata mayanman flaupac paicunata huaitachirca. 44 Chaishuccunaca caspi pala, imapipash yanaparishpa, allpaman llucshinuchun rimarca. Chashna rurashpa, tucuilla mana imapash tucushca, allicuna allpaman pactarcanchic.
1 Huañuimanta quishpishca huasha, ña yachai tiyarca chai isla Malta cashcata. 2 Chaipi tiyac runacuna mana maipipash ricushca alli shuncuhuan ñucanchicta chasquinurca. Achca ninata japishpa, chaiman cayai tucurcanchic, yapa tamia, chiri tiyashcaraicu. 3 Pablo caspi pallcacunata japishpa ninaman shitacushcapi nina rupaihuan shuc machacui llucshispa, Pablopac maquipi pilluricrirca. 4 Chaimanta runacuna, maquimanta machacui huarcuracpi ricushpa, paicunapura rimarinurca: —Cai runa huañuchic mari canca; ñucñu yacumanta quishpicpipash, ranti Dios mana munan ashtahuan causancapac. 5 Pablo maquita chausirishpa machacuita ninaman shitarca, mana imapash tucurcachu. 6 Chaishuccunaca punquishpa, cuncaimanta huañushca imapash urmancami nishpa chaparanurca; unainayata chapashca huasha, mana imapash tucucpi ricushpa, chaipi ranti shuc diosmi can nishpa rimancapac callarinurca. 7 Publio shutiyuc runa, chaimanta apu, chai mayanllapi paipac huasita charirca. Paica ñucanchicta chasquishpa quimsa puncha paihuan charirca. 8 Chai punchacuna jinu paipac yaya jatun uncui quichatapash charishpa, puñunapi siricurca. Pablo ricucrirca; pairaicu Diosta mañashpa, maquicunata paipac jahuapi churacpi alliyarca. 9 Chashnata ricushcaraicu, islapi tiyac shuc uncuccuna paipacman shamushpa alliyachi tucunurca. 10 Yapa llaqui tucurcanchic, ña ñucanchic rina pactarishcapi tucui ñucanchic mutsushcata cui tucuicanchic. 11 Quimsa quilla huashapi, chai isiapi tamia pachata quishpic barcopi yaicushpa rircanchic. Alejandriamanta carca; Castorpac Poluxpac huacacunata puntapi apai cacharca. 12 Siracusaman pactashpa, chaipi quimsa puncha saquirircanchic; 13 chaimanta, allpa mayan shinallata rishpa Regioman pactarcanchic. Cayantiman uraimanta huairamurca, chashna Pozuelosman ishcai punchallapi pactarcanchic; 14 chaipi huauquicunata tuparcanchic. Chaipi shuc semana tuputa saquichi tucurcanchic; chaimanta shuti Romaman pactarcanchic. 15 Romamanta huauquicuna, ñucanchic pactashcata yachashpa, Apio pacllaman Quimsa Huasi nishca pacllaman ricuc shamunurca. Pablo paicunata ricushpa Diosta pacrachushpa, cuti sinchicurirca. 16 Romapi pactashcapi, Pablota quiquin huasipi causancapac saquinurca, shuc paita ricuccama soldadohuan. 17 Quimsa puncha huasha, Pablo judio apucunata cayachirca. Paicuna tantarishcapi rimarca: —Huauquicuna, ñuca mana imata aillucunata rashcallapita, rucucuna yachachishcata mana pantachicucllapita, Jerusalenpi japi tucushpa romanocuna maquipi saquihuanurca. 18 Pai-cuna tapushca huasha, cacharinata munahuanurca, huañuchina tupu juchata mana juchallishcaraicu. 19 Ranti judiocuna mana munashcaraicu, Incapacpi taripai tucunata mañarcani, mana ansapash ñuca llactamanta runacunata juchachina yuyaihuan. 20 Cairaicumi cancunata cayarcani, cancunahuan rimarinata munashpa; allita rimacpica, Israel chapashcata ñucapash chapashcaraicumi cai jillai huascacunata aparani. 21 Paicuna cutipanurca: —Ñucanchic mana japishcanchichu Judeamanta canmanta rimashpa quillcamushcata, mana ima huauquipash caiman pactamushcachu canmanta mana alli rimashca shimihuan. 22 Imashna cacpipash, allimi canca canpac shimimanta jinu can yuyashcata uyana; yachanchic mari ima shina can yachachishca tucui pachapi mana allihuan chasqui tucushcata. 23 Tucui paicuna shuc puncha tantarincapac saquirinurca; pactashcapi ashtahuan achcanaya paipac huasiman ricuc shamunurca. Pai rimashcapi uyachirca Diospac Pachamanta; Jesusmantapash inichinayarca Moisespac camachic quillcata profetacunatapash yuyachishpa. Chashna tutamanta callarishpa tutacama rimarinurca. 24 Maicancuna pai rimashcata uyanurca, shuccunaca mana. 25 Pablo chai shimicunata rimacpi, judiocuna ña rinacurca, paicunapura sinchita rimanacushpa; chashnapi Pablo cai puchucai shimihuan paicunata rimashpa cacharca: —Alli shutipachami Diospac Samai ñucanchic yayacunata profeta Isaiaspac shimihuan rimashca: 26 "Chai runacunaman rishpa rimacri: Mashna uyashpapash mana atipanquichichu, mashna ricushpapash mana ricunquichichu, 27 paicunapac yuyai quillparishca cashcaraicu. Uyancapac sinchimi canun, ñahuita quillpanushcami ñahuihan ama ricuncapac, rinrihuan ama uyancapac, yuyaihuanpash ama atipancapac, ama Diosman ticrashpa ñucapacpi janpi tucuncapac". 28 Chairaicu uyapaichic, cai Diospac quishpina Diosta mana ricsiccunacpamanmi cachanca racunchic: paicuna shuti uyanuncami. 30 Pablo chaipi ishcai huata pai llancashcahuan causarca, tucui paipacman pactaccunata chasquishpa, manapi quillachishca. 31 Diospac pachamanta yachachic carca, Jesus Mesiasmantapash mana manchashpa yachachicurca.
1 Pablo, Jesus Mesiaspac runa, Dios cayashcaraicu apostol tucushca, Diospac Cushi Shimita yachachih-capac acllashca. 2 - 4 Cai Cushi Shimi cui ucunca rashcata profetacuna rimanushcarca, Dios quillcashca Shimipi; paipac Churimanta riman, runapi rimashpa yuyacpi, Davidpac aillumanta pacarirca; ranti, huañushcacunamanta causarishcapi Jatun Ushayuc Diospac Churi tucurca, Diospac Samai nurashcaraicu. 5 Apunchic Cristo Jesusraicu, apostol tucuna cuyaita chasquircani, tucui llactacunapi paipac shutiraicu inina tiyachun nishpa. 6 Diosta mana ricsiccuna ucuman cachamuhuashca, cancunapash chai ucumantallata canquichic, 7 Romantacuna; paicuna Jesus cayashca mari canun, Dios llaquishcacuna, cusca shuncuyuc tucuncapac cayashcacuna. Diospac cuyaita ganas causaitapash ñucanchic Yayamanta, Apunchic Cristo Jesuspac Yayamantapash charichic. 8 Tucuimanta ñaupac ñuca Diosta pacrachuni, Jesus Mesiaspac shutipi, tucui cancaraicu, tucui cai pactiapi cancuna inishcamanta yapa rimai tiyashcaraicu. 9 Dios-huan rimarishcapi cancunamanta yuyarihi; chaimahta Diosllata yachan, paitami muchani tucui shuncuhuan paipac Churipac Cushi Shimita rimashpa. 10 Tucui pachapi mañani cachahuachun cancunata ricucrincapac, pai chashna munacpi. 11 Yapa cancunata ricunayahuan, shuc Diospac Samaipac cuyaillapash cancuna sinchicuncapac chinpachiman. 12 Allita yuyacpi, cancuna ñucapash cariyanca ranchic tucuilla inishcata chaipuralla charishpa. 13 Cancunatami rimani, huauquicuna, achca cuti cancunapacman rinata yuyarishcani, ranti cunancama mana ushashcanichu. 14 Ñuca yuyaipi, Diosta mana ricsicunamanta allicunata pallashca shina, chashnallatami cancunamantapash japinata munarcani. Griegocunata, chican runacunata, quillcayuc "mana quillcayuc runacunatapash yanapana yuyaitami charini. 15 Chairaicumi cancuna Romamanta runacunaman-pash Diospac Cushi Shimita cusha nishpa yapa yuyarini. 16 Ñucata mana manchanayahuanchu cai Cushi Shimita rimaricapac; pai canmi paita iniccunata quishpichina Diospac ushai, tucuimanta ñaupac judiocunata, chai huasha griegocunatapash. 17 Cai Cushi Shimi ricsichicun ima shina Dios runacunata chuya shuncuyuc rurashcata inishcaraiculla, Dios quillcashca Shimipi rimashca shina: Chuya shuncuyuc runa ininamanta causanca. 18 Chashnallata jahua pachamanta ricsichicun ima shina Dios mana alli ñahuihuan ricucun, mana alli shuncuyuc cashcata tucui mana alli taripashcacunatapash, chai runacuna mana alli rashcahuan shuti shimita callpachishcata. 19 Tucui Diosmanta ricsishca pasacta ricunalla can: Diosllata ricsichirca. 20 Diosta mana ricuipac cashca, cai pacha rurai tucushcamanta pai rurashcacunapi yuyaihuan ricsi tucun: paipac ushai, pai Dios cashca; chairaicu mana quishpichi tucuna ushanun. 21 Diosta ricsishpapash, mana pai munashca shina paita chacchanurca, mana pacrachunurcapash; ranti, paicuna yapalla yuyaricpi paicuna shuncu huishtuyashca, ashtahuan ñausayarca. 22 Yapa yachacmi canchic rimashpapash, yuyai illaccunapac rimaita charinurca. 23 Mana huañuc Diosta huañucta ranurca, runa shina, pishcu shina, aichacuna shina, machacui shina ricuric huacacunata rurashpa. 24 Chairaicu, paicuna munashcapi jichushpa, juchallinapi Dios paicunata saquirca, pincaipaccunata rurashpa quiquin paicunapac aichacunallatatac huacllichinurca. 25 Paicunapac Dios llullanami; maquihuan rurashcacunata chacchanushca, jatunyachinushcapash, quiquin Huiñachicta chacchana rantimanta: ¡Huiñaipac pai bendisiashca cachun. Amen! 26 Chairaicu pai saquircalla paicuna aicha mañashcapi huatashca shina causanuchun: paicunapac huarmicuna ña mana carihuan yumarinurca, huaclli tucunurca; 27 caricunapash chashnallata: huarmihuan causanata saquishpa, caripura munarinurca; chashna paicuna aichallapita ñacarinurca, paicuna pantashcamanta. 28 Shuti shimita mana ricsinata munashpa, Diosta mana chasquinurca; paipash chashnallata, paicuna huacllishca yuyaipi saquirca, mana alli ruranuchun nishpa: 29 chairaicu palicunapi mana tiyan cusca taripana, huacllshca yuyaita charinun, cullquiyana yuyai, mana allicuna, chiquicui juntarishcacuna, huañuchina yuyaicuna, macanuna yuyai, umachina yuyai, mana imatapash rurana yuyai; mana alli shimicuna juntarishca canun. 30 Llulla shimicunata rimanun, Diosta camana munanun, carimi canchic rimanun, umachisiquicuna, mana allicunata rurancapac yapa yachaccuna. Yayacunata mana uyanun, 31 mana yuyarishicahuan ranacun, shimita mana pactachiccuna, llaquina illaccuna, mana llaquishcahuan imatapash ruraccuna. 32 Ricsinacun Dios rimashcata: chashna rurashpa causaccunaca huañuchi tucuna cashcata; chashna cacpipash, mana chaicunallatachu ruranun, ashtahuan mana alli rurashcacunata ricushpa, yapa cushiyanun.
1 Chairaicu mana quishpinata ushanqui, pi cashpapash, shuccunata taripashpa, Shucta taripashpa, canllata cautsayaricunqui, can taripacushcata canpash ruranqui. 2 Ranti yachanchic, Dios allita yachashpa, cautsayachishcata chashha ruraccunata. 3 Canca, mashi, ¿chashna ruraccunata taripanqui manachu? ¿canpash chashnallata ruracushpa, canca Dios cautsayachishcamanta quishpishachu yuyanqui? 4 Ashtahuan Dios alli shuncu, chapac, atipashpa ricucllatachu ricunqui? ¿ranti manachu atipanqui pai yapa alli shuncuhuan canta paiman ticrachun munashcata? 5 Ranti, canpac shuncuta sinchiyachishpa, mana alliyanata munashpa, canllata ñacarinacunata tantachicunqui, Dios taripana puncha cuscata taripancapac shamuna pachapi. 6 Paimi caran amu rurashca tuputa cunca. 7 Mana huañuna, jatunyachic ñanpita mashcashpa caticcunaman huiñaipac causaita cunca; 8 ranti, piñashpa shuti cashcata mana uyaccunaman, ashtahuan mana cusca taripanata caticcunaman, paicunapac sinchi ñacarinami tiyanca. 9 Huacai, ñacarinami tiyanca mana allita ruraccunapac, tucuimanta ñaupac judiomi ñacarinca, griegopash ñacarinata charincami; 10 ranti, jatunyanata ganas causaita allita rurac runamanpash Dios cuncami, tucuimanta ñaupac judioman, chai huasha griegoman, 11 Dios tucuicunata chaipuralla llaquishcaraicu. 12 Camachic quillcata mana ricsishpa juchalliccuna, Camachic quillcata mana ricsishpami huañununca; ranti Camachic quilicata ricsishpa juchalliccuna chai Camachic quillca rimashca shinami taripai tucununca. 13 Camachic quillcata uyashcallahuan mana pactarinchu, Dios-huan ailluyancapac pactachina mari can. 14 Allita uyahuaichic: Diosta mana ricsiccuna Camachic quillcata mana charinun; mana yachashpallata Camachic quillca rimashcata pactachishpa, paicunallata quiquinpac Camachic quillca tucunun; 15 chashna paicuna ricsichiranun shuncu ucupi Camachic quillca charishcata. Caran amupi paipac yuyai rimashcatapash ricsinun paicuna rurashcamanta allimi, mana allimi rimashcapi. 16 Runapura mana ricsishcata, Dios taripashca punchami ricsichinca; ñuca yachachishca Cushi Shimipi rimashca shina, Jesus Mesiaspac maquipi churashpami taripanca. 17 Ranti can, judiomi cani nishpa rimanqui, shuc Camachic quillcatami catini rimanqui, Diospi jatunyanqui. 18 Can Dios munashcata ricsinqui, Camachic quillcaca ashtahuan alli cashcata acllancapac canta yachachin. 19 Chairaicu ñausacunata purichicmi cani allipacha yuyacunqui, tuta ucupi ricuric achic, 20 mana yachaccunata yachachic, huahuacunata cusca ñanpita ricsichic, chashna yuyarinqui can yachashca shuti shimita Camachic quillcapi charishcaraicu. 21 Chashna chari, can shuccunata yachachic cashpa, ¿manachu canllata yachachirinata ushanqui? Mana shuhuana rimanqui, ¿canca manachari shuhuanquichu? 22 Shucpac carihuan shucpac huarmihuan mana causana rimanqui, chashna rimashpallata ¡canca ruranqui! Huacacunata millanimi nishpallata, paipac huasicunamanta shuhuanqui. 23 Camachic quillcahuan jatunyanqui, ranti mana pactachishpa canpac Diosta camicunqui. 24 Ari, Dios Quillcashca Shimipi rimashca shina, cancunaraicu Diosta mana ricsiccuna Diospac shutita piñanun. 25 Ullu carata pitina can Camachic quillcata pactachicpimi imallapipash canta yanapanca; ranti, mana pactachicpi mana imallapash yanapancachu. 26 Cashna yuyarishun, maicancuna mana pitishca cashpallata, Camachic quillcapi rimashcata pactachishpa, ¿manachu ullu carata pitishca tupullata jahuayachishca tucunca? 27 Paipac aichapi chai pitinata mana chasquishca runa, Camachic quillca rimashcata pactachic canta taripancami: canta Camachic quillcayuc, ullu carata pitishca cashpallata, mana pactachic. 28 Judio cana mana jahua cashcallata ricuchinachu, ullu carata piti tucunapash mana chaillapi tucurinchu; 29 mana, judio cashcata ucumanta llucshishcahuanmi ricsichina can; ullu carata pitichishcapash aicha ucumantami can, Diospac Samai rurashca, mana quillcapi rimashcaraiculla; pipash chashna causashpa Diospacpi yupaichashcami canca; runacunapacpica mana.
1 Shinacpi, ¿imallapipash yalli cashcata judio charinchu? ¿pai ullu carata pitirishca imapaclla allichu? 2 Allita ricucpica jatunmi. Tucuimanta yuyaricpi, paicunaman Dios rimashcacunata ricsichishcaraicu. 3 Maicancuna mana cuscata catishca ¿imananchu? ¿Paicuna mana cuscata catishca, Dios cusca rashcata huacllichicachu? 4 Chaita mana ansapash yuyarina canchic; Dios mana llullac can, ranti runacunaca tucuilla llullaccuna Dios Quillcashca Shimipi rimashca shina: Can shuti rimashcata ricsinuncami, taripai tucushcapi atinquimi. 5 Ranti, ñucanchic mana alli cashca Dios cusca cashcata jahuachicpi, ¿imata rimana tucunchic? ¿Dios mana cusca can piñarishcapi?, ¿ñucanchicta ñacachishcapi? Runa yuyaipi churashpami cashna rimani caita. 6 Mana ansapash chashnachu; chashna cacpi, ¿tucui pachata Dios taripanata ushanmanchu? 7 Ranti, ñuca llullashcaraicu, Dios cusca cashca ashtahuan jatunyachishca saquiricpi, ¿ñucata juchashpa rimanata ushahuanunchu? 8 Chashna cacpi mana allicunata rurana tucunqui alli rurashca ricurichun; maican llullaisiquicuna chaitami ñucanchic yachachinchic rimanun, chai shimicunamanta taripai tucunami canun. 9 Chashna cacpi, ¿yallichu canchic? ¡Mana ansallapash! Cunanshitu ricsichircanchic ima shina tucuilla, judiocuna Diosta mana ricsiccunapash, jucha ucupi causaranun, 10 chashna Dios Quillcashca Shimipash riman: 11 Shuc chuya shuncullapash mana tiyan, Diosta mashcancapac shucllapash yuyayuc mana tiyan. 12 Tucuilla pantashca purinacurca, tucui chincarinurca, shucllapash allita mana ruran, shucllapash. 13 Paipac tuncuri pascara aya jutcumi, pai rimashca shimicuna umachincapaclla canun. 14 Machacui janpita shimi ucupi apai cachanun, sinchi piñaicuna shimimanta llucshicun. 15 Yahuar tallincapac utcalla callpanun; 16 paicuna purishca ñanpita huacllinun, llushtiyaita saquinun, 17 alli causanaman rina ñanpita mana ricsinun; 18 paicunapi mana tiyan Diosta muchana 19 Ranti yachanchic, ima shina tucui Dios Quillcashca Shimipi, judiocunaraicu quillcan. Caihuan tucuicuna shimi quillpashca saquirinuchun, chashnallata tucuilla juchayuc cashcata ricsirinuchun. 20 Chairapash, mana pipash jucha illac saquirincachu, Camachic quillcata pactachircanimi nishpalla: chai Camachic quillcaca jucha tiyashcata allipacha ricsichic can. 21 Ranti cunan ricurcanchic chai Camachic quillca Profetacunapash yachachishcallata: Mana chai Camachic quillcallahuata Dios ñucanchicta cusca shuncuyuc, chuya shuncuyucta ruran. 22 Dios ñucanchicta cusca shuncuyucta ruran Jesucristopi inishcaraicu, chai inina tucuicunapac alli can, mana pitapash yallichishpa. 23 Tucuilla juchallishcaraicu, tucuicuna Diosmanta chicanyashca canun. 24 Ranti pai, cuyashpa, paipac quishpichinata cun, Jesucristo ñucanchipacta tarishcaraicu. 25 Ari, pai Dios Yaya, munashcarca Jesuspac yahuarhuan, ñucanchic inishcaraicu quishpinata tupachun. Chashna ñucanchicta yachachin Dios cusca cashcata. 26 Manachu ñaupaca, mashna juchallicpipash saquiclla carca: Chaica Dios chapana punchami carca. Ranti cai pachapi, Dios ricsichin pai cusca cashcata: pai cusca can, chuya shuncuyuc can; chasnallata cusca runata, chuya shuncuyucta ruran tucui Cristo Jesuspi iniccunata. 27 ¿Cunaca, ñucanchic jatunyashca tiyanchu? Tucurishcami. ¿Imaraicu? Mana Camachic quillcata pactachishcaraicu, ranti inishcaraicu. 28 Ñucanchic rimanchicmi, inishcaraicu runa cuti Diospacpi llaqui tucunchic nishpa, ranti mana Camachic quillcata pactachishcaraicu. 29 ¿Ima? ¿Diosca judiocunapacllachu? Chaishuc llactacunapacpash can. 30 Shuclla Diosmi tiyan, paimi inishcaraicu quishpichinca ullu cara pitishca judiocunata, mana pitichishcacunatapash. 31 Chashna cacpi, ¿inishcami Camachic quillcamanta yallichu can? Mana chaichu, ashtahuan Camachic quillcata sinchicuchicmi.
1 Cunan, ¿imatami rimashun ñucanchic Yaya Abrahanmanta? ¿Tarircachu imatapash? 2 Abrahan rurashcacunahuan jucha illac tucushca cashpa, jatunyarinata ushanmi; ranti Diospac ñaupacpi mana ushan. 3 ¿Chashnamanta Dios Quillcashca Shimita uyanayanquichu?: "Abrahan Diospi inirca, chairaicu Dios jucha illacta shina paita chasquirca". 4 Cunan ricushun; shuc runa imatapash ruracpi, cullquita mana cuyashca cui tucun, paiman cuna cashcata cui tucun. 5 Ranti, shuc runa juchamanta Quishpichic Diosta inicpi, Dios jucha illacta shina paita chasquin, pai mana imatapash rurashcallapita. 6 Cashnapi yuyarishpami, Davidpash cushiyai riman Dios cuyashcahuan jucha illac tucushca runata, pai mana imatapash rurashcallapita. 7 Cushiyanuchun mana alli rashcacunamanta Dios cuncarishpa, juchamanta quishpichishcacuna. 8 Dios mana cuti paipac juchamanta yuyarishca runa cushiyachun. 9 Cunan ricushun: ¿cai cushiyana ullu cara pitishcacunapacllachu can, mana pitishcacunapacpash cancachu? Ña rimarcanchic ima shina Abrahan ininamanta jucha illac tucushcata. 10 ¿Ranti chaica ullu cara pitirishca huashachu carca? ¿Ñaupactachu carca? Ñaupac, mana huasha. 11 Paipac aichapi ricurincapac cara pitinata chasquirca; Dios paipac ininaraicu ña jucha illac paita rurashcarca, chaira pai mana cara pitishpa, paita yaya ninun, Dios paicunapac ininatapash ricun jucha illac paicunatapash rurancapac. 12 Cara pitishcacunapac yayapash can, paicuna cara pitishca cashpapash, yaya Abrahan chaira mana cara pitishcapi charishca ininata catinun. 13 Abrahanta Dios shuc shimita curca, ashtahuan rimanchicman chari, paipac churicunaman shuc shimita curca, cai pacha paicunapacpi nishpa, caita mana Camachic quillcata pactachishcaraicuchu curca, pai ininahuan Dios-huan ailluyashcaraicumi curca. 14 Ranti cunan, chai rimashca shimi ñucanchicpi pactarincapac Camachic quillcata pactachina canchic, chaipi ña mana imanan inina. 15 Chashna cacpi, ¿chai cushca shimi pipacta canca? Camachic quillcapac yachaica cautsayachincapaclla can, ¿manachu? Camachic quillcahuan pantaicunahuan huiñaipac huancu purinun ishcanticuna. 16 Chairaicu inina ñanpi can, Diospac cuyaiman pushac mari can; chashnami Abrahanman cushca shimi tucui paipac churicunapi pactarin. Mana Camachic quillcapi rimashca churicunapaclla, Abrahanpac ininata caticcunapacpash. 17 Abrahanca tucui ñucanchipac yaya can, chashna riman Dios Quillcashca Shimipi: "Tucui runacunapac yayatami rurani". Huañushcacunata causaita cuc ñaupacpimi ñucanchic yaya can; pai chaira mana tiyaccunata tiyacpi shina cayan; Abrahanca chai Diospimi inirca. 18 Mana chapaipacta chapashcaraicumi, chai inina paita tucuicunapac yaya rurarca, quillcapi rimashca shina: "Chashnami canunca canpac miraicuna". 19 Ininapi catircalla, paipac aicha causaita mana cuna ushacpipash (shuc patsac huatata charirca chaipi), paipac huarmi Sarapash ña huahuata mana charina ushashcapi. 20 Chashna cashpapash Dios cushca shimimanta mana pantai yuyaita charirca, ashtahuan ininapi sinchi tucurca, Diosta jatunyachirca, 21 allipacha yuyarishpa pai rimashcata pactachincami, pai ushaita charishcaraicu. 22 Diosca chai ininata ricushpa jucha illac paita rurarca. 23 Mana cuncari tucurca. Dios Quillcashca Shimipi quillcara tiyaccuna mana pairaicullachu quillcashca canun; 24 ñucanchipacpash allimi canun, ñucanchipash ininchic Apunchic Jesusta huañushcacunamanta causachicta. 25 Pai ñucanchic juchacunaraicu japi tucurca, ñucanchic jucha illac tucuncapac causachi tucurca.
1 Ininaraicu, cunan jucha illac tucushcanchic, ña Dios-huan mana piñanacushca canchic Apunchic Cristo Jesusraicu. 2 Pairaicu cai ñucanchic causacushca Dios cuyashcata chasquircanchic, chairapash Diospacpi jatunyachi tucunata chapacunchic. 3 Chairapash: llaquicunata charishpa jatunyanchic, chai llaquicuna ñucanchicta sinchicuchinun; 4 sinchicunamanta, cui tucuna shamun; chaimanta ranti chapana shamun; 5 paica mana yanca chapanchichu, Diospac cuyai ña tallichi tucurca ñucanchic shuncupi, ñucanchicman cushca Diospac Samaihuan. 6 Cunan ricuichic, ima pachapita Cristo huañushca ñucanchiraicu: Ñucanchic chaira juchasapa, jucharaicu sanpayashca cashcapi. 7 Alli shuti jinu, shuc runaraicu ñucanchic causaita mana cunallachu can; shinapash, shuc alli runaraicu, pita yachashun quiquinpac causaita cuiman imachari. 8 Ranti Mesias huañurcami ñucanchiraicu, chaira ñucanchic juchasapa cashcallapita; chashnami ñucanchicta Dios yapa llaquishcata ricsichin. 9 Cunan, Mesiaspac yahuaraicu jucha illac tucushcanchic, chairaicullatami cunanca astahuan ñacachi tucunamanta pairaicu quishpishun, 10 Ñucanchic Diosta piñac cashcapi, paipac Churi huañushcahuan Dios-huan allichircanchic; cunanca ashtahuan paihuan allichishcaraicu, paipac causaimanta ñucanchicta quishpichincami. 11 Mana chaillachu: Apunchic Cristo Jesusraicu Diospi sinchi tucunchic, pairaicu Dios-huan ailluyashcanchic: 12 Cunan ricushun; shuc runaraiculla jucha cai pachaman pactashcarca, juchahuan huañui pactamurca; chai huasha huañui tucui pachaman pactarca, tucuicuna juchallishcaraicu. 13 Chaira Camachic quillca mana tiyarca, ranti jucha cai pachapi ña tiyarca. Camachic quillca mana tiyashcaraicu, paita mana uyashcamanta mana imatapash rimaipac tucurca; 14 ranti chashnallata runacunapi huañui tiyarca Adanmanta Moises-cama, paipac jucha mana Adanpac shiha cacpipash. Ranti, shuc Adanmanta yalli shamuna carca. 15 Chaita ricushuri, Diospac cuyai, mana runa urmashcata allichincapacllachu carca, ashtahuan yallitami rurarca. Shutimi, shuc runa pantashcamantalla achca runa huañun; ranti, Diospac cuyai ashtahuan yalli yancamanta juntarirca runacunapi, cai shuclla runaraicu; pai Jesucristo can; 16 Diospac cuyai mana ñaupa pantashcata allichincapacllachu carca, ashtahuan yallita rurarca. Shuc runalla huañuchic juchata apamurca, ranti Diospac cuyai juchamanta quishpinata cai juchasapa pachaman apamun; 17 Ari, shuc runa pantashcaraicu huañuna tiyarca, ranti quiquin causaipi causaccuna mana tupushca Diospac cuyaita, chuya shuncuyanatapash yancamanta shuc runaraiculla Diosmanta chasquinacurca: pai can Cristo Jesus. 18 Allita yuyaricpi, shuc runa juchallishpa, huañuita tucuicunapacta apamushca shina, chashnallata shuclla cautsayachi tucushpa ñacarirca; chashna pai tucuicunapacta causaita cuc quishpinata tarirca. 19 Caitami rimanayanchic: shuc runa mana uyashcamanta tucuilla juchasapa tucurcanchic, chashnallatami shuclla uyashcaraicu jucha illac achcacunata ruran. 20 Huasha japishca Camachic quillcallata, juchacunata mirachincapaclla alli carca; ranti, jucha achca tiyashcapi, Diospac cuyai ashtahuan juntarirca. 21 Jucha huañuipi runata charishca shina, Diospac cuyaipash quiquin causaipi causachinca; Dios-huan cuti ailluyachishca huasha, huiñaipac causaita cunca Apunchic Cristo Jesusraicu.
1 Tucui caimanta ¿ima yachachinallapash surcuipacchu? ¿Diospac cuyai achca shamuncapac ashtahuanchu juchallishpa catishun? Mana chashnachu can. 2 ¿Juchapac huañushcacuna paiman huatashca catincapac allichu canca? 3 ¿Caita cuncarincapac allichu canca? Bautismoraicu Cristo Jesuspi yaicurichishcacuna, paipac huañuipi yaicurishcacuna tucurcanchic. 4 Chai bautismoraicu Cristohuan panpai tucurcanchic paipac huañuita chasquina ushancapac; chashna Cristo huañushcamanta Yayapac ushaihuan causachi tucushca shina, ñucanchicpash chashnallata shuc mushu causaipi purina tucunchic. 5 Paiman llutarichishca saquirishcanchic paipac huañui shinallata charishcaraicu; shuti pachami chashnallata causarinatapash paihuan chasquishun. 6 Caita allita yuyaripaichic: Ñaupa ñucanchic cashca Cristohuan chacatai tucurca, ñucanchic aichamanta chaira juchapi huatarashcata llushpichincapac. 7 Huañushpaca juchamanta llushpirina mari tucunchic. 8 Cristohuan huañushca cashpa, paihuan causana cashcatapash ininchicmi. 9 Yachanchic Cristo, huañushcacunamanta causarishca huasha, mana cuti huañushcata, huañui chai huasha mana imatapash paita ruranata ushan. 10 Huañui paita yallinata ña mana ushan. Cristopac huañui, juchapac chicapac huañui mari carca; ranti paipac causana Diospacta causanami can. 11 Chashnallata cancunapash juchapac huañushca caichic, ranti Diospac causac Cristo Jesusraicu. 12 Chashna cacpi, jucha ña ama cuti amuyachun cancunapac ismuna aichata; ama pai mana alli ruranacunaman aisashcapi urmachichun; 13 cancuna aichapash juchata rurancapac ama yanapachun. Ranti, Diosman curichic huañush camanta causaiman ticramushcacuna shina; cancunapac aichacunapash Diosta yanapac canuchun. 14 Juchaca ña mana cuti yallincachu cancunata, mana Camachic quillcapi caticushcaraicu, ranti Diospac cuyaipi caticushcaraicu. 15 Cuti tapuni: ¿Mana Camachic quillcata caticushcaraicu juchallishunllachu? Mana chashnachu. 16 Cancuna pimanpash huatashca shina pai rimashcata uyancapac curishpa, cancuna paiman huatashca tucunquichic, pai rimashcatapash pactachina canquichic. Chai amu jucha cacpi, huañunaman rinquichic; ranti inina rimashcata uyashpa, chuya shuncuyuc causanata charinquichic. 17 Ranti Diospacraicu juchapi huatashca causashpapash, cancuna shucman amuyachi tucurcanquichic; rimacpica, Diosmanta chasquishca inina, paita tucui shuncuhuan caticunquichic. 18 Chaihuan, juchamanta llushpirishpa, chuya shuncu causanapi huatashca saquirircanquichic. 19 Runapi yuyarishpami rimacuni, cancuna caicunata mana atipana ushashcaraicu. Ñaupa cancuna aichahuan juchacunata rurashpa, mana alli juchacunapi huatashca saquirircanquichic, chaipi jatunyashpa; ranti cunan, cuscata causaichic chuya shuncuyuc tucunacama. 20 Cancuna juchapi huatashca causacushpa, allicunata rurancapac mana ansapash yuyarircanquichic. 21 Ranti, ¿yuyarinquichichu imallapash japishta chai cunan cancuna pincaipacmi rimashcata rurashcamanta? Chaica huañuiman pushacun. 22 Cunan ranti, juchamanta quishpichishca cashpa, Diosta yanapac canquichic. Cancuna llancashcahuan chuya shuncuyuc tucushpa rinquichic; puchucaipi ranti, huiñai causaita japinquichic. 23 Juchaca huañuiman ñucanchicta pushashpa pacrachun; ranti Diosca Apunchic Cristo Jesuspi huiñai causaita cuyan.
1 Cancuna, huauquicuna, Camachic quillcata yachanquichic. ¿Cuncarircanquichichu ima shina shuc runa causaillapi Camachic quillcata pactachina cashcata? 2 Sahuarishca huarmimanta rimacpi, paipac cariman Camachic quillca rimashca shina llutarichishca can pai causanacama. Ranti cari huañucpi, paica quishpira saquirin sahuarishcamanta. 3 Ranti, cari causacushcallapita, shuc carihuan llutarishpa, crusta paquin chai huarmi; ranti, cari huañushca huasha, shuc-huan sahuarishpapash mana crusta paquin. 4 Cancunahuanpash chashnallata tucurca, huauquicuna, Mesiaspac aichapi Camachic quillca cancunapac huañurca; chashnami shucpac maquiman rinata usharcanquichic, pai huañushcacunamanta causachi tucurca ñucanchic Diospacta Ilancancapac. 5 Ñucanchic causai aichalla cashcapi, juchaman urmachic munanaicunata Camachic quillca cariyachishca, cancuna aichapi huañuita tarpuchiranurca. 6 Ranti, cunan, ñucanchicta huatacushcapac huañushca cashpa, Camachic quillcamanta llushpirishca saquirinchic; chashnami shuc mushu causaihuan yanapanchic, ranti mana chai callari pacha Camachic quillcahuan. 7 Chashna cacpi, ¿Camachic quillca juchami nishpachu rimana canchic? Mana chashnachu. Ranti ñuca juchata mana ricsimanchu carcami Camachic quillca illashcapi. Mana Camachic quillca cashcapi, mana ricsiman carcani shuccunapacta munapayana mana alli cashcata, pai caita riman: "Shuccunapacta ama munapayanquichu". 8 Chai Camachic quillca rimashcata yachashpa, juchaca ñucapi tucui sami munapayanacunata churarca; ranti, Camachic quillca mana tiyacpi, juchaca huañushca carca. 9 Ñaupac, Camachic quillca illac causarcani; ranti, Rurai-nishca shamushcapi, juchata cuti causaita curca; 10 ranti ñucaca huañurcani; chaipi yachai tiyarca, causancapac cushca Rurai-nishca huañuita apamuhuarca. 11 Rurai-nishca tiyashcaraicu jucha ñucata umachihuarca, chai Rurai-nishcallahuata huañuita cuhuarca. 12 Chashna cashpa, Camachic quillca allimi can, Rurai-nishcapash chashnallata sumac, alli can. 13 Ranti, alli cashpallata chari, ¿ima paichu ñucata huañuchishcahuanca? Manapacha chashnachu. Juchami allipi yanapaita tarishpa huañuita cuhuarca. Chashnami, Rurai-nishcaraicu jucha maicama pai jucha cashcata ricsircanchic. 14 Yachanchic Camachic quillca samaimanta cashcata, ranti ñuca aichayuc, tulluyuc cani, huatara shina juchaman catushca. 15 Ima tucushcatapash mana mari yachanichu, rurana munashca allita mana ruranichu, ashtahuan ñuca millashca mana allita rurani. 16 Cunan, mana munashcata rurashpa, Camachic quillca alli cashcata yachani; 17 ranti, chai shuti, mana ñucachu mana allita ruracuni, ñuca ucupi tiyac juchami mana allita ruran. 18 Alli ruranata munashami, ranti mana rurashachu. 19 Allita yuyaricpi, rurana munashca allita mana ruranichu, ashtahuan mana munashca mana allita rurani. 20 Chairaicu; ñuca mana munashcata rurashpa, mana ñucachu mana allita ruracuni, ñuca ucupi tiyac juchami ruran. 21 Chairaicu caita atipashpa ricuni: alli cashcata ruranca racushcapi, cuti maquipi mana alli rurana shamuhuan. 22 Diospac Camachic quillcata ricushpa, ucupi shuti cushiyanimi; 23 ranti, ñuca aicha ucupi shuc camachic quillca tiyashpa macanacucun ñuca yuyashcahuan; chashnami cai ñuca aicha ucupi tiyac camachic quillcapi japi tucushca saquirini. 24 Achcatami llaquirini. ¿Ñuca ucupi tiyac huañuimanta quishpinata ushashachu? 25 Achcata Diosta pacrachushun Apunchic Jesucristoraicu. Shina cacpi, ñucallatami yuyaihuan Diospac Camachic quillcapi huatara cani, ranti aichahuan iuchapac camachic quillcapi huatara cani.
1 Chairaicu, Cristo Jesusman llutarishcacunapac ña mana tiyan cautsayachina. 2 Samaimanta causaita cuc Camachic quillca Cristo Jesuspi canta quishpichin juchapac huañuipac Camachic quillcamanta. 3 Caita Camachic quillca mana usharcachu, aicha yapa sanpa cashcaraicu. Dios rurarca: Paipac quiquin Churita cachamurca juchasapa aichata japishpa; chai aichallapitami chicapac juchata cautsayachirca. 4 Chashna, Camachic quillcapi mañashca ñucanchicpi pactarinata ushan, ña mana aicha mañashca shina ruranchic, ashtahuan Samai mañashcata ruranchic. 5 Aicha pushashca causaccuna, aichapac cashcata yuyarinun, chaita munanun; ranti Samai pushashca causaccuna, samai pushashcaman rinacun. 6 Aicha munashcacuna huañui canacun; ranti Samaimanta causai, ganas causai can. 7 Shuti pachami, aicha rurashca Diosta piñachincapac rurashcami can. Mana cushiyan, cushiyanata mana ushancachu Dios munashcata pactachishcahuan. 8 Chairaicu, aicha mañashcata rurashpa causaccuna Dios mañashcata mana pactachi ushanun. 9 Ranti cancuna mana aichapac canquichic, Samaipacmi canquichic, Diospac Samai mari cancuna ucupi causacun. Pipash Cristopac Samaita mana charishpa, mana Cristopacchu can. 10 Ranti, Cristo cancuna ucupi cashpa, jucharaicu aicha huañuiman ricpipash, samaica causacun Diospac cuyaipi cashcaraicu. 11 Cristota huañushcamanta causarichicpac Samai cancunapi tiyacpi, Jesusta huañushcacunamanta causarichic, cancunapac huañushca aichatapash causaita cuncami; cancuna ucupi causacuc paipac Samaihuanmi ruranca. 12 Chashna cacpi, huauquicuna, aichata mana imatapash cunata canchicchu, pai munashcatapash ama catishun; 13 pai rimashcata catishpa huañuimanmi rinquichicman; ranti cancuna, Samai yanapashcahuan, aicha rurashcata chincachishpa, causaitami charinquichic; 14 Diospac Samai pushashcata puriccuna, paicunalla Diospac churicuna canun. 15 Cancunaca mana huatara samaitachu chasquircanquichic manchanaman ticrancapac, churicuna tucuna Samaitami chasquircanquichic, paimi ñucanchicta "Abba, Yaya" rimachin. 16 Chai Samaillata ñucanchic samaita allipacha ricsichin ñucanchic Diospac churicuna cashcata. 17 Churicuna cashpa, japina caccunapash canchic, Diosmanta japinata chasquiccuna, Cristohuan japina cashcata chasquishun; cunan paihuan ñacaricushpa, paihuan jatunyachishcatapash chasquishun. 18 Alli shuti pacha, ñuca yuyarini cunan cai causaipi ñucanchic ñacaricushca manapacha tupuipacchu can ñucanchicpi huasha shamunca racuc jatunyachishcahuan. 19 Ailita yuyaricpi, tucui Dios rurashcacuna allipacha chaparanun achicman Diospac churicuna lluchshinuchun. 20 Nicpi, runacuna yancamanta llancana tucushpa, mana pai munashcaraicuchu chashna tucurca, ranti Dios chashna munashcaraicu. 21 Chashna cashpapash, pai huañuna cashcamanta llushpirinata chapacun, Diospac churicuna quishpina causaiman pactanacama. 22 Yachanchic tucui Dios rurashcacuna huacanun, ñacarinun, huachacuc shina, 23 Mana paicunalla, ñucanchicpash, ñucanchic charinata ricsichishpa Samaita cui tucushcacuna cashpapash, ucupi chunlla huacanchic, maican puncha Dios ñucanchic aichata quishpichichun, quiquin churicunata rurachun nishpa. 24 Cui tucushca quishpinata chapana canchic; ranti ricurashcata chapana, chaica ña mana chapaipacchu can: ¿ricuimanta amishcata chapaipacchu? 25 Shina cacpi, mana ricushcata chapancapac sinchita shayarishpami chapana tucun. 26 Chairapash ñucanchic sanpayashcapi Samai yanapac shamun, ñucanchic mana yachanchic imata jinu mañana cashcata. Chashnapi quiquin Samaillata jiquishcahuan mana rimashcahuan ñucanchiraicu mañan. 27 Ranti chai shuncucunata ricsicca yachan Samai imata mañacushcata, pai chuya shuncuyuccunaraicu Dios munashca shina mañashcamanta. 28 Ashtahuan rimacpi, Dios tucui imacunata paita llaquiccunapac maquipi, paicunapac allipac churan, paicunata cayashca mari pai quiquin munashcaraicu. 29 Pai ñaupacta ricsishcacunata, paipac Churi shina tucuna ushaita curca, quiquin pai shinata, achca huauqui ucupi pai tucuimanta ñaupac shayachun nishpa. 30 Chairaicu, ñaupacta acllashcacunata cayashpa, cusca runacunata ruran, chai huasha jatunyaita cun. 31 ¿Ashtahuan rimaipacchu? Dios ñucanchihuan cacpi, ¿ñucanchicta ushancachu pillaca?. 32 Chai Dios paipac Churillatata mana quishpichishpa, paita ñucanchiraicu ashtahuan cushpa, ¿manachu pairaicu ñucanchicman imatapash cunca? 33 ¿Pitac juchachinata ushanca Dios acllashcacunata, pai paicunata cusca runacunata rurashcata yachashpa?. 34 ¿Maicanllaca huañuiman cachana ushancachu? ¿Chaitaca Jesus Mesias rurancachu? Mana, paimi huañurca, ashtahuan rimacpi causarirca, paillata Diospac yachac maquiman tiyan, paillata ñucanchiraicu mañacun. 35 ¿Pillaca Cristo llaquishcamanta ñucanchicta llushpichinata ushancachu? ¿Camai tucushcachu ushanca, llaquirishcachu, piñashpa japishcacunachu, yaricai-chu, llushti causanachu, manchaipaccunachu, mircanuchu ushanca? 36 Cashna riman Dios quillcashca shimi: Canraicu tucui puncha huañunalla causanchic, huañuchincapac huacracunata shina ñucanchicta ranun. 37 Ranti tucui chaicunata yallishunmi ñucanchicta llaquicraicu. 38 Yachanimi ñuca, ima huañui, ima causai, ima samai ushaicuna, cunan causai, huasha tucunca rashca, ima cai pachamanta ushaicuna, jahuapachamanta cashpa, huaicu ucumanta cashpa, ima cai pachapi causac ima cashpapash, mana ushancachu Dios llaquishcamanta ñucanchicta llushpichincapac, chai llaquishcata tupanchicmi Apunchic Cristo Jesuspi.
1 Cristo Jesuspimi alli shutipacha cancunata rimani; ñuca yachaimi chaitaca chashnami nihuan Diospac Samaipi: 2 Ñuca charinimi shuc jatun llaquirinata shuc catinlla nanaitapash; 3 munaimanmi Diospacpi millai tucushpa, Cristomanta chicanyachishca canata judiocunapac allipac, ñuca llactamanta huauquicuna. 4 Paicunami Israel runa canun, paicunata Dios quiquin churicunata shina chasquirca, paicuna ucupipash Paillata samacun. Curishca shimicuna, Camachic quillca, chacchana, cusha nishcacunapash paicunapacmi. 5 Callari yayacunamanta huahuacuna canun, Cristo paicunamanta pacarishca can; pai, tucuimanta yalli, huiñaipac bendisiashca Dios. Chashna cachun. 6 Diospac shimi mana pactarishcachu mana rimana ushanchic mari, mana tucui Israelpac churicunachu Israel mirai canun. 7 Chashnallata, mana tucui Abrahanmanta shamuccuna paipac churicunachu canun, chaimanta pai cashna rimai tucurca: "Isaacpac churicuna canpac churicunami canunca". 8 Cashnami chaica rimanayan: Abrahanpac churi cashcaraicu mana Diospac churimi rimaipac mari; Abrahanpac churicuna canunmi Dios cusha nishcamanta pacarishcacuna. 9 Cusha nishca cashna nin: "Cai pacha shinapimi ticramusha, Saraca shuc churitami charinca" 10 Caipash tiyan: Rebecapash, ñucanchic yaya Isaacpac huarmi huicsayuc tucurca, 11 chaira chai ishcai huahuacuna mana pacarishcallapita, paicuna manarac allita, manallita, rashcallapita, Dios rimarca: "Rucumi quipapac runa tucunca". 12 Chashnami acllana Diosmanta" shamun, cayana mana rurashcamantachu can, cayac munashcamantami shamun. 13 Chaimanta Dios Quillcashca Shimipi cashna rimah: "Esaumanta yalli Jacobta llaquircani". 14 ¿Caipi rimashcata atipanquichicchu? ¿Dios mana cusca Taripacchu can? Mana chaichu. 15 Allita yachacpi, pai Moisesta cashna rimarca: "Ñuca munashcatami quishpichisha, ñuca munashcamantami llaquirisha", 16 Chashna cashpa, mana ñucanchic munashcaraicu, rurashcaraicu tucunca imapash; Dios-raicumi, pai ñucanchicta llaquishcaraicu. 17 Dios Quillcashca Shimipi faraonta riman: "Ñucapac ushaita ricsichincapac, tucui pachapi ñuca Shutita ricsinuchun nishpa, canta faraon shayachucani". Chashna cashpa mari Dios, llaquishcahuan ricun pai munashcata, pai munashcapac shuncuta sinchicuchin. 19 Cunanca rimahuanquichicmi: Pai munashcata ruracpi mana pipash rimacpi, mana piñarinmanca, ¿manachu? 20 ¡Ayalla runa! ¿Dios rurashcamanta rimancapac pita canqui? ¿Imaraicumi chashna rurahuarcanqui, allpa manca paita ruracta rimancachu? 21 ¿Manca-allpa llancac manachu chai sapiramantallata sumac ricuricta, yancalla mucahuata, imapash rurana ushan? 22 Ari, Dios pai ima shina piñarishcata, paipac ushaipash maicama pactashcata ricsichincapac, mana ushaipac chapashcahuan chaparca manalii runacunata. 23 Shuc mucahuacunahuan paipac Jatunyaita ricsichinayarca; alli rimacpi, ñucanchic, ñucanchicta ñaupacta ña allichishca jatunyachincapac. 24 Chaipacmi cayai tucushca carcarichic, mana judio ucumantalla, Diosta mana ricsiccunamantapash, 25 cashna profeta Oseashuan rimachirca: "Mana ñuca runata ñucapac rimashami, mana ñuca llaquishcata llaquinimi rimasha. 26 Mana ñuca ranachu canquichic rimai tucushcallapita, causac Diospac churicuna rimai tucunquichic". 27 Israelmanta rimashpa, Isaias cashna caparin: "Israel churicuna ñucñu yacumanta tsatsa shina achca cashpapash, ansa puchu quishpinunca; 28 Apunchicca cai allpapi paipac shimita utcalla pactachinca". 29 Cashnapash Isaias rimarca: "Tucuita Ushac ñucanchicta mana churicunata saquishca cacpi, Sodoma shina tucunchicman carca, Gomorra shina canchicman carca". 30 ¿Imata rimashun shinacpi? Diosta mana ricsiccuna chuya shuncu tucunata mana mashcashpapash, tarinacushcami. 31 Ranti Israel, Camachic quillcapi chuya shuncuyanata chapashpa, mana pactarca chai Camachic quillcaman. ¿Imaraicu? 32 Rurashcamantalla, mana ininamanta chapashcaraicu. Chaipi urmanurca, jarcacuc rumipi nictarishpa, Cristo 33 paimanta cashna rimashca tiyan: "Ricui, Sionpicmi shuc rumita tacarincapac churani, shuc urmachic caca; pipash paipi inina churashpa mana pantashca saquirincachu''.
1 ¿Huauquicuna, tucui shuncuhuan judiocuna quishpichi tucunuchun munani, paicunaraicupash Diosta mañani. 2 Paicunaraicu caita rimani: Yapami Diosta yuyarinun shinapash pantarishca atipashcahuan. 3 Mana atipanun ima shina Dios chuya shuncuyuccunata ñucanchicta ruran, ranti paicuna munashca shina chuya shuncuyuc tucunayanun, Chashna rurasha, Diospac ñanpita quishpilla purinun. Camachic quillca Cristoman purichin, chaihuanmi chuya shuncuyuc tucui iniccuna tucununca. 5 Camachic quillcamanta shamuc chuya shuncuyuc tucunamanta Moises cashna quillcan: "Maicanpash chaita pactachishpa, pairaicumi causanca". 6 Ranti, ininamanta pacarishca chuya shuncuyuc tucunamanta cashna riman: "Ama shuncu ucupi rimaichu: ¿pillaca jahua pachaman pactancachu?; rimacpica, Cristota uraicuchina yuyaihuan. 7 Ama rimaichupash: ¿pillaca huaicuman uraicuncachu?; rimacpica, Cristota huañushcamanta sicachina yuyaihuan". 8 Shinapica ¿imata nin? "Diospac shimi canpac mayanpi, canpac shimipi, canpac shuncupi tiyacun". Rimacpica, ñucanchic cushi shimita yachachishcamanta riman. 9 Canpac shimihuan Jesus Apunchicmi rimashcaraicu, canpac shuncupipash paita Dios huañushcacunamanta causachishcata inishcaraicu, quishpichi tucunquimi. 10 Shuncumanta inicta, Dios chasquinmi; ranti shimihuan rimacca quishpirami tucun 11 Chairaicu Dios quillcashca shimi nin: "Paita iniccunamanta mana pipash pantarishca tucununcachu". 12 Judio griegomanta caipi chicanyachishca mana tiyanchu; tucuilla chai Apunchicllata charinun, paita mañaccunata achcata cucmi can paica. 13 Chashna, Apunchicpac Shutita rimac quishpirami tucun. 14 Ranti, ¿Apunchicpac shutita rimaipacchu canca chaira paita mana inishpa? ¿Paipi ininata ushashunchu pai rimashcata mana uyashpa? ¿Uyaipacchu canca pipash paimanta mana rimacpica? 15 ¿Imashnata rimanunca mana cachai tucushca cashpaca?. Dios quillcashca shimipi cashna riman: "Cushihuan pactamuichic alli shimita apamuccuna". 16 Shina cacpipash, mana tucui allihuan uyanurca chai Cushi Shimita. Isaias cashna nin: "Apunchic, pillapash inircachu ñucanchic rimashcata". 17 Cashna cashpa, ininaca uyashcamanta shamun, uyashcaca Cristopac cushi shimi can. 18 Ranti ñuca tapuni: ¿Rimashcata manachu uyanurca? Ari uyanushcami. Diospac shimi nin: "Rimaccuna caparishca tucui allpapi uyarishcami, paicunapac shimi cai pachapi mai cuchucamapash pactashcami". 19 Ranti, chairapash tapucunimi: ¿Israel runacuna mana atishcaraicuchu can? Callarincapac, Moises rimashcata japini: "Ñucami mana llactallapash cashca llactamanta canta tunpachisha, yuyai illac llactahuanmi canta piñachichisha" 20 Isaiaspash astahuan riman: "Ñucata mana mashcaccuna tupahuanurca, mana ñucamanta tapushpa puriccunata ricurimurcani". 21 Rani, Israelmanta cashna riman: "Tucui puncha yanapana munarcani mana uyac piñarisiqui llactata".
1 Chairaicu tapuni: ¿Dios paipac runacunata jichushcachu canca? ¡Manapacha! Ñucallata Israel runa cani, Abrahanpac churicunamanta, Benjaminpac runa ucumanta. 2 Callarishcamanta Dios israelitacunata paipac runacunata rurashcarca; mana jichushcachu chai acllashca runacunata. ¿Manachu cuncarishcanquichic Eliasmanta Dios Quillcashca Shimipi rimashcata, ima shina pai Diospac ñaupacpi Israelta juchachishcata? 3 Pai rimacurca: "Apunchic, canpac profetacunata huañuchinacurca, altar nishcacunata huacllichinurca, ñucaca sapalla saquirircani; cunanca ñucatapash huañuchinayahuanun". 4 Dios paita cutiparca: "Canchis huaranca mana Baalpac ñaupacpi cuncuric runacunatami huacaichishcata charini. 5 Chashnallata cunanpash ansa Israel runacuna saquirinushca, Dios munashcaraiculla acllashcacuna. 6 Ranti Dios munashcaraiculla cashpa, mana paicuna rurashcaraicuchu carca. Chashna cashpa Diospac cuyai mana Diospac cuyaichu canman. 7 ¿Imata rimashun chaimanta? ¿Israel mana tarishcachu pai mashcacushcata? Acllashcacunaca tarinurcami, 8 ranti shuccuna mana atipac tucunurca, Dios Quillcashca Shimipi rimashca shina: "Dios paicunata yuyai illac samaita curca; paicunaman mana ricuc ñahuita curca, mana uyac rinritapash curca, cunan punchacama ama uyancapac". 9 Davidpash riman: "Paicuna sumac micunacun paicunallata huatachishpa urmachic ticta canuchun, chaipi paicuna ñacarinata tarinuchun. 10 Paicunapac ñahui puyuyashpa ña ama ricuchun, cumuyashca huiñaipac purinuchun". 11 Cutipash tapuni: ¿Mana cuti jatarincapacchu urmanurca? ¡Mana chaichu! Ashtahuan paicuna urmashcaraicu mari quishpichi tucuna Diosta mana ricsiccunaman pactamushca, chashna tucushcamanta Israel runacuna tunpanuchun nishpa. 12 Israel pantashcaraicu cai pacha yapa chariyuc tucurca, pai ansalla pantashcaraicu Diosta mana ricsic runacuna chariyuc tucunushca. Chuya shuncuyuc Israel tucucpi, ¿tucuicuna yalli charina cashcata yuyarinquichicchu? 13 Cancunata, Diosta mana ricsiccunata rimani: Diosta mana ricsiccunapacman cachashca cani, ñuca ruranapi ñuca ushashca tuputami rurani; 14 ñuca huaquin aillucuna cancunamanta tunpanuchun nishpami caita rurani, chashna maicanllatapash quishpinaman pushaiman nini. 15 Paicunata mayanman jichushcaraicu, tucui cai pacha Dios-huan ailluyarca, paicuna chuya shuncuyuc tucucpi, ¿imachari canca? ¡Huañuimanta causaiman chinpana! 16 Mushu ñaupac muyucunata Diosman cucpi, tucui huasha aparishca Diosman cushca saquirin. Sapi chuya shuncuyachishca cacpi, pallcacunapash chuya shuncuyachishca saquirinun. 17 Olivomanta maican pallcacuna piti tucunushca, ranti canca, shuc sacha olivo shina, paicuna rantimanta chai yurapi satichi tucushcanqui, chashna chai yura ancucunahuan, huiquihuan causanqui. 18 Ranti, ama jatunyaichu quiquin pallcacuna mana allichu canun nishpa; mana canchu sapita sinchicuchicunqui, ashtahuan sapimi canta sinchicuchicun. 19 Rimanqui imapash: "Ñucata satichincapacmi shuc pallcacunata pitinushca". 20 Allimi can. Mana inishcaraicu piti tucunurca, canca inina charishcaraiculla sinchicucunqui. Ama yapalla jatunyaichu, ashtahuan allita atipashpa causai. 21 Dios ashtahuan quiquin pallcacunata mana quishpichishca cashpa, cantapash mana quishpichincachu. 22 Chashna cacpi, Dios alli shuncu, cusca cashcata ricui: urmaccunahuan cusca carca pai, canhuanca alli, can alli causashcaraicu. Mana chashna cashpa, canpash piti tucunquimi. 23 Ranti judiocuna, inina cashcata mana piñashpa, satichi tucununcami: Diosca ushaita charin cutillata satichincapac. 24 Ashtahuan canta sacha olivomanta pitishpa, chican yuramanta cacpipash, alli olivopi satichinurca; ashtahuan paicunaca, quiquin olivomantallata cashpa, satichi tucununcallami paipac quiquin yurapi chai layallata yura cashpa. 25 Ñuca munani, huauquicuna, Dios ñucanchic mana yachashcata ruranca rashcata, ama cancuna judiocunamanta yallicmi canchic yuyarincapac: ansa Israel runa mana atipac tucushpa saquirinca ranun mana Diosta ricsiccuna tucuilla yaicunacama. 26 Chashnapimi Dios quillcashca shimipi rimashca shina tucui Israel quishpichira tucunca: "Sionmanta shuc quishpichic llucshinca, paimi Jacobpac churicunata tucui juchacunamanta pichanca. 27 Cashnami canca paicunahuan ñucahuan curishca shimi, paicunata quishpichishcapi. 28 Cushi Shimimanta rimacpi, paicuna piñarishca canun, cancuna allipac. Ranti, acllai tucunamanta nicpi, paicunata Dios llaquinmi paicunapac yayacunaraicu, 29 Dios acllashcata pai cuyashcacunantin mana quichunata ushan. 30 Cancuna Diosta mana uyac cacpipash, paipac llaquina cancunaman pactarca, judiocuna paihuan piñarishcaraicu; 31 chashnallata paicunapash cunan piñarishca canun cancunapacman paipac llaquina pactashcaraicu, paicunapash cunan tucuicunahuan llaquinata tupana ushancapac. 32 Dios tucui runata jucha ucupi churarca, tucuicunamanta llaquirincapac. 33 ¡Imapaclla achcata can tucui Dios charishca, paipac yuyai tucui pai yachashcapash!. Pai ruranca rashca mana yachaipac, paipac ñanpicunapash mana ricsipac canun. 34 Chaimanta rimacpi: "¿Maicanllaca yachashcachu Apunchcpac yuyaita? ¿Paita camachiccama tiyarcachu? 35 ¿Maicanllaca paiman imatapash curca pai cutichina cancapac?" 36 Alli rimacpi, tucui paimanta shamun, Pai rurashca canun, Paiman ticrana tucun. ¡Pai huiñaipac jatunyashca cachun!. Chashna cachun.
1 Cancunata mañani, huauquicuna, Diospac llaquirinaraicu paiman curichic causac camari shina: chaimi cancunapac samaimanta chacchana, 2 Ama cai pacha runacuna rurashcata catichicchu, cancunapac yuyaipi mushuyaichic. Chashnami. yachanquichic maicarimi alli quiquin Dios munashca can, maicanmi alli can, maicanmi allihuan Dios chasquishca can, maicanmi quiquin alli pactachishca can. 3 Dios cuhuashca cuyai ushaita cuhuan tucui cancunata rimancapac quiquin cancunallatata ama yapalla llaquirichicchu nishpa; paipac tupulla alli can, caranlla Diospacpi churai tucushcata yuyarichun. 4 Ñucanchic aicha cashcata. ricuichic: Achca uchilla aichacunayuc cashpapash, shuclla can: ranti mana tucuilla; shuclla llancanata charinun. 5 Ñucanchicpash chasnallata; achca cashpallata, shuclla aicha tucunchic Cristopi, tucuilla yanaparinchic. 6 Diospac: cuyaita caranlla chican layata charinchic; Dios chashnapac curca caranman. Dios cuyashcaraicu profeta cashpa, rimachun paipac inina yachachishcata. 7 Yanapanata cui tucushca cashpa, yanapachun; yachachinata cui tucushca cashpa, yachachichun; 8 camachinata cui tucushca cashpa, camachichun.: Chashnallata, mana mitsashcahuan cuna canqui; pushaccama cashpa, sinchicushpa pushachun; llushticunata yanapac, cushihuan yanapachun. 9 Ama llullashcahuan cuyai tiyachun. Mana allita millaichic, alli cashcata yapa ricuichic. 10 Huauquipura cuyanacuipi tucuipura cuyanacushcata ricsichichic. Muchanapi: caran amu chaishucta ashtahuan muchanata yuyaripaichic. 11 Ruranata pactachinapi: ama sanpayaichicchu. Cancunapac causaipi Diosta yapa yuyarishpa, Apunchicta yanapaichic. 12 Cushihuan chapanata chapaichic. Llaqui shamushcapi: ama piñarichicchu. Tucui pachapi Dios-huan rimarichic. 13 Mutsushpa causac iniccunahuan: cancuna charishcata paicunaman cuichic. Puriccunata cancunapac huasipi chasquichic. 14 Cancunata piñashpa japiccunata bendisiachic; bendi-siaehic, ama paicunata piñashcahuan ricuichicchu. 15 Cushi runacunahuan cancunapash cushiyaichic; huacaccunahuan cancunapash huacaichic. 16 Tucui shuclla yuyaihuan purichic. Jatun tucunata ama mashcaichicchu, ashtahuan tucuimanta uchilla tucunata mashcaichic. 17 Mana allita rai tucushpa, ama chaillahuata cutichicchu; allicunata rurashpa, runacunapacpi llaqui tucunata yuyarichic. 18 Tucuicunahuan alli causanapi sinchicuichic, macanacuna caricunamanta ama callarichun. 19 Cancunaca ama taripaichicchu? llaquishca huauquicuna, Diosmi ñacachinataca yachan; Dios, quillcashca shimillapita riman: "Ñucami ñacachisha, ñucami pai ñacarina cashcata cusha, Apunchic riman. 20 Huasha riman: "Canta piñac yaricai cacpi, carai; upianai cacpi, upiachi; chashna rurashpami paipac uma jahuapi ninata tantachinqui", 21 Mana alli canta: ama yallichun, ashtahuan allicunallata rurashpa mana allita yalli.
1 Tucuilla ñucanchicta pushac apucunata uyanuchun; mana tiyan mari paipac munaimanta apu, tucui apu Diosmanta shamun; chairaicu cunan tiyaccuna Dios munashcaraicu tiyanun. 2 Chairaicu, maicanpash apuhuan piñarishpa, Dios munashcatapash piñacun; mana pactachina munashpa, paicunallata cautsayachi tucunca ranun. 3 Chashna cashpa, allita ruracushpa, apucunata mana manchanachu can; mana allita ruracushpa, shuti manchana tucun. ¿Apucunata manchanata saquinayanquichu? Allillata rurai, chaipimi paicunaca canmanta cushiyanunca. 4 Paicuna Diosta yanaparanun canta alliman pushancapac, Ranti, mana allita causashpa, manchai, mana yancachu aiñita charinun, chairapash mana allicunata taripac, ñacachic Diosta yanapac canun. 5 Chairaicu uyana paicunata canchic: mana manchashpalla, ranti alli cashcaraicu. 6 Chairaicullata cuna cullquita cuna tucunquichic, chai cullqui tantachiccunapash Diosta yanapaccunallata canun. 7 Caranman paiman cuna cashcata cuichic: Yanapana cullquita mañac shamucpi, yanapana cullquita cunquichic; cuna cullquita mañac shamucpi, chai cullquita cunquichic; muchaipac runata muchanata cuichic; yupaichana runata yupaichaichic. 8 Cuna cullquita illacta cuichic pimanpash cuna cacpi; ama pitapash dibichicchu; cuyaillata shuti caranlla dibinacuichic, ¿manachu, pipash shucta llaquishpa tucui Camachic quillcata pactachishca? 9 Cunan ricui, "ama shucpac huarmihuan, shucpac carihuan causaichu, ama huañuchichu, ama shuhuaichu, ama chiquicuichu", tucui chaishuc rurai nishcacunantin cai shimita pactachishcallahuan pactachi tucunun: "Shuc runata canpac aichata llaquishca shina llaquinqui". 10 Cuyaihuan mana allita mana pi runatapash ruranchicchu. Chairaicu cuyaillapi tucui Camachic quillca pactachi tucun. 11 Cancuna yachanquichic ima pachapi ñucanchic causacushcata, ñami puñuimanta causarina pacha pactarishca. Ñucanchic quishpichi tucuna, inina callarishcamanta ashtahuan mayanllapi cunan charinchic: 12 pacarina ña mayanlla can, puncha ña ricurimun. Shinacpi, tutapi ruranacunata saquishpa, achicpac aiñicunata japishun. 13 Quiquin punchapi shina cuscata purishun; chairaicu, saquishun jatun micunacunapi machanata, mana alli huarmicunahuan purina, mana alii yachaicunata, piñacunata, chiquicuita, imacunatapash. 14 Ashtahuan chaicuna rantimanta, Apunchic Cristo Jesusta shuc churanata shina churarichic, aicha mañashcataca ama uyaichicchu.
1 Ininata mana sinchic charicta allihuan chasquichic, pai yuyarishcamanta mana imatapash rimashpa. 2 Maican tucuita micunallami nishpa yuyarin, ranti shuccuna, ashtahuan manchaita charishpa, quihuacunallata micunun. 3 Maican micuc mana micucta ama millachun; chashnallata, mana micuc micucta ama taripachun, Dios paita chasquishca mari. 4 ¿Canca shucpac runata taripanata ushanquichu? Shayaralla saquirichun, urmachun imapash, chaitaca paipac amu ricunca ran. Ranti mana urmancachu, pai shayarancapac Apunchic ushaita charin mari. 5 Shuc runa riman: Shuc punchacuna shuc punchacunamanta astahuan alli canun; chai shucpacca, tucui puncha chaipuralla canun: chashnapi caran amu allipacha yuyarishcata rurachun. 6 Punchacunata atishpa causac, Apunchicraicu ruran; tucuita micuc Apunchicraicu ruran, pai pacrachushcapi chaita ricsinchic. Mana micuc Apunchicraicu ruran, paipash Diosta pacrachun. 7 Shutipacha rimacpi, mana pipash quiquin amupacta causan, mana quiquin amupacta huañun. 8 Causacushpa, Apunchicpac causanchic; huañushpapash, Apunchicpac huañunchic. Causashcapi huañushcapipash, Apunchicpac canchic. 9 Chaipac Mesias huañushpa cuti causaiman ticrarca, causaccunapac huañushcacunapacpash Apunchic tucuncapac. 10 Chashna cacpi, ¿canchu canpac huauquita caminqui? ¿Canpash canpac huauquitachu millanqui? Tucuilla Diospacpi taripai tucushun. 11 Cashna quillcara tiyan: "Ñucapac causairaicu, Apunchic riman, ñuca ñaupacpi tucuicunami cuncurinunca, ñucatami tucui shimi chacchahuanca". 12 Chashna cashpa, caran amumi rurashcamanta Diosta rimana tucunchic. 13 Chairaicu, shucmanta rimanata tucuilla saquishunchic; ashtahuan ñucanchic huauquipac ñaupacpi mana churana canchic jarcanata, urmachina imapash. 14 Apunchic Jesusraicu ricsini allipacha yachanipash, mana ima paipac munai chuya cashcamanta huacllishcata; mana chuyachu nishpa yuyaricpimi, chashna tucun. 15 Ranti shuc micunaraicu canpac huauquita llaquichishpa, chaica mana cuyai can. Can micushcaraicu ama huacllichun maican runapash, pairaicumi Cristo huañushca. 16 Can rurashcata ricushpa ama pipash juchallichun, shuti cacpipash. 17 Diospac pacha mana micunachu, mana upianachu; ashtahuan canmi cusca taripana, alli causai, cushi causana Diospac Samaipi. 18 Pipash cashna Cristota yanapashpa, Diosta cushiyachin, runacuna llaquishcapash can. 19 Mashcashun shinacpi, alli causai ñanpipi purichicta tucuilla ashtahuan allicuna tucuncapac. 20 Shuc micunaraicu ama huacllichinquichu Dios rurashcata. Tucui micuna chuya can, ranti ñucanchic micushcahuan shucta juchallichina mana alli can. 21 Ranti allimi maican pachallapipash aichamanta, vinomanta sasina imamantapash, chaicunaraicu canpac huauqui juchallina cacpi. 22 Chai canpac ucupi sinchi yuyarishcata, canpacpi huacaichi, Diosca ricucun mari. Cushiyachun maican runapash, ucupi sinchita yuyarishca huasha, mana chicanta rurashpa. 23 Ranti ishcaita yuyashpa micuc, cautsayarin mana pai inishcata rurashcaraicu, imatapash ñaucanchic inishcamanta chicanta rurashpa juchatami ruranchic.
1 Ñucanchipac inina sinchi can, mana sinchi ininata chariccunapac urmaicunata ñucanchic aparina tucunchic, ñucanchipac cushiyanallata mashcana rantimanta. 2 Ñucanchicmanta tucui chai shuc runapi cushiyanata cushun, alli ruranapi yanapashpa. 3 Cristopash mana paipac quiquin cushiyanata mashcarca; Camachic quillca chaimanta riman: "Piñaccuna canta piñashca ñucapi urmarca". 4 Yachanchicpash tucui callari pachapi quillcashcacuna ñucanchicta yachachincapac quillcai tucunurca, ñucanchic chapashcata sinchicuchispa chapancapac, Camachic quillca cushiyachishpa sinchicuchishcahuan. 5 Cushiyana, sinchicuna Diosmanta shamun, pai cancunaman cuchun shuclla yuyaihuan purinata, chaimi cristiano purina. 6 Chashna tucuilla shuclla shimihuan, Apunchic Jesus Mesiaspac Yaya Diosta chacchanquichic. 7 Chairaicu, tucuipura chasquinacuichic, Cristo Diosta jatunyachincapac cancunata chasquishca shina. 8 Caita cancunata rimani: Judiocunapac runa Cristo tucurca paicunapac rucucunaman Dios cusha nishcata pactachincapac, Dios pactachic cashcatapash ricsichincapac. 9 Diosta mana ricsiccunapash Diosta pacrachuna canun, paicunamanta llaquina charishcaraicu. Cashna riman Camachic quillca: Chairaicu canta taquishami, chacchashapashmi canpac Shutita Diosta mana ricsiccuna ucupi. 10 Shucpi cashna yapachin: Cushiyaichic, mama-llactacuna, canpac runacunantin. 11 Cutipash riman: Tucui llactacuna Apunchicta chacchaichic, pai jatun cashcamanta tucui mama-llactacuna rimaichic. 12 Isaiaspash riman: Jese aillu ucumanta shuc shamunca, paimi mama-llactacunata pushancapac shayarinca, Diosta mana ricsiccuna paitami chaparanun. 13 Chapanata chapachic Dios cancunapac ininata cushihuan, alli causaihuan juntachichun, Diospac Samaipac ushaihuan achca chapanata cancuna charinquichicmi. 14 Ñuca jinu yachani, huauquicuna, cancunapash alli yuyaicunata charinquichiq, tucuita yachanquichic, ushanquichic cancunapura camachirincapac. 15 Chashna cacllapita, quillcashcani cancunata cuti yuyachincapac, maicanpi sinchi shimicunahuan. Dios chai cuyaita cuhuasticaraicumi chaita rurani. 16 Pai, Cristo Jesuspac yaya pacrita rurashpa Diosta mana ricsiccunapacman cachahuarca Diospac Cushi Shimita yachachincapac, Diosta mana ricsiccunapac camari, Diospac Samai sumacyachishca, alli chasqui tucuchun. 17 Diosta yanapashcaraicu Cristo Jesuspi jatunyani. 18 Chashna, manapacha imamantapash rimashachu, Cristollata ñuca maquihuan, ñuca shimihuan, ñuca rurashcahuan, Diosta mana ricsiccuna ininapi yaicuncapac rurashcallatami rimasha. 19 Tucui caicuna mancharicushiyanacunahuan rurai tucunurca, Diospac Samaipac ushaihuan. Chashnami, Cristopac Cushi Shimita tucuiman apashpa rishcani, nicpica Jerusalenmanta Iliriacama. 20 Ranti yapa yuyarishcahuan, chaimanta cushiyanimi, Cristota mana ricsishcallapi yachachishcani, ama shuccuna ña callarishcata catisha nishpa, 21 Camachic quillcapi rimashca shina: "Paimanta mana shuc shimillapash rimai tucuccuna paita ricununcami, mana imatapash uyaccuna ricsinuncami". 22 Cai llancanaraicu mashna cuti chari cancunata mana ricucri usharcani. 23 Ranti cunan cai suyucunapi mana imatapash rurana charishpa, unai cancunata ricucrinayashpa, 24 ¿Españaman rishpa chari ricucrisha. Chaipi chari cancunata ricusha, cancuña ranti yanapahuanquichic chari ñuca chaiman rincapac, cancunahuan tiyashpa cushiyashca huasha. 25 Cunan, Jerusalenman rirani chaipi tiyac iniccunata yanapancapac. 26 Chashna nincapacca, Macedoniamantacuna, Acayamantacunapash shuc yanapaita tantachinushca, Jerusalenpi tiyac inic tsuntsucunapacta. 27 Rurancapac rimanushca, allita yuyaricpi ruranami canurca. Diosta mana ricsiccuna Diospac pachaman rinata judiocunamanta chasquinurca, chashnallata paicunapash cai pachamantapachuan yanapana tucunun. 28 Cai mincashcata pactachishpa, tantachishcata paicunaman cushca huasha, cancunapacman risha, chaimantami Españaman risha. 29 Ñuca yachani, cancunapacman rishpa, Diospac bendisioncunahuanmi pactasha. 30 Ranti ñuca cancunata mañani, huauquicuna, Apunchic Cristo Jesusraicu, Diospac Samaipac cuyairaicupash, yanapahuachic ñucaraicu Dios-huan rimarishpa, 31 Judeapi tiyac mana iniccunamanta quishpichihuancapac, 32 Jerusalenpi tiyac iniccunapash cushihuan chasquinuchun ñuca apacushca yanapaita. 33 Chashnami cushi cancunapacman pactasha; Dios munacpi, cancunahuan samasha. 34 Alli causaita charic Dios tucui cancunahuan tiyachun. Cashna cachun.
1 Ñucanchic pani Febeta cancunata mincani, pai Cencreaspi tiyac iniccuna ucupi diaconisa can. 2 Allita paita chasquichic, Apunchicpac shutipi, inina catic huauquipura shina; paita tucui pai mutsushcapi yanapaichic; paipash achcatami yanapashca, ñucatapash yanapahuashcami. 3 Ñucata Cristo Jesuspi yanapac Prisca Aquilastapash yuyarinimi. 4 Ñucata huañunamanta quishpichinaraicu paicunapac causaita cunayanurca. Mana ñucalla pacrachucuni, chashanallata Diosta mana ricsiccunamanta iniccunapash pacrachununmi. 5 Cancunapac huasipi tantaric iniccunata yuyarinimi, rimaichic. Epenetotapash yuyarinimi, pai tucuimanta ñaupac Asia allpamanta Cristoman curirca. 6 Mariatapash yuyarinimi, pai cancunaraicu achcata rurashca. 7 Yuyarinimi Andronicota Juniastapash; paicuna aillu cahuanun, quillpai tucushcamanta mashi canun; yachachishcacunamanta jatun canun, ñucamanta ñaupac Cristota catic tucunurca. 8 Ampliatotapash yuyarinimi, pai Apunchicpi mashi cahuan. 9 Urbanotapash yuyarinimi, Cristopi ñucanchicta yanapac can, ñuca llaquishca mashi Estaquistapash. 10 Apelestapash yuyarinimi, pai yapa Cristoraicu ñucarirca, Aristobulopac aillucunatapash. 11 Ñuca aillu Hereodiontapash yuyarinimi, Narcisopac aillucunatapash, Apunchicpi ininun paicuna. 12 Yuyarinimi Trifenata Trifosatapash, paicuna sinchita Apunchicraicu llancaranun. 13 Apunchic acllashca Rufotapash yuyarinimi, paipac mamatapash, pai ñuca mama shina can. 14 Sincritota, Flegonta, Hermesta, Patrobasta, Hermasta, paicunahuan tiyac huauquicunatapash yuyarinimi. 15 Filologota, Juliata, Nereota panintin, Olimpasta, paicunahuan tiyac Cristopi tucui huauquicunatapash yuyarinimi. 16 Tucuipura ucllarishcahuan tupanacuichic. Tucui Cristopi iniccuna cancunamanta yuyarinunmi. 17 Diosmanta huauquicuna, allita atipashpa tiyaichic; tiyancami runa, cancuna yachashcamanta chicanta yachachispa, chausichinata llaquicunatapash jatachiccuna; paicunamanta chicanyaichic. 18 Chashna runacuna Apunchi Cristota mana yanapanacun mari, paicunapac huicsallatami yanapanun, allimanta sumac shimicunahuan upacunata umachinun. 19 Tucui yachanun cancuna yapa uyac cashcata, chairaicu cushiyanimi. Ranti munanimi, allita ruranalla cancuna chapacuichiclla, ranti mana allimantaca anchurichic. 20 Alli causaita charic Dios mana unayancachu supaita nitishpa cancuna chaqui ucupi saquincapac. 21 Apunchic Cristo Jesus cancunata bendisiachun. Ñucahuan llancac Timoteo cancunata yuyaricunmi, ñuca aillu Lucio, Jason, Sosipatros, tucui paicunapash. 22 Nuca, Tercio, cancunata cai pancata quillcarcani, Apunchicpi cancunata yuyarinimi. 23 Gayopash yuyarinmi; pai huasita mañachihuashca; iniccunatapash huasita mañachishca. 24 Llactamanta cullquita huacaichiccama Erasto ñucanchic huauqui Quartopash yuyarinunmi. 25 Dios jatunyashca cachun. Pai charin cancunata sinchicuchina ushaita, ñuca yachachishca Cushi Shimipi rimashca shina, Cristo Jesusta ricsichishpa, huiñai pachamanta pacashca ruranata ricsichishpa, 26 ranti cunan ña ricsichi tucushca, profeta quillca pancacunapi tucui llactacunaman ricsichincapac aparanun, huiñaimanta Dios munashca shina, inina paicunapi tiyashcahuan. 27 ¡Dios huiñaipac jatunyashca cachun, pai shuclla yucuita yachac can, Cristo Jesusraicu! Chashna cachun.
1 Ñuca, Pablo, Dios munashcaraicu Jesucristopac yachachishca tucuncapac cayashca cashcani. Sostenes shutiyuc huauquintin, 2 cai pancata quillcacuni Corinto llactapi tiyac Diosta iniccunaman; cancuna Cristo Jesuspi Diospac chicanyachishca cashcanquichic, paipac runacuna tucuncapac cayashca carcanquichic, Apunchic Jesucristota iniccunahuan pacta, pai ñucanchic Apu can, paicunapacpash can. 3 Ñucanchicpac Yaya Dios Apunchic Jesucristopash cancunapacpi paipac cuyaita, paipac alli causaita tallichinuchun. 4 Tucui pachapi cancunaraicu Diosta pacrachuni, Jesucristoraicu cancunapacpi Dios paipac cuyaita tallichishcamanta. 5 Pairaicu Dios cancunata pai cuyashcahuan juntachirca, alli rimana ushanapi achca yachana ushanapipash. 6 Chashnapi Cristomanta rimashca Cushi Shimi cancuna alli ricsishcanquichic. 7 Chashnami tucui Dios cuyashcacunata charinquichic Apunchic Jesucristo shamuna punchata chapacushpa. Dios cancunata sinchicuchincami, Apunchic Jesucristo ticramushcapi ama pipash juchallircami rimana ushancapac. 9 Dios mana pishiyan pai cusha nishcamanta, paimi cancunata cayarca paipac Churi Jesucristohuan, paihuan llutarishca causancapac. 10 Huauquicuna, Apunchic Jesucristopac shutipi mañani shuclla yuyaita charipaichic nishpa, ama chicanyashca causaichicchu. Shuclla yuyaihuan purichic, shuclla yuyarishcahuan, shucllata atipashcahuan. 11 Huauquicuna, caita rimacuni Cloepac aillucunamanta uyashca cashpa, chicanyanashi tiyan cancuna ucupi. 12 Caita uyarcani: Cancunamanta maican ninun: "Ñuca Pablopac cani"; huaquincuna ninun: "Ñuca Apolopac cani"; shuc nin: "Ñuca Pedropac cani"; cuti shucca riman: "Ñuca Cristopac cani". 13 ¿Cristo raquirishcachu imata? ¿Cancunaraicu Pablochu chacatai tucurca? ¿Pablopac shutipichu bautisai tucurcanquichic ima chari? 14 Diosta pacrachunimi, cancunata mana bautisarcanichu, Crispo, Gayollata ñuca maquihuan bautisarcani. 15 Chashna cancunamanta mana pipash rimanata ushan ñucapac shutipi bautisai tucushcata. 16 Estefanaspac aillucunatapash bautisarcanimi, chaimanta cuti shuc runacunata bautisashcata mana yuyarinichu. 17 Cristo mana bautisancapacchu cachamuhuarca, Diospac Cushi Shimita ricsichincapacmi cachamuhuarca, mana sumac rimashca shimicunahuan; chashna ruracpi Cristo cruspi huañushca urayachi tucunca mari. 18 Cristo cruspi huañushca yanca shimi can juchapi caticcuna ricucpi; ranti cai shimillata Diospac ushai can quishpinaman riraccunapac. 19 Cashna riman Dios quillcashca shimipi: "Yachaccunapac yachaita huacllichishami, atipaccuna atipashcata anchuchishami". 20 ¿Yachaccama, yachachiccama, cai pacha yachaicunamanta yachaccunapash ushanushcachu? Dios cai pachamanta yachaita yancata rurashca, mana imapash alli. 21 Dios paipac yachaihuan churarca cai pachamanta runa ama runa yachashcahuan paita ricsincapac; ashtahuan munarca paita chapaccunata Cushi Shimihuan quishpichincapae, cai Cushi Shimi yanca rimashca shimi, mana imapash alli cacpipash. 22 Judio runacuna mancharicushiyanacunata ricunayanun, griego runacuna astahuan yalli yachaita mashcanun; 23 ranti ñucanchic shuc chacatashca Mesiasmanta yachachinchic. Judio runacunata cai yapa pinachin, mana judio runacunapac yanca rimashca shimi can; 24 ranti Dios cayashcacunapac, judio mana judio cacpipash, cai Mesias Diospac ushai, Diospac yachai can. 25 Diospi yanca shina ricuric, runa yachashcamanta ashtahuan yalli mari can; Diospi sanpa shina ricuric, tucui runa ushaimanta yalli sinchi mari can. 26 Huauquicuna, maicanlla cayai tucushcata ricuichic. Cancunamanta ansashitulla runa yachaipi yachac jinu tiyan, mana tucui apu canquichic, cancunamanta mana achca tiyan ushac ailluyuccuna; 27 ashtahuan rimacpi, yapa yachaccunata pincachincapac, Dios acllarcami upa runacunata; ushaccunata pincachincapac sanpa runacunata acllashca. 28 Dios acllashcami cai pachamanta tucui millashca yanca runacunata, rimacpi, mana imatapash yachaccunata acllashca, yachaccunata urayachincapac. 29 Chashnami Diospac ñaupacpi mana pipash jatunyanata ushanca. 30 Shina cacpipash Diosllata cancunata Cristo Jesushuan llutachishca, paillata Cristo ñucanchic yachai cancapac munarca, Cristoraicu juchamanta pichashca canchic, Diospac chicanyachishca canchic, quishpichishcapash canchic. 31 Chaimanta Dios quillcashca shimipipash tiyan: "Maicanpash jatunyanata munashpa, Apunchicpi jatunyachun".
1 Chashnapash huauquicuna, Diospi pacashca shimicunata cancunata ricshichincapac rishcapi, mana sumac, mana atipaipac shimicunahuanchu rimacrircani. 2 Cancunahuan causacushpa, mana shuc imamantapash yachanata munarcanichu, Jesucristomantalla, ashtahuan allita rimacpi, chacatashca Jesucristomantalla. 3 Sanpa shina manchaihuan chucchurishpa cancunapacpi pactarcani; 4 cancunata Diospac Cushi Shimita yachachishpa, cancunata uyachincapac mana sumac shimicunahuanchu rimarcani, ranti Diospac Samai yanapashcahuan, Diospac ushaihuan, 5 cancunapac inina Diospac ushaimanta shamuncapac, mana runa yachaimanta. 6 Ranti, ininapi rucuyashcacunata sumac, sinchi shimicunahuan rimanchic. Shinapash, chai sumac rimashca shimicuna mana cai pachamanta rimashca shimi shina canun, mana apucuna rimashca shina canun, chaicuna utcalla chincarinca ranun. 7 Chaica Diospi pacashca yachai can, pai chaira cai pachata mana rurashcallapita, ñucanchicta jatunyachincapac yuyarishca. 8 Chaita manapacha atipanushca cai pachamanta apucuna, chaita atipashpa mana chacatanunman carca Apunchicta. 9 Chaimanta Diospac quillcapi rimara tiyan: "Dios paita llaquiccunapacta allichishcata mana maican ñahui ricushcachu, maican rinri mana uyashcachu, pillapash chaira mana yuyarishcachu". 10 Tucui caicunata Dios ñacanchicman ricsichircami paipac Samaihuan, Diospac Samai tucuita taripac can quiquin Dios ucupi tiyashcantin. 11 ¿Shuc runapac shuncupi yuyashcata pita yachana ushan? Quiquin paipac ucupi tiyac samailla yachan. Chashnallata Diospac Samailla quiquin Dios ucupi tiyashcata yachan. 12 Mana cai pachamanta samaitachu chasquircanchic, Diosmanta shamuc Samaitami chasquircanchic, Dios ñucanchicta llaquishpa cuyashcacunata allita atipancapac. 13 Diospac Samai ñucanchicta yachachisca shimicunahuan tucui caicunamanta rimanchic, mana quiquin ñucanchic yachaimanta yachashca shimicunahuanchu rimanchic. Chashnami Diospi iniccunata Diosmanta shamuc yuyaicunata yachachinata ushanchic. 14 Dios cushca samaita mana charic Diospac Samaimanta shamucta mana chasquina ushan, yanca mari can, pai yuyacpi. Mana atipanata ushanpash Dios cushca samaihuan taripana cashcaraicu. 15 Ranti maicanpash Diospac Samaita charishpa tucuita taripanata ushan, paitaca mana pipash taripancachu. 16 Chaimanta Camachic quillca riman: "¿Apunchicpac yuyaita pillapash ricsinchu? ¿Maicanllapash paita yachachinata ushanchu?". Chashna cashpapash, Cristopac yuyaita charinchic.
1 Huauquicuna, ñuca cancunata mana Diospac Samaihuan puriccunata shina rimanata usharcani, runa yuyaipi yuyarishpami cancunata rimarcani, Cristopi yuyaricpi chaira huahuacunata shina. 2 Mailla yachanahuan cancunata yachachircani, shuc llullu huahuata micuna rantimanta chucuta cushca shina, chaira sinchi micunata cancuna mana micuna ushac cacpi. Cunanpash chaira mana ushanquichic, 3 runa yuyaillata charishcaraicu. Cancuna chaira chiquicurishpa, macanacushpa caticushpa chaira runa yuyaillapi caticunquichic, shuccuna caticushca shinallata. 4 "Ñuca Pablopacmi cani"; shucca: "Ñuca Apolopacmi cani", chashna rimashcahua chaira runa yuyaillapi caticunquichic. 5 Allita rimacpi, ¿Pablo ima cashcata yachanquichicchu? Apolo, ima cashcata yachanquichicchu? Yanapaclla canacun, paicunaraicu Apunchicpi inishcanquichic. Ñucanchicmanta caran runa Apunchic mincashcata rurarcanchic: 6 Ñuca tarpurcani, Apolo jucuchirca, ranti Diosmi huiñachirca. 7 Chashnamanta tarpuccama jucuchiccamantin mana imapash canun, Dioslla tucui can, paimi tarpushcata huiñachichin. 8 Tarpuccama, jucuchiccama chaipuralla canun, shinapash caran runa rurashca tuputa Dios cunca ran. 9 Tucuilla Dios mincashcapi llancanchic, cancunaca Dios llancacushca allpa canquichic, Dios ruracushca huasi. 10 Ñuca huasi rurana yachac cacpi, chai huasita rancapac Dios ñucata callarichihuarca, ranti shuc ñuca callarishcapi llancashpa caticun. Chashnapash, caranlla shayachicushcata allita ricushpa huasina tucun, 11 ña mana pipash shuc sapita cuti churaipac tucun, chai sapi Jesucristo can. 12 Cai sapi jahuapi shuti huasinalla tucun curihuan, cullquihuan, chiuclla rumicunahuan, caspihuan, huamahuan, pancahuan imapash; 13 ranti caran runa llancashcata puchucai taripanapimi tucui camai tucunca ran, chai puncha ninahuan shamunca, chai nina camanca caran runa ima shina llancana rurashcata. 14 Maicanpash mana rupac huasita rurashca cashpa, shuc cuyanata chasquinca; 15 ranti rupacpica, paillata imapash illac saquirinca ran, amuca quishpinca chari, ranti nina ucumanta quishpishca shina. 16 ¿Manachu yachanquichic Diospac huasi cancuna cashcata? ¿Diospac Samaipash cancuna ucupi causacushcata manachu yachanquichic? 17 Pipash Diospac huasita huacllichicpi, Dios paitami huacllichinca, Diospac huasi sumaimana can, chai huasi cancunallata mari canquichic. 18 Ama pipash amullata umarichun: maicanpash cai pacha yachaita yapa yachac cashpa, mana yachac, upa shina tucuchun; chaimi alli quiquin yachac tucunca. 19 Diospac ñaupacpi cai pachamanta yachai mana imapash can, yanca. Chaimanta Dios quillcashca shimipi riman: "Cai pachamanta yachaccunata quiquin paicunapac yachaillapita Dios urmachin". 20 Shucpi riman: "Yachaccunapac yuyaicuna yanca cashcata Apunchic yachan". 21 Chairaicu ama pipash jatunyachun, maican runatapash catisticamanta, tucuillami cancunapac canun. 22 Pablo, Apolo, Pedro, cai pacha, causai, huañui, cunan causacushca, shamunca racuc: tucui cancunapac can, 23 cancunaca Cristopac canquichic, Cristoca Diospac can.
1 Cristopac runa shinalla cancuna ñucanchicta ricuna. canquichic, Diospi pacara yuyaicunata yachachincapac mincashcacuna. 2 Mincashcacuna cashpa, pactachic cashcata ricuchina can. 3 Ñucamanta rimacpi, mana imanahuanchu cancuna ñucamanta yuyashca, cai pachamanta apucuna taripashca mana imanahuanchu. Quiquin ñucapash mana tariparinichu. 4 Chashna cacpipash, ñuca ucupi tiyac Diospac Samai mana imamanta juchachihuacpipash, Diospac ñaupacpi mana jucha illacchu saquirini. Apunchic quiquin ñucata taripac can. 5 Chairaicu, ama ñaupacta taripaichicchu imatapash; Apunchic shamunacama chapaichic, paimi cunan pacara cashcata pacllapi llucshichinca, shuncupi yuyashcata ricsichinca. Chaipi shuti Diosmanta caranlla pai chacchana tupu cashcata cui tucunca. 6 Huauquicuna, cancunami cai shimicunata Apolopi, ñucapi yuyarishpa rimachihuanquichic; rimanimi ñucanchicmanta caita yachanuchun nishpa: Quillcarapi rimashcamanta ama ashtahuan rurancapac, ama pipash shucta jatunyachishpa chaishucta urayachincapac. 7 Ricushun, ¿canta maicanllaca tucuimanta yalli jatunyachishcachu? ¿Diosmanta mana chasquishcata imallatapash charinquichu? Paimanta chasquishca cashpallatachu, canpac munaimanta tupashca shina jatunyanqui. 8 Allita yuyacpi, cancuna ña tucuita charinquichic, mana imapash pishin, ñucanchic illac jatun apu tucushcanquichic. Shutipacha cancuna apu cacpi alli canman, ñucanchicpash cancunahuan apu cancapac. 9 ¿Ñuca yuyarini, ñucanchicta, Apostolcunata huashaman Dios jichushca shina yachin, huañuncapac saquishcacunata shina. Angelcuna, runacuna, tucui pachapash ñucanchimanlla ñahuita churashpa tiyanun. 10 Cristoraicu upa runa shina ricui tucunchic, ranti cancunaca Cristoraicullata, yapa yachaccuna shina ricui tuncunquichic. Ñucanchic sanpa canchic, ranti cancuna sinchi. Ñucanchic millai tucunchic, ranti cancuna muchai tucunquichic. 11 Cunanllata yaricaihuan, llushtiyashpa ñacarinchic; runacuna ñucanchicta ñacachinun, mana quiquin huasita charindic, 12 ñucanchic maquihuan sanpayacta llancanchic. Piñashca shimihuan rimai tucushpa, bendisiashca shimihuan cutichinchic; piñashpa cati tucushpapash ñahui ricunchic. 13 Llullashca shimihuan huashachi tucushpapash, alli shuncuhuan cutipanchic. Cai pachamanta jamtsita shina ricunun, runacunapac ismata shina. Chashna canchic cunan punchacama. 14 Mana pincachincapacchu caita cancunaman quillcani, ashtahuan quiquin churicunata shinami camachini, cancunata llaquini mari. 15 Chunca huaranca runa Cristomanta yachachicta charishpapash, yayataca mana achcata charinquichicchu. Ñucami Cushi Shimihuan Cristopac causaita cancunata curcani. 16 Chairaicu ñuca causaita catipaichic cancunata mañani. 17 Chairaicullata ñuca Cristopi llaquishca, mana umachic churi Timoteota cancunapacman cachacuni. Paimi ima shina ñuca Cristo Jesusta inishpa causacushcata cancunaman yuyachinca, ñuca purishcapi tucui iniccunata yachachishca shina yachachinca. 18 Cancunamanta maicancuna ñuca "mana rincami yuyashpa", jatunyashpa tiyanun; 19 ranti, Apunchic munacpi mana unaillachu cancunata ricucrisha. Chaipimi ricusha chai jatunyashpa tiyaccuna imaliatashi rurana ushanun, mana paicuna shimihuan rimac ushashcailata. 20 Diospac pacha mana rimaillachu can, astahuan ushaimi can. 21 ¿Imata ashtahuan alli can?, ¿cancunapacpi piñashcahuan pactashachu?, ¿ashtahuan alli shuncuhuanchu, llaquishcahuanchu pactasha?
1 Cancunamanta shuc runa quiquin la-mamata paipac huarmita rurashpa tiyashcata yachashcani. Cai yapa jatun jucha can, Diosta mana ricsic ucupipash mana chashna tucushcachu. 2 Chashna tucushcamanta chairapash cancuna jatunyanquichic llaquirina rantimanta. Ashtahuan allita ranquichicman carca cancuna ucumanta chai runata callpachishpa. 3 Ñuca, aichahuan mana cancunahuan tiyashpapash, ñuca samai chaipi can, cancunahuan tiyacushca shina, Apunchic Jesucristopac shutipi chashna causac runata ña cautsayachishcanimi. 4 Cancuna tantarishcapi, ñuca samai cancunahuanmi tiyanca, Apunchic Jesuspac ushaipash chaillapitami canca. 5 Chaipimi chai runata supaiman cunquichic, chaipi paipac aicha huacllichi tucuchun, ranti, paipac samai quishpichishca cachun Apunchic Jesus shamushcapi. 6 Chashna rurashcacunahuan cancuna mana jatunyana canquichic. Uyashcanquichic cai rimaita: "Ansa levadurashitu achca tanta rurana harinata punquichin". 7 Chairaicu, chai huacllichic rucu levadurata canchaman jichuichic, Pascua raimipi, levadura iliac, mushu tanta shina cancuna cancapac, chashna mari canquichic cancuna. Cristo ñucanchipac pascua camari tucushcaraicu, cancuna levadura illac tanta cana canquichic. 8 Shina cacpi, Pascua raimita rurashun; rucu levadurata jichushun, chaica mana alli, huacllichic can; levadura illac tantata ashtahuan charishun, chaicuna chuya shuncu, cusca causai canun. 9 Juchalliccunahuan ama llutarinquichicchu, quillcarcani chaishuc cuti. 10 Chashna rimashcahuan mana tucui cai pachamanta mana allicunamanta chicanyancapacchu rimarcani, rimacpi mitsaccunamanta, shuhuaccunamanta, huacata chacchaccunamanta. Tucui paicunamanta chicanyanayashpa, cai pachamantami llucsina tucunquichicman. 11 Quillcashcahuan rimanayarcanimi, huauquimi cani rimashpaliata, mana alli causac, mitsac, huacata chacchac, rimaisiqui, machaisiqui, chashnacunahuan ama llutarincapac. Chashna runahuan, paihuan micuncapacllapash mana allichu. 12 ¿Chicanmantacunata ñucachu taripasha? Cancunami cancunahuan tiyaccunata taripana canquichic yachihuan. 13 Chicanmantacunata saquichic Dios taripachun, ranti cancunaca, mana alli runata callpachichic cancuna ucumanta.
1 ¿Cancunamanta maicanpash shuc huauquipacpi mana alli rai tucushcamanta rimana charishpa, Diosta mana ricsic apucunapacpi taripai tucuncapac allichu? ¿manachu ashtahuan Diospac runacunapacpi taripai tucuna alli can? 2 ¿Shuc puncha tucui pacha runacunata cancuna taripana cashcata, manachu yachanquichic? Cai pachata taripana cashpallata, ¿cai uchilia juchashitucunatachu mana taripanata ushanquichic? 3 ¿Quiquin angelcunallatatac ñucanchic taripana cashcata manachu yachanquichic? Shina cacpi, cai causaimanta llaquicunata cancunallami taripana canquichic. 4 Chashnamanta, cai causaipi piñanacuita charishpa, ¿allichu can cancuna iniccuna, mana iniccunapacpi taripai tucuna? 5 Cancunata pincachincapac caita rimani. ¿Cancunamanta manachu shucllapash tiyan, huauqui ucupi llaqui tiyacpi taripana ushancapac? 6 ¡Mana huaquipura macanacuilla tiyan, ashtahuan Diosta mana ricsic apucunapacman taripai tucuncapac rinquichic! 7 Cancunapurallata macanacushca cancuna mana alli cashcata ricsichicun. Imatapash rurai tucushpa, ¿chunlla ñacarina manachu astahuan alli canman? Shuhuai tucushpapash chunlla saquirina, ¿manachu ashtahuan alli can? 8 Ranti cancuna, mana cuscata taripanquichic, quiquin huauquitapash shuhuanquichic. 9 Diosta chicnishpa causaccuna, Diospac pachapi mana yaicuna cashcata, ¿manachu yachanquichic? Ama umachi tucuichicchu, Diospac pachapi yumashpa juchalliccuna mana yaicu ushanunca mari; huacata chacchaccunapash, shucpac huarmihuan, shucpac carihuan causaccunapash, caripura yumariccunapash, 10 shuhuaccunapash, yanca llancachiccunapash, machaisiquicunapash, camisiquicunapash, umachishca shuhuaccunapash, mana yaicuna ushanuncachu. 11 Cancunamanta maicancuna chashna carcanquichic; ranti cuna, Apunchic Jesucristopac shutipi, Diospac Samaipac shutipi, juchamanta pichashca saquirircanquichic, sumacyachishca, Dios-huanpash ailluyachishca saquirircanquichic. 12 Cai rimai tiyan: "Ñuca munashcata rurana ushanimi". Shuti can chai, ranti mana tucuita ruranachu. Ari, ñuca mana huatara cashpa ñuca munashcata rurashallami, ranti mana imapash huatashca charihuana can. 13 Cai rimaipash tiyan: "Micuna huicsa juntachincapac can, huicsaca micunata chasquincapac". Chaica shutimi can; chashna cacllapita, chaicunata Dios huacllichinca ran. Ranti, ñucanchic aicha mana maipipash yumarincapac can; ñucanchic aicha Apunchicpac can, Apunchic ñucanchic aichapac can. 14 Dios Apunchicta huañushcamanta causachishca shina, ñucanchictapash paipac ushaihuan causachincami. 15 Cancunapac aicha Cristopac aicha cashcata, ¿manachu yachanquichic? Chai Cristopac aichata japishpa shuc nuspa huarmiman llutachincapac, ¿allichu canca? Mana allichu shuti. 16 Shuc runa, shuc nuspa huarmihuan llutarishpa shuc aichalla tucushcata, ¿manachu yachanquichic? Dios quillcashca shimipi riman: "Ishcantinmi shuclla runa shina tucunquichic". 17 Chashnaliata, maicanpash Apunchicman llutaricpi, samaipi shuclla paihuan tucun. 18 Yumashpa juchallinamanta chicapac anchurichic. Maican juchatapash shuc runa ruracpi, chai jucha canchapi saquirin, ranti yumashpa juchallic quiquin paipac aichata juchallichin. 19 Cancunapac aicha Dios cushca Samaipac huasi cashcata, ¿manachu yachanquichic? Cancuna mana quiquin aichapac amu canquichic, 20 rantishcami canquichic. Chairaicu Diosta jatunyachina canquichic cancunapac aichahuan.
1 Cancuna quillcapi tapushcata cutipani. Alli canman runa mana sahuarishpa; 2 ranti, huarmita munashpa ñacarinamanta, caran runa quiquin huarmita charicpi, alli tucun; caran huarmi quiquin carita charicpi, alli tucun. 3 Cari, huarmi sahuarishpa, sahuarishcacuna ruranata pactachina canun. 4 Huarmi mana paipac quiquin aichapac amu can, paipac caripac can; caripash mana paipac quiquin aichapac amu can, paipac huarmipac can. 5 Chairaicu, ama mitsanacuichicchu cancunapura; cancunapura ama tacarincapac rimarishpa, chaica cancuna ushanacama sasichic cai pachapi Dios-huan rimarincapac. Chai huasha cutillata ishcantin llutarina canquichic; yancamanta yapalla munanayacpi supai urmachinca. 6 Chaita munashpa ruraichic; shinapash mana rurai nishcachu can. 7 Ñuca jinuca munaiman cancuna ñuca shina cancapac; ranti Dios caran runaman chican yuyaicunata cushca, nicpi, caita shucta, paitaca shuc layata. 8 Mana sahuarishcacunata huacchacunatapash rimani, allimi can mana sahuarishpa causana, ñuca shina. 9 Shinapash sapalla mana causanata ushashpa, sahuarinuchun; sahuarinami ashtahuan alli huarmita munashpa ñacarishpa causana rantimanta. 10 Ranti sahuarishcacunata, cai rurai nishcata cuni, mana ñuca rimascachu, Apunchic rimashcami can: Huarmi carita ama jichuchun. 11 Jichushca cashpa, ama cuti sahuarichun, munashpaca paipac carillahuata alliyachun. Caripash chashnallata, huarmita mana jichuna can. 12 Shuccunataca rimanimi, caica ñuca shimimi can, mana Apunchic rimashca: Maican huauquipash Diosta mana inic huarmita charishpa, chai huarmi, shina cashpallata, paihuan causanata munacpi, ama jichuchun. 13 Chashnallata, shuc inic huarmi, mana inic carihuan sahuarishca cashpa, cuti chai runa, shina cashpallata paihuan causana munacpi, paita ama jichuchun. 14 Mana inic cari, paipac huarmi inishcamanta sumacyachishca tucun; mana inic huarmipash, inic carihuan llutarishca cashpa chicanyachishca saquirin. Mana chashna cacpi, cancunapac churicuna ticllayuc canunman; ranti allita rimacpi, paicunapash Diospac chicanyachishca canun. 15 Cunan ranti, mana inic cari, mana inic huarmi imapash, jichunacunata munashpa, jichunacunuchunlla. Shina tucucpi, huauqui cashpa, pani cashpa imapash quishpira saquirinun, Dios cancunata alli causaipi causancapac cayashcaraicu. 16 Rimacpica, ¿can huarmi, yachanquichu canpac carita quishpichina ushashcata? ¿Can, caripash, yachanquichu canpac huarmita quishpichina ushashcata? 17 Imashna cacpipash, caran runa Apunchic cushca cuyaicunapi causachun, ñucanchic Dios cayashca pachapi cashca shina. Tucui iniccunata cai rurai nishcata cuni. 18 Cara pitishca runata Dios cayacpi, pai cashcata ama pacachun chai runa; cara mana pitishca cayai tucushpa, carata ama pitirichun. Cara pitishca, 19 cara mana pitishca cana mana imananchu. Dios rimashcata pactachina shuti chaimi yapa imanan. 20 Dios cayashca pachapi cashca shina caranlla catichun. 21 Huatara cashcapi cayai tucushca cashpa, chaimanta ama yapa yuyarichun; shinapash, chashna cashcamanta llushpirinata ushashpa, utcapanqui. 22 Huatara cashcapi Apunchicta inincapac cayai tucushca runa, cunan quishpichishca, Apunchicpac runa can; chashnallata, quishpishca cashcapi cayai tucushca cashpa, cunanca Cristopi huatara can. 23 Cancuna Dios rahtishcami canquichic, chairaicu shuc runacunapacpi mana huatai tucuna canquichic. 24 Shina cacpi, huauquicuna, caranlla Diospac ñaupacpi catichun pai cayai tucushca puncha cashca shina. 25 Mana sahuarinamanta, mana imatapash Apunchic rimahuashcachu, ranti ñuca yuyaita cuni, ñuca shimita cancuna uyanata yachashpa, Apunchic ñucata llaquihuashcaraicu. 26 Ñuca yuyacpi shuc runa pai cunan cashca shina saquirina can, yapa llaqui pachapi cunan causacushcaraicu. 27 Huarmiyuc cashpa, paita ama jichuichu; huarmi illac cashpa, ama mashcaichu. 28 Sahuarishpa, mana juchata ruranqui; shuc malta huarmipash sahuarishpa, paipash mana juchallin. Ranti sahuariccuna cai pacha llaquita charinca ranun, ñuca munaiman chaicunata ama charinuchun. 29 Huauquicuna, caitami rimanayani: Mana unai caipi causanca ranchic. Chairaicu, sahuarishcacuna mana sahuarishca shina causana canquichic; 30 llaquirishcacuna, raimipi cashca shina tiyana canquichic; ranti raimicuccuna, llaquirishca shina tiyana canquichic; ranticcuna, impash mana cancunapac cacpi shina causana canquichic; 31 cai pachapi cushiyashpa causaccuna, mana chashna causacushca shina ricuchina canquichic, cai ñucanchic ricucushca pacha tucurina mari can. 32 Tucui ima llaquirinacunamanta cancunata quishpichinata munaiman. Huarmi illac runa Apunchicpacta ruranacunapi yuyarin, paita cushiyachinamanta yuyarin; 33 ranti huarmiyuc runa cai pacha imacunamanta yuyarin, paipac huarmita cushiyachinamanta yuyarin; 34 chashna cashpa chaupichishca can. Chashnallata, cari illac huarmi mana imura sahuaric huarmipash, Apunchicpac ruranacunapi yuyarin, paipac aicha paipac samaipash Diospac chicanyachishca cashpa; ranti cariyuc huarmi cai pachapi tiyac imacunamanta yuyarishpa causan, paipac carita cushiyachinamantapash. 35 Caita cancunapac allipac rimani, mana tictata churasha nishpa, cancuna allita causancapac, Apunchicta tucui shuncuhuan yanapashpa. 36 Maicanpash pai mañashca huarmihuan, sahuarina pacha huata pactarishcaraicu, sahuarinami can yuyashpa, chashnami ashtahuan alli can yuyashpa, sahuarichunlla; chai mana jucha can. 37 Cuti shuc, mana munashpa, pai quiquinmanta munashcata ruracushpa, paipac shuncupi mana sahuarincapac sinchita yuyarishpa, allita racun. 38 Shina, pai mañashca huarmihuan sahuarishpa, allita ran; ranti mana sahuarishpa, ashtahuan yapa allita ran. 39 Sahuarishca huarmi cariman huatashca, can pai causanacama; ranti cari huañucpi, chai, huarmi quishpira ¿saquirin pihuanpash sahuarina ushancapac, shinapash chai cari inic runa cana can. 40 Ñuca yuyacpi mana cuti sahuarishpami ashtahuan yalli cushi causanca yachihuan. Caimi ñucapac yuyai, Diospac Samaita ñucapash charinimi yachihuan.
1 Huacacunaman camari shina cushca micunamanta rimanca rani. Chai ña ricsishca can: tucuilla yachaita charinchic; shina cacpipash yachaihuan jatunyashca tucunchic, ranti llaquina Dios cushca samaipi jatunyachin. 2 Maicanpash pacta yachanimi yuyashpa, chaira mana yachan maipi quiquin yachai cashcata. 3 Ranti maicanpash Diosta llaquicpi, Dios paita ricsin. 4 Huacacunaman camari shina cushca aichamanta nicpi, ¿micunallachu? Huacacuna cai pachapi mana imapash alli cashcata yachanchic; shuclla Dios tiyashcatapash yachanchic. 5 Shuc dioscuna tiyashcamanta cai pachapi jahua pachapipash rimai tiyan chaimanta rimacpi achca dioscuna, achca apunchiccuna mana pishinchu. 6 Shina cacpipash, shuc Dioslla ñucanchicpac tiyan: pai can Yaya. Tucui cai pachapi tiyashca paimanta shamun, ñucanchicpash paipac causanchic. Shuclla Apunchicpash tiyan, Jesucristo; pairaicu tucui imapash tiyan, ñucanchicpash pairaicullata tiyanchic. 7 Shina cacpipash mana tucuilla caita yachanun. Maicancuna chaira huacata chacchanapi yacharishcacuna, chai huaicacunaman chicanyachishca aichami yuyashpa micunun; chai aichata micushpa, paipac ininapi mana rucuyashca cashpa huaca ticllayachishcami cani yuyan. 8 Mana ñucanchic micushcaraicuchu Diospi chasqui tucushun; micushcaraicu mana ashtahuan alli tucushunchu, mana micushcaraicupash mana ashtahuan huacllishunchu. 9 Shutipacha ñucanchic munashcata rurana ushanchic, ranti yuyapanquichic, chai cancuna "munashcata rurashca" sanpa inina chariccunata ama juchapi urmachichun. 10 Can chaicunata yachac cashpa, huaca chacchanapi tiyarishpa micucushcapi, shuc sanpa inina charic huauqui ricushpa, yancamanta paipash chai camari shina huacacunaman cushca aichata micunca imapash. 11 Chashna, can yachashcahuan sanpa inina charic canpac huauquita juchallichinqui, Cristoca pairaicupash huañushca mari. 12 Mana sinchi inina charic huauquicuna, mana alli rurashcata ricuchishpa, quiquin Cristota ñacachinquichic. 13 Chairaicu, ñuca micushcamanta ñuca huauquita juchallichishpa, aichata maican punchapash mana micucpi chari alli tucuhuanca, ama ñuca huauquita juchallichincapac.
1 Ñucapash, ¿ñuca munashcata rurana ushac cashcata manachu ricunquichic? ¿Ñucapash manachu apostol cani?, ¿manachu ñucapash Apunchic Jesusta ricurcani? ¿Manachu cancunallata ñuca Apunchicpacta llancashcaraicu inic canquichic? 2 Maicancuna mana apostolta shina imachari ricuhuanun; ranti cancuna quiquin apostolta ñucapi ricuna canquichic, cancuna Apunchicpi inishpa caticushca ñuca apostol cashcata ricsichicun. 3 Caimi piñaccunamah ñuca cutipashca shimi: 4 Micunata upianata ñucapash japina ushanimi; 5 shuc inic huarmitapash charina ushanimi, shuc apostolcuna, Apunchicpac huauquicuna Pedropash charishca shina. 6 ¿Bernabehuan ñucallahuanchu iniccunata yanapashpa causana cahchic? 7 ¿Maican soldadollapash paipac munaimanta paipac ushaillahuan macanuncapac rinchu? Tarpushca uva ña pucucpi, ¿mana micuc runa tiyanchu? Huacrata huiñachishpallata, ¿chucu yacuta mana upiac runa tiyanchu? 8 Chaica runa yuyaillami can ama yuyanquichicchu, Moisespash camachic quillcapi caimanta rimanmi. 9 Cashna quillcashca tiyan camachic quillcapi: "Muyuta cutac huacrata ama sincata huatanqui". Mana Dios huacracunamanta yuyarishcatachu riman; 10 ñucanchicmanta yuyarishcatami rimacun. Ñucanchicraicu camachic quillca quillcashca tiyan, allpata yapuccama muyuta cutaccamapash pallai puncha micunca racushcata, ¿mana chari yachanquichicchu? 11 Chairaicu, ñucanchic cancunapi allicunata tarpushca cashpa, mana yapalla quiilachishca yachin cancunamanta ansa micunashitu mañashca. 12 Shuccuna cancuna charishcamanta micushpa causaranucpi, ñucanchicta ashtahuan yalli cuyana canquichic. Shinapash mana mañashcanchicchu, tucuitami ñacarishcanchic Cristopac Cushi Shimita yachachishcapi ama llaqui jatarichun nishpa. 13 Cancuna yachanquichic ima shina Diospac huasipi llancaccuna, Diospac huasiman cushca camarimanta micushcata. Rimacpica, Diosman camarita rupachina altarpi llancaccuna, Diosman chaipi camari shina cushca huacra aichamanta micunun. 14 Chasnallata Apunchic munarca Cushi Shimita ricsichiccuna, chai Cushi Shimipi llancashcahuan causanuchun. 15 Ranti ñuca mana shuc cutillapash cui tucuna cashcata mañashcanichu, caitapash mana quillcanichu cancunata imallapash mañanaraicu. Ñaupacta huañuiman, chai jatunyanata mana pipash quichuhuancachu. 16 Diospac Cushi Shimita yachachishcahuan mana jatunyanichu, mana saquipac pactachinami can yuyani. Mana yuyarinayahuanchu mana yachachishcamanta imashna ñacarina cashcata. 17 Ñuca munaimanta rurashpa, cui tucunata ña japishcani; ranti, pactachinata piñarishpa rurashpapash, Dios ñucaman mincashcata pactachicuni. 18 Chairaicu, ñuca cui tucushca canmi Diospac Cushi Shimita cushiyashcahuan yachachina, mana shuc cullqui imatapash chapashpa; nicpi, ñuca Cushi Shimita yachachishcamanta cui tucunata mana japishpa. 19 Mana pipash huatashca charihuacpipash, shinapash tucuicunata yanapani, ñuca ushashca tupu runata Jesucristopacman pushana yuyaillahuan, 20 Judiocunata pushanaraicu, runa ucupi judio tucushcani; rimacpi, paicunia Moisespac camachic quillcata pactachic cacpi, ñucapash paicuna shina pactachircani, mana imaraicu pactachina cashpallata. 21 Moisespac camachic quillcata mana pactachiccunata pushanaraicu, paicuna causashca shinallata causani, allita rimacpi ñucaca Diospac Camachic quillcatami pactachini, Cristota catic cashpa. 22 Ansalla iniccuna ucupi cashpa, paicuna shina ansalla inic tucuni, paicunatapash pushanaraicu. Maipipash paicuna shina tucushcani, maicanllatapash quishpinaman pushashami yuyashpa. 23 Tucuitami Cristopac Cushi Shimiraicu rurani, ñucapash paita chasquina ushancapac. 24 Callpashpa pucllacushcapi tucuilla callpanun, ranti shuc runalla cuyashcata japin. Shina cacpi, cuyashcata japina yuyaihuan callpaichic. 25 Shuc pucllanapi yaicunca raccuna sasinun. Paicuna chaita ranun, manapash unaipi chaquiric pancamanta llaututa japinaraiculla; ranti ñucanchic shuc mana chaquiric llaututa chasquinaraicu ñacarinchic. 26 Chairaicu ñuca ricushpa callpani; huairapi mana huactanichu; 27 chaipac rantimanta, ñuca aichata ñacachinimi, ñuca munashcata pai ruran, ama shuccunata yachachishca huasha ñucallata huashaman jichurishca saquirincapac.
1 Huauquicuna, tucui ñucanchic rucu yayacuna chai puyu llantupi purishcata paicuna ñucñu yacuta chinpashcatapash, cancuna cuncarincapac mana munanichu. 2 Chashna tucui paicuna Moiseshuan llutarishca saquirinurca puyupi, ñucñu yacupi bautisai tucushcamanta. 3 Chashnallata tucui paicuna chai Dios cuyashca micunallatata micunurca, 4 tucuiila chai Dios cuyashca upianamantallata upianurca. Paicunahuan puricuc rumimanta upianurca, chai rumi Cristo carca. 5 Chashna cacllapita, paicunamanta achca runa Diospac ñaupacpi mana alli canurca, chairaicu chaicuna chunlla allpapi huañushpa jichurinurca. 6 Paicuna tucushca ñucanchic ricuncapac tucurca, paicuna mana allita munashca shina ñucanchic ama munancapac. 7 Chairaicu, ama huacacunata chacchaichicchu, paicunamanta maicancuna rurashca shina; chashna rurashcamanta Dios quillcashca shimipi nin: "Runacuna micuncapac, upiancapac tiyarinurca, chai huasha tushuncapac shayarinurca". 8 Yumashpa juchallinata saquichic, paicunamanta maicancuna juchallishca shina, chashnamanta shuc punchallapi ishcai chunca quimsa huaranca huañunurca, 9 Cristota camanata ama yuyashunchic, paicunamanta maicancuna rurashca shina; chashnamanta machacui canishca huañunurca. 10 Diosta ama camichicchu, paicunamanta maicancuna camishca shina; chashnamanta Diospac angel paicunata huañuchirca. 11 Tucui caicuna ñucanchic rucucunapi tucurca; ñucanchiraicu Dios quillcashca shimipi quillcara saquirirca, cai puchucai pachapi causaccuna atipashpa causana cashcata yuyachincapac. 12 Chashnamanta, sinchimi cani yuyac runa, urmanata yuyanqui. 13 Cancunapac llaquicuna runa ñacari ushana tupulla canushca. Cancuna Diosmanta chapana canquichic, runa ñacari ushana tupulla llaquicunata charincapac. Shina cacpipash, cancuna llaqui charishcapi Diosmi sinchicuchinca ama urmancapac. 14 Chairaicu, yapa llaquishca huauquicuna, huacacuna chacchanamanta anchurichic. 15 Yuyayuc runacunatami rimani, chairaicu cancunallata ñuca rimashcata taripana ushanquichic. 16 Bendisiashca vinota upiashcapi, chaimanta Diosta pacrachunchic; chashnapi Cristohuan shuclla tucunchic paipac yahuarpi; ñucanchic paquishca tantamanta micushpa, Cristohuan shuclla tucunchic paipac aichapi. 17 Achca cashpapash, shuc tantamantallata tucui micunchic, chairaicumi shuclla aicha canchic. 18 Israel runacunata ricuichic: camari shina cushca aichamanta micuccuna, paicuna camari shina ricuchishcahuan shuclla tucunun. 19 Chaihuan mana rimanichu shuc huaca allimi nishpa, camari shina cushca aicha shuc aichacunamanta yalli allimi nishpa. 20 Caitami ñuca rimani: Diosta mana ricsiccuna shuc camarita ricuchishpa, supaicunaman ricuchiranun, Diosta mana. Supaicunahuan cancuna llutarincapac ñuca mana munani. 21 Apunchicpac vinomanta, chaillapita supaipacmantapash mana upiaipacchu. Apunchicpac micunamanta, chaillapita supaipamantapash mana micuipacchu. 22 ¿Apunchitacchu tunpachisha yuyanquichic? ¿Paimanta yalli sinchichu canchic imata? 23 Cai rimai tiyan: "Ñuca munashcata rurana ushanillami". Chai shuti can, ranti mana tucui alli can. Ñucanchic imata rurana ushacpipash, mana tucui Dios cuyashca sinchicuncapac yanapan. 24 Mana ñucanchipac allillata mashcana canchic, ashtahuan shuccunapac allita mashcana canchic. 25 Rantichishca aichata micuichiclla ama imatapash tapushpa, shuccuna imatapash yuyarinamanta; 26 tucui cai pacha paipi tiyashcacunantin Apunchicpac mari can. 27 Shuc mana inic runa micuncapac canta cayacpi, can chaiman rishpa, paicuna churashcata micuilla mana imatapash tapushpa, paicuna imatapash yuyanamanta. 28 Cunan cuti, maicanpash: "Cai aicha camari aichami" rimacpi, ama micuichicchu rimashcata uyashcaraicu, pai imatapash yuyarinamanta. 29 Shuc runa paipac ucupi charishca Diospac yachaimanta rimacuni, cancunapacmantaca mana. Ranti pipash tapunca imapashmi: ¿Ñuca munashcata rurashcamanta, shuc runapac Dios cushca yachaichu taripahuanca? 30 ¿Micushcamanta Diosta pacrachucllapita camihuanuncachu? 31 Shina cacpi, micushpa, upiashpa, imatapash rurashpa, tucuita Diosta jatunyachincapac ruranquichic. 32 Ama pitapash yachachichicchu mana alli rurashcacunata: judio cacpi, mana judio cacpi, Diosta iniccuna cacpi imapash. 33 Ñuca ranti, tucuicunata ñuca rurashcahuan tucuipi paicunata cushiyachini; mana ñucapac allillata mashcashpa, ashtahuan shuccunapactami mashcani, paicunapash quishpinata charinuchun nishpa.
1 Ñuca shina causaichic, ñuca Cristota catishca shina 2 Tucui pachapi ñucamanta yuyarishcaraicu, ñuca yachachishca shina cancuna caticushcaraicu, yapa cushiyani. 3 Ranti munanimi Cristo caran runapac uma cashcata cancuna atipancapac, caripash paipac huarmipac uma cashcata atipancapac, Dios Cristopac uma cashca shina. 4 Shuc cari runa Dios-huan rimaricushcapi, Diospac Cushi Shimita imapash yachachicushcapi umata quillparishpa, paipac uma cacta pincachin. 5 Ranti, shuc huarmi Dios-huan rimaricushcapi, Diospac Cushi Shimita imapash yachachicushcapi, umata mana quillparishpa, paipac uma cacta pincachin; acchata illacta pitirishca shina can. 6 Shuc huarmi umata mana quillparinayashpa, ashtahuan acchata illacta pitirichun. Ranti shuc huarmi accha pitirinata pincashpa, umata quillparichun. 7 Shuc cari runa umata mana quillparinachu, Diospac ricchai cashcaraicu, Dios jatun cashcata ricsichicun. Ranti huarmica cari jatunyashcata ricsichicun, 8 carica mana huarmimanta rurai tucurca, huarmi shuti carimanta surcui tucurca. 9 Cari mana huarmiraicu tiyan, ranti huarmi shuti cariraicu tiyan. 10 Chairaicullata, angelcunaraicupash, huarmi shucta uyac cashcata ricuchic unanchata paipac umapi charina can. 11 Chashna cashpapash, cai pacha causaipi, huarmi illacpi cari mana tiyan, huarmipash cari illacpi mana tiyan. 12 Huarmi carimanta surcui tucushca cacpipash, cari huarmimanta pacarin, chashnallata ishcantincuna Diosmanta shamunun. 13 Cancunallata taripaichic, ¿shuc huarmi mana umata quillparishpa Dios-huan rimaricpi allichu canca? 14 Ñucanchic causaillapita ricunchic, ima shina shuc cari runa suni acchata huiñachina yapa pincaipac cashcata; 15 ranti shuc suni acchayuc huarmi sumac ricurin, paipac uma sumac quillpara saquirin. 16 Ima shina cacpipash, pipash caimanta rimarinata munashpa, ñucanchic mana shuc yachaita charishcata, iniccuna mana shuc yachaicunata charishcata yachana can. 17 Cunan caita quillcacushpa, mana cushiyashcahuanchu rurani, cancunapac tantarinacuna alli rurana rantimanta, cancunata huacllichicun. 18 Caita uyashcani, callarishun: Diosta chacchancapac tantarishcapi, chausirishca cancunapi ricurin; shutimi yuyani ñuca chaica. 19 ¡Cancuna ucupi chicanyashca tiyana can, chaipimi maicanlla quiquin cristiano cashca ricsi tucunca! 20 Chashna chausirishca cashcaraicu, cancunapac tantarina ña mana Apunchicpac quiquin micuna can. 21 Ña micuna pacha pactashcapi, caranlla pai apamushca micunata japishpa micunun; maicancuna yaricai tiyacllapita, shuccunaca machanun. 22 ¿Upiana huasi, micuna huasi cancunapacpi manachu tiyan? ¿Iniccunata millashcahuan ricuncapac allichu? ¿Tsuntsucunata pincachincapac allichu? ¿Ñuca rimanca rashcata yachanquichicchu? ¿Cushiyashachu? ¡Manapacha allichu chaica! 23 Caitami Apunchicmanta yacharcani: Apunchic Jesus pai japi tucunca rashca tutallata, paipac maquipi tantata japirca; 24 Diosta pacrachushca, huasha, paquishpa rimarca: "Caimi ñuca aicha, cancunapac allipac huañuchincapac cushca. Ñucata yuyarishpa caita niraichic". 25 Chashnallata, micushca huasha, paipac maquipi calista japishpa, nirca: "Cai calis mushu curishca shimi can ñuca yahuarhuan pactachishca. Caran upiashcapi, ñucata yuyarishpa caita ruraichic". 26 Chairaicu, Apunchic shamunacama, caran cai tantamanta micushcapi, caran cai calista upiashcapi, Apunchic huañushcata huillanquichic. 27 Chasnamanta, maicanpash chai tantamanta micushcapi, chai vinomanta upiashcapi, mana chuya shuncuyuc cashpa, Apunchicpac aichapi yahuarpi jatun juchata ruran. 28 Chairaicumanta, chai tantamanta chaira mana micushcapi, chai vinomanta chaira mana upiashcapi, caranlla ñaupacta ucupi tiyac Dios cushca yachaita ricuna canchic. 29 Micushpa upiashpa Apunchicpac aicha cashcata mana atipashpa, pai quiquinllata ñacarincapac micun, upian. 30 Chairaicu cancunamanta achca uncuc, sanpa tiyanun, maicancunaca huañunushca. 31 Ñucanchicllata allita tariparicpi, Apunchic ñucanchicta mana ñacachinmanchu; 32 shinapash ñucanchic yachancapac, ama ñucanchic huiñaipac ñacarinaman cai pachamantacunahuan richun nishpami, Apunchic ñucanchicta ñacachin. 33 Chairaicu huauquicuna, micuncapac tantarishcapi, chapanacuichic. 34 Maicanpash yaricai cashpa, paipac huasipi micuchun, ama chashna tantarinamanta Diospacpi ñacachi tucuncapac. Shuc imacunamantapash cancunata ricuncapac rishpami allichisha.
1 Huauquicuna, caita Dios cuyashcacunamanta cancunata yuyachini: 2 Cancuna chaira Diosta mana inic cashcapi cancunapac mana shimiyuc huacacunata ñausa shina catirayarcanquichic. 3 Ranti, cunan mana cashnachu Diospac Samaihuan. Diospac Samaihuan puric mana rimancachu: "Jesusta mana munanichu" nishpa, mana Diospac Samai paita rimachicpi. 4 Shuc runa caran laya Dios cuyashcata charincami, chashnapash shuc Samaillata chaita cuyacun. 5 Caran laya yanapana tiyan, shinapash tucui shuc Apunchicllata mincashca can. 6 Caran laya rurana ushaicuna tiyanun, ranti shuc Diosllata tucuita tucuicunapi ruran. 7 Caran runaman Dios cuyan paipac: Samaipac ushaita, chai runa shuccunata yanapancapac. 8 Maican runacunata Diospac Samai alli yuyaicunata rimachin; shuccunata, chai Samaillata Diospi pacara yachaicunata ricsichin. 9 Shuccuna, inina chasquinun chai Samaimantallata, ranti shuccunaca uncuccunata janpina ushaita chasquinun. 10 Shuccuna mancharicushiyanacunata rurana ushaita chasquinun, shuccunaca Diosmanta shamuc shimicunata yachachina ushaita chasquinun. Maicancuna, alli Samai, mana aili samai cashcata ricsina ushaita chasquinun; shuccunaca caran laya shimi rimana ushaita chasquinun; cuti shuccunaca chasquinun chai shimicunapi rimashcata atipachina ushaita. 11 Tucui chaicuna shuc Samaimantallata shamun, paimi caran runaman pai munashcata cuyan. 12 Shuc runa, paipac aichapi achca uchilla aichacunata charishpallata, shuclla aicha can. Chashnallata Cristo. 13 Tucui ñucanchic judio cashpa, griego cashpa, huatara cashpa, quishpira cashpa, shuc Samaillapita bautisai tucurcanchic shuc aichalla tucuncapac; chairapash tucuilla chai Samaimantallata upiachi tucurcanchic. 14 Runa mana shuc aichalla can, achca uchilla aichacunata charin. 15 Chairaicu, chaqui mashnapash mana maquichu cani, mana aichamantachu cani nishpa rimacpipash, aichamanta mana chican can. 16 Rinripash, mashna mana ñahuichu cani, chairaicu; mana aichamantachu cani nishpa rimacpipash, aichamanta mana chican can. 17 Tucui aicha ñahuilla cacpi, mana uyana ushanchicman. Tucui aicha rinrilla cacpi, mana mutquina ushanchicman. 18 Ranti Dios caran uchilla aichata pai allimi yuyashcapi churarca. 19 Shuc uchilla aichalla cacpi, runa mana tiyanman. 20 Allita yuyaricpi, achca uchilla aichacunata charishpallata, shuclla aicha canchic. 21 Ñahui, maquita "canta mana mutsunichu" mana rimana ushan; umapash, chaquicunata "cancunata mana mutsunichu" mana rimana ushan. 22 Rimacpi, ashtahuan yanca aichashitucuna ricuric, yalli mutsushca canun; 23 mana yapa mutsushca aichacunata, yapa sumacta churachinchic. Ranti pincaipac ricuric aichacunataca allita quillpanchic, 24 alli ricuriccunata mana quillpanchic. Ñucanchic aichamanta ashtahuan mana alli ricuriccunata, Dios jatunyachishca cancapac munashca; 25 chashna rurarca ñucanchic aicha ucupi ama chausirina tiyancapac, ashtahuan tucui uchilla aichapura ricurinuchun munarca. 26 Shuc uchilla aicha ñacaricpi, tucui shuccunapash ñacarinun; chashnallata, shuc uchilla aicha cuyai tucucpi, tucuilla cushiyanun. 27 Shina cacpi, cancuna Cristopac aicha canquichic, caran runa chai aichamanta uchilla aichami canquichic. 28 Dios munarca iniccuna ucupi apostolcuna ñaupac tiyancapac; chai huasha profetacuna; chai huasha yachachiccuna; chai huasha mancharicushiyanacunata ruraccuna, uncuccunata janpiccuna, yanapaccuna, pushaccamacunapash, chican shimicunata rimaccunapash tiyachun munarca. 29 Mana tucui apostol canun; mana tucui profeta canun. Mana tucuilla yachachic canun, mana tucuilla mancharicushiyanacunata rurac canun, 30 mana tucui uncuccunata janpina ushaita charinun. Mana tucuilla caran laya shimita rimac canun, mana tucui chai shimicunapi rimashcata atipachina ushaita charinun. 31 Chashna cacpi, tucuimanta ashtahuan alli Dios cuyashcacunata chasquina yuyaita cancuna charina canquichic. Ñucami cancunata ashtahuan alli ñanpita ricsichincapac racuni.
1 Tucui cai pachapi tiyac shimicunata rimashami, angelcunapac shimitapash rimashami, ranti mana llaquinata charishpa, antamanta campana tacacpi uyarishca shinallami casha. 2 Dios rimashcata runacunaman ricsichishami, paipac ucupi pacashca tiyashcacunatapash ricsishami, tucui imacunatapash yachashami, achca inina charishpa urcucunata cuyuchishami, ranti llaquinata mana charishpa, yancami casha. 3 Tsuntsucunaman tucui ñuca charishcata cuyashami, ñuca aichatapash rupachi tucuncapac cushami, chashnapash mana llaquinata charishpa, yanca rurashcallami canca. 4 Llaquinata charishca can llaqui tiyashcapi cushi canami; yapa alli shuncuyuc canami can; chiquicuita mana charinami can; mana yapa ushayucmi cani yuyanami can, mana jatunyanami can, mana pincai illac canami can, mana amupacllata yuyaric canami can; mana piñarinami can, chai piñarita mana huiñaipac huacaichinami can; 6 alli ruranamanta cushiyanami can; mana alli ruranamanta, mana. 7 Caimi llaquinata charishca can: Tucuimanta ñacarina, ima llaquipash tiyashcapi cushi cana, tucuita inina, tucuita chapana, 8 Llaquina maican punchapash mana chincarincachu. Profeta cana shuc puncha saquinuncami, cai pachapi tiyac shimicunapi ña mana rimanuncachu, pacashca yachaicunata ña mana mutsushunchicchu. 9 Pacashca yachaicuna, inina punchayachic shimicuna mana pactachishca mari canun, 10 pactachishca shamucpi, paicuna chincarinuncami. 11 Huahua cashpa, huahua shina yuyarircani, rimarcani, tariparcani; ranti rucuyashcapi, huashaman jichurihuarca tucui huahua shina cana. 12 Cunan, shuc rirpupi shina mana pasacta ricunchic; ranti shuc puncha ima shina cashcata pasacta ricushun. Cunan ñuca ricsishca mana pactachishca can, ranti shuc puncha ricsishami Dios ñucata ricsihuashca shina. 13 Cunan charinchic inina, chapana, llaquina; quimsa canun; shinapash cai quimsacunamanta "llaquina" ashtahuan yalli alli can.
1 Cancunapura llaquinacunata yuyarichic, chashnallata Dios cuyashcacunata tarinata yapa yuyarina canquichic, Dios ricsichishcacunata yachachina cuyaita ashtahuan yapa mashcaichic. 2 Chican shimita rimac runa, mana runacunata rimacun paita mana pipash atipashcaraicu, Diosta rimacun. Pai rimashca Diospac Samaimanta shamun, chaita mana pipash yachan. 3 Ranti, Dios rimachishcata yachachic, ininapi runacunata huiñachichicun, sinchicuchishcahuan, camachishcahuan. 4 Chican shimipi rimac runa, paillata ininapi huiñacun; ranti Dios rimachishcata yachachic runa, iniccunata huiñachicun. 5 Ñuca munaiman tucui cancuna chican shimipi rimana ushac cancapac; ranti ashtahuan yalli allimi canman tucui cancuna Dios rimachishcata shuccunata yachachiha; chaimi chican shimipi rimanamanta ashtahuan alli can; pai chican shimipi rimashcata atipaipac shimiman chinpachicpi alli can, iniccunata ininapi huiñashpa catincapac. 6 Chairaicu huauquicuna, ñuca cancunata ricucrishpa chican shimipi rimacpi, yanca ricucrishcalla saquirin; Dios ñucanchicmanta munashcata mana rimacpi, mana ima yachachinata cancunapi saquicpi, mana Dios rimachishcata yachachicpi, ima shina catina cashcata mana yachachicpi, yanca can. 7 Chashnallata, shuc pincullu, shuc huancar, mana caranlla chican uyarinata charic cashpa, mana yachai canman maican uyaricushcata. 8 Shuc macanacuipi, trompeta nishca pai rimanayashcata mana pasacta uyachicpi, mana pipash macarincapac shayarinmanchu. 9 Chashnallata cancunapipash tucun: cancuna mana atipaipac shimicunata rimacpi, mana pipash yachancachu imata rimanayashcata. ¡Chashnapi huairatami rimacunquichic! 10 Cai pachapi achca rimaicuna tiyanun, caran runa paipac quiquin rimaipi uyan. 11 Ranti shuc runa ñuca mana yachashca shimipi rimahuacpi, chai runapac chican cani ñuca, paipash chashnallata chican ñucapac. 12 Chairaicu cancuna, Dios cuyashcacunata yapa munacunquichic, achcata tupaichic ninimi, shinapash tarinami canquichic Diosta iniccunata ininapi sinchicuchiccunata. 13 Chairaicullata, chican shimipi rimac runa Diosta mañachun, pai rimashcata tucuicunata atipachina ushancapac. 14 Chican shimipi ñuca Dios-huan rimaricushcapi, ñuca samaihuan Dios-huan rimaricuni, ranti ñuca yuyai chican saquirin. 15 ¿Chashnapi imatami rurasha? Dios-huan rimaricushcapi, Dios cushca samaihuan rimarina cani, shinallata ñuca yuyaihuanpash. Ñuca samaihuan taquina tucuni, shinallata ñuca yuyaihuanpash. 16 Canpac samaillahuan can Diosta chacchacushcapi, shuc mana alli atipac runa uyacushpa, Diosta mana canhuan pacrachunata ushan, can rimashcata mana atipashcaraicu. 17 Can Diosta pacrachucushca yapa allimi canca, ranti chaishucta ininapi huiñachichincapac mana yanapancachu. 18 Diosta pacrachunimi chican rimaicunata tucui cancunamanta yalli rimac cashcaraicu; ranti Diospac huasipi atipaipac shimicuna pichcallatami rimasha, chashnami runacunata yachachina ushasha chunca huaranca chican shimihuan rimashcamanta yalli. 20 Huauquicuna, huahua shina yuyanata jichuichic. Mana alli ruranapi shuti huahua shina caichic; ranti cancuna yuyarinapi rucu caichic. 21 Dios quillcashca shimipi quillcara tiyan: "Cai runacunata chican shimicunapimi rimasha, shinapash mana uyahuanuncachu, Apunchic riman". 22 Shina cacpi, chican shimipi rimana mana inina munaccunapac cari; iniccuriapac, mana. Ranti Dios rimachishcata ricsichina iniccunapac can; mana iniccunapac, mana 23 Iniccuna tantarishcapi tucuicuna chican shimipi rimacucpi, shuc mana alli atipac, mana inic runa imapash yaicushpa, tucuillami nuspa tucushpa juntaranquichic yuyanca. Ranti, tucuilla Dios rimachishcamanta rimaricushcapi, shuc mana inina munac runa, mana alli atipac runa imapash yaicushpai, pai juchayuc cashcata ricsirincami; chaipimi paillata tariparinca tucuicuna rimacushcata uyashpa. 25 Chashnami paipac shuncu ucupi pacashcacuna tucuipac ñaupacpi ricurinca, paica cuncurishpa Diosta chacchahca; chaipi shuti pai allipacha yachanca Dios jinu cancuriahuan tiyacushcata. 26 Tucui ñaupa rimashcamanta cai tiyan: Cancuna tantarishcapi, maicancuna Diosman taquina ushan; shuccuna yachachinuchun Dios caranman rimashcata ricsichishpa; mana cacpi chican shimipi rimashpa imapash, mana cacpi chai chican shimipi rimashcata atipachishpa imapash; shinapash tucui chai tucuicunapac allipac cachun: 27 Chican shimipi rimana tiyacpi, ishcai, quimsa runalla rimanuchun shuc shuc; chairapash, shuc runa chai chican shimipi rimashcata yachashca shimiman chinpachina can. 28 Iniccunamanta mana pipash chican shimipi rimashcata chinpachina ushac tiyacpi, chican shimipi rimanata saquinuchun, chaipac rantimanta caran runa ucupi yuyarichun, Dios-huanpash rimarichun. 29 Chashnallata Dios rimachishcata huillaccunapash ishcai, quimsalla rimanuchuri shuc shuc shuccunaca yuyarinuchun rimashcamanta. 30 Ranti shuc chaillapita tiyacuc runata Dios rimachicpi, rimacuc runa upallayachun. 31 Chashnami tucuilla shuc shuc; Dios paiman rimashcata ricsichinata ushan, tucuilla yachashpa ñaupacman catina ushancapac. 32 Dios ricsichishcata yachachiccuna paicunallata allita ricsichishpa catinuchun, 33 Dios alli causaipac Dios cashcaraicu, mana pantachinayac. Diospac ranacunapac yachaita catishpa, 34 tantarinacunapi huarmicuna chunlla tiyana canun, paicuna mana shuc shimi rimana nishcaraicu. Dios quillcashca shimipi rimashca shina, cari rimashcallata pactachina canun. 35 Imtapash yachana munashpa, carita huasipi tapuna canquichic, shuc huarmi tantarinapi rimana mana aili cashcaraicu. 36 Diospac Cushi Shimi mana cancunapacpi callarishcata. mana cuncarina canquichic, mana cancunallachu chaita chasquircanquichic. 37 Maicanpash profeta cani yuyashpa imapash, mana cacpi, Diospac Samaimanta yachaita chasquishcata yuyashpa imapash, cai ñuca quillcacushca Apunchic rurainishca cashcata yachanca. 38 Pai mana yachana munacpi, paimi yachan! 39 Shina cacpi, huauquicuna, Dios rimachishcata huillana yuyaita yapa charichic, chican shimipi rimanata ama jarcaichicchu; 40 ima shina cacpipash, tucuita chuya shuncuhuan, cuscata ruraichic.
1 Huauquicuna, cunan cancunata yuyachini Diospac Cushi Shimita cancunaman ñuca yachachishcamanta. Paita chasquishca huashami, cunan cancuna sinchicushpa chaipi caticunquichic. 2 Chai Cushi Shimiraicu cancuna quishpichishca canquichic, cancuna sinchicushpa chaita catishpa; mana sinchicushpa, yancamanta inishcanquichic. 3 Ñaupac ñuca chasquishcata cancunaman yachachircani. Ñucanchic jucharaicu Cristo huañushcata yachachircani, Dios quillcashca shimipi rimashca shina; 4 paita panpanurca; quimsa puncha huasha Dios quillcashca shimipi rimashca shina causarirca; 5 causarimushpa Pedroman ricurirca, chai huasha chunca ishcai apostolcunaman. 6 Huasha; pichca pacha yalli runacuna tantarishcapi tucuicunaman ricurirca, achca paicunamanta chaira causaranun, ranti maicancunaca huañunuscha. 7 Huasha manapash unaipi Santiagoman ricurirca, chai huasha tucui yachachishcacunaman, 8 Puchucaipi, ñucatapash ricurihuarca, ñuca chaira huachana mana pactarishcapi pacarishca huahua cani. 9 Tucui apostolcunamanta quipami cani, mana ailichu ñuca apostol rimai tucuncapac, iniccunata piñashpa japic mari carcani. 10 Ranti Dios ñucahuan alli cashcaraicu cunan ñuca cashca cani; Dios ñucata mana yancalla llaquihuashcachu. Rimacpi, tucui paicunamanta yalli rurashcani; mana ñucachu rurashcani, Diosmi, pai ñucata llaquishpa yanapahuasticai. 11 Allita rimacpi, ñuca paicunapash chai Cushi Shimillatata rimanchic, cancunaca ñucanchic rimashcata inishcanquichic. 12 Cunan ricushun, Cristo huañushcamanta causarimushcata ñucanchic yachachinchic; shina cacllapita, cancunamanta maicancuna huañushcacuna mana causarinunchu rimanquichic. 13 Huañushcacuna causarina mana tiyacpi Cristopash mana causarishcachu; 14 Cristo mana causarishca cacpi, ñucanchic yachachicushca yanca can, cancuna inishcapash mana imapac alli can. 15 Chashna cashpa, ñucanchic Diosmanta llulla ricuyac canchicman, rimarcanchic mari Dios Cristota huañushcamanta causachishcata; yachacpica mana causachishca, huañushcacuna mana causarina shuti cacpi. 16 Huañushcacuna mana causarina cashcacpi, Cristopash mana causarishcachu; 17 Cristo huañushcamanta mana causarishcapi, cancuna inishca yanca can: chaira juchapi causacunquichic. 18 Chashna cacpi, Cristota inishpa huañushcacunapash chicapacmi chincarinushca. 19 Cai causaillapi. Cristota chapashpa, tucuicunamanta yalli llaquipac runami canchic. 20 Ranti shuti pachami Cristo huañushcamanta causarimushca. Paimi ñaupac pucucpi pallashca muyu shina can: huañushcamanta causarinapi tucuicunata ñauparca. 21 Shuc runaraicu cai pachaman huañui pactamushca shina, chashnallata shuc runaraicu huañushcamanta causarina pactamurca. 22 Adanpi tucui huañushca shina, chashnallata Cristopi tucuicuna causaita charinunca. 23 Shinapash caranlla paipac pacha pactashcapi: Cristo tucuimanta ñaupac; huasha, Cristo ticramucpi; paita caticcuna. 24 Tucurina chaipi shamunca, Cristo apucunata ushaicunatapash yallishpa, Dios Yayaman cai pachata cuna puncha. 25 Cristo amu causana can tucui paita chicniccuna paipac chaqui ucupi urmanacama; 26 puchacaipi paita chicnic huañuimi yalli tucuncami. 27 Dios tucui imacunata paipac chaqui ucupi churashcaraicu. Shinapash chaqui ucupi churashca saquirishcami rimashcapi, Diosllata mana chaqui ucupi saquirircachu, ashtahuan paimi tucui imacunata Cristopac chaqui ucupi churashca. 28 Ña tucui Cristopac chaqui ucupi churashca cacpi, chaipi Cristollata, pai Churi cashpa, Diosman curinca. Chashnami Dios tucuicunapi tucui canca. 29 Mana chashna cacpi, huañushcacunaraicu bautisariccuna yancamantami ruranunman. Huañushcacuna mana causaricpi, ¿allichu canca paicunaraicu bautisarina? 30 ¿Allichu ñucanchic caran pachapi huañunalla mayanpi causana? 31 Ari, huauquicuna, caran puncha ñucapash huañuñalla causani. Cai shutimi can, Apunchic Jesucristopi cancuna inishcaraicu ñuca cushiyashca shina. 32 Efesopi pumacunahuan macarishcanimi, ¿chaimanta imallapash japishcanichu? Huañushcacuna mana causarina tiyacpi, ¿imanata maicancuna rimanun: "Micushunlla, upiashunlla, cayaman huañunami canchic"? 33 Ama umachi tucuichichu. Caita maicancuna rimanun: "Mana alli mashicuna alli yachaicunata huacllichinun" 34 Alli yuyaihuan causanaman ticrashpa, ña ama juchallichicchu, cancunamanta maicancuna Diosta mana ricsinquichic mari. Caita rimanimi cancunata pincachinaraicu. 35 Maicanpash tapunquichicmi: ¿Ima shina huañushcacuna causarinunca? ¿Ima shina aichahuan jatarinunca? 36 Yuyai illac canqui chashna tapuncapac. Can tarpucpi, muyu huañuna can yurashitu causaita charina ushancapac. 37 Tarpushcapi, mana huiñana yurata satinchic, muyutami tarpunchic, trigo muyu cacpi, ima muyutapash. 38 Chai huasha Dios pai munashca stiina ricuricta ran, caran muyunanta quiquin yurata surcun. 39 Mana tucui aicha chaipuralla canun; runapac aicha shuc can, huacracunapac shuc, pishcucunapac shuc, yacu aichacunapac shuc. 40 Chashnallata, jahua pachapi cuillurcuna tiyanun, chai pactiapi aichacuna tiyanun; ranti cuillurcuna paicunapac quiquin sumac ricurishcata charinun, caimanta aichacunapash quiquin paicunapac sumac ricurishcata charinun. 41 Inti llinpiyashca, quilla llinpiyashcamanta cuillurcuna llinpiyashcamantapash chican can; paicuna cuillurpura llinpiyashcapash caranpac chican can. 42 Huañushcacuna causarinapi chashnallata tucun. Ismunata panpahchic; ranti mana ismuna causarimun. 43 Panpashcapi millaipac can; causarimushcapi jatunyachishca can. Panpashcapi sanpa can; causarimushcapi sinchi can. 44 Huañuc aicha panpai tucun; huañushcamanta causarishcapi huiñaipac samaiyuc can. Shuc aichayuclla aicha tiyacpipash, shuc samaiyuc aichapash tiyan. 45 Dios quillcashca shimipi cashna riman: "Tucuimanta ñaupac runa, Adan stiutiyuc, causaiyuc aicha carca"; ranti puchucai Adan, causachie samai can. 46 Shinapash, samai mana ñaupacchu can, aichami ñaupac can, chai huashami samai can. 47 Ñaupac runa, allpamanta rurashca cashpa, cai pachamanta can; ranti quipa runa jahua pachamanta can. 48 Tucui cai pachamanta runa, chai allpamanta rurashca runa shina canun; ranti jahua pachamantacuna, chai jahua pachamanta runa shina canun. 49 Cunan allpamanta rurashca runa shina ricuric canchic, chashnallatami huasha jahua pachamanta runaman ricurishun 50 Caita rimani, huauquicuna, jahua pachapi mana yaicuna ushancachu aichamanta tullumanta cashca; chashnallata ismunaca mana ismuc mana tucuncachu. 51 Cai pacara shimita yachanuchun munani: Mana tucui huañushunchu, ranti ña pacha pactarishcapi, tucuillami 52 shuc laya tucushunchic, ñahui pin rashcapi, huama puru puchucai uyarishcapi. Huama puru uyarincami, huañushcacunaca mana cuti huañuncapac causachishcami canunca. Ñucanchicca shuc laya tucushcami saquirishun. 53 Ñucanchicpac ismuc aicha ña mana ismuc tucunca; ñucanchicpac huañuc aicha ña mana huañuc tucunca. 54 Ñucanchic ismuc aicha ña mana ismuc tucushcapi, ñucanchic huañuc aicha ña mana huañuc tucushcapi, chaipimi Dios quillcashca shimipi rimashca pactarinca: 55 "Chicapac huañui yallishca saquirinca". "¿Huañui, can yallishca tiyanchu? ¿Huañui, canpac tucsina maipita can?". 56 Huañuipac tucsina juchami can, camachic quillcami juchaman ushaita curca. 57 Chairaicu Diosta pacrachushun, paimi Apunchic Jesucristopi ñucanchicman yallinata cun. 58 Chashnamanta, huauquicuna, ama sanpayashpa sinchicuichic, tucui pachapi Diospac ruranapi llancaichic; cancuna yachanquichic Apunchic-huan pacta rurashca mana yanca llancashca tucun.
1 Inic huauquicunata yanapancapac cullquita pallanamanta nicpi, Galaciamanta iniccunaman ñuca rimashcata cancunapash pactachichic. 2 Domingo punchacunapi, cancuna huacaichina ushashcata caranlla chicanman churaichic, ama ñuca pactashcapi cullquita pallacuncapac. 3 Ñuca pactashpa, cancuna acllashca runacunatami Jerusalenman quillcahuan cachasha, chaipi tiyac huauquicunapacman cancuna pallashca cullquita apashpa rinuchun. 4 Ñucapash rina tucucpi, ñucahuanmi paicuna rinunca. 5 Ñuca ricpica Macedoniata rina cani; Macedoniata rishca huasha, Corintopimi pactasha. 6 Unainayata imapash cancunahuan saquirishami, mana cacpi tucui tamia pacha imapash quiparishami; chaimanta maimapash rina cacpi, cancuna yanapana ushahuanquichic. 7 Mana ricushpalla rinayanichu, Apunchic munacpi, ashtahuan cancunahuan unainayata saquirishami yuyani; 8 ranti Pentecostes punchacama Efesopimi saquirisha, 9 chaipimi Apunchicpacta alli llancana tiyanca rahuan, achcata rurasha yuyani, ñucata chicniccuna achca juntaracpipash. 10 Timoteo cancunaman pactacpi, ama chicanlla ricunquichichu, paipash ñuca shinallata Apunchicpac ruranapi llancacushcata yuyarichic. 11 Shina cacpi, ama pipash cancunamanta piñashcahuan paita ricuchun; ashtahuan pai puricushcapi yanapaichic ñucata ricuc shamuhuachun, ñuca chaishuc huauquicunantin paita chapacunchic mari. 12 Ranti huauqui Apolota yapa rimashcanimi, huauquicunahuan rishpa cancunata ricucrichun; chai ucu rincapac mana munarca. Huashami pai rinca racun. 13 Ñahuita allita pashcashpa causaichic, inina sinchi cachun cancunapi. Cari caichic, sinchi tucushpa. 14 Tucui imatapash rurashcapi, llaquishcahuan ruraichic. 15 Huauquicuna, cancuna yachanquichic ima shina Acayapi, Estefanas paipac aillucunantin, tucuicunata ñaupashpa Diospac Cushi Shimita uyarca, chai huasha shuc huauquicunata yanapanurca paicunapash inina charinuchun nishpa. 16 Paicunata uyapaichic rimani, tucui cai ruranapi llancaccunatapash uyaichic. 17 Estefanas, Fortunato, Acaico shamushcaraicu yapa cushiyani, cancuna illashcapi 18 ñuca causaipi cushichihuanushca, cancunatapash cushichinushca. Chashna runacunata llaquina canquichic. 19 Asiamanta iniccuna cancunata yapa yuyarinun. Aquila, Prisca tucui paipac huasipi tantariccunantin Apunchicpi cancunata yuyarinacun. 20 Tucui huauquicuna cancunamanta yuyarishcata chasquichic. Cancuna yachai muchanacushcahuan yuyarinacuichic. 21 Ñuca, Pablo, cancunaman yuyarishcata quiquin ñuca maquihuanmi quillcani. 22 Maican runapash, Apunchicta mana llaquishpa, maldisiashca cachun. ¡Apunchic, shamui! 23 Apunchic Jesuscristo paipac cuyaita cancunapi tallichichun. 24 Ñuca cancunata Cristo Jesuspi llaquishca cancunahuan cachun.
1 Ñuca, Pablo, Dios munashcaraicu Jesucristopac apostol cani. Ñuca huauqui Timoteontin cai pancata quillcacuni, Corinto llactapi tiyac iniccunaman Acayapi tiyac tucui Diospac runacunamanpash. 2 Ñucanchicpac Yaya Dios Apunchic Jesuscristontin, paicunapac cuyaita alli causaitapash cancunapi tallichinuchun. 3 Apunchic Cristo Jesuspac Yaya Dios bendisiashca cachun, paimi ñucanchicmanta llaquiric Yaya can, llaquirishcapi cushiyachic can. 4 Tucui llaquicunapi ñucanchicta cushichin, ñucanchicpash shuccuna llaqui charishcapi cushichina ushancapac, pai ñucanchicman cushca cushillahuata. 5 Cristopac ñacarina ñucanchicpi sinchi pactamucpi, ñucanchic paihuan ñacarinchic, chashnallata Cristoraicu cushiyana ñucanchicman juntarimun. 6 Ñucanchic ñacarinchicmi cancuna cushichinata quishpinata charichun nishpa; Dios ñucanchicta cushichicpi, cancunapash cushita charincapac can, ñucanchic shina sinchi llaquicuna charishcapi, sinchicushpa ñacarina ushancapac. 7 Cancunamanta achcatami chapanchic, ricushcanchic mari ima shina ñucanchichuan ñacarinquichic, chairaicullata Diosmanta shamuc cushichinata chasquina canquichic. 8 Huauquicuna, Asiapi chai tucui ñacarinata charishcamanta cancunata yuyachini. Mana ushaipac sinchi llaquicuna tiyanurca, ñalla causana yuyaipash tucurircami. 9 Huañuncapac saquishca shinami yachirca. Chashna tucushcapi yacharcanchic, ima shina sapalla mana ushanchic ima ruranapipash, ranti huañushcacunamanta causachic Dios yanapashcahuan ushanchic. 10 Diosca chashna ña huañunamanta quishpichirca, huashamanpash ñucanchicta quishpichishpa catincami. 11 cancuna Diosta mañashcahuan yanapacpi. Ñucanchicraicu achcacuna Diosta mañanucpi, chashnallatami achcacuna Diosta pacrachununca ñucanchicta yanapashcaraicu. 12 Caimi cushichihuan: cai pachapi tiyacushpa chuya shuncuhuan, cusca rurashcahuan causashcanchic, cancunahuanca ashtahuan alli. Mana ñucanchic shuncumantachu chashna causashcanchic, Dios llaquishpa yanapacpimi chashna causashcanchic. 13 Ñucanchic quillcashcacunapi cancuna uyashca, cancuna atipashca tiyan. Allita cancuna atipancapacmi munani, 14 cunancama atipashca shina, Apunchic Jesus ticramushcapi achcatami cushiyanquichic ñucanchicmanta, ñucanchicpash cancunamanta cushiyashca shinallata. 15 Chashna tucuncami yuyashpa, ñaupa cancunata ricucrisha yuyarcani, chashna cancunata ishcai cuti ricucriman carcani; 16 Macedoniaman rirashcapi cancunata ricusha yuyarcani; ticracushcapi, cutillata cancunata ricusha yuyarcani. Chaipi cancuna yanapahuanquichicman carca Judeaman ticramuncapac. 17 ¿Mana allita yuyarishpachu chashna rinata munarcani? Ama ishcai shimiyucmi yuyahuanquichicchu, "ari" "mana" chaillapita nishpa. 18 Diosllata yachan, ñuca cancunata mana ishcai shimihuan rimashcata. 19 Ñuca, Silvano Timoteontin cancunata ricsichishca Diospac Churi Cristo Jesus shuc shimillami can mana ishcai. Cristo Diospac "Ari" can, 20 paipi (Cristopi) tucui Dios cusha nishcacuna pactarinun. Chairaicu, Diosta chacchashcapi, "Chashna cachun" rimanchic, Cristo Jesusraicu. 21 Diosllatami ñucanchicta cancunantin Cristoman llutachishpa sinchiyachin, paillata ñucanchictapash acllarca, 22 Pai ñucanchicta jahuirca quiquin paipac unanchahuan, Diospac Samaita ñucanchic shuncu ucupi churarca; ñucanchic japinca rashcata ricuchincapac. 23 Ñaupa yuyarishca shina chaira Corintoman mana rishcanichu; Diospash yachanmi cancunata yapa yuyarishcaraicu mana rishcata. 24 Huashalla cancunapac inina imana caticushcata ricushpa mana purinayanchicchu, cancunapac inina ña pacta sinchi can; ashtahuan cancuna cushi causancapacmi yanapanayani.
1 Chairaicu, cancunata cuti ricucrishcahuan llaquichina cashpa, mana rircanichu, 2 Caricunata ñuca llaquichicpi, ¿cancunamanta chicancuna cushiyachihuanuncachu? Cancuna, ñuca llaquishcacunallami cushiyachihuanquichic. 3 Chairaicu quillcarcanilla cancunaman, cancunaraicu llaquirina cashpa mana rircani, ashtahuan cancuna cushiyachihuariami cariquichic, Ñuca yacharcanimi cancunapash ñucahuan cushiyanata, 4 ranti chai pancata cancunaman quillcacushcapi, achcata yuyarishcahuan llaquirishpa huacarcani. Shinapash, mana cancunata llaquichincapacchu quillcarcani, ashtahuan cancuna ñuca yapa llaquishcata ricsinuchun nishpami quillcarcani, 5 Ñucata llaquichic runa mana ñucallatachu llaquichihuashca, ama yapalla paita juchachincapac, cancunatapash ansata llaquichishcami 6 Cancuna piñashpa camachishcahuan ña chai runata alli tuputami ñacachishcanchic rimani. 7 Cunan, chai juchamanta quishpichishpa, yanapana canquichic, yanca, rashpa yapalla llaquirishpa chicapac chincarinca imapash. 8 Chairaicu cancunata mañani cuti llaquishca ñahuihuan paita ricuichic. 9 Ñaupallata cai layamanta cancunata quillcarcani, ¿ushanquichicchu, manachu ushanquichic imata, ñucanchic camachishcata pactachincapac? 10 Shina cacpi, imamantapash shuc runata cancuna quishpichicpi, ñucapash paita quishpichinimi. Quishpichishami paita imamantapash quishpichina tiyacpi, cancunapi yuyarishpa Cristopac ñaupacpi. 11 Chashnami supai ñucanchic ucupi mana imatapash rurana ushanca, yachanchic pai ima shina ñucanchic pantancapac chapacushcata. 12 Cristopac Cushi Shimita ricsichincapac Troas llactaman pactashcapi, Apunchicraicu llancana pailla tiyahuarca. 13 Ranti, ñucanchic huauqui Titota mana tarishcaraicu mana cushi carcani. Chairaicu, paicunamanta llucshishpa Macedoniaman rircani. 14 Diosta pacrachuni Cristo Jesus atinapi ñucanchicta llutachishcaraicu, ñucanchicraicu paipac Cushi Shimita runacunaman ricsichin, sumac ashnaita tucuicunapi tallichishca shina. 15 Ñucanchic, Cristomanta Diosman sumac sicac ashnai shina canchic; chai ashnai, quishpiccunapi, chicapac chincariccunapi, tucuicunaman pactacun. 16 Chicapac chincariccunapac, chai ashnai huañui can, ranti quishpiccunapac, causaita cun chai sumac ashnai. ¿Yachanquichicchu picunami caita rurana ushanun? 17 Diospac Shimita, maicancuna rurashca shina, mana catunchicchu; cusca shimita Diospac ñaupacpi rimanchic, pai mincashcacuna mari canchic, Cristohuanpash ilutarishca mari canchic.
1 Cancunaman caita rimashpa, ¿cuti ñucanchillata jatunyashpami rimaranchicchu yuyanquichic? ¿Nucan-chicmanta alli rimac quillcatachu ricunata munanquichic?, ¿cancunatachu mañashun, maicancuna rurashca shina? 2 Cancunallatami ñucanchicmanta alli rimac quillca canquichic: ñucanchic shuncupi quillcashca quillca, paita tucui ricsinun, tucui ricuna ushanun. 3 Mana pantai can cancuna Cristollata quillcashca quillca cashca, ñucanchic maquihuan cushca; cai quillca mana jahuinahuan quillcashcachu, causac Diospac Samaihuan quillcashcami; chai quillca mana rumi palapi quillcashcachu can, runacunapac; shuncupi quillcashcami. 4 Diospac ñaupacpi, Jesucristo yanapashcahuan, chai chashna cashcata yachanchic. 5 Mana ñucanchicpac quiquin ushaihuanchu ñucanchic rashcata ruranchic, tucui ñucanchic rurana ushashca Diosmanta shamun, 6 paimi ushaita ñucanchicman cushca, mushu cunacushca shimita yanapana ushancapac, mana quillcapi cushca, Samaimantami shamuc. Camachic Quillca huañuchic mari can, ranti Diospac Samai causaita cun. 7 Cai rumi palacunapi quillcashca Camachic Quillca mana ushaipac llinpic-huan shamurca, Israel runacuna Moisespac ñahuita mana ricuc ushacta carca, yapa chiuclla cashcaraicu. Shinapash chai llinpic uchpayashpa tucurina carca. Cuti chai Camachia Quillca huañuchic cashpallata achca jatunyachishca shamurca; 8 cunan, ¡ima shina jatunyachishca chari canca Diospac Samaimanta shamuc mushu cunacushca shimita ricsichina!. 9 Rimacpi, ñucanchicta huañuchincapac Camachic Quillca cashpallata jatunyachishca shamurca, ¡mai jatunyachishca chari canca Dios ñucanchicta juchacunamanta pichashcata ricsichishca! 10 Camachic Quillca jatunyashca uchillami saquirin cai shuc-huan yuyaricpi, cai yapa jatonyachishca mari can. 11 Tucurina cashpallata jatunyachishca carca, ashtahuan yalli jatunyachishca mari canca chicapac causana. 12 Caita chapaccuna cashpa mari, mana manchashcahuan rimanchiclla. 13 Mana Moises shina ñahuita llachapahuan quillparinchicchu, llinpic huañurashcaca Israel runacuna ama ricuncapac. 14 Ranti paicuna mana atipanurca, chaira cunanpash, Camachic Quillcata ricushcapi, chai quillparacllata paicunata mana atipachiti, paicuna mana anchuchi tucunushca quillpacucta, chaica Cristoraicullami anchuchi tucurica. 15 Cunan punchacama; paicuna Moisespac quillcata ricushcapi, paicunapac yuyaita shuc llachapa quillpacun. 16 Ranti shuc runa Apunchicman shuncuhuan ticracpi, chai quillpacuc llushpirin. 17 Apunchicca Samai cashcaraicu, Apunchicpac Samai tiyashcapi, chaipi tiyan quishpira causana. 18 Chairaicu tucui ñucanchic, ñahuipi quillpacucta ña anchuchishcacuna, shuc rirpupi shina Apunchic jatunyashcata ricuchic canchic, quiquin paipac ricchai canchic, pai jatunyashcata ñucanchicpash ashtahuan charinchic, Apunchic munashcaraicu, pai Samai can.
1 ¿Chairaicu mana sanpayanchic, Dios ñucanchicmanta llaquinata charishpa, cai llancanata ñucanchicman miricashcaraicu. 2 Ñucanchicmanta jichushcanchic pacallapi pincaipac ruranacunata; Diospac shimi yachachishcapi, mana umachinchic, mana llullanchic. Ashtahuan shuti shimillata rimanchic, chashnami Diospac ñaupacpi maican runapash ñucanchic alli cashcata yachanunca. 3 Ñucanchic yachachishca Cushi; Shimi, ¿shuti pacha mana atipaipac cari chicapac chincariccunapaclla. 4 Paicuna ininata mana charishcaraicu, cai pachamanta dios paicunapac yuyaita mana atipacta rurashca, ama paicuna ricunuchun jatunyachishca Cristopac Custi Shimipac llinpic achicta, pai Diospac ricchai mari can. 5 Mana ñucanchicmantachu yachachinchic, Jesucristo Apunchic cashcatami yachachinchic, ñucanchicca Jesusta muchashcaraicu cancunata yanapacllami canchic. 6 Yana ucumanta achicta surcuc Diosllatami, ñucanchic shuncupi achicta churashca, Dios jatunyashcata chai achic-huan ricuna ushanchic, Jesucristopi rirpupi shina ricuricucta. 7 Cai Diosta ricsina ushaita ñucanchic aichapi charinchic, cai aicha allpa manca shina can chai jatun ushai Diosmanta shamushcata ricsichincapac, mana ñucanchicmanta. 8 Chashna, achca llaquicunayuc cashpapash, ñaupacman riranchiclla; achca yuyaricuna tiyacpipash, shinapash mana sanpayanchicchu. 9 Piñashpa japinucpipash, mana jichushcachu canchic; urmachishpapash, mana huacllichinunchu. 10 Maimanpash rishcapi, Jesuspac huanuita ñucanchic aichapi apai cachanchic, paipac causaipash ñucanchicpi ricurincapae. 11 Causacushpa, ñucanchic Jesusraicu huañunalla causanchic, paipac causai ñucanchic huañuna aichapipash ricurincapac. 12 Chashnami, ñucanchicman huañui shamucpi, ranti cancunaman causai pactan. 13 Dios quillcashca shimipi riman: "Inina tiyahuacpi, chairaicu rimarcani". Chairaicu ñucanchicpash, chai shinallata inina charishpa, ininchic rimanchicpash. 14 Ñucanchic yachanchic, Apunchic Jesusta huañushcamanta causachic Diosllata, ñucanchictapash paihuan causachina cashcata; chai huasha tucui cancunahuan pacta, paipac ñaupacman pushanca. 15 Tucui caicuna cancunapac allipac tucushca, Dios cuyashcacunata achcata chasquishcamanta, chashnallata achcacuna Diosta pacrachunuchun, Diosta jatunyachishpa. 16 Chairaicu mana sanpayana canchic. Ñucanchic jahua ricuric aicha rucuyaracpipash, ranti ñucanchic ucupi caran puncha ashtahuan maltayaranchic. 17 Cai causaipi ñucanchic ansa ñacarishca mana unai tucurin; ranti chaimanta huiñaipac jatunyanata chasquinchic, yalli jatun achcapash can chai. 18 Ricuipac cashcapi ña ñucanchic ñahuita mana churanchic, mana ricuricpi ashtahuan churanchic, tucui ricuric imacuna tucuric cashcaraicu; ranti mana ricuriccunaca huiñaipac tiyana canun.
1 Cai pachamanta huasi shina canchic, shuc mana unaita causancapac rurashca tanpu shina; ranti ñucanchic yachanchic, cai tanpu tularicpi, jahua pachapi Dios ñucanchicpata mana ismuc huasita allichishpa charishcata; chai huasi mana runa maqui rurashcachu can, 2 Chairaicu cai cunan causacushca huasipi; tiyacushpa llaquirinchic; ña rina munanchicman jahua pacha huasiman, 3 paita ñucanchic shuc churanata shinami, churarishun; ama llatan ñucanchic saquirincapac. 4 Cai tanpupi cashpa llaquirishpa causanchic, llatanai tucunata mana munanchicman, ashtahuan churarashca jahuapi churachi tucunata munanchicman, cai huañuc aicha mushu causaipi yaicurishca saquirichiin. 5 Dios ñucanchicta chaipac ailichirca, ñucanchic japina cashcata ricuchishpa paipac Samaita ñucanchicman curca. 6 Chairaicu mana manchashcahuan imatapash ruranchic. Yachanchic cai aichapi causacunacama caru llactapi shina causacushcata, Apunchicmanta caruyashca. 7 Cunan paita mana ricuna ushanchic, inina sinchicuchishcahuan causanchic; 8 shinapash mana manchashpa causanchic, ranti alli canman cai aichamanta llucshishpa, ña Apunchicpac ñaupacman rina. 9 Chairaicu tucui pachapi Apunchicta cushiyachinata munanchic, cai aichapi causacushcapi, paimanta llucshishcapi imapash. 10 Tucuicuna Cristopi taripai tucuna canchic, caranlla pai causacushpa rurashcamanta chasquincapac. 11 Chashna, Diosta yupaichana cashcata yachashcaraicu, runacunatapash chaita ricsichinata munanchic. Dios ñucanchicta yapa allita ricsin, cancunapash ñucanchicta ricsincapac munani. 12 Mana cuti ñucanchicraicu rimancapacchu callarishcanchic; ashtahuan ñucanchicraicu cancuna cai cutillapash cushiyanuchun nishpami can, cancuna jahua ricuchishcallahuan mana shuncu ucupi tiyashcallahuan jatunyaccunata cutipana ushancapac. 13 Ñucanchic nuspa cacpi, Dios ñucanchicta uyachun, ranti alli yuyaihuan rimacpi, chaica cancunapacmi can. 14 Cristopac cuyai ñucanchic causaita pushacun, shuc runa tucuicunaraicu huañushcata chashnamanta tucuicuna huañushcata yachashpa. 15 Cristo tucuicunamanta huañurca, cunan causaccuna ama quiquinpacllata causanuchun; paipac canuchun; paicunaraicu pai huañushca huasha causarirca. 16 Chairaicu, ñucanchic mana pitapash cai pachamanta yuyaihuan taripanchic; ñaupa ima chari Cristomanta panta yuyaita charircanchic, cunan ña paimanta mana chai yuyaita charinchic. 17 Chairaicumanta, Jesucristohuan llutarishca runa mushu runa can: chai runapac causai tucurirca; cunan tiyac mushu can. 18 Tucui caita Dios rurarca; Diosllata Cristoraicu ñucanchicta paihuan allichirca; paillata tucui runacunata paihuan allichincapac ñucanchicta mincarca. 19 Rimacpi, Cristopi Dios cai shimita runacunaman ricsichincapac mincarca. 20 Chashnamanta, Jesucristopac cachashcacuna canchic, Diosllata ñucanchic shimihuan cancunata rimacun. Chairaicu, Cristopac shutipi "Dios-huan alliyaichic" rimanchic. 21 Cristo mana imapi juchallircachu; ranti ñucanchicraicu tucui ñucanchicpac juchacunata paita apachirca; chashna, Cristoraicu, ñucanchicta juchacunamanta quishpichirca.
1 Diosta yanapaccuna cashpa, Diospac cuyaita ama yanca jichuichichu cancunata rimanchic. 2 Dios quillcashca shimipi nin: "Can mutsushcapi, canta uyarcani; quishpina punchapi canta yanaparcani". Cunanmi mutsushca pacha can. ¡Cunanmi quishpina puncha can! 3 Mana maipipash mana pitapash mana alli rashcata ricuchinchicchu, ama ñucanchic rurashca mana alli saquirincapac. 4 Ranti, tucui rashcapi Diosta yanapac cashcata ricuchinchic: llaqui tiyashcapi, mana piñarishpa ñacarishcapi, mutsuna tiyashcapi, mana alli pactachina ushashcapi, 5 macai tucushcapi, piñashpa japi tucushcapi, piñarishpa jatarishcacunapi, sinchi llancanapi, tutacuna mana puñushcapi, yaricashcapi. 6 Diosta yanapac cashcata ricuchinchic ñucanchic cusca causashcahuanpash, ñucanchic shuti shimita ricsishcahuan, mana piñarishcahuan, alli shuncuyuc cashcahuanpash, Diospac Samaita ñucanchipi charishcahuan, ñucanchic shutipacha llaquinata charishcahuan, 7 ñucanchic yachachishca shuti cashcahuan, Diospac ushai ñucanchicpi cashcahuan. Cusca yuyaicunahuan macanacunchic, huactanapi cashpa, quishpinami imapash. 8 Maicanpi jatunyachishca canchic, cuti shucpica piñai tucunchic; maicanpi alli rimai tucunchic, cuti shucpica mana alli rimai tucunchic. Shuti shimita rimaccuna cashpallata, llulla runacuna shina ricui tucunchic. 9 Alli ricsira cashpallata, mana ricsishcacuna shina ricui tucunchic. Ña huañunalla cashpapash, chaira causacunchicmi; ñacachinunmi, shinapash mana huañuchinunchu. 10 Llaquirishca shina cashpallata, tucui pachapi cushi causanchic; imapash illac shina ricurinchic; ranti achca runacunami ñucanchiraicu tucuita charic tucunushca; llushticuna shina ricurinchic, ranti mana imapash ñucanchicta pishin. 11 Corintomanta huauquicuna, mana imatapash pacashpa cancunaman rimashcanchic; ñucanchic shuncuta pascashpa cancuna ñaupacpi churashcanchic. 12 Cancunapac ñaupacpi mana imatapash pacana charinchic; ashtahuan cancunami ñucanchicman pacashcanquichic. 13 Chairaicu, shuc yaya churicunata mañashca shina, ñucata ama imatapash pacahuaichichu nini, ñuca cancunata mana imatapash pacashca shina. 14 Mana iniccunahuan ama shucllayaichichu. Ñuca tapuni: ¿cusca taripanahuan, mana cusca taripanahuan chaipurallachu canun? ¿Achic tiyashcapi, chaillapita tuta tiyana ushanchu? 15 Cristohuan Supaihuan mana chai yuyaillata charina ushanun. 16 Diospac huasihuan huacacunapac huasihuan mana chaipuralla canun. Ñucanchic causac Diospac huasi canchic, paillata rimashca shina: "Paicuna ucupimi causasha, paicunahuanmi purisha; ñuca paicunapac Dios cacpi, paicuna ñuca runacuna canunca". 17 Chairaicu cashnapash Apunchic riman: "Chashna runa ucumanta llucshishpa, chicanyaichic; ticllayucta ansapash ama llancaichichu. Chaipimi cancunata ñuca chasquisha, 18 cancunapac Yaya casha; caocunaca churicuna, ushushicuna cahuanquichic, tucuita ushac Apunchic chashna riman".
1 Shina cacpi, llaquishca huauquicuna, caicunami cusha nishcacuna canacun. Cairaicu, aichapi, samaipi mapayachiccunamanta picharishca cana canchic; Diosta yupaichanapi, ñucanchic paipac chicanyachishcacuna catina canchic. 2 ¡Cancuna shuncu ucupi shuc cuchushituta cuhuaichi! Taripanapi, tucuicunahuan cuscata taripashcanchic; mana pitapash huacllichishcanchicchu; mana pitapash umachishcanchicchu. 3 Caita mana cancunata camishcaraicuchu rimani; ña cancunata rimarcani, cancuna ñuca shuncu ucupimi canquichic, ñucahuan causancapac, ñucahuan huañuncapac. 4 Mana jarcashcahuan cancunata rimani, achcatapash cushiyani cancunaraicu. Chai tucui ñacarishcapi, ñaupacman catina yuyai shamuhuan, cushihuanpash juntarishcami cani. 5 Macedoniaman pactashcamanta mana ansapash samashcanchicchu; ashtahuan tucuipimi llaquicunallata tarishcanchic: ñucanchic mayanpi macanacui tiyashca, ñucanchic ucupi manchanai tiyashca. 6 Ranti Dios sanpayashcacunata sinchicuchic can; chairaicu Tito pactamushcahuan ñucanchicta sinchicuchirca; 7 mana pactamushcaraiculla, ashtahuan pai jinu cancunaraicu yapa cushiyashca carca. Pai, cancuna yapa ñucanchicta ricunayashcamanta rimarca; cancuna ñucamanta yapa llaquirishcata, yapa yuyarashcata ñucanchicman rimarca; tucui caicunata uyashcaraicu ashtahuan yapa cushiyarcani. 8 Ñuca cancunata ñaupac quillcashca yapa llaquichishca cacpipash, cunan chaimanta mana llaquirinichu. Ñaupac shuti llaquirircani, cancuna chai quillcaraicu llaquirishcamanta, shinapash mana unaita llaquirircanquichic; 9 cunan cushiyanimi, mana cancuna llaquirishcaraicu, ranti cancuna chai llaquirishcahuan Diosman ticrashcaraicu. Cancuna ñacarishca Diospac ñaupacpi alli ricurirca; rimacpi, cancunata mana imapipash huacllichishcanchicchu; 10 llaquirishcapi Dios munashca shina ñacarishpa, Diosman shuncupi ticrarina tucun quishpinaman pactana ushancapac; chashnapica mana imamanta llaquirina tiyan. Ranti cai pachamantacuna llaquirishca huañuiman pushacun. 11 Cancunapi llaquirina tiyashcapi, Dios munashca shina ñacarircanquichic, chashna ñacarishcamanta canan pai cushcata ricuichic. Tucushcata allita ricurcanquichic, chai huasha ñucata quishpichincapac shayarircanquichic; cancunata piñachichirca, manchaitapash curca. Chai huasha ñucata ricuna munaita charircanquichic, chaipi juchayuc runata ñacachina yuyaita japircanquichic. Chashnami chai tucushcapi cancuna mana ima rurashcata ricsichircanquichic. 12 Shina cacpi, ñuca quillcashcapi, mana piñac runata, piñai tucuc runata yuyarishpachu quillcarcani; astahuan Diospac ñaupacpi cancuna ñucanchimanta yuyarishcata ricsichincapacmi quillcarcani. 13 Cashnamanta ñucanchic cushiyashcanchic. Cai cushiyaita chasquishcamanta, ashtahuan yallimi cushiyanchic Tito cushi cashcata ricushpa; tucui cancuna paita cuti cariyachishcanquichic ñaupacman catishpa rincapac. 14 Ñuca ña Titota cancunamanta cushi cashcata rimarcani, shinapash mana llullashcanichu. Ashtahuan, tucui cancunaman ñucanchic rimashca shuti cashca shina, Titota ñucanchi rimashcapash shutini can: cancunamanta cushimi canchic rimarcanchic. 15 Pai cancanata ashtahuan yapa llaquin, cancuna pai rimashcapi uyashcata yuyarishpa, paita yapa yupaichashca-huan chasquishcata yuyarishpa. 16 Imapash tiyacpi cancuna ñucahuan cana cashcata yachashpami yapa cushiyani.
1 Cunan, huauquicuna, cancunata ricsichina munanchic Maccdoniapi tiyac iniccunaman ima shina Dios paipac cuyaita ricuchishcamanta. 2 Achca llaquicunata charishca cashpapash, paicuna yapa cushi canun; yapalla tsuntsucuna cashpapash, achcata chariccuna shina camarita cushcapi ricuchinushca. 3 Ñuca jinu ricuyac cani, tucui alli shuncuhuan paicuna, caranlla ushashca tuputa camarita cushcata. 4 Mana ushaipac ñucanchicta mañanurca, paicunapash iniccunata yanapana ushancapac. 5 Ñucanchic yuyashcamantapash yallicta ranurca, quiquin paicunallata camari shina curinurca, Apunchicta ñaupac, chai huasha ñucanchicta, Dios munashca shina. 6 Chairaicu Titota rimashcanchic, cancunamantapash japichun chai pallashca cullquita, unai pai cancuna ucupi pallancapac callarishca shina. 7 Cancuna yallishcanquichic tucuipi; inina cacpi, sumac shimi rimanapi, cancuna yachashcapi, yanapanapi mana quillashpa rurashcapi, ñucanchicmanta yachashca llaquinapipash, chashnallata cunan cai yanapanapi yallishcata ricsichina canquichic. 8 Mana cancunata rurai nishpa rimanichu chaita; cancuna shuccunaraicu yanapashcata ricsinuchun nishpami rimani, cancunapash quiquin llaquina charishcata ricsichina ushancapac. 9 Cancuna yachanquichic ima shina Apunchic Jesucristo alli shuncu cashpa, tacuita charishpallata, cancunaraicu tsuntu tucurca, pai tsuntsuyashcaraicu cancunata ama imapash pishichun nishpa. 10 Chaimanta cancunapac allipac ñuca yuyashcata rimam. Chaita rurashcallahuan cushiyana rantimanta, chaishuc huata-manta ashtahuan cushi pactachishcahuan callarircanquichic. 11 Shinacpi, cancuna ushashca tupu cushpa catishcapi, cancuna cushihuan callarishcapi rurashca shina cancuna munaimanta, chashnallata cunanpash tucuchinapi rurana canquichic. 12 Maicanpash alli shuti pacha cuyanayashpa cucpi, Dios pai cushca camarita chasquin, pai cushca tuputa. Illashcamanta Dios mana mañanchu. 13 Mana shuccunata yanapanaraicu, cancuna llushtiyanca- pacChu rimanchic; 14 ashtahuan tucui chaipuralla nishpami munanchic. Paicuna mana charishcata cunan cancuna charinquichic; shuc puncha, ranti, cancuna mana charishcata paicuna charinunca; chaipi shuti tucui chaipuralla canchic. 15 Dios quillcashca shimipi riman: "Achcata pallac runata mana puchurcachu, ansalla pallac runatapash mana pishircachu". 16 Diosta pacrachunimi shuncupi ñuca cancunamanta yuyarishca shinallata paipash yuyarishcaraicu. 17 Ñuca mincashcata japirca, paillata cancunamanta yapa yuyarishcaraicu, cunan paipac quiquin munaimanta cancunata ricuncapac riran. 18 Titohuan shuc huauquita cancunaman cachacuni, paimanta tucui iniccuna ucupi alli rimai tiyan, quishpina shimi yachachishcapi yapa alli yanapashcaraicu. 19 Chai-rapash, iniccuna ñucanchic-huan purincapac paita acllanurca, ñucanchicta yanapancapaC cai Apunchicta jatunyachinaraicu llancacushcapi, ñucanchic alli yanapana yuyai charishcatapash ricsichincapac. 20 Chashna, cai cullqui pallanata japicushcamanta, camishpa rimashca shimicunata quishpina munanchic; 21 chairaicu allicunallata ruranchic, mana; Apunchicpac ñaupacllapi, runacunapac ñaupacpipash. 22 Paicunahuanllata shuc huauquitapash cancunaman cachacuni, achca rurashcapi yanapana yuyai charishcata ñucanchicman pai ricuchishca, cunan ashtahuan, cancuna paipi chapaShcaraicu. 23 Pipash TitOmanta tapucpi, ñucapac mashimi nishpa rimaichic, cancunata yanapancapac ñucahuan llancashpa causac. Chaishuc huauquicunamanta tapunucpi, iniccuna paicunata cachashcata, paicuna Cristota jatunyachic cashcata rimana canquichic. 24 Iniccuna yachancapac, paicunata allipacha llaquishcahuan ricsichichic, ñucanchic cancunaraicu cushiyashca shuti cashcatapash ricuchichic.
1 Inic huauquicunapacta pallashca cullquimanta nicpi, yancami quillcana tucusha, 2 ña cancuna yanapana yuyai charishcata allipacha ricsini. Macedoniamanta huauquicunata cushiyashcahuan rimashcani, cancuna Acayamantacuna, chai-shuc huatamanta yanapana yuyailla chapacushcata; Maccdoniamanta achcacuna cancuna chashna yanapana yuyaita charishcata ricushpa, paicunapash chai yuyaillata charinushca. 3 Chashnamanta cancunaraicu ñuca alli rimashca ama llullashca shimi shina saquirincapac, cai huauquicunata cancunaman cachani. Alli rimacpi, cancuna ama cuncaimanta japi tucuncapac, yanca rashpa Macedoniamanta pipash ñucahuan rishcapi, cancuna cuncaimanta japi tucunquichicman. Cancuna chashna tucucpi pincaipac tucushun, cancunata yapa jatunyachishpa causashcaraicu; ¡manapacha rimanayanichu cancunallata ima shina pincaipac tucuna cashcamanta! 5 Chairaicullata, alli yachihuan cai huauquicuna cancunata ñaupacta ricucrishpa, cancuna rimashca pallana cullquita pactachincapac yanapanuchun. Chashnami cancuna pallashca cullqui cancuna quiquin shuncuhuan cuyashca ricurinca, mana mitsashpa cushca shina. 6 Caita yuyaripaichic: Ansalla tarpuc runa, ansalla pallan; achcata tarpuc runa, achcata pallan. 7 Caran amu shuncupi yuyarishcata cuna canchic, mana piñarishpa, mana mitsahcahuan imapash, Diosca cushiyashcahuan cuyacta mari llaquin. 8 Dios ushanmi, tucui cancuna mutsushcata cuncapac, ama imapash cancunata pishichun; cancunata puchushcahuan shuccunata yanapana ushanquichicman. 9 Dios quillcashca shimipi riman: "Mana mitsashcahuan tsuntsucunaman cushca, pai alli rurashcacuna amana chincarinunchu". 10 Dios tarpuc runaman muyuta cun, micunatapash cun; shina cacpi tucui cancuna tarpuncapac mutsushcatami pai cunca, paimi huiñachinca, paimi cancuna cuyashcamanta achcata aparichinca. 11 Chashna, tucuita charic tucushpa, shuncumanta jinu cuyana ushanquichic. Cancuna cachashca pallashca cullquimanta shuc huauquicuna ñucanchircaraicu Diosta pacrachununcami. 12 Chai yanapaita huauquicunaman apashpa, mana paicuna mutsushcallatachu apanchic, ashtahuan chairaicumantami paicuna Diosta achcata pacrachunca ranun. 13 Paicunaca Diosta chacchanuncami, cai yanapashca paicunata ricsichicun cancuna Cristopac Cushi Shimita pactachishcata. Paicunata, tucuicunatapash yanapashcaraicu Diostapash chac-chanuncami. 14 Cancunata yapa yuyarishpami Dios-huan rimarinunca, pai cancunapi yapa llaquishcata ricuchishcaraicu. 15 ¡Diosta pacrachushun, shuc jatun cuyanata ñucanchicman cushcaraicu, shimi mana pactanchu paita pacrachuncapac!
1 Ñuca, Pablollatami, cancunata mañani, alli shuncuyuc Cristoraicu. Cancuna ucupi cashpa manchaisiquishi cani, rimai tiyan, ranti carumantaca carishi cani. 2 Rimanimi, cancunata ricuncapac rishcapi, ama piñachihuanquichicchu quiquin cari runa shina shayarishcata mana ricunayashpa; tucui ñucanchic rurashcamanta mana allita rimaccunahuan, shuti paicunahuan piñarishcata ricuhuanquichicmi. 3 Shutipacha runami canchic, ranti mana cai pachamanta runacuna shina macarinchic. 4 Ñucanchicpac aiñicuna mana cai pachamanta-chu canun, Diospac ushaimi can, chaihuan pucuracuna imapash chausi tucunllami. Chashnami, Diosta alli ricsincapac mana alli rimashcacunahuan, 5 piñashcacunahuan quillachic-cunata chausichinchic. Tucui runapac yuyaita Cristopac maquipi churanchic, paita uyac tucunuchun; 6 cancuna alli uyac tucushcallata, huasha mana uyac tucunucpi cancunata ñacachinatami munanchic. 7 Cancuna jahua ricurishcallata yapa ricunquichic. Maicanpash allipacha Cristoman curishca cashpa, yuyarichun ñucanchicpash Cristopac cashcata. 8 Yapalla sinchinayata cancunaman rimashpapash, mana pincarinichu; Apunchicca cancunapac inina huiñachincapacmi ushaita ñucanchicman curca, mana cancunata huacllichincapac. 9 Cai quillcacuna mana cancunata manchachincapac quillcashca shina ricurichun- mi munani. 10 Maicancuna rimanushca ñuca cachashca quillcacuna yapa sinchi rimaccunami nishpa; ranti quiquin ñuca jinuca mana manchaipac pitapash ricurini, mana sumacta rimani. 11 Chashna rimaccunata nini: Yuyahuanquichic ñuca cai carumanta quillcapi rimashcata, cancuna ucupi pactashpa rurashcahuanmi ricuchisha. 12 Paicunallata jatunyarishpa tiyaccunahuan, alli shutipacha mana pactarinata ushanchicchu. Ranti paicuna yuyarishca shina, paicunapura tupurishpa, yapa pantaranun. 13 Ñucanchic cashca tupullata chaccharinata ushanchic, Diosmi ñucanchic llancanapi maicama pactana cashcata churashca, paimi Corintopi cancunapacman pactancapac munarca. 14 Chairaicu, ñucanchicta mincashcamanta mana yallicunchicchu, cancunapacman mana pactashca cashpa, shuti yallicunchicman. Ñucanchic tucuimanta ñaupac Cristopac Cushi Shimihuan cancunapacman pactarcanchic. 15 Mana shuccuna rurashcahuanchu jatunyanchic, mincashcata-pash mana yallishcanchicchu. Ashtahuan cancunahuan yalli llancanayashpami chapacunchic, inina cancunapi huiñashpa ricpi, shinapash mana yallishpa. 16 Cancuna tiyashcamanta ashtahuan caruman Cristopac Cushi Shimita pactachincapac munanchic, shinapash mana shuccuna llancacushcapi satirishpa, ama shuccuna llancashcahuan jatunyarincapac. 17 Pipash jatunyanata munashpa, Apunchicpi jatunya-chun. 18 Shuc runa mana paillata jatunyashcaraicuchu chacchai tucun, Apunchic jatunyachishcami chacchai tucun.
1 ¡Ushahuanquichicmanshi ñuca nuspashpa rurashcata casilla ricushpa! Imana cashpapash ñuca rurashcata ñahui ricuhuaichic 2 Ñuca cancunaraicu charishca tunpana Diosmantami shamuhuan. Shuc carillahuan cancunata sahuarichishcani; pai can Cristo, ñuca paiman cancunata cunayani shipas shina chuyata. 3 Ranti ñuca yuyani, machacui Evata umachishca shina, cancunapash umachi tucunquichic; chashna cancuna yuyai Cristollata allipacha yurarina rantimanta, chicanyashca tucunquichic. 4 Cancuna uyanqui-chiclla pipash ñucanchic ricsichishca Jcsusmanta shuc layata ricsichicpipash; chashnallata tucui shuncuhuan chasquinquichic cancuna ña chasquishca Samaimanta cuti shuc chican samaita; chashnallata, cancuna ña chasquishca Cushi Shimimanta cuti chican layatapash chasquinquichiclla. 5 Ima shina cashcapash, cancuna catishca "chai yalli apostolcunamanta" mana imapipash urayanichu. 6 Ñuca chari shimihuan mana sumacta rimana ushani, ranti yachashcahuan, ñucami cani; caita cancunata ricsichishcanchic achca cuti tucui ñucanchic rurashcacunapi. 7 ¿Cancunaman Cushi Shimita yachachishcapi mana imata mañashpachu juchallircani ima chari? ¿cancunata jatachinaraicu ñuca jinu yalli uchilla tucushpachu juchallircani ima chari? 8 Shucmanta iniccunapac cullquita quichurcani, paicuna cullquita cuhuanucpi japircani cancunata yanapanarai-cu. 9 Cancunahuan tiyashpa imatapash mutsushcapi, mana pitapash quillachucanichu; Maccdoniamanta pactamuc huauqui-cunami ñuca mutsushcata cuhuanurca. Cancunata mañashpa mana quillachircanichu, chashnami catisha yuyani. 10 Ñuca alli shutipacha Cristota caticmi cani, ¿cashnallata tucui Acayapi ñuca chashna catinamanta quichuhuancachu? 11 ¿Ñuca imaraicu chashna rimashcata yachanayanquichicchu? ¿Can-cunata mana llaquishcamantachu chashna rimani? ¡Dios yachanmi cancanata ñuca llaquishcata! 12 Ranti ñuca racushca shinallata rurashpa catinca rani, paicunamanta umachina yuyaita anchuchincapac, paicunaca umachina yuyaita mashcanun ñuca shina jatunyarincapac; 13 pantata yachachiccuna canun, umachiccuna, "Cristopac yachachishcacunami canchic" rimashcahuan quillparishpa puriccuna. 14 Caica maipipash tucun, ashtahuan quiquin supai jinumi tucun; 15 chairaicu paita yanapaccuna allipi yanapac runacuna shina tucushpa purinun. Shinapash tucurinuncami paicana rurashcaraicullata. 16 Cutillata cancunaman rimani, ñucata ama nuspami yuyahuanquichicchu; chashna cancuna yuyashpa, saquichiclla chai nuspa cancunata rimachunlla, ñucapash ansata jatun-yarisha ñucamantallata rimashpa. 17 Cai jatunyarinamanta mana Apunchic rimahuashcaraicuchu rimacuni, shuc nuspa runa shinami rimacuni. 18 ¡Achcacuna paicunallata jatunya-rishpa uyarmun paicuna mrashcamanta! ¿ñucapash imata cani? ¡Jatunyarisha! 19 Cancuna tucuita yachac canquichic, ranti nuspacunata uyanquichiclla; 20 cancunata atishcahuan yanapan-capac mañaccunatapash yanapanquichiclla; paicunapacta sinchi llancanquichiclla, umachi tucunquichiclla, millashcahuan ricui tucunquichiclla, ñahui palapipash huactai tucunquichiclla. 21 Ñucata pincanayahuan caita rimancapac, ñucanchic yapa api tucurcanchic chashnallata cancanata rurancapac. Chashna rurashcamanta shuccuna jatunyaricpi, ñucapash jatunyarishami; shinapash caita shuc nuspa runa rimashca shinami rimani. 22 Hebreo runa mari canun paicuna. Ñucapash. Israel runa mari canun paicuna. Ñucapash canimi. Abrahanpac, churicuna canun paicuna. Ñucapash. 23 Cristota yanapac mari canun paicuna. Caipi shuc nuspa runa shina rimancapac callarini: ñuca paicunamanta yallimi cani. Ñuca paicunamanta yalli llancashcani, paicunamanta yalli japi tucushpa tucushcani, achca cuti huañunalla causarcani. 24 Pichca cuti judiocuna quimsa chunca iscun llutashcahuan ñacachihuanurca. 25 Quimsa cuti caspihuan macahuanurca, shuc cuti rumihuan shitahuanurca. Quimsa cuti ñuca rirashca barco yacupi panparirca; ña huañunalla, shuc pancha shuc tuta ñucñu yacupi huaitarcani. 26 Achcata purishpa, yacumanta quishpircani, shuhuacunamanta quishpircani, mashicunamanta-pash quishpircani, chican runacunamantapash quishpircani. Llacta ucupipash quishpircani, runa mana tiyashcapipash quispircani, mama-cuchamantapash quishpircani, umachishpa huauquimi canchic rimaccunamanta quishpircani. 27 Achca llancana, sanpayana tiyahuashcami; achca cuti mana puñus-cani; yaricaihuan, upianaihuan ñacarishcani; achca cuti mana micushcanichu; chirihuan ñacarishcani, churana pishihuacpi. 28 Tucui caicunamanta, ñuca jahuapi caran puncha iniccunamanta yurarina llashai tiyahuan. 29 Pipash uncucpi, ñucapash uncuni; shuc runata juchallichinucpi, mana ushaipac piñarini. 30 Jatunyarina munashpa, ñucanchicpi sanpa tiyashcata ricsichishpami jatunyarina canchic. 31 Apunchic Jesuscristopac Dios Yayallata huiñaipac chacchana tucunchic, paimi yachan ñuca shuti rimashcata. 32 Ñuca Damascopi cashcapi, Jatun Curaca Aretasta yanapac Huainaru, tucui llacta puncupi (ricuccamacunata) churarca, ñuca japi tucuchun yuyaihuan; 33 shuc runacuna, ñucata ashancapi churashpa, llacta quincha jutcumanta uraicuchihuanurca; chashnami paipac maquimanta quishpircani.
1 Amullata jatunyarina mana imapacpash alli can. Shina cacpipash Apunchicmanta nuspaipi ñuca chashquishca-manta, pai ñucata ricsichihuashcamanta rimana tucuni. 2 Shuc cristiano runata ricsini, ña chunca chuscu huata tucan pai jahua pachaman pushai tucushca. Mana yachani paipac aichachu pushai tucurca, samaichu pushai tacurca ima chari; chai Dios yachan. 3 Ranti yachani cai runa (aichantinchu, samaillachu ima chari, pita yachashun, Dios chaita yachan), 4 sumac pachaman pushai tucurca; chaipi mana yachashca shimicunata uyarca; chai shimicunata runa mana rimana ushan. 5 Chai ranata shuti jatanyachimanmi, ranti ñuca quiquin jmuca mana, ñucapi sanpa tiyashcamantaca imana ima chari. 6 Ñuca jatunyarincapac, mana nuspa runa shinachu racushca, shuti cashcallata rimacusha; ranti mana chashna ruram, ama maican runapash ñuca rimashcamanta, ñuca cashcamanta yallicta yuyancapac. 7 Chairaicu ama ñuca jatunyarincapac, shuc ñacarinata cui tucurcam, shuc casha shina aichapi satirahuan, supai cachamuhuashca uncui shina ñucata ñacachihuan. 8 Quimsa cuti Apunchicta mañashcani char nanaita anchuchihuachun; 9 ranti Apunchic rimahuarca: "Ñucapac ushaillahuan pacta charinqui, ñucapac ushai sanpacunapi ashtahuan yapa alli ricurin". Shina, sanpa cashpa yapa cushiyani, Cristopac ushai ñucapi ricurincapac. 10 Chash-nallata ñucapi sanpa tiyahuashcaraicu yapa cushiyani, piñai tucushpa, mana imatapash charishpa, Cristoraicu piñashpa japi tucushpa; ñucata ashtahuan yalli sanpa cashcapi, chaipi yalli sinchicani. 11 Shuc nuspa rana shina tucurcani, cancunaraicu chashna tucushcani. Cancunami ñucamanta alli rimana carcanquichic, mana imapi quipachu cani cancuna caticushca "yalli yachachiscacunamanta". ¡Ñuca yanca cashpallata! 12 Tucui cancuna ricushca mancharicushiyanacunata mana sanpayashpa cancuna ucupi rurarcani, tucui chashna rurashcacunahuan ricsishca saquirirca, ñuca quiquin yachachishca cashca. 13 Ñucanchictami piñan yuyashpa quishpichihuaichic, caillapi shuc iniccanamanta pishi cashcanquichic, cancanata ñuca mana imatapash mañashpa quillachishcallapi. 14 Caihuan cancunata quimsa cuti ricucrincapac ña allichirishcami cani, cunanpash mana imatapash mañashpa cancunata quillachishachu. Mana cancuna charishcatachu mashcani, cancunata jinumi mashcani; yayacunami churicuna-pacta cullquita tantachina canun yachihuan, churicuna yayacunapacta, mana. 15 Tucui shuncuhuan ñuca charishcata cushami, ñuca jinupash cancunapac allipac curishami; shina cacpipash ñuca ashtahuan cancunata llaquicpi, cancuna ashtahuan pishi llaquihuanquichic yachihuan. 16 Alli shutipacha, mañashpa cancunata mana quilla-chishcanichu. Chashna cacpipash, shuc tictapishi cancunata umachishpa urmachishcani, maicancuna ninun. 17 ¿Ñuca cancunaman cachashca runacunahuanchu umachircani ima chari? 18 Titota cancunata ricucrichun rimarcani, paihuan shuc huauquita cacharcani. ¿Titochu cancunata umachirca? Cancuna ricushcanquichic yachin ima shina ñucanchic ishcai, shuclla yuyaihuan, shuclla ruraihuan rurashpa purishcata. 19 Cancunapac ñaupacpi ñucanchic rurashcamanta quishpinata mañashca shinami ricurin yachichuan, mana chaichu. Ashtahuan, Cristopac runacuna cashpami Diospac ñaupacpi rimacunchic. Shinapash tucui chai, llaquishca huauquicuna, cancunapac inina huiñashpa catincapacmi can. 20 Yuyarishcanimi, ñuca cancunata ricuncapac rishcapi, ¿ñuca munashca shinachu tupahuanquichic ima chari?, ¿ñucatapash cancuna munashca shinachu tupahuanquichic ima chari? Tiyancami yachihuan piñanacui, chiquichui, cancunapura piñanacuna, quiquinpacraiculla yuyana, camina, shucmanta rimana, jatunyarina, mana alli yachaicuna. 21 Ñuca quimsa cuti cancunata ricuncapac rishcapi, ñuca Dios pincachihuanca yachin cancunaraicu, achca cancanamantapash huacachihuanca yachihuan, huaquincuna unaimanta juchallishpa catiranun mari, chaira mana saquinushca yumashpa juchallinata, mana alli causaita, paicunapac aicha mañashcata chaira rurashpa catiranun.
1 Caihuanmi quimsa cuti cancunata ricucrmca rani. Imapash tiyacpi, ishcai quimsa ricuyaccunapac shimita uyashca huashami allichina tucunca. 2 Ñaupac juchallishpa causaccunata rimarcani, tucuicunatapash rimani, cunan carupi cashpapash cutillata rimani chaishuc cuti ricucrishcapi cancunata jinu rimashcata; cuti cancunata ricuncapac rishcapi, mana llaquishcahuan cuscatami taripasha, 3 cancuna mashcacunquichic mari Cristo alli shuti pachachu ñuca shimihuan riman imata. Cristoca cancunapac ñaupacpi mana sanpachu ricurishca, ashtahuan paipac ushaitami cancuna ucupi ricuchishca. 4 Shutimi can pai sanpa shina chacatai tucushca, ranti Diospac ushairaicu causacun. Chashnallata ñucanchicpash pai sanpa cashcata charinchic, ranti paihuan llutarishpa Diospac ushairaicu causashanmi cancanata yanapancapac. 5 Cancunallata tariparichic, inina cancunapi sinchichu can imata; cancuna quiquinllata camanacuichic cunan. ¿Manachu atipanquichic cancunapi .lcsucristo tiyacushcata? ¡Cancuna quiquinllata camanacushpa yalli tucushcapi chaipi shuti illancami! 6 Cancuna yachanquichicmi ñucanchic camana charishcapi mana alli tucushcata. 7 Chairaicu ñucanchic Dios-huan rimarishcapi, cancuna mana allicunata ama rurancapac paita mañanchic; mana ñucanchic taripai tucushcata ricsichincapac, ashtahuan cancuna allicunata rurancapac, ñucanchic camai tucushcapi yalli tucushca shina ricuricpipash. 8 Shuti cashcata huacllichincapac mana ushanchic, paita catinalla tucunchic. 9 Chairaicu yapa cushiyanchic ñucanchic sanpa cashcamanta, shinapash cancuna sinchi tucunata chapashpa; Dios-huan rimarishpa catishunmi cancuna pacta runa tucunacama. 10 Chaira cancunata mana ricucrishcallapita cai quillcata cancunaman cachani, ama yapa millai apu shina pactasha nini; shuti apumi cani Apunchic munashcaraicu, mana cancunata huacllichincapac, ashtahuan cancunapac inina huiñashpa catincapacmi. 11 Tucuchincapac, huauquicuna, cancuna causana cushi cancapac munani, cancunapac causana pactachishca tucunacama mashcaichic. Tucuipura sinchicurishpa, shuclla yuyaihuan, alli causaihuan; cashnami cuyanata, alli causanata cuc Dios cancunahuan causanca. 12 Chuya muchashcahuan muchana-cuichic. 13 Tucui iniccuna cancunata yuyarinun. 14 Apunchic Jcsucristopac ushai, Diospac llaquina, Diospac Samaipash tucui cancanahuan tiyanuchun.
1 Ñuca, Pablo, Apostol cani, mana runacuna cachashca, mana runacuna shayachishcaraicuchu cani; Jesucristo jinu, paita causachic Yaya Dios-huan shayachishcami cani. 2 Ñuca, tucui caipi ñucahuan tiyacuc huauquicunantin, Galaciapi tiyac Diosta iniccunaman cai quillcata cachacunchic. 3 Ñucanchicpac Yaya Dios, Apunchic Jesucristontin Diospac cuyaita, ganas causaitapash cancunapi tallichinuchun. 4 Jesu-cristo huañuiman curirca ñucanchic juchacunaraicu, cunan causacushca huacllishca pachamanta ñucanchicta quishpichinca-pac, Dios Yaya munashcata pactachishpa. 5 Diosta huiñaipac jatunyachishun. Chashna cachun. 6 Cancuna utcalla Diosmanta chicanyarishcaraicu yapa mancharishcami cani; pai Cristopac llaquinapi paiman cancunata cayarca, cancunaca chican quishpina shimita yachachiccunahuan rishcanquichic. 7 Alli nicpi mana tiyanchu shuc quishpina shimi. Rimacpica shuc runacuna mari cancunata pantachic tiyanun, Cristopac quishpina shimita pantata yachachishpa. 8 Chashnamanta, maicanpash ñucanchic ña yachachishca quishpina shimimanta chicanta yachachishpa huañuchun; ñucallata imapash, jahua pachamanta angel imapash cancami, mana imanancachu. 9 Ñaupa cancunaman rimashcata cutillata nini: Maicanpash ña cancuna chasquishca quishpina shimimanta chicanta yachachishpa, chai runa huañuchun. 10 Mana runacunata cushiyachinatachu mashcani, Diostami cushiyachinata munani. Runacunapacpi alli ricui tucuc cashpa, mana Cristota yanapacchu caiman. 11 Caita yachapaichic, huauquicuna: Ñuca yachichicushca quishpina shimi mana runa yuyaimantachu llucshishca. 12 Manapi runamanta yacharcanichu, manapi runamanta chasquircanichu, Jesucristo jinullatami ricsichihuarca. 13 Cancuna uyashcanquichicmi ima shina callari pachapi ñuca, judio yachaita caticushpa, tucui ñuca ushaihuan, Diosta miccunata piñashpa japircani, paicunata tucuchinatapash munarcani. 14 Ñuca judic yachaita caticushcapi, ñucanchic llactamanta shuc maltacunamanta ashtahuan yalli sinchi llutarishcami carcani ñucanchic inishcaman, rucunapac yachaicunata cuscata caticmi carcani. 15 Shinapash, Dios ñuca chaira mana pacarishcallapita acllahuarca, pai ñucata yapa llaquishcaraicu cayahuarca. Pai rimashca pacha pactashcapi, 16 paipac Churita ricsichihuarca, paipac quishpina shimita Diosta mana ricsiccunaman ricsichincapac. Chashna tucushcapi manapi runahuan rimarircanichu; 17 Jerusalenmanpash mana rircanichu, ñucamanta ñaupac apostol caccunata ricuncapac. Ashtahuan, utcalla Arabia allpaman rircani, chai huasha Damascoman ticramurcam. 18 Quimsa huata huasha Jerusalenman ticrarcani, Pedrota ricsina yuyaihuan; paihuan chunca pichca puncha tiyarcani. 19 Chashnapash mana shuc apostolcunata ricurcanichu, Apunchicpac huauqui Santiagollatami ricurcani. 20 Cai ñuca cancunaman quillcacushca mana llullachu, Diospac ñaupacpimi shuti cashcata rimani. 21 Siria, Cilicia allpacunaman chai huasha rircani. 22 Ran-ti Judeapi tiyac inic huauquicuna ñuca ricushpa jinu mana ric-sihuanurcachu. 23 Cai rimaillata ñucamanta uyanushcarca:"Ca-llari pacha ñucanchicta piñashpa japic runa, cunaca pai ñaupac chincachina munashca quishpichic shimita yachachic cachan". 24 Chashnamanta ñucaraicu Diosta chacchaccuna carca.
1 Chunca chuscu huata huasha cutillata Jerusalenman Bernabehuan rircanchic, Titotapash ñucahuan pusharcani. 2 Rircanimi Dios rimahuashcaraicu. Ña Jerusalenpi cashcapi, pushaccamacunahuan shuc tantarinata charircanchic, chaipi ricsichircani, ñuca quishpichic shimita Diosta mana ricsiccanaman ricsichicushcata. Chashna rurarcanimi, ama ñuca ñaupac rurashca, cunan ruracushcapash ama yanca rurashcalla saquirichun nishpa. 3 Chashnapi, Titollatapash pai griego cashcamanta pincai carata pitirincapac mana rimanurcachu. 4 Maicancuna yanca huauqui shina tucushpa pacalla miticushpa ñucanchic ucupi satirinushcarca; ñucanchic Cristo Jesuspi mana huatara shina sumac causashcata ricushpa huasha, cutillata camachic quillcapi huatachishpa urmachinarai-cu. 5 Shinapash mana ansallapash umachi tucurcanchicchu, quishpichic shimi shuti cashca cancunapi saquirincapac munashcaraicu. 6 Ranti pushaccamacuna huasha ima rurana cashcata mana rimanahuanurcachu (chai pushaccamacuna paicuna ñaupac cashcata mana yachanayanichu, Diosca mana runa jahua ricurishcaraicuchu taripan). 7 Ima ruranacunata rimana rantimanta, chaipi allipacha yachanacurca Dios paita mana ricsiccunaman quishpichic shimita yachachincapac ñucaman mincashcata, judiocunata yachachincapac Pedrota mincashca shina. 8 Pedrota judiocunapacman apostol shayachishca huasha cachac Diosllatami, ñucatapash Diosta mana ricsiccunaman apostol cachahuarca. 9 Chairaicu, Santiago, Pedro, Juanpash, paicuna iniccunamanta sapi canurca, paicuna allipacha ricsinurca cai mincanata Dios ñucaman cushcata. Ñucanchicta allipacha mashita rurashpa, ñucata Bernabetapash paicuna maquita cunurca, ñucanchic Diosta mana ricsiccana ucupi llancacushca-pash allimi ninurca, ranti paicunaca judio ucupi llancashpa catinunca. 10 Tsuntsucunamanta ama cuncarincapaclla rimai tucurcanchic, chaita shuti mana pishiyashpa pactachishcanhni. 11 Ranti Pedro Antioquia llactaman rishcapi, quiquin ñahuipi paita piñarcani, pai rurashca manapacha alli cashcaraicu. 12 Cashna carca; ñaupacmanta mana judio runacunahuan micucurca, Santiago cachamushca runacuna pactamunacama; chaipi chicanyancapac callarirca, ña paicunahuan micunata saquirca, pincai cara pitirinamanta rimaccunata manchashcamanta. 13 Inic judiocunapash Pedro umachishcahuan racushcata alli ricunurca, imata ña Bernabepash paicuna shinallata rurana tucurca. 14 Chairaicu, quishpichic shimi yachachishcata paicuna mana pactachicucpi ricushpa, tucui tantarishcacunapac ñanpacpi Pedrota rimarcani: "Can judio cashpallata, mana judio shina causacushcanqui; shina cacpi, ¿mana judio runacunata, judio shina causana canquichic nishpa rimana allichu?". 15 Pacarishcamanta ñucanchic judio canchic, mana Diosta mana ricsic juchasapachu canchic. 16 Chashnapash yachanchic ima shina manapi runapash juchamanta quishpira saquirinchic Moisespac camachic quillcata pactachishcamanta, ranti Jesucristollata inishcamanta. Chairaicu ñucanchicpash Jesucris-topi inishcanchic, cai ininaraicu juchamanta quishpichi tucuncapac, ranti mana camachic quillcata pactachishcaraicu. 17 Cunan ricushun, Cristoraicu juchamanta quishpinata mashcacushpallata, cuti ñucanchicllata juchasapa cashpa, ¿chashnapica Cristomi ñucanchicta juchasapa ruranchu rimashun? ¡Manapacha chashnachu! 18 Imatapash huacllichishca huasha cutillata allichishpa, amullata juchayuc cashcata ricsichicuni. 19 Ñucamanta nicpi, camachic quillcapi cashpa, paipac ña huañurcani, Diospaclla causancapac Cristohuan chacatai tucushcami cani, 20 ña mana ñucachu causani, Cristomi ñucapi causan. Cunan ñuca aichapi causacushca causaita, Diospac Churipi inina charishcaraicumi causacuni, pai ñucata llaquishcamanta ñucaraicu huañuiman curirca. 21 Dios yapa alli shuncuyuc cashcata mana chicanman jichunayanichu; camachic quillcata pactachishcamanta ñuca juchamanta quishpira saquirina cacpi, Cristo yancamanta chari huañushca canman.
1 ¡Upa Galacia runacuna! ¿Pitac cancunata sacrarca? Ñucanchic yachachishcapi quiquin cancunapac ñahuipi mari ricuchircanchic chacatashca Jesucristota. 2 Cai ta-pushcallata cutipahuaichic ninimi: ¿Moisespac camachic quillcata pactachishcaraicuchu Diospac Samaita chasquircan-quichic?, ¿astahuan ñucanchicmanta uyashca shimipi inishca-raicuchu chasquircanquichic? 3 Yapalla upachu canquichic, chashna Diospac Samaihuan callarishpallata, cunan cuti runa yachaillapi catina manancapac. 4 ¡Chai tucui alli yachashcacu-na yanca canushca! Manapacha, mana yanca canushcancachu ninimi. 5 Dios cancunata paipac Samaita jinu cushpa, cancuna ucupi mancharicushiyanacunata rurashpa, ¿yancachu ruran? Mana cancuna camachic quillcata pactachishcaraicuchu ruran, ranti cancuna uyashca shimita inishcaraicumi ruran. 6 Abrahan Diosta inirca, chairaicu Dios paita jucha illac shina chasquirca. 7 Chashnamanta, cancana yachana canquichic inina chariccunalla Abrahanpac quiquin churicuna cashcata. 8 Dios mana judio runacunatapash juchamanta paicuna inina charishcaraicu quishpichina ñaupacta yachashpa, camachic quillcapi Abrahanta cai sumac shimita ricsichirca: "Canraicumi tucui llactacuna bendisiashca canunca". 9 Chashnamanta tucui iniccuna, Abrahanhuan bendisiai tucunun, paipash mish-caraicu. 10 Moisespac camachic quillcapi ynyaita churaccuna maldisiashca canun, cashna camachic quillcata rimashcaraicu: "Maldisiashca cachun maicanpash tucui camachic quillcapi rimashcata mana pactachic runa". 11 Chashnamanta, ricunalla oan ima shina mana pipash juchamanta quishpichi tucushcata camachic quillca rimashcata pactachishcaraicu, cashna camachic quillca riman: "Inina charishcaraicumi chuya shuncuyuc runa causanca". 12 Ranti Moisespac camachic quillcaca mana ininamanta rimanchu, paica cashnami riman: "Camachic quillcata pactachic runa, pairaicumi causanca". 13 Camachic quillcapi maldisiai tucushcamanta Cristo ñucanchicta quishpichirca, pai jinu maldisiai ñucanchicraicu tucushpa, cashna camachic quillca riman: "Pipash caspipi huarcuchishpa huañushpa maldisiashca cachun". 14 Cai chashna tucurcami, mana judio runacunamanpash Abrahanta Dios cusha nishca bendision Cristo Jesuraicu pactana ushancapac; chashnami inina charishcamanta, Dios cusha nishca Samaita tucuicuna chasquina ushashun. 15 Hauquiccuna, runa atipaipac shimipimi rimani: Pactachina shimita shuc runa cushpa, cuti chai jahuapi paipac shutita quillcacpi, mana pipash shuc quillcata yapachina, anchuchina imapash ushan. 16 Chashnallata Dios Abrahanman paipac churimanpash cusha nishcacunata curca. Camachic quillcapi mana "churicunaman" rimanchu, shucllamantami riman; rimanmi: "canpac churimanpash", chaica Cristo can. 17 Caitami rimacuni: Dios Abrahanhuan shimita cunacunurca, paica chaita pactachirca. Chairaicu, Moisespac camachic quillca, pai chuscu patsac quimsa chunca huata huasha shamushca cashpa, mana ushanchu cunacushca shimita anChuchishpa, Dios cusha nishcata mayanman jichuncapac. 18 Dios ñucanchicman cunca rashca Moisespac quillcaraicu pactarina cashpa, ña mana cusha nishcachu canman; ranti Dios ña rimashca carca: Ñuca cusha nishcata Abrahanman cuyashami. 19 Shina cacpi, ¿Moisespac camachic quillca imallapash allichu can? Paica huashami cui tucurca runacuna mana uyashcata ricsichincapac; chai "churi" pactamunacama, paita cusha nishcami tiyarca. Angelcunahuan camachic quillcacui tucurCa, Moisesca Dios-huan runacunahuan rimarishcata chinpachic carca. 20 Ranti shuclla runa tiyashcapi chinpachiccama mana mutsurin, Diosca shucllami can. 21 ¿Moisespac camachic quillca Dios cusha nishcata piñanmi rimanchicchu? Mana chaichu can. Camachic quillca causaita cuna ushac cacpi, ñuca jucha illac tucuiman cai camachic quillca rimashcata pactachishpa. 22 Ranti camachic quillca rimashcapi, tucuilla juchapi huatai tucushca canun, Jesuscristota iniccunalla Dios cusha nishcata chasqui ushancapac. 23 Inina chaira mana tiyashcapi, ñucanchicta huatashcata camachic quillca charirca, inina ricsi tucunacama. 24 Huatashca runa huahuacunata pushashca shina, camachic quillca ñucanchicta Cristoman pusharca, paita inishcahuan juchamanta pichara saquirincapac. 25 Cunan inina ña pactamurca, chairaicu huatara charic camachic quillcamanta chicanyashca canchic. 26 Cunan cancuna Cristo Jesuspi inina charishcaraicu tucuilla Diospac churi canquichic; 27 bautismoraicuca Cristohuan llutarishca tucushcanquichic, paita jinu churarishcapash canquichic. 28 Cunan ña mana imananchu judio cana, griego cana, huatara cana, quishpira cana, huarmi cana, cari cana imapash, Cristohuan llutarishca cashpa tucui cancuna shuclla cashcaraicu. 29 Cristopac cashpa, chaipi shuti Abrahanpac churicuna, Dios paita cusha nishcata chasquinacuna canquichic.
1 Caitami rimanayani: japinata chasquina chaira huahua cashcapi, shuc aillu ucupi huatara runa tiyashcamanta mana imapi chican ricurin, tucuipac amu cashpapash. 2 Shuc runacuna paita ricuccama tiyanan, pai rurana cashcata rurashpa cunun, paipac yaya rimashca pacha pactanacama. 3 Ñucan-chicpi chashnallata tucun: ñucanchic huahua cashcapi, cai pachamanta pacashca amucuna ñucanchicta huatara charinurca. 4 Ranti ña rimashca pacha pactarishcapi, Dios paipac Churita cachamurca, pai shuc huarmimanta pacarirca, Moisespac camachic quillcapi rimashcata pactachina tucurca; 5 chai camachic quillcahuan huatashcacunata quishpichishpa, Dios-pacpi ñucanchic churicuna shina chasqui tucuna ushancapac. 6 Ña paipac churicuna cashcata ricsichincapac, Dios paipac Churipac Samaita ñucanchic shuncucunaman cachamurca; chai Samaica caparin: "Ñuca yaya". 7 Shina cacpi, can ña mana huatara runa canqui, Diospac churimi canqui; paipac churi cashpa, japina cashcata chasquina canqui, pai chashna munashcaraicu. 8 Ñaupa, cancuna Diosta mana ricsic cashcapi, dioscunapi huatara carcanquichrc, alli rimacpi paicuna mana dioschu canun. 9 Ranti cunan ña Diosta ricsiccuna cashpa, ashtahuan allita rimacpi, cancuna Dios ricsishcacuna cashpallata, ¿alllichu canca cutillata chai sanpa tsuntsu ushaicunaman urmashpa, paipac huataracuna tucuncapac? 10 Cancuna raiminquichic maican punchacuna, quillacunapi, yuyarishca panchapi, huatapi imapash... 11 Yancamantami cancuna ucupi llancashcani yachihuan. 12 Huauquicuna, ñucata catihuaichic cancunata rimani, ñucapash cancuna shina tucushcaraicu. Mana imapipash piñachihuashcanquichiccu. 13 Cancuna ña yachanquichic, ñuca callarishcapi Cushi Shimimanta yachachincapac, shuc uncuita ñacaricushpami chaitaca rurarcani. 14 Chai uncui cancunata camancapac carca, cancuna ñuca chai uncuita charicpipash mana piñahuarcanquichic, mana callpachihuarcanquichic; chaipac rantimanta, shuc Diospac angelta shina chasquihuar-canquichic, quiquin Jesucristo cacpi shina. 15 ¿Cancuna chai pacha cushiyashca tucurircachu? Cancunamanta allita yuyarish-pa rimanimi, cancuna ushashpa, ñahuitapash surcurinquichic-manmi carca ñucata cuncapac. 16 Cunanca, ¿cancunata chicnicchu cani, shuti cashcata rimashcaraiculla? 17 Chai runacuna cancunapi ñahuita churanushcami, shinapash paicuna ruranca racushca mana allichu can. Paicuna cancunata ñucanchicmanta chicanyachincapac munanun, chai huasha cancuna paicunamanlla yuyarinuchun nishpa. 18 Shuc-cunamanta yapa yuyarina yapa allimi can, shinapash alli yuyaihuan; huiñaipac cachun, mana cancunahuan ñuca tiyacushcallapi. 19 Ñuca huahuacunalla, cutillatami cancuna-raicu nanaicunata ñacarini, shuc huachanca racuc mama charishca nanaicunata shina; ñacaricushallami cancanapi Cristo allipacha pactamunacama. 20 Cancunahuanshi cunanshitullata chaipi tiyacuiman cancuna atipaipac shimipi rimancapac, pita yachashun, cancunata imana rimacpi chari alli tucunman. 21 Caita cutipahuichic, cancuna Moisespac camachic quillcata pactachina munaccuna: ¿manachu uyashcanquichic chai camachic quillca rimashcata? 22 Abrahan ishcai churitami charirca riman: shuc churi huatara huarmimanta, shucca quiquin huarmimanta; chai huarmica mana huatara carca. 23 Huatara huarmipac churi tucui runa shina pacarirca; ranti quishpira huarmipac churica Dios cusha nishca pactarincapac pacarirca. 24 Chashna tucushca yapa ricsichin; caran huarmi shuc cunacushca shimita ricSichin; shucca Sinai urcupi cunacushca shimita ricsichin; Agar can chai, cai cunacushca shimipi pacariccuna huatara pacarinun. 25 Allita rimacpi, Agar, Arabiapi tiyac Sinai urcu can; yuyaricpi cunan tiyac Jesuralen can; cai llacta huatara can tucui paipac churicunantin. 26 Ranti jahua pachamanta Jerusalen quishpira can, ñucanchicca paipac churicuna canchic. 27 Camachic quillca cashna rimashcaraicu: Mana huahuayuc huarmi, cushiyai, can mana huahuayuc canqui; can mana huahua pacarina nanaita ricsic, cushiyashpa capari. Jichui tucushca nuarmi cariyuc huarmimanta yalli achca huahuayuc tucuna cashcaraicu. 28 Huauquicuna, cancuna Isaac shinami canquichic; Dios cusha nishca huahuacunami canquichic. 29 Chai pachapi tucui runa shina pacaric churi, Samaimanta pacaric churita piñashpa japishca shina, chashnallatami cunanpash tucun. 30 ¿Chashna-manta camachic quillca rimashcata yachanquichicchu? Caita rimau: "Huatara huarmita huahuantin callpachi, quishipira huarmipac churi japina cashcata huatara huarmipac churihuan mana chaupichirincachu. 31 Shina cacpi, huauquicuna, mana huatara nuarmipac churicunachu canchic, quishpira huarmipac churicunami canchic.
1 Cristo ñucanchicta quishpinata curca ñucanchic quishpira cancapac. Chairaicu chai quishpina charishcapi sinchicushpa causaichic, ama cuti huatara causanaman ticrashpa. 2 Uyahuaichic. Ñuca, Pablo, cancunata runanimi cancuna pincai carata pitichicpi, Cristo cancunapac mana imapash allichu canca. 3 Maican cara pitiric runatapash cutillata rimanayani, Moisespac camachic quillcapi rimashcata tucuita pactachinami can. 4 Camachic quillcata pactachishpa jucha-manta quishpinata cancuna mashcanquichic, chashna rurashpa Cristomanta chicanyashcanquichic; Diospac llaquinamantapash chicanyashcanquichicmi. 5 Ranti ñucanchicca Samairaicu ñu-canchic ininaraicupash juchamanta quishpichi tucunata chapan-chic. 6 Cristo Jesusman llutarishca cashpa, pmcai cara pitira, mana cara pitira cana yancami can. Jnina shuti allimi can, cai ininapash llaquinacushpa causanata ñucanchicman cuchun. 7 Cancuna alli caticurcanquichic. Shuti cashcata cancuna uyanata saquincapac, ¿pipash camachircachu? 8 Cancunata cayac Dios mana cashcancachu. 9 "Ansashitu levadura achca harinata punquichinmi", rimai tiyan; 10 Apunchicpi ñuca chapani cancana mana shuc yuyaita japina cashcamanta; ranti cancunata pantachic ranata Dios ñacachincami, pi cacpipash. 11 Huauquicuna, ranti, ñuca iniccunata pincai cara pitirinami chaira rimashpa puricpi, judiocuna mana piñashpa japihuanunmanchu; chashna cacpi Cristopac crusmanta yachachishca paicunata mana piñachinmanchu. 12 Ñuca yuyanimi chai cancunata quillachishpa puriccuna, shuc railla paicunallata curuta muyuta surcuricpi alli canman. 13 Huauquicuna, quishpira cancapac cancuna cayai tucurcanquichic. Shinapash cai quishpirapi ama ruranquichic-chu cancana aicha mañashcata. Ashtahuan llaquinacushcaraicu tucuipura yanaparina canquichic. 14 Camachic quillcapi rimashca cai pactachina shimipi pactacta tiyan; "shuc runata canpac quiquin aichata shina llaquina canqui". 15 Yuyashpa causaichic, cancanapura caninacushpa, micunacushpa causash-pa, cancunapurallatami huacllirinquichic. 16 Chashnamanta rimani: Samai munashca shina causaichic, ama cancana mana alli munashcacunata ruraichic-chu. 17 Mana alli munaicunahuan Samaihuan chicnicpura canun. Shuc shuccanahuan chicnicpura cashcaraicu, cancuna mana ushanquichic cancuna munashcata rurancapac. 18 Ranti cancunata Samai pushacpi, chaipi shuti camachic quillcamanta chican canquichic. 19 Mana alli munaicunata caticcuna rurashcata ricsinalla can: yumashpa juchallinun, ticllayuc, mana allicunata rurashpa juchallinun, 20 huacacunata chacchanun, sacrachinun. Huiñaipac piñarishca causanun, chicanyashpa, tunpashpa. Piñarisiqui canun, piñanacuchinun, chausichinun, chicanyachi-nun. 21 Chiquicuisiqui canun, machaisiqui, micuisiqui, tucui mana allita ruranunllami. Cancunata rimani ñaupac rimashca shina: chashna causaccuna Diospac pachaman mana yaicanun-cachu. 22 Ranti Samaica caita cun: Llaquina, cushiyana, ganas causai, mana piñarishpa chapana, llaquic cana, alli shuncuyuc cana, rimashcata pactachic, 23 mana amu munashcallata rurac, samaita catic. Tucui chaicunata mana maican camachic quillca cautsayachina ushanchu. 24 Jesucristopac caccuna juchasapa canata tucui manaalli munaicunantin illactami chacatanushca. 25 Samairaicu cunan causacushpa saquishun Samaillata ñucanchicta purichichun. 26 Jatunyana ñucanchicpi ama tiyachun, ama piñanacuita, chiquicuitapash ñucanchic ucupi churashun.
1 Huauquicuna, pitapash juchapi urmashcata ricushpa, cancuna samaihuan puriccuna cashpa, pai alliman ticrancapac yanapana canquichic. Ranti yapa llaquishcahuan rurana canquichic; shinapash caran runa yuyarishpalla rurachun, yancamanta cancunapash juchanayaipi urmanquichicman. 2 Ima llaquipash tiyashcapi tucuilla yanaparichic, chashnami Cristo rimashcata pactachinquichic. 3 Pi runapash mana ima cashpallata jatunyarishpa, paillata umarishca tucun. 4 Caran amu paipac quiquin causaita taripachun; paimantallata cushiyanata charishpa cushiyachun, shuccunamantaca mana. 5 Caran amumi quiquin paipac llaqui llashaita apari cachana tucun. 6 Cushi Shimimanta yachacuc, yachachic-huan tucui pai charishcata chaupichinacan. 7 Ama cancunallata umarichichu: Diosta mana pipash asinchu. Quiquin tarpushcatami pallana tucunchic. 8 Mana alli munaicunata tarpuc, chai mana alli munaicunamanta pallanca. Ranti Samai munashcata tarpucca, Samaimantami huiñaipac causanata pallanca. 9 Chairaicu mana sanpayashpa alli rnranacanata rurana canchic; mana sanpayashpa catishpaca, paipac pacha pactashcapi pallashunmi. 10 Chairaicu, caran ushashcapi tucuicunata alli rurashcahuan yanapana canchic, inic huauquicanata ashtahuan yalli yanapana canchic. 11 ¡Cancuna ricuichic ima shina jatun quillcacunahuan quiquin ñuca maquihuan cunan cancunata quillcacuni! 12 Cancunata pincai cara pitirincapac rimaccuna, runacunapac ñaupacpi alli saquirincapacllami can, Cristopac crusraicu ama piñashpa japi tucushun nishpallami chashna ruranun. 13 Shinapash, chashnu cara pitirishca cashpallata, mana tucui camachic quillcapi rimashcata pactachinunchu. Chashna cancunata pincai cara pitirincapac rimanun, chashna cancuna aichapi chai ricuric mircata rurachishca huasha, paicuna jatunyarishun nishpami can chaita. 14 Ranti ñucaca, Apunchic Jesucristopac crusmantallami jatanyarina munani, mana shuc imamantapash. 15 Pincai cara pitirishca, mana pitirishca cana mana imapash allichu can; mushu causaita charina, chaimi alli can. 16 Tucui cashna causaccuna ganas causaita Diospac llaquinata chasquichic Diospac quiquin runacunantin. 17 Caimanta huashaman mana munanichu pipash llaquicanata apamuhuancapac; ñuca aichapi charishca mircacuna Jesuspac yanapac cashcata ricsichiranun. 18 Huauquicuna, Apunchic Jesucrsito paipac cuyaita cancunapi tallichichun. Chashna cachun.
1 Ñuca, Pablo, Dios munashcaraicu Jesucristopac apostol cani, Efeso llactapi tiyac Diospac runacunaman, Cristo Jesusta iniccunaman cai quillcata cachani. 2 Ñucan-chicpac Yaya Dios Apanchic Jesucristontin paicunapac cuyaita ganas causaitapash cancanapi tallichinuchun. 3 Dios Yayata chacchashunchic, pai Jesucristopi tucui laya allicunata jahua pachamanta ñucanchicman curca. 4 Cai pachata chaira mana rurashcallapita, ñucanchicta Jesuscristopi acllarca paipac ñaupacpi tiyancapac, paipacta chicanyachishca, jucha illaccuna. Pai ñucanchicta llaquishcamanta, 5 Jesucristo-raicu pai huiñachishca huahuacuna cancapac japishca carcanchic, pai chashna munashcaraicu. 6 Chairaicunamanta huiñaipac Diosta chacchanchic pai cuyashcacunamanta, chaicunahuanmi ñucanchicta bendisiarca paipac llaquishca Churipi. 7 Dios achca llaquishcapi, paipac Churi tallichishca yahuar-raicu ñucanchicta huatara cashcamanta llushpichishca juchacunamantapash ñucanchicta pichashcami. 8 Dios ñucanchicpac yuyaita punchayachishpa, tucui atipanata cushpa, pai achca llaquishcata ricsichishca, 9 pai pacara charishca yuyaitapash ñucanchicman ricsichishca, rimacpi pai unaimanta rurana yuyarishcata. 10 Pai rimashca pactarishcapi, Dios tucuita Cristopac maquipi churanca ran, jahua pachamanta, cai pachamanta tucui imacunata. 11 Dios unaimanta ñucanchicta acllashcarca, ñucanchic Cristohuan llutarishca cashcaraicu japina cashcata japina ushancapac, Diosllata munashca shina; paimi tucui paipac ñahuipi alli ricurishcata ruran. 12 Ñucanchic Cristopi tucuicunamanta ñaupac yuyaita churaccuna cacpi, Dios jatun cashcaraicu chacchashpa causancapacmi chashna rurashca. 13 Cancunapash shuti shimita uyashcapi, quishpichic shimimanta rimai tucushcapi, Cristota inishpa, paiman llutachishca tucurcanquichic, Diospac sellashcapash saquirir-canquichic pai cusha nishca Samairaicu. 14 Dios tucui paipaccunata quishpichishca huasha, ñucanchicjapina cashcata Diospac Samai ricuchicun, pai jatun ushaita charishcaraicu chacchai tucuncapac. 15 Chairaicu, Apanchic Jesuspi cancuna inina charishcata yachashpa, tucui Diospac runacunatapash llaquishcata yachashpa, 16 cancunaraicu Diosta pacrachunata manapacha saquinichu, Dios-huan rimarishcapi cancunamanta yuyarishpa. 17 Apunchic Jesucristopac Diosta, jatunyachishca Yayata mañani alli yachana yuyaita cancunaman cuyachun, pai yachachishcata alli atipashpa, ashtahuan allita ricsincapac. 18 Imata cancuna chapancapac cayai tucushcata yachancapac, ima shina jatan japina cashcata Dios paipac runacunaman cunca rashcata yachanuchun yuyaihuanmi, cancunapac yuyaitapash Dios punchayachichun nishpa mañani; 19 chash-nallata, mai jatun paipac ushai cashcatapash yachancapac mañanami, chai ñucanchicpi iniccuna cashcamanta rurarin. Chai ushai Dios tucui ushaihuan ricuchishcallatami, 20 pai huañushcamanta Cristota causachishpa, jahua pachapi paipac yachac maquiman tiyachishcapi, 21 tucui ushaicanamanta yalli ushaiyucta rurashpa, apucunamanta, amucunamanta, apunchic-cunamanta yalli, tucui cunan pachapi tiyac, huasha tiyanca racuc pachapi tiyashcamanta jahuapi churashpa. 22 Tucui imacunata Cristopac chaqui ucupi churarca, inuccunaman quiquin Cristo jinu curirca, paipac uma cancapac. 23 Jniccuna Cristopac aicha canun, Cristo paihuan pacta tucun; ranti Cristoca tucuicunapi pacta tucun.
1 Mana alli rurashcacunaraicu, juchacunaraicu, ñaupac cancuna huañushcami carcanquichic, 2 chashna causa-cushpa, cai pacha ruranata caticurcanquichic, huairapi puric chai samai amu munashcata rurarcanquichic; pai sinchicuchin Diosta mana uyana munaccunata. 3 Chashnallata callari pachapi tucui ñucanchicpash causacurcanchic, ñucanchic aicha munashcata, ñucanchic juchasapa cashcata, yuyai rimashcata catishpa. Chashna cashcamanta, Diospac manchaipac ñaca-chinata charina carcanchic, shuccuna shinallata. 4 Ranti Dios yapa llaquinata charishpa, ñucanchicta yapa llaquishpa, 5 Cristopi ñucanchicmanta causaita curca ñucanchic chaira juchacunaraicu huañushca cashcallapita. Dios alli shuncuyuc cashcaraicu quishpmata cancuna chasquircanquichic. 6 Cristo Jesus-huan pacta Dios huañushcamanta ñucanchicta causa-chirca, paihuanpash jahua pachapi ñucanchicta tiyachirca. 7 Huasha pachacunapi yapa ñucanchicta llaquishcata ricuchin-capac caita rurarca, Cristo Jesuspi pai yapa ñucanchicta lla-quishcata ricuchincapac. 8 Dios alli shuncuyuc cashcaraicu quishpinata cancuna chasquishcanquichic, cancuna inic cashca-raicu. Caica mana cancuna munaimanta tarishcachu can, Diosmi cancanaman curca. 9 Mana cancuna rurashcamantachu caita tupashcanquichic, chairaicu cancunamanta manapi runa imamantapash mana jatunyarina ushanchu; 10 Diosmi ñucan-chicta rurashca; paimi allicunata rurancapac Cristo Jesuspi ñucanchicta surcurca, pai chashnapac huiñaimanta munashca cashpa. 11 Shina cacpi, cancuna, mana judio caccuna, "mana pincai cara pitirishca"judiocuna cancanata rimanan (carata runa aichapi pitinun, "cara pitirishca canchic" paicunallata rimarinun), 12 yuyarichic cancuna ñaupac Cristo illac, israel llactamanta chican, Dios cusha nishcata mana japina cashcata yuyarichic. Dios illac, mana imata chapashpa cai pachapi causacurcanquichic. 13 Ranti cunan, Cristo Jesus yahuarta tallichishcaraicu paiman llutarishca canquichic; ñaupac caruyachishca tiyaccuna cunan mayanyachi tucushcanquichic. 14 Cristo ñucanchipac ganas causai can. Judio runacunamanta, mana judio runacunamanta pai shuclla llactata rurarca, cancunapura piñacushpa causashcata allichishpa. Quiquin paipac aichapi 15 camachic quillcata anchuchishpa, tucui chai quillca rimashcata anchuchishpa, ishcai chican llactamanta shuclla mushu llactata, paiman llutarishcata rurarca. 16 Pai cruspi huañushpa, ishcantin llactacuna macanacushpa causashcata tucuchichirca, paicunata Dios-huan alliyachirca, ishcantinmanta shuclla aichata rurashpa. 17 Tucuicunaman ganas causai shimicanata rimancapac Cristo shamurca, cancuna carupi tiyaccunaman paipac mayanpi tiyaccunamanpash. 18 Cristoraicu, shuc Samaillapi Yayapac-man pactana ushanchic tucuilla. 19 Chairaicu, cancuna ña mana chican runa canquichic, ña mana chican allpapi tiyanquichic; cunanca ashtahuan Diospac runacuna japina cashcata japina ushanquichic Diospac aillucunapash canquichic. 20 Shuc huasi shinami cancuna canquichic, yachachishcacuna; profetacuna chai huasipac sapi canun, ranti quiquin sinchicuchic rumica Jesucristollata can. 21 Cristoman llutarishpami, tucui huasi alli sinchicurishpa jahuaman jatarinca, Apunchicpi shuc sumac Diospac chicanyachishca huasi tucunacama. 22 Chashnallata cancunapash, Cristoman llutarishca cashpa, tucui cancanapura llutarinquichic Diospac huasi tucunacama; chaipimi Dios paipac Samaihuan causanca.
1 Chairaicumanta ñuca, Pablo, cancuna mana judio-cunapac allipac chunta curralpi quillcara cani Cristo Jesusraicu. 2 Cancuna ña yachanquichic ima chari Dios yapa alli shuncuyuc cashpa, cai llancanata mincahuashca cancunapac allipac. 3 Dios pai pacashca yuyaita pacllapi churashpa, ñucata ricsichihuarca; ñaupallata caimanta cancunata ansashituta quillcarcani. 4 Quillcata ricushpa, Cristopac pacara yuyaita ñuca ricsishcata cancuna atipanata ushanquichic; 5 callari pachapi manapi runata ricsichishca carca chai pacara yuyaita, ranti .cunan Dios paipac Samaihuan apostolcunaman, profeta-cunaman ricsichishca. 6 Caimi chai pacara shimi: mana judio runacuna, judio runacuna shinallata, japina cashcata Diospac shimita uyashpa chashquinunca; shuc aichamantallata cashpa, Cristo Jesuspi Dios cusha nishcata paicunapash japina canan. 7 Ñuca yanca cashpallata, Dios munashcaraicu cai quishpichic shimita yachachincapac mincai tucushcani. 8 Tucui Diosta iniccunamanta ñuca yalli uchillami cani; shina cacllipita, Cristo mana judio runacunata tucui cushi shimita ricsichincapac acllahuarca. 9 Tucuita rurac Dios unaimanta pacara charishca yuyaita tucui cancunaman ricsichincapac mincai tucurcam. 10 Chashna tucurca tucui jahua pachamanta ushaicuna Dios chai tucui yachai charishcata ricsincapac cunan iniccunaraicu. 11 Dios pai huiñaimanta yuyarishcata Apunchic Jesucristopi pactachirca. 12 Diosman Cristopi mayanyancapac ushanchic, ñucanchic paipi inishcaraicu. 13 Chairaicu ama sanpayaichicchu rimani ñuca cancunaraicu ñacarishcamanta, cancuna chaicanamanta ashtahuan jatanyaranami canquichic. 14 Chairaicumanta Yayapac ñaupacpi cuncarinimi, 15 paimantami tucui aillu cai pachapi jahua pachapipash shutita japinun. 16 Yayata mañanimi Diospac Samairaicu pai sumac achca charishcamanta cancunapac ucupi shinchicuita ushaitapash cuchun, 17 Cristopash cancuna inishcaraicu cancunapac shuncu ucupi causachun. Chashnami cancuna, sinchi tucushpa, llaquinapi sapiyashpa, 18 tucui iniccunahuan atipana ushanquichic Cristopac llaquina mai jatun cashcata. 19 Chairaicu, ricsichic rimani chai llaquinata; pai ñucanchic tucui ricsi ushashcamanta yalli jatunmi; chashnami can cancana Diospi pacta juntarishca cancapac. 20 Cunanca Dios jatunyachishca cachun; paimi ñucanchic mañashcamanta, ñucanchic yuyashcamanta yalli rurana ushan ñucanchicpi tiyac paipac ushaihuan. 21 Iniccuna ucupi Cristo Jesuspi huiñai huiñai jatanyachishca cachun. Chashna cachun.
1 Chashnamanta ñuca, Apunchicraicu chunta curralpi quilpara, cancunata mañani: Allita causaichic, Dios chaipac cancunata cayarca, allita causancapac. 2 Uchillayashca, alli shuncuyuc caichic; mana piñarishpa chapaichic, llaquishcahuan cancunapura llaqui tiyashcapi quishpichirichic. 3 Diospac Samai yanapashcahuan, tucuilla huancurishpa causaichic cancunata ña huancuchishca ganas causairaicu. 4 Shuclla aicha, shuclla Samai tiyan, Dios cancunata shuclla chapanata charincapac cayashca shina. 5 Shuclla Apunchic, shuclla inina, shuclla bautismo tiyan; 6 shuclla Dios tiyan, pai tucuicunapac yaya can, tucuicunamanta yalli can, tucuicunahuan ruracan, tucuicunapi tiyan. 7 Ranti ñucanchic caranlla Cristo cuyaicunailata japishcanchic. 8 Chairaicu camachic quillca riman: "Jahua pachaman sicarca piñashpa japishcacunata paihuan pushashpa, runacunataca paipac cuyaita curca". 9 "Sicarcami" nishcapi, ¿ima rimanayashcata yachanquichicchu? Ñaupactami cai allpaman uraicurca nishpami rimanayan. 10 Uraicuc runallatami jahua pacha jahuaman sicarca, pai pactashcahuan tucuita juntachincapac. 11 Paillata munarca maicancuna apostol cancapac, shuccunaca profeta cancapac, shuccunaca quishpichic shimita huillac cancapac, cuti shuccunaca michic cancapac, yachachic cancapac. 12 Chashnami paipac runacunata yanapac cancapac yachachirca, Cristopac aichata huiñachichincapac, 13 tucuilla ininapi Diospac Churita ricsinapi shucllapi huancurishca canacama. Chashnami ñucanchic yuyaita rucuyachishpa, Cristopi pactarishca tucushun. 14 Ña mana huahuacuna shinachu, shuc yuyaita charishcamanta chicanta yuyarishun; shuc mushu yuyaita mana japishunchu, pantashca ñanpita puric runacuna umachishcahuan yachachishcata. 15 Chaipac rantimanta, shuncumanta cusca shimihuan rimashpa, Cristoman huiñashpa rina canchic, paimi aicha uma can. 16 Cristoraicu tucui aicha mana huacllirishpa caticun; caran uchilla aichacuna alli caticucpi, tucuilla llaquinapi huiñashpa jatanyashpa catiranun. 17 Caitami Apunchicpac shutipi rimashpa mincani. ama Diosta mana ricsiccuna shina causaichicchu; paicunaca yanca yuyaicunata pactachinun, 18 paicunapac yuyaipash yana tuta shina can. Diosmanta shamuc causairaicu mana cushiyanun-chu, paicunapac shuncu upayashpa cashpa mana atipanun. 19 Sinchiyanurca, mana alli ruraicunapi urmanushca, mana allicunata mana sanpayashpa rurashpa catinunlla. 20 cancunaca mana chashna causancapacchu Cristota ricsircanquichic, 21 alli shutipacha paimanta jinu uyashca cashpa, paimanta jinu ima shina causana cashcata yachashca cashpa. 22 Cancunapac ñaupac causaita saquina canquichic; paica huacllishcami can, mana alli munaicunapi umai tucushcaraicu. 23 Caucunapac yuyaita causaitapash mushuya-china canquichic, 24 mushu runa tucuna canquichic, Dios munashca shina; chaica cusca causaihuan chuya shuncuyuc cansascahuan ricsichirin. 25 Chashnamama, amacuti llullanquichicchu, ashtahuan shuccunata shuti cashcallata rimaichic, tucuicuna shuc aichamantallatacashpa. 26 Piñarishpa ama juchallichicchu, cancanapac pinari ama chishiachun. 27 Supai cancuna rurashcapi ama satirichun. 28 Shuhuashpa causac saquichan shuhuanata, ashtahuan llancapac shayarichun; shuc alli llancanata paipac maquihuan rurashpa imallapash charichun tsuntsucuna mañashcapi cancapac. 29 Mana alli shimicunata ama rimaichicchu, ashtahuan alli shimicunata rimaichic, huiñancapac yanapaccunata, uyaccunata alliman pushancapac. 30 Diospac Samaita ama llaquichichicchu, paihua jahuisca mari carcanquichic, Diospac cashcata allipacha quishpichishca pancha ricsi tucancapac. 31 Cancunamanta jichuichic tucui piñanacunata, piñarinacunata, caparinacunata, piñanata, tucui laya mana allicunata. 32 Alli shuncuyuc caichic caranlla shuc-huan, quishpichinacuichic cancunapura, Dios Cristopi cancunata quishpichishca shina.
1 Cancuna, Dios llaquishca churicuna cashpa, pai shina cana canquichic. 2 Cancunapura llaquinacushpa purma canquichic, Cristo ñucanchicta llaquishca shina, llaquishcaman-ta ñucanchicraicu huañuiman curirca, sumac ashnac camari shina Diospac ñaupacpi curishpa. 3 Cancuna Diospac runacuna cashpa, cancana ucupi mana ansallapash rimana canquichic yumashpa juchallinamanta, shuc ticllayachic juchacunamanta cullqui mitsanamantapash. 4 Chashnallata ama rimaichicchu mana alli shimicunata, yanca rimaicunata, yanca runa rimashca shimicunatapash, chashna rimana mana alli cashcaraicu; chaipac rantimanta Diosta chacchaichic. 5 Caita yachaichic: maicanpash yumash-cahuan juchallishpa, ticllayachicta rurashpa juchallishpa, cullqui mitsac cashpa (chaita rurashpa huacata chacchashca shinallata can), mana yaicuna ushancachu Cristopac pachapi Diospac pachapipash. 6 Ama pipash cancunata yanca shimicunahuan umachichun, caicunaraicu mari manchaipac ñacarina Diosmanta shamun paita mana uyaccunapacman. 7 Chashna runacunahuan ama imatapash charichicchu. 8 Ñaupac cancuna tutapi causacurcanquichic, ranti cunan, Apunchicman llutarishca cashpa, achicpi causanquichic. Achicpaccuna shina causaichic, 9 achicca caita mari cun: yapa alli shuncuyuc cana, cusca rurana, shutita rimana. 10 Diospac ñahuipi alli ricuricllata ruraichic. 11 Tuta ucupi causaccuna shina, mana imapacpash allicunata cancunaca ama ruraichic-chu; ashatahuan, chasna mana allicuna pacllaman surcushpa, mana alli cashcata ricsichichic. 12 Pacallapi paicuna rurashcata rimancapacllapash pincanayanmi; 13 ranti achic-huan pacllapi tucui rurashcacunata surcushpa ricuchicpi, tucui pasacta ricurin, 14 tucuita mari achic pacllapi surcushpa ricuchin. Chairaicu caita ninun: "Can puñucuc, causari; huañushca-cunamanta jatari, Cristo canta achic-huan ricuchincami". 15 Chairaicu, cancunapac causana layata alli ricuna canquichic. 16 Causaicama allicunata ruraichic, cai punchacuna mana allicuna mari canun. 17 Rurashcapi, ama jahuata yuyaihuan ruraichicchu, Apunchic munashcata mashcaichic. 18 Ama machaichicchu, machai ashtahuan juchallinamanmi aisan; chaipac rantimanta, Diospac Samaihuan juntarichic. 19 Tantarishcapi Dios-huan rimarichic, taquichic shuncumanta yuyarishcahuan. Taquishcahuan cancunapac shuncupi Apun-chicmanta cushiyaichic, 20 Dios Yayata, Apunchic Jesucristo-pac shutipi, tucui imacunamanta pacrachuichic. 21 Cristoraicu cancunapura yanaparishpa causaichic. 22 Cariyuc huarmicuna, cancunapac carita uyaichic Apunchicta shina. 23 Carica huarmipac uma mari can, Cristo iniccunapac uma casha shina. Cristoca iniccunata Quishpichic can, iniccana aicha canun; 24 iniccuna Cristota uyashca shina, cariyuc huarmicanapash tucuipi carita uyana canun. 25 Caricuna, cancunapac huarmita yapa llaquina canquichic, Cristo iniccunata llaquishca shina, llaquishcamanta mari pairaicu causaita curca. 26 Chashnami Diospacta chicanyachirca iniccunata pai rimashcahuan sumacyachishpa bautismo yacuhuanpsh maillashpa, 27 iniccunata shuti munarcami paipac ñaupallapita ricuchincapac, jatunyachishca-ta, mana ticllayuc, mana sipuyashcata, mana imapi huacllishcayuc, ranti chicanyachishcata, alli pacta tucushcata. 28 Huarmiyuc cari paipac quiquin aichata llaquishca shina, paipac huarmita llaquina can. Huarmita llaquic cari quiquin amupac aichallata llaquicun. 29 Manapi runa quiquinpac aichata chicninchu, ashtahuanpash paita caran, allita ricun, Cristo iniccunahuan rurashca shina, 30 paipac aicha cashcaraicu. Ñucanchicca chai aichamanta uchilla aichacuna canchic. 31 "Chairaicu cari runa paipac yayata mamata saquinca paipac huarmihuan llutarincapac, chashna ishcantincu-na shuclla runa shina canunca". 32 Cai jatun pacara shimimi can; ranti ñucaca Cristomanta iniccunamanta yuyarishpami rimacuni. 33 Chashna cashcaraicu cancunamanta caranlla quiquinta shina huarmitapash llaquina canquichic, ranti huarmica paipac carita yupaichachun.
1 Churicuna, Apunchicta llaquishcaraicu yaya mamata uyaichic, chai mari alli can. 2 Cai rurai nishca shuc cusha nishcata charin: "Yayata mamata yupaichanqui, chashna cushi causashpa, cai pachapi anaita causanqui". 4 Yayacuna, churicunata ama piñachichicchu, ashtahuan cuscata yachachishpa huiñachichic Apunchicta llaquinatapash yachachishpa. 5 IIuatara runacuna, cai pachapi tiyac cancunapac amucunata uyaichic. Cristota yanapacushca shina, yupaichash-cahuan, manchaihuan, uchillayashcahuan ruraichic. 6 Mana paicuna ricucushcallapi yanapana canquichic, paicunapacpi alli ricui tucushun nishpa; Cristota yanapac shinami rurana canquichic, tucui shuncuhuan Dios manashcata pactachishpa. 7 Apunchicta yanapacushca shina cancuna llancashcata ruraichic, mana runacunapacta ruracuc shina. 8 Ña cancana yachanquichic ima shina caran runa, huatashca cashpa, quishpira cashpa imapash, alli rurashcacunamantallami Apanchicmanta chasquinata charishun. 9 Cancuna amucuna, cancunata yanapaccunata ama piñashcahuan rimaichicchu. Yuyarina canquichic cancuna paicunantin jahua pachapi tiyac Apunchicpac cashcata, paica runacunata mana chicanyachishpachu ricun. 10 Cunan, huauquicuna, Apunchicpi sinchi tucuichic, paipac sinchi ushaihuan. 11 Supaita yallincapac Dios cushca jillaimanta churarinata churarichic. 12 Mana aichayuc runahuanchu macanacucunquichic, jahua pachamanta mana ricuric ushaicanahuanmi macanacucanquichic; paicuna cai yana tuta pachapi tucui ushaita charinun. 13 Chairaicu, cancunata, japichic, limani Dios cushca jillaimanta churarinata, mana alli pancha pactashcapi sinchicuna ushancapac, macanacui tiyash-capi mana shuc chaqui huashaman jaitarishpa yallincapac. 14 Sinchicushpa causaichic, shuti shimita churarishpa, cusca causai quishpichishca. 15 Ganas causana shimita shuccunaman ricsichicrincapac rinalla chapacuichic. 16 Can-cuna charishca inina supai janpihuan cachamushca biruticunamanta quishpichichun. 17 Cancunapac quishpina cancunapac umata quillpashpa quishpichic cachun, Diospac Samai cushca shimica cancunapac mircanu cachun. 18 Dios-huan rimarinata ama saquichicchu; Dios-huan rimarishcapi paipac Samai cancunahuan tiyachun. Ricuralla causaichic, mana sanpayashpa, Diosta mañaichic tucui paipac runacunaraicu. 19 Ñucaraicupash Diosta mañaichic runacuna-man ñuca rimashcapi, alli shimicuna tiyahuanuchun mana manchashpa quishpina shimita, mana atipaipac cashcata ricsichincapac. 20 Cai shimipac cachashca runata shina Dios cachahuarca, pairaicu piñashpa japi tucushpa cunan quillpara cani. Diosta mañaichic ama manchashpa chai shimita ñuca rimana ushancapac. 21 Ñucanchic llaquishca Apunchicpac llancanapipash mana sanpayashpa yanapac huauqui Tiquicomi, ñucamanta tucui ñuca racushcamantapash shimita cancunata rimacrinca. 22 Chairaicumi paita cancunapacman cachacuni, caipi ñucanchic imana tiyacushcamanta ricsichishpa, chashna cancanata cariyachichun. 23 Yaya Dios Apunchic Jesucristontin ganas causaita llaquinantin ininantin huauquicunaman cunuchun; 24 Apun-chic Jesucristota llaquiccunatapash paipac cuyaita mana pishiyashpa tallichichun.
1 Pablo Timoteontm Jesucristota yanapaccana, Pilipos llactapi tiyac Diospac runacuna cashpa, Cristo Jesusman llutarishcacunaman, rimacpi, tucui miccanaman obispocunan-tin yanapaccunantin cai pancata quillcacunchic. 2 Ñucan-chicpac Yaya Dios Apunchic Jesucristontin, paicunapac cuyaita ganas causaitapash cancunapi tallichinuchun. 3 Caran cancunamanta yuyarishcapi ñuca Diosta pacrachuni; 4 Dios-huan rimarishcapi cushiyashcahuan huiñai tucui cancunaraicu mañani; 5 callarishcamanta cunancama Diospac Cushi Shimita ricsichincapac yanapashcamanta mana cuncarinichu. 6 Ñuca yuyani, Dios cancunapi alli rurancapac callarishcata alli pactachinacama mana saquincachu Jesucristo ticramuna panchacama. 7 Ñuca cancanata yapa llaquiscamanta chashna yuyarishca allimi yachihuan; ñucaman tucui Dios cuyashcallatata cancanapash chasquicunquichic chunta curralpi ñuca quillpara tiyacushcapi, apucanapac naupacpi quishpichic shimimanta alli rimascapi, pai shuti cashcata ricsichicushcapi imapash. 8 Diosllami yachan ima shina cancunata ricunayash-cata, Cristopi yapa llaquishcaraicu. 9 Cancuna ashtahuan llaquinata charinuchun nishpami mañani ñuca Dios-huan rimarishcapi, tucui ashtahuan yuyayuc, yalli atipac tucanuchan; 10 chashna cancuna ashtahuan alli cashcata huiñai acllana ushanquichic. Chashanami cancuna chuya causaita causana ushanquichic, Cristo shamushcapi mana imamanta cautsayachi tucuncapac. 11 Jesucristo yanapashcahuan achca alli rurashcacunata ricuchinquichic Diosta jatunyachincapac. 12 Huauquicuna, tucui ñacapi tucushcacuna, shuti rimacpi, ashtahuan quishpichic shimita yachachincapacmi yanapanushca. 13 Apucuna tucui runacunapash Cristota catishcamanta ñuca quillpara tiyacushcata yachanun. 14 Ñuca quillpara tiyacushcata ricushpa, achca huauquicuna mana manchashpa, ashtahuan Apunchicpi yuyaita churashpa cushi shimita ricsichincapac callarinushca. 15 Shutimi maicancuna, ñucata chiquicushpa, piñashpa Cristomanta rimanun, shuccuna ranti alli yuyaihuanmi ruranun. 16 Maicancuna Cristota llaquishcaraicu paimanta rimanun, Dios ñucata caipi quishpichic shimiraicu alli rimancapac cachamushcata yachashpa; 17 rati shuccunaca paicunapac allita mashcashpa ruranan, chaicuna mana cusca shimiyuc canun, cunan ashtahuan ñuca quillpara tiyashcapi yalli ñucata llaquichinata munanun. 18 Chaica mana imananchu. Ima shina cashpapash, shutita rimashpa, umachishpa rimashpa, Cristomanta rimaranun; chai yapa cushiyachihuan. Chairapash ashtahuan cushiyashami 19 tucui caicuna ñuca quishpincapac cashcata yachashpa, cancana ñucamanta Diosta mañashcaraicu Jesucristopac Samaipash yanapashcaraicu. 20 Diosmanta allipachami chapani pai mana pincaipac saquihuancachu; ashtahuan mana ansapash manchashcahuanmi tucuicunapac ñaupacpi rimana ushasha, chaipi huiñai shina, Cristo jatun cashca ashtahuan ñucapi ricurinca, ñuca causacushcapi, ñuca huañushcapi imapash. 21 Cristo ñucapac causai can, huañushpaca achcata yapachini. 22 Ranti cai aichapi causanacama Apunchicta yanapacushpa, maicanta chari acllasha. 23 Cai ishcai acllanacunamanta shuccllata acllancapac sinchimi cahuan; huañunata munaiman Cristohuan causacrincapac, chaimi ñucapac yapa alli cahuanman; 24 cancunaraicu causac catina ashtahuan yapa alli can. 25 Chai ashtahuan alli cashcata yachashpa, chaira cancunahuan saquirishami, cancunata ñaupacman catmapi yanapancapac, cancanata cancunapac ininapi ashtahuan yalli cushi charincapac. 26 Chashnami ñuca cuti cancuna ucuman ticracpi, Cristo Jesuspi cushiyanata charinquichic. 27 Caillata rimani: Cancunapac causaipi Cristopac cushi shimita catishpa causaichic. Ñuca cancunata ricuncapac ricpi, mana ricpipash, cancana smchicushpa, huancurishpa, tucuipura quishpichic shimimanta shamuc mmaraicu llancashpa caticush-cata uyanayani, 28 cancunata piñaccunapacpi mana ansallapash manchachic tucushpa. Cai mana pantaipac ricuchicun paicuna huañuiman rirashcata, chaillapita cancuna quishpinatapash ricuchicun. Caica Diosmantami shamun. 29 Cristoraicu mana paipi inincapacllachu acllai tucushcanquichic, paimanta ñacarincapacpash acllai tucushcanquichicmi. 30 Cancuna ñucapash chai macanacuillapita canchic. Ñaupallata ña ricurcanquichic ñuca ima shina macanacushcata, cunanpash ñuca ima shina macanacushpa caticushcata yachanquichic.
1 Shina, Cristo cancunata sinchicuchicpi, paipac llaquina cancunata cushichicpi, Samai cancunahuan tiyacucpi, cuyaita, shucmanta llaquirinata cancuna ricsishpa, 2 cushihuan juntachihuaichic shuc shuncullahuan causashpa, shuc llaquinallapi tantarishpa, shuclla yuyaita charishpa, tucui shuclla ruranata yuyashpa. 3 Ama imatapash shucta piñashcaraicu yalli canayanaraicu ruraichicchu, ashtahuan uchillayashpa ruraichic, shuc runa yalli alli cashcata caran amu ricushun. 4 Ama pipash cancunamanta paipac allillata mashcachan, shuccunapac allita mashcana canquichic. 5 Cristo Jesus charishca yuyaicunallata charichic; 6 pai Dios cashpallata, mana atircachu Dios-huan pactarincapac, 7 ashtahuan pai cashcata mayanman saquishpa, rana shina pacarirca. Yanca runa shina ricurimushpa, 8 quiquin paillata uchillayarca, Diosta uyashpa huañuiman rirca, pincaipac cruspi huañanaman. 9 Chairaicu Dios tucuimanta yallita paita jatunyachirca, tucuicunamanta yalli sumac shutita cushpa, 10 "Jesus" rimashcata uyashpa, tucui jahuapachapi tiyaccuna, cai pachapi tiyaccuna huañuscacunapash cuncurincapac, 11 tucuicunapash ricsincapac Jesucristo Apunchic cashcata, Dios Yayata jatanyachincapac. 12 Chairaicu, llaquishca huauquicuna, ñuca cancana ucupi cashpa rimacpi uyahuashca shina, cunan ñuca carupi cashcaraicu ashtahuan uyana canquichic. Cancana quishpina-manta allipacha yuyarichic; 13 Diosmi cancunapi alli munaicunata tarpun, paillata chaicunata pactachincapac yanapan, pai chashna manashcaraicu. 14 Ama camishpa, ama piñanacushpa tucuita ruraichic, 15 cancunapi ama pipash juchallishcata, panta rurashcata tarichun. Mana ticllayuc Diospac churicuna shina causaichic cai mana alli, huacllishca runa ucupi. Paicuna ucupi cancuna cuillurcuna yana tuta ucupi llinpiyashca shinami canquichic, 16 causaita cuc shimita pactachishcaraicu. Chashna, Cristo shamucpi, cancunaraicu cushiyasha, mana yanca sanpayashca-manta, mana yanca llancashcamanta. 17 Diosman cancuna ininaraicu camarita ricuchishcapi, cai camari pacta tucuncapac ñuca causaita cana cashpapash, ñuca tucui cancunahuanmi cushiyani. 18 Cancunapash ñuca cushiyashcahuan cushi-yaichic. 19 Apunchic Jesus yanapashcahuan Timoteota utcalla cancunaman cachasha yuyani; ñuca cancanamanta shimita uyashpa cushiyasha nini. 20 Shuc runa mana tiyahuanchu ñuca shina yuyaric, cancunamantapash alli shutipacha yuyaric runa; chairaicu paita cachani; 21 tucui runa paicunapac allillata mashcanun, Jesucristo munashcata, mana. 22 Ranti cancuna ña yachanquichic Timoteo alli cashcata, pai Diospac shimita ricsichinapi ñucata yanapashcata, quiquin churi shina ñucata yanapashcahuan. 23 Shina ñuca ruranacunamanta alli yachashca huashami cachashca yuyani; 24 Apanchic yanapash-cahuan ñucallatami cancunapacman utca risha yuyani. 25 Epafroditopash cutillata cancanapacman ticracpi allimi canca yachihuan, pai ñucahuan llancashca, ñucahuan pacta macanacushcapash, paita cancana ñucaman cachamuhuarcan-quichic ñuca mutsuyashcapi yanapahuancapac. 26 Pai tucui cancunata ricunayan; yapa yuyarican cancuna pai uncuc cashcamanta yachascaraicu. 27 Shuti uncucmi carca ñallapash huañurca; ranti Dios paimanta yuyarirca, mana paimantalla, ñucamantapash, ñucamanta nicpi, ama chai tucur llaqui charishcamanta ashtahuan charincapac. 28 Chairaicu utcalla cancanapacman cachacuni, cancuna paita ricushpa cushiyanca-pac, ñucapash ama yapalla llaquirishpa tiyancapac. 29 Achca cushiyashcahuan paita chasquichic, Apunchicpi huauquita shina, pai shina caccunatapash achca llaquina canquichic, 30 pai huañui mayanpi carca Cristota yanapanaraicu. Paipac causaita ñalla chincachirca cancuna jinu mana yanapana ushashcata pai yanapacushpa.
1 Cunanca, huauquicuna, Apunchicpi cushiyaichic. Ñaupa rimashpa quillcashcata cutillata quillcancapac ñucata mana imanahuanchu, ranti cancanapacca yapa alli canca. 2 Millaipac runacunata, mana alli ruraccunata aichata culluccunatapash yuyanquichic; 3 quiquin pincai cara pituacuna ñucanchicmi canchic, Diosta chacchaccuna paipac Samai pushacpi; Cristo Jesuspaccuua cashpami cushiyanchic, mana ñucanchicllapi yuyaita churashpa. 4 Imashna cacpipash, chaicunapi ñucaca yuyaita churanimi. ¿Ñuca shina chaicunapi yuyaita churancapac maicanpash ushancachu ima chari?: 5 pacarishcamanta pusac panchayucta pincai carata pitihuanur-ca, israelita runa cani, Benjaminpac aillumanta cani, hebreo runa cani hebreo runacunapac churi cashpa. Camachic quillcamanta rimacpica, fariseo carcani; 6 chashna iniccanata piñashpa japishcahuan shuncuhuan curishca cashcara ricsichircani, camachic quillca pactachinapi mana pipash yallihuarcachu. 7 Tucui caicuna ñucapac yapa alli cahuanurca ñaupa, cunan ranti Cristoraicu tucuilla y anca cahuanun. 8 Ashtahuan rimacpi, tucui chaicuna mana imapacpash allichu canun Apunchic Cristo Jesusta ricsishcahuan yuyaricpi. Cristoraicu tucuita jichushcani, tucur ismami nini, paita jinu tarmata yuyaricpi, 9 paiman jinu llutarishca canata yuyaricpi. Camachic quillcata pactachsicamanta jucha illac saquirmata mana mashcanichu, ashtahuan Cristopi inina charishcaraicumi jucha illac saquirisha; rimacpi, juchamanta Dios quishpichihuachun ñuca inina charishcaraicu. 10 Cristota ricsina munani, pai huañushpa causarishcamanta ushaita charinata manani, pai ñacarishcata ñucapash ñacarinayani, pai shina paipac huañuipi cancapac, 11 huañushcamanta causarina-man pactanata chapashpa. 12 Ña tucuitami tarircani, ña tucuipimi pacta cani mana rimanichu; ranti ñaupacman caticunillami tarinacama, Cristo Jesus pai ñucapactañaupa tarishcaraicu. 13 Huauquicuna, mana ñucallami tarircani rimanichu; cunanca huashaman jichurishcamanta cancarinimi ñaupacman cashcata tarincapac, 14 pactanaman pactashpa Dios Cristoraicu ñucanchicman cancapac cuyaita japmcapac. 15 Tucui ña smchi inina chariccuna, cai yuyaillata charina canchic. Shuc imapipush chican yuyaita charicpi, Diosllatami cusca cashcata cancunaman ricuchinca. 16 Ranti, ñucanchic ña pactashcahuan causana canchic. 17 Huauquicuna, ñuca shina causaichic ricuichic ñucanchic cancunaman yachachishca shina causaccunata. 18 Ñuca cancunata achca cuti rimashcani, cunanpash cutillata cancunata huacashcahuan rimani: achcacunami Cristopac crusta piñac shina causaranacun, 19 tucuricpica chincarinca ranun paicuna. Paicunapac Dios paicunapac aicha mañashca can, chaicunamanta pincarma rantimanta paicuna ashtahuan jatunya-rinun. Cai pachallapi paicunapac yuyaita churashpa causanun. 20 Ranti ñucanchic jahua pachamanta runacuna canchic, Quishpichic Jesucristo shamunata chapacunchic; 21 paimi ñu-canchic ismuc aicha cashcamanta paipacta shina sumacyachin-ca. Pai chashna rurana ushanmi, tucuipac amu cashcaraicu.
1 Chairaicu, ñuca llaquishca huauquicuna, cancunatami ñuca llaquishcacuna, yapa ricunayani; cancunapi cushiyani, cancuna ñucapac cuyai canquichic; chashna, Apanchicpi sinchi tucushpa catichic. 2 Evodiata Sintiquetapash rimani, shuclla yuyaita japinuchun Apunchicpi ñañapura shina. 3 Cantaca, llancanapi mana sanpayashpa yanapahuac, cai panicanata yanapai rimam, paicuna ñucahuan mari quishpichic shimita ricsichinapi llancanushca Clementehuan, shuccuna ñucahuan llancaccuna-huanpash,paicunapac shuti quillcara mari tiyan causaccanapac quillca pancacanapi. 4 Apunchicpi huiñai cushiyana canquichic. Cutillata rimani: CushiyaiChiC. 5 Cancuna alli shuncuyuc cashcata tucuicuna ricsinuchun, Apunchic mayanllami tiyacun. 6 Ima tiyacpipash ama llaquirichicchu, ashtahuan Dios-huan rimarishcapi paiman tucuita cuichic; paipac cuyairaicu pacrachuichic, paita ashtahuanpash mañaichic. 7 Chashnami Dios paipac alli ganas causaita cunca, pai runa atipana ushashcamanta yalli jatunmi; cai ganas causai cancunapac shuncuta, cancanapac yuyaita ricunca ran, cancuna Cristoman llutarishca cashcaraicu. 8 Puchucaipi caicunata yuyarichic rimani. yuyarichic tucui shuti cashcapi, tucui yupaichana cashcapi, tucui cusca cashcapi, tucui chuya cashcapi, tucui manaipac cashcapi; tucui alli cashcata japina canquichic. Tucui alli cashcata yuyarichic. 9 Ñuca yachachishcata pactachichic; ñuca rimashcamanta uyashcata, ñuca rurashcamanta yachashcata pactachichic; chash-na ruracpimi ganas causaita cuc Dios cancunahuan tiyanca. 10 Apunchicpi yapa cushiyani cancuna cuti ñucamanta yuyarincapac callarishcaraicu. Mana cancarihuarcanquichicmi rimanichu, ñucata mana imana yanapaipac tucurcanquichic rimani. 11 Mana yanapaita chapashcaraicuchu rimani, chaimanta nicpica yachashcanimi ansashitu charishcallahuan cushiyanata. 12 Tsuntsu shina, achcayuc shina causanata ricsinimi. Ima shina causaipash pactamuhuacpi ushanillami, imapash illashcapi, achca charishcapi, yallicta charishcapi, mana imapash tiyahuashcapipash. Ima shina causaipash pactamuhuacpi ushanillami, Cristomi ñucata sinchicuchihuan. 14 Chashna cacpipash, alli carca cancana ñucahuan ñacarishca. 15 Ñuca Macedoniamanta rishcapi, quishpichic shimita ricsichincapac callarishcapi, cancuna, Filiposmanta iniccuna, cancanalla pacrachushcamanta camaricunata cachahuarcanqui-chic cancunapac causaipi yanapai tucushcamanta. 16 Ñuca Tesalonicapipash tiyacushcapi, cancunamanta mana shuc cutilla cachamushca camarita chasquircani. 17 Mana cuyai tucanallata chapashcaraicuchu rimani caita; cancuna cuyashca Diospac ñaupacpi ashtahuan yalli sumac ricurichun nishpami munani. 18 Ñuca ña tucuita chasquishcanimi, yallictapash charim. Cancuna Epafroditohuan cachamushcata chasquishca-manta yapactapash tiyahuanmi. Cancuna cachamushca camari shuc sumac ashnac shumiriu shinami carca, Diospac ñaupacpi sumac ricuric camari. 19 Chairaicu ñuca Dios tucui cancuna mana charishcatami cunca, pai munashca shina Cristo Jesuspi, 20 Yaya Dios huiñai jatunyachishca cachun. Chashna cachun. 21 Jesucristoraicu Diospc runacunata, tucui paicunata yuyarinimi. Ñucahuan tiyacuc huauquicunapash paicunata yuyarinunmi. 22 Tucui Diospac runacunapash cancunata yuyarinunmi, Romamanta jatun Aputa yanapaccunami cancunata ashtahuan yapa yuyarinun. 23 Apunchic Jesucristo paipac cuyaita tucui cancunapi tallichichun.
1 Ñuca, Pablo, Jesucristopac apostol Dios munash- caraicu, huauqui Timoteontm 2 cai pancata quillcani Colosaspi tiyac Cristopi ñucanchicpac huauquicuna cashpa Diospac runacunaman. Dios ñucachic Yaya paipac cuyaita ganas causaitapash cancanapi tallichichan. 3 Dios-huan rimarishcapi Apunchic Jesucristopac Yaya Diosta cancunaraicu huiñai pacrachanchic. 4 Yachashcan-chicmi cancuna Cristo Jesuspi imna charishcata cancuna tucui Diospac runacunata yapa llaquishcatapash, 5 jahua pachapi Dios cancunapacta huacaichishcata japinata chapashpami, cancuna cai llaquinata charmquichic. Cancuna cai chapanata ricsircanqmchic cancanaman cushi shimi pactashcapi, quiquin shimita uyashcapi. 6 Cai cancunaman yachachishca cushi shimi huiñashpa caticun, achca alli rurashcacunahuan tucui cai pachapi ricuchicun; Diospac llaquinamanta cancuna ucupi uyashpa tacushca shina, cancuna cai llaquina shuti cashcata yachashcaraicu. 7 Ñucanchic Cristota mana sanpayashpa yanapac runata paipi ricuna canquichic. 8 pai cancunamanta shimita apamnshpa ñucanchicman ricsichirca, Samai yanapashcahuan cancana llaquinapi caticushcatapash. 9 Chairaicu ñucanchic, chaita yachashca punchamanta Diosta cancunaraicu mañanata paita pacrachunata mana saquishcanchic, Dios pai munashcata allipacha cancunaman ricsichichun, tucui yachanata tucui atipanata cancunaman cuchun. 10 Chai shuti quiquin Apunchicpac shina causana mcununca paipac caccuna, pai munashcata huinai rurashpa, alli rurashcacunata ricuchishpa, Diostapash ashtahuan alli ricsishpa. 11 Paipac jatun ushaihuan cancunata sinchiyachichun nishpami mañanchic; chashnami cancuna siuchicush-pa, mana piñarishcahuan tucui llaquicunata yallinquichic; 12 Yayatapash cushiyashcahuanmi pacrachunquichic, achicpi pai cancunapac allichishca cancunapash japina ushancapac paipac runacunaman cuna cashcata. 13 Dios ñucachicra yana tuta ucumanta quishpichishpa, pai llaquishca Churipac pachaman pusharca, 14 pairaicu ñucauchicta quishpichishpa juchacunamanta picharca. 15 Cristomi mana ricuric Diospac ricuric ricchai can; tucui churimanta ñaupa, tucui rurashcamanta ñaupa tiyac. 16 Pairaicu, Dios cai pachapi jahua pachapi tiyaccunata rurarca: ricuriccunata mana ricuriccunatapash, chashnallata tucui ushai charic samaicunatapash rurarca. Tucuicunata pairaicu, paipacta rurarca. 17 Tucui imacunamanta ñaupa Cristo tiyan, tucui imapash pairaicu cuscata catiranun. 18 Chairapash, Cristo aichapac uma can, aichaca iniccuna canun. Pai tucuimanta ñaupa cashpa, pai huañushcamanta ñaupa causarirca, pai tucuipi ñaupa cancapac. 19 Dios Cristopi pacta causanata munashcaraicu, 20 Cristopi tucui pachata paihuan allichirca: cai pachapi tiyacta, jahua pachapi tiyactapash, Cristo cruspirallichishca yahuar-raicu. 21 Cancuna ñaupa chican runa carcanquichic, mana allicunata rurashcamanta shuncupi Diosta piñaccuna, 22 ranti cunan Dios paihuan cancunahuan allichishca, Cristo runa cashcamanta paipac aichapi huañuita uacarishcaraicu. Chashna rurarcami cancunata paipac ñaupacpi charincapac, paipacta chicanyachishcacanata, mana ticllayuccanata, mana juchayuc-cunata. 23 Rauti chaipac sinchi tucushpa causana canquichic ininapi, cancuna uyashca quishpichic shimimanta charishca chapanamanta mana chicanyashpa. Cai shimitami tucui pachapi huillarcanchic; ñuca, Pablopash rimashpa yanapani. 24 Cunan cancunaraicu ñacaricushpa cushiyanimi, chashna iniccanapacta Cristo ñacarina pishishcata ñuca aichapi pactachicuni; iniccuna paipac aicha canun. 25 Dios iniccunata yanapacrurahuarca,pai chaita mincahuarca cancanapac allipac, tucui pai rimashca shimita cancunaman pacta ricsichincapac; 26 allita rimacpi, huiñaimanta Dios pacashpa charishca yuyaita, cunan paipac runacunata ricsichishca. 27 Mana judio runacunapac chai pacashca shimi sumac cashcata ricsichinayar-ca. Chai pacashca yuyai Cristo can, pai cancunapi tiyan, pai cancuna jatunyachi tucuncapac chapashca can. 28 Ñucanchic Cristota huillanchic, tucui yachanapi tucuicunata camachishpa, yachachishpa, Cristopi cancuna pacta cashcata ricsichincapac. 29 Chaipacmi llancami, macanacuni tucui Cristo ñucaman cushca ushaihuan.
1 Cancunata yachaichic rimani ima shina cancunaraicu, Laodiceamantacunaraicu, tucui ñucata mana ricushca-manta mana ricsihuaccunaraicu llancashcata. 2 Paicunapac shuncupi sinchicurinuchun nishpami chashna llancani, llaquinapi huancurishpa tucuipura alli causashpa, atipanuchun Diospi pacara tiyashCata; chai pacara Cristomi can; 3 paipac ucupi tucui yachai, tucui atipana tiyan. 4 Cancunata caita rimanimi ama pipash cancunata umachichun nishpa sumac rimashca shimicunahuan. 5 Mana quiquin ñuca jinu Cancuna ucupi tiyacucpipash, ñuca samaica cancunahuanmi, cancuna alli caticushcata ricushpa cushiyanimi, cancuna Cristota ininapi sinchi catinquichic. 6 Chairaicu, cancuna Apunchic Jesucristota chasquishca shina, chashnallata paihuan llutarishca causana canquichic, 7 paipi sinchi sapiyashpa, paipi sinchita yuyarishpa inina charishcaraicu cancunata yachachishca shina, Diostapash huiñai pacrachushpa. 8 Yuyanquichic: ama umachi tucunquichicchu panta shimicanata rimai tucushpa, paicuna mana Cristota caticcuna mari canun; runacunapac yachaicunata, cai pachamanta ushaicunata catiranan. 9 Tucui Dios cashca Cristopi pactacta tiyan; 10 cancunaca Dios-huan juntarishca canquichic Cristohuan llutarishcacuna cashpa; pai tucui ushaita charic samaicunapac uma can. 11 Cancuna Cristohuan llutarishcacuna cashpa pincai cara pitishca canquichic, mana aichapi rurashca pincai cara pitina shinahuan, ranti juchasapa runacuna cashcamanta quishpichi tucushcacuna cashpa. Chaimi Cristomanta shamuc pincai cara pitirina can. 12 Bautisai tucushpa, cancuna Cristohuan panpai tucurcanquichic, paillahuata huañush-camanta causachi tucurcanquichic, cancuna Diospac ushaipi inishcaraicu; chai ushai paita huañushcamanta causachirca. 13 Ñaupa cancunapac juchacunaraicu mana pincai cara pitishcacuna cashpa, cancunapac samaipi huañushca carcan-quichic; ranti cunan Dios Cristopi cancunata causaita cushca, pairaicu tucui ñucanchic juchacunamanta quishpichirca. 14 Dios ñucanchicpac dibita tucuchirca, camachic quillcaraicu ñucanchic cautsayashcata. Cruspi llutashpa chai dibita tucuchirca. 15 Cristopi, Dios yallirca tucui ushaita charic samaicunata; tucuicunapac ñaupacpi paicanata uchillayachirca, pai yallishcapi piñashpa japishpa paicunata purichishpa. 16 Chashnamanta, ama pipash camichun cancuna micushcaraicu, cancuna upiashcaraicu, cancuna raimi punchacanata charishcaraicu, cancanapac mushu quilla puncha tiyashcaraicu, samana punchata charishcaraicu. 17 Tucui chai llantushca shiuallami can huasha shamunca racushcamanta yuyacpi, ranti quiquin jinuca Cristomi can. 18 Uchillayac shina ricuriccuna, angeicunata chacchaccuna, nuspaipi ricuccuna, rana yuyailtata charishcamanta jatunyariccuna cancunata ama cautsayachinuchuu. 19 Paicunaca umaman mana llutarishcachu canun, uma tucui aichata carashpa huiñachichin, tucui uchilla aichacanatapash Dios manashca shina llutarichin. 20 Cristohuan cancuna huañurcanquichic, ña cai pacha-manta ushaicunaman mana llutarishcachu canquichic. Shina cacpi, ¿allichu canca cai pachamantacuna shina, chaicunata pactachishpa causacucpi: 21 chaita ama llancaichu, chaishucta ama micuichu, ama canpac maquihuan japichu? 22 Tucui chai pactachinacuna, runacana cai pachapi charishcamantallami can, huasha chaicana tucurinunmi. 23 Alli shutipachami, chaicuna yapa alli yuyaihuan rimashca shinami ricurinun, amu munaimanta pactachinacuna cashcaraicu, uchillayachic, aichatapash ñacachic cashcaraicu; chashna cashpapash aicha mañashcata saquichincapac mana imapash allichu canun.
1 Chairaicu, cancuna Cristohuan huañushcamanta causa-chi tucuccuna cashpa, jahua pachamanta imacunata mashcana canquichic, Cristo Diospac yachac maquiman tiyacushcamanta. 2 Jahua pachamanta imacunapi yuyarichic, mana cai pachamantacunapi. 3 Cancunaca ña mari huañurcanquichic, cunanca cancunapac causai Cristohuan Diospi pacara can. 4 Quiquin Cristollata cancunapac causai can, pai shamucpi cancunapash paihuanmi shamunquichic; pai jatunyachi tucushcapi, cancanapash jatunyachi tucunquichicmi. 5 Cancuna aichapi tacui cai pachamanta ruraicunata huañuchichic: ama pipash yumashpa juchallichun, ticllayachiccanatapash ama ruraichichu, aicha munashcata, mana alli munaicunata ama catichicchu, ama mitsa caichu (chaica huacacunata chacchashca shinami can). 6 Tucui cai ruraicunaraicu Diospa ñacachinapactan paita mana uyaccuna-man; 7 cancunapash ñaupa causaipi chaita rurarcanquichic. 8 Cunan ranti tucui chaicunata jichuichic: piñarinata, aicha mañashcata, mana alli canata, piñanata mana alli shimicunata. 9 Cancunapura ama llullanacuichicchu, ña cancunapac ñaupa causaimanta, ñaupa rurashcacunamantapash llushpirishca mari canquichic, 10 mushu causaihuan churarishcaraicu: mushu runapac mushuyashpa caticun paita Rurac Diospac ricchai Cashpa, paita allipacha ricsinacama. 11 Griego cana, judio cana, pincai cara pitira cana, mana pitira cana, chicanmanta runa cana, aucacana, huatara cana, quishpishca cana mana ansapash imananchu; Cristo tucui cashpa tucuicunapi tiyashca chai shuti imananmi. 12 Dios cancunata llaquin, chairaicu cancunata acllashca paipac runacuna cancapac. Shina cashpa, shuccunata llaquishcahuan, alli shuncu cashcahuan, uchillayashcahuan, mana millai shuncuhuan, mana piñarishpa chapashcahuan churarishca causaichic. 13 Cancunapura alli causaichic; cancunapura llaqui tiyacpi quishpichinacuichic. Cancunata Apunchic quishpichishca shina, cancunapash shuccunata quishpichichic. 14 Llaquinahuan ashtahuan churarichic, paimi tucuipura allipacha huancuchic can. 15 Cristopac ganas causai cancunapac shuncuta pushachun, chaipacmi Dios cancunata cayarca shuclla aichata rurancapac. Chaimanta pacrachushpa causanacanquichic. 16 Cristopac shimi huiñai cancunapac shuncupi tiyachun. Tucui yachaihuan cancunapura camachinacuichic, yanapanchic. Diosman taquinacunahuan achca pacrachuichic; 17 tucui imatapash rurashpa, rimashpa imapash, Apunchic Jesuspac shutipi ruraichic, pairaicu Yaya Diosta pacrachushpa. 18 Huarmicuna, cancunapac caricunata uyaichic, chashna rurana canquichic Apunchicta iniccuna cashpa. 19 Yaricuna, huarmita llaquina canquichic, ama piñashcallahuan paicunata ricuichicchu. 20 Churicuna, tucuipi cancunapac yayata uyaichic, Apunchic chaita yapa alli ñahuihuan ricun. 21 Yayacuna, churicanata ama pmachichicchu, chashnami mana amirinunca. 22 Huataracuna, cai pahcapi cancuna charishca amucunata tucuipi uyaichic, mana paicunapac ñahuipilla, paicunahuan alli saquirinaraicu; ashtahuan shuncumanta llaquishpa uyana canquichic, Apanchicta manchashcaraicu. 23 Imatapash rurash-pa, alli yuyaihuan ruraichic, Apunchic jinuta yanapacushca shina, mana runacunata. 24 Caucuna ña yachanquichic pactachishcamanta japina cashcata cui tucunata. Cancuna, Apanchicta yanapacmi canquichic, pai cancanapac quiquin Apanchic cashcaraicu. 25 Ranti mana allita ruracca pai mana alli rurashcamanta chasquinca racun, Diosca runacunata mana chican chican ricunchu.
1 Cancuna, amucuna, cancunapac huatara runacunahuan cusca caichic. Cancunapash yuyarichic jahua pachapi tiyac Apunchicpacpi taripai tucuna cashcata. 2 Dios-huan rimarinata ama sanpayaichicchu; ricuralla causaichic, Diosta pacrachushpa. 3 Ñucanchiraicupash Diosta mañaichic Apunchic ñucanchicta ricsichichuu Cristomanta pacara yuyaita, chai pacara yuyairaicu ñuca quillpara tiyacuni. 4 Atipana shimihuan ñuca chaita ricsichina ushancapac mañaichic. 5 Diosta mana iniccanahuan yuyashpalla causaichic; ama yanca causaichichu. 6 Cancunapac rimai huiñai sumac cachan, ima cutipana tiyacpi sumacta cutipaichic. 7 Ñucachicpac llaquishca huauqui Tiquico, pai ñucata mana sanpayashpa yanapahuashca, ñucahuan pacta Apunchicta-pash yanapashca, paimi ñucamanta cancunaman rimanca. 8 Chairaicu cancunapacman cachani, cancunata ñucanchic imashna cashcamanta ricsichishpa sinchicuchichan. 9 Ñucan-chic llaquishca huauqui Onesimopash paihuan riran, pai cancunamanta can. Paicunami caipi imapash tiyashcamanta cancanata rimananca. 10 Ñucahuan quillpashca tiyacuc Aristarco cancanamanta yuyarin, Bernabepac huanqui Marcospash. Cancana ña yachan-quichic Marcos cancanata ricancapac ricpi, alli chasquina cash-cata. 11 Justo nishca Jesus shutiyuc runapash cancunamanta yuyarinmi. Cai judio runacunallami Diospac pacharaicu ñucahuan llancanacushca, paicunaraicu achcatami cushiyashca-ni. 12 Epafras cancunamanta yuyarinmi, pai Cristo Jesusta ya-napac can; pai cancanamanta can, Dios-huan rimarishcapi huiñai cancanamanta mañacun, cancuna sinchicushpa Dios munashcatarurashpa catincapac. 13 Epafras cancunaraicu, Lao-diceamantacanaraicu, Hierapolismantacanaraicu yapa yuyarish-camanta quiquin ñucami ricuyac cani. 14 Llaquishca yachac Lucas cancanamanta yuyarinmi, Demaspash yuyarinmi. 15 Laodiceamanta huauquicuna ñucanchic yuyarishcata chasquinuchan. Ninfapash tucui paipac huasipi tantariccunan-tin ñucanchic yuyarishcata chasquinuchun. 16 Cancuna cai quillcata ricushca huasha, Laodiceamanta iniccunaman ca-chaichic, chaipipash cai quillcata catishpa uyachinuchan; cancunapash paicunamanta chasquishca quillcata catishpa uyaichic. 17 Arquipota caita rimaichic: Apunchic mincashcata allita pactachi nishpa. 18 Ñuca, Pablo, cai puchucai pancata quiquin ñuca maquihuan quillcani. Ñuca quillpara tiyacushcata yuyaripai-chic. Dios cancanapi paipac cuyaita tallichichun.
1 Ñuca, Pablo, Silvanohuan Timoteontin, Tesalonicapi tiyac huauquicunaman cai pancata quillcani, paicuna Dios Yayaman Apunchic Jesucristoman llutarishca canun. Dios cancunapi paipac cuyaita paipac alli causaitapash tallichichun. 2 Huiñai cancunaraicu Diosta pacrachunchic ñucanchic Dios-huan rimarishcapipash cancunata yuyarinchic. 3 Caran cuti Dios Yayapac ñaupacpi cancuna chai tucui inina charishcahuan llancashcata yuyarmchic, chai tucui liaquinahuan cancuna yanapashcata, caucuna chai tucui ñacarinapi sinchicushpa, Apunchic Jesucristota chapashcaraicu ñacarish-canquichic. 4 Huauquicuna, Dios cancanata llaquiu, pai cancunata acllashcatapash yachanchic. 5 Cancunaman quish-pichic shimita ñucanchic yachachishcapi, mana shimillahuan-chu rurarcanchic, Diospac Samaihuanmi rurarcanchic, cai quishpichic shimi shuti cashcata yachashcaraicu. Cancuna yachanquichic ima shina, cancunapac allita mashcashpa, ñucanchic cancuna ucupi causashcata. 6 Cancanaca, ñucanchic rurashcata Apanchic rurashcata-pash catircanquichic, chashnamanta cushi shimita Diospac Samai cushca cushihuan chasquircanquichic, ñacarina achca tiyacpipash. 7 Chashnami Macedoniamanta, Acayamanta iniccunata alli rurashcahuan ricuchircanquichic. 8 Cancuna-manta callarishpa Apunchicpac shimi, mana Macedomallapi, mana Acayallapi mirarishca, ashtahuan tucui suyucunapipash yachai tucushcami; chairapash cancuna inina charishcamanta yachai tiyan mari; chashnamantañucanchic ña mana shuc shimillapash rimana tucunchic. 9 Chaipac rantimanta, ashtahuan paicunailata ñucanchic cancunata ricucrishcamanta rimanun, cancana ñucanchicta alli chasquishcamanta, cancuna causac quiquin Diosta catinaraicu huacacunata paita yanapancapac jichushcamanta. 10 Paicuna ñucanchicta rimana- cun cancuna ima shina Jesus, Diospac Churi, jahua pachamanta ticramunata chapacushcata, huañushcamanta Dios causachishcata Jesusmi jatun shamuncaracuc ñacarinamanta quishpichic can.
1 Cancunallata huauquicuna, yachanquichic, ñucanchic cancunata ricucrisha mana yanca ricucrishcalla saquirirca. 2 Ashtahuan rimacpi, cancuna ña yachanquichic, ima shina Filipospi piñai tucushpa macai tucurcanchic; shinapash Dios ñucanchicta yanaparca paipac quishpichic shimita cancunaman ricsichincapac, sinchi shayarishpa, achca macanacui tiyacpipash. 3 Ñucanchic yachachishca mana pantashca yacha-chishca carca, mana pantachina yuyaihuan, mana pitapash umachinaraicu rimarcanchic. 4 Chaipac rantimanra, Dios ñucanchicta allihuan ricushpa quishpichic shimita ñucan- chicman mincarca, chashnami ñucanchic rimana cashcata rimanchic. Diostami cushiyachinata munanchic, runacunata cushiyachincapac mana munanchicchu; paimi ñucanchipac shuncucunata raripac can. 5 Yachanquichic ima shina ñucanchic mana maipipash sumac shimicunahuan cancunata rimarcanchic, umachishcahuanpash cancunamanta cullquita mana japishcanchicchu; Dios chaita yachan. 6 Jatunyachi tacunata mana pimantapash mashcarcanchicchu. 7 Ñucanchic Cristopac apostol cashcamanta cancuna ñucanchicta uyana cashcata rimanchicman carca; chashna cacllapita cancunata cuyailla ricushcanchic, shuc mama paipac huahuata cuyailla huiñachishca shina. 8 Cancunata llaquishcaraicu, cancunaman tucui shuncuhuan cunchicman carca mana Diospac cushi shimillata, quiquin ñucanchic causaitapash cunchicmanmi carca. ¡Yapallami cancunata llaquishcanchic! 9 Huauquicuna, cancuna yuyarinquichicmi ima shina ñucanchic llaquipac llancashcata ñucanchic mutsushcata tarincapac. Tutantin puchantin ama pitapash quillachishun nishpa llancarcanchic, cancunata Diospac cushi shimita ricsichinacama. 10 Cancunallata Diospash ricuyac canquichic, cancuna iniccunahuan, chuya shuncuhuan, cusca, mana pipash shuc shimi rimaipac ñucanchic cashcata. 11 Pacta yachanquichic quiquin cancunata jinu, shuc yaya paipac churita shina 12 sumaclla, maicanpi sinchi camachishcahuan, Dios munashca shina causancapac mincashcanchic; paimi cancunata paipac pachaman pai jatanyarishcaman cancanata cayarca. 13 Chairaicu huiñai Diosta pacrachunchic, cancunata Diospac cushi shimita ñucanchic ricsichishcapi, quiquin Diospac shimi cashcata ricsircanquichic, mana runacuna rimashca shimi shinallata japircanquichicchu. Shuti Diospac shimimi can, chai cancunapi alli rurashcata ricsichicun. 14 Cancuna huauquicana, cancunapac aillucunapi piñashpa japi tucushpa ñacarishcapi, Judeapi tiyac iniccuna shina tucurcan-quichic; paicunapash Cristo Jesuspac canun, paicunapac aillu judiocunapi piñashpa japi tucunurca mari. 15 Cai judiocuna Apunchic Jesusta huañuchinurca, proletacunata ñaupa huañu-chishca shina, ñucanchitapash callpachinurca. Paicuna mana Dios munashcata pactachinun, tucui runacunahuanpash piña-rishca canan; 16 Diosta mana ricsiccunaman paicunapash quish-pinuchan nishpa ñucanchic rimancapac callaricpi, ñucanchic ri-mancapac mana saquinun. Chashna rurashpa juchahuan junta-rishpa paicana catiranun. Ranti cunan, chapaimanta amishcapi, paicunapac jahuapi Diospac jatan ñacarina urmashca. 17 Huauquicuna, cancunamanta unainayata anchurishpapash, cancunata mana ricushpapash, huiñai cancunata ñucanchic shuncupi charircanchic; mashnapash cancunata ricucrina yuyaita charircanchic. 18 Ña allipacha rishun yuyarircanchic; ñuca, Pablo, achca cuti rina munarcani, ranti supai saquichihuarca. 19 Alli yuyaricpi, ¿ñucanchic chapana, ñucanchic cushiyana, ñucanchic pacta cushiyarina tiyanchu? ¡Cancunallatami canquichic Apunchic Jesucristo ticramushca-pi! 20 Ari, shutipacha, cancunami ñucanchic jatunyana, ñucanchic cushiyana canquichic.
1 Ña rina munaimanta mana ushashpa, ñuca sapalla Atenaspi quiparincapac yuyarircani; 2 ñucanchic huauqui Timoteota cacharcani, pai Diosta yanapac can Cristomanta cushi shimita ricsichinapi. Cancunata ricucrishpa, cancuna inina charishcapi sinchicuchishpa, ñaupacman cancunata pushancapac paita cacharcani, 3 ama pipash chai llaquicuna tiyashcaraicu amirishpa chincarincapac. Cancunallata yachan-quichic cai ñacarinacunamanta ñacarina cashcata. 4 Ñucanchic chaira cancanahuan tiyacushcapi llaquicana charinca racushca-manta cancunata rimarcanchic; cancana ña yachanquichic, chashna tucurca. 5 Chairaicu, allipacha cancunamanta yachanayai tiyahuacpi, tapuchircani cancunapac inina allichu, manachu alli can imata; manchaimi shamuhuarca supai imapash mana alliman urmachishcanca yuyarircani; chaipi shuti ñucanchic cancunaraicu llancashca yancamanta rurashca saquirinman carca. 6 Ranti cunan Timoteo Tesalonicamanta ticramurca, cancunapac inina, cancuna llaquina charishcamanta sumac cushichic shimicunata apamushpa. Cuyashcahuanshi huiñai ñucanchicmanta yuyarinquichic rimarca, ñucanchic cancunata ricunayashca shinallatashi cancunapash ñucanchicta ricunayanquichic rimarca. 7 Chairaicu, huauquicuna, chai tucui ñucanchic huacai, ñacarina charishcapipash, cushiyash-canchicmi cancuna ininapi sinchi caticushcata yachashpa. 8 Cancuna Apunchicpi sinchi caticushcata yachashpa, ñucanchicpash cariyanchicmi. 9 ¡Imashnata cancunaraicu Diosta pactacta pacrachuiman, chai tucui cushiyanata cancunaraicu paipac ñaupacpi charishcamanta! 10 Tutantin punchantin Diosta mañanchic cancunata jinu ricunayashpa, cancanapi pishishca ininata pactachincapac. 11 Cancunata ricucrina ushancapac ñucanchic Yaya Diosllata Apunchic Jesuspash yanapachun rimanchic. 12 Apunchic cancunata huiñachichun ashtahuan cancunapura llaquinacancapac tucuicunata llaquincapac, ñucanchic caucanata llaquishca shina. 13 Cancunapac shuncucunata sinchicuchi-chun; chuya mana juchayuc ñucanchicta Dios Yaya ñaupacpi rurachun Apunchic Jesus tucui paipaccunahuan ticramucpi. Chashna cachun.
1 Cunan huauquicuna, caita cancunaman mincanchic, caita mañanchic Apunchic Jesuspac shutipi: cancuna ñucanchicmanta ima shina Diospac ñaupacpi paita cushiyachincapac causana cashcata yachashcaraicu, ña chashna causacushpa, ashtahuan ñaupacman catichic. 2 Apunchic Jesuspac shutipi ñucanchic cancunaman rimashcata ña pacta alli ricsinquichic. 3 Caucuna Diosman chicanyachishca causancapacmi pai munan, ama pipash yumashpa juchallincapac, 4 caran cari paipac huarmihuan cusca causachun, chuya shuncuhuan, yupaichashcahuan, 5 mana aicha mañashcata rurashpa, mana alli yuyaihuan, Diosta mana ricsic runacuna shina. 6 Chashnapi ama pipash yallicta quillachichun, ama paipac huaquita umachichun; ñaupallata ña cancunata rimarcanchic, ima shina Apunchic sinchita caimanta ñacachinata. 7 Mana juchallishpa causancapacchu Dios ñucanchicta cayarca, ashtahuan paiman chicanyachishca causancapacmi cayarca. 8 Chashnamanta, cai shimicunata mana uyanayac manapi runata mana uyanchu, Diostami mana uyan; paimi paipac Samaita cancunaman curca. 9 Huauquipura llaquinacunamanta, mana quillcanichu, Diosllata cancunapura llaquinacunata ña yachachishcaraicu. 10 Cancuna ña chashna ruracunquichic Macedoniapi causac tucui huauquicunahuan. Shina cacpipash, huauquicuna, cancunata mañanchic, cancunapac llaquina ashtahuan yalli tucuchun. 11 Ganaslla causaichic, cancuna runallapi yuyarishpa, ñucanchic mincashca shina cancunapac maquihuan llancashpa; 12 chashnami chicanmanta runacuna cancunata yupaichananca, mana imapash cancunata pishincachu. 13 Huauquicuna, huañushcacuna ima tucushcamanta cancunapash yachancapac mananchicmi, ama mana chapanata chariccuna shina cancunapash llaquirincapac. 14 Jesus huañushca huasha causarimushcata ñucanchic inishca shina, chashnallata ininchic Dios ñucanchicta huañushcamanta Jesus-huan causachinata, paita inishpa huañuccunata. 15 Chairaicu, Apunchic yachachishcata cancunata rimanchic; Apunchic shamunacama causac saquiriccuna mana ñaupashunchu unai huañushcacunata. 16 Shimi uyarishcapi, Arcangelpac shimi, Diospac trompeta uyarishcapi, Apunchilla-tami jahua pachamanta uraicunca. Cristota inishpa hua-ñuccunami ñaupac causarinunca; 17 chai huasha, causaccuna paicunahuan puyupi pushai tucushun, Apanchic-huan huairapi tuparincapac; chashnami huiñai Apunchic-huan tiyashun. 18 Cai shimicunahuan cancunapura cariyanacuichic.
1 Pactamuna pachamanta shuti mana rimashpa quillcaipacchu can, huauquicuna. 2 Cancuna pacta allita yachanquichic, shuhua runa tuta shamushca shina Apunchic ticramunata. 3 Ruuacuna, "ganas, sumacmi causacunchic" mshcapimi, chaipi cuncaimauta paicuna nuacllichic tucuna pactamanca, huicsayuc nuarmita huahuayana nanai pactamush-ca shina; quishpinata mana ushanuncachu. 4 Ranti cancuna huauquicuna, mana tutapichu canquichic Apunchic ticramuna puncha shuhua runapi shina cuncaimanta japi tucuncapac. 5 Tucui cancuna achicmanta, punchamanta canquichic. Mana tutapac, mana yanaucumantachucanquichic; 6 chairaicu mana shuccuna shina pununa canquichic, ashtahuan ricuralla, alli yuyayuc causana canquichic. 7 Puñucuccuna tuta puñunun, machaccana tuta machanun; 8 ranti ñucanchic, punchapaccuna cashpa, huiñai tucui yuyaihuan causana canchic. Iuina llaquinapash ñucanchic quishpina cana can; quishpinata chapashcahuan shuc cascohuan shina quillparma canchic. 9 Mana ñacarinata chasquincapacchu Dios ñucanchicta caipi churashca, ashtahuan Apunchic Jesucristoraicu quishpinata tarincapacmi caipi canchic. 10 Jesucristo uucanchicraicu huañurca; causac cacpi, huañushca cacpi imapash ñucanchicu paihuan causancapac. 11 Chairaicu cancunapura cariyanacui-chic, sinchicunacuichic, cancuna rurashpa caticushca shina. 12 Huauquicuna, cancuna ucupi llancaccunata, Apunchic-pi cancunata camachiccunata, cancanata pushaccamacunata yupaichaichic nishpa mañanchic. 13 Paicunata yapa llaquina canquichic, paicuna llancashcaraicu. Cancunapura ama macanacuichicchu. 14 Huauquicuna, caitapash cancunata mincani. mana llancana munaccunata sinchi shimihuan rimaichic, sanpayash-cacunata sinchicuchichic, mana ushaccunata yanapaichic, imatapash shuccunapi ricushpa ama piñarichicchu. 15 Ricuichic ama pipash shuc runapacpi mana allita rurai tucushpa chaillahuata cutichichun. Chaipac rantimanta, allillata huiñai ruraichic cancunapura tucui shuccunatapash. 16 Huiñai cushi causaichic. 17 Tucui pachapi Dios-huan rimarichic. 18 Tucuimanta Diosta pacrachuichic, chaitami pai cancunamanta chapan cancuna Cristo Jesusta iniccuna cashcaraicu. 19 Samaipac ninata ama huañuchichicchu. 20 Dios ricsichishca shimimanta rimaccunata ama upa rinri ruraichicchu. 21 Tucuita taripaichic, alli cashcallata japichic. 22 Tucui mana allicanamanta chicanyaichic. 23 Diosllata, ganas causaita cuc Dios, chuya shuncuyucta cancunata rurachun, tucui cancuna cashcata: samai, aicha, causai ama ansallapash huacllishcahuan charichun, Apanchic Jesucristo pactamunacama. 24 Cancunata cayashca pactachic cashpa mana pishiyancachu. 25 Ñucanchicraicupash Diosta mañaichic, huauquicuna. 26 Ucllarishpa muchanacuichic. 27 Apunchicpac shutipi rimani. tucui huauquicunata cai pancata catishpa uyachipaichic. 28 Apunchic Jesucristo paipac cuyaita cancunapi tallichi-chun.
1 Ñuca, Pablo,Silvanohuan Timotcontin Tesaloni-camanta iniccunaman cai pancata quillcani, ñucanchic Yaya Diosman Apunchic Jesucristomanpash llutarishca mari canun paicunapash. 2 Dios ñuCanchic Yaya Apunchic Jesucristontin paicunapac cuyaita, ganas causaitapash cancanapi tallichinuchun. 3 Huauquicuna, cancunaraicu huiñai Diosta pacrachuna tucanchic, cancunapac inina ashtahuan huiñashpa caticushca-manta, cancunapura llaquinacunapash caran puncha yalli cashcamanta. 4 Cancunamanta ñucanchicllata shuc iniccunata cushiyashcahuan rimanchic, chai tucui piñashpa japi tucushca-pi, chai tucm ñacarina charishcapi sinchi caticunquichic mari, smchi inin charinquichic. 5 Caihuan Dios ricsichicun pai cusca taripashcata, pai cancunatapaipac pachaman yaicuchinca-pac chapacushcata, chairaicumi ñacaricunquichic. 6 Allimi can Dios cancanata ñacachiccunata ñacachishca, 7 cancuna ñacariccunaman ñucanchicman samanata cushca shinallata cuchan. Chashna tucuncami Apunchic Jesus Paipac tucui ushaiyuc angelcunahuan ricurimuna punchapi, nina ucupi jahua pachamanta shamucpi. 8 Diosta mana ricsinayaccunata, Apunchic Jesuspac quishpichic shimita mana uyanayaccunata ñacachincapacmi shamunca. 9 Huiñai ñacarinahuanmi paicuna ñacachi tucununca, Apunchicmanta, pai jatunyashcamanta paipac ushaimantapash caruyachishcami canunca, 10 Apunchic paipac runacanapi jatunyachi tucuncapac,paita iniccunapi cushiyachi tucancapac shamuna pancha; shinapash cancunaca mishcanqmchic mari ñucanchic rimashca shimita 11 Chairaicu ñncanchic cancunaraicu huiñai Dios-huan rimarinchic, ñucanchic Diosta mañanchic cancunata pai jinu cayashcacunata charichun, paica tucui cancuna alli munashca-cunata paipac ushaihuan pactachichun, inishcahuan cancuna rurashcatapash. 12 Chashnami, Apanchic Jesuspac shuti can-cunaraicu jatunyachishca canca, ranti paica cancunata jatunya-chinca, ñucanchic Dios, Apanchic Jesus cuyashca tuputa.
1 Cunan huauquicuna, Apunchic Jesucristo shamuna-manta, ñucanchic paihuan tantarinamanta, caita mañanchic: 2 ama chican yuyaita japichicchu, ama manchachi tucuichicchu quillca pancata japishcapi, camachishcata uyashcapi, Apunchic ticramuna puncha ña pactarcami, ñucanchic rimashcami nishca pactamucpipash. 3 Imata ruranucpipash ama umachi tucuichicchu. Chai puncha mana pactashcallapita, Diosta chicnishcata ricunca ranchic, supai rana pactamuna pachapi, chai runa chincachi tucuna can. 4 Cai piñac runami Diosmanta yalli, chacchaipac cashcamanta yalli jahuata jatarinca, Diospac huasita amuyanacama, paillata Diosmi cani rimashpa. 5 Cancunahuan tiyacushcallapita caimanta rimarcani, ¿yuyarinquichicchu? 6 Cunan ña yachanquichic imata paita jarcacan, amapai shamuna punchamanta ñaupacta ricurimanca- pac. 7 Pacashca rurana mana alli yuyai ña ruraricun mari; paita jarcacucta anchuchinalla pishin. 8 Chaipi shuti chai supai runa ricurincami, Apunchic Jesus pucuillahuanmi paita huañu-chinca, paita huacllichincami pai tucui llinpiyashcahuan ticramucpi. 9 Ranti chai supai runa, Satanas yanapashcahuan-mi shamanca; achca ushaihuanmi shamunca, mancharicushiya-nacunata umachinaraicu rurashpa. 10 Chincarina ranacunata tucui mana allicunata rurashpami umachinca, paicunapash quishpina ushancapac shuti cashcata mana uyana munashcarai-cu, mana llaquina munashcaraicu. 11 Chairaicu Dios saquinlla panta ruraicuna paicunata umachichunlla, llullapi ininuchunlla, 12 shuti cashcata mana inina munaccuna tucuilla chincarinu-chan, paicanaca mana alli rurashcahuan cushiyac canun. 13 Ranti ñucanchic Diosta huiñai pacrachuna tucunchic cancunaraicu, Apunchic llaquishca huauquicuna, chicanyachic Samairaicu, cancuna mishca shuti shimiraicupash tucuicuna-manta ñaupac quishpmata tarincapacmi cancunata Dios acllarca. 14 Chaipacmi Dios ñucanchic ricsichishca quishpina shimihuan cancunata cayarca: Apunchic Jesucristo jatunyachi tacushcapi cancanapash jatanyachi tucancapac. 15 Chashnamanta huauquicuna, sinchicushpa catichic, ama cancarinquichicchu ñucanchic jinu rishpa cancanata yacha-chishcata quillcapi rimashcatapash. 16 Apunchic Jesucristollata Dios ñucanchic Yayapash, pai alli shuncuyuc cashcaraicu ñucanchicta llaquishpa, huiñai cushiyanata cushca, alli chapa-natapash pai ñucanchicman cushca; 17 pai ñucanchic shuncu-cunata cushiyachichun, smchiyachishpa cancunata charichun, cancana rurashca, cancuna rimashca tucui alli cancapac.
1 Puchucaipi, huauquicuna, ñucanchicraicu Diosta mañaichic, utcalla Apunchicpac shimi tucuicunaman pactachun, alli chasqui tucuchun cancunapi chasqui tucushca shina. 2 Diostapash mañaichic mana alli, huacllishca runacunamanta ñucanchic quishpichishca cancapac, mana mari tucuilla inina charinun. 3 Ranti Apanchicca cusca can, paimi cancunata sinchicuchispa mana allimanta quishpichinca. 4 Apunchicpi chapashcaraicu cancuna cunan rurashca, cancuna huasha ruranca rashca ñucanchic rimashcallatami ruranquichic yuyanchic. 5 Apunchic cancunata yanapachun Dios llaquishca shina cancunapash llaquincapac,llaqui charishcapipash Cristo shina sinchicuncapac. 6 IIuauquicuna, Apunchic Jesucristopac shutipi cancunata rimanchic: chicanyaichic maican mana llancanayac huauqui-manta, ñucanchic yachachishca chapanapi mana causac huauquimantapash. 7 Cancuna yachanquichic ima shina causanami can ñucanchic yachachishcata catincapac: cancuna-huan causacushpa mana yanca, quillashpa tiyashcanchicchu; 8 pipac tantatapash maquipura rantishpami micushcanchic. Chaimanta rimacpi tutantin punchantinmi llancashcanchic, ñacarishcanchic cancunamanta ama pitapash quillachishun nishpa. 9 Allipacha rimacpica cancunamanta yanapaita mañana carcanchic, ranti cancunata yachachina munashcaraicu llancashcanchic, cancunapash chaita catincapac 10 Caita cancunahuan causacushcapi yachachircanchic: Maicanpash mana llancana munashpa ama pacha micuchun. 11 Shina cacllapita cancunamanta maicaucuna mana llancashpa causacushcata yachashcanchic, mana imatapash ruranallapi yapa yuyarishpa. 12 Chai runacunata rimanchic, mincanchic Apunchic Jesucristopac shutipi, llancaichiclla cai causaipi mutsuscata charina ushancapac. 13 Huauquicuna, ama sanpayashpa alli ruranata ruraichiclla. 14 Cai pancapi rimashcata maicanpash mana uyacpi, paita allita ricuichic maicanta can chai runa, paihuan ama llutarichicchu, ansallapash pincarinman ima chari. 15 Shinapash chai runata ama piñac runata shina ricuichicchu, ashtahuan shuc huauquita shina camachichic. 16 Alli causaita cuc Apunchicllata tucui pachapi tucui laya alli causaita cancunaman cuchun. Tucui cancunahuan Apunchic tiyachun. 17 Ñuca, Pablo, ñuca quiquin maquihuan cai pancata cancunaman quillcani. 18 Apunchic Jesucristo paipac cuyaita tucui cancanapi tallichichun.
1 Ñuca, Pablo, Jesucristopac apostol, ñuncanchicta Quishpichic Dios, ñucanchic chapana Apunchic Jesucris-tontin, paicuna munacpi cachamushca, 2 Timoteoman, ininapi quiquin ñucapac churi, cai pancata quillcani; Dios ñucanchicpac Yaya Apunchic Cristontin paicunapac cuyaita, paicunapac llaquinata, paicunapac ganas causaita canpac jahuapi tallichinuchun. 3 Efsopi saquiri canta rimarcani ñuca Macedonia suyu-man rirashpa, pantarishca yuyaicunata yachachiccunata ama yachachichicchu rimancapac, 4 ñucanchic rucunamanta mana tucurina rimaicunatapash ama uyaichicchu. Cai shimicuna piñanacuncapaclla alli canum, Dios munashcata inishcahuan chasquincapac mana yanapanacanchu. 5 Chuya shuncumanta llucshishca, cusca samaihuan, allipacha inishcahuan cancunapura llaquinacunuchun nishpami cai pactachinata rimarcani. 6 Maicancuna caimanta chicanya-nushca, yanca rimarinacunapi chincarinushca. 7 Diospac camachic quillcamanta yachachiccuna tucanayanun, paicanalla-ta rimashcata paicunallata yachachishcatapash mana atipanum. 8 Camachic quillca, pai rimashcata jinu pactachicpi, alli cashcata yachanchic. 9 Yuyarina tucunchic ima shina alli ru-nacunaman shuc pactachina quillcata mana cuipac can. Mana uyaccunata ñacachincapacmi pactachina quillcata cuna tucun, mana allicunata, juchasapacanata, Diosta mana chacchaccunata, inina mana chariccunata, yaya mamata huañuchiccunata, runa huañuchiccanata, 10 yumashpa juchalliccunata, caripura yuma-riccunata, huatara runacunata, llullaccunata, Diospac shutita yancamanta rimaccanata; rimacpi, pactachina quillca alli yachachishcamanta mana alli yachaicunata yachachiccunata ñaca-chincapac can. 11 Chai alli yachachishca quishpina shimipimi tiyan, chaita bendisiashca Dios ñucaman mmcahuarca. 12 Apunchic Jesucristota pacrachuni, pai ushaita cuhuashca, pactachicta ñucata ricuhuashpa, paita yanapancapac churahuashca, 13 ñaupa ñuca paita piñashpa rimac cacpipash, paita piñashpa japic cacpipash, paita piñashpa caparic cacpipash. Ranti Dios ñucamanta llaquirihuarca, ñuca chaira mana inina charishcaraicu ñuca mana alli ruracushcata mana yacharcani. 14 Chashnami Apunchic paipac cuyaita achcata tallichirca ñuca jahuapi; inina, llaquina cuhuarca, chaicunata charmchic Cristohuan llutarishcacuna cashcaraicu. 15 Cai allipacha shutimi, tucuicuna caita inina canun: Cristo Jesus cai pachaman shamurcami juchasapacunata quishpichincapac, paicunamanta ñucami ñaupac cani. 16 Chairaicu Dios ñucamanta llaquirirca: Jesucristo yapa llaquishca ñucapi ricurincapac. Huasha ininacuna, ñucapi tucushcata yuyarishpa, yachanunca ima shina inina cashcata huiñai causanata chasquina ushancapac. 17 Huiñai tiyac Incata, mana huañuc, mana ricuric shuclla Diosta huiñai jatunyachi-shun. Chashna cachun. 18 Ñuca churi, Timoteo, alli llancanapi llancai canta rimani, canmanta profetacuna rimashca shimicunata pactachishpa. 19 Ininata, alli causaita cati, mana maicancuna shina chaicunata mayanman jichushpa; chashna rurashpa paicunapac ininata chincachinurca. 20 Chashna tucuccuna canunmi Himeneo Alejandrontm, paicunata supaipac amuman curcani ama Diosta piñac shimicunata rimana yachancapac.
1 Tucuimanta ñaupac caita mmcam: Tucui runacunaraicu Dios-huan rimarishcapi mañaichic, paita pacrachuichic. 2 Jatun apucunaraicu Diosta mañana can tucui uchilla apucunamantapash, ganas causaita charina ushancapac, Diosta chacchashpa, tucuita alli yuyaihuan rurashpa. 3 Chai alli can, ñucanchicta quishpichic Dios chaita cushiyashcahuan ricun, 4 pai tucuicuna quishpincapac, tucuicuna shuti cashcata ricsincapac munan mari. 5 Shuclla Dios mari tiyan; chashnallata, shuc runalla tucui runacunata Dios-huan llutachincapac pushana ushan: chai runa Jesucristo can. 6 Jesucristo tucuicunata quishpichinaraicu, paimanta pacha pactashcapi rimashca shina, huañuiman curirca. 7 Chairaicu, pai acllahuashca shimita apashpa rincapac, apostol tucancapac, mincai tucushcanipash inina shuti cashcamanta mana judio runacunata yachachincapac. Ñuca rimashca shutimi can, manapacha llullanichu. 8 Chashnamanta, tucui ranacuna tucui pachapi Dios-huan rimarincapac munani, mana piñarishpa, mana piñanacushpa, chuya shuncuhuan Diosman maquicunata jatachinuchun nini. 9 Huarmicunapash alli churarishca, mana yapalla sumacyashca-huan, yancashituta churarincapac munani; ari, sumacyanuchun, mana yapalla sumac ñaccharishcahuan, mana curi, mana sumac ricuric rumicunata aparishpa, mana yapalla cullquita jichuchic churanacunahuan, mana; 10 ashtahuan alli rurashcacunata ricuchishpa, Diosman chicanyachishca huarmicuna ruranata pactachispa. 11 IIuarmica yachachishcata upalla uyana can, allipacha uyashcahuan; 12 mana munanichu huarmi runa ucupi yachachishpa shayancapac, carita yallishpa: Upalla causancapac munani. 13 ¿Dios Adanta manachu ñaupac rurarca, Evataca huasha? 14 Mana Adanchu umachi tucurca, huarmimi umachi tucurca; paimi umachi tucushca, juchapi urmarca. 15 Ranti huarmica quishpincami mamacuna ruranata pactachishpa; alli yuyaita japishpa, ininapi, llaquinapi, chuya shuncuhuan causashpa.
1 Cai yapa shuti can. pipash iniccunata pushaccama tucuna munashpa, alli llancanata mashcacun. 2 Chairaicu, pushaccamapac causai alli, cusca cana can. Shuclla huarmiyuc, yuyayuc, cusca, tucuipi yupaichaipac cana can. Paipac huasiman runa pactacpi, chasquina yuyaita charina can; sumacta yachachic cana can; 3 mana machaisiqui, mana macanacuisiqui, ashtahuan alli shuncuyuc, mana piñarishpa causac, imatapash mana cullquiraiculla rurac cana can. 4 Paipac huasita alli ricuc cana can, huahuacunata uyac cancapac, yupaichac cancapac yachachic; 5 maicancapash quiquinpac huasita mana alli ricuc cashpa, ¿iniccunata ricana ushancachu? 6 Chairaicu, shuc pushaccamata mana mushulla inincapac callaricta shayachinachu, yancamanta yapalla jatunyarishpa, supai cautsayachi tucushcallapita imapash urmancami. 7 Mana inic runacunapacpi yupaichashca cachun, ama pincachi tucushpa supaipac ticllapi urmachun. 8 Diaconocunapash chashnallata yupaichaipac cana canun, paicuna cushca shimita huiñai pactachinuchun; ama machaisiqui, cullquitapash ama umachishcahuan japinuchun. 9 Ñucanchic inishca shuti cashcata ricsichishcaman liutarishca cana canuu, Dios cushca samaitapash chuyata charina canun. 10 Ñaupacta camai tucushca canuchun; mana juchayuc canucpi, yanapancapac callarinuchun. 11 Huarmicunapash chashnallata, yupaichaipac cana canun, mana rimaisiqui, ashtahuan cusca, tucuita pactachic canami canun. 12 Shuc diacono shuclla huarmiyuc cachun, huahuacanata alli ricuc, paipac huasitapash alli ricuc. 13 Llancanata alli pactachic diaconocuna jatunyachishca canun, chasnami paicuna Cristo Jesuspi inishcata mana pincarishpa rimana ushanun. 14 Mana unaichu canta ricucrisha yuyani; ranti canta caita quillcani 15 ñuca imapash huashayacpi, Diospac aillumanta cashpa ima shina causana cashcata can yachancapac, causacuc Diospi miccuna chai aillu canun, paimi shuti cashcata riman, ricsichin. 16 Mana pipash rimana ushanchu ñucanchic inishca alli shutipacha jatan pacara cashcata: Cristo runa tucushca ricurimurca; pai samai cashcaraicu yallishcapi, angelcanapacpi ricui tucurca. Tucui llactacunapi ricsichi tucurca, cai pachapi paita ininurca, jahuapachapi jatunyachi tucurca.
1 Samai pasacta rimacun puchucai pachacunapi maican-cuna inina charishcamanta chicanyanuncami nishpa, umachic samaicanata supaicuna yachachishcatapash catishcarai-cu. 2 Ishcai shimiyuc, llullaisiqui runacunatami uyanunca, paicuna ucupi tiyac Dios cushca samai paicuna juchallishca jillai ninallahuata mircashca canun. 3 Cai runacana sahuarmca nicpi mana munanun; tucui iniccana, shuti cashcata ricsiccuna micuncapac Dios churashca micunacunata paita pacrachushpa micuncapac, mana micunachu rimanun. 4 Tucui Dios rurashca alli can; Diosta pacrachushpa chasquicpi mana imapash millai tucushcachu cana can. 5 Diospac shimiraicu ñucanchic Dios-huan rimarishcaraicupash micunacuna chicanyachishca tucunun. 6 Chaicunata huauquicanaman yachachishpa, inina shimicunahuan juntarishpa, alli yachaicunata catishpa, chai shuti Jesucristopac alli runami canqui. 7 Ranti, uparunacunapac rimaicunata ama uyaichu. Diosta llaquinapi yapa yuyanshpa Causai; 8 purina aichata ansa yanapanmi, ranti Diosta llaquinapi yuyarishpa causashca tucuipac yapa yanapan: cai causaipi alli causancapac, shamunca racuc causaipi causaita tarmcapac. 9 Chai shutimi can, tucuilla chaita inina canquichic. 10 Chairaicumi ñacarinchic, llancanchic, causacuc Diospi ñucanchic yuyaita churashcaraicu, pai tucuicunata quishpichic can, iniccunata ashtahuan yalli quishpichic can. 11 Chaicunatami pactachichina, yachachina canqui. 12 Maltacashcaraicu asi tucunata ama saquinquichu; ashtahuan can causashcahuan, can rimashcahuan iniccunata ricuchina canqui; canpac llaquinata, canpac ininata, canpac chuya causaita ricuchina canqui. 13 Ñuca pactanacama, tucuicunapac ñaupacpi Dios quillcashca shimita catishpa uyachi, huauquicunata cariyachi, paicunata yachachi. 14 Ama cuncarinquichu Dios canman cushca cuyaicunamanta, pai ricsichishcaraicu, iniccunamanta rucucuna canpac jahuapi maquicunata canta acllashpa churanurca. 15 Tucui chaicunapi yapa yuyarina canqui, tucuicunata can ñaupacman caticushcata ricuchincapac. 16 Quiquin canmanta yapa yuyarina canqui, can shuccunata yachachishca-mantapash yapa yuyarina canqui, tucuipi sinchicushpa cati. Chashna rurashpa, canllatami quishpinqui canta uyaccunata- pash quishpichinquimi.
1 Rucu runacunata ama piñaichu; chaipac rantimanta, canpac yayata shina camachi; maltacunata canpac huauquicuna cacpi shina ricui. 2 Rucu mamacunata canpac quiquin mamata shina ricui; malta huarmicunata, canpac panicuna cacpi shina ricui chuya shancuhuan. 3 Mana maimanta yanapaita charic huaccha huarmicunata yanapai. 4 Ranti shuc huaccha huarmi churiyuc, churipac huahuacanayuc cacpi, paicanami ñaupac aillucanata yanapanca-pac yachana canun; yaya mama llaquishcata cutichincapac yachana, chai yapa alli can, Dios cushiyashcahuan ricun. 5 Alli quiquin huaccha huarmi, sapalla saquiric, Diospi yuyaita churan, tutantin punchantin Dios-huan rimarishpa paita mañacan. 6 Ranti mana alli causac huaccha huarmica causaillapita huañushca can. 7 Chaicunatapash pactachichina canqui, ama pipash cancunamanta shuc shimi rimachun. 8 pi runa cashpapash quiquin paipac huasipi tiyaccunamanta mana yuyaricpi, inina iliacmi can, jichushca mari, mana iniccunamanta astahuan mana allichu can. 9 Sucta chunca huata yalli huacchallata huacchacana shuti japina quillcapi tiyana can, pai shuclla cariyuc. 10 Allita ru-rashcamanta ricsi tucuna can: huahuacunata allitachu huiñachirca, paipac huasipi pactaccanahuan allichu carca, inic-canata chaquita maillacchu carca, ñacariccanata yanapacchu car-ca; rimacpi, pai ushashcapi alli yanapaicanata rurashca cacpi. 11 Pishilla huatayuc huacchacunata quillcapi ama japin-quichu; paicanapac aicha nuspayacpi Cristomanta chicanyash-pa, cuti sahuarinata munanun; 12 chashnamanta cautsayashca tucunun paicuna ruranata mana pactachishpa. 13 Chairapash, huasi huasi purinun, quilla tucunun, mana quillaisiquillachu canun, ashtahuan rimaisiqui tucunun, tucuipi paicuna satiranun, mana rimanacunata rimashpa. 14 Chairaicu malta huacchacuna sahuarinuchunlla nini, huahuayanuchunlla; huasipi llancac huarmi cachun, chaimi piñaccuna paita mana camina ushanunca. 15 Maican huacchacunaca ña mari chicanyanushca, supai amuta cunan catiranan. 16 Inic huarmicunamanta maicanpash aillu ucupi huacchacunata charishpa, yanapana tucun, ama iniccunamanta yanapaita mañacuncapac; chashnami iniccuna mana maimanta yanapaita charic huacchacunata yanapana ushananca. 17 Iniccunata alli pushaccama rucucuna achca llaquishca cana canun, ashtahuan Diospac Shimita huillaccuna yachachic-cunantin yapa llaquishca cana canun. 18 Caita riman camachic quillca: "Trigota cutacuc huacrata ama shimita huataichu". Caitapash riman: "Shuc rana cullquita japina tucun pai llancashcamanta". 19 Shuc rucu runata cautsayachinucpi ama uyaichu ishcai, quimsa ricuyaccana mana tiyacpi. 20 Juchallishpa caticcunata tucuicunapac ñaupacpi sinchi shimihuan rimana canqui uyaccana mancharinuchun. 21 Diospac ñaupacpi, Jesucristopac ñaupacpi, acllashca angelcunapac ñaupacpi canta mincani: cai pactachinacunata catilla, mana pitapash yallicta, pishilla pactachichishpa. 22 Chaira mana allita yuyarishca cashpa, ama pitapash canpac maquicunata paipac jahuapi churanquichu; chashnami mana shuccuna juchallishcahuan canpash juchallinqui. Tucui mana allicunata ama ruraichu. 23 Huicsa nanaihuan uncushpa causani ninqui; yacuta ama upiaichu, ansa vinota upiai. 24 Maicancunapac juchacuna chaira mana taripanaman apashcallapita ña ricsi tucunun, ranti shuccunaca taripai tucushca huashalla yachai tucunun. 25 Chashnallata alli rurashcacunapash ricunalla canun; mana ricuriccunaca mana huiñai pacashca saquirinuncachu.
1 Huatara runacana, yapa yupaichashcahuan ricuna canun amucunata, ama Diospac shutimanta ñucanchic yachachishcamantapash mana alli rimashca shimicuna uyarincapac. 2 Inic amuta chariccuna ashtahuan yapa yupaichana canun ininapi huauquipura cashcaraicu. Chaipac rantimanta, ashtahuan yapa allita yanapana canquichic, cancuna amucuna inic, llaquishca huauquicuna cashcaraicu. Caita yachachi, canpash pactachina canqui: 3 Pipash chican yuyaicunata yachachishpa, Apunchic Jesucristo sumac yachachishcamanta chican yuyaita charishpa, ñucanchic inina-mantapash chican yuyaita charishpa, 4 yaca jatunyarishpa mana imatapash yachac runami can. Yanca shimicunamanta rimarina uncuitami charm chai rana; chaimantami tiyan chiqui-cui, piñanacuna, piñashpa caparina, shuccunapi yuyai churana illana, 5 yuyai illac runapura huiñai macanacuna, paicuna shuti cashcata mana ricsinun, ininata paicunaca catunami mari yu-yanacun. 6 Ininamanta shuti pachami achcata chasquinchic, shinapash amu charishcallahuan cushiyac runalla. 7 Cai pacha-man mana imahuan shamushcaraicu, mana imatapash caimanta apana ushanchic; 8 micuucapac charishpa, churarinata charish-pa, chaihuanmi pacta cushi tiyana canchic. 9 Ranti, achca cha-rina munaccuna camai tucushcapi mana ushanun, tucui laya munana tictapi urmanan; mana alli, huacllichic manaicanapi, chaicuna runata ilushtiyanapi, chicapac huañunapi urmanun. 10 Tucui mana allicuna cullquita yapa munashcamanta tiyan; maican ranacuna, cullquiraiculla, inina charishcamanta chican-yanushca, paicana quiquin causaitapash ñaca-rinallahuan junta-chishpa causaranan. 11 Ranti can Diospac runa canqui, tucui chaicunamanta anchuri. Cusca causaita causai, Diosta yapa yuyarishpa, inish-pa, llaquishpa, mana sanpayashcahuan catishpa, shuncumanta uchillayashpa. 12 Ininapi alli llancana canpac llancana cachun; huiñai causana chasquinamanta ama quishpmquichu, chaipacmi Dios canta cayarca; chairaicullata can inina charishcamanta achca ricuyac ñaupacpi ricsichircanqui. 13 Cunan, Diospac ñaupacpi —pai tucui imatapash causaita cun, Jesucristopac ñaupacpipash, paipash ricsichirca, Poncio Pilatopac ñaupacpi uyachirca— canta rimani: 14 cai ñuca rimashcata uyahuai, mana shuc layata rurashpa, ama canta imamantapash piñana tucancapac. Chashna rurai Apunchic Jesucristo shamunacama. 15 Rimashca pacha pactarishcapi, Dios caita ricsichincami, paillami shuclla, bendisiashca, Jatun Apu, incacunapac Inca. 16 Pai shucllami mana huañuc can, pai mana pipash mayanya-na ushaipac achicpi causan. Pi runapash paita mana ricushca-chu, pi runapash paita mana ricununcachu. Pailla jatunyachish-ca cachan, pailla ushaita charichun. Chashna cachun. 17 Cai pachapi achca chariccunata rimai ama chai achca charishcapi jatanyarishpa causanuchan, ama chai achca charish-capi paicunapac yuyaita churanuchun, tucui paicuna achca charishca chincarinalla cashcaraicu. Chaipac rantimanta, yuyaita Diospi churanuchun, paimi ñucanchicman tucui imatapash achcata cun, ñucanchic alli causancapac. 18 Rimai allicunallata ranuchun, paicuna alli rurashca achca charishca cachun, paicana charishcata shuccanamanpash canata munanu-chun. 19 Chaimi achca charishcahuan juntarinunca huasha causaipac, chai shuti quiquin causaita mari chasquinanca. 20 Timoteo, canman mincashcata allita ricui. Yanca shimicunata ama uyaichu, yanca rimashca shimicunatapash ama uyaichu; 21 maicancuna, chai "yapa yachashpa rimashca shimicunata" caticcuna, inina charishcamanta chicanyanushca mari. Apanchic paipac cuyaita cancunapi tallichichun.
1 Ñuca, Pablo, Jesucristopac apostol Dios chashna munashcaraicu, pai ñucanchicman Cristo Jesuspi huiñai causaita cushami nirca. 2 Ñuca llaquishca churi Timoteoman cai pancata quillcani: Dios Yaya, Apunchic Jesucristontin paicunapac cuyaita, paicunapac llaquinata, ganas causaitapash canpac jahuapi tallichinuchun yuyashcahuan. 3 Canmanta huiñai Dios-huan rimarishcapi yuyarishpa, tutantin punchantin Diosta pacrachuni, ñuca paita chuya shuncuhuan mari yanapani, ñuca rucucuna yanapashca shinallata. 4 Can huacashcata yuyarishpa, canta ricunayai shamuhuan ñuca cushihuan juntarincapac. 5 Can alli pacha shuti inina charishcata yuyarinimi. Canmanta ñaupac-canpac aula Loida canpac mama Eunicepash charinurca; ñuca yachanimi canan canpash charishcata. 6 Chairaicu, ñuca canpac jahuapi ñuca maquicunata canta acllashpa churacpi can chasquishca Dios cuyashca ninata cariyachi. 7 Mana manchai samaitachu Dios ñucanchicman curca, ushai samaitami curca, llaquina samai, alli yuyarishpa causana samai. 8 Chashnamanta ama pincarichu Apunchicraicu rimanata; ñucamantapash ama pincarichu, ñuca pairaicu mari chunta curralpi quillpara tiyani. Chaipac rantimanta, Dios cushca ushaihuan canpash ñacari, quishpichic shimiraicu ñacarinacuna tiyacpi. 9 Dios ñucanchicta quishpichirca, paiman ñucanchic causaita chicanyachincapac cayarca, mana ñucanchic imapipash paita yanapashcaraicu, paimi chashnapac munarca, Cristo Jesuspi ñucanchicta llaquishcaraicu. Dios, ñucanchicta cai pacha chaira mana tiyashcamanta llaquishcata, 10 cunan pai llaquishcata ñucanchicman ricsichin, ñucanchicta Quishpichic Jesucristo shamushcahuan; pai yallirca huañuipac ushaita; mana tucuric causaitapash cushi shimita rimashpa ricsichirca. 11 Chai shimita ricsichincapac Dios ñucata mincahuash-ca, pai shuc apostol shina, shuc yachachicshina shayachishpa cachahuashca. 12 Chairaicullata tucui chaicunata ñacaricuni. Shinapash chaimanta mana pincarinichu, ñuca yuyaita piman churashcata allipacha yachashcaraicu; ñuca yachani pai ushai charishcaraicu puchucai punchacama ñucaman mincashcata huacaichishpacharinca. 13 Ñucamanta yachashca cusca causanata catilla; ñucanchic Cristo Jesusman llutarishcaraicu inina, llaquina charishcapi causailla. 14 Ñucanchicpi causacuc Diospac Samai yanapashcahuan, canman mincashca Diosta ininata allita ricui. 15 Can ña yachanqui, ima shina Asiamantacuna tucuilla jichuhuanushcata; chaicunamanta Pigelo, Hermogenes canun. 16 Onesiforopac aillucunamanta Apunchic llaquirichun; pai achca cuti cushichihuarca; ñuca chunta curralpi tiyacpipash pai mana pincarircachu. 17 Chaipac rantimanta, Romaman pactashca shina, mana sanpayashpa ñucata mashcancapac callarirca tupanacama. 18 Puchucai punchapi Apunchic tupachichun paimanta llaquirishcata. Can pacta yachanqui ima shina pai Efesopi achca yanapashcata.
1 Canca, ñuca huahualla, sinchicui Cristo Jesusmanta chasquishca cuyaicunahuan. 2 Can ñuca achca ricuyaccu-napac ñaupacpi rimacpi uyashcata, alli ricsishca runacunaman mincai, shuccunaman yachachina ushaccanaman. 3 Ñacarinacunapi Mesias Jesuspac alli soldado shina ñacari. 4 Manamaican soldadopash yanca runapac causaipi sati-rinchu, paipac aputa cushiyachinallatami yuyarin. 5 Chash-uallata, shuc pucllac runa cuyashcata mana chasquincachu, pucllaccuna pactachinata mana allita pactachishpa. 6 Chacrapi llancac runa tucuimanta ñaupac pai tarpushcamanta micuna can. 7 Cai ñuca rimashcata yuyari, chaimi Apunchicca tucuita atipachinca. 8 Huañushcamanta causarishca Jesucristopi yuyari, pai Jatun Curaca Davidpac aillu carca. chaimi quishpmamanta ñuca yachachishca shimi can. 9 Chai shimiraicu ñacarinacuna tiyacpipash mana imanahuanchu, runata huañuchic shina huatara causanapash mana imanahuanchu; ranti Diospac shimi mana huatashcachu can. 10 Chairaicumi tucui Dios acllashca-cunapac allipac ñacarini, paicunapash huiñai quishpmata Cristo Jesuspi chasquinuchan. 11 Cai yapa shutimi can: Paihuan huañushca cashpa, paihuanmi causashan; 12 sinchicushcahuan ñacarishpa, paipac pachapi yaicuna ushashanmi; ñucanchic paita piñacpi, paipash ñucanchicta piñancami; 13 ñucanchic cushca shimita mana pactachicpipash, paica pactachincallami, paillata llullarmcapac mana ushashcaraicu. 14 Chaita paicunata yuyachi, ama yanca shimicunamanta piñanacuncapac Diospac ñaupacpi mincai. Chashna pmanacuna yancami can, mana imapash alli; paita uyaccunata huacllichin-capacllami alli canun. 15 Alli yanapac runa shina, Diosta yanapanalla huiñai chapacui, mana imamanta pmcarmata charic llancac runa shina, shuti shimita mana pantashcanuan yachachishpa. 16 Yanca mana yuyarishpa rimashca shimicuna-ta ama rimaichu; chashna rimac runacunaca caran cuti ashta-huan mana allipi urmashpa catiranun; 17 chai yachachishcacu-na ismuchic uncui shina mirarishpa riranun. Himeneo Piletontin chashna tucuranun, 18 shuti shimimanta paicuna chicanyanushca mari huañushcamanta causarina ñucanchipi ña pactarishcami rimashcahuan; chashna, ininata maican runacu-napi huacllichishpa puriranun. 19 Ranti Dios mana cuyuric sapita shayachishca, chaipi cashna quillcara tiyan: "Apunchic paipac runacunata ricsin mari". Cuti shuc: "Tucui Diospac shutita ricsiccuna mana allicunamanta chicanyanuchun". 20 Shuc jatun huasipi mana curimantalla, mana cullqui-mantalla imacunachu tiyan; manca allpamanta caspimantapash tiyan mari; shuccanata raimi punchacunapi llucshichinun, shuccunaca caran puncha surcui tucunun. 21 Sumac ricurinca-pac —Raimi punchalla surcui tucuncapac— Apunchicman chicanyachishca cancapac, tucui mana allimanta pichashca cana canchic; chaimi shuti tucui imapacpash alli cashun. 22 Maltacuna manalli munanamanta chicanyai; canpac causai cusca cachun inina charishcahuan, llaquishcahuan, ganas causaihuan, tucui Apanchicta ricsic chuya shuncuyuccunahuan pacta. 23 Yancamanta rimarinacunata ama uyaichu, can pacta yachanqui ima shina chaicuna yancamanta canman piñarinata apamunca racushcata. 24 Apunchicta yanapac runa mana ma-canacushpa causanachu can; chaipac rantimanta, tucuicanahuan alli shuncu cana can. Yachachincapac yapa yachac; mana piña-risiqui; 25 piñarisiquicunatapash uchilla shuncuyashpa atipa-chic runa, Dios paicunata cuti paiman yuyaita ticrachichinca-mi, shuti cashcata ricsichincami chapashpa, 26 paicunapash yu-yaita japishpa supaipac tictamanta, huatara charishcamanta pai munashcata rurachincapac, chaimanta quishpinuchun nishpa.
1 Puchucai pachapi llaqui punchacuna tiyana cashcata yachana canqui. 2 Runacuna quiquinpacllatami yuyari-nunca, cullquillatami llaquinunca, paicunalla jatunyariccuna, yancashitucunahuanpash jatunyariccuna. Diosta piñaccuna, yaya mamata mana uyaccuna, pacrachunata mana yachaccuna, ininata mana caticcuna. 3 Llaquina illaccuna, shuccunamanta llaquirina illaccuna, rimaisiquicunami canunca, paicuna aicha mañashcata mana yallina ushaccuna, upata millaicuna, tucui allita piñaccuna. 4 Ishcai shimiyuccuna, pincai illaccuna, yalli canayaccuna, Diosta mashcana rantimanta ashtahuan paicunapac alli causaillatami mashcaccuna. 5 Jahua ricuriclla yapa alli shuncumi canunca, ranti paicuna rurashcapica ininapac quiquin ushai llullami can rimanunca. Canca chashna runacunamanta chicanyai. 6 Paicuna, huasicunapi yaicushpa, juchalla aparishca tiyac huarmicunata umachiccuna canan; chai huarmicana tucui laya aicha munash-cahuan ñacarishpa causanun; 7 huiñai yacharanlla causanun, ranti shuti cashcata mana maican puncha allipacha ricsinun. 8 Janes, Jambres sacracuna, Moises rimashcata mana munash-ca shinallata, cunanpash cai runacuna shuti cashcata mana pactachinata munanan. Cai runacuna paicanapac yuyaita huac-llishcata charinun, inina catinapi mana ushanushca. 9 Ranti mana ushanuncachu ashtahuan ñaupacman catincapac, paicana upa cashcata tucui runacuna ricsishcaraicu, chai ishcaicuna Moisesta mana uyashpa tucushca shinami tucunanca. 10 Canca, ranti, ñuca yachachishcata alli catishcanqui, ñuca causaita, ñuca munashcata, ñuca ininata, ñuca mana piñarishpa chapanata, ñuca llaquinata, ñuca sinchicana ushaita, 11 piñashpa japi tucunata ñacarinacunatapash. Tucui ñuca Antioquiapi, Iconiopi, Listrapi tucushcata can yachanqui, piñashpa japi tucushcapi ñuca ñacarishcacunatapash can yachanqui; ranti, Apunchicca tucui chaicunamanta quishpichi-huarcami. 12 Cristo Jesusman chicanyachishca causana munaccuna piñashpa japi tucushpa ñacarina cashca, shutimi can; 13 ranti mana alli runacana, umachisiquicuna astahuanmi huacllishpa catinunca, shuccunata umachishpa, paicunallata umachi tucushpa catinanca. 14 Canca tucui can yachashcapi sinchicushpa cati, can yachashcata allipacha ricsishcaraicu. 16 Dios quillcashca shimita can huahuamanta ricsishcata yuyari, chai quillca canta yachachina ushan, quishpichina ushan, can Cristo Jesuspi inicpi. 17 Tucui quillca Diosmanta shamun, yachachincapac, camachincapac alli can; huacllicucta cuscayachincapac cushca causanata yachachincapacpash alli can; 18 Diospac runa alli yachachishca cancapac, tucuipac allichishca, tucui allicanallata rurancapac, alli can.
1 Diospac ñaupacpi, huañushcacunata causaccunantin apu shina taripancapac shamuna Cristo Jesuspac ñaupacpi, mincani achcata 2 cushi shimita yachachi nishpa; chai shimita rimailla alli chasqui tucushcapi, mana alli chasqui tucushcapipash. Canta uyanuchun sinchi shimihuan camachi, sinchicuchi mana piñarishpa yachachishcahuan. 3 Alli yachachishcata runacuna mana uyanayashca pacha tiyancami ran; ashtahuan, paicuna quiquin munaimanta, paicuna uyana munashcallata rimac yachachiccunatami mashcanunca. 4 Sbuti shimita ñahuimi ricununca, ashtahuan yanca shimicunatami uyanunca. 5 Ranti canca huiñai alli yuyaihuan causai, ñacari-nacunata allihuan chasqui, quishpichic shimita shuccunaman yachachinallata yuyari, canpac llancanata allita pactachi. 6 Camari shina ñuca curina ña pactarishcami; ñuca huañuna pacha ña pactariranmi. 7 Alli ruranapi llancashcani, ñuca pactanaman pactashcanimi, ininallapi purishcani. 8 Cu-nan, Apunchic, cuscata taripac Apu, puchucai puncha ñucaman cuyana llaututami chapani. Mana ñucallatachu cuhuanca, pai ticramunata cushihuan chapaccunatapash cuncami. 9 Utcalla ricuc shamuhuai; 10 Demas, cai pachamanta tucui imacunata yapa llaquishcaraicu, ñucata jichushpa Tesalonicaman rishca. Crescenteca Galacia suyuman rishca, Titoca Dalmaciaman rishca. 11 Lucaslla ñucahuan tiyacun. Marcosta mashcashpa pushamui, llancanapi ñucata caipi yanapahuancami. 12 Tiquicotaca Efesoman cacharcani. 13 Can shamucushpa, Troaspi, Carpopac huasipi ñuca saquimushca jahua churanata apamupai; quillca pancacanatapash apamupan-qui, quillca caracunatapash. 14 Jillaita llancac Alejandro ñucahuan manapacha allichu cashca; Apunchic paita pai rurashca tuputa cunca chari. 15 Canca yuyanqui paita pai ñucanchic yachachishca cushi shimita yapa piñac cashcaraicu. 16 Ñucaraicullata apucunapac ñaupacpi rimancapac rishcapi, mana pipash yanapahuarcachu, tucuimi ñucamanta anchurinurca. Dios paicuna chashna rurashcamanta quishpi-chinca chari yuyani. 17 Ranti Apunchicca yanapahuarcami, ushaitapash cuhuarcami, chairaicu quishpichic shimita ricsichina usharcani; Diosta mana ricsiccunatapash tucui paicunaman uyachircani. Apunchic chashna puma shimimanta quishpichihuarca, 18 tucui mana allimantapash quishpichihuan-cami; chashnami paipac pachapac huacaichihuanca. ¡Huiñai pai jatunyachishca cachan! Chasna cachan. 19 Ñucamanta rimapaichic Priscata Aquilantin, paicunata yuyarinimi, Onesiforopac aillucunatapash. 20 Erastoca Corin-topimi saquirirca, Trofimotaca Miletopimi uncucta saquimur-cani. 21 Tamia pacha chaira mana pactashcallapita shamui. Eubulo, Pudente, Lino, Claudia tucui huauquicunapash canmanta yuyarinunmi. 22 Apunchic Jesucristo canhua tiyachun; Dios tucui cancunapi paipac cuyaita tallichichun.
1 Ñuca, Pablo, Diospac runa, Jesucristopac apostol cani, Dios acllashcacunata ininaman pushancapac pai cacha-mushca, ñucanchic inina shuti cashcatapash paicuna ricsincapac; 2 chai inina huiñai causanapi chapashcamanta tiyan. Chaira cai pacha mana tiyashcallapita, mana llulla Dios cushami nirca chai causaita; 3 cunanca, pacha pactarishcapi, paipac cushi shimita ricsichishca ñucanchicta quishpichic Dios yachachincapac ñucaman mincashcaraicu. 4 Cai pancata canta quillcani, Tito, can ñucapac quiquin churi cahuanqui ñucanchic charishca ininapi, Dios ñucanchic Yaya ñucanchicta quishpichic Jesucristontm paicunapac cuyaita ganas causaita-pash canpac jahuapi tallichinuchun yuyarishcahuan. 5 Ñuca canta Creta islapi saquishpa, callarishcata tucu-chincapacmi saquircani, caran llactapi pushaccamacanata shaya-chincapac, ñuca mincashca shina catishpa. 6 Shuc pushaccama mana imamantapash rimaipacmi causana tucun. Shuc huarmi-llata charina can, paipac churicanaca inic canuchun, mana piñai tucushcacuna, mana piñarisiquicuna. 7 Iniccanata pushaccama-ca tucui Diospac imacunamanta mincai tucushca can; chairai-cumi cusca causaita charina tucun. Mana pai yuyashcallata catic cana can, mana piñarisiqui, mana machaisiqui, mana macanacuisiqui, mana cullqui shuhua cana can. 8 Chaipac rantimanta, paipac huasipi runata chasquinalla chapacuna can, yanapac runa; alli yuyayuc, cusca runa, Diospac chicanyashca, ruranata pactachic. 9 Diosmanta yachachishcata catina can, chashnami alli shimita yachachina ushanca, yachachishcamanta chican shimita rimaccanatapash uyachina ushancami. 10 Upata piñarisiquicuna achca mari tiyanun, pincai carata pitirmami rimaccunami ashtahuan yapa tiyan, paicuna mana atipaipac shimita ninun, chashnami runacunata umachinun. 11 Chai runacunata shimita quillpacpi alli canca, maicanpi paicuna shuc aillu tantarishcata illacta mari huacllichinun, mana yachachina cashcata yachachishpa paicunamanta cullquita surcunaraiculla. 12 Creta allpamantallata shuc profeta paipac aillucuna-manta cashna nirca: "Cretamanta runacuna huiñai llullaisiqui, aucacuna, micuisiqui, quillaisiquicuna". 13 Shutita pai rimarca; chairaicu, sinchi shimihuan paicunata camachi, paicuna inina cusca cachun; 14 Judiocuna yanca rimashcata ama uyanuchun, shuti shimita mana uyana manaccana rimashcatapash ama uyanuchun. 15 Chuya yuyayuc runacuna tucui imacunatapash chuya ñahuihuan ricunun; ranti mana iniccuna, mana chuya yuyayuccuna, mana imatapash chuya ñahuihuan ricunun; paicunapac yuyai paicuna ucupi tiyac samaipash mapayashca cashcaraicu. 16 Diosta ricsinchicmi rimanun, ranti paicuna rurashcapica mana ricsishcatachu ricuchinun; chicnipaccuna, piñarisiqui canun, mana imatapash allita rurana ushaccana.
1 Can rimashcapi Diosmanta cusca yachachishcallata huiñai rimana canqui. 2 Rucucunata rimai ama pucllaisi-qui canuchun; yupachaipac, alli yuyayuc canuchun; paicunapac inina, llaquina cusca cachun ñacarina charishcapi paicuna sinchi canuchun. 3 Chashnallata, rucu mamacunapash Diosta yapa yuyarishpa causanuchan; ama rimaisiqui canuchun ama machanuchun. Alli rurashcata ricuchina canun; 4 malta huar-micunaman carita huahuacanata llaquincapac yachachinuchun, 5 yuyayuc cancapac, chuya shuncuyuc cancapac; huasita alli ricuc, alli shuncuyuccuna, carita uyaccuna; ama pi runapash Diospac cushi shimimanta mana allita rimana ushancapac. 6 Chashnallata huanpracunatapash yuyayuc cancapac camachi; 7 canllata tucuipi alli rurashcahuan paicunata ricuchina canqui. Paicunata yachachicushcapi, chuya shuncuhuan ama pucllashcahuan ruraichu, 8 cusca shimihuan rimashpa, ama pipash can rimashcamanta piñana ushachun. Chashnami maican mana alli rimacpash pincarinca, ñucanchic pantashcata mana ansapash tupana ushashpa. 9 Huatara runacunata amucunata tucuipi uyanuchun nish-pa camachi; alli shuncu canuchun, mana piñarisiquicuna. 10 Ama shuhuanuchun, chaipac rantimanta amupacta alli hua-caichinuchun; tucuicuna paicana causaipi ricanuchun yapa su-mac cashcata ñucanchic Quishpichic Diosmanta yacha-chishca. 11 Dios ñucachicman ricuchishca mari pai alli shuncu cashcata, chairaicu tucui runacunaman quishpina pactamushca. 12 Dios alli shuncu cashca ñucanchicta yachachin, mana alli ruraicunata, cai pachamanta munaicunata saquishpa, cai pachapi yuyayuc, cusca, Diosman yuyaralla causaita charincapac, 13 pai cusha nishca pactarinata chapashpa: ñucanchic jatun Quishpichic Dios Jesucristo ticramunata chapashpa. 14 Pai ñucanchicraicu huanuiman curirca, tucui mana allicunamanta quishpichincapac, tucui mana allimanta allipacha maillashca saquincapac, ñucanchic paipac cancapac, alli rurana munaillata ñucanchic charincapac. 15 Caitami yachachina canqui camachishpa piñashpa tucui can charishca ushaihuan. Ama pipash canta millachun.
1 Jatun aputa, uchilla apucunata uyana cashcata paicunata yuyachi, allicunata ruranalla chapacunuchunlla. 2 Ama pimantapash mana allita rimanuchun, shuccunamanta-pash yuyarmuchun, tucuicunapac ñaupacpi paicuna yapa alli shuncuyuc cashcata ricuchinuchun. 3 Ñucanchicpash ñaupa yuyai illac, Diosta mana uyac carcanchic; pantashpa puricurcanchic, tucui laya ñucanchic aicha munaicunapi, tucui laya ñucanchic aicha cushiyanacunapi huatai tucushca carcanchic. Juchapi, chiquicuipi causacurcan-chic, shuccunata miliashca, ñucanchicpurapash millanacushpa. 4 Ranti ñucanchicta Quishpichic Dios runacunahuan alli shuncu cashcata, pai llaquishcata ricuchiscapi, 5 ñucanchicta quishpichirca, mana ñucanchic shuc ima allitapash rurashcarai-cu, ashtahuan ñucanchicmanta llaquirishcaraicumi carca. Bautismo yacuraicu cutillata ñucanchicta pacarichishca; Diospac Samairaicu mushu causaita ñucanchicman cushca; 6 ñucanchicta Quishpichic Jesucristoraicuca Diospac Samaita ñucanchicman achcata cushca, 7 pai alli shuncuyucraicu juchamanta ñucanchicta quishpichishpa, ñucanchic chapacushca huiñai causaita chasquina ushancapac. 8 Chaica shutimi can, chaita can achca cuti rimancapac munani, Diosta iniccuna yanapanata yuyarinuchun. Tucui chaicuna alli canun, tucuicunata yanapac canun. 9 Ranti yancamanta rimanacunamanta chicanyai, callari rucucunapac rimaicunamantapash, Moisespac camachic quillcaraicu piña-nacunamanta macanacunamantapash. Chaicunaca yancami canan, mana yuyaihuan ruranacana. 10 Iniccuna ucupi chausichic runa tiyacpi, ishcai cuticama paita cayashpa rimai; chashnapash mana uyacpi, iniccuna ucumanta paita callpachi; 11 chai runa huacllishca mari can ña, paipac juchallata paita ña cautsayachicun. 12 Ñuca canpacman Artemasta, Tiquicota imapash cachac-pi, mana ushacushpapash Nicopolisman ricucrihuai, tamia pacha chaipi saquirincapac yuyarishcani. 13 Tucui can ushash-cahuan Zenasta Apolotapash yanapai, paicuna mutsushcata cui, ama imapash paicuna rirashcapi pishichun. 14 Ñucanchicpac-cunapash yanapancapac yachanuchun, yanapana tiyashcapi maquita cuncapac yachanuchun, ama causaimi tiyan nishpalla causancapac. 15 Tucui ñucahuan tiyaccuna canmanta yuyarinunmi. Inina charishcapi huauquicanata caimanta yuyarinchicmi rimai. Dios tucui cancunapi paipac cuyaita tallichichun.
1 Ñuca, Pablo, Cristo Jesusraicu quillpashca, ñucan-chicpac huauqui Timoteontin, can Filemonta, llancanapi ñucanchicpac mashita, cai pancata quillcani, 2 canpac huasipi tiyac iniccunata, ñucanchicpac pani Apiata, ñucanchic llancanapi huauqui Arquipotapash. 3 Ñucanchicpac Yaya Dios Apunchic Jesucristontm paicunapac ganas causaita cuyaitapash cancunapi tallichinuchun. 4 Huiñai ñuca Diosta pacrachuni canmanta yuyarishcapi, 5 Apunchic Jesucristota tucui Diospac runacunatapash can llaquishcata, can inina charishcata ñuca yachashcaraicu. 6 Diosta mañanimi can, ñucanchic-huan pacta inic cashcamanta, tucui ñucanchic alli charishcacuna Cristo Jesuspac cashcata allita atipana ushancapac. 7 Can imna charishcaraicu yapa cushi, yapa cariyashcami cani; canraicu, huauqui, iniccuna paicunapac shuncupi cushi saquirinushca. 8 Chashnamanta, Cristopac apostol cashcaraicu ñuca can pactachina cashcata rimanalla cashpallata, 9 llaquina charishcaraicu cuyailla canta mañani. Ñuca, Pablo, ña rucu apaya, cunan Cristo Jesusraicu quillpashca, 10 Onesimoraicu cuyailla canta mañani, pai shuc churi shina cahuashca caipi quillpara tiyacushcapi. 11 Callari pachapi, Onesimo yanca huatashca runalla canpacpi carca, ranti cunan ishcantin ñucanchicpac yapa yanapac tucushca. 12 Canpacman cuti cachani: quiquin ñuca cacpi shinallata paita ricui. 13 Caipi ñucahuan saquirincapac manaiman, ñuca caipi cushi shimiraicu quillpara tiyacushcapi canpac rantimanta ricuhuancapac. 14 Shina cacllapita, can munashcallata ruranayani, ama can ñucaraicu rurashca pactachinata rurashca tucuchun, ashtahuan canpac munai rurashcata cachun ninimi. 15 Ñaupa Onesimo canmanta ansa anainayata chicanyarca ima chari, ranti cunan chicapac canhuan tiyancaran, 16 ña mana huatara runa shina, huatara runamanta ashtahuan alli: shuc llaquishca huauqui shina. Ñuca paita yapa llaquini, canca yalli paita llaquina canqui, mana runa shinalla, ashtaunpash Apunchicpi huauqui shina. 17 Shina, inina charishcapi ñucahuan huauqui cashpa, ñucata shinallata paita chasquipai. 18 Pai canta manallita rurashcapi, pai canta dibicpi imapash, ñucata mañahuai, pairaicu ñuca cutichishami. 19 Ñuca, Pablo, ñuca quiquin maquihuanmi caita quillcani: Ñucami cutichisha. Dibimanta rimacpica, ashtahuan canca canpac quiquin causaita mari ñucata dibihuanqui. 20 Ari huauqui, caita canta mañanimi can Apunchicta inic cashcaraicu, Cristopi huauqui shina ñuca shancuta cushiyachipai. 21 Can uyahuanata yachashpami caita quillcani, ñuca mañashcamanta ashtahuan yallicta ruranca rashcata yachanimi. 22 Ñuca pactancapac huasita mashcapai; cancuna Diosta mañashcaraicu, pai ñucata cancunata ricuncapac cachahuancami nishpami rimani. 23 Cristo Jesusraicu quillpashcapi ñucapac mashi Epafras cancunata yuyarinmi; 24 Marcos, Aristarco, Demas, Lucas tucui paicuna cancunamanta yuyarinunmi, llancanapi yanapahuanan. 25 Apunchic Jesucristo paipac cuyaita cancunapi tallichichun.
1 Dios callari pachapi profetacunapac shimihuan achca cuti caran layahuan rimarca. 2 Cunan cai puchucai pachacunapi, paipac Churipac shimihuan ñucanchicta rimashca, pairaicu pachacunata rurarca, tucui imacunata paita japina cac rurashca. 3 Paimi Dios llinpiyashcata ricuchin, Dios cashca ricchai jinumi can, paimi paipac ushaiyuc shimihuan tucui imacunatapash sinchicuchin. Pai ñucanchic juchacuna-manta quishpichishca huasha, Diospac tiyarina yachac maquiman jahua pachapi tiyarishca. 4 Diospac Churica angelcunamanta yalli tucushca, pai chasquishca shuti yalli jatun cashcaraicu. 5 Dios mana maican punchapash shuc angelmanta caita rimashcachu: "Can ñuca Churi canqui; cunan canta causaita cushcani". Mana maican angelmantapash caita rimashcachu: "Ñucaca paipac yayami casha, paica ñuca churimi canca". 6 Paipac tucuimanta ñaupa Churita runacunaman ricsichishpa, shucpi cashna riman: "Diospac angelcuna tucuilla paita chacchanuchun". 7 Angelcunamantaca Dios caita riman: "Huaira shina cancapac angelcunata rurashca, japirac nina shina cancapac paita yanapaccanaca". 8 Ranti paipac Churimanta cashna riman: "Dioslla, can huiñai Jatun Apu canqui, cuscatapash taripanqui canpac pachapi. 9 Alli cashcata llaquinqui, ranti mana allita chicninqui; chairaicu Dios, canpac Dios canta acllashca, canpac mashicunamanta yalli cushihuanpash canta juntachishca". 10 Caitapash nin: "Can, Apunchiclla, callarimanta allpata sapiyachircanqui; jahua pachapash canllata rurashca can. 11 Tucui chaicana tucurinuncami, ranti canca huiñai causanqui. Tucui chaicuna churana ismushca shinami tucurinunca; 12 shuc churanata patachishca shinami can chaita patachinqui, shuc churanata churarishca shinami ruranqui. Ranti canca Paillata canqui; canpac causaica mana tucurincachu". 13 Mana maican angeltapash Dios shuc cutillapash caita rimarcachu: "Ñuca yachac maquiman tiyari, canta chicniccunata ñuca canpac chaqui ucupi churanacama". 14 Tucui angelcuna Diosta yanapac samaicunami canun, quishpinata japinca racuccunata yanapancapac cachamushcacu-nami canun.
1 Chairaicu, cushi shimimanta uyashcata ashtahuan yapa yuyarina canchic, alli caticushcamanta yanca rashpa chicanyanchicman. 2 Unai pachapi Dios angelcunahuan cachamushca rurai nishcacana camachic shimi tucunurca, paita mana uyashpa juchalliccuna paipac tuputa ñacachi tucunurca. 3 ¿Ñucanchicca quishpinata ushashunchu, cai jatun quishpinata mana uyashcamanta? Apunchicllatami tucuimanta ñaupa cai quishpinata ricsichirca, paita jinu uyaccuna huasha ñucan-chicman allipacha ricsichinurca. 4 Chai jahuapi, Dios, achca mancharicushiyanacanahuan, paipac Samaipac cuyaicunata pai munashca shina cushpa, chai quishpinata sinchicuchirca. 5 Cai ñucanchic rimacushca huasha shamunca racuc pachata mana angelcunapac maquipichu churarca. 6 Chaipac rantimanta, cai Dios quillcashca shimipi quillcashca tiyan: "¿Runa ima cashcata yachanquichu? ¿Ima cacpi shinachu paimanta yuyarinqui?, ¿paimantachu yapalla yuyarinqui? 7 Angelcunamanta ansashitu uranaya paita rurarcanqui, ranti paitaca jatunyachircanqui, 8 tucuicunata paipac maquipi churarcanqui". Chashna, tucui imacunata paipac maquipi churashpa, Dios mana imatapash paimanta chicanyashcata saquircachu, tucui paipac maquipi saquirca. Shina cacllapita, tucui paipac maquipi cashcata chaira mana ricunchicchu. 9 Ranti Jesusta ricunchic, paita Dios angelcunamanta uralla rurarca uchilla pachashitupac. Dios, pai llaquina charishcaman-ta, tucuicunaraicu pai huañuncapac munarca; cunan ranti pai, huañuita ñacarishcamicu, jatunyachishca, jahuayachishca tiyan. 10 Tucui imacunapash Diospacca causaranun, tucui pairaicu tiyan; Dios munan tucui paipac churicunapash pai jatunyashcapi, paicunapash jatunyachi tucuncapac. Chairaicu, Diosca Jesucristota ñacarinahuan pacta runata rurarca, pai paicunata Quishpichic can. 11 Tucuicuna chai Yayamantallata cashcaraicu: chicanyachishcacuna, chicanyachintin. Chashna-manta, Dicspac Churi mana pincarin paicunata huauquicuna rimanata, 12 cashna camachic quillcapi rimashpa: "Canmanta rimashami ñuca huauquicunata, canpac Shutitami runa ucupi chacchasha". 13 Caitapash nin: "Paipimi ñuca yuyaita churasha". Shuctapash nin: "Dios ñucaman cushca churicanahuanmi caipi cani". 14 Shuc aillupuramanta huahuacuna chai aichallata, chai yahuarllata charishca shina, chashnallata Jesuspash runa aichamanta, runa yahuarmanta carca; pai huañushcahuan huañuchina ushai charicta yallina ushancapac, cashna nishpaca supaitami ninchic. 15 Chashnami, huañuita manchashpa, tucui paicunapac causaita huatashca shina chariccanata quishpichirca. 16 Alli shutipacha rimacpica, mana angelcunata yana-pancapacchu shamurca, Abrahanpac miraimantacunata yanapan-capacmi shamurca. 17 Chaita rurancapac, tucuipi huauquicuna shinallata cana tucurca, Diospac ñaupacpi inic, llaquic Jatun Pacri Yaya cancapac, runacunata juchacunamanta quishpichincapac, camari shina curishcapi. 18 Paillata ñacarishcahuan camai tucushca cashpa, cunan pai ranti yanapanata ushan camai tucuc ranacanata.
1 Chairaicu, huauquicuna, cancuna Diospac runacuna cashpa, Diospacpi cayai tucushcanquichic paipac runacu-na tucuncapac; Cristo Jesusta allita ricuichic; apostol, jatun yayapacri pai can, inina pairaicu ñucanchicpi tiyan. 2 Diosta Jesus cusca catishca; pai chaita paiman mincarca, Moisespash Diosta yanapanapi tucuicunamanta yalli cusca cashca shinalla-ta. 3 Ranti Jesus Moisesmanta yalli jahuayachishcami cana can, huasita rurac runa rurashca huasimanta jinu yalli jahuaya-chishca shina. 4 Tucui huasi mana sapalla rurarinchu, runa ru-ran; ranti Dios tucui imacunatapash rurarca. 5 Chashnamanta, Moises, yanapac cashpa, paiman mincashcata cusca pactachir-ca, Dios rimanca racushcamanta ricuyac canami paipac llancana carca. 6 Ranti Cristo, Churi cashcaraicu, huasi amu can; ñucanchicca chai huasimanta runacuna canchic, cushiyashca-huan, shinchicush-cahuan ñucanchic chapacushcapi catishpa. 7 Uyashun Diospac Samai rimashcata: "Cunan Dios rimashca shimita uyashpa, 8 ama cancunapac shuncuta sinchiyachichicchu Dios-huan piña-rishpa, chunlla allpapi paita camaccuna shina. 9 Chaipi cancunapac rucucuna ñucata camahuanurca, ñuca rurashcacunata chuscu chunca huata tuputa ricushcae cashpapash. 10 Chairaicu, chai mirai runacunahuan piñarishpa, caita rimarcani: 'Paicuna shuncupi huiñai pantashpa purinun, ñuca ñanpicanata mana ricsina munanushcachu'. 11 Chairaicu ñuca piñarishcapi, samana allpapi mana yaicununcachu, sinchi shimihuan rimarcani". 12 Huauquicana, yuyaichic, ama pipash mana alli shuncuyuc-raicu causac Diosmanta chicanyachun, paita mana inishcaraicu. 13 Chaipac rantimanta, caran puncha cancuna-pura sinchicunacuichic, Dios quillcashca shimipi rimashca "cunan" tiyashcacama, cancunamanta ama pipash juchapi umachi tucushpa, paipac shuncupash ama mana uyac tucuncapac. 14 Ñucanchic callarishcapi chapashca shinallata sinchi catishpami Cristohuan japinata chaupichishun. 15 Chashnamanta caita nin: "Cunan Dios rimashca shimita uyashpa, ama cancunapac shancuta sinchiyachichicchu chai piñaric runacuna shina". 16 Diospac shimita uyashca huashalla, ¿maicancuna piñarishcata yachanquichicchu? Egipto llactamanta tucui Moises surcushcacunami canurca. 17 ¿Picunahuan Dios chuscu chunca huata piñarishca cashcata yachanquichicchu? Juchalhccunahuanmi piñarirca, paicunaca tucuimi chunlla allpapi huañunurca. 18 Pai samancapac cushca allpapi mana yaicunquichicchu, ¿maicancunata Dios chashna rimashcata yachanquichicchu? Paita mana uyaccunatami rimarca. 19 Shuti, chashnami, paicuna mana inishcaraicu mana yaicuna ushanurca.
1 Chairaicu, Dios cushca samanapi chaira yaicuna ushana shimita charishcamanta, yuyashpalla causana canchic, yanca rashpa cancunamanta maicanpash mana pactanman. 2 Ñucanchictapash quishpichic shimita ricsichi-nushca mari, paicunata ricsichishca shinallata; ranti paicunapacca chai shimi uyashca, mana uyashca shinachu carca, ininapi chai shimita uyaccunahuan mana shuclla tucushcaraicu. 3 Ranti ñucanchicca inishcaraicu chai samanapi yaicushunmi, chaimanta Dios cashna rimashca; "Chairaicu ñuca piñarishcapi, samana allpapi mana yaicununcachu, sinchi shimihuan rimarcani". Shina cacllapita, cai pacha rurashcapi, Dios ña tucuchishcarcami paipac llancanata; 4 Dios quillcashca shimipi canchis niqui puncha rimashca tiyan mari: "Canchis niqui punchapi, Dios tucui pai llancanamanta samarca". 5 Cutipash Dios quillcashca shimipi nin: "Ñuca cushca samanapi mana yaicununcachu". 6 Ranti chaira pishin maicancuna chai samanapi yaicuncapac, ñaupa cushi shimita chasquiccuna, paicuna mana uyashcamanta mana yaicuna ushanurca. 7 Chairaicu, Dios cutillata shuc punchata churarca, shuc mushu "cunan", huasha Davidpac shimihuan ña camachic quillcapi rimashcata: "Cunan Dios rimashcata uyashpa, ama cancunapac shuncuta sinchiyachichicchu". 8 Josue na Israel runacunata chai samanata cushcapi, Dios shuc punchamanta mana rimanmanchu carca. 9 Chashnamanta, Diospac runacunapac chaira shuc chicanyachishca samana tiyan; 10 maicanpash chai Dios cushca samanapi yaicushpa, paipac llancanamanta saman, Dios pai llancacushcamanta samashca shina. 11 Cariyana canchic chai samanapi yaicana ushancapac, ama pipash chai mana iniccuna rurashcata catincapac. 12 Diospac shimi causaita, ushaita charin. Ishcai manñayuc mircanumanta yalli piticmi can; samaihuan, causaihuan llutarashca sapicama yaicucmi can; shuc runapi mai ucupipash paita yaicuncami; paica taripanmi yuyaita shuncu munashcatapash. 13 Tucui Dios rurashcacuna paipac ñaupacpi ricuriranun; ñucanchic rurashcamanta taripac ñaupacpi mcuimi pasacta ricurin. 14 Jesus, Diospac Churi, jahua pachapi yaicushca ñucanchicpac Jatun Pacri Apu can. Chairaicu ñucanchic charishca ininapi sinchi catina canchic. 15 Ñucanchic Jatun Pacri Apu, ñucanchic sanpa cashcaraicu llaquirinata ushan, paipash ñucanchic camai tucushcallapita camai tucushcaraicu; shina cashpallata paica mana ansapash juchallircachu. 16 Chairaicu, ñucanchic alli shuncu Diospac tiyarinaman, tucui chapashcahuan mayanyashun, pai ñucanchicmanta llaquirichun; ñucanchic llaqui charishcapi pai alli shuncuyuc cashcaraicu ñucanchicta yanapachun.
1 Tucui Jatun Pacri Apu runa ucumanta acllashca can, paicunaraicu Diospac ñaupacpi shayarincapac. 2 Pacri-yayapash tucui runa shina juchasapa cashpa, pantashpa puriccanamanta mana yachaccunamantapash llaquirinata ushan; 3 paipash juchallic cashcaraicullata, paipac juchacunamanta runacunapac juchacunamantapash camarita ricuchina tucun. 4 Mana pipash amu munaimanta Pacriyaya tucushpa jahuayarina ushanchu, Diosmi cayashpa paita jahuayachin, Aaronta shina. 5 Chashnallata, Cristopash mana paipac munaichu Jatun Pacri Apu shayarirca, Diosmi paita jahuayachirca, paimi cashna rimarca: "Can ñuca churi canqui; cunan causaita ñuca cushcani". 6 Caitapash shucpi nin: "Canca huiñai Pacriyaya causanami canqui, Melquisedec cashca shina". 7 Cristo cai pachapi causacushpa, sinchi shimihuan huacashcahuanpash Diosta mañarca; pai huañuimanta quishpichinata ushaita charirca; pai uyashcaraicu paita Dios uyarca. 8 Shinacpi Cristoca, Churi cashpapash, ñacarishpami uyanata yacharca; 9 chashna pactachishca tucushpa, tucui paita uyaccuna paimanta huiñai quishpinata chasquina tucunurca; 10 Melquisedecta shina Diosca Jatun Pacri Apu paita rurarca. 11 Caimanta achca rimana tiyan, ranti atipachina sinchimi can, cancuna mana utca atipaccuna cashcaraicu. 12 Cancunata unai rimashpa catishcaraicu, ña yachachicmi cana canquichic-man; chaipac rantimanta, cancunata cuti Diosmanta callarishcapi yachachishcata rimana tucun. Cutillata yapa sanpa tucushcanquichic, sinchi micunata micuna rantimanta, chucu yacuta upiac tucushcanquichic. 13 Chucu yacuhuan causaccuna-ca llullu huahua shinami canun, mana yuyayuccuna. 14 Sinchi micuna rucucuna micancapac can, taripanata yachaccunapac; alli cashcata mana alli cashcata atipashpa ricuncapac yacharishca canun.
1 Shina cacpi, rucu tucunacama catishun, callaricushcapi Cristomanta yachachishcacunata manyanman saquishpa. Ama callaricushcapi yachachishcacunaman cutillata ticrashun, nicpi: shuncupi cuti Diosman ticracrina, huañuiman pushac mana allicuna ruranacunata saquina, Diospi inina, 2 bautismomanta yachachishcacuna, iniccuna uma jahuapi maquicuna churana, huañushcacuna causarinata, huiñai taripana imapash. 3 Chaitami rurashun Dios munacpi. 4 Achicta ña chasquishca huasha, Diospac Samaipi causashpa camaccuna, 5 Diospac cushi shimita camaccuna, shamunca racuc pachapac ushaita camaccuna, 6 cuti paicuna urmacpi, ña mana Diosman ticrachipaccunachu canun, paicunallata cuti Diospac Churita chacatacushcaraicu, tucuicunapac ñaupacpi asichincapac churacushcaraicu. 7 Tamia yacuta tsuncac allpa shina canun: llancaccunata chai allpa alli muyuta cucpi, Diospac bendisionta chasquin; 8 ranti chai allpa cashallata cucpi, mana imapash alli can; Dios maldisiashca saquirin, huasha rupachi tucuncapac. 9 Llaquishca huauquicuna, chashna rimashpapash, cancunaca quishpina ñanpimi caticunquichic yuyanchic. 10 Dios cuscata taripac cashcaraicu, cancuna rurashcata mana cuncarincachu, cancuna paita llaquishcaraicu huauquicunata ininapi yanapashcata, cunancama cancuna chashnallata ruracushcatapash. 11 Ranti chashnallata cushihuan tucurinaca-ma rurashpa catincapac munanchic, chashna cancuna chapashca allipacha pactarichun. 12 Ama cancuna quillaisiqui tucuncapac-mi munanchic; ashtahuan ininapi purishcamanta, mana sanpayashpa catishpa, Dios cusha nishcata chasquicuccunapac causaita cancana catincapacmi munanchic. 13 Dios Abrahanta cusha nishcapi, paipac quiquin causairaicullata sinchi shimita nirca, mana shuc paimanta yalli jatun tiyacpi; 14 cashna rimarca: "Ari, ñuca canta achcatami bendisiashca, canpac aillucunata achcatami mirachisha". 15 Abrahan mana piñarishpa chaparca, chairaicu Dios cusha niscata pai chasquirca. 16 Runacuna sinchi shimita nishpa, paicunamanta yalli ushaiyuc-raicu sinchi shimita ninun; imamantapash sinchi shimita nishpa, chaipi ña mana imamantapash astahuan rimaipac tucun. 17 Chairaicu Diospash, pai cusha nishcata sinchi shimihuan nirca; chashna, pai cunca rashcata chasquinca raccunata ricsichinayarca, pai rimashcamanta ña mana shucta ruranca rashcata. 18 Shina cacpi ishcai pactachinacuna tiyanun, caicunapi Dios ñucanchicta mana llullana ushan: Cusha nishca, sinchi shimita mshca. Yapa achcami chaica ñucanchic chapashcata tarincapac, tucui imacunata saquiccunata sinchicuchincapac. 19 Chai chapana ñucanchic almata sinchi mana cuyuchipac japicun, shuc jillai sillu shuc barcota ama rincapac japicushca shina. Chai chapana, Diospac jahua pachapi tiyac huasipi, mana pi yaicuipac huashamanmi yaicushca, 20 chaiman Jesus ñucanchicta ñanta ricuchincapac ñaupac pactarca; chashna pai huiñai causana Jatun Pacri Apu tucushca, Melquisedec cashca shinallata.
1 Cai Melquisedec Salemmanta rey, jatun Diospac pacriyaya carca. Abrahan reicunahuan macanacushpa, paicunata yallishca huasha ticramucushcapi, Melquisedec paihuan tuparicrishpa paita bendisiarca; 2 chaipi Abrahan pai macanacushcapi tucui japishcamanta ansata paiman curca (diezmo nishcata). Melquisedec shuti "cusca taripac rey" rimanayan; pai Salemmanta rey carca, Salemca "ganas causai" rimanayan, chairaicu "ganas causaita cuc rey" rimanayan. 3 Paipac yayamanta, mamamanta, aillucunamanta mana yachai tiyanchu; pai pacarishcamanta pai huañushcamantapash mana rimai tiyanchu; pai Diospac Churipac ricchai can, huiñai pacriyaya cashcapi. 4 Cunan yuyarichic ima shina jatunta Melquisedec carca, ñucanchic aulu Abrahan jinu pai reicunahuan macanacushcapi tucui pai quichushcamanta ansata paiman cuncapac. 5 Moisespac camachic quillcapi rimashca shina Levipac aillumanta pacriyayacunaman runacuna tucui imacunamanta chuncapi raquishcamanta shuc raquishcata cuna canurca (chai can diezmo), paicunapac aillucana cacllapita, paicuna shinallata Abrahanmanta huahuacuna cacllapita. 6 Ranti Melquisedec, mana Levipac aillumanta cashpapash diezmo nishcata Abrahanta mañarca, pai Dios cusha nishca shimita chasquishca cacpipash. Chashna Melquisedec Abrahanta bendisiarca; 7 bendisiac runa bendisiai tucucmanta yalli jatun cashcata ricunalla can. 8 Cai causaipi, diezmo nishcata mañaccuna huañuna runacuna canun; ranti Dios quillcashca shimipi Melquisedecmanta rimashpa, chaira causacucpi shina riman. Rimacpi, Levipac aillumanta pacriyayacuna, cunan paicuna diezmo nishcata mañac canun; ña paicunapash diezmo nishcata cunushca mari, Abrahan Melquisedecman diezmo nishcata cushcapi; 10 rimacpi, Melquisedec Abrahanhuan tupacrishcapi, ña paica aicha ucupi chaira mana pacarishca aillucunata aparayarca mari. 11 Levipac aillumanta pacriyayacunapac maquipi IsraeI runacuna camachic quillcata japinurca, paicunaca Aaronpac aillucuna canurca. Chai pacriyayacuna, camachic quillcata caticcunata, pacta runacuna rurana ushashcapi, mana shamuna tucunman carca shuc pacriyaya, ña mana Aaron shina, Melquisedec shina ashtahuan. 12 Shuc laya pacriyayacunata churashpa, camachic quillcatapash shuc laya rurana tucun; 13 Jesus, tucui chaipi paimanta rimacun, Israel shuc aillumantami can, chai aillumanta mana shuc pacriyaya tiyashcachu. 14 Ñucanchic pacta yachanchic Apunchic Juda aillumanta cashcata; chai aillumanta Moisesca mana imatapash rimarcachu, pacriyaya canamanta rimacushcapi. 15 Chai ashtahuan yapa pasacta ricuchicun, chai mushu ricurimuc pacriyaya, Melquisedec shina pai cacpi; 16 paica mana chai aillumanta yayapacri tucuna quillca rimashcaraicu-chu pacriyaya carca, mana huacllichipac causai ushairaicumi pacriyaya carca. 17 Caitami Dios paimanta riman: "Can huiñai pacriyaya causanami canqui, Melquisedec cashca sina". 18 Chashnamanta ñaupa rimashca tucurirca, sanpa, mana alli cashcaraicu, 19 Moisespac camachic quillca mana imatapash pacta rurarcachu; chai rantimanta shuc alli chapanata charinchic, pairaicu Diosman mayanyanchic. 20 Dios sinchi shimi nishcahuan caita curca. Shuc pacriyayacunaca mana sinchi shimi nishcahuanchu shayachish-ca canurca; 21 ranti Apunchicmanta rimacpica, shuc sinchi shimi nishcami tiyarca, cai Dios quillcashca shimipi tiyan: "Apunchic shuc sinchi shimita nirca, huashaman mana ticrancachu: Can huiñai pacriyaya canqui". 22 Chashnami Jesus, cai cunacushca shimi chaishucmanta ashtahuan alli cashcata ricuyac can. 23 Chaishuc pacriyayacuna achca canurca huañuiraicu mana chicapac causana ushashcamanta; 24 ranti Jesus mana huañuc cashcaraicu, pai pacriyaya cashcata manapi rana japina ushan pai rantimanta. 25 Chashnamanta pairaicu Diosman mayanyaccunata chicapac quishpichinata ushan, paicunaraicu Diosta mañancapac huiñaipac causac. 26 Shina, Jesus ñucanchic mutsushca jinu pacriyaya can. Pai chuya shuncuyuc, jucha illac, mana ticllayuc can, juchasapacunamanta chicanyachishca, jahua pachamanta ashtahuan yallipi churashca can. 27 Mana chaishuc jatun pacriyayacuna shina can; paicuna huacracunata huañuchina tucan, caran puncha camarita ricuchincapac, paipac juchacuna-raicu, chai huasha tucuicunapac juchacunaraicu. Chaipac rantimanta, shuc cutilla huiñai camarita ricuchirca, paillata camari tucushpa. 28 Moisespac camachic quillca mana pactachishca runacanata jatan pacriyayata shayachin; ranti Dios sinchi shimita nishca camachic quillca huasha rurashca cashpa, paipac Churita jatun pacriyayata shayachin, paita huiñai pactachishca cancapacmi rai tucushca.
1 Tucui rimacushcamanta ashtahuan jatunmi ñucanchic jatun pacriyaya jahua pachapi Diospac tiyarinamanta yachac maquiman pai tiyarishca; 2 chaipi pacriyaya ruranata Diospac quiquin huasipi ruracun, chai huasi Apunchic rurashca can, mana ruracuna rurashca. 3 Tucui jatun pacriyaya camarita ricuchincapac shaya-chishca can, chairaicu Jesucristopash charina tucun imallapash ricuchina ushancapac. 4 Cai allpapi pai causacushpa, mana pacriyayallapash canmanchu, caipi ña pacriyayacuna tiyanun, Moisespac camachic quillcapi rimashca camanta ricuchincapac. 5 Ranti chai pacriyayacana jahua pachapi tiyashca imacunata catichishca shina, llantushca shinallahuan Diosta chacchanun. Yachanchic catichishpa rurashca cashcata, Moises Diospac huasita runanca rashcapi, Dios paita cashna rimashcaraicu: "Allita yuyarishpa ñuca canta urcupi ricuchishcata shina catishpa rurai". 6 Ranti ñucanchic jatun pacriyaya, yalli alli Diosta chacchanapi llancashpa, Dios-huan runacunahuan ashtahuan alli cunacushca shimihuan llutachirca, yapa alli cushami nishcacunahuan. 7 Ñaupac cunacushca shimi alli cashcapi, mana cuti shuc cunacushca shimi tiyanmanchu carca. 8 Ranti Dios chai runacunata mana pactachishcacunata tarishcaraicu, nirca: "Apunchic riman: Israelhuan Judahuan mushu shimi curina punchacunapi pactamununca. 9 Cai cunacushca shimi mana paipac rucucunahuan rurashca shinachu canca, paicunata maquimanta japishpa Egipto allpamanta llucshichincapac racushcapi shina; cunacushca shimita paicuna mana pactachishcaraicu, ñuca paicanamanta chicanyarcani, Apanchic riman. 10 Chai punchacuna huasha Israelhuan cunacushca shimi caimi canca, Apanchic riman: Ñuca quillcacanata paipac umapimi churasha, paipac shuncupimi quillcasha. Ñucami paicunapac Dios casha, paicunaca ñuca runacunami canunca. 11 Apunchicta ricsincapac cancunapura, shuc llactamantapura, aillupura yachachinacancapac mana mutsurincachu, tucuicuna-mi ricsihuanunca, uchillashitumanta ashtahuan yalli jatanca-ma. 12 Paicuna mana alli rurashcamanta cuncarishami, mana cuti paicanapac juchacanata yuyarishachu". 13 Dios mushu shimi curinamanta rimashpa, ñaupa cunacushca shimi mauca cacpimi chashna riman; ña maucayashpa mana alli cac ansalla pishin chincarincapac.
1 Ñaupa cunacushca shimipi ima shimi Diospac huasipi paita chacchana cashcata yachachincapac tiyarca. 2 Huasica cashna shayachishcami carca: ñaupacman taber-naculo nishca, chaipi candelabro nishca, shuc mesa Diosman camari shina cushca tantacunantin tiyanurca. 3 Huashanipi huarcuchishca llachapa huashapi, chaipi Santisimo nishca carca; 4 chaipi shuc curimanta altar sumiriu rupachincapac tiyarca, cunacushca shimita ricuchic arca nishcapash chaillapita carca, tucui pai curilla armachishca. Chai arca ucupi, shuc curimanta uchilla puru tiyarca, chaipi "mana" huacaichishca tiyarca; chaillapita Aaronpac huiñarishca taana cunacushca shimita ricuchic rumi palacunapash canurca. 5 Arca jahuapi querubincuna chaipi churashca canurca, Dios chaipi cashcata ricuchincapac, chaicuna paicunapac ricracunahuan arcata quillpaccunata llanturanurca. Ranti tucui chaicunamanta canan ashtahuan rimancapac mana allichu. 6 Chashna tucui allichishcapi, tucui pachapi pacriyayacu-na yaicuranun huasi ñaupac panpaman, Diosta chacchanata rurancapac. 7 Ranti huashanipi jatun pacriyayalla yaicun, caran huatapi shuc cutilla; pai yaicushcapi huacra yahuarta apana tacun, pairaicullata ranacanapac juchacunaraicupash ricuchinca-pac. 8 Chaihuan ñucanchicta Diospac Samai caita atipachin: tanpu ñaupacpi tiyac panpapi Diosta chacchachincapac ruranata pactachicucpi Diospac quiquin huasiman rina ñan chaira mana pascara carca. 9 Tucui chaicuna cunan yachachincapac canun; chaipi Diosman ricuchishca camaricuna, Dios cushca ñucanchic ucupitiyac yuyaita mana pactata rurana ushan chashna chacchacunata. 10 Upianamanta, micunamanta, shuncu chuyacyachincapac rurashcacunallami canun; chaicunaca ima shina rurana cashcata yachachincapacllami canun; chaicunata pactachina tucun Dios shuc laya ruranacunata rurachinacama. 11 Ranti Cristo ña shamurca, cunanca paimi chicapac Dios cuyashcacunamanta jatun pacriyaya can. Pacriyaya shina pai tiyashca Diospac huasica yalli alli, yalli pactami can, chaica mana runacuna rurashcachu can; nicpica, mana cai pachamantachu. 12 Ña Cristo Diospac huasipi yaicushca mari, huacra yahuarta ña mana ricuchincachu, chaipica ashtahuan quiquin paipac yahuarta jinumi ricuchinca; shuc cutilla yaicushpapash chicapac yaicushca; chashna, huiñai quishpinata ñucanchipacta tarishca. 13 Shutimi cari huacra yahuar, chivo yahuar huarmi huacrata altarpi rupachishca ushpantin, jahuallata chicanyachincapac alli canurca, ticllayuccana jahuapi tallichicpi ushaita charirca paicunata pichancapac. 14 Chai chashna cacpi, ¡ima shina ushaita chari Cristopac yahuar charmca! Cristo, huiñai Samairaicu paillata Diosman curirca mana ticllayuc camari shina, paipac yahuarca ñucanchic ucupi tiyac Diospac yuyaita pichan mana alli rurashcaraicu huañuiman rirashcamanta, causac Diosta ñucanchic yanapana ushancapac. 15 Chairaicu, Jesucristo paipac huañuihuan, runacuna Dios—huan shuc mushu shimi cushcahuan llutachina usharca, ñaupa cunacushca shimipi juchallishcacuna pichai tucuna ushancapac, Dios cayashcacunapash huiñai paicuna japina cashcata pai rimashca shina chasquina ushancapac. 16 Cushca shimi pactachipac tucuncapac, ñaupacta allipacha yachana tucun chai shimita cuc runa huañurcachu imata. 17 Cushca shimi mana pactachipacchu tucun, chai shimi cuc runa chaira causacucpi; huañucpi, chai shuti. 18 Chairaicu, yahuarta tallichishpa ñaupa cunacushca shimi tiyarca. 19 Tucui rurai nishcacunata tucui runacunaman Moises ricsichirca; chai huasha puca huacra millmata, hisopo nishca pallcatapash japishpa, huacra yahuarhuan yacuhuan masachishcapi jucuchishpa, camachic quillca panca jahuapi, tucui runacuna jahuapipash chausichirca. 20 Chaipi paicunata nirca: "Cai yahuarmi Dios cancunahuan cunacushca shimita sinchicuchin". 21 Chai huasha Moises Dios rurachishca huasi jahuapi tucui imacuna jahuapi Diosta chacchanapi liancacushcacuna jahuapipash yahuarta chausichirca. 22 Camachic quillcapi, ñalla tucui imacunata yahuarhuan maillachincapac riman; yahuarta mana tallichicpi, juchamanta quishpma mana tiyan. 23 Jahua pachamanta catichishpa rurashcalla imacunata chuyayachincapac chai tucui camaricunata ricuchina tucurca; ranti jahua pachamanta imacunaca chaicunamanta ashtahuan alli camaricunata mutsunun. 24 Cristoca mana runacuna rurashca Diospac huasipichu yaicurca, chaica Diospac quiquin huasi cashcata ricuchicllami can; paica quiquin jahua pachapi jinumi yaicurca, chaipi cunan Diospac ñaupacpi tiyan ñucanchicraicu mañancapac. 25 Mana achca cuti camari shina curincapacchu yaicurca, jatun pacriyaya rurashca shina, paica Dios rurachishca huasipi yaicushpa chican yahuarta camaripi ricuchin. 26 Chashna cashcapi, Cai pacha callarishcamanta achca Cristo huañuna tucunman carca. Ranti cunan pacha tucuricushcapi, Cristo shuc cutilla huiñaipac ricurishca, juchata auchuchincapac paillata camari shina curishpa. 27 Tucuicuna shuc cutilla huañununca, chai huasha taripai tucununca; 28 chashnallata Cristopash shuc cutilla camari shina ricuchi tucurca achcacunapac juchata pichancapac. Chai huasha, cuti ricurimushpa, ña mana juchacunaraicuchu shamanca, paita chapacuccanata quishpichincapacmi canca.
1 Moisespac camachic quillca tucui alli shamunca rashcamanta llantushca shinallami carca, mana shamunca racuc jinu. Chairaicu camachic quillca imata rashpapash mana pactata rurana usharcachu chai camarillata caran huata Diosta ricuchincapac mayanyaccunata. 2 Camachic quillca alli shutipacha juchamanta quishpichic cacpi, ña jucha paicunapi mana tiyanmanchu, camari ricuchinata ña saquishcami canunman. 3 Ranti cai camaricunaca paicunapac juchamanta caran huata yuyachincapac alli canan; 4 huacra yahuar, chivo yahuar, juchacunamanta paicunata mana quishpichinata usharcachu. 5 Chairaicu Cristo cai pachaman pactashcapi Diosta rimarca: "Camarita mana munanqui, chaipac rantimanta shuc aichata, cuhuashcanqui. 6 Juchata pichancapac rupachishca aichata runa cuyashcacunata mana allihuan ricunqui. 7 Chashnapi rimarcani: Caipimi cam, quillcapi ñucamanta rimashca shinallata, can munashcata rurancapac, Dioslla". 8 Ñaupa riman: Dios mana munanchu, mana allihuanchu ricun camarita, huañushca huacrata, rupachishca aichatapash juchacanata pichancapac, camachic quillcapi ricuchina rimacpipash. 9 Chai huasha yapachin: "Caipi shamuni can munashcata pactachincapac". Nicpi cai can, callarr camaricunata anchuchishpami, chaipac rantimanta shuc mushuta churan. 10 Dios ñucanchicta chicanyachishca, Jesucristo paipac quiquin aichata camari shina shuc cutilla Dios munashca shina ricuchishcaraicu. 11 Judio pacriyayacuna tucui puncha paicana ruranata pactachin, achca cuti chai laya camarillata ricuchishpa catinan, chaicuna juchamanta mana llushpichina cacpipash. 12 Ranti Jesucristo shuc cuti juchacunaraicu shuclla camarita ricuchirca, chai huasha Diospac yachac maquiman tiyarirca. 13 Chaipi chapacun Dios paita chinicunata paipac chaqui samana ruranacama, 14 shuc camariraiculla huiñai pactata rurarca Diosman chicanyachishcacunata. 15 Diospac Samai cai shimita ashtahuan sinchicuchin, caita rimashpa: 16 "Chai punchacuna huasha ñuca paicunahuan cunacushca shimi, caimi canca, Apunchic riman: Paipac shuncupimi ñuca quillcacunata churashpa, paipac umapica quillcashami. 17 Paicunapac juchamanta, paicuna mana alli rurashcamanta mana cuti yuyarishachu". 18 Shina, juchacunamanta quishpichishca cashcaraicu, ña camari ricuchina mana tiyana can. 19 Chashnamanta, huauquicuna, Jesucristopac yahuar-raicu mana manchashpa cunan Diospac huasiman yaicuna ushanchic, 20 mushu ñanta catishpa, paillata jarcata rishpa pascashca causaita cuc ñanta, nicpi, paipac quiquin aichata rishpa. 21 Jesusmi ñucanchic jatan pacriyaya, Diospac huasipi ricuccama can; 22 chairaicu cusca shuncuhuan, inina sinchi charishccahuan Diosman mayanyana canchic, ñucanchic ucupi tiyac Diospac yuyai sumac chuya ñucanchic aichapash chuya yacuhuan sumacta maillarishca. 23 Inina chapana charishcapi, sinchi tucushpa, mana ishcai yuyariscahuan catishun, Dios pai chapana charishcapi, sinchi tucushpa, mana ishcai yuyarishcahuan catishun, Dios pai cusha nishcata pactachina cashcaraicu. 24 Llaquinata ashtahuan charincapac, allicunata rurancapac tucuipura yanaparishun. 25 Ñucanchic tantarinacunaman ama pishiyashun, maicancuna pishiyashca shina, ashtahuan tucuipura cariyashanchic; tucuipura ashtahuan cariyashca tiyachun Apunchipac puncha mayanyashcata ricushcaraicu. 26 Shuti cashcata ricsishca huasha, munashpa jucha Cashcata ruracpi, ashtahuan camari mana tiyanchu ña; 27 manchaipac taripanallata, Diosta piñaccunata ñacachishpa rupachic ninallatami chapana tucushun. 28 Maicanpash Moisespac camachic quillcata mana uyashpa juchallishcapi, ishcai quimsa ricuyac paita cautsayachincapac tiyacpi, mana ansallapash llaquishcahuan huañuchi tucun. 29 ¿Diospac Chu-rita jaitashcaraicu, paipac yahuarta chicnishcaraicu, paicunata llaquic Diospac Samaita piñashcaraicu, ashtahuan pishilla ñacachinatami charinuncamichu yuyanquichic? Chai yahuarmi cunacushca shimita sinchicuchic can, chai yahuarhuan chican-yachishca paicuna tucunushca. 30 Apunchic caita rimashcata yachanchic: "Ñucami taripasha, ñucami canata cusha". Caita-pash rimashca: "Apunchicmi paipac runacunata taripanca". 31 ¡Causac Diospac maquipi urmana manchaipacmi can!. 32 Ranti yuyarichic cancuna callari pachapi, cancuna achicta mushu chasquishcapi ñacarinacunata sinchi tucushpa yallircanquichic. 33 Cancunamanta maicancuna, runacuna ñahuipi piñai tucushpa macai tucurcanquichicpash; cuti shuc-cunaca, chashna rurai tucuccunahuan ñacarinapi llutarinurca. 34 Chunta curralpi quillparaccunamanta cancuna llaquirircan-quichic, cancuna charishcacunata cushiyashcahuanpash quichui tucurcanquichic, jahua pachapi tiyashca ashtahuan alli, mana tucuric cashcata yachashpa. 35 Cancuna chapashcata ama jichuichichu, paica alli cuyanatami cancunaman apamunca. 36 Smchicuna canquichic cancuna ñacarina tiyashcapi, Dios munashcata rurashpa, chashna pai cushami nishcata chasquincapac. 37 Camachic quillca caita mari nin: "Utca, cunanshitumi shamunca racuc pactamunca ran. Mana anayancachu. 38 Ñuca jucha illac runa ininaraicu causanca; ranti huashaman ticracpi, ña mana llaquishcahuan paita ricushachu". 39 Ñucanchicta, mana huashaman rishpa chinca-ricchu canchic, inina charishcaraicu quishpinaman pactaccuna-mi canchic.
1 Inina charina canmi, chapashcata allipacha japmca rashcata yachana; ñucanchic mana ricushca imacunata, alli shutipacha ricushca cacpi shinami charina. 2 Inina charishcaraicu Dios alli llaquirca ñucanchic aulucunata. 3 Yachanchic inina charishcaraicu Dios cai pachata paipac shimihuan rurashcata, tucui cunan ñucanchic ricucushca, mana ricurishcamanta rurai tucurca. 4 Inina charishcaraicu, Cainmanta ashtahuan alli camarita Abel Diosman ricuchirca, chairaicu Dios paita jucha illac shinata chasquirca, paipac camaricunatapash chasquirca. Shina, Abel huañushca cashpapash, pai inina charishcahuan cananpash ñucanchicta chaira yachachicun. 5 Inina charishcaraicu, Enoc causacushcallapita ama huañuncapac pushai tucurca; ña paita mana tarinurcachu, Dios pushashcaraicu. Dios quillcashca shimipi nin, chaira mana pushai tucushcapi, Enoc Diospac ñaupacpi alli cashcarca. 6 Ranti, inina mana charishpa Diosta mana cushiyachipacchu can, Diosman mayanyancapac pai causashcata paita mashcaccunata cuyac cashcatapash inina can. 7 Inina charishcaraicu Noe, Dios paita chaira mana ricuipaccuna shamunca rashcata rimacpi uyashpa, tucui paipac aillucunata quishpichincapac jatun canoata rurarca. Chai inina charishcaraicullata, cai pachamanta ranacanata cautsayachishpa, paica inina charishcamanta quishpinata tarirca. 8 Inina charishcaraicu, Abrahan Dios cayacpi uyashpa Dios paiman cunca rashca allpaman rirca. Paipac allpamanta llucshishpa maiman rirashcata mana yachashpapash rirca; 9 inina charishcaraicu Dios paita cushami nishca allpapi chican runa shina causarca. Chai cusha nishcata cui tucuc Isaac, Jacob shina, paipash tanpucunapi causarca, 10 Abrahan sinchi sapicunahuan shayachishca llactata chapashcaraicu; chai llactamanta amu, quiquin shayachic Diosllata can. 11 Inina charishcaraicullata, Sara huahuata mana charina ushashpapash, Abrahanpash yapa rucu cacpi, paica ushaita chasquirca yaya tucana ushancapac, Dios mana pishiyashpa pai cusha nishcata pactachinapi inishcaraicu. 12 Shina Abrahan, ña paipac punchacuna tucurina mayanlla cacpipash mana yupaipac achca aillucunata charirca, jahua pachapi ricuric cuillurcuna shina, ñucñu yacu patapi tiyac tiyu shina. 13 Tucui cai runacuna Dios cusha nishcata mana chasquishpa huañanurca; ranti inina charishcamanta, carumanta ricunurca, paicunata yapa yuyarinurca. Chaipi paicunallata atipanurca cai pachapi chican puricuc shinalla paicuna cashcata. 14 Chaita chashna rimaccunaca quiquin mama—allpata mashcashcata ricuchinun. 15 Paicuna llucshishca allpamanta chaira yuyaricushca cashpa, maillapash chaiman ticrana ushanunman carca; 16 ranti paicuna ashtahuan alli mama-allpata munanurca, nicpi, jahua pachata. Chairaicu Dios mana pincarin paicunapac Dios rimai tucuna, paica shuc llactata allichishcata mari paicunapacta charin. 17 Inina charishcaraicu, Abrahan, Dios paita camashcapi, Isaacta camaripi paita ricuchincapac japirca. Paipac shuclla churita Diosman camaripi mana mitsashpa ricuchina yuyaita charirca, Dios paita rimashca cacpipash: 18 "Isaac-raicumi canpac shutihuan catic aillucunata charinqui". 19 Abrahan alli pacha mari yacharca Dios huañushcacunatapash causachina ushai charishcata; chairaicu Abrahan churita causac cutichi tucurca; chashna pai shuc unancha shina tucurca. 20 Inina charishcaraicu, Isaac huasha pachapi bendisioncu-na tiyancami Jacobta Esauntin rimarca. 21 Inina charishcaraicu, Jacob, pai ña huañunca rashcapi, caran Josepac churicunata bendision tiyancami nishpa shimita curca, Diostapash chaccharca paipac taunahuan sinchicurishpa. 22 Imna charishcaraicu, Jose pai huañucushcapi, Israel runacuna Egipto allpamanta huasha llucshinuncami rimarca, paipac tullucunata ima rurana cashcata chaipi rimarca. 23 Inina charishcaraicu, Moises pacarishcapi, yaya mama paita quimsa quilla tuputa pacanurca; sumac huahua cashcata ricushcaraicu, mana manchanurcapash jatun curaca cari huahuacanata huañuchina rimashca tiyacpipash. 24 Inina charishcaraicu, Moises ña rucu cashcapi, Egipto-manta jatun curacapac ushushipac churi rimai tucuncapac mana munarca; 25 ashtahuan Diospac runacunahuan pacta macai tucushpa causanata munarca, mana unayana cushiyaita juchata rurashpa charina rantimanta. 26 Dios acllashca cashpa, ñacarina ashtahuan yapa alli cashcata ricurca Egiptomanta cullquihuan sumac causana rantimanta; Dios cuyaita paiman cuna cashcapi ñahuita churashpa causashcaraicu. 27 Inina charishcaraicu, Moises Egipto allpamanta llucshirca, rey piñarina cacpipash mana ansa manchashpa; pai yuyarishcallata rurashpa causarca, mana ricuric Diosta ricucuc shina. 28 Inina charishcaraicu, Moises Pascua raimita rurarca, chaipi huasi puncucunata yahuarhuan jahuichirca, huañuchic angel Israelmanta ñaupac pacaric huahuacunata ama shucllapash llancancapac. 29 Inina charishcaraicu, Israel runacuna Puca Ñucñu Yacuta chaquishca allpa cacpi shina chaquihuan catinurca; huasha, egipciocuna chashnallata rina munashpa, yacupi huañanurca. 30 Inina charishcaraicu Jerico llactamanta rumi quinchacuna tularinurca, Israel runacuna quincha mayanta canchis puncha purishcapi. 31 Inina charishcaraicullata, nuspa huarmi Rahab, mana uyaccunahuan mana huañurca, Israelmanta pacalla ricuccamacunata alli chasquishcaraicu. 32 ¿Chaira rimana tiyanchu? Gedeonmanta, Baracmanta, Sansonmanta, Jeftemanta, Davidmanta, Samuelmanta, profetacunamanta rimancapac yapa achcami yachihuan. 33 lnina charishcaraicu llactacunata amuyanurca, cusca taripaita charinurca, Dios cushami nishcata chasquinurca, pumacunapac shimita quillpanurca; 34 sinchi ninacunata huañuchinurca, mircanuhuan cuchui tucushpa huañunamanta quishpinurca, sanpayashcamanta ushaita surcushpa macanacuipi sinchi tucunurca, paicunata piñaccunata achca cacpipash yallinurca. 35 Maican huarmicuna paicunapac huañushca aillucunata cuti causarimushcata tarinurca. Shuccunaca ñacachi tucushcamanta quishpichinca ninucpi, mana munashpa, ashtahuan chaipi huañunurca, ashtahuan alli causanaman causarinata munashpa. 36 Shuccunaca asi tucunata, llipachishcata, jillai huascahuan huatai tucushpa, quillpai tucushpa ñacarinurca. 37 Shuccunaca rumihuan huactachishca huañunurca, chaupica serruchuhuan aichata piti tucushpa, mircanuhuan cuchui tucushca imapash huañunurca; caiman chaiman purishcapi oveja carallahuan, chivo carallahuan churarishcacuna puric cachanurca; llushticuna, llaquirishca, tucuicuna macashca. 38 Cai runacuna, shuti pacha rimacpi, mana cai pachapi causanachu canurca, paicuna maiman rirashcata mana yachac purinurca chunlla allpata, urcucunata, allpa jutcucanata, mai allpa huasicanata. 39 Shina cacllapita, paicunamanta manapi Dios cusha nishcata chasquircachu, paicuna inina charishcaraicu alli llaquishcacuna cashpapash; 40 Dios ñucanchicta yuyarishca-raicu, ashtahuan allita ruranca rarca, ñucanchic-huan llutarishpalla pacta runacuna tucanuchan.
1 Chairaicu ñucanchic, chai tucui inina chariccuna ucupi tiyashpa, tucui ñucanchicta quillachicucmanta, ñucanchicpi llutarisiqui juchamantapash chausirishun, mana Sanpayashpa callpashun ñucanchicta chapacuc camai tucunapi. 2 Ñucanchic ñahuita Jesuspi churashan, paimantami ñucanchic inina shamun, paimi chai ininata pacta ruran. Jesus cruspi ñacarirca, chashna huañuna pincaipac cacpipash mana pincarishpa; pai yaCharca, ñacarishca huasha sumacyachina, cushiyana charina cashcata; chai huashaDiospac tiyarinamanta yachac maquiman tiyacun. 3 Chashnamanta, Jesus ricuchishcapi yuyarichic, jucha-sapacunamanta chai tucuita ñacarirca; chairaicu cancuna ama sanpayaichicchu. 4 Cancuna juchahuan macanacushcapi chaira huañunaman mana pactashcanquichicchu, 5 Dios cancuna paipac churicuna cacpi camachishcata cuncarishcanquichic mari. Dios quillcashca shimipi nin: "Huahua, Apunchic yachachishpa rimacpi, paita uyai, pai canta piñacpipash ama sanpayaichu. 6 Apunchic pai llaquishcatami yachachishpa camachin, churita shina chasquishpami ñacachin". 7 Ña-cachishcata cancuna allihuan chasquicpimi, Dios cancanata churita shina ricunca. ¿Maican churillaca yayapacpi mana piñai tucuc tiyanchu? 8 Ranti Dios cancanata mana tucui paipac churicanata shina piñashpa camachicpi, cancuna mana quiquin paipac churicunachu canquichic, huaira huahuacunami canquichic. 9 Chairapash rimacpi, ñucanchic chaira huahua cashcapi, cai allpapi ñucanchic alliyancapac yayacuna piñanurca, ñucanchicca paicunata uyarcanchic. Cunan, ñucanchic jahua pachamanta Yayata causaita charmcapac uyana ashtahuan yapa alli mari can. 10 Ñucanchic yayacuna cai pachapi mana unayana causaita causacushcapi alliyancapac camachinurca, paicana munashca tuputa; ranti Dios ñucanchic quiquin allipac camachin, pai shina chuya shuncuyuc tucuchun nishpa. 11 Alli shuti pacha rimacpi, tucui ñacarina mana pacha allichu ñacaricushcapi jinu, nanac can; ranti allita yuyarishcapi, ñacachi tucushcaraicu ganas causaita tupashpa, pai jinu cuscayan. 12 Chashnamanta, cancuna sanpayashca maquicunata, chucchuricuc cuncuricunata sinchicuchichic, 13 cusca ñanta mashcaichic, jancayashca chaquita janpichun ama ashtahuan quihuirincapac. 14 Tucuicunahuan alli causaichic, chuya causaita charichic; mana chuya shuncuta charishpa, mana pipash Apunchicta ricuna ushancachu. 15 Allita ricuichic ama pitapash Diospac cuyai pishichun, ama pipash jayac sapiyuc yura shina, runata huacllichic, janpihuan huañuchic cancapac. 16 Cancunamanta ama pipash yumashpa juchallichun, Diosman chicanyachishcata ama chicnichun; chaita Esau rurarca, shuc micunaraiculla pai ñaupac pacaric churi cashcaraicu japinata caturca. 17 Cancuna yachanquichic huasha, yayamanta bendisionta pai chasquina munashcapi, millai tucurca; pai mashna huacacpipash, ña chashna tucushcamanta mana imatapash ruraipac tucurca. 18 Cancuna mana mayanyarcanquichic, israelitacuna shina, chai urcuman; llancaipac cashpallata, nina japirarca, chaipi tuta, yana tuta, sinchi huaira tiyarca; 19 trompeta uyarishcata, Diospac shimitapash cancuna mana uyarcanquichic. Chai shimita uyaccuna ama rimashpa catichun nishpa mañanurca, 20 cai pactachinata mana ashtahuan uyashpa catina ushashcaraicu: "Pipash urcupi chaquita churacpi, rumihuan huactachishpa, tucsinahuan imapash huañuchinami can, huacra cacpi imapash". 21 Ricuricuc yapa manchaipac cashcamanta, Moisesllata cashna nirca: "Mancharishpami chucchucuni". 22 Cancuna chaipac rantimanta, Sion urcuman mayanyashcanquichic, causac Diospac llactaman, jahua pachamanta Jerusalenman, Diosta chacchancapac huaranca huaranca angelcuna tantarishcaman, 23 jahua pachapi shuticanata quillcachishca chari Diosmanta ñaupac pacaric churicuna tantarishcaman. Cancuna Diosman mayanyashcan-quichic, tucuicunata Taripacman, alli runacunapac Dios pactachishcata rurashca samaicunapacman, 24 mushu shimi cunacushcata rurac Jesuspacman, pai jichushca yahuarman, chai yahuar Abelpac yahuarmanta ashtahuan allita ñucan-chicman yachachin. 25 Chairaicu Dios ñucanchicman rimacpi, ama pacha chicninata yuyarinquichicchu. Cai pachapi tiyashcapi Dios paicunata cayacpi mana uyashcamanta, mana pacha quishpi-nurcachu. Ashtahuan ñucanchic mana quishpina ushashunchu, pai jahua pachamanta cayacpi mana uyashpa. 26 Chai unai pachapi, Diospac shimi allpata chucchuchirca, ranti cunan nin: "Cutillata mana allpallatachu chucchuchisha, jahua pachata-pash chucchuchishami". 27 'Cutillata' rimashpa, caipi atipana canchic pai rurashca cuyuchipaccunata anchuchinca ran, mana cuyuchipacmi saquirinca. 28 Dios ñucanchicman cushca pacha mana cuyuchipac can. Pacrachushun chairaicu, Diosta chacchashun allipacha paita yuyarishcahuan, pai manashca shina. 29 Ñucanchic Dios tucuita rupachic nina shina cashcaraicu.
1 Huauquipura shina llaquinacunata ama saquinqui-chicchu. 2 Cancuna huasiman pactaccunata llaquishca-huan chasquichic; chashna rurashpa, mana yachashpallata maicanpi angelcunata maicancuna chasquinurca. 3 Chunta curralpi tiyaccunamanta yuyarichic, chunta curralpi cancunapash paicunahuan tiyacushca shina. Macai tucushpa ñacariccanamanta yuyarichic, cancanapash chashnallatami rurai tucana ushanquichic. 4 Sahuarinata tucuicunata yupaichaichic, sahuarishcapi cuscata causaichic; yumashpa juchalliccunata Dios taripanca, shucpac carihuan shucpac huarmihuan causaccunatapash. 5 Cullquita ama yapalla munaichichu; charishcallahuan cushi causaichic, Dios cashna rimashcaraicu: "Maican punchapash canta mana saquishachu, canta mana jichushachu" 6 Chairaicu cariyashcahuan caita rimana ushanchic: "Apunchic ñucata yanapac can; mana manchashachu. ¿Runa imallapash rurana ushahuancachu?" 7 Pushaccunamanta cancunata Diospac shimita yachachic-cunamantapash yuyarichic; causaipi paicuna cashcata yuyarichic, paicuna ima shina inina charinurca chaita cancunapash catichic. 8 Caina, cunan, huiñai Jesucristo chaillata can. 9 Ama chican, mana ricsishca yachaicunata catinquichicchu. Ñucanchic shuncucuna Diospac llaquinapi sinchicurishcami ashtahuan alli can micunacunata imana micuna cashcata yachashpa catina rantimanta; chai imana micuna cashcata catina manapi ranata yanaparcachu. 10 Chican laya camarita ñucanchic charinchic, chai camarunanta callaripi tiyac Diospac huasimanta pacriyayacuna mana micuna ushanun. 11 Jatun pacriyaya huacra yahuarta Diospac huasiman, juchacunata pichancapac camari shina apan, ranti chai huacracuna aichaca canchamau rupachi tucun. 12 Chashnallata, Jesuspash llactamanta canchaman huañuchi tucurca, runacunata paipac quiquiu yahuarhuan chicanyachinca-pac. 13 Shinacpi, Jesus-huan llactamanta canchaman llucshishun, chaipi pai shinallata pincachishca ñacarishun. 14 Cai pachapica huiñai causana llactata mana charmchicchu, ashtahuan huasha tiyanca racuc llactatami mashcacunchic. 15 Chairaicu Jesucristoraicu Diosta huiñai chacchana canchic. Cai chacchashca ñucanchic ricuchina camarimi can. Shinacpi, paita chacchashunchic ñucanchic shimicunahuan. 16 Yanapanata ama cuncarinquichicchu, tucui cancuna charishcata shuccunahuan chaupichinata ama cuncarinquichic-chu; chashna ricuchishca camaricunatami Dios alli ñahuihuan rican. 17 Pushaccamacunata uyaichic, paicanata catina canquich-ic, cancanata paicuna mana samashpa ricurashcaraicu, paicuna cancunaraicu Diospacpi taripai tucuna mari canun. Paicuna ru-ranata cushihuan pactachinuchun, mana llaquirishcahuan; pai-canata llaquichicpi, cancunapac mana imapapash allichu canca. 18 Ñucanchicraicu Diosta mañaichic, ucupi tiyac Diospac yuyaita cushitami charinchic, tucuipi alli cana munashcaraicu. 19 Cancuna Dios-huan rimarishcapi paita yapa mañancapac munanimi, ñuca cuti cancunahuan tiyacrincapac Dios utcalla manachun. 20 Ganas causaita cuc Dios Apunchic Jesusta huañushcamanta causachirca; ovejacunapac Jatun Michic can Jesus, huiñai cunacushca shimita yahuarhuan sinchicuchishca-manta 21 cancunata tucuipi pactachishca, allicunata rurachun, pai munashcata cancuna pactachincapac; Apunchic Jesucristo-raicu, pai munashcata ñucanchicmanta rurachun. Cristo huiñai jatanyachishca cachan. Chashna cachun. 22 Huauquicuna, cai cariyachic ñuca cancunaman quill-cashca shimicanata casilla shuncuhuan chasquipaichic rimani. 23 Uyaichic: ñucanchic huauqui Timoteo chunta curralmanta ña llushpirishcami; utcalla shamucpi, pushamushami cancuna-ta ricunca riscapi. 24 Cancunapac pushaccamacunata yuyarinimi rimapaich-ic, tucui Diospac runacunatapash. Italiamantacuna cancuna-manta yuyarinunmi. 25 Tucui cancuna jahuapi paipac cuyaita Dios tallichi-chun.
1 Ñuca, Santiago, Diospac Apunchic Jesucristopacpash runa, Israelmanta chunca ishcai miraicunata, tucui pachapi chausuishca causacuccanata yuyarini. 2 Ñuca huauquicuna, cancana yapa cushiyana canquichic tucui llaquicunahuan camai tucushcapi. 3 Cancuna ña pacta yachanquichic, ima shina inina charishcapi camai tucushpa, llaqui tiyashcapi sinchicushpa ñacarincapac yachacunquichic. 4 Shina cashpapash, chai sinchicushca cancunata pactachishca tucunacama pushachun, allipacha rucuyanaman, mana imapash cancuna pishishca. 5 Cancunamanta pitapash yachai pishicpi, Diosta mañachun, paica cuncami; Diosca tucuicunamanmi mana mitsashpa, mana ansapash piñashpa cun. 6 Ranti inina charishcahuan mañana tucan cui tucunata allipacha chapashcahuan; ishcaita yuyaric runa ñucñu yacumanta bacu shinami can, huairapi caiman chaiman tancai tucun. 7 Chai laya runa, Apunchicmanta japishami ama yuyachun; 8 cunan caita, caya chaishucta yuyarishcaraicu paipac causaipipash mana shucllata catin. 9 Tsuntsu huauqui Dios paita jahuayachicpi jatun yarichun; 10 tucuita charicpash jatunyarichun Dios paita uchillayachicpi. Tucuita charic runa quihua sisa shina mana unai huañuc cashcaraicu. 11 Inti llucshishpa sinchita rupachicpi, quihua chaquirin; paipac sisa urmacpi, pai sumac ricuriscushca tucurin. Chashnallatami tucuita charic runa pai charishcacana ucupi chincarinca. 12 Camai tucushcapi sinchicuc runa cushiyachan, camai tucunamanta yallishpa causaitami cuyai tucunca, chaimi Dios paita Ilaquiccunata cusha nishca llautu can. 13 Pipash mana allita rurancapac aisai tucushpa, ama Diosmi mana allita ruran-capac aisahuan yuyachun, Diosca mana ansallapash mana alli ruranata yuyarishcaraicu, mana pitapash mana allita rurancapac manapacha aisancachu. 14 Chaipac rantimanta, amupac mana alli munaicunata mana allita rurancapac aisanun, paicunami munachiranun, paicunami rurachinun. 15 Chai mana alli mu-naicunamanta juchatiyan; ranti jinu juchamanta huañui tiyan. 16 Ñuca llaquishca huauquicuna, ama umarinquichicchu: 17 tucui alli, tucui pacta cac ñucanchicman cushca, jahuamanta shamun, jahua pachapi ricuric tucui cuillurcunata rurac Diosmanta shamun. Dios huiñai paillata can: pai shuc laya tucucpi llantushca mana tiyanchu. 18 Pai, chashna munashcaraicu, shuti shimiraicu ñucanchicman causaita curca, tucui pai rurashcacanamanta ñucanchic ñaupaccana cancapac. 19 Caita yuyaripaichic, llaquishca huauquicuna: tucui cancana uyanalla chapacana canquichic, ranti allimanta rimana, allimanta piñarina canquichic. 20 Piñarishca runa mana mari Dios munashcatachu ruran. 21 Chashnamanta, tucui ticllayucta maitapash juntarac mana alli ruranata saquishpa, cancuna shuncupi tarpushca cushi shimita uchilla shuncuyashcahuan chasquichic; chai cushi shimi cancunata quishpichincapac ushaita charinmi. 22 Ranti chai cushi shimita uyanalla mana pactachu can; pactachinami can, mana chashna rurashpa cancunallatami umachiricunquichic. 23 Pipash cushi shimillata uyashpa mana pactachicpi, rirpupi ñahuita ricuric runa shinami can: 24 amullata ricurin, ranti huashaman tucushpa pai imana cashcata cuncarin. 25 Ranti uyashcata mana cuncarishpa, pacta cac camachic quillcata allita ricuc, chai camachic quillca rimashcata pactachishcamanta sinchicushpa causashpa, pai rurashcahuan cushimi causanca. 26 Pipash inina caticmi cani amullata yuyarishpa, ranti paipac calluta mana jarcana ushashpa, amullata umaricun, paipac inina yanca can, mana imapash alli. 27 Chuya inina, mana ticllayuc inina Dios Yayapac ñaupacpi caimi can: Huaccha huahuacunata, huaccha huarmicunata paicuna llaquirishcapi yanapana, cai pachamanta ticllahuan mana ticllayana.
1 Cancuna, ñuca huauquicuna, jatunyachishca Apunchic Jesucristopi iniccuna cashpa, runacunata mana chican chican ricana canquichic. 2 Cancuna tantarishcapishi shuc rana maquipi curimanta shihuiyuc yaicunman, sumac churanayuc, cuti shuc tsuntsu runapash mapayashca churanahuanshi yaicunman. 3 Cancunaca sumac churarishcata ricushpa rimanquichic: "Cai ñaupacpi tiyari". Ranti tsuntsutaca: "Canca chaiman shayari, mana cacpi, chai allpapi tiyari", rimanquichic; 4 ña chashna rurashpa cancunapurallata chicanyachicanquichic, mana alli yuyaihuan taripacanquichic. 5 Ñuca llaquishca huauquicuna, caita uyapaichic: cai pachamanta tsuntsucunatami Dios acllashca, ininapi tucuita chariccuna cancapac, paita llaquiccunata pai cusha nishca pachata shuc japina cashcata shina chasquincapac; 6 ranti cancuna paicunata millanquichic. ¿Manachu cullquisapacuna cancuna charishcata quichuccuna canun?, ¿paicunallata apucunapac ñaupacman manachu cancanata aisashpa pushanun? 7 Cancuna jahuapi rimashca Cristopac sumac shutita, ¿manachu paicuna piñac canun? 8 Dios quillcashca shimipi rimashca shina, tucuicuna-manta yalli camachic quillcata pactachishpa, allita ranquichic: "Shuccunata can quiquinta llaquishca shinallata llaquinqui". 9 Ranti runacunata chican chican ricushpa, juchata ruranquichic, cautsayashca saquirinquichic Dios rurai nishca ñaupacpi. 10 Shuc runa tucui camachic quillcata uyashpallata, ranti shuclla pactachinata mana pactachishpa, cautsayashca tucun camachic quillcamanta tucui chaishuc pactachina ñaupacpi. 11 "Shucpac carihuan shucpac huarmihuan ama causanquichu" rimac Diosllata "Ama huañuchinquichu" rimarca. Shina, shucpac carihuan shucpac huarmihuan mana causashpallta, ranti huañuchishpaca, ña mana uyan camachic quillcata. 12 Quishpichina apamuc camachic quillcapi taripai tucunca racuccuna shina rimana canquichic, chashna causanapash canquichic. 13 Shuccunamanta llaquirinata mana chariccuna, paicunapash mana llaquirishcahuanchu taripai tucununca; ranti shuccunamanta llaquiricunaca taripai tucushcapi atishpami llucshinunca. 14 Huauquicunalla, ñucanchic rurashca mana alli cacpi, ¿inina charinimi rimaipacchu tucushun? ¿Chashna inina paita quishpichinata ushancachu? 15 Shuc huauquita shuc panita imapash chai puncha churarincapac, chai puncha micuncapac pishicpi 16 cancunamanta pipash: "Alli richic, rupaclla churarishpa rinquichic, tucui cancuna manashcata micunquich-ic" rimashpallata, tucui paicunapac aicha mutsushcata mana cucpi, ¿chashna rimana imapallash allichu canca? 17 Inina charishcapi chashnallata tucun: Pai sapalla, nicpi, rurashcahuan mana ricuchicpi, huañushca can. 18 Pipash rimanca imapash: "Can inina charinqui, ñucaca rurashcacanata charini". Mana rurashcacunahuan can inina charishcata ricuchihuai, ranti ñuca, rurashcacunahuan ñuca inina charishcata ricuchisha. 19 Can shuclla Dios tiyashcata ininqui, allita ruranqui; chashnallata supaicunapash ininunmi, manchaimantalla chucchunun. 20 Ama upa caichu, yuyarina canqui inina rurashcacuna illac yanca inina can. 21 Dios, ñucanchic aulu Abrahanta jucha illac shinata chasquirca, pai paipac churi Isaacta camaripi ricuchishcaraicu. 22 Abrahan tucushcapi ricuna ushanqui, pai inina charishcata rurashcacuna-huan ricuchirca, rurashcacunahuan ricuchishcaraicu paipac inina pactachishca tucurca. 23 Chashnami Dios quillcashca shimipi rimashca pactarirca: "Abrahan Diosta inirca, chairaicu Dios jucha illac shinata paita chasquirca" Abrahan chashna Diospac mashi rimai tucurca. 24 Ña cancuna ricunquichic, Dios runata chasquin pai rurashcacunaraicu, mana pai inina charishcaraiculla. 25 Nuspa huarmi Rahabhuanpash chashnallata tucurca; pai rurashcacuna-raicu Dios jucha illac shinata paita chasquirca, shimita ricsichishpa puriccunata paipac huasipi chasquishcaraicu, shuc ñanta rmcapac yanapashcamanta. 26 Rimacpi: Aicha samai illac huañushca cashca shinallata, inina huañushca can rurashcacuna illacpi.
1 Huauquicunalla, cancuna ucupi ama yapalla achca yachachiccuna tiyanuchun, cancuna pacta yachanquichic ima shina yachachiccamacuna yalli sinchita taripai tucuna cashcata. 2 Tucuicuna achcapi pantanchic, maicanpash pai rimashcapi mana pantashpa, pactachishca runami can, paipac aichatapash cuscata charina ushac. 3 Caballo huacracunata ñucanchicta uyancapac paipac shimipi freno nishcata churashcapi, tucui paipac aicha ñucanchicta uyancapac chashna ruranchic. 4 Barcocunapipash ricuichic: Jatun cacllapita, paita tancac huairacanapash sinchicuna cacllapita, cuscachaccamacu-na, shuc uchilla timón nishcahuan, paicuna munashcata pushanan. 5 Calluhuanpash chashnallata tucun; tucui aicha-manta shuc uchilla aichashitu can, ranti chashna cashpallata achcata ushan pai. Ansalla ninashituhuan jatun sachata rupachipac mari. 6 Calluca shuc nina can. Ñucanchic aichapi churashca mana alli jinumi can, tucui ñucanchic aichata ticllayachin. Ucu pachamanta ninallahuanta japichishca can, pai ñucanchic causaitapash chai ninallahuanta rupachicun. 7 Runaca ima pumacunatapash, pishcucanata, machacuicunata, ñucñu yacumanta aichacunata, imacunatapash yallina ushashca-mi; 8 ranti pipash calluta yallincapac mana ushashcachu. Mana yallipac uncuimi can, huañuchic janpihuanpash juntachishcami can. 9 Calluhuan cunanshitu ñucanchic Yaya Diosta bendisian-chic, chashnallata cunanshitu maldisianchic Diospac ricchai shina paillata rurashca runata. 10 Chai shimimantallata bendisioncuna, maldisioncunapash llucshinun. Huauquicanalla, caica mana chashna canachu can. 11 Shuc yacu llucshirashca-mantallata mishqui yacu, jayac yacu llucshinata mana ushanchu. 12 Shuc higuerayura aceituna muyuta mana aparina ushashca shina, shuc uva sapi higo muyuta aparina mana ushashca shina, chashnallata huauquicunalla, cachi yacu llucshicushcamanta mishqui yacu mana llucshincachu. 13 Cancuna ucupi shuc yapa yachac, alli atipac tiyashpa, pai causashcahuan ricuchichun yapa yachashca cushca uchilla tucunahuan. 14 Ranti chiquicui cancuna shuncuta jayacyachin-capac saquicpi, imatapash shuccanata piñashcaraiculla rurash-pa, chaipi mana imamantapash jatunyarmata ushanquichicchu, chairapash cancunaca llullacunquichicmi. 15 Chai yachai mana Diosmanta shamuc mari can, cai pachamanta yachaimi can, runapac yuyaimanta, supaimanta jinu. 16 Chiquicuicuna tiyashcapi, piñanacuna tiyashcapi, tucui mana allicunapash tiyanun; 17 ranti Diosmanta shamuc yachaita chariccuna, chuya causaita charinun; casi shuncuyuc canun, alli shun-cuyuccuna, alli uyaccuna canun. Shuccunamanta llaquiriccuna canun, cuscata taripac, shutita rimac, allicunata ruraccuna. 18 Alli causaita mashcaccuna alli causaihuan tarpunun cusca taripanata pallancapac.
1 Cancunapura yapa piñanacana, macanacuna ¿imamanta tiyashcata yachanquichicchu? Aicha ucupi cancuna mana alli munaicunata charishcamantami canun. 2 Cancuna imatapash munashcapi, mana tarina ushashpa huañuchin-quichic, imamantapash chiquicuita charinquichic, mana tarina ushashcamanta macanacunquichic, cancanapura yapa piñanacui tiyan. Diosta mana mañashcaraicu cancuna munashcata mana tupana ushanquichic; 3 paita mañashpapash, mana cui tucunquichic mana allita mañashcaraicu, cancunaca munanqui-chicmi cancuna aicha munashcapi tucuchincapac. 4 ¡Auca ranacuna! ¿Cai pachahuan mashiyashpa Dios-huan piñarishca tucunata manachu yachanquichic? Pipash cai pachahuan mashi tucushpa, Diosta piñac tucun. 5 Mana yancachu Dios quillcashca shimipi caita nin: "Dios ñucanchic ucupi churashca samaita tunpashcahuanmi llaquin". 6 Yanapanapi Diosta mana pipash yallinchu, Dios quillcashca shimipi caitapash yapachin: "Dios jatunyariccunata piñan, ranti uchillayaccunata paipac cuyaita cun". 7 Shinacpi Diosta uyaichic. Supaita ama uyai-chicchu, chaimi paica cancunamanta anchurinca. 8 Diosman mayanyaichic, chaimi paipash cancunaman mayanyanca. ¡Juchallishca cashpa cancuna maquita maillarichic. ¡Cancunapac shuncuta chuyayachichic, Diosta cai pachatapash llaquina munac canquichic! 9 ¡Llaquirina canquichic, huacana canquichic! ¡Cancuna asishca huacai tucuchun! ¡Cancuna cushiyashca llaquirina tucuchun! 10 Apunchipac ñaupacpi uchilla tucucpimi, paica cancunata jatunyachinca. 11 Huauquicuna, cancunapuramanta mana alli shimita ama rimaichicchu. Paipac huauquimanta mana allita rimashpa, taripashpa imapash, camachic quillcamanta mana allita rimacun, paita taripacun. Camachic quillcata taripashpa, paita uyana rantimanta paita taripac tucunqui. 12 Camachic quillcata cuc shucllami tiyan, paillata Taripac can, quishpichinata ushan huañuchinatapash ushan; ranti canca, ¿shucta taripancapac imallapash canquichu? 13 Cunan caita uyaichic, cancuna caita rimaccana: "Cunan cashpa, caya cashpa imapash chai llactaman, chaishucman imapash rishun, chaipi achca cullquita catushpa japishun shuc huata chaipi unayashun", 14 ¡caya paicuna causai ima tucunca rashcata ansallapash mana yachanun! Cancuna shuc puyu cunanshitu ricuri ashtanipi chincaric shina canquichic. 15 Cashna rimana mari: "Apunchic munacpi, causacushpa caita chaishuctapash rurashunmi". 16 Ranti jatunyarishpa rimashca-pi cancuna atinquichic, tucui chashna jatunyarina mana alli can. 17 Pi-pash allicunata rurana yachashpallata mana rurashpa, juchallin.
1 ¡Cancuna cullquisapacuna, caita uyaichic! ¡Achca llaquicunata ñacarinca racushcaraicu huacaichic, capari-chic! 2 Cancuna achca charishca ishmushcami can; cancuna churana susu micushcallami can. 3 Cancunapac cullqui, cancunapac curi huacarishcami, chai huacarishcaca cancuna cashcata ricsichic canca, nina shina rupachishpami cancunata tucuchinca. Cai punchacunapi achca cullquita tantachinushca, caicuna puchucai punchacunami canun. 4 Cancunapac muyuta pallac runacunaman mana cushca cullqui, caparishpa cancunata cautsayachicun; tucui ushac Dios chai muyuta pallac runacuna caparishcata uyashcami. 5 Cai pachapi cancuna sumac cancuna aicha mañashcata rurashpa causashcanquichic, huacra shina huirayashpa; ¡ñami pactacun huañuchina puncha! 6 Mana juchayuccanata cautsayachishpa huañuchishcanquichic, quish-pmcapac paicuna mana imallapash ruracpipash. 7 Ranti cancuna, huauquicuna, casi shuncuhuan chapai-chic Apunchic shamunacama. Ricuichic ima shina allpata llan-caccana paicuna yapa chapashca muyuta, mana piñarishpa cha-pana tucunun tamia pacha tucushcapi. 8 Cancuna ama piñarichicchu, sinchicuichic, utcalla Apunchic ticramuna cashcaraicu. 9 Huauquicuna, cancanapura mana alli rurashcacunata ama rimaichicchu, ama taripai tucuncapac; Taripac Dios ñami pancupi can. 10 Ñuca huauquicana, Apanchicpac shutipi rimac profetacana ñacarishcata, paicuna mana piñarishcata catina canquichic. 11 Smchicushcahuan llaqui tiyacpi ñacariccunata cushimi canun ninchic. Cancuna uyashcanquichic ima shina Job llaqui tiyashcapi sinchicurca, cancuna yachanquichic ima shina Apunchic paita huasha ricurca, Apunchic yapa llaquinayuc, yapa llaquiric cashcaraicu. 12 Ama pacha sinchi shimita rimaichicchu, huauquicuna-lla: jahua pacharaicu, cai pacharaicu ama imaraicupash. Cancu-na "Ari" rimashcapi, ari cachun. Cancuna "Mana" rimashcapi, mana cachun, Dios cancunata ama cautsayachincapac. 13 Cancunamanta maicanpash llaqui charishpa, Dios-huan rimarichun. Pipash cancunamanta cushi cashpa, Diosta jatunyachincapac taquichun. 14 Maicanpash uncuc cashpa, inic rucucunata cayachan, pairaicu Diosta mañanuchun, Apunchic-pac shutipi huirata jahuinuchun. 15 Inina Dios-huan rimarish-capi tiyacpi, uncuc alliyancami, Apunchicca paita jatachinca; pai juchata charicpi, quishpichishcami saquirinca. 16 Chai-raicu, cancuna juchallishcata shucman rimaichic, cancunapura-manta Diosta mañaichic alliyachi tucancapac. Sinchi inishpa chuya shancuyuc runa Diosta mañashca yapa ushaita charin. 17 Profeta Elias ñucanchic shina runa carca, pai ama tamiachun nishpa sinchi inishpa Dios-huan rimaricpi, quimsa huata chaupi cai allpapi mana tamiarca. 18 Huasha, cuti Dios-huan rimarishcapi, cutillata tamiarca, allpaca muyuta curca. 19 Ñuca huauquicuna, pipash cancunamanta shuti cashcamanta chicanyacpi, shuc runa chaimanllata cuti ticrachicpi, 20 cancuna yachana canquichic, maicanpash juchasapa runata pai mana alli puricushcamanta alliman ticrachicpi, huañuimanta quishpichin, paica achca juchacuna-manta quishpichi tacun.
1 Ñuca, Pedro, Jesucristopac apostol, mama-llactamanta llucshishpa Pontopi, Galaciapi, Capadociapi, Asiapi, Bitiniapi chausirishca causaccunaman cai pancata quillcani, 2 Yaya Dios pai munashca shina paicunata acllashcarca. Diospac Samaraicu, paita uyancapac, Jesucristopac yahuarhuan maillashca cancapac cancunata chicanyachishca. Diospac cuyaita ganas causaita achcata chasquipaichic. 3 Apunchic Jesucristopac Dios Yayata chacchashun, pai ñucanchicmanta achca llaquirishpa Jesucristo huañushcamanta causarishcaraicu, ñucanchicta cuti pacarichishca. Chai ñucanchicta ashtahuan chapanapi sinchicuchiu. 4 Chairaicu-llatami Dios jahua pachapi japina cashcata huacaichishpa charishcata chasquinquichic; chai mana huacllina ushanchu, mana ticllayancachu, mana huañurincachu. 5 Cancuna Diospi inina charishcaraicu, paipac ushaihuan cancunata pai ricun pai allichishca quishpinata tupana ushancapac, chaitaca puchucai pachacunapimi ricsichinca. 6 Chairaicu cancuna cushihuan juntarishca tiyanquichic, shinapash allimi canca yachihuan cancana ansa camai tucanata charicpi. 7 Cancunapac inina curi shina cashcaraicu, pai alli cashcata ninahuan camai tucuna can. Camai tucushcapi sinchicuc inina curimanta ashtahuan yapa alli can, curica huacllichipac can. Chashna camai tucushca cancunapac inina, alli ricui tucushcami canca, jatunyachishca canca, jahuayachishca canca, Jesucristo shamucpi. 8 Jesucristota cancuna mana ricushca cashpapash, paita llaquinquichic; cunanpash, paita mana ricushpallata paipi inishpa, manarimaipac cushiyaita charinquichic cancana jatun, jahuayachishca cushiyaihuan cushiyanquichic, chaitaca shimihuan mana rimana ushanquichicchu, 9 cancunapac causaita quishpichishcaraicu; cancunapac inina chaiman pactancapacmi can. 10 Ña callari pachallapita profetacuna cai quishpinamanta mashcanurca, tapunurca, Dios pai yapa alli shuncuyucmanta cancunaman cunca rashcamantapash rimanurca. 11 Cristopac Samai profetacunata Cristo ñacarina cashcata ricsichic carca, chai huasha jatunyarina tiyana cashcatapash; paicunaca mashcaranurca chai runa maicanta can, ima pachapi pactarinatata paicanapi tiyac Samaica rimacurca. 12 Ranti Dios ima shina paicuna runacunaman yachachicushca mana paicunapaclla, ashtahuan cancunapac allipac cashcata ricsichirca. Cunan, quishpina shimita cancunaman apamuccuna jahua pachamanta cachamushca Samaipac ushairaicu cancana-man caicunata ricsichinushca. ¡Chaicunata angelcunallata ricana munanunman! 13 Chairaicu, allichishca cana canchic, tucui yuyaihuan causashpa. Jesucristo ricurimushcapi Dios yapa alli shuncumanta canca rashcata tucui cancuna chapaita churaichic. 14 Uyac churicuna cashpa, chaira Diosta mana ricsishcapi cancuna munashcata rurashpa causashca shina ama causaichicchu. 15 Chaipac rantimanta, allipacha chuya shuncyac tucusbpa causaichic, cancunata cayac Dios sumaimana cashcaraicu; 16 caita Dios quillcashca shimipi nin: "Ñuca sumaimana cashcaraicu, cancunapash sumaimana caichic". 17 Caran runata pai rurashcamanta, mana chican chican ricushpa taripac Diosta "Yaya" rimashpa, cancana cai pachapi causacunacama paita yupaichashcata ricuchina canquichic. 18 Cancuna aulucunamanta chasquishca yanca causanamanta Dios quishpichishca mari; cancuna pacta allita yachanquichic ima shina mana curitachu, mana cullquitachu cai quishpina-manta cuna tucurca, tucui chaicuna huacllic canun; 19 Cristopac sumac yahuartami cuna tucurca, pai mana huacllishca, mana ticllayuc cordero shina camaripi ricuchishca carca. 20 Cai pacha chaira mana rurai tucushcallapita Cristo chashna tucuncapac rimashca carca, ranti cai puchucai pachacunapi cancunapac allipac ricurimushca. 21 Cancuna Cristoraicu Diospi ininquichic, pai paita huañushcamanta causachirca, jatunyachirca; chashnamanta cancuna ininata, cancana chapanata Diospi churashcanquichic. 22 Cunan cancuna, shuti shimi rimashcata pactachishpa, cancunapac causaita chuyayachishcanquichic alli shuti pacha huauquicanata llaquincapac. Chashnamanta chuya shancuhuan, tucui ushaihuan cancunapura llaquinacuna canquichic. 23 Cuti mari cancuna pacarishcanquichic, cai cuti ña mana huañuc yayamanta, mana runa yayamanta, ashtahuan Diospac shimimanta, pai mana chincarishpa huiñai causan. 24 Cashna Dios quillcashca shimipi nin: "Tucui runa quihua shina can, pai jatun cashpapash quihua sisa shina can. Quihua chaquirin, sisaca urman. 25 Ranti Apunchicpac shimica chicapac causan". Cai shimi quishpichic shimimi cancanaman ricsichi tucushca.
1 Chashnamanta, tucui mana allicunata jichuichic, tucui laya umachinata, jahualla ricurishcata, chiquicuita tucui laya caminatapash. 2 Llullu huahua shina, mana masachishca Diosmanta shamuc chucu yacuta mashcaichic, cancuna pairaicu huiñana ushancapac, quishpmata charincapac, 3 alli shuti pacha Apunchic alli cashcata atipashca cashpa. 4 Shina, Apunchicman mayanyaichic, paica runacuna mana allichu nishca causac rumimi can; Diospacca ranti acllashca, yapa alli rumi can. 5 Cancunapash causac rumi shina Diospac nuasi shayachinapi canquiChic, pacriyayacuna tucushpa, Jesucristopi sumac camaricunata ricuchic, Diospac ñaupacpi alli caccuna. 6 Chairaicu Dios quillcashca shimipipash nin: "Sionpi ñuca shuc rumita churani, tucuimanta ashtahuan alli rumi, acllashca, sumac; paipi yuyaita churac mana umachishca saquirincachu". 7 Cancuna iniccunapac chai rumi alli can; ranti mana iniccunapacca, Dios quillcashca shimipi rimashca pactarin: "Huasita shayachiccana jichushca rumi huasita sapiyachic rumi tucushca". 8 Caitapash shucpi nin: "Shuc rumi paicuna nictancapac". Cushi shimita mana uyashcamanta paicuna nictanun: chashnapac urmancapac rashca canurca. 9 Ranti cancunaca acllashca aillu canquichic, Diosta yanapac pacriyayacuna, chicanyachishca runacuna, Dios rantishca runacuna. Cai chashna can Dios sumac rurashcacunata cancuna ricsichincapac, pai tuta ucumanta paipac sumac achicman cancunata llucshichirca. 10 Cancuna ñaupa mana paipac runacuna carcanquichic, ranti cunan Diospac ranacuna canquichic; ñaupa Dios cancunamanta mana ansapash llaquirircachu, ranti cunan shuti llaquirinmi cancanamanta 11 Llaquishca huauquicuna, mana cai pachamanta cashpa riracllacuna cacpimi, cancunata mañani, samaihuan macanacuc mana alli munaicunata ama cancunapi chasquichicchu. 12 Diosta mana ricsiccunapac ñaupacpi cusca purichic. Chashnami paicuna, cunan millai runata shina piña-cushpapash, cancuna alli rurashcata ricushcamanta Diosta chacchanunca pai tucuicunata taripana pancha. 13 Apunchicraicu, tucui cai pachamanta apucunata uyaichic: incata tucuimanta yalli jatun apu cashcaraicu; 14 huainarucunataca, mana alli ruraccunata ñacachincapac, alli ruraccunata jahuayachincapac, Jatun Apu cachamushcacuna cashcaraicu. 15 Dios cancuna allicunata rurancapac munan upa runacuna yuyai illaccunantin cancunata imamantapash ama cautsayachincapac. 16 Quishpira runacuna shina causaichic, mana shuc runacuna shina quishpirami canchic rimashpapash juchata pacancapaclla quishpiramanta rimanun. Chaipac rantimanta Diospac runacana shina causaichic. 17 Tucuicunata paicana yupachai tucuna tuputa yupachaichic, huauquicunata llaquichic, Diosta manchaichic, mcata yupachaichic. 18 Huataracuna, tucui yupaichashcahuan cancuna amucu-nata uyaichic alli shancucunata, cancunata sumac chariccunata; chashnallata mana alli, millaicanatapash. 19 Mana juchallishca cashpapash ñacarina alli can Diosta llaquishcaraiculla. 20 Cancuna mana alli rurashcamanta ñacachi tucushcapi, casi shuncuhuan ñacarishpa, ¿imallapash cui tucuna tiyanchu? Ranti alli rurashcamanta ñacarina charishcapi, mana piñarishpa ñacarina, chai shuti alli can Diospac ñaupacpi. 21 Chaipac mari Dios cancunata cayarca, Cristopash cancunaraicu ñaca-rirca, pai rurashcata catishpa pai purishcata rincapac. 22 Cristo mana shuc cutillapash juchallircachu, maipipash mana pita umachircachu. 23 Piñai tucushcapi, mana piñashpa paipash cutiparcachu; pai ñacachi tucushcapi "huashami yachahuanquichic" mana rimacchu carca, ashtahuan quiquinraicu Diosta mañac carca, pai cusca taripac cacpi. 24 Cristollata crusman sicashpa ñucanchic juchacunata paipac aichapi aparirca; juchapac ñucanchic huañushpa, cusca causaita causancapac. Paipac chucrishcacunaraicu cancana alliyachishca saquirircanquichic. 25 Chincarishca ovejacuna shina ñaupa cancuna puricurcanquichic, ranti cunan Cristoman ticrashcanquichic; pai shuc michic shina cancunata ricun cancanapac causaitapash.
1 Cancana, cariyuc huarmicuna, caricunata uyaichic, mana miccuna cushi shimita uyac tucunuchun, mana rimashcata uyashcaraicu, ashtahuan cancunapac causaita ricushcamanta, 2 cancunapac chuya, sumac causaita paicuna ricushcamanta. 3 Cancuna sumacyashca ama jahua ricuriclla cachun, yapalla sumac ñaccharishca, curimanta huallcarinacu-nata huallcarishpa, sumac churanacunata churarishpa imapash. 4 Ashtahuan shuncu ucumanta llinpiyamuchun mana chincaric sumacyashca, nicpi, sumaclla, casi shancuhuan causaimanta. Cai sumacyashca Diospac ñaupacpi yapa alli can. 5 Cai sumacyashcallahuanmi callari pachapi chuyac shuncuyuc huarmicuna sumacyanurca; paicuna Diospi chapashcamanta paicunapac carita uyanurca. 6 Sara chashna carca, Abrahanta uyarca pai, paita "ñuca apu" rimarca. Cancunaca paipac ushushicunami canquichic, alli ruraicunata rurashpa, mana imatapash manchac cashpa. 7 Cancunamanta nicpi, huarmiyuc caricuna, huarmicunapac causaita atipashpa causana canquichic. Chashnallata paicunata llaquina canquichic, mana cuyailla paicunata charina cashcaraiculla, ashtahuanpash alli shuncuyuc Dios paicunamanpash cushami nishca cancunaman cuna causaillatata. Chashna ruraichic, chaimi cancuna mañacpi Dios mana unayashpa canca. 8 Tucuicuna shuclla yuyaihuan causaichic, shuc yuyaillapi huancurishpa, huauquipura shina llaquinacushpa. Alli shuncuyuc, uchilla tucushpa causaichic. 9 Mana alli rurai tucushcapi, canpash ama chaillahuata cutichinquichu; piñai tucushcapi ama piñashcahuan cutichinquichu. Chaipac rantimanta bendisionta cutichinqui, Dios cancunata bendisionta chasquincapac cayashcaraicu. 10 "Pipash alli shutipacha causaita llaquishpa, cushi causanayashpa, paipac calluta mana allicunata ama rimachichun, paipac shimita ama llulla shimita rimachichun; 11 mana allimanta anchurishpa allicunata rurachun, alli causaita mashcashpa paita catichun. 12 Apunchic chuya shuncuyuccunata ricun mari, pai mañashcacunatapash uyanmi; ranti millai runacunata piñacmi can". 13 ¿Pipash cancunata huacllichina ushancachu cancuna allipacha munashpa jinu allillata ruracpi? 14 Ranti cuscata rurashca jahuallapita ñacarinata charishpa, achcata cancuna cushiyaichic. Ama mancharinquichicchu, ama pitapash manchaichicchu, 15 ashtahuan Cristota jatunyachichic Apunchicta shina cancuna shuncupi. Cancuna charishca chapanamanta maicanpash tapucpi, atipachina shimihuan cutipana ushancapac huiñai allichishca chapacuna canquichic, 16 shinapash uchillayashpa, yupaichashpa ruraichic. Alli causaichic, cancunapac ucupi tiyac Dios cushca yuyai chuya cachun, Cristota inishcaraicu cancuna alli causashcamanta piñaccuna, paicuna rimashcamantallata pincarinuchun. 17 Dios chashna munacpi, alli rurashcamanta ñacarishca ashtahuan alli can mana alli rurashcaraicu ñacarina rantimanta. 18 Shuc cutilla, huiñaipac, quiquin Cristollata ñucanchic jucharaicu huañuita ñacarirca. Pai allimi carca, ranti mana allicunaraicu ñacarirca Diospacman cancunata pushancapac. Runa cashpa, huañurca; ranti samaimanta cashcaraicu, causaiman cuti ticrarca. 19 Samaimanta cashcaraicullata, quillpashca tiyac samaicunapacman rishpa quishpinata huillarca. 20 Paicuna mana uyac runacuna canushcarca Noe causashca pachapi, Dios casi shuncuhuan barco tucuhinacama chapacushcapi; chaipi maican runacuna quishpinurca, tucuimanta nicpi pusac runa yacuraicu quishpichic tucunurca. 21 Chai yacu bautismo yacu ricchai carca, cunan pairaicu quishpirchishca canchic. Bautismoca mana aichata maillancapacchu, ucupi tiyac Diospac yuyai chuya tucuchun mshpa mañancapacmi can; pai ñucanchicta quishpichinmi Jesucristo huañushcamanta causarishcaraicu; 22 pai jahua pachaman sicashpa Diospac yachac maquiman tiyan, paipac maquipi angelcuna, tucui ushaita charic samaicunapash, uyancapac saquirinushca.
1 Chairaicu Jesucristo paipac aichapi ñacarishca shina, cancanapash ñacarinalla chapacuna canquichic. Pipash paipac quiquin aichapi ñacarishca cashpa pai ña juchamanta chicanyashca mari, 2 puchucai punchacuna Dios munashca shina causancapac, mana runa munashca shina. 3 Unaita cancunapash Diosta mana ricsiccuna rurashca shinallata rurarcanquichic, mana alli yachashcacunapi, mana alli munaicunapi, machanapi, cuinacta micushpa, yallicta upiashpa, jirus huacacunata chacchashpa causarcanquichic. 4 Canan, cancunapash ña mana paicunahuan mana alli ruranapi satiracpimi, chai paicunata mana alli yachicpimi, cancunata piñanun. 5 Shinapash Diospacpi paicuna taripai tucuna canun, pai yapa allichirishca chapacun causac runacunata huañushcacunantin taripancapac. 6 Ña huañushcacana cushi shimita ricsichi tucanurca mari, samaipi causaita charincapac Dios munashca shina, runacuna yachaipi cai pachapi paipac aicha taripai tucushca cashpapash. 7 Tucui imacuna tucurina ña mayanlla can. Chairaicu cancuna tucui yuyarishcahuan causana canquichic, alli shuti pacha Dios-huan rimarinapi catishpa. 8 Cancunapura llaquinacushca yapa tiyachun, llaquinacushca achca juchacunamanta quishpichic cashcaraicu. 9 Cancunapura huasipi chasquinacuichic, mana pimantapash camishpa. 10 Dios chai tucui cushca cuyaicunata alli ricuccuna cashpa, caranlla amu chasquishca cuyaihuan shuccunata yanapachun. 11 Pipash rimashcapi, paipac shimi Diospac shimi shina cachun. Pipash shuc yanapaita rurashcapi, Dios cushca ushaihuan yanapachun. Tucui imatapash rurashcapi, Dios Jesucristoraicu chacchai tucuncapac ruraichic, huiñai paipac cachan jatunyarishca, ushai. Chashna cachun. 12 Llaquishca huauquicuna, ama mancharinquichicchu yapalla manchaipac cacpi shina, camana ninapi camai tucushpa. 13 Chaipac rantimanta, cushiyaichic Cristohuan ñacaricushcaraicu, pai jatunyashca ñucanchicman ricurishcapi ñucanchicpash cushihuan juntarincapac. 14 Cushiyaichic pipash Cristoraicu cancunata piñacpi, jatunyachishca Diospac Samai huiñai cancunahuan cashcaraicu. 15 Cancunamanta maicanpash ñacaricushcapi, ama runata huañuchishcaraicu, ama shuhuashcaraicu, ama shuccunapac llaquipi satirishcaraicu cachun. 16 Ranti Cristota catishcaraicu ñacarishpa, mana pmcarmachu, chairaicu ashtahuan Diosta chacchachan. 17 Diospac aillumanta jinu taripai callarina pacha ña pactashcami. Ñucanchicmanta chashna taripana callaricpica, ¿ima chari rucunca ranun Diospac cushi shimita uyanata mana munaccuna? 18 Racuimanta chuya shuncuyuc runa quishpinata charicpi, ¿millai runa, juchasapa runa, paicuna chari ima tucununca? 19 Chairaicu, Dios munashca shina ñacariccuna allicunata rurashpa catina canun, paicunapac samaira paicanata huiñachic Diospac maquipi churana canun; paica shimita pactachicmi can.
1 Canan, cancunapac pushaccamacunata camachinayani, ñucapash pushaccama cani; Cristo ñacarishcamanta ricuyac cani paicuna shinallata; ñucapash chasquinca rani jatunyana ñucanchicman ricurimucpi. 2 Cancunaman mincash-ca Diospac ovejacunata ricuichic; munashpa jinu ruraichic Dios munashca shina; mana pactachina cashcaraicu, mana cullquiraicu. Tucui shuncuhuan cancuna llancanata ruraichic, 3 mana cancunaman mincashcacunapac amu shina, ashtahuan cancunapac causaihuan yachachina yuyaihuan. 4 Chashna shuti, michiccunapac Amu shamucpi, jatunyachic llaututa chasquinquichic, mana huañuric llautu. 5 Chashnallata, cancuna huanpracuna, rucucunata uyaichic. Tucuilla uchillayashpa shuccanata uyana canquichic, cairaicu: "Jatunyashcacunata mana allihuan Dios ricun, ranti uchillayaccunata Dios pai alli shuncu cashpa yanapan". 6 Tucuita ushac Diospac maquipi uchillayaichic, paipac jahuayachina pactashcapi cancuna jahuayachi tucuncapac. 7 Tucui llaquicunata Diospac maquipi churaichic, pai cancanata ricucun mari. 8 Yuyayuc caichic, ricuralla causaichic cancunata piñac supai, yaricaihuan puricuc puma shinami, tuparishcata micuncapac mashcashpa puricun. 9 Sinchi inina charishpa, sinchicuichic, tucui pachapi shuc huauquicuna chashnallata ñacarishcata yuyarishpa. 10 Shinapash unainayata cancuna ñacarishca huasha, cancunata pactata Dios ruranca, mana cuyuric, sinchi, ña quishpishcacuna canquichic. Yapa llaquishcamanta cancunatapash Crisropi pai huiñai jatunyashcata chasquincapac cayac Diosllatami can. 11 Ushai huiñai paipacmi can. Cashna cachun. 12 Silvanohuan, ñuca paita allita ricsishcaraicu, cai pancata cancunaman quillcani, cancunata camachincapac, cancuna chasquishca bendisioncuna Dios allipacha llaquishca-raicumi rimancapac. Chai llaquinapi ama sanpayashpa causaichic. 13 Babiloniapi tiyac miccunata Dios acllashca cancunata acllashca shina; paicuna cancunata yuyarinunmi, ñuca churi Marcospash yuyarinmi. 14 Huauquipura muchanacuichic. Cancuna Cristopac cashcaraicu, ganas causaita charichic.
1 Ñuca, Simon Pedro shutiyuc, Jesucristopac runa, paipac apostol, cancunaman cai pancata quillcani, cancunapash ñucanchicpac Dios Quishpichic Jesucristo cusca taripac cashcaraicu, ñucanchic sumac inina charishca shinallata charishcanquichic. 2 Achca Diospac cuyaita, achca alli causai-tapash chasquichic Apanchic Dios Jesustapash ricsishcamanta. 3 Dios paipac ushaihuan ñucanchic causancapac, paita yuyarishpa causancapac tucui mutsushcata ñucanchicman cushca; tucuimanta ñaupa ñucanchicta ricsichirca paipac quiquin ushaihuan, paipac jatunyaihuan cayac Cristota. 4 Caicunaraicu pai cusha ñishcacunata ñucanchicman curca, chaicuna yapa jatun, yapa alli canun; chaicunaraicu cancuna Diospac causaita ansata charina ushancapac, cai pachaman mana alli munaicuna apamushca huacllinamanta quishpinca-pac. 5 Chashnamanta cariyana canquichic ininata alli causaihuan yapachincapac; alli causaita, atipanahuan; 6 ati-panata, amu munashca shina quiquin aichata purichinahuan; amu munashca shina quiquin aichata purichinata, casi shuncu canahuan; casi shuncu canata, Diosta yuyarishpa causanahuan; 7 Diosta yuyarishpa causanata, huauquipura llaquinacunahuan; huauquipura llaquinacunata, llaquinahuan. 8 Caicunata cancuna charishpa ashtahuan huiñachicpi, cancuna causai Apunchic Jesucristota cancuna ricsishcapash mana yancachu canca. 9 Ranti caicunata mana charicca mana ricuc ñausa shinami can; paipac ñaupa juchacunamanta pichai tucushcata cuncarishca mari. 10 Chairaicu huauquicuna, Dios cancunata cayashpa acllashcaraicu, tucui caicunata cancunapi sapiyachichic; chashna rurashpami mana maican punchapash urmanquichic. 11 Chaipi shuti Apunchic Quishpichic Jesucristopac huiñai pachamanta puncucuna pascashca cancunapac saquirinunca. 12 Chairaicumi cancunata huiñai chaita yuyachishpa catina cani, cancuna alli yachashpa, shuti cashcata ñuca yachachishcapi cancuna sinchicushpa causacucpipash. 13 Ñuca causacushpa, cai camachinacunahuan cancunata yuyachishpa quillachicunami cani yachihuan. 14 Mana unai cai causaita ñuca saquina cashcata Apunchic Jesucristo ricsichihuashcami; 15 shinapash sinchi yuyaitami churasha yuyani cancuna ñuca huañushca huashapash caicunamanta yuyarincapac. 16 Chashnamanta, cancunaman ricsichishcanchic Apun-chic Jesucristopac ushaita pai ticramuna cashcatapash, mana umachincapac surcushca shimicunahuan, ñucanchic quiquin ñahuillahuanmi Apunchic jatunyashcata ricurcanchic. 17 Dios paipac Yaya paita jatunyachina, jahuayachina cushcapimi ricur-canchic, Diospac shimi chashna jatunyashcahuan paita rimash-capimi ricurcanchic: "Caimi ñuca llaquishca churi, paitami acllashcani". 18 Ñucanchicllata chai jahua pachamanta shamuc shimita uyarcanchic, Apunchic-huan mari urcupi carcanchic. 19 Chairaicu, profetacuna rimashcapi yalli sinchita inin-chic, alli cashcaraicu cancuna paicanata yuyarinquichic. Chai cushi shimi shuc chinpusu tutapi punchayachishca shinami can; punchayashcapi tutamanta cuillur llucshishpa cancuna shuncuta ricuchincapac shamunacama. 20 Tucui imamantapash yalli caita yuyarishpa causaichic: Dios quillcashca shimipi rimashca mana pipash quiquin amu munashca shina chaipi rimashcata atipana ushanchu, 21 profetacuna maipipash mana paicuna munai rimashcaraicu; ashtahuan paicunaca Diospa-raicumi rimanurca, Diospac Samai ricsichicpi.
1 Israel llactapi llulla profetacunapash tiyanurca; chashnallatami llulla yachachiccunapash cancana ucupi tiyanca. Yanca rac shinami paicunapac huacllichic yuyaicunata yachachinunca, chashna rurashpa paicunata quishpichic Apunchicta "mana" rimaranan; chashna rurashcahuan chicapac huañuita utcalla paicunaman cayaranun. 2 Achca runami paicuna mana alli yachaipi caticushcata catinunca, paicunarai-cullatami shuti ñanmanta mana alli rimai tiyanca. 3 Paicuna yapalla cullqui manashcamanta, llulla yachachishcacunahuan-mi cancuna cullquita quichananca; shinapash mana quishpipac chicapac huañuna paicanata chapacun, unaimantami paicunaca ña cautsayachishca canan. 4 Juchallic angelcunata Dios mana quishpichircachu, ashtahuan ucu pachaman paicunata cacharca, tutapi paicunata saquirca, taripana pactanacama jillai huascahuan huatashpa huacaichiracuna. 5 Ñaupa runacunatapash Dios mana quishpi-chircachu, ashtanuan huanuna yacutami chai mana alli ranacana jahuapi cachamurca; Noe shuclla quishpichi tucurca, cusca causanamanta pai yachachirca, canchis runapash quishpircami. 6 Sodoma, Gomorra llactacunata Dios huacllichishpa chincachirca, ushpa tucunacama rupachishpa, huasha shamunca rac mana alli runacunata ricuchinaraicu. 7 Ranti Lotta quishpichirca, pai chuya shancuyuc runa carca; chairaicu llaquirishpa causacurca chai millai runacuna mana lli yachashcahuan causacpi. 8 Chuya shuncuyuc paicuna ucupi causacuc runa, paipac shuncupi ñacarirca tucui puncha mana alli rurashcacunata ricushpa, mana allicunata uyashpa. 9 Paiman curishpa causaccunata Apanchic quishpichinata yachanmi, taripana pancha pactanacama mana allicunatapash ñacachishpa charina yachanmi pai. 10 Ticllayachic munaicunata caticcunata, Apunchicta mana uyaccunata, Dios ashtahuan yapami ñacachinca. Jatunyarisiqui canun; yupaichana illac runacuna, ima aputapash piñanunlla; 11 ranti angelcanaca, yalli ushaita charishpapash, Apunchicpac ñaupacpi mana ansallapash piñaita yuyananchu. 12 Huihuacuna shina canun chai runacuna: yuyai illac canun, causai tiyashcaraiculla causanacun, maipi tupai tucushpa huañuchi tucuncapaclla pacarinun. Imamantapash mana atipashpa, mana alli shimita rimanun; shinapash huihuacuna shinallatami huañununca, 13 shuccunata ñacachish-camanta ñacarishpa. Mana unai tucuric cushiyaicunahuan cushiyashpa, cushimi causanchic yuyanun. Pincaipac, piñaripac canun, raimipi cancunahuan cashpa, paicuna yachai cushiyashpa. 14 Shuc huarmita huañupashpa ricushpallami paicuna cananca; jucha ruranapi mana sanpayanun. Mana sinchicushca runacunata juchallichinun; cullquiman yapa llutarishca canun; maldisiashca runacuna canun. 15 Cusca ñanmanta anchurishca-raicu, pantashpa puriranun. Beorpac churi profeta Balaampac causaita catinun, mana alli rurashcahuan cullquita pai japinayarca, 16 pai juchallishcamanta piñai tucurcami: paipac huihua runacuna shina rimancapac callarishpa, paipac nuspa yuyaipi mana ñaupacman catichirca. 17 Yacu illac allpapi allashca pucru shina canun chai yachachiccuna; huaira tancacushca puyu shina canun; yana ucupi huiñai causancapac cautsayachishca canun. 18 Yapa sumac uyaric, yuyai illac shimicunata rimanun, mana alli yachashcacunahuan, aicha mañashcacunahuan juchallichinun panta panta puricushcamanta llushpiricuccunata, chaimanllata cuti urmachinun. 19 Paicunallata huacllishcapi huatara causacushpallata, quishpina tiyancami rimanun; imapipash runa yallic tucushca cashpa, chai paita huatashcatami charin. 20 Apunchic quishpichic Jesucristota ricsishcaraicu, cai pacha ticllamanta quishpichishcacuna, cutillata chai mana alli yachashcacunaman ticrashpa, yalli tucushpa, ñaupa cashcamanta ashtahuan huacllishca saquirinun. 21 Paicunaman rurai nishcamanta ricsishca huasha chicanyana rantimanta, paicunapac ashtahuan alli canman carca shuc rai chai cusca ñanta mana ricsina. 22 Ranti paicunapi pactarinmi cai runa rimanaipi nishca: "Pai cuinashcallata allcu micucrin, cuchi mama cunanshitu armachi tucushpallata cuti turuyacrin".
1 Llaquishca huauquicuna, caihuan ña ishcai pancata cancanaman quillcani. Ishcantinpi ñuca camachishcacu-nahuan cuscata yuyachina munashcani. 2 Shuc pachacunapi profetacuna rimashcata yuyarichic; apostolcana cancunaman ricsichishca, Apunchic quishpichic rurai nishcata yuyarichic. 3 Caita ashtahuan yapa yuyarichic; puchucai punchacuna-pi, paicunapac quiquin mana alli munaicunapi causac runacunami shamununca, cancunata asishcahuanpash 4 ta-pununcami: "¿Cristo cuti shamuna nishca ña pactarishcachu? Ñucanchic yayacuna ña huañunurca, shinapash cai pacha callarishcamanta tucui chashnallata caticun". 5 Chai runacuna mana atipanata munanun mari callari pachallapita jahua pacha tiyashcata, allpapash Dios rimashcamanta yacuraicu yacumanta llucshishcata. 6 Callaripi tiyac pachapash huañuna yacuhuan chincachi tucurca. 7 Ranti cunan tiyac allpa jahua pachantm Dios rimashcaraicullata ninapac huacaichishca canun. Taripana punchapimi paicunata rupachinca, chaipimi millaicuna cautsayachishca cananca. 8 Chairapash, llaquishca huauquicuna, mana cuncarina canquichic Apunchicpac shuc puncha huaranca huata shina cashcata, chashnallata huaranca huata shuc puncha shina cashcata. 9 Apunchicca mana unayacunchu, maicancuna yuyana shina, pai cusha nishcata pactachincapac; ashtahuan cancunata chapacun, mana mari pipash huañuncapac munanchu, ashtahuan tucuicana paiman ticrancapacmi munan. 10 Ranti Apunchicpac punchaca shuc shuhua shinami shamunca. Chaipimi jahua pachacuna manchaipac uyarishpa pascarinanca; tucui imacunapash ninahuanmi nuyurinunca; allpaca tucui pai charishcantin taripai tucuncapac Diospac maquipimi churashca canca. 11 Tucui chashna huacllichishca tucurina cashcaraicu, yapa chuya causaita, Diosta yapa yuyarishpa causana canquichic. 12 Diospac puncha pactamana-ta chapaichic, utca shamuchun nishpa cancuna ushashcata ruraichic. Chai punchami jahua pacha ninahuan rupachishca tucurinca, tucui imacunapash nina ucupimi nuyurinunca; 13 ñucanchicca, shinapash, Dios cusha nishca mushu jahua pachata, mushu allpata chapanchic; chaipimi cusca taripana, tucui alli tiyanca. 14 Chairaicu llaquishca huauquicuna, tucui chaicunata chapacunacama, alli causaichic Diospacpi alli tupai tucunayashpa, mana ticllayuc, mana juchayuc. 15 Apunchic casi shuncuhuan ricushca ñucanchic quishpinata charincapac cashcata yuyarichic. Chaimanta nicpi ñucanchic llaquishca huauqui Pablo ña cancunaman quillcashcami, paita Dios yuyai cushca tuputa cancunaman rimashpa. 16 Caran pai quillcashcapi chaimanta cancanata rimashca, shutimi, maican shimicana atipancapac sinchi canan, chaita yuyai illaccuna, inina mana sinchi chariccuna huishtuyachinun, Dios quillcashca shuc shimicunata huishtuyachishca shina; chashna rurashca quiquinllata cautsayachi tucancapacllata can. 17 Chairaicu, llaquishca huauquicuna, chaicuna mana tucushcallapita yachashcaraicu, yuyapanquichic, ama millai runacuna umachishcapi urmanquichicman, ama cancuna sinchiyashpa causacushcamanta urmanquichicman. 18 Ranti Apunchic quishpichic Jesucristota allita ricsina canquichic paipac llaquinapipash huiñaichic. ¡Cunan huiñaipash jatunyana paipac cachun! Chashna cachun.
1 Callari pachapi ña tiyashcamanta cancunata quill-canchic, ñucanchic uyashcamanta, quiquin ñucanchic ñahuihuan ricushcamanta. Ñucanchic ricushcaraicu, maqui-huanpash llancashcaraicu. Causaita cuc Shimimanta rimanchic. 2 Cai causai ricurimurca, ñucanchic paita ricurcanchic, ñucanchic paimanta ricuyac cashcanchic; cai huiñai causaita cancunaman ricsichinchic, pai Yayahuan tiyacushcamanta ñucanchicman ricurimushca. 3 Shina, ñucanchic ricushcata ñucanchic uyashcatami cancanaman ricsichinchic, cancuna ñucanchicman llutarishca cancapac, ñucanchicpash Yaya Dios—huan paipac Churi Jesucristohuanpash llutarishca cashca shina. 4 Ñucanchic cushiyai pacta cachun nishpami tucui caicanata cancunaman quillcanchic. 5 Caimi Jesucristo ñucanchicman yachachishca shimi, ranti ñucanchicca cancunaman ricsichinchic: Dios achicmi, paipi mana ansapash tuta tiyanchu. 6 Paiman llutarishcami canchic rimashpallata tutapi causacushpa, shimihuan rurashcahuanpash llullacunchicmi. 7 Ranti achicpi causacushpa Dios achicpi causacushca shina, chaipi shuti ñucanchicpura llutarishca tiyan, paipac Churi Jesucristopac yahuarpash tucui juchamanta ñucanchicta pichan. 8 Jucha illacmi canchic rimashpa, ñucanchicllatami umaricunchic, shuti shimi ñucanchicpi mana tiyan; 9 ranti, ari, juchayucmi canchic amullata rimacpi, Dios mana llullac, alli taripac cashcaraicu ñucanchic juchacunamanta quishpichin-cami, tucui mana allimantapash pichancami. 10 Mana shuc cutillapash juchata rurashcanichu rimashcahuan Dios llullacmi can rimanchic, chairapash, paipac shimita mana ñucanchicpi charinchic.
1 Ñuca huahuashitucuna, tucui caicunata ama jucha-llichicchu nishpami cancunaman quillcani. Maican juchallicpi imapash, ñucanchicraicu Diospac ñaupacpi mañacta charinchic; pai Jesucristo can, cusca taripac can. 2 Ñucanchic juchacuna quishpichishca cancapac Jesucristo camaripi curirca, mana ñucanchic jucharaiculla, tucui pachamanta juchacanarai-cupash. 3 Dios rurai nishcacunata pactachishpa, chaipi shuti allipachami paita ricsishcanchic. 4 Ranti maicanpash: "Ñuca paita ricsinimi" nishpallata, pai rurai nishcacunata mana pactachishpa, llullaisiquimi can, mana shuti shimi rimac can. 5 Ranti, paipac shimita uyac, sumacta pacha paita llaquicun, chashna shuti paihuan ñucanchic llutarishca cashcata yachanchic. 6 Pipash Dios-huan llutarishcami cani rimashpa, Jesucristo causashca shina causana can. 7 Huauquicuna, mana mushuchu can cai cancunaman quillcashca rurai nishca: callarishcamanta cancana chasquishca-llatami can. Chai unai pachamanta rurai nishca cancuna uyashca shimi can ña. 8 Shina cacpipash, cai cancunaman quillcacushca mushu rurai nishcami can, pai Cristopi cancunapipash shuti can, tuta chincaricucpi quiquin achic llinpiyamucushcaraicu. 9 Maicanpash achicpimi cani rimashpallata, paipac huauquita chaira chicnishpa, chairami tutapi can. 10 Paipac huauquita llaquic runa achicpi causan, mana imapash paita juchapi urmachincachu. 11 Ranti paipac huauquita chicnic runa tutapi causan, tutapi puricun, maiman rirashcatapash mana yachan tuta paita ñausayachishcaraicu. 12 Churi huahuashitucuna, Dios paipac shutiraicu, cancunapac juchamanta quishpichishcaraicumi cancunaman quillcani. 13 Yayacuna, callarimanta tiyacta cancuna ricsishca-raicumi, canCunaman quillcani. Maltacuna, manaalli rurachicta cancana yallishcaraicumi, cancunaman quillcani. 14 Cancunaman quillcashcanimi, huahuashitucuna, Yaya-ta cancuna ricsishcaraicu. Cancunaman quillcashcanimi, yayacuna, ña callarimanta tiyacta cancuna ricsishcaraicu. Cancunamanpash maltacuna, quillcashcanimi, cancuna sinchi cashcaraicu, Diospac shimitapash cancuna shuncupi chas-quishcaraicu, mana alli rurachicta yallishcaraicupash. 15 Cai pachata tucui pai charishcacunantin ama llaquinquichicchu. Maicanpash cai pachata llaquishpa, Yayata mana llaquinchu; 16 tucui cai pacha ñucanchicman cuyashca mana Yayamanta shamun, pachamantallatami shamun. Caicunatami cai pacha ñucanchicman cuyan: runa juchata munashcacuna, mashnapash sumaccunata ricuna munai, cullquita charishcaraicu jatunyana. 17 Shinapash cai pacha ña tucuricun tucui paipac mana alli munaicunantin; ranti Dios manashcata pactachic huiñai causaita charin. 18 Huahuashitucuna, caimi puchucai pacha can. Shuc runa Cristota piñac shamuncami rimai tucurcanquichic; ranti achca Cristota piñaccuna ña shamunushcami. Chairaicu puchucai pacha cashcata yachanchic. 19 Paicuna ñucanchic ucumanta llucshinurca, ranti mana ñucanchicpacmantacanachu canurca; ñucanchipaccuna cashpa, ñucanchichuan saquirinun-man carca. Shiuapash cashna tucurca mana tucuicuna ñucanchicmanta cashca pasacta ricurincapac. 20 Cristo Diospac Samaita cancunaman cushca, ña tucui-lla yaChaita charinquichic. 21 Shuti cashcata cancuna ricsishca-raicumi quillcani, mana chaira ricsina pishishcaraicu; cancuna allita yachanquichic shuc llulla shimi mana shuti shimimanta shamushcata. 22 ¿Pi Ilulla cashcata yachanquichicchu? Jesus mana Mesiaschu rimacmi llulla can. Chaimi Cristota piñac can, pai Yayata Churitapash mana chasquin. 23 Maicanpash Churita mana chasquishpa, Yayatapahs mana chasquin; ranti pi runapash Churita chasquishpa, Yayatapash chasquin. 24 Chairaicu, callarishcamanta uyashca shimita cancuna shuncupi huacaichina canquichic; callarishcamanta uyashca cancuna shuncupi saquiricpi shuti, cancunapash Yayahuan Churihuan llutarishcami canquichic. 25 Caita jinumi Jesucristo ñucanchicman cusha nishca: Huiñai causaita. 26 Cancunata umachina munaccunata yuyarishpami quillcashcani. 27 Shinapash, Jesucristo cancunaman cushca Diospac Samaita charinquichic; ¿imapacta shuc yachachic ashtahuan tiyanca? Samaillata tucui imacunata cancunaman pacta yachachin; pai yachachishcacuna shutimi canun, llullai mana tiyanchu. Samai yachachishca shina Cristoman llutarishca causaichic. 28 Cunan, huahuashitucuna, Cristoman llutarishca cau-saichic, pai ricurimushcapi paipi yuyaita churancapac, pai shamushcapi paipac ñaupacpi ama pincarincapac. 29 Jesucristo cusca taripac cashcata yachashcamanta, cancuna yachanapash canquichic, tucui cuscata ruraccana Diospac churicana cashcata.
1 Ñucanchicta Yaya Dios ima shina llaquishcata ricuichic, chairaicu Diospac churicuna rimai tucunchic; chashnami canchic, shuti. Chairaicu cai pachamantacuna ñucanchicta mana ricsinun, paicuna Diosta mana ricsinushca mari. 2 Llaquishca huauquicuna, ñami Diospac churicuna canchic. Huasha ima tucanca rashcata mana yachashpapash Jesucristo ricurimucpi pai shina cana cashcata yachanchic, paita jinu ricuna cashcaraicu. 3 Maicanpash cai chapanata charic, paillata chuyayan, Jesucristo chuya cashca shina. 4 Ranti maicanpash juchata rurashpa, mana allita ruran; juchallinaca mana alli rurashca mari can. 5 Cancuna ña yachanquichic Jesucristo cai pachaman juchacunata anchuchin-capac shamushcata; pai mana shuc juchallapash charishcata yachanquichic. 6 Shina, maicanpash paiman llutarishca causac, mana juchallin; ranti, tucui juchalliccuna paita mana ricunushcachu, mana ricsinushcachu. 7 Ñuca huahuashitucana, cancunata ama pipash umachichun: cuscata rurac runa cusca shuncuyuc can, pai cusca shuncuyuc cashca shina; 8 ranti juchata ruracca supaipac can, supai callarishcamanta juchallisiqui cashcaraicu. Caipac jinumi Diospac Churica shamushca: supai rurashcata huacllichincapac. 9 Diospac chiricuna mana maicanpash juchallinun, Dios cushca causaita charishcaraicu; Diospac churi cashcaraicu juchallina mana ushanchu. 10 Yachanalla can maican Diospac churi, maican supaipac churi cashca: maicanpash mana allita rurashpa, paipac huauquita mana llaquishpa, chai mana Diospac can. 11 Callarishcamanta cancuna uyashca shimi caimi: Ñucanchicpura llaquinacuna canchic. 12 Ama Cain shina tucushun, supaipac cashpa paipac huauquita huañuchirca. ¿Imaraicu huañuchishcata yachanquichicchu? Cain rurashcacana mana alli cashcaraicu, ranti paipac huauquipaccuna, alli. 13 Ñuca huauquicuna, ama mancharinquichicchu cai pachamanta caccuna cancunata chicnicpi. 14 Huañuimanta causaimanmi ñucanchic chinpashcanchic; ñucanchic huauquicu-nata llaquishcaraicu chaita yachanchic. Maicanpash mana llaquic cashpa, chaira huañushcami can. 15 Maicanpash paipac huauquita chicnic cashpa, runata huañuchicmi can; cancana ña yachanquichic ima shina runata huañuchiccunamanta mana maicanpash huiñai causanata quiquinpac ucupi charishcata. 16 Jesucristo ñucanchiraicu paipac causaita cushcamanta llaquinata ricsinchic; chashnallata ñucanchicpash ñucanchic huauquicunaraicu causaita cuna canchic. 17 Ñucanchic cullquiyuc cashpa, shuc huauquita imapash illac ricushpallata mana imatapash cushpa, ¿Diospac llaquinata shuncupi charishanchu? 18 Ñuca huahuashitucuna, ama shimillahuan llaquishun, rurashcahuan llaquishun. 19 Chaipimi allipacha yachashun ñucanchic shutimanta cashcata, Diospac ñaupacpipash cushimi cashun; 20 ñucanchic shuncu imamantapash cautsayachina charicpi, Dios ñucanchic shancumanta ashtahuan yalli jatun cashpa, tucuita pai yachan. 21 Llaquishca huauquicuna, ñucanchic shancu mana cautsaya-chicpi, Diospi yuyaita churashpa paiman mayanyashanchic; 22 pai tucui ñucanchic mañashcata cancami, ñucanchic pai ru-rai nishcacunata pactachishcaraicu, ñucanchic pai munashca-tapash rurashcaraicu. 23 Caimi pai rurai nishca: paipac Churi Jesucristopi inina canchic, pai rimashca shina ñucanchicpura llaquinacuna canchic. 24 Pai rurai nishcacunata uyaccuna paipi causanun, paica paicunapi causan. Pai ñucanchicpi causa-cushcata cairaicumi yachanchic: pai ñucanchicman cushca Sa-mairaicu.
1 Llaquishca huauquicana, ama tucui Dios ricsichishca-tami rimanchic niccanata uyanquichicchu; paicunapi tiyac samai Diospacchu can, yancachu can ricancapac, ñaupacta camana canquichic paicunata, Diospacraicumi rimanchic nic llullaccanalla cai pachapi juntarashcaraicu. 2 Cashna rurashpa-mi cancuna yachana ushanquichic maicancunallata Diospac Samaita charinacan: Jesucristo quiquin rana shina shamushcata inicmi Diospac Samaita charin. 3 Jesusmanta mana chashna inic Diospac Samaita mana charinchu; chaipac rantimanta, Cristota chicnicpac samaitami charin. Chai samai shamuna-manta cancuna uyashcanchic mari; cunan uyaichic, ñami cai pachapi can. 4 Churishitucuna, cancuna Diospac canquichic, llullaisi-quicanatapash yallishcanquichic, cancanapi tiyac cai pachaman-tacuna ucupi tiyacmanta yalli ushaita charishcaraicu. 5 Paicuna cai pachapac canun; chairaicu cai pacha imacanamanta rima-nun, pachamantacuna paicunata uyanun. 6 Ranti ñucanchic Diospac canchic. Diosta ricsic runa ñucanchicta uyan, ranti mana Diospac rana ñucanchicta mana uyan. Chaipi ricsina ushanchic, maican shuti shimi samaita charin, maican umachic samaita charin. 7 Llaquishca huauquicuna, ñucanchicpura llaquinacuna canchic, llaquina Diosmanta shamushcaraicu. Llaquic runa Diospac churi cashpa Diosta ricsin. 8 Mana llaquic runa Diosta mana ricsishcachu Dios llaquina cashcaraicu. 9 Ñucanchicman llaquina charishcata Dios ricsichirca paipac shuclla Churita cai pachaman cachamushcapi, ñucanchic pairaicu causaita charincapac. 10 Llaquina caimi can: mana ñucanchic Diosta llaquishcaraicu, ashtahuan pai ñucanchicta llaquishpami paipac Churita cachamurca, camaripi curishpa ñucanchic juchacunata pichancapac. 11 Llaquishca huauquicuna, ñucanchicta Dios chashna llaquishcaraicu, ñucanchicpurapash llaquinacuna canchic. 12 Diosta mana pipash ricushcachu, ranti ñucanchicpura llaquinacucpi, Dios ñucanchicpi causan, paipac llaquinapash ñucanchic ucupi sapiyan. 13 Paipac Samaita ñucanchicman cushcaraicumi, ñucanchic Diospi causacushcata paipash ñu-canchicpi cashcata yachanchic. 14 Ñucanchicllata ricushcan-chic, chairaicu Yayami Churita cai pachata quishpichincapac cachamurca rimanchic. 15 Maicanpash Jesus Diospac Churi cashcata inishpa, Diospi causan Diospash paipi causan. 16 Chashua yachashcanchic, iuinchicpash ñucanchicta Dios llaquishcata. Dios llaquina can; llaquinapi causac runa Diospi causan, Diosca paipi causan. 17 Chashnami llaquina ñucanchicpi shuti jinu tiyan, taripana puncha ñucanchic yuyaita Diospi churancapac; ñucanchic cai pachapi Jesucristo cashca shinallata mari canchic. 18 Llaquina tiyashcapi manchai mana tiyan mari. Ashtahuanpash, pacta llaquina manchaita callpachin, manchaica ñacarina samimi can. Chairaicu pipash manchaita charishpa, chaira mana allipacha llaquinata charin. 19 Pai ñaupac llaquishcaraicu ñucanchicpash llaquinchic. 20 Maicanpash: "Ñuca Diosta llaquinimi" nishpallara, huauquita chicnishpa, llullaisiqui can. Pipash ricuric huauquita mana llaquishpa, mana ricuric Diosta ashtahuan mana llaquina ushancachu. 21 Jesucristo cai rurai nishcata ñucanchicman cushca: Diosta llaquic runa paipac huauquitapash llaquichan.
1 Pipash Jesus Mesiaspi inina charic Diospac churi can; Yayata llaquic rana tucui chai Yayapac churicunatapash llaquin. 2 Diosta llaquishpa, pai rimashcata pactachishpa, yachanchic ñucanchic Diospac churicunatapash llaquishcata. 3 Pai rurai nishcacunata uyanami Diosta llaquina can; pai rurai nishcacuna mana llashacchu canun, 4 Diospac churicuna tucuilla cai pachata yalliccuna cashcaraicu. Ñucanchic inina charishcamanta cai pachata yallina ushashcanchic. 5 Jesus Diospac Churi cashcata inic pachata yallin. 6 Jesucristo shamushca, yacuhuan, yahuarhuan ricuchish-ca saquirirca; mana yacullahuan, ranti yacuhuan yahuarhuan. Samaillata chai chashna cashcamanta ricuyac can, chai Samaica shuti can. 7 Quimsa ricuyaccunami tiyanun: 8 Samai, Yacu, Yahuar; quimsantin chai yuyaillata charinun. 9 Runacuna ricuyashcata uyanchic, ranti Dios ricuyashca tucuimanta ashta-huan yalli can, Dios paipac Churimanta ricuyac cashcaraicu. 10 Maicanpash Diospac Churipi inic quiquin paipac shuncupi chai ricuyashcata apaicachan; Diosta mana inic Dios llullami can rimacun, Dios paipac Churimanta ricuyashcata mana inish-caraicu. 11 Dios ñucanchicman huiñai causaita cushcamanta ri-cuyacmi can, chai causai paipac Churipi tiyan. 12 Diospac Churita charic runa chai causaitapash charin; ranti Diospac Churita mana charic chai causaita mana charinchu. 13 Diospac Churipi inic cashcamantami cancunata caita quillcani, cancana huiñai causaita charishcata yachancapac. 14 Diospi ñucanchic yuyaita churashcanchic, imatapash pai manashca shina ñucanchic mañacpi, pai uyana cashcaraicu. 15 Yachanchic Dios paihuan rimarishcapi ñucanchicta uyashca-ta, paiman mañashcata ña cui tucushcatapash yachanchic. 16 Pipash shuc huauquita mana huañuiman pushac juchata ruracucta ricushpa, Dios-huan pairaicu rimarina can, huauquiman causaita Dios cuncami, mana huañuiman pushac jucha cacpi. Huañuiman pushac jucha tiyanmi, chai jucharaicu Dios—huan rimarinami chaita shuti mana rimanichu. 17 Tucui mana alli rurashca jucha can; shinapash, mana huañuiman pushac jucha tiyan. 18 Diosta Yayachishpa causac mana juchallm, Diospac Churi paita ricushcaraicu, supaica paita mana urmachina ushan. 19 Ñucanchic Diospac cashcata yachanchic, tucui pacha supaipac maquipi cashcatapash. 20 Diospac Churi shamush-catapash yachanchic, pai quiquin Diosta ricsincapac yuyaita ñucanchicman cushca. Quiquinman llutarishca causanchic, nic-pi, paipac Churi Jesucristoman. Caimi quiquin Dios huiñai causaipash can. 21 Huahuashitucuna, llulla dioscunamanta yuyapanquichic.
1 Ñuca, Rucu, cai quillcata Dios acllashca iniccunaman quillcani; paicunata shutipachami llaquini; mana ñucalla tucui shuti cashcata ricsiccanapash paicunata llaquinun. 2 Cancunata llaquini shuti cashcata ñucanchic shuncupi charishcaraicu, pai ñucanchicpi huiñaimi tiyanca. 3 Dios Yaya Yayapac Churi Jesucristopash, paicunapac cuyaita tallichinuchun llaquina charinatapash, ganas causaita, shuti cashcapi, llaquinapipash cancunaman cunuchun. 4 Achcatami cushiyahscani canpac churicunamanta mai-cancuna, Dios munashca shina shuti cashcapi causacushcarai-cu. 5 Cunan, llaquishca huauquicuna, ñucanchicpura llaquinacushun, cancunata nmi. Cai cancunaman quillcashca mana mushu rurai nishcachu can, callarishcapi cancuna chasquishcallatami can. 6 Dios rurai nishcata rurashpa causanami llaquinacana uyarin; cancuna callarishcamanta uyashca, Dios rurai nishcaca caimi: ñucanchicpura llaquina-cushpa causana canchic. 7 Cai pachapi achca umachiccuna tiyanun, paicuna Jesucristo cai pachaman quiquin rana shina shamushcata mana imnun. Chai laya runa umachisiqui runa can, Cristota chicnic can. 8 Yuyanquichic, cancuna ñaupac rurashca ama yanca tucucun, cancuna cuyai tucunata illacta japina munashpa. 9 Maicanpash Cristo yachachishcamanta ashtahuan yallinayashpa, chai runa Diosta mana charinchu; ranti yachachishcallapi catic runa, Yayata Churitapash charin. 10 Pipash cancunata ricunca rishcapi, cai yachachinata mana apacpi, cancuna huasipi ama chasquinquichicchu, paita ama saluranquichicchu; 11 maicanpash paita salurac runa, mana alli ruranapi paita yanapacun. 12 Cancunata achca rimanata charini, shinapash mana quillcapi rimanayanichu. Cancunata ricucrisha yuyani cancunahuan jinu rimarincapac, ñucanchic cushiyai pactarishca cancapac. 13 Canpac acllashca ñañapac churicuna cancunata yuyarinumi.
1 Ñuca, Rucu, alli shutipacha ñuca llaquishca mashi Gayota cai pancata quillcani. 2 Llaquishca huauqui, Diosta mañani, can Diosta catinapi alli rirashca shina, chashnallata tucuipi alli catichun nishpa, ama ansapash uncushpa. 3 Yapa cushiyarcani shuc huauquicuna shamushpa, can shuti cashcapi mana pantashpa caticushcata rimahuanucpi uyashpa. 4 Ñuca churicuna shuti cashcapi caticushcata yachashpa, tucui imamantapash yalli cushiyachihuan. 5 Llaquishca huauqui, can imatapash huauquicanaraicu rurashcapi mana pantashcahuan rurashpa caticunqui; paicuna chicanmanta runacuna cacpipash. 6 Can yanapashcamanta tucui iniccuna ñaupacpi rimai tiyashca. Diosmanta yanapai mañani; paicuna rirashcapi catina ushancapac paicuna mutsushcata cuilla, Dios munashca shina. 7 Jesucristota yanapanaraicu purincapac callarinushca, Diosta mana ricsiccunamanta mana shuc yanapaita chasquina munanushcachu. 8 Chairaicu ñucanchic paicunata ricuna tucunchic, shuti shimi yachachinapi paicanata yanapancapac. 9 Shuc pancata miccunaman quillcarcani, ranti Diótrefes ñucanchicta mana uyana munan, pailla amu causasha yuyashcaraicu. 10 Chairaicu, rishpa imaca, pai rurashcamanta rimanami cani, ñucanchicmanta llullashpa, camishpa purin. Chaihuan mana cushiyashpa, chaiman pactac huauquicunata mana chasquinchu, pipash paicunata chasquina manacpi, mana chasquichin, iniccuna ucumantapash paicanata callpachin. 11 Llaquishca huauqui, mana alli rurashcacunata ama catinquichu, ashtahuan alli rurashcacunata catinqui. Alli cashcata rurac Diospac runa can, ranti mana alli cashcata rurac Diosta mana ricushcachu. 12 Tucuicuna Demetriomanta alli rimanun; chai shuti can; ñucanchicpash pai allimi can ninchic, can ñucanchic shuti rimashcata yachanqui. 13 Canta achca rimana charircani, ranti quillcapi mana rimanayanichu; 14 utcallami canta ricusha yuyani canhuan jinu rimarincapac. 15 Ganas causai canpi tiyachun. Mashicuna canta yuyarinunmi. Caita mañani, ñucanchic yuyarishcata caran mashiman rimapai.
1 Ñuca, Judas, Jesucristopac runa, Santiagopac huauqui, Dios Yaya llaquishpa cayashcacunamanmi cai pancata quillcani, paicuna Jesucristo ricucushcacuna canun. 2 Achca Dios cancunamanta llaquirishcata, ganas causaita llaquinata-pash chasquichic. 3 Llaquishca huauquicuna, cancuna ñucapash charishca quishpinamantami achcata munashcani cancunata quillcanca-pac; ranti cunanca, Diospac runacanata shuc cutilla huiñaipac cushca ininapi sinchicuichic rimancapac quillcana tucuni. 4 Umachishcahuan maican runacuna cancuna ucupi yaicunushca, chai runacuna Dios quillcashca shimipi unaimanta huañuncapaC cautsayachishca canurca. Millai runacuna canan, chairaicu ñucanchic Diosmanta chasquishca cuyaihuan millaipac causanun, chairapash, shuclla Amu Apunchic Jesucristota mana chasquinun. 5 Cancuna ña yachacllapita, cancunata yuyachinayani Apunchic, Israel runacunata Egiptomanta llucshichishca huasha, ima shina mana iniccunata chincachirca. 6 Chash-nallata angelcunatapash, paicuna tiyanata jichushpa chican-yashcaraicu, puchucai pancha taripanapac huacaichishca charin yana, mana tucuric chunta curralpi. 7 Chai angelcuna shinallata Sodoma, Gomorra, mayanta tiyac llactacunantin, yumashpa yapa juchallinurca, manchaipac juchacunata rurashpa causanurca. Chairaicu mana tucuric ninahuan ñacachi tucunurca Tucuicana ricuncapac. 8 Chairapash, chai ranacuna nuspa causaipi catishpa, paicuna aichata ticllayachinun, Apunchicta mana uyana munanun, angelcunata millaipac shimicunahuan piñanan. 9 Arcangel Miguel jinu, Moisespac aichata mitsanacushpa supaihuan macanacushcapi, mana piñashcahuan paita cautsayachircachu, cashnalla paita nirca: "Apunchic canta rimachun". 10 Ranti chai runacuna mana alli ricsishca imacunamantapash mana alli shimita rimanun; ranti paicana huihuacuna shina yuyai illac ricsishcata, paicunallata huacllichincapac charinun. 11 ¡Supaicuna! Cain rurashcata catinun. Balaan shina, cullquiraicu pantanushca; Coré shina, piñarishcamanta huañumm. 12 Cancuna huauquipura llaquinacushpa raimishca-pi, pincaipac canun, paicuna chaipi cushiyashcahuan micunun, upianan, mana ansa yupaichanata charishpa. Quiquinllata ricuc michic canan. Huaira maimanpash tancacushca yacu illac puyu canun. Pai aparinapi mana muyuyuc yura canun, ishcai cuti huañushca, sapintin surcushcacuna. 13 Sinchi jatarishca ñucñu yacu bacu canun, paicuna pincaipac rurashcata puscuta shina shitanun. Ñanmanta anchurishca cuillur canun, quiquin yana tutapi huiñai causancapac churashca canun. 14 Adan huasha canchis niqui Rucu yaya Enocpash cai shimicunata chai runacunamanta rimarca: "Apunchicta ricurcani, huaranca huaranca angelcanahuan shamucpi 15 tucui runata taripancapac, tucui millai runacunatapash cautsayachincapac, paicuna millaimanta mana allita rurashcaraicu, paicuna millai juchasapa ranacuna cashpa paita mana alli shimicunahuan piñashcaraicu". 16 Paicana causaihuan mana cushi canun, tucuimanta caminan, paicuna aicha munashcallata rurashpa cushiyaita charinun. Sumac shimita rimac canun, runacunata umachishpa paicanaraicu cullquiyancapac. 17 Ranti cancuna, llaquishca huauquicuna, yuyarichic Apunchic Jesucristopac apostolcuna 18 caita cancunaman rimashcata: "Puchucai pachacunapi asisiqui runacunami tiyanunca, mana alli munaicunallata rurashpami paicuna causanunca". 19 Chaicunami runacunata chausichic canun; paicuna aicha mañashcatallata catinan, mana charinan Diospac Samaita. 20 Ranti cancuna, llaquishca huauquicuna, sumac inina charishcapi sinchicushpa causaichic. 21 Diospac llaquinapi causaichic, Apanchic Jesucristo pai ñucanchiraicu llaquirishpa, huiñai causaita ñucanchicman cuna punchata chapashpa. 22 Mana shuclla yuyaipi sinchicushpa causaccunamanta llaquirina canquichic. 23 Ninamanta surcushpa shuccanata quishpichichic, chaishuccunamanta llaquirichic; ranti paicuna-manta yuyanquichic, paicana churanantin millaichic, mana alli causashcamanta ticllayachishca charishcaraicu. 24 Ñucanchita Quishpichic, shuclla Dios pailla ushaita charin ñucanchicta juchallinamanta quishpichincapac, pai quiquin jatunyashca ñaupacpi ñucanchicta cushi, mana ticllayuc ricuchinata ushan. 25 Shuclla Diosta, Cristo Jesus Apunchicraicu quishpichicta, jatunyana, jahuayana, ushai, apu cana paipac cachun, tucui pachamanta ñaupac cunan, huiñaipash. Chashna cachun.
1 i Caimi Dios Jesucrisrota ricsichishca, pai paita yanapaccunata tucunca rashcata ricsichincapac. Jesucristo paipac angelta cachamushpa paita yanapac Juanta ricsichishca, 2 pai tucui pai ricushcamanta shutita riman, ricuyacpash pai can Diospac shimimanta, Jesucristo sinchicuchishca shimimanta. 3 Cai quillcata ricuc cai Diosmanta chasquishca shimita Catishpa uyachishcata uyaccuna cushiyanuchan, caipi quillcash-cata uyaccanapash, ña paipac pacha pactacushcaraicu. 4 Ñuca Juan, Asia suyupi canchis iglesiacanaman quillcani. Cacmanta, cashcamanta, shamunca racmanta cuyaita, alli causaita chasquichic, pai tiyashca ñaupacpi tiyac canchis samaicunamantapash chasquichic, 5 Jesucristomantapash, pai shuti rimac ricuyac can, pai tucuicunamanta ñaupac huañushcamanta causarirca, cai pachamanta yallipash can. Cristo ñucanchicta llaquin, paipac yahuarta tallichishpa ñucanchic juchacunamanta quishpichishca; 6 chashna ñucan-chic paipac runacuna tucushcanchic; paipac Dios Yayata yanapac pacriyayacunata ñucanchicta rurashca. ¡Jatunyana, ushai huiñai paipac canuchun! Chashan cachan. 7 ¡Cristo puyu ucupi shaman!, ¡ricuichic! Tucuicunami ricununca, paita tucsiccunapash, cai pachamanta tucui runacunami llaquirishpa pairaicu huacanunca. Ari. Chashnami canca. 8 "Ñucami Alfa Omegapash cam", Apanchic riman, pai tucuita ushac Dios, canan cac, ñaupa cac, shamanca racuc. 9 Ñuca, Juan, cancunapac huauqui cani, ñuca Jesus—huan llutarishca cashcaraicu cancunahuan Diospac pachapi causani, llaquicunapi, llaqui tiyashcapi sinchicuna ushaita charini. Patmos shutiyuc islapi carcani Jesus sinchicuchishca Diospac shimita huillashcaraicu. 10 Shuc domingo samai ñucamanta amuyarca; chashnapi shuc sinchi shimita ñuca huashaman uyarcani, trompeta uyarishca shina sinchi shimi, 11 pai rimahuacurca: "Can ricushcata shuc pancapi quillcai, Asia suyupi tiyac canchis iglesiacunaman chaicunata cachai: Efesoman, Esmimaman, Pergamoman, Tiatiraman, Sardisman, Filadelfiaman, Laodiceaman. 12 Chai uyaricuc shimi pipacta can nishpa ricuncapac huashaman ticrashpa ricurcani; ticrashpa ricushcapi canchis curimanta candelabro nishcacunata ricurcani, 13 chaupi candelabrocuna ucupi shuc runa shinata ricurcani, chaquicama churanahuan churarishca, pechopi shuc curimanta chunpihuan huatarishca. 14 Paipac accha millma shina yurac carca, alli nicpi, rasu shina yurac; paipac ñahuicanaca japirac nina shina canurca. 15 Paipac chaquicuna chiuclla llanpushca anta shina sinchi ninapi apiyachishca shina carca, pai rimashca shuc paccha shina sinchi uyaric carca. 16 Paipac yachac maquipi canchis cuillurcunata charirca; paipac shimimanta shuc ñañu ishcai manñayuc mircanu llucshicurca. Paipac ñahui inti sinchi rupachicushcapi ricurishca shina carca. 17 Paita ricushpa, paipac chaquipi huañushca shina urmarcani. Ranti pai, paipac yachac maquita ñucapi churashpa, rimahuarca: "Ama manchaichu; ñucami tucuimanta ñaupa, tucuimanta huasha cani, 18 cunan causacucmi cani. Huañushca carcani, ranti cunanca huiñaipac causani. Ñucami huañui pachamanta llavecanata charini. 19 Can ricushcata quillcai: cunan tiyashcata huasha tiyanca racushcatapash. 20 Caimi ñuca yachac maquipi can ricushca canchis cuillurcanapi pacashca tiyac can, curimanta canchis candelabrocunapipash: canchis cuillurcuna canchis iglesiacunapi tiyac angelcunata ricuchiranun, canchis candelabrocunaca canchis iglesiacunata ricuchiranun.
1 "Efesopi tiyac iglesiamanta angelta quillcai: 'Paipac yachac maquipi canchis cuillurcanata charic, curimanta canchis candelabro ucupi puric caitami riman: 2 Tucui can rashcata yachanimi; canpac sinchi llancanata, can sinchicushpa catishcata yachanimi; yachani can millai runacunata mana ricuna ushashcata. Yachanimi can, mana apostol cashpallata apostolmi canchic rimaccunata camashpa, paicunata llullaipi tupashcata. 3 Sinchicushpa catishcanqui, ñucaraicu achcata ñacarishcanqui, mana sanpayashpa. 4 Ranti caipi pantacunqui; callaripi charishca llaquinata ña mana charinqui. 5 Chairaicu, ricui imapi pantacushcata, Diosman ticrai, can callaripi rurashcata cutillata rurai. Mana cacpi, mana can alliman ticracpi, canpac candelabrota pai shayashcamanta anchuchisha-mi. 6 Chashna cacllapita, canpac allipac nicolaitacunapac causaita chicninqui ñuca chicnishca shinallata. 7 Rinriyuc uyachun iglesiacunaman Diospac Samai rimashcata: Ñucami atic ranacunata Diospac jahua pachapi shayac causaita cuc yuramanta carasha'. 8 "Esmirnapi tiyac iglesiamanta angeltapash quillcai: 'Tu-cuimanta ñaupa, tacuimanta huasha, huanushca cac, cutillata causarishca, Caitami riman: 9 Ricsiuimi can ñacarishcata, can llushti cashcatapash; alli nicpi, tucuitami can charinqui. Judio-mi canchic rimaccuna canmanta mana alli rimashcata yachanimi, paicunaca mana imapash canunchu, supai tantachishcami canun. 10 Can ñacarmca racushcamanta ama manchaichu, can-canamanta maicancanata chunta curralpi churanca ranan, tucui cancuna camai tucushca cancapac; ansa punchacuna cancana ñacarina tucunca ranquichic. Huañunacama sinchicui, ranti ñuca shuc cuyaita shina canman causaita cusha. 11 ¡Rinriyuc Samai iglesiacunaman rimashcata uyachun! AtiCcuna mana an-sapash ñacarinuncachu cuti huañui pactamushcapi'. 12 "Pergamomanta iglesiamanta angeltapash quillcai: 'Caitami ñañu ishcai manñayuc mircanuta charic riman: 13 Ñuca yachani can supai amu paipac tiyarinata charishcapi causacushcata; shina cacllapita ñucahuan caticunqui. Ñucapi ininata mana saquishcanquichu, ñucapac cusca ricuyac Antipasta, Supai causana llactapi huañuchishcapipash, ininata mana saquircanquichu. 14 Ranti caicunapi can pantacunqui: Balaam yachachishcata catic maicancuna canpac ucupi tiyanun; pai Balacta israelitacunata juchallichincapac, huacacunaman camaripi ricuchishca aichata micushpa, camachirca, yumashpa juchallishcahuanpash. 15 Chashnallata, maicancanata nicolaita-cuna yachachishcamanta mana chincayana munaccunata charinqui. 16 Chairaicu, Diosman ticrai; mana cacpi, ñallami canpacman risha; chaipi ñuca shimimanta llucshic mircanu-huanmi paicunahuan macanacusha. 17 Rmriyuc uyachun Samai iglesiacunaman rimashcata:Aticcanata pacashca tiyac "mana" nishcamanta paicunata carashca; shuc yurac rumitapash paicunata cushami, chaipi shuc mushu shuti quillcashca tiyan; chasquicllami ricsin, shuccunaca mana'. 18 "Tiatirapi tiyac iglesiamanta angeltapash quillcai: 'Caitami Diospac Churi riman, ñahuita japirac nina shina charic, chaquicunata llanpushca anta shina charic: 19 Tucui can rurashcata yachani; can llaquishcata, canpac inina, canpac yanapai, can mana sanpayashpa caticushcata yachanimi; callarishcapi rurashcamanta canan ashtahuan yalli ruracushcata yachanimi. 20 Ranti caimanta canta rimana munani: canpacpi chasquinqui chai Jezabel shutiyuc huarmita, pai Diospacraicu-mi rimani rimashpallata, pai yachachishcahuanca ñucata yanapaccunata umachin, yumashpa juchallinapi urmachispa, huacacunaman camaripi ricuchishca micunacanata micuchish-pa. 21 Diosman ticrana tuputa chapani; ranti pai mana munashcachu, mana saquishcachu yumashpa juchallinata. 22 Chairaicu cunan paita sinchi uncuchinca rani, paihuan crusta paquiccunata sinchi ñacachinahuanmi camanca rani, paicuna mana alli rurashcamanta mana nanaricpi chaipash. 23 Pai charishca churicunata huañuchishami; chashnami tucui iglesiacuna mai shuncu cuchuta, mai yuyai cuchucunata ñuca ricsishcata yachanunca; cancunatapash caran amu rurashca tuputami cusha. 24 Rami cancunata, Tiatirapi causac cashpalla-ta mana chai yachaita caticcunata, mana ricsinushcapash paicuna Supaipac pacara jatun yachaicuna nishcatapash, paicunaman mana ima ñacarina tiyancachu; 25 ranti cancana charishcata mana chincachina canquichic ñuca shamunacama. 26 Aticcunaman, causaicama ñuca munashcata ruraccunaman, llactacunapac apu tucuna ushaitami cusha, 27 - 28 sinchi maquihuanmi paicunata pushananca, mancallpamanta rurashca mucahuata shinami paicunata paquinunca, ñuca rurashca shina, ñuca Yayamanta ushaita chasquishcaraicu. Tutamanta ricuric cuillurtapash paiman cushami. 29 Rmriyuc cai Samai iglesiacunaman cushca shimita uyachan'.
1 "Sardispi tiyac iglesiamanta angeltapash quillcai: 'Diospac canchis samaicunata, canchis cuillurcunata charicmi caita riman: Tucui can rascata yachanimi, ricurincapacca causac canqui, shina cashpallata huañushca canqui. 2 Ricchari, canpi chaira mana huañushcata causachi; ricushcanimi can rurashcacuna ñuca Diospac ñaupacpi chaira mana pacta cashcata. 3 Chashnamanta, canta yachachishcamanta yuyarish-pa, paita catishpa Diosman ticrai. Can mana ñahuita pascashpa causacpica, can cuncailla tiyashcapi, shuc shuhuac runa shinami canpacman pactasha. 4 Shinapash, Sardispi churana mana mapayachic runacuna ansashitu tiyan; paicuna ñucahuan yuraclla churarishca purinca ranun, chashna cuyai tucuna cashcaraicu. 5 Aticcana chashna yurac churanahuan churachish-cami canunca, paicunapac shutitapash mana anchuchishachu causaita cuc quillcamanta; ashtahuan ñuca Yayapac ñaupacpi paipac angelcunapac ñaupacpipash paipac shutita rimashami. 6 ¡Rinrita charic Samai iglesiacunaman rimashcata uyachun!'. 7 "Piladelfiapi tiyac iglesiamanta angeltapash quillcai: 'Santo, shuti cac, Jatun Curaca Davidpac llaveta charic, pai pascacpi mana pipash huichcana ushacushca, pai huichcacpi mana pipash pascana ushacushca, caita riman: 8 Tucui can rashcata yachanimi; ricui, canpac ñaupacpi pascara pancuta churashcam; chaita mana pipash huichcana ushan; mana sinchi cashpapash, ñuca shimita uyashcanqui, ñucamanta mana chicanyashcanqui. 9 Ñucami, Supaipac ranacuna, llullaisiqui, judiomi canchic nishpallata mana caccuna, canpac chaquipi cuncurichisha, ñuca canta llaquishcata paicuna yachancapac. 10 Mana sanpayashpa can ñuca shimita huacaichishcaraicu, canta ñuca quishpichishami tucui cai pacha camai tucuna pactashcapi. 11 Ñami shamuni. Can charishcata huacaichi, can charishca cuyaita ama pipash quichancapac. 12 Aticcanata ñuca Diospac huasipi columna nishcata rurashpa shayachisha, huiñaimi chaipi causanunca; paicunapimi ñuca Diospac shutita, ñuca Diospac llactapac shutitapash quillcasha, ñuca Diospac jahua pachamanta shamuc mushu Jerusalen; ñuca mushu shutitapash paicunapi quincashami. 13 ¡Rinrita charic Samai iglesiacanaman rimashcata uyachan!'. 14 "Laodiceapi tiyac iglesiamanta angeltapash quillcai: 'Caitami shuti cac riman, mana llullashpa rimac ricuyac, tucui Dios rurashcapac amu. 15 Tucui can rurashcata yachani. Mana rupac canqui mana chiri canqui. ¡Chiri, rupac cashpa chari ashtahuan alli canquiman! 16 Ranti ansa cunuclla, mana chiri mana rupac cashcaraicu, ñuca shimimanta cuinashcanquimi. 17 Can tucuita charicmi cani rimanqui, huacaichishca achcami tiyahuan, mana imapash pishihuanchu ninqui; mana atipanqui canllata llaquipac cashcata, pipash canta ricushpa llaquiripac, tsuntsu, ñausa, llushti canqui. 18 Cai ñuca shimita uyai: ninapi chuyayachishca curita rantihuai, alli shuti pacha canta ama imapash pishincapac; shuc yurac churanatapash churarishpa can pincaipac llushtiyashcata quillpancapac, ñahui janpitapash, ñahuipi jahuirishpa ricuna ushancapac. 19 Ñucaca piñanimi, camachinimi ñuca llaquishcacunata. Chairaicu sinchicushpa cuti Diosman ticrai. 20 Ricui, puncupi cayacuni; maicanpash ñuca shimita uyashpa pascapi, paipac huasipi yaicushpa ishcantinpurami micushun. 21 Aticcunata ñuca tiyarinapimi paicunatapash tiyachisha, ñuca tiyarishca shina, ñuca yallishcapi, ñucapash ñuca Yayapac tiyarinapi tiyarircani, paipac mayanpi. 22 ¡Rinrita charic, Samai iglesiacunaman rimashcata uyachun.!".
1 Chai huasha, chaipi jahua pachapi shuc puncu pascara ricurirca; ñaupa trompeta shina uyaric shimi cuti rimahuarca: —Caiman sicamui, ricuchishcanqui huasha tucunca rashcata—. 2 Chaillapita Samai amuyahuarca, jahua pachapi shuc tiyarina churashcata ricurcani, chai tiyarinapi shuc runa tiyacurca. 3 Tiyarinapi tiyacuc jaspemanta shina, granatemanta shina ricuric carca; chai tiyarina luyucta shuc cuichi esmeralda shina llinpiyac tiyarca; 4 chai tiyarina luyuctapash ishcai chunca chuscu tiyarinacunata ricurcani, chaicunapi ishcai chunca chuscu rucucuna tiyaranurca: yurac churarishca canurca, umapica curimanta llaututa charinurca. 5 Tiyarinamanta llinpiyashca, sinchi uyarishcacuna, tulupushcacuna llucshira-nurca; tiyarina ñaupacpi canchis achiccuna japirayanun, paicuna Diospac canchis samaicuna canun. 6 Chai tiyarina ñaupacpi tiyarca shuc ñucñu yacu shina ricuric, cristal shina chuya. Chaupi panpapi, tiyarina cashcapi, paipac mayanta, chuscu huihuacuna ñaupacman huashaman ñahuiyuccuna tiyanurca. 7 Ñaupacpi ricuric huihua puma shina ricuric carca; shucca cari huacra shina ricuric carca; chaishucca rana ñahuita charirca, puchucaica huanpurac huamani shina ricuric carca. 8 Paicanamanta caranlla sucta ricrata charinurca, jahuamanta ucumanta ñahuiyuccuna. Tutantin punchantin caita rimanata mana saquinunchu: '¡Santo, santo, santomi tucuita ushac Apunchic can, cac, cashca, shamanca rac!". 9 Chai chuscu huihuacuna caran caparishcapi "jatunyana, jahuanyana, cuyai tiyarinapi tiyacucpac, huiñai causacpac cachun" nishpa, 10 ishcai chunca chuscu rucucuna tiyarinapi tiyacucpac ñaupacpi paita chacchashpa cuncurinun. Paicunpac llaututa tiyarina ñaupacpi shitashpa rimanun: 11 "Apunchic Dios. Canlla cuyai, jatunyachish, jahuayachish tucana canqui, ushaitapash charinqui; can tucui tiyashcacunata rurashcaraicu can munashcaricu tiyanun, can paicanata rurashcanqui".
1 Tiyarinapi tiyacucpac yachac maquipi shuc pillu-chishca pancapi ucumanta canchamantapash quillcarayuc- ta ricurcani, cnachis sellocunahuan quillpashca carca. 2 Shuc ushayuc angel sinchi shimihuan tapucucta ricurcani: —¿Maicanmi sellocunata lliquishpa pilluchishca pancata pascana ushac tiyancachu?— 3 Ranti jahua pachapi, cai allpapi allpa ucupipash mana pipash tiyarcachu pilluchishca pancata pascashpa ricuna ushac. 4 Ñucaca yapa huacacurcani, pilluchishca pancata pascashpa, ricuna ushac mana tiyascaraicu. 5 Ranti rucucunamanta shuc rimahuarca: —Ama ashtahuan huacaichu, Judapac aillumanta puma, Jatun Curaca Davidpc churi, atishcami, pai pilluchishca pancata pascana ushan, sellocunatapash lliquina ushanmi. 6 Chashnapi, tiyarinahuan huihuacuna chaupipi, rucucuna chaupipi, shuc Corderota ricurcani. Shayacurca, huañuchishca shina ricurishpallata. Canchis cachuyuc, canchis ñahuiyuc carca, paicuna tucui pachaman Dios cachashca canchis samaicuna canun. 7 Chai Cordero rishpa tiyarinapi tiyacucpac yachac maquimanta pilluchishca quillcata japirca; 8 pai chai pilluchishca quillcata japishca shina, chuscu huihuacuna, ishcai chunca rucucanantin Corderopac ñaupacpi cuncurmurca. Tucui paicuna arpata charinurca; charinurcapash curimanta mucahuacuna sumiriuhuan juntachishca; chaicuna Diospac runacana Dios—huan rimarishca canun. 9 Cai mushu taquinata taquirananca: "Canllami pilluchishca quillcata japina ushanqui, paipac sellocanatapash lliquina ushanqui, camaripi huañuchishca cashpa; canpac yahuarta tallichishpa Diospacta rantircanqui tucui laya rana, tucui laya shimiyuc maipi causac, tucui laya llactacunata. 10 Paicunata Diospac mnacunata rurarcanqui, ñucanchic Diospac pacriyayacanata rurarcanqui paicanaca cai pachapac amumi canunca". 11 Huasha ricucpi, achca angelcanapac shimita tiyarina mayanpi, huihuacunapac, mayanpi caccunata uyarcani. Junu junu paicana jantaranurca, 12 cashna sinchi rimaranurca: "Camaripi huañuchishca Cordero pailla chasquina ushan ushaita, tucui charinata yachai, jahuayachina, jatunyachina, chacchana". 13 Jahua pachapi tiyac, allpapi tiyac, allpa ucupi tiyac, ñucñu yacupi tiyac Dios rurashca tucui imacuna cashna rimaranurca: "Tiyarmapi tiyacucta Corderotapash, huiñai huiñai chacchana, jatanyana, jahuayana, ushai cushca cachan". 14 Chuscantin huihuacuna "Chashna cachun" cutipara-nurca. Chuscu chunca chuscu rucucunaca cuncurishpa chacchanurca.
1 Chai huasha ricurcani ima shina Cordero canchismanta sellocanata shucta lliquirca; chaipi uyarcani chai chuscu huihuacunamanta shuc caita rimarca tulupushca shina shimihuan: —Shamui. 2 Ricushpa ricurcani shuc yurac caballota, paipac jahuapi tiyacuc shuc ballestata maquipi charirca. Paita shuc llaututa cunurca, atishpa atincapac llucshirca. 3 Cordero ishcai niqui sellota lliquishcapi, ishcai niqui huihua rimashcata uyarcani: —ShamuL 4 Chaipi shuc caballo llucshirca. Chaica puca carca, paipac jahuapi cac cai pachamanta alli causaita anchuchincapac ushaita chasquirca, runacuna paicunapura huañuchinacuncapac; paita shuc shuc jatun mircanuta cunurca. 5 Cordero quimsa niqui sellota lliquishcapi, quimsa niqui huihua caita rimashcata uyarcani: —Shamui. Ricushcapi, shuc yana caballota ricurcani, paipac jahuapi tiyacuc shuc llashai camanata maquipi charirca. 6 Chuscu huihua ucumanta cai shimi rimashca uyarcani: "Shuc kilo trigolla shuc pancha llancashcamanta, chashnallata quimsa kilo cebadalla shuc pancha llancashcamanta; ranti yancamanta ama jichanquichicchu huirata vinotapash". 7 Cordero chuscu niqui sellota lliquishcapi, chuscu niqui huihua caita rimashcata uyarcani: —Shamui. 8 Ricushcapi ricurcani shuc quilluric caballota, paipac jahuapi tiyacucca Huañui shutiyuc carca. Paipac huashalla huañui pachamanta shamucta ricurcani, paicuna chaupi pachamanta chaupi pachapi ushaita cui tucunurca, macanacu-chishpa huañuchincapac, yaricaicunahuan, uncuicanahuan, cai allpapi tiyac pumacunahuan huañuchincapac. 9 Cordero pichca niqui sellota lliquishcapi, Diospac shimita yachachishcamanta huañushcacunata altar ucupi ricurcani. 10 Caparishparimaranurca: —Tucuimanta yalli santo, cusca, allpamanta runacanata taripana punchata chapaimanta aminchicmi; ñucanchicta hua-ñuchishcamanta ñacachinatapash chapaimantami aminchic. 11 Chaipi yurac churanacunata paicunaman cunurca, chai-ra ansata samaichic rimai tucunurca, Cristota yanapashcamanta huañuchi tucuccanapac huauquicunapac tuputa pactachinacama. 12 Cordero sucta niqui sellota lliquishcapi, ricurcani, shuc jatun allpa cuyurina tiyarca. Inti yana tucurca, llaquirishbcapi churarishca churana shina; quilla, puca yahuar shina tucurca, 13 cuillurcunaca jahua pachamanta allpaman urmanurca, llullu higo muyucunapaipac yuramanta sinchi huairahuan urmashca shina. 14 Quillca panca pilluchishca shina jahua pacha chincarirca, tucui urcucuna islacunapash paicuna shayashca-manta chicanman cuyuchi tucunurca. 15 Cai pachamanta apucuna allpa jutcucunapi, rumi ucucanapi miticanurca, jatun apucunantin soldado apucanantm achcata chariccunantin, ushai chariccunantin, tucui huataracunantin quishpiracunantinpash; 16 paicuna rimanurca rumicunata urcucanatapash: —Ñucanchic jahuapi urmashpa pacaichic ñucanchicta tiyarinapi tiyacucpac ñahuimanta, Cordcropac piñarimantapash. 17 Ñacarina puncha pactarishcaraicu, ¿maicanllaca ñacarinata aparina ushancachu?.
1 Chaita ricushca huasha, chuscu cuscacunapi chuscu shayac angelcunata ricurcani, paicuna chuscu huairacanata jarcaranurca ama allpapi huairancapac, ama ñucñu yacupi huairancapac, ama maican yurapipash huairancapac. 2 Ricurcanipash shuc angel inti llucshinamanta shamucta, causac Diospac sellota pai charirca. Chai angel sinchi shimihuan caparirca chaishuc chuscu cai allpata ñucñu yacantin huacllichina ushaita chasquiccanata: 3 —Allpata, ñucñu yacuta yuracunatapash ama huacllichichicchu, ñucanchic Diospac runacunata paicunapac Irentepi chaira mana churashca cashpa. 4 Mashna jahuishcacuna cashcata yacharcani: shuc patsac chuscu chunca chuscu huaranca tucui IsraeI aillucunamanta. 5 Judapac aillucunamanta chunca ishcai huaranca jahui tucunurca, chunca ishcai huaranca Rubenpac aillumanta, chunca ishcai huaranca Gadpac aillumanta, 6 chunca ishcai huaranca Aserpac aillumanta, chanca ishcai huaranca Neftalipac aillumanta, chunca ishcai huaranca Manasespac aillumanta, 7 chunca ishcai huaranca Simeonpac aillumanta, chuncaishcai huaranca Levipac aillumanta, chunca ishcai huaranca Isacarpac aillumanta, 8 chunca ishcai huaranca Zabulonpac aillumanta, chunca ishcai huaranca Josepac aillumanta, chunca ishcai huaranca Benjammpac aillumanta. 9 Chai huasha ricurcani, achca runa tucui mama-llactacunamanta, tucui laya runacuna, tucui laya shimi, tucui laya llactacunamanta. Tiyarina ñaupacpi, Cordero ñaupacpi shayaranurca, manapi yupaipac achca canurca. Yurac churarish-ca canurca, maquipi chanta pancata aparanurca. 10 Tucui sinchi shimihuan capariranurca: —Atina tiyarinapi tiyacuc ñucanchic Diospacmi Corderopacpashmi can. 11 Tucui angelcuna tiyarina luyucta, rucucuna, chuscu huihuacana luyucta shayaranurca; tiyarina ñaupacpi frentehuan allpapi tacarinacama patarinurca, Diosta chacchanurca 12 rimashpa: —¡Chashna cachun! Chacchana, jatunyana, yachai, pacrachuna, jahuayachina, ushai, sinchi cana ñucanchic Diosman cushca cachun huiñai huiñai. ¡Chashna cachun!. 13 Chashnapi rucucunamanta shuc tapuhuarca: —¿Cai yurac churanahuan churarishcacuna picunami canun?, ¿paicuna maicanta shamushcata yachanquichu?. 14 —Canca yachanquimi apulla, paita cutiparcani. Paica rimahuarca: —Caicunami jatun ñacarinamanta shamuccuna canun, paicunami churanata maillashpa Corderopac yahuarpi yuracyachiccuna canun. 15 —Chairaicumi Diospac tiyarina ñaupacpi canun, tutantin punchantinmi paipac huasipi paita yanapanun. Tiyarinapi tiyacuc paicunata ricunca. 16 Yaricai, upianai ña mana ñacarmuncachu, intipash paicunata mana rupachincachu, rupaipash paicanata mana quillachincachu; 17 tiyarina chaupipi cac Cordero, ovejacunata shina ricucushcaraicu paimi causaita cuc pacchacunaman purichinca, Diosca tucui ñahui yacumanta paicanata pichanca.
1 Cordero pilluchishca quillcamanta canchis niqui sellota lliquishcapi, jahua pachapi ansata chunlla saquirirca. 2 Chai huasha Diospac ñaupacpi canchis angelcuna shayacucta ricurcani, canchis trompetacunata paicunaman cunurca. 3 Chai huasha shuc angel shamurca, shuc curi sumiriu rupachinahuan altar ñaupacpi shayarirca; paiman achca sumiriuta cunurca tiyarma ñaupacpi tiyac curimanta altarpi rupachincapac, tucui Diospac runacuna paiman mañashcacunata ricuchincapac. 4 Angelpac maquimanta llucshic sumiriu cushni Diospac ñaupacman sicarca, Diospac runacuna mañashcacunahuan pacta. 5 Chashnapi sumiriu rupachinata angel japirca, altarmanta nina puchucunata japirca; chaipi juntachishpa, tucui allpapi shitarca; chaipi tulupuna, llinpiyana, uyarishcacuna, shuc allpa cuyurina tiyanurca. 6 Canchis trompetayuc angelcuna uyachincapac allichiri-nurca. 7 Shuc angel paipac trompetata uyachirca, chashnapi rasu muyucana ninahuan yahuarhuan chapuchishca allpaman shitai tucunurca. Quimsapi raquishcamanta shuc raquishca allpa ruparca, paipi tiyac yuracunantin, tucui huailla quihuacunan-tin. 8 Ishcai niqui angel paipac trompetata uyachishcapi jatun urcu shina ricuric ninalla japichishca ñucñu yacupi shitai tucurca; chashnapiquimsapi raquishcamanta shuc raquishca ñucñu yacu yahuarlla tucurca. 9 Chashnapi ñucñu yacu quimsapi raquishcamanta shuc raquishcapi tucui ima causacpash huañunurca; chashnallata barcocunapash shuc raquishca huacllichishca saquirmurca. 10 Quimsa niqui angel paipac trompetata uyachishcapi, shuc jatun cuillur shuc nina shina japichishca; yacucuna, pacchacuna, quimsapi raquishcamanta, shuc raquishcapi urmarca. 11 Chai cuillur Ajenjo shutiyuc carca; yacucuna quimsapi raquishcamanta shuc raquishca jayac tucurca, chashna yacucuna jayac tucushcamanta achca ranacuna huañanurca. 12 Chuscu niqui angel paipac trompetata uyachishcapi, mti quimsapi raquishcamanta shuc raquishca huacllichi tucurca; chashnallata quilla quimsapi raquishcamanta, cuillurcunapash quimsapi raquishcamanta shuc raquishca huacllichi rucunurca. Chashna paicanapash quimsapi raquishcamanta shuc raquishca yana saquirirca, puncha tuta quimsapi raquishcamanta paicunamanta shuc raquishca mana ricuchinurca. 13 Chai huasha ricurcani, chaipi shuc huamani chaupi jahua pachapi huanpurashpasinchi shimihuan rimacurca: —Ai, ai, ai allpamanta runacuna, chai shuc quimsa angelcana trompetata uyachicpi, ima chari tucanunca.
1 Pichca niqui angeI paipac trompetata uyachirca, chashnapi shuc cuillur jahua pachamanta allpaman urmashcata ricurcani; paita huaicupi tiyac jitapac llaveta cunurca. 2 Huaicupi tiyac jitata pascashcapi, chaimanta shuc jatan ninamanta shina cushni llucshirca; chai jitamanta cushni intita huairatapash puyuyachirca. 3 Chai cushnimanta jiquicuna llucshishpa tacui allpapi chausirinurca; uputinticuna shina cana ushaita cui tucunurca. 4 Paicuna rimai tucunurca ama shuc quihuata, ama huailla ricuricta, ama shuc yurata huacllichincapac, frentepi Diospac sellota mana chariccunallata huacllichincapac rimai tucanurca. 5 Ranti runa huañuchincapac mana rimai tucunurca; paicuna nanachishca uputinti tucsishca shina nanaimi carca. 6 Chai punchacunapi runacuna huañuita mashcashpapash mana tarmuncachu; paicuna huañuita mashcacpipash, huañuica paicanamantachicauyancami. 7 Chai jiquicuna macanacuncapac allichishca shina canurca; paicanapac umapi shuc curi llautu shinata charinurca, paicunapac ñahuica runa shina ricuric canurca. 8 Huarmi acchata shina charinurca, paicunapac quiruca puma quiru shina. 9 Paicunapac aichaca jillaimanta rurashca churanahuan shinata chararishca, paicunapac ricra uyarishca achca carrocuna caballocuna aisashca macanacuipi yaicushca shina uyariccuna canurca. 10 Paicunapac chupacuna tucsina apariclla, uputinti chupa shina ricuric canurca, chai chupacunapi ushaita charinurca pichca quilla tuputa runacunata ñacachincapac. 11 Jiquicanata pushaccama, pai huaicumantaangel can, hebreo shimipi Abadón shutiyuc can, ranti griego shimipica Apolión can. 12 Ñaupa ñacari ña tucurirca; ranti chaira ishcai pishin. 13 Sucta niqui angel paipac trompetata uyachishcapi, Diospac ñaupacpi tiyac curimanta rurashca altarpi tiyac chuscu cachucunamanta shuc shimita uyarcani. 14 Chai shimi suCta niqui trompetata charic angelta rimarca: —Jatun Eufrates yacu mayanpi huatashca tiyac chuscu angelcunata cachari. 15 Chashnapi chai chuscu angelcuna cachari tucunurca, runacuna quimsapi raquishcamanta shuc raquishcata huañuchincapac; paicunaca chaipac chaparanurca, chai pachata, chai punchata, chai quillata, chai huatata. 16 Uyarcani caballopi cac soldadocuna ima tupu cashcata: ishcai patsacjanu canurca. 17 Chai nuspaipi chai caballocunata paicunapac jahuapi tiyaccunantin cashnami ricurcani: paicunapac jillaimanta churana mna shina ricuric, jacinto shina ancas, azufre shina quillu carca. Caballocanapac umaca puma uma shina canurca; shimimantaca nina, cushni, azufre shitaranurca. 18 Runacuna quimsapi raquishcamanta shuc raquishca cai quimsacanaraicu huañunurca, rimacpica, ninaraicu, cushniraicu, azufreraicu. 19 Caballocunaca huañuchina ushaita paicunapac shimipi charinan paicunapac chupapipash; paicanapac chupa machacui shinami canurca, umacanahuan huacllichic canurca. 20 Ranti puchuc runacuna, chai huañuicanahuan mana huañuccuna, paicana ñaupac mana alli rurashcata cunanpash ruranata mana saquinurcachu; curimanta, cullquimanta, antamanta, rumimanta, caspimanta, mana uyana ushac, mana ricuna ushac, mana purina ushac supaicunata huacacanatapash chacchanata mana saquinurcachu. 21 Huañuchinatapash mana saquinurcachu, sacracunatapash, yumashpa juchallinatapash, shuhuanatapash mana saquinurcachu.
1 Cuti shuc ushayuc angel jahua pachamanta puyupi uraicumucta ricurcani; umapi shuc cuichita charirca; paipac ñahui inti shina chiuclla carca; paipac chancacunaca nina jahuapi japirashca shina ricuric canurca. 2 Paipac maquipi shuc pascara quillcata charicurca; paipac yachac chaquita ñucñu yacu jahuapi churarca, lluquitaca allpa jahuapi. 3 Shuc puma piñarishpa caparishca shina caparirca; pai caparishcapi, canchis tuluncuna paicunapac quiquin shimita uyachinurca. 4 Canchis tuluncuna rimashca huasha, ñuca quillcanca rarcani; ranti chashnapi shuc jahua pachamanta shimi ñucaman rimashcata uyarcani: —Canchis tuluncuna rimashcata canlla huacaichi, ama quillcaichu. 5 Chashnapi ñuca ricushca ñucñu yacupi, allpapi shayacu angel, paipac yachac maquita jahua pachaman jatachishpa, 6 sinchi shimita rimarca huiñai causacraicu, jahua pacha, allpa, ñucñu yacu, tucui paicunapi tiyaccunata ruracraicu. Rimarca: —Ña chapana ashtahuan mana tiyancachu; 7 canchis niqui angel paipac trompetata uyachincapac callarishcapi, Dios pacashpa charishca yuyai ña pactarishcami canca, pai paita yanapac profetacanata rimashca shina. 8 Ñuca ñaupa uyashca shimi, jahua pachamanta uyaric shimi, cuti rimashpa, caita rimahuarca: —Rishpa japi pascara quillca pancashituta chai ñucñu yacupi, allpapi shayacuc angel paipac maquipi charicushcata. 9 Angelpacman rishpa chai quillca pancashituta cuhuai mshpa mañarcani, paica cutipahuarca: —Caica, micui. Canpac shimipica mishqui shina mishquimi canca, ranti canpac huicsapica jayacmi tucanca. 10 Quillca pancashituta angelpac maquimanta japishpa, micurcani; ñuca shimipica mishqui shina mishqui carca, ranti micushca huasha ñuca huicsapi jayac tucuhuarca. 11 Chashnapi rimahuanurca: —Cutillata Dios achca llactacunamanta, mama— llactacunamanta, shimicunamanta, reicunamanta tucunca rashcata rimashcata rimana canqui.
1 Shuc pintu shina ricuri tupuna caspita cuhuanurca, cashna rimashpa: —Jatarishpa tupui Diospac huasita altartapash, chaipi chacchaccunatapash yupai. 2 Ranti ama tupuichu Diospac huasi ñaupacpi tiyac chushac panpata, Diosta mana ricsiccunaman cushca cashcaraicu; paicuna santo llactata chuscu chunca ishcai quilla tupu jaitashpa shitanca ranun. 3 Ñucaca ishcai ricuyaccuna tsaca churana churarishcacunata cachanca rani, shuc huaranca ishcai patsac sucta chanca puncha ñucaraicu rimancapac. 4 Cai ishcai ricuyaccuna allpa amupac ñaupacpi shayac ishcai olivocuna, ishcai candelabrocuna canun. 5 Maicanpash paicanata huacllichinata manacpi, ninata shimimanta paicana shitanun, chai nina paita piñaccunata illacta rupachic can; chashnami maicanpash paicunata huacllichinata munac huañunca. 6 Cai ricuyaccana jahua pachata quillpana ushaita charinan, caicuna Diospac—raicu rimacushcapi tucui pacha ama tamiachan, paicuna ushaitapash charinan yacuta yahuarta rurancapac, tucui Jaya uncuicunahuan aIlpata ñacachin-capacpash, paicana manashcacama. 7 Ranti paicuna ruranata tucuchishcapi, manchaipac huaicumanta sicamuc huihua paicunahuan macanacushpa, atishpa, paicunata huañuchincami. 8 Paicunapac ayacuna shitashcami saquirinunca Apanchic chacatai tucushca jatun llacta callecunapi, chai llactata iniccuna Sodoma, mana cacpi Egipto ninun. 9 Quimsa punchya chaupi caran laya llactamanta runa, tucui laya yahuaryuc, ima shimiyuc, mai mama—llactamantacuna paicunapac ayacunata ricununca, panpancapac mana saquinancachu. 10 Cai allpapi causaccuna paicuna huañushcamanta cushiyanuncami. Cushiyaimantami tucuipura cuyaicunata curinacunca, chai ishcai profetacana causacushpa paicanata ñacachiccana cashcaraicu. 11 Ranti quimsa puncha chaupi tucurishcapi, Dios paicunata causachicpi cutillata jatarinurca, tucui paicunata ricuccuna mana ushaipac mancharinurca. 12 Chashnapi chai ishcai ricuyaccuna jahua pachamanta shuc sinchi shimi paicunaman cashna rimashcata uyanurca: "Caiman sica-muichic". Paicunaca shuc puyupi jahua pachaman sicanurca, paicunata chicniccunapipash ricui tucunurca. 13 Chaillapita shuc jatun allpa chausirina tiyarca, chai allpa chausirinaraicu llacta chuncapi raquishcamanta shuc raquishca tularirca, chaipi canchis huaranca runacuna huañunurca. Chaira causac quipariccuna mancharimantalla jahua pachapi Diosta chacchanurca. 14 Ishcai niqui huañui tucurirca, shinapash mana unaichu quimsa mqui huañuica pactamunca ran. 15 Canchis niqui angel paipac trompetata uyachishcapi, sinchi shimihuan cashna rimashcacana uyarinurca: —Cunanca cai pacha ñucanchi Diospac, paipac Cristopac pachami tucushca, paica huiñai huiñaimi amu canca. 16 Diospac ñaupacpi paicunapac tiyarinapi tiyacuc ishcai chunca chuscu rucucuna, allpaman cumurishpa, Diosta cashna nishpa chacchanurca: 17 —Tucuita ushac Apunchic Dios, canta pacrachanchic, can canqui, can carcanqui, can canpac ushaita japishpa, apu tucuncapac callarishcaraicu. 18 Mama-llactacuna piñarinushca; ranti canpac piñarina pacha, huañushcacanata taripana pacha ña pactashca mari; paicunaman cunata canta yanapac profetacanaman cunquimi, canpac runacunaman canpac shutita yupaichaccuna- manpash, jatun cacpi uchilla cacpi imapash; allpata huacllichiccunata huacllichinquimi. 19 Chaipi jahua pachapi tiyac Diospac huasi pascarirca; chai huasi ucupi Dios—huan runacanahuan cunacushca shimita ricuchic Arca chaipi ricuricurca. Chaipi llinpiyashca, uyarish-cacuna, tuluncuna, allpa chausirishca, rasu muyu tallirishca tiyanurca.
1 Shuc jatun ricuna jahua pachapi ricurirca: shuc huarmi intihuan churanapi pillurishca shina, quillata paipac chaquipi charishpa, umapica chunca ishcai cuillurhuan rurashca llaututa charirca. 2 Chai huarmi chichu carca; huahua nanashcaraicu, huahuayana ñacarma tiyashcaraicu capancurca. 3 Chai huashalla cuti shuc jatun ricuna jahua pachapi ricurirca: shuc jatun puca, canchis umayuc, caran umapi llautuyuc dragón nishca ricurirca. 4 Paipac chupahuan cuillurcuna quimsapi raquishca-manta shuc raquita aisashpa, allpaman shitarca. Chai dragón huachacuc huarmipac ñaupacpi shayarirca, pai huachashca shina paipac churita micancapac. 5 Chai huarmica shuc cari huahuata huahuayarca, paimi tucui mama—llactacunata sinchi maquihuan pushanca. Ranti paipac churita quichushpa Diospac ñaupacman, paipac tiyarinaman apai tucurca; 6 chai huarmica chunlla allpaman miticushpa rirca, chaipi Dios paita pacancapac shuc huasita allichishcarca; chaipimi paita shuc huaranca ishcai patsac sucta chunca punchata carashpa charinanca. 7 Chai huasha jahua pachapi shuc macanacui tiyarca: Miguel paipac angelcunantin dragonhuan macanacunurca. Dragón paipac angelcunantin macarinurca, 8 ranti paicuna mana atinata ushanurca; chashnamanta jahua pachapi mana causana ushanurca. 9 Chashna callpachi tucurca chai jatan dragón, chai callarimanta machacui, pai Supai, Satanas shutiyuc can, pai tucuicanata umachic can. Pai, paipac tucui angelcunantin allpaman shitai tucanurca. 10 Chashnapi shuc sinchi shimi cashna rimacta uyarcani: —Diospac quishpina, paipac ushai, paipac pacha ña pactashcami, paipac Mesiasca apumi can; ñucanchic huauquicunata cautsayachicuc callpachic tucushcami, paimi tutantin punchantin Diospac ñaupacpi paicunata cautsayachi-curca. 11 Ñucanchic huauquicuna Cordero tallichishca yahuarhuan, paicuna ricsichishca shimihuan paita atmushcami; huañunata mana manchanurcachu, ashtahuan huañuna yuyaitami charinurca. 12 Shina cacpi, jahua pachacuna cancanapash chaipi causaccuna, cushiyaichic. Ranti allpapi, ñucñu yacupi causaccanamanta mana yachanicbu, supaimi piñarimanta chucchushpa cancunapacman uraicushca, pai yachan mari mana unai causanca rashcata. 13 Chai dragón allpaman jichui tucushcata ricushpa, chai cari huahuata charic huarmita japisha nishpa catirca. 14 Chai huarmita ishcai jatun huamani ricrata churanurca, pai causancapac chunlla allpapi huacaichishcaman huanpurishpa rma ushancapac, machacuimanta camman, paita quimsa huata chaupi paita carashpa charinca racushcapi. 15 Machacui yacuta shimimanta shitarca, huarmita jarcancapac; 16 ranti allpa chai huarmita yanaparca, paipac shimita pascashpa machacui paipac shimimanta shitashca yacuta illacta millpurca. 17 Chashna tucucpi, chai dragón huarmihuan piñarishpa, paipac aillucana-huan macanacucrirca, Dios rurai mshcacunata caticcunahuan, Jesucristo shuti cashcata yachachiscamanta mana chicanyashpa pmiccunahuan.
1 Chai dragón ñucñu yacu patapi shayarirca. Shuc manchaipac huihua canchis umayuc, chunca cachuyuc ñucñu yacumanta shamucta ricurcan. Caran cacnupi shuc llaututa charirca, umacunapica Diosta piñac shuticunata charirca. 2 Chai ñuca ricushca manchaipac huihua puma shina ricuric carca; paipac chaquicuna oso chaqui canurca, shimica león shimita charirca. Dragón paiman paipac ushai, paipac tiyarinata curca, yapa ushaita curca. 3 Chai mauchaipac huihuamanta shuc uma huañuncapac cuchushcata charirca; ranti chai cuchushcamanta janpi tucurca, tucui pacha mancharishpa chai manchaipac huihuata catinurca. 4 Dragonta chacchanurca chai manchaipac huihuaman ushaita cushcaraicu, chai manchaipac huihuatapashcashna nishpa chacchanurca: —¿Cai manchaipac huihua shina maicanlla tiyanchu, pillapash paihuan macanacuna ushancachu?. 5 Diosta millashpa, piñashpa chai manchaipac huihua rimancapac saquinurcalla, chuscu chunca quilla pai amu causancapac saquinurcalla. 6 Chashna pai causarca, Diosmanta mana alli rimarca, Diosta piñachic shimicunata paipac huasitapash piñaica; jahua pachapi tiyaccanamantapash mana alli rimarca. 7 Diospac runacunahuan macanacuncapacpash saquinurcalla atircapash; tucui runa, tucui llacta, tucui shimi, tucui mama—llacta paipac canurca. 8 Cai manchaipac huihuata cai allpamantarunacuna, cai pacha rurashcapi, camaripi huañuchishca Corderopac causaccunapac pancapi mana paicunapac shutita quillcachishpa chanccanami paita chaccha-nurca. 9 Maicanpashrinriyuc cashpa, uyachun: 10 —Chunta curralman rina cac, chaiman richan; mircanuhuan huañana cac mircanuhuanmi huañuchic tucanca. Chairaicu Diospac runamanta caccuna sinchicunata, ininata charina Canan. 11 Chai huasha shuc manchaipac huihua allpamanta shamucta ricurcani. Cordero cachu shina ricuriccanata charirca, ranti shuc dragón shina rimac carca. 12 Ñaupac ricuric manchaipac huihua shinallata ushaita charirca, paipac ñaupacpi, allpata tucui paipi causaccunantin, ñaupac ricuric manchaipac huihuata chacchachirca, chai huañuncapac cuchui tucushcamanchaipac huihuata. 13 Jatun mancharicushiyanacu-natapash rurashpa ricuchirca. Jahua pachamanta ninata allpamanpash urmachichirca, runacuna ricushcapi. 14 Ñaupac ricuric manchaipac huihuapac ñaupacpi paita rurachishcahuan, allpamanta runacunata umachirca; rimarca chai mircanuhuan cuchui tucushpapash chaira causacuc manchaipac huihuapac huacata rurancapac. 15 Huasha ricuric manchaipac huihuata, chaishuc manchaipac huihuapachuacata causaita cuna ushaita cunurca, chai huaca rimancapac callarishpa tucui paita mana chacchaccunata huañuchichincapac. 16 Tucuicanata, huahuacu-na, rucucuna, tucuita chariccuna, llushticuna, huataracuna, quishpiracunata yachac maquipi, lrentepi cashpa imapash, shuc mircata churachirca. 17 Chashna mana pipash rantincapac, catuncapac mana ushanurcachu, chai manchaipac huihuapac mircata, paipac shutita, paipac quillcata imapash mana charishpa. 18 Caipimi yuyayuc caccana yachanunca; maican atipac, Dragonpac pacashca cashca yupaita pacllapi churachan. Shuc runami can, paipac yupai canmi sucta patsac sucta chunca sucta.
1 Corderota Sion urcupi shayacucta ricurcani. Paihuan shuc patsac chuscu chunca chuscu huaranca runacuna frentepi Corderopac shutita paipac Yayapac shutita quillcara charinurca. 2 Chai huasha jahua pachamanta uyarishcata uyar-cani; shucpaccha uyarishca shina carca, sinchi tulun uyarishca allpaman taanacta tucushca shina; achca arpata uyachiccuna as-pishpa uyachicushca shina uyaric. 3 Shuc mushu taquinata tiyarina ñaupacpi, chuscu huihuacuna ñaupacpi, rucucuna ñaupacpi taquiranurca. Mana pipash chai taquinata yachana usharca, chai shuc patsac chuscu chanca chuscu huaranca allpa-pi causac runa ucumanta quishpichishcacunalla. 4 Caicuna huarmihuan mana tacarinurca, paicana huarmi mana camac ca-nun; Cordero maita ricpipash paita catinan. Tucui runa ucu-manta Diospac Corderopacpash ñaupac camari shina quishpichi tucanurca. 5 Mana shuc llulla rimashcahuan paicuna shimipi tupai tucunurca, mana juchayuc canan paicuna. 6 Shuc angel chaupi jahua pachapi huanpuracta ricurcani; mana tucuric shimita allpapi causaccunaman, tucui mama—llactacunaman, runacanaman, tucui shimicunama, tucui llactacunaman shuc mana tucuric huillashcata ricsichincapac apacurca. 7 Smchi shimihuan rimacurca: —Diosta manchaichic, paita chacchaichic, pai taripana pacha ñami pactashca. Jahua pachata, allpata, ñucñu yacuta, pacchacanata ruracta chacchaichic. 8 Ishcai niqui angel catishpa, caita rimacurca: —Urmarca, jatun Babilonia urmarcami, pai tucui runacunata paipac mana alli causai vinota upiachirca. 9 Chai huasha, quimsa niqui angel catirca, paica cashna sinchi shimihuan rimacurca: —Maicanpash manchaipac huihuata chacchashpa, paipac huacatapash paipac mircata frentepi maquipi imapash churachicpi, l 10 Diosmanta shamuc manchaipac ñacarinata vinotami upiana tucunca, Diosllata allichishca paipac piñari mucahuapi; nina ñacarina, azufre ñacarinami angelcunapac ñaupacpi, Corderopac ñaupacpi ñacachi tucunca. 11 Pai ñacarishca cushni huiñai huiñai sicacan; tuta puncha samana mana tiyanchu manchaipac huihuata, paipac ricchaintin chacchaccanapac, paipac shutipac mircata chasquiccanapac. 12 Chashnamanta, Diospac runa caccuna, pai rurai nishcacanata caticcuna, Jesustapash mana pantashpa caticcuna, achca sinchicanata charina canan. 13 Chashnapi jahua pachamanta shuc shimita uyarcani, cashna rimahuarca: —Caita quillcai: Cunanmanta Apunchic—huan llutarishca huañuccuna cushiyanuchun. —Ari —Diospac Samai riman—, samanuncami paicunapac llancanamanta, paicuna rurashca paicanahuan canun. 14 Nuspaipi shuc yurac puyu ricurirca, chai puyu jahuapica shuc runa shina ricuric tiyacurca. Curi llaututa umapi charirca, maquipica sumacta manñayachishca hozta charirca. 15 Diospac huasimanta cuti shuc angel llucshirca, puyupi tiyacucta sinchi shimihuan caparishpa: —Canpac hozta cuyuchishpa muyuta pallai; ña pacha pactashcaraicu, allpamanta muyupucushca can. 16 Puyupi tiyacuc paipac hozta allpapi pitishpa, muyuta pallarca. 17 Chai huasha cuti slmc angel jahua pachapi tiyac Diospac huasimanta llucshirca, paipash sumacta manñayachishca hozta charirca. 18 Altarmanta shuc angel lluchsirca, pai ninamanta mincai tucushca can. Paica sumacta manñayachishca hozta charicta caparirca: —Canpac manñayachishca hozta cuyuchishpa, allpapi tiyac uva sapicanamanta huancucunata piti, ña pucura cashcaraicu. 19 Chai angel paipac hozta allpapi picashpa, allpapi tiyac uva huancucunata pitirca; chai huasha jatun purupi shitarca chaipi chahuai tucuncapac. Chaimi Diosmanta manchaipac shamuc ñacarina. 20 Chai uyacuna chahuai tucanurca llacta canchaman; chai purumantaca yahuar liucshirca, chai yahuar caballocuna freuo nishcacamami juntarirca, quimsa pacha kilometro panpapi.
1 Cuti shuc jatun manchaipacta ricurcani: canchis angelcuna canchis puchucai huañuicanata charinacurca, chaicunahuan Diospac piñarina tucurirca. 2 Ricurcanipash shuc mama—cuchashina cristalhuan ninahuan chapuchishcata; Chai cristalmanta mama-cucha patapi shayaranurca, Dios paicanaman cushca arpacunahuan, manchai- pac huihuata, paipac ricchai, paipac shutipac quillcaintin atish- ca runacuna. 3 Diospac rana Moisespac taquinata taquiranurca, Cordeiopac taquinatapash. Cashna rimaranurca: —Tucui can rurashca jatun sumacmi can, Apunchic, tucuita ushac Dios; canpac ñancuna cusca, shuticunami canan, mama—llactacunapac Apulla. 4 ¿Canta mana manchac tiyancachu, Apunchiclla? ¿Canta mana chacchac tiyancachu maicanllaca? Canllami santo canqui; tucui mama—llactacuna shamanancami, canta chacchanancami, can cusca taripashcacuna ricurishcaraicu. 5 Chai huasha, nuspaipi ricurcani jahua pachapi Diospac huasi pascarishcata, Dios—huan runacanahuan shimi cunacush-camanta tanpu. 6 Chai Diospac huasimanta chai canchis huañuicunata charic canchis angelcana llucshinurca. Chuya, chiuclla lino churarishca canurca, pechopi curi chanpicunahuan huatarishca canurca. 7 Chuscu huihuacunamanta shuc, chai canchis angelcunaman caranma shuc curi mucahuata curca, Diosmanta shamuc manchaipac ñacarmahuan jantachishcacuna; chai huiñai mana tucurin. 8 Chai Diospac huasi Diospac ushai jatan cashcamanta cushnihuan juntarirca; mana pipash yaicuna usharca chai ucuman canchis angelcuna charishca canchis huañuicana tucurinacama.
1 Shuc sinchi shimi Diospac huasimanta llucshishpa canchis angelcunata rimarca: —Rishpa allpapi tallicrichic chai Diosmanta shamuc manchaipac ñacarmata charic canchis mucahuacunata. 2 Shuc niqui angel rishpa allpapi tallicrirca paipac mucahua charishcata; manchaipac huihuapac mircata chariccunaman, paipac ricchaita chacchaccunaman millai nanachic caracha llucshirca. 3 Ishcai niqui angel ñucñu yacupi paipac mucahuapi charishcata tallichirca; tucui ñucñu yacu yahuar tucurca, huañuchishca runapac shina, tucui ñucñu yacupi tiyac huihuacuna huañunurca. 4 Quimsa niqui angel yacucunapi, pacchacunapi paipac mucahuapi charishcata tallichirca, tucuilla yahuar tucunurca. 5 Chai huasha yacumanta angel rimashcata uyarcani: —Can cusca canqui chashna taripashcaraicu, santo Dioslla; can canqui, carcanqui, 6 paicuna yahuarta tallichishcaraicu canpac runacunamanta profetacunamantapash cunanca can paicunaman yahuarta upiachircanqui. ¡Chaita paicuna mananmca!. 7 Altarmanta caita rimashcatapash uyarcani: —Ari, Apunchic, tucuita ushac Dioslla, canmi shuti cuscata tariparcanqui. 8 Chuscu mqui angel paipac mucahuapi charishcata intipi tallichirca; intitaca runacunata ninahuan rupachina ushaita canacurca. 9 Tucuilla manchaipac rupashca saquirinurca; ranti Diosman mana ticranurcachu, paita mana chacchanurcachu, ashtahuan paita, cai huañuicunapi ushaita charicta, piñac shimicanata rimanurca. 10 Pichca niqui angel manchaipac huihuapac tiyarinapi paipac mucahuapi charishcata tallichirca, chairaicu paipac apu cana pacha yana tuta saquirirca. Runacuna nanaimantalla calluta canirinurca; 11 chashnapash mana alli ruranata mana saquinurcachu; chaipac rantimanta nanaraicu, millai carachacunaraicu jahua pachamanta Diosta piñac shimicunata rimanurca. 12 Sucta niqui angel paipac mucahuapi charishcata Eufrates yacupi tallichirca, chai yacu chaquirirca inti llucshinamanta shamuc apucuna chinpana ushancapac. 13 Dragonpac shimimanta, manchaipac huihuapac shimimanta, umachic profetapac shimimanta, quimsa ticllayuc samaicuna, janpatu shina ricuriccana llucshishcata ricurcani. 14 Mancharicushiyanacunata rurac supaicunapac samai canurca, tucuita ushac Diospac jatun punchapi macanacuncapac tucui cai pachamanta apucanata tantachincapac llucshinurca. 15 "Yuyapanquichic, shuhua shina cuncaimantami shamuni. Mana puñushpa churanantin tiyac cushiyachun; chashnami mana llushti cara purina tucunca, paipac pincaicana mana ricui tucununcachu". 16 Hebreo shimipi Armagedón mshca panpapi apucunata tantachinurca. 17 Canchis niqui angel paipac mucahuapi charishcata huairapi tallichirca, jahua pachapi tiyac Diospac huasimanta shuc sinchi shimi tiyarinamanta llucshishpa, caita rimarca: —Ña rurashcami can. 18 Chashnapi llinpiyashca, uyarishca, tuluncuna tiyarca, allpapash chucchurirca, cai pachapi runacuna causanca callarishcamanta tucui allpa chucchuimanta yalli allpa chucchui tiyashcaraicu. 19 Jatun llacta quimsapi raquirirca, cai pachamanta llactacunapash tularinurca; Diosca jatun llacta Babiloniamanta yuyarirca, pai piñarishpa cachamushca ñacachic vinota upiachincapac. 20 Tucui islacana urcucanapash chincarinurca; 21 jahua pachamanta jatun rasu paquicuna, shuc quintal tupu llashaccuna, runa jahuapi urmanurca, runacanaca rasu huañuiraicu Diosta piñanurca; jatanmi carca chai ñacarina.
1 Canchis mucahuata chariccunamanta shuc angel, ñucaman shamushpa rimahuarca: —Ricuc shamui, yacu jahuapi tiyacuc nuspa huarmi ñacarinca rashcata. 2 Cai pachamanta apucuna yumashpa paihuan juchallinushca, cai allpamanta runacuna paita huañupashpa ricushpa paipac vinota upiashpa machanacurca. 3 Chai huasha, chunlla allpaman pushahuarca: chaica shuc mushu nuspai carca. Chaipi shuc huarmi shuc manchaipac puca huihua jahuapi tiyacurca, chai Diosta piñac shuticunallahuan quillpashca carca; canchis umayuc, chunca cachuyuc carca. 4 Chai huarmi puca ansa pucari churanahuan churarishca carca; curihuan, sumac ricuric rumicunahuan, perlacunahuan huallcarishca carca. Curi mucahuata maquipi charirca; millaipaccunahuan, ticllacunahuan, pai yumashpa juchallishcacanahuan juntachishca carca; 5 chairapash shuc mana yachaipac shutita paipac Irentepi quillcashcatacharirca: "Jatan Babilonia, nuspacunapac mama, tucui cai allpapi mana alli tiyashcamanta mama". 6 Chai huasha atiparcani chai huarmi machac cashcata Diospac runacunapac yahuarhuan, Jesuspac ricuyac cashcamanta huañuchi tucuccunapac yahuarhuan. Paitaricushpa yapa mancharircani. 7 Chashnapi chai angel ranahuarca: —¿Canpacca manCharipacchu? Chai huarmipac, paita apacuc manchaipac canchis umayuc, chunca cachuyuc huihuapac pacara yachaitami canta ricsichinca rani. 8 Chai can ricushca manchaipac huihua ñaupacausarcami, cunan ña mana causanchu; chashnapash, huaicumanta sicanca ran pai chaira mana allipacha huacllichi tucushcallapita. Allpamanta runacu-na, cai pacha rurai tucushcamanta causacanapac quillcapi paicunapac shuti mana quillcashca chariccuna, mancharinunca-mi chai manchaipac huihua ñaupa causac, cunan mana tiyac cuti ticramucpi. 9 "Caipi ansa tiyan atipaccunata yuyachincapac: Canchis umacuna, canchis urcucana canun, chai huarmi tiyacushcacuna; chashnallata chai canchis umacuna, canchis apucuna canun. 10 Chaicunamanta pichcacana ña chincarmushca; shucca chaipi can; shucca chaira mana shamushca; pai pactamushpa mana unaichu causanca. 11 Chai ñaupa causac, canan ña mana tiyac manchaipac huihua, pusac niqui apu cau; chashna cashpallata canchiscunamanta can, paica chicapac chincarinaman mayanyacun. 12 "Can ricushca chunca cachucuna chunca apucuna canun, paicuna chaira mana apu tucunacushca; shinapash ansashitu apu tucununcami, manchaipac huihuahuan pacta. 13 Cai chunca apucuna chai yuyaillata charinun, paicuna ushaita, paicuna apu cashcata manchaipaca huihuaman cununca. 14 Corderohuanmi macarinunca, ranti Corderoca paicunata atmcami, Dios cayashcacunata acllashcacanatapash paihuan charishpa; Corderoca apucanapac Apu, curacacunapac Curacami can". 15 Chai angel caitapash rimahuarca: —Can ricushca nuspa huarmi tiyacushca yacucuna, llactacuna, runacuna, shimicuna, mama—llactacunami canun. 16 Can manchaipac huihuapi ricushca chunca cachucuna nuspa huarmita chicnmuncami, jichushpa llushtitami saquinunca; paipac aichata micununca, ninahuanpashmi rupachinunca. 17 Dios paicunapac shuncupi pai manashcata rurana yuyaita churashca; shuclla yuyaita japishpa, manchaipac huihuaman paicuna apu cashcata cununca Dios rimashca pactarinacama. 18 Can ricushca huarmi cai pachamanta apucunata paipac maquipi charic jatan llactami can.
1 Chai huasha, shuc angel jahua pachamanta uraicunata ricurcani; yapa ushaita charirca, allpapash paipac llinpic—huan punchaclla saquirirca. 2 Smchi shimihuan caparirca: —Jatun Babilonia urmarca, urmarca. Supaicunapac huasi tucushca; tucui laya ticllayuc samaicunapac huasi; millaipac, ticllayuc pumacunapac huasi. 3 Tucui pai juchallichishca mama—llactacana vinota upiashpa machanurca; cai pachamanta apucana paihuan yumashpa juchallmurca, cai pachapi catushpa cullquiyuccuna pai yapalla cullqui jichushcahuan cullquisapa tucunurca. 4 Jahua pachamanta cuti shuc shimita, cashna uyarcani: —Cancuna ñuca runacuna, chai llactamanta llucshichi cama paicunahuan juchallincapac, paicunapac huañuicuna cancunatapash ama pactancapac; 5 paicunapacjuchacuna jahua pachacamami tantarishca; Diosca paicana mana alli rashcata mana cuncarishcachu. 6 Pai shuccunaman cushca shinallata cuichic; paicushcamanta ishcai cuti tupu yapachishpa ticra-cnicnic; ishcaicuti ashtanuan yalli sinchita pai shuccunapacta chapuchishcata paipacta chapuchichic; 7 paita nanaita cuichic, ñacachichic pai jatanyarishca tuputa, pai cullquita jichushca tu-puta. Paica paipac shuncupi rimanmi: 'Caipimi shuc apu shina tiyacuni. Mana huacchachu cani. mana ñacarishachu'. 8 Chairaicu shuc punchallapi paipac huañuicuna paiman pacta-nuncami: huanuna, llaquirina, yaricai; ninapi rupachishcami canca; paitacautsayachic Dios tucuita ushac cashcaraicu. 9 Paihuan yumashpa juchallic cai pachamanta apucuna, paihuan cullquita tucuchiccuna, pai mpashca cushnita ricushpa huacanuncami, llaquirinuncami pairaicu. 10 Carulla saquirinun-ca nacacnic tucunata machashpa; cashnami rimanunca: —¡Ai, ai jatun llacta, Babilonia, ushayuc llacta! Ñahui pin 11 Cai pachamanta catuccunapash huacanuncami, liaquirinuncami chai liactaraicu, paicana catunata mana piman catuna ushashcaraicu: 12 paicuna apamushca curi, cullqui, sumac ricuric rumicuna, perlacuna, linomanta sumac churanacuna, sedamanta churana, quiquin puca, ansa pucari churanacuna; sumac ashnac caspicuna; marfilmanta rurashca imacunapash, munaipac caspimanta rurashca imacunapash, antamanta, jillaimanta, marmol nishcamanta; 13 paicuna apamushca ishpincu, sumac ashnac muyucuna; sumirta, mirra nishca, ashnac yacucuna; vino, huira, harina, trigo; jatun huacracuna, uclulla huacracuna, caballocana, canocuna, huatara mnacuna, yanapac runacuna. 14 Paicuna rimanuncami: —Ña mana tiyanchu can yapa munashca mishqui muyucuna; ña chicapac can sumac tiyanata, can achca charishcata chincachircanquimi. 15 Tucui chaicunata catuccana, llactaraicu cullquiyuccuna, pai ñacachi tucushcata manchashpa carulla saquirinunca, huacashpa, llaquirishpa, 16 cashnapashmirimananca: —¡Ai, ai jatun llacta! Sumac linohuan churarishca shina ricurirca, puca, pucari churanahuan churarishca, curihuan, perlacanahuan, sumac ricuric rumicunahuan sumacyaChishca. 17 ¡Ñahui pin rashcapi chai tacui achca tiyashca illacta tucurishca! BarcoCunamanta tucui apucuna, tucur allpa mayan shina yacuta puriccuna, marinero nishcacuna, tucui ñucñu yacupi purishpa cullquiyaccuna, caruyashca saquirinurca; 18 chashna, llacta rupashcamanta cushnita ricushpa, caparinurca: —¿Maican llactapash cai llacta shina tiyarcachu?. 19 Chashna rimashpa, umapi ushpata churarishpa, huacashpa llaquirishpa, cashnacaparinurca: —¡Ai, ai jatun llacta! Pai tucui charishcahuan ñucñu yacupi barcota chariccuna cullquiyanurca. ¡Ñahui pin rashcapi iIlacta huacllichi tucushcal. 20 Chai llactaraicu, can jahua paChalla, cushiyai; cancunapash cushiyaichic, Diospac runacuna caccuna, apostolcunapash, profetacanapash, Dios paita cautsayachishpa, cancunaraicumi taripashca. 21 Chaipi shuc ushayuc angel shuc rumita jatachirca; chai rumi jatun cutana rumi shina carca, paita ñucñu yacuman shitashpa rimarca: —Cashnami can tulachi tucunqui, Babilonia, can jatan llacta, mana cuti canta ricununcachu. 22 Mana cuti arpa aspishca, pincullucuna uyachishca, trompetacuna uyachishca musica mana uyarincachu, manapi llancac canpi tiyancachu, cutana rumi uyarishcapash canpi mana uyarincachu. 23 Mana cuti canpi shuc chinpusullapash linpiyancachu, sahuariccuna raimishpa tulupushcapash ña mana uyarincachu, canpi catuccuna cai pachamanta ushayuccuna, can sacrashcacunahuan tucui mama—llactacunata umachishca cacpipash. 24 Chai llactapimi profetacunapac, Diospac runacunapac, tucui cai pachapi huañuchishcacanapac yahuar tuparishca.
1 Chai huasha, jahua pachapi achca runa cashna rimashcata uyarcani: —Apancluc chacchashca cachun. Quishpichina, jatanyana, ushai ñucanchic Diospacmi can, 2 paica cusca, shutita taripac mari can; mana ushaipac nuspa huarmita cautsayachishca mari, paimi paipac mana alli causaihuan pachata huacllichirca; Diosmi paipac runacana huañushcamicu chai huarmita ñacachirca". 3 Chai huasha cuti rimanacurca: —¡Apunchic chacchashca cachun! Nuspa huarmita rupachishcamanta cushni huiñai huiñai sicarancallami. 4 Ishcai chuscu rucucuna, chuscu causac huihuacunantin, allpacama cummishpa Diosta chacchanurca, paipac tiyarinapi tiyacucta. Cashna rimanurca: —¡Chashna cachan! ¡Apunchic chacchashca cachun!. 5 Chashnapi tiyarinamanta cashna rimashca uyarirca: —¡Tucui cancuna ñucanchic Diosta chacchaichic, uchillacuna jatancanantm, tucui cancuna paita yanapaccuna, paita yupaichaccana!". 6 Achca runapac shimita shinapash uyarcani, shuc paccha uyarishca shina, sinchi tuluncana shina. Caita rimaranurca: —¡Apanchic chacchashca cachan! Pai apu tucunca callarishcaraicu, ñucanchic tucuita ushac Dios. 7 Cushiyashun, cushiyashcahuan juntarishpa paita jatunyachishun, Cordero sahuarina pacha pactashcaraicu. Paipac huarmi alhchirishcami: 8 paita cuyanushca sumac lmomanta churarmata, chuya, llinpicta; chai linoca Diospac ranacana cusca causashca ricuchicmi can. 9 Angel rimahuarca: —Quillcai: 'Cordero sahuarina raimiman cayashcacuna cushiyanuchun'. Caitapash rimarca: —Chaicunami Dios alli shutipacha rimashca shimicuna canun. 10 Angelpac chaquipi cancurircani, paita chacchancapac, ranti pai rimahuarca: —Chaita ama rurarchu, ñucaca can shina, canpac huauquicuna shina Diosta yanapacmi cani, paicuna Jesus ricsichishcata cuscata catiranun. Diosta chacchai. Profetacunami Jesus yachachishcata huacaichinan. 11 Jahua pacha pascarishcapi ricurcani; chaipi shuc yurac caballo ricurirca, paipac jahuapi tiyacucpac shuti Cusca, Shuti carca, pai cuscata apacushcaraicu cuscatapash macanacushcarai-cu. 12 Paipac ñahuicuna nina shina llinpiyac canurca, umapi achca llautucunata charirca, pailla ricsishca shutitapash quillcashcata charirca. 13 Paipac churana yahuarpi jucuchishca carca, paipac shutica "Diospac Shimi" carca. 14 Jahua pachamanta soldadocuna, sumac lino churarishcacuna, yurac, chuya, yurac caballo jahuapi canurca. 15 Paicuna shimimanta shuc alli manñayachishca mircanu llucshirarca, mama— llactacunata chaihuan cuchuncapac. Paicunata sinchi maquihuanmi pushanca. Uvata chahuashca shina, jaitashca shinami paicunata taripanca, tucuita ushac Diosmanta manchaipac shamuc ñacarina vinotami paicunata upiachinca. 16 Paipac maquipi chancapipash cashna quillcarata charirca: "Curacanapac Curaca, apucunapac Apu". 17 Shuc angel, intipi shayarishpa jahua pachata huanpurac ancacanata sinchi shimihuan caparirca: —Shamuichic, tantarichic Diospac jatun micunapi micuncapac, 18 reicunapac, soldado apucunapac, sinchi mnacunapac aichata, caballocanapac aichata, paicunapac jahua-pi puriccunapac aichantm, tacuicunapac aicha; quishpiracuna- pac aicha, jatuncanapac, uchillacunapacaichata micancapac. 19 Manchaipac huihuata ricurcani, pachamanta apucunan-tin paicanapac soldadounantin, paicuna tantarmushcarca yurac caballopi tiyacuc—huan, paipac soldadccanahuan macarincapac. 20 Chai manchaipac huihua japi tucurca, paipac ñaupacpi mancharicushiyanata rurac umachic profetantin. Chai umachic profeta pai rurashcacunahuan chai manchaipac huihuapac mir-cata churachi tucuc runacanata paipac ricchaita chacchacunata-pash umachishcarCa. Chaipi chai manchaipac huihua umachi profetantin azufre rupacushca cuchapi causaccuna shitai tucu-nurca. 21 Chai shuccunaca caballo jahuapi tiyacucpac shimi-manta llucshic mircanuhuan huañuchi tucunurca; chaipi tucui ancacuna paicuna aichahuan mana ushaipac sacsanurca.
1 Jahua pachamanta shuc angel uraicumucta ricurcani, huaicumanta llaveta apamucurca, shuc jatun jillai huascata maquipi charirca. 2 Chai angel dragonta huatarca, chai calIarimanta machacui, pai supai can Satanas nishca, shuc huaranca huatapac jillai huascahuan huatarca. 3 Huaicuman shitashpa, chaipi paita huichcarca, puncupi shuc sellota churarca ama mama-llactacunata umachincapac shuc huaranca huata pactarinacama; chai huatacuna pactarishcapi mana anaipac cachari tucuncami. 4 Tiyarinacunata ricurcani, taripanca raccuna chaicunapi tiyaranurca. Chai huasha, Jesuspac ricuyaccuna cashcaraicu, Diospac shimita yachachishcaraicu umata piti tucuccanapac almacunata ricurcani. Paicanaca manchaipac huihuata mana chacchanushcarcachu; paipac ricchaitapash, paipac mircatapash frentepi, maquipi imapash mana churachinushcarcachu. Ricurcani paicuna cuti causanca callarishcata, shuc huaranca huata apu tucunurca Cristohuan. 5 Ranti shuc huañushcacuna huaranca huata pactarishcacama mana causarmurcachu. Chai ñaupac huañushcamanta cansarina can. 6 Ñaupac causarmata chariccuna cushiyanuchun, paicuna Diospac ranacana mari canun. Ishcai niqui huañui paicunapi ushaita mana charinchu, paicuna ashtahuan Diospac Cristopac pacriyayacunami cananca, paihuanmi shuc huaranca huata causanunca. 7 Shuc huaranca huata pactarishcapi, huatara cashcamanta Satanas cachari tucuncami, 8 Tucui pachapi tiyac mama-llactacunamanta runacuanta umachincapacmi llucshinca; Gogta, Magogtapash umachincapacmi llucshinca, paipac soldadocanata, ñucñu yacu patapi tiyac tiyu shina achcacunata-mi macanacancapac tantachinca. 9 Allpa ricurishcata sicanuica, Diospac runacana causana huasicunata muyuchinurca, pai llaquishca llactatapash. Ranti jahua pachamanta nina urmamushpa illacta paicunata rupachirca. 10 Paicunata umachic supaica nina azufreyuc cuchaman shitai tucurca, manchaipac huihua, umachic profeta shitai tucushcamanllata. Chaipimi huiñai huiñai tutantin punchantm ñacachi tucanunca. 11 Shuc jatun yurac tiyarinata ricurcani chaipi tiya cuctapash ricurcani. Paipac ñaupacpi cai pacha jahua pachantm alli pacha chincarinurca, ña maipipash mana ricurinurcachu. 12 Huañushcacanata ricurcani, jatuncuna uchillacunapash tiyarina ñapacpi shayaranurca; pancacuna pascai tucunurca, shuc pancapash pascai tucurca, chaica causaccunapac panca can. Huañushcacuna taripai tucunurca paicuna rurashcata ricushpa, chai pancacunapi quillcara tiyashcata ricushpa. 13 Ñucñu yacu paipi huañuccanata cutichirca, huañui pachapash paipi tiyac huañushcacunata cutichirca; caranlla taripai tucunurca caran amu rurashcata ricushpa. 14 Chai huasha huañui pacha nina cuchaman shitai tucurca. Cai nina cucha ishcai niqui huañui can; 15 causaccunapac pancapi mana paicunapac shutita quillcashcata chariccana chaiman shitai tucunurca.
1 Chai huasha mushu jahua pachata, mushu allpata ricurcani; ñaupa tiyac jahua pacha allpapash chincari-nushcarca, ñucñu yacupash. 2 Santo llactata ricurcani, mushu Jerusalenta, jahua pachamanta, Diospac ñaupacmanta uraicu-curca. Sahuarinca racuc huarmi cusapac allichirishca shina carca. 3 Shuc sinchi shimita tiyarinamanta cashna rimacta uyarcani: —Cunan Dios runacunahuan causan. Paicunahuanmi cau-sanca, paicuna paipac runacunami canunca, Diosllatami paicu-nahuan paicunapac Dios shina tiyanca. 4 Tucui paicuna hua-cashcata paimi chaquichinca, huañui ña mana tiyanchu, huacai, llaquirina nanaipash; tucui ñaupa tiyac cunan tucurishcaraicu. 5 Tiyarinapi tiyacuc rimarca: —Ñucami tucui imacanata mushuyachini. Caitapash nirca: —Quillcai, cai shimicuna uyana canan, shutimi canun". 6 Chai huasha rimahuarca: —Ña rurashcami can. Ñucami alfa omegapash cani, callarina, tucurinapash. Pipash upianayacpi causac paccha yacumantami, yanca upiachisha. 7 Atic runa tucui chaicunata-mi japinca ran; ñucaca paipac Dios casha, paica ñuca churi. 8 Ranti sanpacuna, mana iniccuna, millaipaccuna, runa huañuchiccana, yumashpa juchalliccuna, sacrachishpa puriccu-na, huacacanata chacchaccuna, tucui llullaisiquicanapash rupac azufreyuc cuchamanmi rina tucununca; chaimi ishcai niqui huañui can. 9 Canchis angelcunamanta shuc, chai canchis mucahuata canchis huañuicunahuan juntachishcata charic ñucaman mayanyashpa rimahuarca: —Shamui, sahuarmca racuc huarmita ricuchishcanqui, Corderopac huarmita. 10 Samai ricuchishca nuspaipi, chai angel shuc jatun jahua urcuman pushahuarca; jatun santo Jerusalen llactata ricuchihuarca, jahua pachamanta Diospac ñaupacmanta uraicucurca. 11 Dios llinpiyashcahuan llacta achicyacurca; pai achicyashca shuc sumac rumi achicyashca shina carca, jaspemanta rumi shina, cristal shina chuyac. 12 Llacta luyucta shuc jatan, jahua quincha tiyarca, shunca ishcai puncucunata charirca, caran puncupi shuc angel tiyarca; chai puncucanapi chunca ishcai Israelmanta huancurishca aillucunapac shuticana quillcashca tiyarca. 13 Quimsa puncu inti llucshinaman ñahuichashca canurca, quimsa uraiman, quimsa huichaiman, quimsa inti chincarinaman. 14 Chai llacta quincha chunca ishcai rumimanta sapicunata charirca, chaicunapi Corderopac chunca ishcai apostolcanapac shuticuna quillcara tiyanurca. 15 Ñucahuan rimaricuc angel curi caspita charirca llactata tupuncapac, puncucunata quinchatapash. 16 Chai llactapac chuscu mayancana chaipuralla canurca. Angel paipac caspihuan llactata tupurca: ishcai huaranca ishcai patsac kilometrocuna charirca; paipac chuscu mayancuna jahuamanpash chashnallata. 17 Chai huasha quinchata tupurca: sucta chunca pichca metrocuna charirca, runa yachai tupunami yuyarishpa chai angeltupucpi. 18 Jaspe rumimanta rurashca carca chai quincha, llactaca curimantalla carca, chuya cristal shina ricuric 19 Quinchamanta rumi sapicuna, tucui laya sumac ricuric rumicunahuan sumacyachishca carca; shuc niqui sapi, jaspehuan; ishcai niquica, zafirohuan; quimsa niquica, agatahuan; chuscu niquica, esmeraldahuan; 20 pichca niquica, onicehuan; sucta niquica, cornalinahuan; canchis niquica, crisolitohuan; pusac niquica, berilohuan; iscun niquica, topaciohuan; chunca niquica, crisoprasahuan; chunca shuc niquica, jacintohuan; chunca ishcai niquica, amatistahuan. 21 Chunca ishcai puncucuna chunca ishcai perla canurca; caran puncu shuc perlamantalla rurashca carca. Llactamanta jatun ñan curimanta carca, cristal shina chuya curimanta. 22 Llactapi mana maipi Diospac huasita ricurcanichu, tucuita ushac Apunchic Dios Corderontin paipac huasi cashcaraicu. 23 Llacta intita quillatapash mana mutsanchu paita ricuchincapac, Dios llinpiyashca paita ricuchishcaraicu, paipac achic Cordero cashcaraicu. 24 Mama—llactacuna llacta ricuchishcahuanmi purinunca, pachamanta apucunaca tucui paicuna charishcata paimanmi cununca. 25 Paipac puncucuna tucui puncha mana huichcai tucununcachu, chai llactapi tuta mana tiyancachu. 26 Paicuna jatun cashcata, tucui paicuna charishcata paiman cununca; 27 shinapash, mana maican punchapash ticllayuc paiman yaicuncachu, millaipaccunata ruracpash umachicpash. Corderopac causai pancapi shutita chariccanallami chaiman yaicananca.
1 Angel chai huasha Causai Yacuta ricuchihuarca. Cristal shina chuya carca, chai yacu Diospac Corderopac tiyarinamanta llucshicurca. 2 Chaupi llactacunamanta jatun ñanpipi, chai yacu ishcantin patapi, causai yura shayan, caran quilla aparin, rimacpica, chunca ishcai cuti caran huata; paipac pancacunaca mama—llactacunata janpincapac alli canun. 3 Chaipi mana imapash maldisiashca tiyancachu. Diospac tiyarina Corderopantin llactapimi canca, paipac runacuna paita chacchanuncami. 4 Quiquin ñahuipurami paitaricanunca, paipac shutitapash Irentapimi apai cachanunca. 5 Tuta chaipi mana tiyancachu; chaipi causaccunapash chinpusu achicta inti achictapash mana mutsununcachu, Apunchic Dios paipac achicta paicunaman cushcaraicu; paicunami huiñai chaipi cansanunca. 6 Angel rimahuarca: —Cai shimicuna uyai tucunami canun, shutimi canun. Apanchic Dios, profetacunaman yuyaita cuc, paipac angel cachashca paipac runacunaman manapash unaipi tucunca rashcata ricsichincapac. 7 —Mana unayashachu. Tucunca rashcamanta cai pancapi rimashcata uyac cushiyachun. 8 Ñuca, Juan, ricurcani, uyarcani tucui chaicanata. Tucui ricushpa uyashca huasha, ricuchihuac angelpac chaquipi cuncurircani, paita chacchancapac. 9 Ranti pai cashna nihuarca: —Chaitaca ama ruraichu, ñucaca Diosta yanapac cani can shina, canpac huauquicuna, profetacuna, cai pancapi quillcashcata tucui pactachiccuna shina. Diosta chacchai. 10 Caitapash nihuarca: —Tucunca rashcamanta cai pancapi rimashcata ama canlla pacaichu, ña mayanllami chai pactarina. 11 Saquilla millai runa paipac ruraihuan catichun, ticllayuc runa paipac ticllapi catichun; ranti alli runa allicanata rurashpa catichun, Diosta catic runa ama pantashpa paita caticuchunll. 12 —Ari, utcallami pactamusha, cuyaitami apamusha caranman amu rurashca tuputa cuncapac. 13 Ñucami alfa omegapash cani, tucuimanta ñaupac, tucuimanta huasha, callarina, tucurma. 14 Churanata tacshaccuna cushiyanuchun; causai yura paicunapacmi canca, llactamanta pancucunapash paicunapacca pascarami canca. 15 Allcucuna, sacracuna, ticllayuccuna, runa huañuchiccuna, huacata chacchaccuna, tucui llullahuan causac ranacuna canchaman saquirinanca. 16 —Ñuca, Jesus, ñuca angelta cachashcanimi iniccunata chaimanta rimancapac. Ñucami cunan huiñaric Davidpac aillumanta cani. Ñucami tutamanta llinpic cuillur cani. 17 Diospac Samai, Corderopac huarmintin caita rimanun: —Shamui. Uyacpash rimachun: —Shamui. Upianaita charic mayanyachun, maicanpash munashpa. Causai yacuta cuyashcata chasquichun. 18 Tucunca rashcamanta cai pancapi quillcashcata uyaccunata caitami rimani: Pipash caipi quillcashcata yapachicpi, Diosmi caipi quillcashca huañuicunata paiman cachanca. 19 Pipash cai pancapi tucunca rashcamanta quillcashca shimita anchuchicpi, Diosmi pai causai yurata charina cashcamanta, santo llactamanta chicanyachinca; cai pancapi chaicana quillcashca tiyanun. 20 Chai shimicunamanta ricuyac tucuc rimanmi: —Ari, utcallami pactanca rani. Chashna cachun. ¡Apunchic Jesus shamui! 21 Apunchic Jesus tucui cancunapi paipac cuyaita tallichichun.